Htun Thida Pharmacy - ထွန်းသီတာ ဆေးဆိုင်

30/08/2023

https://m.facebook.com/story.php?story_fbid=290187400324525&id=100079998017727&mibextid=Nif5oz

လေဖြတ် ကာကွယ်ဆေး ထိုးကြမလား

လေဖြတ် ရောဂါကို ကာကွယ်ဆေးထိုးပြီး ကာကွယ်လို့ရတယ်ဆိုတာ ကြားဖူးပါသလား။ ပတ်ဝန်းကျင်မှာရော သူများတွေသွားထိုးတာကို မြင်ဖူးပါသလား။ သွေးတိုးရောဂါရှိနေတာ လေမဖြတ်အောင် ကာကွယ်ဆေးသွားထိုးပါလားလို့ အပြောခံရဘူးလား။ တကယ်ပဲ ကာကွယ်လို့ရတယ်လို့ထင်ပါသလား။

တစ်ခါတစ်ခါ သိန်းချီပေးပြီးထိုးနေရတဲ့ ဒီကာကွယ်ဆေးတွေက တကယ်ပဲ မကာကွယ်နိုင်ဘူးဆိုရင် ဘယ်လိုလုပ်မလဲ။ ဘယ်လိုပဲဖြစ်ဖြစ် အဖြစ်များတဲ့၊ အသက်အန္တရာယ်ရှိတဲ့ လေဖြတ် ရောဂါကို ကာကွယ်ချင်တာ လူတိုင်းရဲ့ ဆန္ဒပါ။ ဒါပေမယ့် တကယ့်ကာကွယ်နည်းက သပ်သပ်ရှိနေပါတယ်။ ဒါဘာလဲဆိုတာ ဆက်ကြည့်ရအောင်။

💠 လေဖြတ် တယ်ဆိုတာဘာလဲ

လေဖြတ် တယ်ဆိုတာ ဦးနှောက်ကို သွေးကောင်းကောင်းမရောက်လို့ ဦးနှောက်သားပုပ်သွားတာပါ။ သွေးကြောပေါက်လို့ ဖြစ်နိုင်သလို၊ သွေးခဲပိတ်လို့လည်း ဖြစ်နိုင်ပါတယ်။ အသက်အန္တရာယ်မထိခိုက်ရင်တောင်မှ အားလုံးသိတဲ့အတိုင်း လူက အကောင်းအတိုင်းပြန်ဖြစ်ဖို့ တော်တော်အချိန်ယူရမှာပါ။

💠 ဘယ်သူတွေပိုဖြစ်နိုင်လဲ

▫ အဝလွန်တဲ့သူတွေ
▫ အရက်အလွန်အကျွံသောက်တဲ့သူတွေ
▫ ဆေးလိပ်သောက်တဲ့သူတွေ
▫ မူးယစ်ဆေးသုံးတဲ့သူတွေ
▫ သွေးတိုးတဲ့သူတွေ
▫ ကိုလက်စထရောများတဲ့သူတွေ
▫ ဆီးချိုရောဂါရှိသူတွေ
▫ အိပ်ဟောက်ရှူရပ်ရောဂါရှိတဲ့သူတွေ
▫ မျိုးရိုးရှိတဲ့သူတွေမှာ ပိုဖြစ်နိုင်ပါတယ်။

💠 လေဖြတ် ကာကွယ်ဆေး ဆိုတာဘာလဲ

ခုပတ်ဝန်းကျင်မှာ ထိုးထိုးနေကြတဲ့ လေဖြတ်ကာကွယ်ဆေးဆိုတာ တကယ်တော့ အလွယ်ပြောရရင် ဦးနှောက်အားဖြည့်ဆေးလို့ပြောလို့ရပါတယ်။ တချို့က အတက်ကျဆေးတွေ၊ မှတ်ဉာဏ်မေ့တာကို ကုသတဲ့ ဆေးတွေပါ။ အများဆုံးသုံးကြတာတော့ -

- Citicoline
- Piracetam
- Cerebrolysinစတဲ့ ဆေးတွေပဲဖြစ်ပါတယ်။ ဒီဆေးတွေမှာ ဘာအာနိသင်ရှိလို့ ဒီလိုသုံးရတာလဲဆိုတာ ဆက်ကြည့်ရအောင်။

♦ Citicoline

Citicolineဆိုတာ ဦးနှောက်မှာ ပုံမှန်လည်း ရှိနေတဲ့ ဓာတ်တစ်မျိုးပါ။ စားဆေးရော၊ ထိုးဆေးရောလာပါတယ်။ သူက မှတ်ဉာဏ်ချို့တဲ့တာ၊ ပါကင်ဆန်ရောဂါ၊ အယ်ဇိုင်းမားရောဂါ၊ မျက်စိတိမ်စွဲတာတွေမှာသုံးပါတယ်။ သူ့ကို dietary supplement (ဖြည့်စွက်စာ)အနေနဲ့ သုံးပါတယ်။ အလွယ်ပြောရရင် ဦးနှောက်အားဆေးပေါ့။ အသက်ကြီးတဲ့သူတွေမှာ ဒီဓာတ်နည်းတယ်လို့ ယူဆတဲ့အတွက် ဖြည့်စွက်စာအနေနဲ့ ပေးကြတာပါ။ လေဖြတ်တဲ့နေရာမှာ မသုံးဘူးလားဆိုတော့ လေဖြတ်ပြီးလို့ မြန်မြန်သက်သာလာစေဖို့အတွက်တော့ သုံးကြပါတယ်။ ဒါပေမယ့် သူက လေဖြတ်တာကို ကုသတဲ့နေရာမှာ အဓိကဆေးမဟုတ်သလို လေဖြတ်တာကိုလည်း မကာကွယ်နိုင်ပါဘူး။

♦ Piracetam

Piracetamဆိုတာ အလွယ်ပြောရရင် အာရုံကြောဆေးပါပဲ။ ဘယ်မှာသုံးလဲဆိုတော့ ဦးနှောက်ရဲ့လုပ်ငန်းဆောင်တာတွေကောင်းဖို့၊ ဆဲလ်တွေကောင်းကောင်းအလုပ်လုပ်နိုင်ဖို့ သုံးတာပါ။နောက်ပြီး စာရေးစာဖတ်ခက်ခဲတဲ့ရောဂါ၊ အတက်ရောဂါတွေ၊ မှတ်ဉာဏ်ချို့တဲ့တဲ့ရောဂါနဲ့ အယ်လ်ဇိုင်းမားရောဂါတွေမှာလည်းသုံးပါတယ်။ ဒါကိုကြည့်မယ်ဆိုရင် လေဖြတ်ရောဂါအတွက် ဒီဆေးက ဘာမှမလုပ်ပေးနိုင်ဘူးဆိုတာတွေ့ရမှာပါ။

♦ Cerebrolysin

Cerebrolysinဆိုတာလည် အလွယ်ပြောရရင်ဦးနှောက်အားတိုးဆေးပဲဖြစ်ပြီး အမိုင်နိုအက်စစ်နဲ့ ပရိုတင်းတွေပါဝင်ပါတယ်။ သူက ဦးခေါင်းဒဏ်ရာရပြီးတဲ့ နောက်မှာ မြန်မြန်နာလန်ထူအောင်၊ မှတ်ဉာဏ်ချို့တဲ့တာသက်သာအောင် (ဒါကလည်း သေချာသက်သေမပြရသေးပါဘူး)၊ အယ်လ်ဇိုင်းမားရောဂါသက်သာအောင်ဆိုပြီး သုံးကြတာပါ။ နောက်ပြီး လေဖြတ်ပြီးတဲ့သူတွေမှာ မြန်မြန်နာလန်ထူအောင် ထောက်ပံ့တဲ့အနေနဲ့ သုံးကြတာပါ။ ကုသတဲ့နေရာမှာရော၊ ကာကွယ်တဲ့နေရာမှာရော သုံးလို့မရပါဘူး။

🔴 ဒါဆိုရင် လေဖြတ် တာကို တကယ်ကာကွယ်နိုင်တဲ့ နည်းတွေက ဘာတွေလဲ။
အောက်ကနည်းလမ်းတွေက လေဖြတ်တာကို လုံးဝကြီးမဟုတ်တောင် တော်တော်ကြီးကာကွယ်နိုင်ပါတယ်။ အဲ့တာတွေကတော့ -

🔹သွေးတိုးထိန်းပါ။
🔹 သွေးတွင်းအဆီနည်းအောင်နေပါ။
ဆေးလိပ်ဖြတ်ပါ။
🔹 ဆီးချိုထိန်းပါ။
🔹 ကိုယ်အလေးချိန်ထိန်းပါ။
🔹 လတ်ဆတ်တဲ့ အသီးအရွက်တွေ၊ အသီးအနှံတွေစားပါ။
🔹 လေ့ကျင့်ခန်းပုံမှန်လုပ်ပါ။
🔹 အရက်လျှော့သောက်ပါ။
🔹 အိပ်ဟောက်ရှူရပ်ရောဂါရှိရင်ကုသပါ။
🔹 မူးယစ်ဆေးမသုံးပါနဲ့။

💠 လေဖြတ်ကာကွယ်ဆေး တကယ်ရှိသလား

လေဖြတ်ကာကွယ်ဆေးဆိုတာ ခုထက်ထိတော့ မရှိသေးပါဘူး။ အပြင်မှာ စျေးကြီးပေးပြီးထိုးနေကြတဲ့ ကာကွယ်ဆေးဆိုတာ တကယ်တော့ ဦးနှောက်အားတိုးဆေးလို့ပဲ ပြောရမှာပါ။ ဦးနှောက်ဆဲလ်တွေအလုပ်ကောင်းကောင်းနိုင်အောင် ကူညီပေးတာပါ။

ဦးနှောက်ဆဲလ်တွေ ကောင်းကောင်းအလုပ်နေရုံနဲ့ လေမဖြတ်တော့တာမဟုတ်ပါဘူး။ လေဖြတ်စေတဲ့ အချက်တွေကို လျှော့ချနိုင်မှသာ ကာကွယ်နိုင်မှာပါ။ ဒါကြောင့် နည်းလမ်းအမှားတွေကို ရှောင်ကြဉ်ပြီး တကယ်ကာကွယ်နိုင်တဲ့နည်းလမ်းတွေကို လိုက်နာသင့်ပါတယ်။ ။

28/02/2023

ါးကြီးဆီက_ဖော့ကိုစားသွားတယ်
#အူတွေပေါ်ကိုဘယ်လိုသက်ရောက်မှုရှိပါသလဲ ❓



Omega 3 ရဲ့ကောင်းကျိုးတွေက များတော့ လူတော်တော်များများက supplement အနေနဲ့သောက်နေကြပါတယ်
အဲ့အချိန်မှာ ဖော့ကို စားသွားတယ်ဆိုတဲ့ ကိစ္စလေးပျံ့လာတော့ အားလုံးက သို့လော သို့လော တွေဖြစ်ကုန်ကြပါရော

အဆီတွေ (ငါးကြီးဆီ ၊ olive oil, canola oil) ဟာ ဖော့ Styrofoam နဲ့ ဓာတ်ပြုပါတယ်။ ဓာတ်ပြုပြီး ဖော့ ဟာ ဆီထဲမှာ ပျော်ဝင်သွားတတ်ပါတယ်

တချို့ Omega-3 ဆေးတွေ က မဖြစ်ပဲ တချို့က ဖြစ်တယ်ဆိုတာက Omega-3 ကို သုံးတဲ့ Source မတူလို့ပါ
ထုတ်လုပ်သူတွေက ငါးကြီးဆီ Omega-3 ကို ပုံစံ (၂) မျိုးနဲ့ ထုတ်လုပ်ပါတယ်
1. Ethyl ester
2. Triglyceride
ပုံစံကွဲပေမယ့် ခန္ဓာကိုယ်ကို အကျိုးပြုတာခြင်းကတော့ အတူတူပါပဲ။
ဖွဲ့စည်းပုံခြင်းကွာတဲ့အတွက်
- ethyl esters သုံးထားတဲ့ ဆေးလောင်းချတဲ့အခါ ဖော့က မြန်မြန် ပျော်သွားတတ်ပါတယ်
- Triglyceride သုံးထားတဲ့ဆေးလောင်းချတဲ့အခါ ဖော့ ပျော်သွားတာ နှေးတဲ့အတွက် ယှဉ်ကြည့်တဲ့အခါ တစ်ခုကဖြစ်ပြီး တစ်ခုက မဖြစ်သလိုဖြစ်တတ်ပါတယ်။

ဖော့ နဲ့ပဲ ဓာတ်ပြုတာဖြစ်ပြီး ခန္ဓာကိုယ်အတွက် ဆိုးကျိုးရယ်လို့ မဖြစ်နိုင်ပါဘူး
Ethyl ester ငါးကြီးဆီဖြစ်စေ ၊ Triglyceride ငါးကြီးဆီဖြစ်စေ လူ့ကိုယ်ခန္ဓာအတွက် အကျိုးဖြစ်စေတဲ့ omega-3 fatty acids (EPA and DHA) ပါဝင်လို့ အကျိုးများပါတယ်။
ဆေးသောက်ကြပါလို့ တိုက်တွန်းတဲ့စာ မဟုတ်ပါဗျာ ၊ ဆရာဝန်ညွှန်းလို့ လိုအပ်လို့သောက်နေကြတာကနေ ဗဟုသုတနည်းတဲ့နာမည်ကြီးလိုတဲ့လူတချို့ကြောင့် #လမ်းမှားမရောက်စေလိုလို့ရှင်းပြခြင်းပါ။
ငါးစားလည်း Omega 3 က ရတာပဲ မို့ ဆေးသောက်ရမှာ ကြောက်တဲ့သူတွေက ငါးများများစားကြပေါ့
(Ref; askthescientist)
(Photo credit; study finds )
ကျန်းမာရေးဗဟုသုတ တိုးပြီး
သက်ရှည်ကျန်းမာ စိတ်ချမ်းသာကြပါစေ

Dr. ဘုန်းစည်သူလွင်
00:10 am/27.02.2023
(ကျန်းမာရေးဆောင်းပါးများ နေ့စဉ်တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် ကျန်းမာရေးဗဟုသုတတိုးပွား လာပါလိမ့်မယ် 💕💕💕 )

28/12/2022

ချစ်တို့ရေ…ဆောင်းရာသီဝင်လာပြီဆိုတော့ အသားအရေခြောက်သွေ့တဲ့ ပြဿနာရင်ဆိုင်နေရပြီလား?😢

ကြမ်းတမ်းခြောက်သွေ့နေတဲ့အသားအရေမျိုးမဖြစ်ချင်ကြဘူးဆိုရင်တော့ ဒီအချက်လေးတွေကို လိုက်နာပြီး အမြဲရေဓာတ်ပြည့်ဝတဲ့အသားအရေကို ပိုင်ဆိုင်ဖို့ကြိုးစားလိုက်ကြရအောင်

✅ရေများများသောက်ပေးပါ
ဆောင်းရာသီရောက်ရင် အပူတွေပဲသောက်ချင်ကြတာသဘာဝပါ။ ဒါပေမယ့် ရေများများသောက်ပေးမှသာ ချစ်တို့ရဲ့ ခန္ဓာကိုယ်ကလိုအပ်တဲ့ရေဓာတ်ဖြည့်နိုင်မှာဖြစ်ပါတယ်။ ဒါကြောင့် ရေများများသောက်ပေးပါနော်ချစ်တို့ရေ

✅ရေပူနဲ့ရေချိုးတာကိုရှောင်ပါ
ဆောင်းရာသီမှာရေနွေးလေးနဲ့ရေချိုးတာဘယ်လောက်တောင်အရသာရှိလဲနော်။ ဒါပေမယ့် ရေနွေးနဲ့ရေချိုးခြင်းက အသားအရေကိုခြောက်သွေ့စေပါတယ်။ ဒါကြောင့် ရေနွေးနဲ့ရေချိုးတာကိုရှောင်မှသာ စိုပြေတဲ့အသားအရေကိုရရှိနိုင်မှာပါနော်။

✅Vitamin C ဖြည့်ပေးပါ
အသားအရေစိုပြေနေဖို့ဆိုရင် ခန္ဓာကိုယ်ကမရှိမဖြစ်လိုအပ်တဲ့ Vitamin C ကို ဖြည့်ပေးပါနော်။ Vitamin C ပါဝင်တဲ့အစားအသောက်တွေကိုများများစားပေးခြင်းက အသားအရေကို ရေဓာတ်ဖြည့်ပေးလို့ ကျန်းမာစေပါတယ်😊

ဆောင်းရာသီမှာဖြစ်တတ်တဲ့ အသားအရေခြောက်သွေ့ခြင်းပြဿနာကိုအကောင်းဆုံးဖြေရှင်းပေးနိုင်တာကတော့ Oramin-F ပဲဖြစ်ပါတယ်😍

OF ကအသားအရေအတွက်လိုအပ်တဲ့ ရေဓာတ်ဖြည့်ပေးတဲ့အပြင် Royal jelly ၊ Vitamin C ၊ Vitamin E၊ Zinc စတဲ့ Vitamin ပေါင်း (၁၇) မျိုးပါဝင်ပါတယ်
Oramin-Fကိုတစ်နေ့တစ်လုံးပုံမှန်သောက်သုံးပေးမယ်ဆိုရင် ဆောင်းရာသီမှာလည်း အသားအရေစိုပြေလို့ ခေါင်းအစခြေအဆုံးရေဓာတ်ပြည့်ဝတဲ့အသားအရေလေးပိုင်ဆိုင်ရမှာပါနော် 🥰💚

#ဗီတာမင် #သတ္တုဓာတ်
#နုပျိုလင်းလက်စွမ်းအင်ထက်အမျိုးသမီးတိုင်းအတွက်OraminF

#ကိုရီးယားဂျင်ဆင်း

26/04/2022

26/04/2022

31/03/2022

"ကျစ်ကျစ်လျစ်လျစ်ဖြစ်ချင်တယ်" "ဝိတ်မတက်ချင်ဘူး။ ဝိတ်ထိန်းချင်တယ်"
အမြဲလာမေးကြတဲ့သူတွေအတွက်
👇👇👇

ခန္ဓာကိုယ်အလေးချိန်ကို မျှတအောင် ထိန်းညှိပေးတဲ့ ပရိုဘိုင်အိုတစ်
🧡BioFat (ဘိုင်အိုဖက်)🧡

Lactobacillus acidophilus – 1.5 Billion
Lactobacillus casei – 1.5 Billion
Lactobacillus plantarum – 1.5 Billion
Pediococcus pentosaceus – 1.5 Billion ပါဝင်ပါတယ်။

အစားအစာတွေထဲက မခြေဖျက်နိုင်တဲ့ ကစီဓာတ်တွေကို ဖြိုခွဲပေးပြီး ခန္ဓာကိုယ်အတွက် စွမ်းအင်ရင်းမြစ်အနေနဲ့ အသုံးချနိုင်အောင် ဆောင်ရွက်ပေးနိုင်ပါတယ်။
အူလမ်းကြောင်းလှုပ်ရှားမှုကို လျော့ကျစေလို့ မကြာခဏ ဗိုက်ဆာတတ်တာကို တင်းတိမ်စေပါတယ်။
အူလမ်းကြောင်းကနေ ကိုလက်စထရော စုပ်ယူတာကို ဟန့်တားပေးပြီး မစင်နှင့် အတူစွန့်ထုတ်ပေးပါတယ်။

✅ တစ်ဘူး (အလုံး ၃၀) - ၂၀,၀၀၀ ကျပ် ✅
-------------------------------------------------------------

စားချင်တာတွေ စားနိုင်ဖို့ကတော့
🦐 Chitobit (သဘာဝအဆီကျဆေး) 🦐

ပုစွန်အခွံကရတဲ့ Chitosan ပါဝင်ပြီး အစားအစာတွေထဲက အဆီတွေ ခန္ဓာကိုယ်ထဲ မရောက်အောင် စုပ်ယူပေးထားနိုင်ပါတယ်...ထမင်း, ခေါက်ဆွဲစတာတွေနှင့် အဆီများတဲ့အစားအ‌စာတွေ မစားခင်တိုင်းမှာ စားမယ့်ပမာဏပေါ်မူတည်ပြီး နာရီဝက်ကြိုတင်သောက်သုံးပေးရုံနဲ့ ခန္ဓာကိုယ်ထဲ အဆီပိုတွေဝင်ရောက်တာကို တားပေးနိုင်မှာပါ။ လွန်ကဲစွာ အစာစားချင်စိတ် မဖြစ်အောင်လဲ ထိန်းပေးနိုင်ပါတယ်။

✅ တစ်ဘူး (အလုံး ၆၀) - ၆,၀၀၀ ကျပ် ✅
----------------------------------------------------------

ရွှေအိုးဆေးဆိုင်၊ City Mart , Ocean, Marketplace ရှိ City Careဆေးကောင်တာ, Medicare ဆေးဆိုင်များ၊ Life Plus ဆေးဆိုင်ခွဲများနှင့် သစ်ခွဆေးဆိုင်များတွင် ဝယ်ယူရရှိနိုင်ပါတယ်ရှင်...

မှာယူချင်တယ်ဆိုရင်တော့
☎️09 95 500 5000
☎️09 75 273 1908
☎️09 75 284 1908
☎️09 95 616 1908
☎️09 96 512 1908
☎️09 98 521 1908 နံပါတ်များသို့

တနင်္လာမှ ကြာသပ‌တေး (မနက် 7:45 နာရီမှ ညနေ 5:00 နာရီအတွင်း)
သောကြာ (မနက် 7:45 နာရီမှ ညနေ 4:00 နာရီအတွင်း) ဆက်သွယ်နိုင်ပါတယ်ရှင်။

⚠️ စနေ၊ တနင်္ဂနွေနှင့် အစိုးရရုံးပိတ်ရက်များ ပိတ်ပါသည် ⚠️

12/03/2022

ပရိုဘိုင်အိုတစ်များနှင့် လည်ချောင်းနာ၊ အာသီးရောင်ခြင်းဝေဒနာ
-----------------------------------------------
လည်ချောင်းနာခြင်း (Sore throat) နှင့် အာသီးရောင်ခြင်း (Tonsillitis) တို့သည် အဖြစ်များသော ရောဂါများဖြစ်ပြီး အသက်ရှုလမ်းကြောင်းအထက်ပိုင်း ပိုးဝင်သောရောဂါများ (Upper respiratory tract infections) တွင် ပါဝင်ပါသည်။ လူတိုင်းသည် သူတို့ဘဝ တစ်သက်တာတွင် တစ်ကြိမ်မဟုတ် တစ်ကြိမ် လည်ချောင်းနာခြင်း နှင့် အာသီးရောင်ခြင်း ဝေဒနာများကို ခံစားဖူးကြသည်ချည်း ဖြစ်ပါသည်။ အဓိကအားဖြင့် ဗိုင်းရပ်စ်ပိုးများ (ဥပမာ - Influenza virus, Corona virus) နှင့် Streptococcus ဟုခေါ်သော ဘက်တီးရီးယားများကြောင့် ဖြစ်ပွားလေ့ရှိသည်။

ပရိုဘိုင်အိုတစ်ဟုခေါ်သော အကျိုးပြုအဏုဇီဝပိုးများသည် အထက်ဖော်ပြပါ လည်ချောင်းနာခြင်း၊ အာသီးရောင်ခြင်း ဝေဒနာများကို သက်သာစေနိုင်ကြောင်း နိုင်ငံတကာ သုတေသနများတွင် လေ့လာတွေ့ရှိရပါသည်။

အီတလီနိုင်ငံရှိ ကလေးငယ်များတွင် ၂၀၁၅ နှင့် ၂၀၁၇ ခုနှစ်အတွင်း ပြုလုပ်ထားသော သုတေသန (၂) ခုအရ Lactobacillus paracasei ပါဝင်သောနွားနို့ကို (၃) လကြာ နေ့စဉ်သောက်သုံးခြင်းသည် လည်ချောင်းရောင်ရမ်းခြင်းကို ထိရောက်စွာ ကာကွယ်ပေးနိုင်ကြောင်း တွေ့ရှိရပါသည်။ [1, 2]

အခြားသုတေသနတစ်ခုတွင်လည်း Limosilactobacillus reuteri ဆေးရည်ကို လည်ချောင်းနာ၊ အာသီးရောင်ဝေဒနာ ခံစားနေရသော ကလေးများတွင် အဖျားကျဆေး (NSAIDs) များနှင့်အတူ ၁၀ ရက်ကြာ အစက်ချတိုက်ကျွေးကြည့်ရာ လည်ချောင်းနာခြင်းကို သိသာစွာ သက်သာစေသည့်အပြင် နှာစေး၊ နှာရည်ယိုခြင်းကိုလည်း လျော့နည်းစေကြောင်း တွေ့ရပါသည်။ [3]

လည်ချောင်းနာ အာသီးရောင်ဝေဒနာ ခံစားရသူများကို သက်ဆိုင်ရာ ပိုးသတ်ဆေး (Antibiotics) များတိုက်ကျွေးအပြီးတွင် Lactobacillus plantarum, Lactobacillus lactis subspecies cremoris နှင့် Lactobacillus delbrueckii subspecies delbrueckii တို့ပါဝင်သော ပရိုဘိုင်အိုတစ်ကို တစ်လကြာ တိုက်ကျွေးကြည့်ရာ ရောဂါလက္ခဏာများကို လျင်မြန်စွာ သက်သာစေခြင်း၊ ရောဂါပြန်လည်ဖြစ်ပွားမှုကို လျှော့ချနိုင်ခြင်း စသော အကျိုးကျေးဇူးများကို ရရှိစေပါသည်။ [4]

ကလေးများတွင် အဖြစ်များသော ရာသီအလိုက်ဖျားခြင်း၊ ခံတွင်းအနာပေါက်ခြင်း၊ လည်ချောင်းနာခြင်းနှင့် လည်ပင်းအကျိတ်ထွက်ခြင်း ရောဂါလက္ခဏာစု (Periodic fever, Aphthous stomatitis, Pharyngitis, and Adenitis (PFAPA) syndrome) တွင် Lactobacillus plantarum နှင့် Lactobacillus paracasei တို့ပါဝင်သော ပရိုဘိုင်အိုတစ်ကို တိုက်ကျွေးကြည့်ရာ PFAPA ရောဂါဖြစ်ပွားမှု အကြိမ်ရေကို လျော့နည်းစေကြောင်း တွေ့ရပါသည်။ [5]

အထက်ပါ သုတေသန (၅) ခုတွင် ပရိုဘိုင်အိုတစ်များကို ဆေးရည်အနေနှင့် လည်းကောင်း၊ သောက်ဆေးတောင့်/ အမှုန့်အနေနှင့် လည်းကောင်း တိုက်ကျွေးခဲ့ကြသည်ကို တွေ့ရပါသည်။ လည်ချောင်းနာခြင်း နှင့် အာသီးရောင်ခြင်းတို့ ဖြစ်ပွားရာနေရာသည် ခံတွင်းအနောက်ပိုင်း လည်ချောင်းအနီးတစ်ဝိုက်တွင် ဖြစ်ပွားကြသည်ဖြစ်ရာ အဆိုပါနေရာများသို့ ပရိုဘိုင်အိုတစ်များ အရေအတွက်များများနှင့် အချိန်ကြာကြာ ရောက်ရှိနေမှသာ အာနိသင် ပိုမိုထိရောက်​ပေလိမ့်မည်။

ဤအခြေအနေတွင် ပရိုဘိုင်အိုတစ် ငုံဆေးများသည် များစွာအကျိုးရှိနိုင်ပါသည်။ ငုံဆေးများသည် ခံတွင်းရှိ တံတွေးနှင့် တွေ့ရာမှ တဖြည်းဖြည်း ပျော်ဝင်သောကြောင့် ပရိုဘိုင်အိုတစ်များကို အာနိသင်လိုအပ်သော လည်ချောင်းအနီးတစ်ဝိုက်သို့ အချိန်ကြာကြာနှင့် များများရောက်ရှိစေနိုင်ပါသည်။

မူရင်းသုတေသနစာတမ်းများကိုအောက်ပါ Link များတွင် ဝင်ရောက်လေ့လာ ဖတ်ရှုနိုင်ပါသည်။

[1] Cow's milk and rice fermented with Lactobacillus paracasei CBA L74 prevent infectious diseases in children: A randomized controlled trial (https://doi.org/10.1016/j.clnu.2015.12.004)

[2] Preventive Effect of Cow’s Milk Fermented with Lactobacillus paracasei CBA L74 on Common Infectious Diseases in Children: A Multicenter Randomized Controlled Trial (https://doi.org/10.3390/nu9070669)

[3] Limosilactobacillus reuteri ATCC PTA 5289 and DSM 17938 as adjuvants to improve evolution of pharyngitis/tonsillitis in children: randomised controlled trial (https://doi.org/10.3920/bm2020.0171)

[4] Probiotics in the add-on treatment of pharyngotonsillitis: A clinical experience (https://www.researchgate.net/publication/348742705_Probiotics_in_the_add-on_treatment_of_pharyngotonsillitis_a_clinical_experience)

[5] Probiotic use in the prophylaxis of periodic fever, aphthous stomatitis, pharyngitis, and adenitis (PFAPA) syndrome: a retrospective cohort study (https://doi.org/10.1007/s00296-021-05084-y)

ဒေါက်တာခင်မောင်လွင် (FAME)

23/02/2022

ဇော်ဝင်းထွဋ်အသံ ပြောင်းနေပြီ
ဆိုတဲ့သူတွေရှိကြလား

ဒါဆိုရင်တော့ သင်ခေတ်မီသွား
ပါပြီ။ အခုချိန်မှာ နှာဘဲစေးစေး၊ ချောင်းဘဲဆိုးဆိုး၊ အသံဘဲဝင်ဝင် တရားခံကတော့ Omicron ဘဲ
ဖြစ်နိုင်ပါတယ်။ ဒါပေမယ့် omicron ကူးစက်ခံစားနေရပြီ
ဆိုလို့ စိတ်မညစ်သွားပါနဲ့။ Omicron ကူးစက်ခံရပြီးလို့ ထွက်လာတဲ့ကိုယ်ခံအားဟာ delta variant ကိုကာကွယ်နိုင်သလို နောင်အသစ်ပေါ်လာနိုင်တဲ့ covid variant အတွက်လည်း ကာကွယ်နိုင်စွမ်း ရှိနေမှာဖြစ်ပါတယ်။
ဒါကြောင့် Omicron ဖြစ်ပြီး antibody လဲထွက်ပြီဆိုရင်
နောင်လာမယ့်လှိုင်းတွေကို ကြောက်စရာမလိုတော့ပါဘူး။

🔅ဒါဆို အခုဖြစ်နေတာ omicron မှန်းဘယ်လိုသိနိုင်မလဲ။
➢ ဖျားမယ်၊
➢ ချမ်းတုန်မယ်၊
➢ နှာစေးမယ်၊ နှာပိတ်မယ်၊
➢ လည်ချောင်းနာမယ်၊ ချောင်းဆိုးမယ်၊
➢ ခေါင်းကိုက်မယ်၊ ကိုယ်လက်တွေကိုက်ခဲမယ် စတဲ့ လက္ခဏာတွေထဲက အနည်းဆုံး၂ခုလောက်ခံစားနေရပြီဆိုရင် omicron
ကူးစက်ခံရတာသေချာသလောက်ရှိပါပြီ။ အချို့ကတော့ အစားအသောက်ပျက်တာ၊ ဝမ်းလျှောဝမ်းပျက်တာတွေလည်းခံစားရနိုင်ပါတယ်။ Omicron မှာ အနံ့အရသာပျောက်တာမျိုးက အတွေ့ရနည်းပါတယ်။
ဆေး နှစ်ချောင်းသုံးချောင်းထိုးပြီးသူတွေလည်း ဖြစ်နေကြတာပါပဲ။
Booster ထိုးသင့်မထိုးသင့်လည်း
ပြန်ချင့်ချိန်ကြရပါတော့မယ်။
စင်ကာပူ ဟောင်ကောင်မှာကို ဆေး ငါးချောင်းထိုးထားလည်းဖြစ်နေတဲ့သူတချို့ကတွေ့နေရတယ်။


🔅 ဘာဆေးတွေသောက်ရမလဲ။
ဆေးကတော့ မိမိခံစားရတဲ့လက္ခဏာတွေအလိုက်
သောက်ပေးရမှာဖြစ်ပါတယ်။
အဖျားကျစေဖို့အတွက်ဆိုရင် paracetamol 500mg ပါဝင်တဲ့ Biogesic တို့ Paracap တို့သောက်ပေးလို့ရပါတယ်။
အဖျားမကျမချင်း တစ်နေ့ ၃ကြိမ်မှ ၄ကြိမ်ထိ အစားစားပြီး သောက်သုံးပေးရပါမယ်။
နှာစေးနှာပိတ်ဖြစ်နေပြီဆိုရင် Cetrine သို့မဟုတ် Burmeton
ကိုတစ်နေ့ ၂ ကြိမ်ထိသောက်ပေးနိုင်ပါတယ်။
ချောင်းဆိုးနေပြီဆိုရင်တော့ သလိပ်သံပါမပါ သိဖို့လိုပါတယ်။ Musol လိုဆေးမျိုးကို သလိပ်ပါတဲ့ချောင်းမှ သောက်ပေးရမှာဖြစ်ပါတယ်။ Musol လိုဆေးမျိုးကတော့ ပထမဦးဆုံး သလိပ်ကိုပျော်အောင်လုပ်တာဖြစ်တဲ့အတွက် ချောင်းကို ပိုဆိုးစေမှာဖြစ်ပါတယ်။ ဒါကြောင့် ချောင်းခြောက်ဆိုးတဲ့သူတွေက Musol သွားသောက်လို့မရပါဘူး။ ချောင်းခြောက်ဆိုးနေရင် Atussin တို့ Tussolid လိုဆေးမျိုးသောက်ပေးရမှာဖြစ်ပါတယ်။ Brochest လိုဆေးမျိုးဆိုရင်တော့ ချောင်းခြောက်ဆိုးသူရော၊
သလိပ်ချောင်းဆိုးသူတွေအတွက်ရောသင့်တော်ပါတယ်။
Omicron ဖြစ်ပြီး
လည်ချောင်းတွေနာရင် Mybacin သို့မဟုတ် Strepsils ကိုတစ်နေ့
၄ ကြိမ်ငုံပေးနိုင်ပါတယ်။ ဆားရည်နဲ့ပလုတ်ကျင်းပေးဖို့လည်း
မမေ့ကြပါနဲ့နော်။

ကိုယ်လက်တွေကိုက်ခဲနေပြီ၊ ခေါင်းတွေလည်းကိုက်နေပြီဆိုရင်တော့ ibuprofen 200mg or 400mg ကိုတစ်နေ့ ၃ ကြိမ်သောက်သုံးပေးနိုင်ပါတယ်။ Ibuprofen ဟာ Paracetamol ထက်ပြင်းတဲ့ အကိုက်အခဲပျောက်ဆေးဖြစ်တဲ့အတွက် ဆေးမသောက်ခင် အစားကိုသေချာစားပြီးမှ သောက်ပေးရမှာဖြစ်ပါတယ်။ အစာအိမ်ကိုမထိခိုက်ရအောင်
ပိုစိတ်ချချင်တယ်ဆိုရင်တော့ Omeprazole သို့မဟုတ် Ranitidine တစ်နေ့နှစ်ကြိမ်နဲ့
တွဲသောက်ပေးလို့ ရပါတယ်။

ဝမ်းပျက်နေပြီဆိုရင်တော့ Nova-lact သို့မဟုတ် Bioflor သောက်သုံးပေးလို့ရပါတယ်။
အန်ပါအန်နေပြီဆိုရင်တော့ metoclopramide ပါဝင်တဲ့
အအန်ပျောက်ဆေးတွေ
သောက်သုံးပေးနိုင်ပါတယ်။
ခုခံအားကောင်းဖို့အတွက်တော့ တစ်နေ့ကို Vitamin C 500mg သောက်သုံးပေးပါ။ Vitamin D သောက်သုံးမယ်ဆိုရင်တော့ တစ်နေ့ကို 1000 mg ထက်
မကျော်သင့်ပါ။ Vitamin D ကို လိုအပ်တာထက်ပိုသောက်မိရင် ကျောက်ကပ်ပျက်စီးစေနိုင်
ပါတယ်။

🔅 Antibiotics သောက်ဖို့လိုလား။
မလိုပါ။ Antibiotics ဆိုတာ
ဘက်တီးရီးယားတွေကိုသာ
သတ်နိုင်ပါတယ်။ Omicron က ဗိုင်းရပ်စ်ပိုးဖြစ်တဲ့အတွက် antibiotics သောက်ရင် အနာတခြားဆေးတခြားလိုဖြစ်ပြီး အကျိုးမရှိနိုင်ပါဘူး။

🔅 အခုအတွေ့ရများနေတဲ့ Molnupiravir ဆိုတာကရောဘာဆေးလဲ။ အဲ့တာရော
သောက်ဖို့လိုလား။

Molnupiravir ဆိုတာဟာ
ဗိုင်းရပ်စ်သတ်ဆေးတစ်မျိုး
ဖြစ်ပါတယ်။ ရောဂါမပြင်းထန်သူ လူငယ်တွေကတော့ မသောက်လည်းရပါတယ်, အောက်စီဂျင်
ကျနိုင်ခြေရှိတဲ့ အသက်အရွယ်ကြီးပြီးရောဂါအခံရှိတဲ့သူတွေသာ သောက်ဖို့ လိုအပ်တာဖြစ်ပါတယ်။ သောက်တဲ့အခါမှာလည်း မိမိသဘောနဲ့မိမိသောက်လို့ မရပါဘူး။ ဆရာဝန်နဲ့တိုင်ပင်ပြီး ဆရာဝန်ညွန်ကြားချက်နဲ့မှ Molnupiravir ကို သောက်ရမှာဖြစ်ပါတယ်။ ဒါ့အပြင် ဒီဆေးဟာ လက္ခဏာစပြပြချင်း ၅ရက်အတွင်းဘဲ စပေးရမှာဖြစ်ပါတယ်။ နောက်ပိုင်းမှပေးမိရင် ထိရောက်မှာမဟုတ်ပါဘူး

🔅 မိမိက အရင်ကလည်း covid တစ်ခါဖြစ်ဖူးတယ်၊ ကာကွယ်ဆေးလည်း ၂ ကြိမ်ထိုးထားတယ်ဆိုရင်တော့ ဒီတစ်ကြိမ် ထပ်ဖြစ်ရင်လည်း ရောဂါလက္ခဏာအနည်းငယ်သာခံစားရပြီး သက်သာသွားမှာဖြစ်ပါတယ်။
စဖြစ်ဖြစ်ချင်း ၂ရက်ခန့်ကတော့ ပိုမိုခံစားရနိုင်ပါတယ်။ Covid လည်းမဖြစ်ဖူး၊ ကာကွယ်ဆေးလည်းမထိုးဖူးသူတွေကတော့ ရောဂါလက္ခဏာတွေကို ပိုမိုခံစားရနိုင်ပါတယ်။ သို့သော်လည်း အောက်စီဂျင်ကျတာမျိုးတော့ အလွန်ရှားပါးပါးတယ်။ 3rd wave မှာ အောက်စီဂျင်ကျပြီး
လူတော်တော်များများကို သေစေခဲ့တဲ့ delta variant ဟာ အဆုတ်ကို အဓိကတိုက်ခိုက်တာဖြစ်ပြီး ယခု omicron variant ကတော့ အသက်ရှူလမ်းကြောင်းအပေါ်ပိုင်းကိုသာ အဓိကတိုက်ခိုက်တာဖြစ်ပါတယ်။ ဒါကြောင့် နှာစေး၊
နှာပိတ်၊ လည်ချောင်းနာခြင်းတွေကို ပိုမိုခံစားကြရတာဖြစ်ပါတယ်။

🔅 မည်သို့ပင်ဖြစ်စေ အသက်
ကြီးသူတွေ၊ ရောဂါအခံရှိသူတွေအနေနဲ့ကတော့ SpO2 level ကို မကြာခဏတိုင်းပေးထားရင် အကောင်းဆုံးဖြစ်ပါတယ်။ ပုံမှန် SpO2 99/100 ရှိနေကြလူက 95 အောက်ရောက်သွားပြီဆိုတာနဲ့ ဆရာဝန်ဆီ မြန်မြန်ပြသ
သင့်ပါတယ်။

🔅 Omicron ကအရသာ
လုံးဝပျက်တာမျိုး ရှားပေမယ့် အစားအသောက်ပျက်တာမျိုးတွေဖြစ်တတ်ပါတယ်။ Ibuprofen လိုဆေးမျိုး သောက်ထားပြီးရင်လည်း လျှာခါးနေပြီး အရသာမမှန်တာမျိုးတွေဖြစ်တတ်ပါတယ်။ Covid
ဆိုရင် အစားနဲ့စိတ်နဲ့အဓိက
နိုင်အောင် တိုက်ရတာဖြစ်လို့ အာဟာရပြည့်ဝစွာရရှိအောင် အစားကို မဖြစ်မနေဝင်အောင်
စားပေးရမှာဖြစ်ပါတယ်။
အစားဇီဇာကြောင်တတ်သူတွေက
အခြားသူတွေထက်စာရင် ပိုပြီး အားကုန်နွှမ်းနယ်လွယ်လေ့
ရှိပါမယ်။

🔅 Omicron ဖြစ်နေချိန် မိမိအတွက်ရော၊ သူများတွေမကူးစက်ဖို့အတွက် အိမ်မှာဘဲ သီးသန့်
ခွဲနေပြီး အနားယူနေထိုင်
သင့်ပါတယ်။
ရောဂါလက္ခဏာကလည်း
မပြင်းထန်ဘူး၊ ဖျားတာလည်း မရှိဘူးဆိုရင် သီးသန့်ခွဲနေခြင်း(ကွာရန်တင်း)ကို (၅)ရက်နဲ့ ထွက်လို့
ရပါတယ်, ဒါပေမဲ့ အိမ်မှာရော အပြင်မှာရော နောက်ထပ်(၅) ရက်ခန့် Mask သေချာတပ်ပြီး လူအများနဲ့ နီးကပ်လွန်းတဲ့ အခြေအနေတွေကို ရှောင်ကြဉ်ပေးပါ။

Omicron variant ဟာ နောက်ဆုံး covid လှိုင်းလဲ
ဖြစ်နိုင်တယ်လို့ ပညာရှင်တွေကဆိုကြပါတယ်။ ဒါကြောင့် Omicron ဆီကနေ antibodies တွေရယူရင်း နောက်ဆုံး covid လှိုင်းကြီးကို အတူတကွတိုက်ထုတ်လိုက်ကြပါမယ်နော်

ဒီရောဂါကပ်ဆိုးမှ ကျော်လွှားနိုင်ပြီး ကျန်းမာပျော်ရွင်ပါစေကြောင်း ဆုမွန်ကောင်း တောင်းလိုက်
ပါတယ်။

Digest
Dr. Victor Lim
Thomson Medical Center
Singapore ၏ သုံးသပ်ချက်များကို

20/02/2022

** အိုမီခရွန်ဖြစ်ပြီထင်ရင် ... **

20/02/2022

ဒုတိယပတ်အပြီး နှင့် တတိယပတ်အစ

ဝမ်းသာစရာသတင်းကောင်းမှာ အသက်သေဆုံးသည်အထိ ပြင်းထန်သော လူနာများနှင့် ဆေးရုံတင်၍ကုသရန် လိုအပ်သော ရောဂါပြင်းထန်သည့်လူနာများ ပိုမိုများပြားခြင်းမရှိဘဲ ရန်ကုန်မြို့၏ မြို့နယ်အများစုတွင် ဆေးခန်းလာပြသော လူနာများလျော့နည်းလာလျက်ရှိပါသည်။

ရန်ကုန်သည် လှိုင်းတစ်ခု၏ အဆုံးသတ်နားသို့ ရောက်ရှိနေပြီဖြစ်ပါသည်။ ယခုစတုတ္ထလှိုင်းတွင် လူနာအများစုသည် ရောဂါကူးစက်ခံရသော်လည်း မပြင်းထန်သည့်အတွက် ရက်အနည်းငယ်သာ အနားယူရခြင်း ၊ လူနာအချို့မှာ အနားယူရန် အခြေအနေမပေးသည့်အတွက် နေမကောင်းလျက်နှင့် အလုပ်ဆက်လက်လုပ်ကိုင်နေရခြင်းတို့ ရှိခဲ့ပါသည်။ တတိယလှိုင်းတုန်းက ရောဂါဖြစ်လျှင် အနည်းဆုံး ၂ ပတ် မှ ၁ လ အထိ မထူနိုင်လောက်အောင် ခံစားရသော ဝေဒနာနှင့်နှိုင်းယှဉ်လျှင် ၃ ရက်မှ ၅ ရက်အထိသာ နားရသော ရောဂါမှာ ပြင်းထန်သည်ဟု မဆိုသာပါ။

ထူးခြားချက်အနေဖြင့် ရောဂါခံစားရပြီး ၁ ပတ်အကြာတွင် နောက်ထပ်တဖန် ဖျားနာသူများ ရှိသည်ကို တွေ့ရှိရပါသည်။ ထိုသူတို့ကို လေ့လာကြည့်သောအခါ
💊 - ရောဂါအရှင်းပျောက်ကင်း၍ အားပြည့်သည်အထိအနားမယူရသဖြင့် ကိုယ်ခံအား အပြည့်ပြန်မရသည့်အချိန်တွင် ထပ်မံကူးစက်ခံရခြင်း
💊 - ရာသီတုပ်ကွေးရောဂါ ထပ်ဆင့်ကူးခံရခြင်း
💊 - အခြားသော အသက်ရှူလမ်းကြောင်းဆိုင်ရာ ကျန်းမာရေးပြဿနာများတွဲနေတတ်ခြင်း
💊 - ဆေးပတ်လည်အောင်မသောက်ဘဲ သက်သာသည်နှင့် ဆေးရပ်လိုက်ခြင်း
💊 - ပိုးကူးစက်ခံရသောလူနာများနှင့် မပြတ်ထိတွေ့ရသော ကျန်းမာရေးပညာရှင်များ ဖြစ်နေတတ်ခြင်း
စသည်တို့ကို တွေ့ရှိရပါသည်။ ထိုမှအပ နောက်တစ်ခါပြန်ဖျားသော လူနာမရှိပါ။ လုံလောက်အောင် အနားယူရန် လိုအပ်ပါသည်။


လူနာအများစု ပြောဆိုသော နုံး၍ကျန်ခဲ့သည် ဆိုသည်မှာ ရောဂါ၏ သဘောသဘာဝအရ အနားယူရန် လိုအပ်၍နုံးခြင်းနှင့် ရောဂါဖြစ်စဉ်ချွေးထွက်များသောကြောင့် ကိုယ်ခန္ဓာမှ ရေဓာတ် ၊ ဆားဓာတ်နှင့် သတ္ထုဓာတ်များ ဆုံးရှုံးရသောကြောင့် နုံးခြင်းဖြစ်ရာ
✅ - တနေ့ ဓာတ်ဆား ၁ လီတာ သောက်ပေးခြင်း
✅ - အုန်းရည် သောက်ပေးခြင်း
✅ - ဆန်ပြုတ် ၊ စွပ်ပြုတ် ၊ ပျားသံပုရာနွေး စသော အရည်များသည့် အာဟာရသုံးဆောင်ပေးခြင်း
စသည့် ရေဓာတ် ၊ ဆားဓာတ်နှင့် သတ္ထုဓာတ်များ ပြန်လည်ဖြည့်တင်းခြင်းကို လုပ်ဆောင်ပါက လျင်မြန်စွာ သက်သာလာသည်ကို တွေ့ရှိရပါသည်။

လူနာအများစုမှာ ချောင်းဆိုးကြသဖြင့် ချောင်းဆိုးရာမှထွက်လာသော အမှုန်အမွှားများမှတဆင့် ရောဂါကူးစက်သည်ဖြစ်ရာ နေမကောင်းသဖြင့် အိမ်တွင်ချောင်းဆိုးသောအခါ အိမ်ထဲ၌ ရောဂါပိုးမွှားများ ခိုအောင်းနေနိုင်ပါသည်။ ထို့ကြောင့် အိမ်နှင့် အခန်းများကို
✅ - နေရောင်ခြည် ရရှိအောင် စီစဉ်ပါ
✅ - လေဝင်လေထွက်ကောင်းအောင် ပြတင်းပေါက်များ ဖွင့်ထားပါ
✅ - နေမကောင်းစဉ်က အသုံးပြုခဲ့သော အိပ်ယာခင်း ၊ ခေါင်းအုံးစွပ် ၊ စောင် ၊ ခြင်ထောင် စသည်တို့ကို လျှော်ဖွတ်နေလှန်းပါ

နေရောင်ခြည်နှင့် လေကောင်းလေသန့်သည် ရောဂါပျောက်ကင်းရန် အထောက်အကူပေးသဖြင့် နာလန်ထလူနာများအနေဖြင့် နေရောင်ခြည်နှင့် လေကောင်းလေသန့် ရရှိသော ကွင်းပြင်များ ၊ ပန်းခြံများ ၊ ကန်ပေါင်များသို့သွားပါ။ အရက် ၊ ဘီယာ ၊ ဝိုင် နှင့် ဆေးလိပ် တို့ကို ရှောင်ပေးပါ။ အိမ်တွင်းအောင်းနေတာကြာလျှင် စိတ်မွန်းကျပ်တတ်၍ စိတ်ပြေလက်ပျောက် အိမ်ပြင်ထွက်ခြင်းများ ပြုလုပ်ပေးပါ။

ထိုသို့သွားလာရာတွင် ရောဂါကာကွယ်ရေးနည်းလမ်းများဖြစ်သည့်
✅ - Mask တပ်
✅ - Face Shield တပ်
✅ - လက်ဆေး
✅ - ခပ်ခွာခွာနေ
စသည်တို့ကို လိုက်နာပေးပါ။
မကြာမီအချိန်ကာလတွင် ရန်ကုန်၌ စတုတ္ထလှိုင်း ပြီးဆုံးမည်ဖြစ်ကာ ရောဂါပျောက်ကင်း၍ သာယာသောနေ့သစ်များ ရောက်ရှိတော့မည်ဖြစ်ကြောင်း မိဘပြည်သူများကို အသိပေးအပ်ပါသည်။

မိဘပြည်သူများ ကျန်းမာပျော်ရွှင်သော မိသားစုဘဝကို ရရှိပိုင်ဆိုင်နိုင်ကြပါစေ။

Dr. ကျော်သက်စိုး (GP)
အထွေထွေရောဂါကု ဆရာဝန်
၂၀.၂.၂၀၂၂

19/02/2022

📣သင့်မိသားစုတစ်ခုလုံးကို 𝐎𝐳𝐢𝐬𝐡𝐢𝐞𝐥𝐝 နဲ့အပြည့်အဝကာကွယ်ပါ...

📌ခုအချိန်အခါဟာဆိုရင် Covid ရဲ့မျိုးကွဲတစ်ခုဖြစ်တဲ့ Omicron ပြန့်ပွားမှုမြင့်မားနေတဲ့ ကာလတစ်ခု ဖြစ်ပါတယ်။

📌Omicron ဟာ Delta တုန်းကလောက် ရောဂါပြင်းထန်မှုတွေ၊ သေဆုံးမှုတွေ မရှိပေမယ့် ကူးစက်ခံရသူတွေမှာ အရင် Covid တုန်းကလိုပဲ လက္ခဏာတွေကို ခံစားရစေနိုင်ပါတယ်။

👉ဒါကြောင့် ဒီအချိန်မှာကိုယ်ခံအား ကောင်းနေဖို့က အရေးကြီးဆုံးဖြစ်ပါတယ်…

📌ကိုယ်ခံအားကောင်းစေဖို့ အနေအထိုင် အစားအသောက်က အရေးကြီးသလို ကိုယ်ခံအားမြှင့်တင်ပေးတဲ့ ဖြည့်စွက်စာတွေကိုလည်း သောက်သုံးသင့်ပါတယ်။

💊ကိုယ်ခံအား ကောင်းစေတဲ့ အားဆေးသောက်မယ်ဆို (၁)လုံးတည်း သောက်ရုံနဲ့ ပြီးပြည့်စုံတဲ့ အာနိသင်ရဖို့ 𝐎𝐳𝐢𝐬𝐡𝐢𝐞𝐥𝐝 ရှိပါတယ်။

💊𝐎𝐳𝐢𝐬𝐡𝐢𝐞𝐥𝐝 ကို Australia နိုင်ငံမှ အရည်အသွေးမြင့်နည်းပညာနဲ့ ထုတ်လုပ်ထားပြီး Vitamin C (Ascorbic Acid -500mg)၊ Vitamin D3 (Cholecalciferol - 1000 IU)၊ Zinc - 24mg နဲ့ Vitamin K2 (Menaquinone MK 7 - 90mcg) တို့ ပေါင်းစပ်ပါဝင်ပါတယ်။

💊Vitamin C - 500mg၊ Vitamin D - 1000 IU ၊ Zinc – 24mg နဲ့ Vitamin K2 - 90mcg စတဲ့လိုအပ်ချက်ကို ပြည့်ဝစွာ ထည့်ပြီး ထုတ်လုပ်ထားတဲ့အတွက် (၁)လုံးတည်း သောက်ရုံနဲ့ ကိုယ်ခံစွမ်းအားကိုအကောင်းဆုံး​ထောက်ပံ့ပေးနိုင်ပါတယ်။ တခြားကိုယ်ခံအားဆေးတွေ ထပ်သောက်စရာမလိုတော့ပါဘူး။

💪Vitamin C၊ Vitamin D နဲ့ Zinc ဓာတ်တွေပြည့်ဝစွာ ပါဝင်လို့ ကိုယ်ခံအားစနစ်ကို အပြည့်အဝမြှင့်တင်ပေးပြီး ရောဂါပိုးမွှားများဝင်ရောက်ခြင်းကို အထိရောက်ဆုံးကာကွယ်ပေးနိုင်ပါတယ်။

👉ဒါ့အပြင် 𝐎𝐳𝐢𝐬𝐡𝐢𝐞𝐥𝐝 မှာပါတဲ့ Vitamin K2 ဟာ Covid ကြောင့်ဖြစ်တဲ့ အဆုတ်ဆဲလ်များ ပျက်စီးစေမှုနဲ့အတူ Covid ကြောင့်ဖြစ်တဲ့ သွေးခဲခြင်း၊ သွေးကြောပိတ်ခြင်းများကိုလည်း ကာကွယ်ပေးနိုင်ပါတယ်။

💪𝐎𝐳𝐢𝐬𝐡𝐢𝐞𝐥𝐝 ကို တစ်နေ့တစ်လုံးသောက်ခြင်းဖြင့် ကိုယ်ခံအားကို မြှင့်တင်လိုက်ပါ။

💊ကိုယ်ခံအားအတွက် ပြီးပြည့်စုံသော ပေါင်းစပ်မှု 𝐎𝐳𝐢𝐬𝐡𝐢𝐞𝐥𝐝

References:
🔹Anitra C. Carr, a. S. M., 2017. Vitamin C and Immune Function. Nutrients, pp. 9, 1211.

🔹Rbab Taha, S. A. A. Y. H. A. B. A., July 2021. The Relationship Between Vitamin D Infections Including COVID-19: Any Hopes?. International Journal of General Medicine, Volume 4, p. 3849–3870.

🔹Rink, N. Z. G. a. L., 2017. Zinc in Infection and Inflammation. Nutrients, Volume 9, p. 624.

🔹Rob Janssen1*, M. P. J. V. A. S. M. D. C. V. J. a. J. W., 2021. Vitamin K metabolism as the potential
missing link between lung damage and thromboembolism in Coronavirus disease 2019. British Journal of
Nutrition, p. 191–198.