ကျန်းမာသုတ ဘဝသုခ

Home
ကျန်းမာသုတ ဘဝသုခ

ကျန်းမာရေးဆိုင်ရာ ဗဟုသုတများ

14/08/2025

ဆီးဝမ်းမှန်စေပြီး လိပ်ခေါင်းအတွက်ဓာတ်စာဖြစ်တဲ့ စောင်းလျားသီး

၁။ အူမကြီး ကင်ဆာရောဂါကို ကာကွယ်နိုင်ခြင်း

စောင်းလျားသီးမှာပါတဲ့ဓာတ်တိုးဆန့်ကျင်ဓာတ်တွေက ကင်ဆာရောဂါ မဖြစ်အောင် တားဆီးပေးနိုင်ပါတယ်။ ဆေးသိပ္ပံလေ့လာမှုတွေအရ စောင်းလျားသီးမှာပါတဲ့ အမျှင်ဓာတ်က အစာအိမ်အူလမ်းကြောင်းက အဆိပ်အတောက်တွေကို နည်းပါးစေကာ ကင်ဆာဖြစ်ပွားနှုန်းကို လျော့ချပေးနိုင်တယ်လို့ ဆိုပါတယ်။

၂။အရောင်ကျစေခြင်း

စောင်းလျားသီးမှာပါတဲ့ ဓာတ်တိုးဆန့်ကျင်ဓာတ်တွေနဲ့Flavonoids တွေကြောင့်ရောင်ရမ်းမှုတွေကို သက်သာစေပါတယ်။ အထူးသဖြင့်အရေပြား ရောင်ရမ်းလူနာတွေ စားသင့်ပါတယ်။ ဒါ့အပြင် စောင်းလျားသီးမှာ ဗီတာမင်စီ များစွာပါတာမို့ ကော်လဂျင်ထုတ်လုပ်မှုကို အားပေးပါတယ်။

၃။ နှလုံးကျန်းမာရေးကို ကောင်းမွန်စေခြင်း

စောင်းလျားသီးမှာ ပိုတက်စီယမ်ဓာတ်ပါတာမို့ သွေးတိုးကို ထိန်းညှီကာ နှလုံးကျန်းမာရေးကို အထောက်အကူပြုပါတယ်။

၄။နို့တိုက်မိခင်တွေ စားသင့် စောင်းလျားသီးစားတဲ့ နို့တိုက်မိခင်တွေမှာ နို့ပိုထွက်ဖို့ အထောက်အကူပြုတယ်လို့ သိရပါတယ်။

၅။အလေးချိန်ကျစေခြင်း

စောင်းလျားသီးမှာ ကယ်လိုရီ၊ ကာဗွန်ဟိုက်ဒြိတ် နည်းပါးပြီး အမျှင်နဲ့ အာဟာရဓာတ်များစွာပါဝင်တာမို့ ခန္ဓာကိုယ်ရဲ့ အစာခြေချက်မှုကို အားပေးကာ ဝိတ်ကျစေနိုင်ပါတယ်။

၆။ကိုယ်ခံအား ကောင်းစေခြင်း

စောင်းလျားသီးမှာ ဗီတာမင်စီပါဝင်မှုများတာမို့ ပုံမှန်စားရင် ကိုယ်ခံအားကောင်းစေကာ ရောဂါတွေ အလွယ်တကူဝင်လို့ မရတော့ပါဘူး။

၇။ သွေးပေါင်ထိန်းညှီပေးခြင်း

စောင်းလျားသီးမှာပါတဲ့ ကယ်လ်စီယမ်၊ ပိုတက်စီယမ် ဓာတ်တွေက နှလုံးသွေးကြောကျဉ်းတာ၊ သွေးတိုးတ.ာတွေကို ကာကွယ်ပေးပါတယ်။

၈။ အစာကြေ၊ဝမ်းမှန်စေခြင်း

စောင်းလျားသီးမှာ အမျှင်ဓာတ်များစွာပါတာမို့ ပုံမှန်စားရင် လေပွခြင်း၊ ဝမ်းချုပ်ခြင်းမှာကင်းဝေးစေမှာပါ။

၉။ဆီးချိုကို ထိန်းညှီပေးခြင်း

စောင်းလျားသီးမှာ အမျှင်ဓာတ်နဲ့ တခြား ဓာတ်တွေ များစွာပါတာမို့ ဆီးချိုသမားတွေ ဆီးချို တက်နေရင် နေ့စဉ် တလုံး ပုံမှန် စားသင့်ပါတယ်။

၁၀။ အဆီဓာတ်ကို ချပေးခြင်း

စောင်းလျားသီး ပုံမှန်စားရင်ခန္ဓာကိုယ်အတွက် မကောင်းတဲ့ အဆီ LDLကို ချပေးပြီး ကောင်းတဲ့ အဆီ HDLကို တက်စေပါတယ်။ အသည်းအဆီဖုံးရောဂါကို လျော့ပါးစေတယ်လို့ ကြွက်တွေနဲ့ လေ့လာထားမှုအရ သိရပါတယ်။

၁၁။ခန္ဓာကိုယ်ကို သန့်စင်ပေးခြင်း စောင်းလျားသီးက ဆီးသွားများစေပါတယ်။ ခန္ဓာကိုယ်ထဲ ပိုနေတဲ့ ဆိုဒီယမ်ဓာတ်တွေကို ဆီးထဲ ပါကာ သန့်စင်ပေးနိုင်ပါတယ်။

၁၂။လည်ချောင်းနာခြင်းကို သက်သာစေခြင်း

စောင်းလျားသီးမှာ အရောင်ကျစေတဲ့ အာနိသင်ရှိတာမို့ လည်ချောင်းနာခြင်းကို သက်သာစေပါတယ်။ တံတွေးပိုမိုထွက်စေကာ မကောင်းတဲ့ ပိုးမွှားတွေကို နည်းပါးစေပါတယ်။

၁၃။အိပ်ရေးဝစေခြင်း စောင်းလျားသီးမှာ မဂ္ဂနီဆီယမ်ကြွယ်၀စွာပါ၀င်ပြီး နှစ်ခြိုက်စွာအိပ်ပျော်စေပါတယ်။

၁၄။မျက်လုံးကျန်းမာရေးကို ကောင်းမွန်စေခြင်း ဗီတာမင်အေ ကြွယ်၀စွာပါ၀င်လို့ မျက်လုံးကျန်းမာရေးကို ကောင်းမွန်စေပါတယ်။

ဆေးဖက်အဖြစ်အသုံးပြုပုံ

စောင်းလျားသီးမှ ဖျော်ရည် (သို့မဟုတ်) စောင်းလျားသီးမှည့်ကို ငါးပြေမနှင့် ချက်စားက ကျောက်ကပ် ကျောက်တည်ခြင်း၊ ဆီးအိမ်နှင့် သည်းခြေ အိတ်တို့တွင် ကျောက်တည်ခြင်း တို့ကို သက်သာ ပျောက်ကင်း စေပါသည်။

စောင်းလျားသီးကို စားပေးခြင်းဖြင့် ဆီးရောဂါ၊ ဝမ်းရောဂါ၊ သည်းခြေ၊ ကျောက်ကပ် စတဲ့ရောဂါများကို ကာကွယ်ပေးပါတယ်။

ဆီးချိုရောဂါရှိသူများ စောင်းလျားသီးအစိမ်းကို ငါးပြေမ သို့မဟုတ် အခြားငါးများနဲ့ ဓါတ်စာအဖြစ် မကြာခဏ ချက်စားပါ။ ရောဂါကို ထိန်းပေးနိုင်ပါတယ်။

အသီးမှည့်ကို စားပေးခြင်းဖြင့် ဝမ်းချုပ် ရောဂါ၊ ရေငတ် ရောဂါ ပျောက်ကင်းစေသည်။

စောင်းလျားသီးမှည့်ကို သကြားနှင့် စားပါက အော့အန်ခြင်း၊ အစာမကြေခြင်းကို ပျောက်ကင်းစေသည်။

စောင်းလျားသီးမှည့် ရှာလပတ်ရည် သောက်ပေးပါက အဖျားကို ပျောက်စေသည်။

စောင်းလျားသီးကို အခြား ဟင်းလျာများနှင့် ချက်၍ စားပါက နှုတ်ကို မြိန်စေသည်။

အတွင်း လိပ်ခေါင်း ရောဂါ အတွက် စောင်းလျားသီးမှည့်ကို ဓာတ်စာအဖြစ် စားပေးရသည်။

စောင်းလျားသီးကို ချဉ်ရည်ဟင်း ချက်စား ပေးပါက ဆီးနှင့်ဝမ်း ကို မှန်စေသည်။

နှုတ်မမြိန်ခြင်း၊ အစားအသောက် ပျက်ခြင်း၊ အစာမကြေခြင်း ဖြစ်လျှင် စောင်းလျားသီး အစိမ်းကို ပါးပါးလှီး၍ ငါးနှင့် ချက်စားခြင်းဖြင့် ပျောက်နိုင်သည်။

ရင်ဘတ်နာ၊ လေနာ၊ မီးယပ် ဝမ်းပျက်၊ အသံပျက် ရောဂါများအတွက် စောင်းလျားသီးမှည့် ၂၀ လုံး၊ သကြား ၅ ကျပ်သား၊ ပျားရည် ၁၂ ကျပ်ခွဲသား၊ စမုန်စပါး၊ စမုန်နီ၊ စမုန်ဖြူ၊ စမြိတ်မှုန့် ၂ ပဲစီ ထည့်၍ မွှေပြီး ၁၀ ရက်ခန့် ထားပါ။ ထို့နောက် ည၊ နံနက် ဆေးရည် လက်ဖက်ရည်ဇွန်း တစ်ဇွန်းကျ သောက်ပေးခြင်းဖြင့် အဆိုပါ ရောဂါများကို သက်သာ ပျောက်ကင်း စေနိုင်ပါသည်။

Crd
#စောင်းလျားသီး
#လန်းလန်းတိုင်းရင်းဆေး

13/08/2025

သဘာဝ အားတိုးစေတဲ့ ဒန့်သလွန်စေ့

အမေရိကန်လူမျိုး မိတ်ဆွေက သူတို့ဆီမှာ ဒန့်သလွန်စေ့ တစ်ထုပ် (အစေ့ ၁၀၀)ကို ၆ ဒေါ်လာနဲ့ ဝယ်စားနေတယ်လို့ ပြောပြလို့ အရမ်းအံ့သြမိတယ်။ အမှန်တိုင်းဝန်ခံရရင် ကျနော်အနေနဲ့ ဒန့်သလွန်သီးကို ပဲကုလားချဉ်ရည် ချက်တဲ့အခါလောက်ပဲ စားဖြစ်တာဗျ။ ဒါတောင် အသီးမှာ ကပ်နေတဲ့ အသားလောက်ပဲ သွားနဲ့ ခြစ်စားတာ တခါတလေ အစေ့တွေက ရင့်နေလို့ မဝါးစားဖြစ်ဘူး လို့ပြောတော့ အမေရိကန် လူမျိုး David က အံ့သြသွားတယ်။ သူက ပြန်ပြောတယ် အဲ့ဒီလုပ်ရပ်က အရမ်း မိုက်မဲတာပဲတဲ့။ ကိုယ်လည်း ဒန့်သလွန်သီး၊ အရွက်နဲ့ အမြစ်လောက်ပဲ ဆေးဝါးအဖြစ် သုံးဖူးတော့ သူပြောလည်း ခံနေရ တော့တာပေါ့။ နောက်တော့ ကျနော် ဒန့်သလွန်သီးအစေ့ အကြောင်း အရမ်းသိချင်လာတာနဲ့ လေ့လာကြည့်တယ်။ အစေ့မစားဘဲ ထွေးထုတ်တာဟာ အရမ်းမိုက်မဲမှန်း အဲ့ကျမှ ကိုယ့်ကိုယ်ကိုယ် သိတော့တယ်။ အမေရိကနဲ့ ဥရောပမှာ ဒန့်သလွန်သီးကို အခြောက်ခံလို့ရလာတဲ့ အစေ့ကို တောင်ပံလေးတွေခြွေ၊ အစေ့လေးတွေချည်း ထုပ်ပိုးပီး ရောင်းကြတယ်။

အာဟာရချို့တဲ့ တဲ့ရောဂါ၊
သွေးအားနည်းခြင်း၊
သွေးတွင်းအဆီဓာတ်များခြင်း၊
ဆီးချိုရောဂါ၊
အဆစ်ရောင်အမျိုးမျိုး၊
အိပ်မပျော်ခြင်း၊
အသည်း၊
ကျောက်ကပ်ဆိုင်ရာ ရောဂါများ၊
Bacteria ပိုးကူးစက်ခြင်း၊
ကာမစိတ်ကုန်ခမ်းခြင်း စတာတွေမှာ အဓိက သုံးကြတယ်။ မြန်မာတွေက အသီးကိုပဲ ချက်စားကြတာ များတယ်လေ။ အစေ့ကို အခြောက်လှန်း သန့်စင်ပြီး လှော်စားတာ၊ ပြုတ်စားတာ၊ အမှုန့်ကြိတ်စားတာ၊ အဆီထုတ်တာမျိုးမှ မရှိဘဲ။ တကယ်တော့ ဒန့်သလွန်စေ့မှာ ဓာတ်တိုးဆန့်ကျင်ဒြပ်ပေါင်းတွေဖြစ်တဲ့ Kaempferol, Quercetin, Rutin, Caffeoylquinic acids တွေ ပါဝင်နေတယ်။

Vitamin အနေနဲ့လည်း မျက်စိ၊ အရေပြား ဆံသားနဲ့ ခြေသည်းလက်သည်းတွေကို အားကောင်းစေတဲ့ Vitamin A ပါဝင်တယ်။ ကင်ဆာကို ဖြစ်စေသော Free radicals တွေ ဒဏ်က ကင်းစေတဲ့၊ အနာကျက်မြန်စေတဲ့ Vitamin C ပါဝင်နေတယ်။ Iron သံဓာတ်ပါဝင်လို့ သွေးနီဥနည်းလို့ သွေးအားနည်းတဲ့ရောဂါ မဖြစ်စေဘူး။ အာယုဗ္ဗေဒ ဆေးကျမ်းတွေမှာတော့ ဒန့်သလွန်သီးအစေ့ကို…ပိုးသေဆေး၊ အတက် ကျဆေး၊ အဆစ်ရောင်အမျိုးမျိုး၊ ကာမအားတိုးဆေး (အမျိုးသား၊ အမျိုးသမီး)နဲ့ ရောဂါအားလုံးအတွက် သင့်တယ်လို့ကို ဆိုထားပါတယ်။

အဓိက က ဒန့်သလွန်စေ့က ကျောက်ချဉ်လိုပဲ ရေကိုသန့်သွားစေတာကိုး…ဘယ်လောက် နောက်တဲ့ ရေဖြစ်ဖြစ် ဒန့်သလွန့် အစေ့ ကြိတ်ထားတဲ့ အမှုန့် ၅၀ မှ ၁၅၀ မီလီဂရမ်လောက်ကို ၁ လီတာ ရေထဲ ထည့်လိုက်ရင် ရေထဲမှာ ရှိတဲ့ ပိုးသေစေတယ်…ရေကို သောက်လို့ရနိုင်တဲ့အထိ သန့်သွားစေတယ်။ ဒီလိုပဲ ခန္ဓာကိုယ်ထဲ ရောက်ရင် အဆိပ်ဖြေ ပေးတယ်။ သန့်စင်စေတဲ့ လုပ်ငန်းလုပ်ပေးတယ်။ ဒါ့ကြောင့် တခါစားရင် * ၂ စေ့ထက် မပိုစေနဲ့။ (တစ်နေ့မှာ ၄စေ့ အထိ စားနိုင်တယ်)လို့ ပြောတာပါ။

ဘာလို့လဲဆိုတော့ သူက အစာအိမ်နဲ့ အူလမ်းကြောင်းမှာ သန့်စင်တဲ့ အလုပ်လုပ်တဲ့အတွက် ပေါက်ပေါက်လို အများကြီး စားရင် နေထိုင်မကောင်းတာ၊ ဝမ်းသွားတာ၊ ပျို့တာ၊ အိပ်မရတာတွေ ဖြစ်လာတတ် တယ်။ အမှန်က အဆိပ်ရှင်းထုတ်နေတဲ့အတွက် ရလာတဲ့ အကျိုးအာနိသင်ပါ။

ယခုမှ စစားတဲ့ လူဆိုရင် [တစ်ခါစားလျှင် ၁ စေ့]နှင့် စတင်ပါ။ နောက်မှ ဖြေးဖြေးချင်း တိုးသွားနိုင်ပါတယ်။ ဝါးဝါးချင်း ချိုသလိုမျိုး ဖြစ်ပေမဲ့ ကြာကြာဝါးရင် ခါးသက်သက် ဖြစ်လာပါတယ်။ David ကတော့ သူ့ရဲ့ ဆီးချိုထိန်းဖို့ နေ့တိုင်း ၃စေ့ စားတယ်လို့ ပြောပါတယ်။

သတိပြုရမဲ့ အချက်လေးတွေ ရှိပါတယ်။

တောင်ပံလေးတွေ ခြွေစားပါ။ ဒါကတော့ အစေ့ရဲ့ တောင်ပံလေးတွေမှာ အညစ်အကြေးနဲ့ ပိုးမွှားတွေ ကပ်နေတတ်လို့ပါ။ ဒါပေမဲ့ ချွင်းချက်အနေနဲ့ Weight မြန်မြန် ကျချင်တဲ့ သူတွေကတော့ တောင်ပံတွေ မခြွေ ပဲ စားနိုင်ပါတယ်။ သေချာရေဆေးပြီး ဆားနဲ့ နယ်ပါ။ ရေကို ၂ ခါလောက်ပြန်ဆေးရင် စားလို့ရပါတယ်။** တောင်ပံတွေမှာ အရမ်းကို Fiber အမျှင်ဓာတ်ကြွယ်ဝ လို့ Weight ကျစေပါတယ်။

ကိုယ်ဝန်ဆောင်စဉ် မစားပါနဲ့။

ကိုယ်ဝန်ဆောင်စဉ်တော့ အဆိပ်ဖြေရည် Detox water တောင် မသောက်သင့်တာ…ဒန့်သလွန်စေ့ကလည်း Detox လုပ်ပေးတာကြောင့် မစားသင့်ပါဘူး။ *ဒါပေမဲ့ ကိုယ်ဝန် လိုချင်တဲ့ စုံတွဲတွေအတွက်တော့ မှန်မှန် စားသင့်တဲ့ အစေ့ပါပဲ။

ဗိုက်ထဲ အစာမရှိတဲ့ အချိန်မစားပါနဲ့။

စားလိုက်ရင် ဝမ်းသွားတာမျိုး၊ နေထိုင်မကောင်းသလိုမျိုး ဖြစ်တတ်ပါတယ်။ဒါက အစေ့ရဲ့ သန့်စင်ခြင်း လုပ်ငန်းကြောင့် ဖြစ်လာတဲ့ ရလဒ်ပါ။ အရမ်းအာနိသင်ရှိပီး ဆေးဖက်ဝင်တဲ့ အစေ့ပါ။ ဒန့်သလွန်စေ့ နေ့တိုင်းစားရင် Energy drink တွေတောင် သောက်စရာမလိုဘူးလို့ ပြောထားတဲ့ Video တွေ ရှိပါတယ်။ ဦးနှောက်မှတ်ဉာဏ်ကိုလည်း ကောင်းတယ်။ ဝမ်းချုပ်ခြင်း ကင်းစေတယ်။ နိုင်ငံခြား မှာတော့ Cold pressing နည်းစနစ်နဲ့ အစေ့ကနေ အဆီထုတ်တယ်။ ဒန့်သလွန်စေ့ အဆီမှာ Saturated fat = 13% နဲ့ ကျန်းမာရေးအတွက် ကောင်းတဲ့ Unsaturated fat = 82% အထိ ပါဝင်လို့ သံလွင်ဆီလိုပဲ အာနိသင်ထက်မြက်ပါတယ်။ အိမ်မှာ ဒန့်သလွန်ပင် ရှိရင် အသီးတွေ မစားဖြစ်လို့ ရင့်သွားရင် လွှင့်မပစ်လိုက်ပါနဲ့။ အစေ့လိုချင်ရင် ကြွေမှာ ကောက်တာထက် မကြွေခင် စုဆောင်းပြီး အခြောက်လှမ်းပါ။ အစေ့နုလေးတွေကို ပဲစေ့လို ကြော်စား၊ ပြုတ်စားနိုင်သလို အစေ့မာကို လှော်စား၊ အမှုန့်ပြုထားလို့ ရပါတယ်။ David ကို အခုတော့ စာပြန်ပို့ပြီး အပြင်မှာတွေ့တဲ့အခါ ငါတို့ မြန်မာမှာ ပေါပေါ များများရတဲ့ ဒန့်သလွန်စေ့တွေ လက်ဆောင်ပေးဖို့ ပြောလိုက်နိုင်ပီ။

ကျေးဇူးတင်ပါတယ်… ဆက်လက်ကြိုးစားပါဦးမည်။

Credit – hello dr.diet

11/08/2025

ကင်ဆာကာကွယ်ပေးနိုင်တဲ့ ဆေးဖက်ဝင် #မျက်ထောင့်ပင်

မျက်ထောင့်ပင် ဆိုတာက ကန်သင်းရိုးတွေ၊ မြေကွက်လပ်တွေမှာ ပေါက်တတ်တဲ့ မြေလျှောက်ပင် တစ်မျိုးပါ။ အရိုးတံက အစိမ်းရောင် ရှိသလို အနီရောင်လည်း ရှိပါတယ်။ အရွက်လေးတွေက ခပ်သေးသေးနဲ့ ထူထူလေးတွေပါ။ အပွင့် ဝါဝါလေးတွေလည်း ပွင့်တတ်ပါတယ်။ အရိုးပွပွလေးပါ။ ကြွပ်ဆတ်ဆတ်လေးပါ။

အရသာက နည်းနည်း ခါးသက်သက် ရှိပါတယ်။ တစ်ပင်လုံး စားလို့ရပြီး ဆေးဖက်ဝင်ပါတယ်။ အစိမ်းမစားပါနဲ့။ ရေနွေးထဲ ထည့်ပြုတ်သောက်တာမျိုး ရသလို ချက်စားလို့လည်း ရပါတယ်။

နှလုံး ကျန်းမာစေနိုင်တယ်

မျက်ထောင့်ပင်မှာ Omega-3 fatty acids ပါဝင်နေတာကြောင့် အကျိုးမပြု ကိုလက်စထရော (LDL) ကို ကျဆင်းစေပြီး သွေးတွင်းကိုလက်စထရော ပမာဏကို ထိန်းညှိပေးတာကြောင့် နှလုံး ကျန်းမာစေဖို့ ထောက်ကူပေးပါတယ်။

ကင်ဆာ ဖြစ်နိုင်ခြေ လျှော့ချပေးတယ်

မျက်ထောင့်ပင်က အခြား အပင်တွေထက် ဓာတ်တိုးဆန့်ကျင်ပစ္စည်း ပါဝင်မှု များတာကြောင့် နေ့စဉ် ထိတွေ့မိနေတဲ့ ညစ်ညမ်းတဲ့အရာတွေကြောင့် ကျန်းမာရေး ထိခိုက်နိုင်ခြေကို လျှော့ချပေးသလို ဓာတ်တိုးပစ္စည်းတွေကြောင့် ကင်ဆာ အပါအဝင် နာတာရှည်ရောဂါတွေ ဖြစ်နိုင်ခြေကိုလည်း လျှော့ချပေးနိုင်ပါတယ်။

အချို့သော ကင်ဆာတွေ မဖြစ်စေဖို့ ကာကွယ်ပေးသလို သက်သာစေဖို့လည်း ထောက်ကူပေးပါတယ်။ ခံတွင်းကင်ဆာ မဖြစ်စေဖို့ ကာကွယ်ပေးပါတယ်။

ပန်းနာရင်ကြပ် သက်သာစေတယ်

ဗီတာမင် A ပါဝင်နေတာကြောင့် အသက်ရှူလမ်းကြောင်းကို ကျန်းမာစေနိုင်ပါတယ်။ ပန်းနာရင်ကြပ် ရှိသူတွေ သက်သာစေဖို့အတွက် စားပေးလို့ ရပါတယ်။

အရိုးတွေ သန်မာစေနိုင်တယ်

မျက်ထောင့်ပင်က အရိုးတွေ သန်မာစေဖို့ အရေးပါတဲ့ အာဟာရဓာတ်တွေ ဖြစ်တဲ့ ကယ်လ်ဆီယမ်၊ မဂ္ဂနီဆီယမ်၊ သံဓာတ်တို့ ပါဝင်နေပါတယ်။ အရိုးတွေကို သန်မာစေသလို အရိုးပွတာကို ကာကွယ်ဖို့လည်း စားပေးလို့ ရပါတယ်။

အမြင်အာရုံ ကျန်းမာစေတယ်

ဟင်းသီးဟင်းရွက်တွေမှာ ဗီတာမင် A ကြွယ်ဝတာကြောင့် အမြင်အာရုံကို အကောင်းဆုံး အားဖြည့်ပေးနိုင်ပါတယ်။ မျက်ထောင့်ပင်က ဗီတာမင် A ရော ဘီတာကယ်လ်ရိုတင်းပါ ကြွယ်ဝစွာ ပါဝင်နေတာကြောင့် မျက်လုံး ကျန်းမာစေသလို အမြင်အာရုံလည်း ကောင်းစေနိုင်ပါတယ်။

အရေပြား ကျန်းမာစေနိုင်တယ်

အရေပြား ဓာတ်မတည့်တာ၊ အကောင်ကိုက်တာနဲ့ အရေပြား ပြဿနာ အမျိုးမျိုးကို သက်သာစေဖို့အတွက် မျက်ထောင့်ပင်က အကောင်းဆုံး ထောက်ကူပေးနိုင်ပါတယ်။ စားသုံးပေးလို့ ရသလို အရေပြားမှာ တိုက်ရိုက် အသုံးပြုပေးလို့လည်း ရပါတယ်။

ဆီးချို သက်သာစေနိုင်တယ်

ခါးသက်သက် အရသာရှိတဲ့ မျက်ထောင့်ပင်က ဆီးချိုသက်သာစေဖို့ ထောက်ကူပေးနိုင်ပါတယ်။ သွေးတွင်းသကြားဓာတ်ကို ထိန်းညှိပေးပြီး အင်ဆူလင် တုံ့ပြန်မှု ကောင်းစေပါတယ်။

ဒါတွေအပြင် ကိုယ်ဝန်ဆောင် မိခင်တွေကို ကျန်းမာစေနိုင်သလို နို့တိုက်မိခင်တွေကိုလည်း နို့ထွက်များစေဖို့ ထောက်ကူပေးပါသေးတယ်။ မစားသုံးခင်မှာ အရင်ဆုံး ဆရာဝန်နဲ့ တိုင်ပင်ဖို့တော့ လိုပါမယ်။
Crd hellosayarwon

10/08/2025

#ရေထိကရုံးပင်
ဒူလာ သွေးဝမ်း
~~~~~~~~~
ရေထိကရုံးပင်ကို ငါးရှဥ့်နှင့်ကြော်စားလျင်ဒူလာသွေးဝမ်းပျောက်သည်။

~ကြက်သားနှင့် ကြော်စားလျင် အနာကျက်သည်။

~ငါးကြင်းနှင့်ကြော်စားလျင် ဆီးအောင့်ပျောက်သည်။

~ငါးသိုင်းနှင့်ကြော်စားလျင် ဆီးကျဥ်တာပျောက်သည်။

~ဆိတ်သားနှင့်ကြော်စားလျင် ရင်ကြပ်ပျောက်သည်။

~အမဲသားနှင့်ကြော်စားလျင် သွေးအန်တာပျောက်သည်။

~ထောပတ်နှင့်ကြော်စားလျင် လေရောဂါပျောက်သည်။

~ငါးရံ့နှင့်ကြော်စားလျင် ဆီးအိမ်ကိုက်တာ
ပျောက်သည်။

~ငါးကျည်းနှင့်ကြော်စားလျင် ဆီးကြိတ်ရောင်တာ
ပျောက်သည်။

~ရေထိကရုံးပင် သတ္တုရည်ကိုသောက်လျင်
ကျောက်ကပ် သန့်ရှင်းသည်။

~ပုစွန်နှင့်ကြော်စားလျင် သွေးအားတက်စေသည်။

~ရေနှင့်ကျိုပြီး ဒိုဗာလာ(မှန်ရောင်သကြားခဲ) သကြားနှင့်သောက်လျင်
ဆီးရွင်သည်။ဆီးရောဂါအမျိုးမျိုးပျောက်သည်။

~သတ္တုရည်ကို ဆန်ဆေးရေနှင့်သောက်ပါက
ဆီးနံဆိုးတာပျောက်သည်၊ကိုယ်နံ့ဆိုးတာပျောက်သည်။

ရေထိကရုံးပင်ကို သုပ်စားပြုတ်စားတို့စားမြုပ်စား
ထမင်းနှင့်တွဲစားလို့လည်းရသည်။
ကုန်းထိကရုံး ရေထိကရုံး နှစ်မျိုးလုံးဆေးဖက်ဝင်သည်။

crd
#လန်းလန်းတိုင်းရင်းဆေး
#လန်းလန်းအာရုံကြောဆေး
#ရေထိကရုန်း

09/08/2025

#အိမ်ရှင်မတို့သိသင့်တဲ့
#ရောဂါစုံကုသနိုင်တဲ့
#နနွင်း

နနွင်းကို ရိုးရာဆေးဝါးအဖြစ် နှစ်ပေါင်းများစွာကတည်းကပင် အသုံးပြုခဲ့ကြပြီး အသားဓာတ်၊ အမျှင်ဓာတ်၊ ဗီတာမင်စီ၊ ဗီတာ မင်အီး၊ ဗီတာမင်ကေ၊ ဆိုဒီယမ်၊ ပိုတက်ဆီယမ်၊ ကယ်လ်စီယမ်၊ ကာ့ပါး၊ သံဓာတ်၊ မဂ္ဂနီဆီယမ် နဲ့ ဇင့်ဓာတ်တို့ပါဝင်တာကြောင့် ကျန်းမာရေးပြဿနာမျိုးစုံကုသ ရာမှာ အသုံးပြုလေ့ရှိပါတယ်။

နနွင်းဟာ ကင်ဆာရောဂါမဖြစ်ပွားအောင် ကာကွယ် ပေးနိုင်ပြီး ကင်ဆာဆဲလ်တွေကို ဖျက်ဆီးနိုင်စွမ်း ရှိပါတယ်။ သုတေသနပြုချက် အတော်များ များရဲ့ အဆိုအရ နနွင်းဟာ သွး ကင်ဆာ၊ အူကင်ဆာနဲ့ ရင်သား ကင်ဆာတွေကို ကာကွယ်နိုင်စွမ်း ရှိတယ်လို့သိရပါတယ်။

ဒါ့အပြင် အဆစ်အမြစ်နာတာ၊ ရောင်တာ တွေလျော့ပါးသက်သာစေနိုင် သလို သွေးတွင်းသကြားဓာတ် ပမာဏကိုထိနျးပေးနိုငျတာေ ကြာင့် ဆီးချိုရောဂါကုသဖို့ အတွက်လည်း အသုံးပြုနိုင်ပါ တယ်။

ကိုလက်စထရောပမာဏ များနေရင်လည်း နနွင်းကိုချကြ် ပုတ်တဲ့အစားအသောက်ထဲ ထည့်ချက်ပြီး စားသုံးပေးရင် ကိုလက်စထရောလျော့ကျနိုင်ပါတယ်။

နနွင်းမှာပါတဲ့ ဓာတ် တစ်မျိုးဟာ ကိုယ်ခံအား ကောင်း အောင်မြှင့်တင်ပေးနိုင်ပြီး အအေးမိ၊ ချောင်းဆိုး၊ တုပ် ကွး ဖစ်တာတွေကို ကာကွယ်ပေး တယ်လို့ဆိုပါတယ်။ အအေးမိ၊ ချာင်းဆိုး၊ တုပ်ကွေးဖြစ်ပြီဆိုရင် လည်း နနွင်းမှုန့်လက်ဖက်ရည် ဇွန်းတစ်ဇွန်းနဲ့ နွားနို့နွေးနွေး သောက်ပေးရင်သက်သာပျောက် ကင်းပါတယ်။

ထိခိုက်ဒဏ်ရာဖြစ်လို့ အရေ ပြားပွန်းပဲ့ပေါက်ပြဲခဲ့ရင် သဘာဝပိုးသတ်ဆေး၊ အနာကျက်ဆေး ဖစ်တဲ့နနွင်းမှုန့်သိပ်ပေးရင် သက်သာနိုင်သလို အပူလောင်နာဖြစ် ရင်လည်း နနွင်းမှုန့်အုပ်ပေးထား ရင် ပျာက်ကင်းတယ်လို့ဆိုပါ တယ် ။ အရေပြားပျက်စီးနေတာ တွနဲ့ အသားအရောင်မမှန်တာ တွေအတွက် နနွင်းက ဆေးကောင်းဝါးကောင်းတစ်ခုပါပဲ။

ကိုယ်အလေးချိန်နဲ့ပတ် သက်ပြီးတော့လည်း နနွင်းက အကောင်းဆုံးကူညီပေးနိုင်ပြီး အဝလွန်သူတွေနဲ့ ကိုယ်အလေး ချိန်များနေသူတွေ အစာစားပြီး တိုင်း နနွင်းမှုန့်စားပွဲတင်ဇွန်းတစ် ဇွန်းသောက်ပေးနိုင်ပါတယ်။

ဒါ့ အပြင် အသက်အရွယ်အပြောင်း အလဲမှာဖြစ်တဲ့ မှတ်ဉာဏ်ချို့ ယွင်းမှုအယ်လ်ဇိုင်းမားရောဂါ အတွက်လည်း နနှငျးကကာကှယျေ ပးနိုင်ပါသေးတယ်။

ပြီးတော့ အစာမကြေ တာတွေနဲ့ အစာအိမ်ရောဂါ၊ ဆီး အိမ်၊ ဆီးလမ်းကြောင်းရောဂါ တွနဲ့ အသည်းရောဂါတွေမဖြစ် ပှားစဖေို့အတှကျေ ဆးဖက်ဝင် နနွင်းက ကူညီပေးနိုင်တဲ့ အကြောင်း ဖော်ပြလိုက်ပါတယ်။
ကျမ်းမာရေး အတွက်ဗဟုသုတရစေရန်
ပြန်တင်ပေးခြင်းသာဖြစိပါသည်။

Crd;အိမ်သုံးဓါတ်စာများထဲမှ နနွင်းရဲ့အကျိုးကျေးဇူးနဲ့သတိမူသင့်တဲ့အချက်တွေကိုမျှဝေပေးလိုက်တာပါတယ်ခင်ဗျာ။
(ဘယ်အရာမဆို တန်ရင်ဆေးလွန်ရင်ဘေးဆိုတာကိုတော့သတိပြုပေးစေချင်ပါတယ်)

( Sharing is Caring )
.

#နနွင်း ( ဆနွင်း ) အကြောင်း

နနွင်းသည် သွေးသားသန့်စင်ကြောင်း နှင့် နနွင်းထဲက Curcumin ဓါတ်က ကင်ဆာရောဂါကာကွယ်ခြင်း နှင့် ကင်ဆာဖြစ်နေသော ဆဲလ်(cell) တွေကို (Anticancer effect) ကင်ဆာဆဲလ်တိုက်ဖျက်နိုင်တဲ့ ထိရောက်မှုရှိကြောင်းကို အခြားအခြားသော ကျန်းမာရေး ဗဟုသုတပေးတဲ့ ဆောင်းပါးများ၊ နနွင်းမှုန့်စစ်စစ်သောက်ပြီး လက်တွေ့မှာ ကျန်းမာရေးဒေါင်ဒေါင်မြည်ဖြစ်နေသောသူများထံမှ တဆင့်၄င်း နနွင်း၏ခုခံအားကောင်းစေသောဓါတ်၊ ကိုယ်ခန္ဓာရောင်ကိုင်းမှုကိုလျော့စေသောဓါတ်၊ သံချေးမတက်စေသောဓါတ်တွေကြောင့် နနွင်းအကြောင်းကို လူတွေပိုသိပြီး ပိုမိုသုံးစွဲလာကြပါသည်။

နီးစပ်ရာ ပတ်၀န်းကျင်မှလည်း ကင်ဆာဖြစ်နေကြသူတွေ၊ ဖြစ်ပြီးသေဆုံးသွားကြသူများကို သိနေ ကြားနေ မြင်တွေ့နေရတော့လည်း ကင်ဆာနှင့်အတူ နာမည်ကြီးလာသော နနွင်းကို ကင်ဆာ ဆန့်ကျင်သည့်ဓါတ်တစ်မျိုး အနေဖြင့် ပိုပြီး စိတ်၀င်စားမိပါသည်။

နနွင်းသည် အနီးဆုံး ၀ယျယူနိုငျသော လက်လှမ်းအမှီနိုင်ဆုံးသော ဖြည့်စွက်စာတစ်ခုလည်းဖြစ်သည်။ ရှေးယခင်ကတည်းက်ဆေးဖက်၀င်မှု့အကြောင်း နှင့် များပြားလှစွာသော ကျန်းမာရေး အကျိုး အာနိသင်များ အကြောင်း၊ အသားအရေအလှအပအတွက်လည်း ဆနွင်းကို ရှေးရှေး မြန်မာတွေ အဓိကထားသုံးစွဲခဲ့ကြကြောင်း၊ ဟင်းခတ် အမွှေးအကြိုင်အနေနဲ့ နေ့စဉ်သုံးစွဲနေကြသောကြောင့် တခြားသောဆေးများကဲ့သို့ တခုနှင့်တခုပေါင်းသောက်လျှင်လည်း ဓါတ်မတည့်မှု မရှိခြင်း၊ ထိုကဲ့သို့သော အကြောင်းများစွာကြောင့် နနွင်းမှုန့်ကို အားလုံးက ဟင်းခါတ် အမွှေအကြိုင်အနေဖြင့်သာမက ကျန်းမာရေးဆေးတစ်ခွက်အနေနှင့် သောက်ဖို့ လွယ်ကူလက်လှမ်းမှီမယ်လို့ ထင်ပါသည်။

နောက်တချက်က အရင်က နနွင်းကို ထိခိုက်ဒဏ်ရာ တစ်ခုခုဖြစ်လျှင် ချက်ချင်း ခေတ်မှီဆေးများလက်လှမ်းမမှီနိုင်လျှင် နနွင်းသိပ်ထားပြီး အနာမရင်းအောင် လုပ်ကြသည်ကို တော်တော်များများ ကြာဖူးကြမှာပါ။ ခုတော့ ဒါကို တချို့က ဆေးမှီတိုကုနည်းလို့ ခေါ်ကြသည်။

ဘာပဲဖြစ်ဖြစ် တကယ်ပိုပြီးထိရောက်တဲ့ ခေတ်မှီအနာကျက်ဆေးမရှိခဲ့လျှင် နနွင်းမှုန့်သန့်သန့်စစ်စစ်ဆိုလျှင် အနာမရင်းပဲ ဒဏ်ရာသက်သာနိုင်ပါသည်။ ဘာကြောင့်လဲဆိုတော့ နနွင်းမှာ အနာမရင်းစေသော ဓါတ်သဘာ၀ (Anti-Septic) လည်းရှိလိုပါ။ နနွင်းသိပ်၍ အနာပိုရင်းသွားသည်မှာ မသန့်သည့် နနွင်းထဲ များစွာပါ၀င်နေသည့် မသန့်စင်သော ဖုန်မှုန့်များနှင့် တခြားသော မမြင်နိုင်သည့် ဘတ်တီးရီးယားပိုးတွေကြောင့်သာ ဖြစ်ပါသည်။ တချို့ဆိုလျှင် ကြောင်လေးတွေ ခွေးလေးတွေ ဒဏ်ရာရလျှင် နနွင်းသိပ်ထားပေးပြီး သက်သာအောင်ပြုလုပ်ကြပါသည်။ဘာကြောင့်ပါလဲ ? ခွေး ကြောင် စသည် တိရိစ္ဆာန်များက အနာကို လျှာနှင့်လျှက်တတ်သဖြင့် နနွင်းက စားမိလည်း အန္တရာယ် မဖြစ်ပဲ ဒဏ်ရာအနာကို သက်သာစေသောကြောင့် သုံးစွဲရန် သိပ်သင့်တော်ပါသည်။

အမျိုးသမီးများ ရေအိတ်ဖြစ်လျှင်လည်း နေ့စဉ် ၁ ကြိမ် (သို့) ၂ကြိမ် နနွင်းမှုန့်စစ်စစ် (လက်ဖက်ရည်ဇွန်းတစ်၀က်) ကို သံလွင်ဆီ (သို့) Cod Liver Oil (သို့) နှမ်းဆီစစ်စစ်(လက်ဖက်ရည်ဇွန်းတစ်ဇွန်း) ဖြင့်သောက်လျှင် ခွဲရမည့်အရွယ်ပမာဏခန့်ကြီးနေသော ရေအိတ်အရွယ်အစားမှာလည်း ခွဲစိတ်ရန်မလိုသော အရွယ်အစားသို့ တဖြည်းဖြည်းလျော့ကျကာ ပျောက်ကင်းသက်သာသွားကြောင်း လက်တွေ့ သုံးစွဲ ခဲ့သူများမှတဆင့် သိရှိနိုင်ပါသည်။
တခြားသော ကျန်းမာရေးဆောင်ပါးများမှလည်း ဖေါ်ပြပါ နနွင်းနှင့် ပတ်သက်သည့်အချက်အလက်များစွာကို မှတ်သားမိပါတယ်။
နနွင်းမှာ....
*ဓါတ်တိုးကာကွယ်ဓါတ် ( antioxidant )
*ဗိုင်းရပ်ပိုး ကို ချေဖျက်တဲ့သတ္တိ ( antiviral )
*ဘက်တီးရီးပိုးကို ချေဖျက်တဲ့သတ္တိ ( antibacterial / Anti-Septic)
*မှိုပိုးကို ချေဖျက်တဲ့သတ္တိ ( antifungal )
*ကင်ဆာကို တိုက်ဖျက်တဲ့သတ္တိ ( anticarcinogenic )
*ဆဲလ်များ ဗီဇမပြောင်းစေတဲ့သတ္တိ (antimutagenic )
*ရောင်ရမ်းခြင်းကို တိုက်ဖျက်တဲ့သတ္တိ
( anti-inflammatory )တို့ ရှိပါသည်။

* နနွင်းမှာပါ၀င်သော အာဟာရဓါတ်များ
*ပရိုတိန်းဓါတ် ( protein )
*ဖိုင်ဘာဓါတ် ( dietary fiber )
*နိုင်ယာစင် ( niacin )
*ဗီတာမင် စီ ( Vitamin C )
*ဗီတာမင် အီး ( Vitamin E )
*ဗီတာမင် ကေ ( Vitamin K )
*ပိုတက်ဆီယမ် ( potassium )
*ကယ်လဆီယမ် ( calcium, copper )
*သံဓါတ် ( iron )
*မန်းဂနိ ( magnesium )
*ဇင့် ( zinc )

1. ကင်ဆာ ကာကွယ်ခြင်း ( Prevents Cancer )
ဆီးကြိတ်ကင်ဆာ ( prostate cancer ) ဆဲလ်များကို သေစေနိုင်တဲ့အတွက်ကင်ဆာကြီးထွားမှုကို တားနိုင်ပါတယ် ။ ဓါတ်ရောင်ခြည်သင့်လို့ ကင်ဆာဖြစ်ခြင်းကို ကာကွယ်နိုင်တဲ့ သတ္တိ နနွင်းမှာပါရှိကြောင်းလည်း တွေ့ ကြရပါတယ် ။
တီဆဲလ်သွေးဖြူဥကင်ဆာ ( T-cell leukemia )
အူမကြီးကင်ဆာ ( colon carcinomas )
ရင်သားကင်ဆာ ( breast carcinomas ) မှ ကင်ဆာဆဲလ်များကိုသေစေနိုင်တဲ့ သတ္တိလည်း ရှိပါတယ် ။

2.အဆစ်ရောင်ရောဂါ ( Arthritis )
ရောင်ရမ်းခြင်းကို လျော့စေတဲ့သတ္တိ ၊ ဓါတ်တိုးကာကွယ်သည့်သတ္တိ နနွင်းမှာ ပါရှိတဲ့အတွက်
အဆစ်အမြစ်ရောင် ရောဂါများ ( osteoarthritis , rheumatoid arthritis )တို့ကို ကုသရာမှာ အသုံး၀င်ပါတယ် ။

3. ဆီးချို ( Diabetes )
အင်ဆူလင်ပမာဏကို ထိန်းညှိပေးတဲ့အတွက် ဆီးချိုရောဂါကို ထိန်းရာမှာ ဆနွင်းဟာ အသုံး၀င်ပါတယ် ။အင်ဆူလင်ကို ခုခံမှု ( insulin resistance ) ကို လျော့ပါးစေတဲ့ သတ္တိကြောင့်လည်း သက်ကြီးဆီးချို (Type-2 diabetes ) ဖြစ်လာမှုကို ကာကွယ်ပေးပါ
တယ် ။

4. ကိုလက်စထရော ( Cholesterol )
နနွင်းကို ဟင်းခတ်စားသုံးမှုက ကိုလက်စထရောကျစေကြောင်း တွေ့ရှိရပါတယ် ။ ကိုလက်စထရောက နှလုံးသွေးကြောရောဂါ ၊ သွေးတိုးရောဂါတို့ရဲ့တရားခံ ဖြစ်ပါတယ် ။ နနွင်းစားသုံးမှုက ဒီရောဂါဆိုးတွေကို ကာကွယ်ရာ ရောက်ပါတယ် ။

5. ကိုယ်ခံစွမ်းအား မြှင်တင်ခြင်း ( Immunity Booster )j
နနွင်းမှာပါတဲ့ လိုင်ပိုပေါ်လီစခရိုက် ( lipopolysaccharide ) ဓါတ်က ကိုယ်ခံအားစံနစ်ကို လှုံ့ဆော်ပေးပါတယ် ။ ဗိုင်းရပ်ပိုး ကို ချေဖျက်တဲ့သတ္တိ ( antiviral )၊ ဘက်တီးရီးပိုးကို ချေဖျက်တဲ့သတ္တိ ( antibacterial )၊မှိုပိုးကို ချေဖျက်တဲ့သတ္တိ (antifungal ) တွေကလည်း ကိုယ်ခံအားကို အားဖြည့်ပေးပါတယ် ။ကိုယ်ခံအား ကောင်းနေပါက အအေးမိ ၊ နှာစေး ၊ ချောင်းဆိုး ၊ တုပ်ကွေးတွေကို အဖြစ်နည်းစေပါတယ် ။ အအေးမိခဲ့ရင် နနွင်း လဘက်ရည်တဇွန်းစာကို နွားနို့ပူပူ တဖန်ခွက်မှာ ထည့်မွှေပြီး တနေ့တကြိမ်သောက်ပေးပါက မြန်မြန်သက်သာစေပါတယ် ။

6. အနာကျက်စေခြင်း ( Heals Wound )
နနွင်းမှာ ပိုးသေစေတဲ့ သတ္တိရှိလို့ ထိခိုက်ရှနာဖြစ်ရင် နနွင်းမှုန့် သိပ်ပေးပါကအနာ အကျက်မြန်စေပါတယ် ။အရေပြားရောဂါ ( psoriasis ) အပါအ၀င် အရေပြား ပြဿနာများကိုကုသရာမှာ အသုံး၀င်ပါတယ်
။

7. ကိုယ်ခန္ဓာအလေးချိန် ထိန်းခြင်း ( Weight Management )
နနွင်းမှာ သည်းခြေရည် ထွက်ရှိမှု ကောင်းစေတဲ့ သတ္တိရှိတာကြောင့် အစားအသောက်မှ အဆီများကို ဖြိုခွဲရာမှာ ထိရောက်မှု ရှိပါတယ် အ၀လွန်သူများ အဆီကျစေဖို့ လက်ဘက်ရည်တဇွန်းစာ နနွင်းကိုထမင်းနပ်တိုင်းမှာ တွဲဖက်စားသုံးပေးရပါမယ် ။

8. ဦးနှောက်အာရုံကြော ရောဂါ ( Alzheimers Disease )
ဦးနှောက်ရောင်ရမ်းခြင်းက အယ်ဇိုင်းမား ရောဂါဖြစ်စေသည့် အကြောင်းတခုလို့ ယူဆထားပါတယ် ။
နနွင်းက ဦးနှောက်ကျန်းမာရေးကို များစွာ အထောက်အကူပြုပါတယ် ။ ဦးနှောက်တွင်း ချိုးများ ( plaque ) များ စုပုံလာခြင်းကို ဖယ်ရှားပေးပါတယ် ။ အောက်ဆီဂျင် လုံလောက်စွာ ၀ငျရောကျစခွေငျးက အယ်ဇိုင်းမား ရောဂါတိုးမလာအောင် ကာကွယ်ပေးပါတယ် ။

9. အစာကြေစေခြင်း ( Improves Digestion )
နနွင်းက သည်းခြေ ( gallbladder ) ကို သည်းခြေရည် ( bile ) ပိုမိုထုတ်လုပ်စေပါတယ် ။ အစာခြေခြင်း ကောင်းမွန်စေပါတယ် ။အစာမကြေခြင်းအတွက် နနွင်း စားသုံးခြင်းက ကောင်းပေမယ့် သည်း ခြေအိတ်ရောဂါ တမျိုးမျိုး ရှိနေလ ြှငျတော့ နနွင်း မစားသုံးသင့်ပါဘူး ။

10. အသည်းရောဂါ ( Prevents Liver Disease )
နနွင်းကိုယ်တိုင်က အဆိပ်အတောက် ဖယ်ရှားသည့် ဓါတ်သဘာ၀ ရှိလို့ အသည်းရဲ့ အဆိပ်အတောက် ဖယ်ရှားတဲ့ လုပ်ငန်းကို အထောက်အကူပြုတာမို့ အသည်းမှာ အရေးကြီးသည့် အဆိပ်အတောက် ဖြိုခွဲသည့်အင်ဇိုင်များ ထုတ်လုပ်မှုကို တိုးတက်စေပါတယ် ။ခန္ဓာကိုယ်မှာ အဆိပ်အတောက် လျော့ပါးသွားသလို ၊ အသည်းရဲ့ ကျန်းမာရေးလည်း ပိုကောင်းလာစေပါတယ် ။

နနွင်း အကြောင်း ကောက်နှုတ်ချက်တချို့မှာ ....

1. ဂျင်းအမျိုးအနွယ်တစ်ခုဖြစ်
2. ငှက်ဖျားရောဂါကာကွယ်
3. ဗိုင်းရပ်စ် ကာကွယ်
4. အနာမရင်းစေသည်ဓါတ်ပါဝင်
5. သံချေးမတက်စေသည့်ဓါတ် (ကင်ဆာမဖြစ်/အလွယ်တကူရောဂါမ၀င်အောင်ပြုနိုင်သောအစွမ်းသတ္တိရှိ)
6. ကိုယ်ခန္ဓာရောင်ကိုင်းမှုကို လျော့စေသည့်ဓါတ်
7. Neuro Protective ဦးနှောက်နှင့် အာရုံကြောကို ကာကွယ်သောဓါတ်
8. ကိုလ်လက်စရော Cholesterol ကိုလည်း လျော့ကျစေ
9. ရေမှာမပျော်၀င် ဆီမှာသာပျော်၀င်သော သဘာ၀ရှိ
10. ဆီမှာပျော်၀င်တဲ့ သဘာဝြဖင့် အသုံးပြုလျှင် အကျိုး (၁၁)ဆ ပိုများ (ရေဖြင့်သုံးတာထက်)
11. ဦးနှောက်ရောင်ကိုင်းခြင်းကိုလည်းကာကွယ်
12. ဆီးချိုလည်းကျစေ (သကြားဓါတ်ကျစေတဲ့ သဘာ၀ရှိတဲ့ အတွက်ကြောင့်)
13. ဒါကြောင့် ဗိုက်ထဲအစာမရှိပဲ နနွင်းသောက်လျှင် သကြားဓါတ်ကျတဲ့ သတ္တိရှိတဲ့ အတွက်ကြောင့် မူးမော်တာတွေဖြစ်တတ်တယ်။ သတိ။
14. အစားစာပြီးမှသောက်လျှင်ပိုကောင်း (ဆီးချိုသမားများအတွက် အထူးကောင်းမွန်)
15. လိုအပ်၍ 10,000mg လောက်ပေးတာတောင် ဆိုးကျိုးမရှိလို့သိရပါတယ်။

နနွင်းမှုန့်ကို အသုံးပြုပုံများစွာရှိသည့်အထဲမှ မှတ်သားထားသည့် ဘယ်လိုလုပ်သင့်/မသင့် (Do &Dont) တချို့ကတော့ ....

* ဆနွင်းမှုန့်နဲ့ နွားနို့ ပူပူကို (Golden Milk) အနေနဲ့လည်း သောက်နိုင်ပါတယ် ။
* အစာစားပြီ နနွင်းမှုန့် (လက်ဖက်ရည်ဇွန်းတ၀က်)နှင့် သံလွင်ဆီ (သို့) နှမ်းနက်ဆီ (သို့) cod liver oil (လက်ဖက်ရည်ဇွန်း တစ်ဇွန်း)ရောပြီး တစ်နေ့၁ကြိမ်(သို့)၂ကြိမ် သောက်နိုင်ပါသည်။ သောက်ပြီးနာရီ၀က် ကြာမှရေသောက်ပါ။

* နနွင်းမှုန့်ကို မီးပြင်းပြင်းဖြင့် ဟင်းထဲချက်စားခြင်းက နနွင်းထဲပါသည့် Curcumin ဓါတ်သဘာ၀ကို ပျက်ဆီးစေပါသည်။ ဒါကြောင့် နနွင်းမှုန့်ဟင်းထဲ ထည့်စားခြင်းက ဆေးအနေဖြင့် ၄င်းဧ။် ဓါတ်သဘာ၀အနေဖြင့် ကျန်းမာရေးရှု့ထောင့်မှ အကောင်းဆုံးအကျိုးမပြုနိုင်ပါ။ ၄င်းအသုံးပြုမှုက ဟင်းခါတ်အမွှေးအကြိုင်းအဖြစ်သာ အကျိုးပြုပါသည်။

* အမည်းစက်နှင့် ၀ကျခွံကငျးပြောကျသောမကြျနှာကို ရရှိနိုင်ရန် Spa မသွားပဲ နနွင်းဖြင့် မိမိကိုယ်တိုင် အိမ်မှာ ပေါင်းတင်နိုင်ပါသည်။ နည်းကတော့ နနွင်းမှုန့်စစ်စစ်နှင့် သံပုရာသီးမှ သံပုရာရည်နှစ်ခုပေါင်းကို မန်းကျည်းစေ့ခန့်ပမာဏလောက် ခပ်ပျစ်ပျစ်ဖျော်ပြီး မျက်နှာပြင်တစ်ခုလုံးပေါ်သို့ တစ်ဆယ်ငါးမိနစ်လောက်လိမ်းပြီး မျက်နှာကို ရေဖြင့်ဆေးကြောပါ။ ဒီနည်းအတိုင်းတစ်ပတ်တစ်ခါ ပေါင်းတင်နိုင်ပါသည်။

* တနေ့သောက်သင့်သောနနွင်းပမာဏ လက်ဖက်ရည် ဇွန်းတ၀က် (1/2 tsp) - လက်ဖက်ရည်ဇွန်းတစ်ဇွန်း (1 tsp) (Recommended daily dosage) / အစာစားပြီးမှသောက်ပါ။

* သတိပြုရမှာက သည်းခြေကျောက်ရှိနေလ ြှငျ ၊ သည်းခြေလမ်းကြောင်းပိတ်ဆို့ရောဂါရှိလျှင် နနွင်း တစ်နေ့လက်ဖက်ရည်ဇွန်းတစ်ဇွန်း ထက်ပိုမစားသုံးရပါဘူး လို့သိရပါသည်။

* နနွင်းက သည်းခြေကျောက်မဖြစ်အောင် လုပ်ဆောင်နိုင်သောဓါတ်ရှိပေမယ့်သည်းခြေကျောက်ဖြစ်ပြီးသားသူတွေမှာ ရှိသည် ကျောက်ကိုတော့ မခြေနိုင်ပါ။
(အရာရာတိုင်းက တန်ဆေးလွန်ဘေးပါ/ မိမိကိုယ်နှင့်တိုင်းတာပါ)

အခြားနိုင်ငံများမှာတော့ နနွင်းဆေးတောင့် ( Turmeric pill ) များ အလွယ်တကူ ရရှိနိုင်ပါသည်။

နနွင်းကို ဘယ်လို အကျိုးရှိရှိသုံးစွဲကြမလဲ?

ဟင်းထဲထည့်ချက်တာစားတာနဲ့ ကျန်းမာရေးအတွက်လုံလောက်နေပြီးလား? အမှုန့်အနေနဲ့ ကြိတ်ပြီး ဒီအတိုင်း ရေနဲ့ မျောချပြီး သောက်ရမှာလည်းအဆင်မပြေ? အပြင်မှာ ရောင်းနေသည့် ဆနွင်းလုံး/မှုန့်တွေ စစ်ရဲ့လား? (ဆီးချိုသမားများအတွက်ဆိုလျှင် - ပျားရည်နှင့် ရောထားတာကြောင့် ဆီးချိုသမားများအတွက် ဆီးချိုမကျသည့်အပြင်ပိုတက်နေမလား)....

ကျန်းမာရေးဟောပြောချက်မှ နနွင်းမှုန့်စစ်စစ်ကို ဒီအတိုင်းရေနဲ့သောက်တာထက် သံလွင်ဆီ (သို့) Cod Liver Oil (သို့) နှမ်းဆီစစ်စစ် နှင့် သောက်တာက (၁၁)ဆ ပိုအကျိုး အာနိသင်ရှိကြောင်း သိရပါသည်။

ဒီလောက် ကျန်းမာရေးအာနိသင်နှင့် အကျိုးကျေးဇူ့များပြီး ငွေကြေးအကုန်အကျ နဲနဲနှင့် လူအများစု လက်လှမ်းမှီနိုင်သော နနွင်းမှုန့်စစ်စစ်ကို နှမ်းဆီ (သို့) သံလွင်ဆီ (သို့) Cod Liver Oil မိမိတို့ တတ်နိုင်သော ဆီဖြင့် နေ့စဉ်လိုအပ်သလို သောက်သုံးနိုင်ကြပါသည်။

Credit to ဆနွင်း ( နနွင်း ) အကြောင်း
မူရင်း စာရေးသူ ။

07/08/2025

ဆေးဖက်ဝင် #သပြုသီး
ချက်စားကြရအောင်

ပိုးသတ်အာနိသင်နှင့်ဓာတ်တိုးဆန့်ကျင်အာနိသင်တို့ကြောင့် နှာခေါင်း၊ လည်ချောင်း၊ အဆုတ်လမ်းကြောင်းတို့တွင်ပိတ်မိနေသောချွဲ
များကို ဖယ်ရှားပေးနိုင်သည်

ပူနွေးသောရေတွင်သကြားအနည်းငယ်နှင့် ဖျော်ရည်တစ်ခွက်သောက်ပေးပါက အာသီးရောင်ခြင်းနှင့်လည်ချောင်းနာခြင်း
ပျောက်ကင်း စေသည်။

ခံတွင်းပျက်ပါက သပြုသီးဖျော်ရည်ကို သောက်ပေးရုံဖြင့်ခံတွင်းမြိန်စေရုံသာမက ခွန်အားဖြစ်စေပါသည်

သပြုသီးတွင် ပိုတက်ဆီယမ်ကြွယ်ဝစွာပါ ၀င်သည့်အပြင်ကိုလက်စထရောပါဝင်မှုနည်းပါးခြင်းကြောင့်သွေးတိုးခြင်းကိုလျော့ကျစေပြီးနှလုံးခုန်နှုန်းကိုထိန်းညှိပေးသည်

သပြုသီးသည် သွေးတွင်းအချိုဓာတ်ထိန်းပေးပြီး ဆီးချို သွေးချို နှင့် ဆီးချိုကြောင့်ဖြစ်လေ့ရှိတဲဲနောက်
ဆက်တွဲ လက္ခဏာများဖြစ်တဲ့
အာရုံအားနည်းခြင်း ကျောက်ကပ် အားနည်းခြင်းတွေကိုပါကာကွယ်ပေးနိုင်သည်

ဗီတာမင်စီ၊ ဗီတာမင်အီး၊ flavonoids၊
ပါဝင်တာကြောင့်အသားအရေကိုပိုမိုအားဖြည့်ပေးကာအရေးအကြောင်းများလျော့နည်းစေခြင်း၍အိုမင်းရင့်ရော်ခြင်းလက္ခဏာများကိုလျော့ကျစေပါသည်။

ကယ်လိုရီများ၊ B-complex ဗီတာမင်များ၊ ပရိုတိန်းများကြောင့် ဇီ၀ ဖြစ်စဉ်ကိုကောင်းမွန်စေပြီး ဦးနှောက်အားကောင်းစေသည့်အပြင်ကိုယ်ခံအားကိုမြှင့်တင်ပေးသည်။

အသီးဖျော်ရည်သည် antioxidant ပါ ၀င်တာကြောင့်free radicals များကိုဖယ်ရှားပေးပြီးကျောက်ကပ်ဆိုင်ရာရောဂါများကာကွယ်ပေးပါသည်

sterols, saponins နှင့် tanninsကဲ့သို့ phytonutrients များစွာပါ ၀င်သောကြောစိတ်ခွန်အားဖြစ်စေပြီးစိုးရိမ်သောကနှင့်စိတ်ဓာတ်ကျခြင်းကိုထိရောက်စွာသက်သာစေသည်။

lutein နှင့် zeaxanthin တို့ပါ ၀င်တာကြောင်အမြင်အာရုံကိုအားဖြည့်ပေးရုံသာမကမျက်စိအတွင်းတိမ်၊ ရေတိမ်၊ အသက်အရွယ်နှင့်ဆိုင်သော အမြင်အာရုံချို့ယွင်းမှုများကိုကာကွယ်ပေးပြီးမျက်လုံးကျန်းမာရေးကောင်းမွန်စေပါသည်။

သပြုသီးအခေါက်မှပါဝင်သော Tannic acidသည်ဝမ်းလျှောခြင်းကိုသက်သာေစသည်။

မြန်မာ ဆေးကျမ်းများ အလိုအရ

သပြုသီး အစိမ်း သည် ဖန်၏၊ ချဉ်၏ ၊ အသီးမှည့် သည် ဖန်ချို ချဉ်သော အရသာ ရှိ၏။ လေ ၊ သလိပ် ရောဂါ၊ ရင်၌ ထိုးကျင် သော အနာ၊ မောပန်း ခြင်းနှင့် အပူပြင်း ထန်သော အဖျား များကို နိုင်သည်

၁ ။ အသီးကို သကြားခဲ နှင့် ဖျော်ရည် ပြုလုပ်ပြီး သောက်ပါက ချောင်းဆိုး ရောဂါ နှင့် အပူလွန် ခြင်း အပြင်း ဖျား ခြင်း တို့ကို ပျောက်ကင်း စေ၍ ဝမ်းကို စင်ကြယ် စွာသွား စေ၏။

၂ ။ ခြေဖဝါး လက်ဖဝါး ပူလောင်သော အခါ အသီးရည်ကို လိမ်းပေးပြီး အရွက်နှင့် ပတ်ထား ပေးပါက ရက်အနည်းငယ် အတွင်း ပျောက်ကင်း စေသည်။

၃ ။ အသီးကို အရည်ညှစ် ၍ သောက်သုံး ခြင်း ဖြင့် ဝက်ရူး ရောဂါ၊ ခွေးရူး ရောဂါ များ ပျောက်၏။

အိန္ဒိယဆေးကျမ်းများအလိုအရ

ဖျားနာသူ၊ ချောင်းဆိုးသူများကို သပြုသီးမှည့်အခွံ၏အရည်ကို ပျားရည် သို့သကြားနှင့် ဖျော်ပြီးလျှင် ဖျော်ယမကာ တစ်မျိုးအဖြစ် တိုက်ပေးနိုင်သည်ဟုဆိုသည်။ သို့သော်များလွန်းလျှင် ဝမ်းသက်တတ်သည်ဟုဆိုသည်။

မှက္ခရုနာ နှင့်ခံတွင်းနံ့ဆိုးခြင်းတွင် သပြုခေါက်ပြုတ်ရည်ကို ခံတွင်းသန့်ဆေးအဖြစ်အသုံးပြုသည်။

သပြုသီး၏နူးညံ့သောအသားပိုင်းကို ရေနှင့်ဖျော်၍ ခေါင်းလျှော်ပေးပါက ဆံသားနူးညံ့စေရုံသာမက ဗောက်များကင်းရှင်းစေကာ ဦးရေပြားသန့် ရှင်းစေပါသည်။ထို့ပြင် ဆံပင်သန်စေကာ ဆံပင်ကျွတ်ခြင်းသက်သာစေပြီး ဆံပင်ပြန်ပေါက်စေပါသည်။

ထို့ပြင်အသီမှည့်၏ အခွံရည်ကို ကျောက်ကြော၊ ယိုစသည်ဖြင့်လုပ်ကိုင်စားသုံးကြ သည်။

အခေါက်နှင့် အရွက်များကိုချုပ်ဆေးအဖြစ်သုံးနိုင်သည်။ ပိုးခြည်ထုတ်သော ပိုးကောင်များအား ပိုးစာရွက်ကျွေးသကဲ့သို့ သပြုရွက်ကိုလည်း ကျွေးနိုင်သည်ဟုဆိုသည်။

အရွက်ခြောက်များကို ဆင်စွယ်နှင့်ဦးချိုများအား ပွတ်တိုက်ရန်ကော်ဖတ်အဖြစ် အသုံးချနိုင်လေသည်။

အစိမ်းရောင်လမ်းမှ ဆောင်းပါးတွင်

လေးဘက်နာကြောင့် ခြေဆစ်လက်ဆစ််တွေကိိုက်နေရင််
သပြုသီးနဲ့ ဆား ဆတူ/အချိုးတူ ပြုတ်ပြီး ပေါင်းခံ ချွေးအောင်းပေးလိိုက်ပါ။ တစ်ကိိုယ်လုံးမှာရှိတဲ့ အပူအပုပ် ချွေးပုပ်တွေ ထွက်လာပြီးရင် ရေချိုးပေးပါ။ အစားရှောင်စရာ မလိုလောက်အောင် သက်သာပါတယ်။

သပြုသီးကို ငါးခူနှင့်ချက်စားလျှင်် ကျောက်ကပ်၊ နှလုံးကောင်းလာပါမည်။

ငါးရံ့ကင်ပြီး သပြုသီးနှင့်် ဟင်းချိုချက်စားလျှင် ဆီးချိုရောဂါ သက်သာပါမည်။

သပြုသီးပြုတ်ပြီး တိို့စားမြုပ်စားလျှင် နှလုံးအားကောင်းပြီး ဆီးရွင်ပါသည်။

ဆီးကျောက်တည်လျှင််
သပြုသီးအရွက်ကို သုံးခွက်တစ်ခွက်တင်် ကျိုသောက်ပါက ကျောက်တဖြည်းဖြည်းကြွေကျပြီး သက်သာပျောက်ကင်းပါသည်။

ဝမ်းကိုက်လျှင်သပြုသီးပင် အခေါက်ကို ဆားနှှင့်သွေး၍ သောက်ပေးပါ။ (ဟင်းစားတစ်ဇွန်းစာ)

သပြုသီးကို မွန်၊ ရခိုင်နှင့် ဧရာဝတီဒေသတို့တွင် အများဆုံးစားသုံးကြသည်။ သပြုသီးမှာရာသီပေါ်သီးနှံဖြစ်ပြီး မိုးဦးကျစတည်းက တွေ့ရှိနေရ
ရခိုင်နှင့်ဧရာဝတီဘက်တွင် သပြုသီးကို ငါးဖြင့်ချဉ်ရည်ဟင်းချက်လေ့ရှိပြီး သပြုသီးပေါ်ချိန်၌ငါးရံ့ကိုကွင်း၍ သပြုသီးနှင့် ချက်သည့် 'သပြုသီး ငါးရံ့ချဉ်ရည်ဟင်း' မှာ လူကြိုက်များလှပါသည်။ တစ်ချို့ဒေသများတွင် ငါးကြင်း၊ ငါးခူတို့နှင့်လည်း တွဲဖက်ချက်စားကြပါသည်။

မွန်ပြည်နယ်ဘက်တွင် သပြုသီးကို အချဉ်ဟင်းချက်ရုံသာမက ငါးပိချက်လည်းချက်ကြသည်။ သပြုသီး၏အချဉ်အရသာသည် မရမ်း၊ သရက်၊ မန်ကျည်းသီးကဲ့သို့ အချဉ်မစူးပဲ အချဉ်ပြေပြေ အရသာရှိကြသည်။

ဟင်းချက်မည်ဆိုပါက သပြုသီး၏ အသီးအညှာဘက်မှ ဓားထက်ထက်ဖြင့် (၂) ခြမ်းခြမ်းကာ (၄) စိတ် စိတ်ရပါမည်။ သို့မှ အခွံအဖတ်များကို အလွယ်တကူခွာနိုင်မည်ဖြစ်သည်။ အပေါ်ယံအခွံမာကိုဖယ်ပြီး နုသောအခွံဖတ်များကို ရေအနည်းငယ်ဖြင့် ပြုတ်ပါ။ အခွံဖတ်များမှာ နူးလွယ်၍သင့်ရုံပြုတ်ပြီးပါက အနေတော်အစိတ်လေးများ စိတ်၍ ချက်ပြုတ်ကြပါသည်။

#လန်းလန်းတိုင်းရင်းဆေး
#သပြုသီး

06/08/2025

#သဘာဝပိန်ဆေး #အသည်းအဆီဖုံး #နှလုံးအဆီဖုံး အတွက် ဓာတ်စာ #ရှောက်ရွက်
#အဝလွန်သူများ၊ ဗိုက်ခေါက်ထူပြီး လာသော အမျိုးသမီးများ အတွက် ပထမဦးစွာ ရှောက်ရွက် ကြမ်းများကို ရှာထားပါ။

ပုလင်း တစ်လုံးစီတွင် ရိုးရိုး သကြားသုံးဇွန်း (ဟင်းစားဇွန်း) စီထည့် ရပါမည်။ ပုလင်းများ တစ်လုံးစီတွင် ရှောက်၉ရွက် စီထည့်ပေးပါ။ ရေကျက်အေးများ ပုလင်းထဲသို့ အပြည့် ထည့်ပြီး အဆို့ပိတ်လျက် နေပူတွင် ကိုးရက် လှန်းပေးပါ။ ကိုးရက်စေ့လျှင် ဆေးဝါးအဖြစ် သုံးနိုင်ပြီ။ နံနက် တစ်ကြိမ်၊ ညတစ်ကြိမ် အဆိုပါ ရှောက်ရွက် ဆေးရည်ပုလင်းကို လှုပ်ပြီး လက်ဖက်ရည် အကြမ်းပန်းကန် တစ်ဝက်ခန့်ကို မှန်မှန် သောက်သုံး သွားပေးပါ။

တစ်လနှစ်လ ရှိသောအခါ အမျိုးသမီးများ ခါးသေးရင်ချီပြီး အဆီပို ဗိုက်ရွှဲမှုများ ကျသွား၍ အသားအရေ စစ်သွားပါမည်။ အဆီကျ ဓာတ်စာဆေးများ စားခြင်းထက် စိတ်ချရသော ရိုးရာ ဆေးနည်း ဖြစ်ပါသည်။ မှန်မှန် သောက်သုံးခြင်းဖြင့် အသည်း အဆီဖုံးခြင်းနှင့် နှလုံးအဆီ ပိတ်ခြင်း တို့မှလည်း သက်သာ ပျောက်ကင်း စေပါသည်။

လစဉ် မြန်မာ လဆန်း တစ်ရက်နေ့၌ ရှောက်ရွက် နှစ်ရွက်၊ သုံးရွက် ကိုရှာပြီး စားဖြစ်အောင် စားထားရန် အမှာရှိသည်။ ထို့သို့ စားပေးခြင်းဖြင့် လေရောဂါများ မဝင်ရောက်နိုင်၊ လေ ထိုး၊ လေအောင့်၊ လေငန်းရောဂါများ မဝင်ရောက်နိုင်။ လေငန်း ရောဂါရှင်များ ရှောက်ရွက်၊ ငရုတ်ကောင်းနှင့် ကြက်သွန်ဖြူတို့ဖြင့် ဟင်းခါးချက် ကာ နေ့စဉ် သောက်သုံး ပေးခြင်းဖြင့် လေငန်း ရောဂါမှ သက်သာ ပျောက်ကင်း စေသည်။
#ရှောက်ရွက်
Crd(မြဝတီ)

05/08/2025

#မဖြစ်မနေစားသင့်တဲ့
#ကတက်ဥ ကဒက်ဥမှာ ကျောက်ကပ် ရောဂါ တစ်ခုတည်း သာမက..အဆုတ်၊အစာအိမ်၊သရက်ရွက်
တို့ကိုလည်းပြန်ကောင်းစေနိုင်ကြောင်း အင်တာနက်မှာ
ရေးသားထားတာလည်း တွေ့ရပါတယ်.

ကလီစာ၄ခုအပြင် အခြားသော ကလီစာတွေကိုလည်းသူ့မှာပါတဲ့အင်ဇိုင်းတွေဟိုမုန်းတွေနဲ့ပံ့ပိုးသမှုပြုပေးပါသေးတယ်.

ထို chinese Yam(ကဒက်ဥ)ကတစ်ပင်လုံးတန်ဖိုးရှိတာဖြစ်ပြီးအောက်ပါအကျိုးကျေးဇူးများကိုရရှိမှာဖြစ်
ကြောင်းသေသေချာချာပြောထားပါတယ်.

၁)Energy ကိုမြှင့်တင်ပေးခြင်း

၂)ပင်ပန်းနွမ်းနယ်မှုကိုပျောက်စေခြင်း

၃)ရင်ကျပ်ပန်းနာကိုသက်သာစေခြင်း

၄)ချောင်းခြောက်ဆိုးခြင်းကိုပျောက်စေခြင်း

၅)သံကောင်တုတ်ကောင်များကိုဖယ်ရှားပေးခြင်း

၆)ကိုယ်အလေးချိန်လျှော့ချပေးခြင်း

၇)ဝမ်းတွင်းအပူအပုပ်များကိုဖယ်ရှားပေးခြင်း

၈)ဆီးကောင်းစေခြင်း

၉)အရိုးပွမှုကိုကာကွယ်ခြင်း

၁၀)သိုင်းရွိုက်ဟိုမုန်းရေချိန်ညှိပေးခြင်း

၁၁)သွေးတွင်းသကြားဓာတ်ကိုညှိပေးခြင်း

၁၂)သည်းခြေရောင်ရမ်းမှုမဖြစ်အောင်ကာကွယ်ခြင်း

၁၃)အူကျန်းမာရေးကိုစောင့်ရှောက်ခြင်း

၁၄)အတွင်းကြေမှုများကိုပြန်ကောင်းစေခြင်း

၁၅)ကင်ဆာဆဲလ်များကိုသတ်ပေးခြင်း

၁၆)စိတ်ခံစားမှု၊မငြိမ်သက်မှုများကိုကောင်းစေခြင်း

၁၇)အစာကြေစေခြင်း

၁၈)နာတာရှည်ဝမ်းလျောမှုကိုပျောက်စေခြင်း

၁၉)သွေးဆုံးကိုင်ခြင်းကိုသက်သာစေခြင်း

၂၀)အသရိုက်တစ်ကိုသက်သာစေခြင်း

၂၁)ဇီဝကမ္မဖြစ်စဉ်ကိုထိန်းပေးခြင်း

၂၂)အဆစ်အမျက်နာကျင်ကိုက်ခဲမှုကိုသက်သာစေခြင်း

၂၃)ကိုလက်စတြောရေချိန်ကိုညှိပေးခြင်း

၂၄)အင်တီအောက်ဆိဒင့်ကြွယ်ဝခြင်း

စသည်ဖြင့်ကောင်းကျိုးများစွာရရှိနိုင်ကြောင်းဖော်ပြထားတာကိုတွေ့ရပါတယ်.

တစ်ချို့ ဒေသတွေမှာလည်း ကဒက်ဥတွေအများကြီးရှိနေပေမဲ့မသိသူကျော်သွား၊သိသူဖော်စားအဆင့်မှာပဲရှိနေပါတယ်...ဒီစာကို ဖတ်ပြီး အားလုံးပဲ လက်ဆင့်ကမ်း၍ အကျိုးရှိစွာ အသုံးပြုနိုင်ကြပါစေ...။
#ကတက်ဥ #ကဒက်ဥ #သင်္ဘောဥ
# #
Crd

Address

Telephone

+959770989990

Website

facebook.com

Alerts

Be the first to know and let us send you an email when ကျန်းမာသုတ ဘဝသုခ posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to ကျန်းမာသုတ ဘဝသုခ:

Shortcuts

Want your practice to be the top-listed Clinic?

Country:

City: