Tanintharyi Regional Health Department

22/10/2025

တနင်္သာရီတိုင်းဒေသကြီးပြည်သူ့ကျန်းမာရေးနှင့်ကုသရေးဦးစီးဌာန၏ ၂၀၂၅ခုနှစ်၊ ကမ္ဘာ့ မျက်မမြင် ပပျောက်ရေးနေ့ အထိမ်းအမှတ် အခမ်းအနားကို (၂၂-၁၀-၂၀၂၅) ရက်နေ့တွင် ထားဝယ်မြို့၊ မြို့တော်ခန်းမ၌ကျင်းပပြုလုပ်ရာ တိုင်းဒေသကြီးဝန်ကြီးချုပ်မှ အဖွင့်အမှာစကားပြောကြားပါသည်။ ထို့နောက် တိုင်းဒေသကြီးပြည်သူ့ကျန်းမာနှင့်ကုသရေးဦးစီးဌာနမှူး မှ အခမ်းအနား ကျင်းပရခြင်း အကြောင်းကို ရှင်းလင်းတင်ပြပါသည်။ တိုင်းဒေသကြီးဝန်ကြီးချုပ်နှင့်အစိုးရအဖွဲ့ဝင်ဝန်ကြီးတို့မှ အဖိုးအဖွားများအား မျက်မှန်တပ်ဆင်ပေးခြင်း၊ အာဟာရထောက်ပံ့ပေးခြင်းတို့ကို ဆောင်ရွက် ပါသည်။ အခမ်းအနားသို့ တိုင်းအဆင့်ဌာနဆိုင်ရာများ၊ မိခင်ကလေးနှင့်အမျိုးသမီးရေးရာအဖွဲ့ဝင်များ၊ ထားဝယ်မြို့ပြည်သူ့ဆေးရုံကြီးမှ ဆေးရုံအုပ်ကြီးနှင့်အထူးကုဆရာဝန်ကြီးများ၊ပြည်သူ့ကျန်းမာရေးနှင့်ကုသရေးဦးစီးဌာနမှ ဝန်ထမ်းများ စုစုပေါင်း (၁၅၀)ခန့် တက်ရောက်ကြ ပါသည်။

26/08/2025

၂၀၂၅ခုနှစ်၊ အာဟာရဖွံ့ဖြိုးရေး ရက်သတ္တပတ်များတိုင်းဒေသကြီးအဆင့် အထိမ်းအမှတ်အခမ်းအနား ကို (၂၅-၈-၂၀၂၅)ရက်နေ့ တွင်၊ တနင်္သာရီတိုင်းဒေသကြီး၊ ထားဝယ်မြို့၊မြို့တော်ခန်းမတွင် ပြုလုပ်ရာ တိုင်းဒေသကြီးဝန်ကြီးချုပ် တက်ရောက်ဖွင့်လှစ် အမှာစကား ပြောကြားပါသည်။ ထို့နောက်စာစီစာကုံးပြိုင်ပွဲတွင် ဆုရသူများကို တိုင်းဒေသကြီးဝန်ကြီးချုပ်က ဆုချီးမြှင့်ပါသည်။ ထို့နောက် အာဟာရဖွံ့ဖြိုး‌ရေးအထိမ်းအမှတ် ဗွီဒီယိုဖြင့် တင်ဆက်ပြသပါသည်။ ထို့နောက်အထကကျောင်းများနှင့် ကိုယ်ပိုင်ကျောင်းများမှ ကျောင်းသူကျောင်းသားများက အာဟာရဖွံ့ဖြိုးရေး အထိမ်းအမှတ် သီချင်းများဖြင့် သီဆိုဖြေဖျော်ကြပါသည်။
အခမ်းအနားအပြီးတွင် တိုင်းဒေသကြီးဝန်ကြီးချုပ်နှင့်အစိုးရအဖွဲ့ဝင်ဝန်ကြီးများသည် ပြသထားသော ကျန်းမာရေးပြခန်းငယ်ကို ကြည့်ရှုအားပေးပြီး ကလေးငယ်များနှင့် ကိုယ်ဝန်ဆောင် မိခင်များအား ဗီတာမင်အေဆေးနှင့် သံဓါတ်အားဆေးတို့ အားတိုက်ကျွေးပြီး၊ အမှတ်တရ လက်ဆောင်ပစ္စည်းများအားပေးအပ်ကာ အခမ်းအနားကို အောင်မြင်စွာ ပြီးမြောက်ပါသည်။
အဆိုပါ အခမ်းအနားသို့ တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်းအဆင့်ဌာန ဆိုင်ရာများ၊ မိခင်ကလေး၊အမျိုးသမီးရေးရာကော်မတီဝင်များ၊ ကျန်းမာရေးဌာနမှ တာဝန်ရှိသူများ ကိုယ်ဝန်ဆောင်မိခင်နှင့် ကလေးငယ်များစုစုပေါင်း (၂၀၀)ခန့် တက်ရောက်ကြ ပါသည်။

13/08/2025

၂၀၂၅-၂၀၂၆ ပညာသင်နှစ်၊ကျောင်းကျန်းမာရေး သီတင်းပတ်လှုပ်ရှားမှုများ အထိမ်းအမှတ် အခမ်းအနား ကို (၁၃-၈-၂၀၂၅)ရက်နေ့ တွင်၊ တနင်္သာရီတိုင်းဒေသကြီး၊ ထားဝယ်မြို့ ၊မြို့တော်ခန်းမတွင် ပြုလုပ်ရာ တိုင်းဒေသကြီးဝန်ကြီးချုပ် တက်ရောက်ဖွင့်လှစ် အမှာစကား ပြောကြားပါသည်။ ထို့နောက် တိုင်းဒေသကြီးပြည်သူ့ ကျန်းမာရေးဦးစီးဌာနမှူးက ကျောင်းကျန်းမာရေးလုပ်ငန်းအစီအစဉ်ကို ရှင်းလင်းပြောကြားပါသည်။ ထို့နောက်စာစီစာကုံးပြိုင် ပွဲ၊ ပန်းချီပြိုင်ပွဲများတွင် ဆုရသူများကို တာဝန်ရှိသူများက ဆုချီးမြှင့်ပါသည်။ အထက (၁)ကျောင်းသူကျောင်းသားများက ကျန်းမာရေးသီချင်းဖြင့် သီဆိုဖြေဖျော်ကြပါသည်။
အဆိုပါ အခမ်းအနားသို့ တိုင်းဒေသကြီးအစိုးရအဖွဲ့ဝင်ဝန်ကြီးများ၊ တိုင်းအဆင့်ဌာန ဆိုင်ရာများ၊ မိခင်ကလေး၊အမျိုးသမီးရေးရာကော်မတီဝင်များ၊ ပညာရေးနှင့်ကျန်းမာရေးဌာနမှ တာဝန်ရှိသူများ စုစုပေါင်း (၁၀၀)ခန့် တက်ရောက်ကြပါသည်။
အခမ်းအနားအပြီးတွင်ဝန်ကြီးချုပ်နှင့်တာဝန်ရှိသူများက ပညာရေးဌာနမှ ပြသထားသော ပြခန်းငယ်များကို ကြည့်ရှုအားပေးပါသည်။

04/06/2025

တနင်္သာရီတိုင်းဒေသကြီး ပြည်သူ့ကျန်းမာရေးဦးစီးဌာနသည် သွေးလွန်တုပ်ကွေးရောဂါ အသိပေးဆွေးနွေးပွဲကို (၃-၆-၂၀၂၅)ရက်နေ့တွင် တနင်္သာရီတိုင်းဒေသကြီး ပြည်သူ့ကျန်းမာရေးဦးစီးဌာန၊ အစည်းအဝေးခန်းမတွင် ကျင်းပပြုလုပ်ခဲ့ရာ ခြင်လောက်လန်းနှိမ်နင်းရေး၊ အဘိတ်ဆေးခပ်ခြင်းလုပ်ငန်း၊ ခြင်ဆေးဖြန်းခြင်း လုပ်ငန်းများကို ရှင်းလင်းတင်ပြခဲ့ပါသည်။ အဆိုပါ အသိပေးဆွေးနွေးပွဲသို ထားဝယ်ခရိုင် အထွေထွေအုပ်ချုပ်ရေးဦးစီးဌာန၊ တိုင်းဒေသကြီးမီးသတ်ဦးစီးဌာန၊ တိုင်းဒေသကြီး ပညာရေးဌာန၊ ကြက်ခြေနီ၊ မိခင်ကလေး၊ အမျိုးသမီးရေးရာအဖွဲတိုနှင့်ဇမ္ဗူသီရိ လူမှုရေးအဖွဲ၊ ရပ်ကွက် အုပ်ချုပ်ရေးမှူးတိုနှင့် တိုင်းဒေသကြီးပြည်သူ့ကျန်းမာနှင့် ကုသရေးဦးစီးဌာနတိုမှ တာဝန်ရှိသူများ တက်ရောက်ကြပါသည်။

14/05/2025

07/04/2025