02/09/2024
“ပေါ်လိုက် ပျောက်လိုက် ရာသီရက်”
ရာသီရက်က ထိမ်တာလည်း မဟုတ်၊ ပုံမှန်လားဆိုတော့လည်း မဟုတ်၊ ပေါ်လိုက် ပျောက်လိုက်ဖြစ်နေပြီဆိုရင် စိတ်ညစ်ရပါတယ်။ ဒီလိုဖြစ်ရတာက ရာသီမမှန်တာထက် ရာသီစက်ဝန်းရဲ့ ရက် မမှန်တာကြောင့်ဆိုရင် ပိုမှန်ပါတယ်။
အများစုက ၂၈ရက်တစ်ခါ ရာသီလာကြပါတယ်။ အတိုးအလျှော့လေးတော့ ရှိပါတယ်။ ဒီလိုမဟုတ်ဘဲ ၂၁ရက် မပြည့်ခင် ရာသီလာမယ်။ ၃၅ရက်မှတစ်ခါ လာမယ်ဆိုရင် ရာသီလာတာက ကမောက်ကမ ဖြစ်ကုန်မှာပါ။ ဒီလိုနဲ့ တစ်လတည်းကို ၂ခါလာသွားတာတယ်တို့၊ ဒီလမလာဘဲ နောက်လထဲကို တော်တော်ကျော်သွားတယ်ဆိုတာတို့ ဖြစ်လာတာပါ။
ဒီလို မမှန်ရတဲ့ အကြောင်းရင်းတွေထဲမှာ တချို့ကတော့ စိုးရိမ်စရာ မရှိပါဘူး။ တချို့ကတော့ ရောဂါကြောင့် မမှန်တာပါ။
စိုးရိမ်စရာမလိုတဲ့ အကြောင်းရင်းတွေက
-ပျိုဖော်ဝင်ခါစ
-သွေးဆုံးခါနီး
-တားဆေးတွေ စသုံးတဲ့အချိန်
-စိတ်ဖိစီးမှုများတာ
-လေ့ကျင့်ခန်း အလွန်အကျွံလုပ်တာ
-ကိုယ်အလေးချိန်အတက်အကျ ကြမ်းတာ စတာတွေကြောင့် ဖြစ်ပါတယ်။ ဒါတွေကတော့ သိပ်စိုးရိမ်စရာ မလိုပါဘူး။
ရောဂါအနေနဲ့ ဆိုရင်တော့
-PCOS လို့ခေါ်တဲ့ သားဥအိမ်အရည်အိတ်တည်တဲ့ ရောဂါစု
-သားအိမ်တစ်ရှူး နေရာမှားတဲ့ ရောဂါ
-သားအိမ်ခေါင်း ဒါမှမဟုတ် သားအိမ်ကင်ဆာ
-သိုင်းရွိုက်ရောဂါ
-မိန်းမကိုယ်အတွင်းပိုင်း ပိုးဝင်ရောင်ရမ်းတာ စတာတွေလည်း ဖြစ်နိုင်ပါတယ်။
Crd
#သားအိမ်ကျန်းမာရေး
#မျှဝေပါသည် #အမျိုးသမီးကျန်းမာရေးအတွက်
#အညာမြေပင်ရင်းတိုက်ရိုက်လက်လီလက်ကား
