https://www.facebook.com/107908555278476/

Lynn Lett Pharmacy, Thiri Sandar Street, Hopin (2026)

08/07/2022

#ခန္ဓာကိုယ်မှာ_အနီစက်လေးတွေ_ထွက်တယ်
#ဖျားတယ်_ကိုယ်လက်ကိုက်တယ်

ခုချိန်က
🤒 ဖျားပြီ ဆိုတာနဲ့ ငပွကြီး ဒါမှမဟုတ် flu တုပ်ကွေး ပဲ တန်းမြင်တန်းထင်နေကြတာ
Covid မှာလည်း အနီကွက်၊ အနီစက်တွေ ထွက်တယ်ဆိုပေမယ့်

အဖျားကြီးတယ်၊
ကိုယ်လက်ကိုက်တယ်
အနီစက်လေးတွေ ထွက်တယ် ဆိုရင်

မိုးတွင်းလည်းဖြစ်တယ် ခြင်တွေလည်း အရမ်းကိုက်တော့

#သွေးလွန်တုပ်ကွေးရောဂါ ကိုလည်း သတိထားကြပါဗျို့

🚨 🚨 🚨

#ဖျားတယ် 🤒 High Grade Fever နဲ့ (၁၀၂-၁၀၃) လောက်ထိပဲ
😢 ဆေးသောက်၊ ရေပတ်တိုက်ခဏပဲ ကျတယ် ဆေးရှိန်ကုန်တာနဲ့ ပြန်ဖျားတော့တာပဲ
😢 နေ့စဉ်ရက်ဆက် ဆက်တိုက်ကို ဖျားတာ
😳 နှာမစေးဘူး၊ ချောင်းမဆိုးဘူး၊ လည်ချောင်းမနာဘူး၊ ရင်မကြပ်ဘူး (ဖြစ်ချင်လည်း ဖြစ်တတ်ပါတယ်)

ကိုယ့်ကိုယ်ကိုယ်ကြတော့ 🤷‍♂️ ရိုးရိုးဖျားတာ (အပူရှပ်/အအေးပတ်တာ) လို့ထင်ကြတာကိုး

ဆေးရုံဆေးခန်းတွေ သွားဖို့ကလည်းမလွယ်ဘူး 😢သွားပြီး ဟိုက ကူးလာမှာလည်းကြောက်တယ် 😢

ဆိုတော့ကာ

🏘️ အိမ်မှာပဲနေတယ် (နီိးစပ်ရာတွေ မေးမြန်းပြီး) 💊 ဆေးတွေ သောက်တယ်ပေါ့

👉 ခန္ဓာကိုယ်မှာ အနီိစက်လေးတွေ ထွက်လာတယ်
👉 ဗိုက်နာလာတယ် (ညာဘက်နံရိုးအောက်)
👉 အန်လာတယ် (ကော်ဖီရောင်တွေ)
👉 နှာခေါင်းသွေး လျှံလာမယ်
👉 ခေါင်းအရမ်းကိုက်မယ်
👉 ခြေဖျား လက်ဖျားအေးလာတယ်
👉 အထိုင်အထတွေ မိုက်ခနဲ မိုက်ခနဲ ဖြစ်နေတယ်
အဲ့လိုနဲ့ ဆေးရုံဆေးခန်း မသွားပဲ ဆက်နေရင်း
👉 ရုတ်တရက် အဖျားကျသွားတယ်
👉 အဖျားကျသွားသလို လူလည်းမလှုပ်နိုင်တော့ဘူး၊ ခြေဖျား လက်ဖျားအေးစက်ပြီး၊ ခေါင်းတောင်မထောင်နိုင်တော့ဘူး

😰 အဲ့လို အခြေအနေဆိုရင်တော့ မကောင်းတော့ပါဘူး

Shock ရပါပြီ။
Dengue လို့ခေါ်တဲ့ #သွေးလွန်တုပ်ကွေး ပါ
Dengue Shock ပါ

#သေတတ်ပါတယ်
အရင်က 🧒 ကလေးတွေမှာပဲ ဖြစ်တယ်လို့ ယူဆထားကြတာ 👉 လူကြီးတွေမှာဖြစ်ပါတယ် သေတတ်ပါတယ်

အဲ့ဒါကြောင့် အဲ့လို Shock အခြေအနေမျိုးထိမရောက်အောင် ကြိုတင်ကာကွယ်ကုသမှု ခံယူကြပါ

>>>>>>>>

10/06/2022

ခွေးကိုက်ခြင်းနှင့် ခွေးရူးပြန် ရောဂါ အန္တရာယ်............................................
ယခုတလော ကျွန်တော်တို့မြို့တွင် ခွေးကိုက်ခံရသူ အတော်ကို များလာပါသည်။ဤသို့များလာသည်နှင့်အမျှ ခွေးရူးပြန်ကာကွယ်ခြင်း အကြောင်း သိသင့်လှပေသည်။(လွန်ခဲ့သော အပတ်ကဘဲ ခွေးရူးပြန်၍ တစ်ယောက်ဆုံးသွားကြောင်း ကြားသိရ၍ ပညာပေးရေးသားခြင်းဖြစ်ပါသည်)

♧ခွေးရူးပြန်ရောဂါ ဆိုသည်မှာ Rabies ဟုခေါ်သော ဗိုင်းရပ်စ် ပိုးကြောင့် ဖြစ်ရခြင်းဖြစ်ပါသည်။
♧၎င်းဗိုင်းရပ်စ် ပိုးသည် တိရိစ္ဆာန် ၏ တံတွေး ,ဦးနှောက်ပိုင်း ဆိုင်ရာ တစ်ရူးအသွေးသားများတွင်အများဆုံးဖြစ်၏.
♧ရောဂါလက္ခဏာများမှာ ပထမဆုံး အကိုက်ခံရသည့် အစောဆုံး၃ရက်မှစပေါ်နိုင်ပြီး(တချို့တစ်ပတ်၊တစ်လ နှစ်လကြာမှပေါ်တာလည်းရှိ) အောက်ပါ လက္ခဏာများစပေါ်နိုင်ပါသည်
●နှုန်းချိမယ်
●ဖျားမယ်၊ခေါင်းကိုက်မယ်
●မအီ မသာဖြစ်သာ၊ကိုက်ထားနေရာမှာ အပ်နဲ့ထိုးသလိုနာနေတာ
●ကိုက်တဲ့နေရာမှာ ယားယံနေတာ
မျိုးတွေ စဖြစ်တတ်ပါတယ်.
၎င်းလက္ခဏာများ ရက်ပိုင်းကြာဖြစ်တတ်ပါသည်။
☆ယင်းနောက် ဗိုင်းရပ်စ်သည် ကိုက်သည့်နေရာပေါ်မူတည်၍ လူ၏ ဦးနှောက်သို့ ထပ်မှန် ပြန့်နှံ့ပါမည်..(မျက်နှာနားတဝိုက် အကိုက်ခံရလျှင် စောလျင်စွာ ကာကွယ်ဆေးထိုးဖို့လိုပါသည်။)
♧ဗိုင်းရပ်စ် ဦးနှောက်ထဲရောက်လျှင် လက္ခဏာများမှာ
●ခန္ဓာကိုယ်မထိန်းနိုင်ခြင်း
●စိတ်ရှုပ်ထွေးခြင်း
●ရေသောက်၍မရခြင်း
●စိတ်ဂနာမငြိမ်ခြင်း
●ပုံမှန်မဟုတ်တဲ့အပြုအမူတွေပြုခြင်း
●ထင်ယောင်ထင်မှားဖြစ်ခြင်း
●ရေကြောက်ခြင်းတို့ ဖြစ်ပါတယ်..
(ဦးနှောက်ထဲရောက်ပြီးလျှင်၂ရက်မှ၁၀ရက် အတွင်းသေန်ိင်ပါသည်)

☆Rabiesခွေးရူးပြန်ရောဂါဟာ ဖြစ်လာရင်သေဖို့ဘဲ ရှိပါသည်.ယခုထိ ကမ္ဘာ မှာခွေးရူးပြန်ရောဂါဖြစ်၍ရှင်သူ လက်ဆယ်ချောင်းမပြည့်ပါ..ရောဂါဖြစ်လာရင် ☆《Nearly Almost fatal》တဲ့ ဘာသာပြန်ရရင် ဖြစ်ရင် သေမှာဘဲတဲ့။
အဲ့ဒီတော့ ခွေးကိုက်,ကြောင်ကိုက် လျှင်ကိုက်ခြင်း ကာကွယ်ဆေး စောလျင်စွာထိုးဖို့ အရေးကြီးကြောင်းပါခင်ဗျာ
အရေပြားအောက် ဘယ်ညာ □0,3,7,28(0.1ml)Intradermal
□0,7,21or 28 (0.5ml)IM,etc စသည်ဖြင့် တတ်သိနားလည်သော ဆေးခန်းများတွင်ထိုးနိုင်ပါသည်..

ထပ်ဆောင်းပြောပြချင်တာကတော့ ဘယ်ကကူးဆက်နိုင်လည်း ဆိုတာပါဘဲ..လူတစ်ယောက်/ခွေးတစ်ကောင် အကူးခံရပြီဆိုပါစို့ ..သူ့ရဲ့တံတွေး,ဦးနှောက်မှထွက်တဲ့အရည်တွေကို တိုက်ရိုက်ကိုင်တွယ်ထိတွေ့ခြင်းရှောင်ပါ၊အထူးသဖြင့်လက်မှာ အပေါက်အပြဲ၊အနာရှိလျှင်(ခွေးသေ,ကြောင်သေ,လူသေလည်း ဒီအတိုင်းဘဲ)တိုက်ရိုက်ထိတွေ့ကိုင်တွယ်ခြင်းရှောင်ပါ။
ဆီးတို့ သွေးတို့ မစင်တို့ကိုတော့ virusကူးနိုင်တဲ့ riskထဲမထည့်ပါ..
မကူးသည့်လူက ကူးသည့်လူကို သာမာန်ထိတွေ့ခြင်း riskထဲမထည့်ပါ.
ကြောင်၊ခွေး ကုပ်ခြစ်ခြင်းကနေလည်း ဖြစ်ခဲပါသည်.(ကုပ်သည့်အကောင်ကိုသံသယရှိရင်တော့ ကာကွယ်ဆေးထိုးပါ)
Virusကနေကိုကြောက်ပါသည်🔆🔆🔆..နေတိုက်ရိုက်ထိုးသည့်နေရာတွင် ထားပါက မကူးစက်နိုင်(Non infectious)ပါဘူး..(ဥပမာ ဖုန်းကိုခွေးရူးတံတွေး ထိတယ်ဆိုပါစို့ နေခဏပြပြီး အရက်ပြန်နဲ့အသာလေးပွတ်ပါ.)

●♡ခွေးရူးရောဂါ ကင်းဝေးကြပါစေ♡●

■■♤လင်းလက်ဆေးဆိုင်♤■■

05/06/2022

လင်းလက်ဆေးခန်းတွင် ယခုနှစ် အသစ်ထွက်ရှိလာသော
ရာသီ တုပ်ကွေးကာကွယ်ဆေး အသစ် (၂၀၂၂ strains) 🔸🔸Seasonal Influenza Vaccine - Vaxigrip Tetra 2022 MM reg: ကို စတင်ထိုးနှံနိုင်ပြီဖြစ်ကြောင်း သတင်းကောင်းပါးအပ်ပါတယ် ခင်ဗျာ

ယခုထ်ိုးနှံပေးမည့် ရာသီတုပ်ကွေးကာကွယ်ဆေးအသစ်တွင် ပါဝင်သော Strain ၄ မျိုး မှာ
🔸A/H1N1
🔸A/H3N2
🔸B/Austria
🔸B/Phuket

💠ရာသီတုပ်ကွေးကာကွယ်ဆေး ပိုမိုထိုးနှံသင့်သူများမှာ အောက်ဖော်ပြပါအတိုင်းဖြစ်ပါသည်
၁. အသက် ၆၀ နှစ်အထက်လူကြီးများ
၂. ကိုယ်ခံအားနည်းရောဂါ ကင်ဆာရောဂါ အခံရှိသူများ
၃. နှလုံး ကျောက်ကပ် အသည်း အဆုတ် သွေးတိုး ဆီးချို နာတာရှည်ရောဂါဝေဒနာရှင်များ
၄. ကိုယ်ဝန်ဆောင်မိခင်များ
၅. အသက် ၆ လ မှ ၁၁ နှစ်အတွင်း ကလေးငယ်များ
၆. လူအများနှင့် ထိတွေ့ လုပ်ငန်းခွင်ဝင်ရသူများ
၇့. ကိုဗစ်ရောဂါဖြစ်ခဲ့ဖူးပြီး အဆုတ်ထိခိုက်ထားသူများ

💠အသက် (၉) နှစ်အောက်ကလေးများ အနေနှင့် ယခင်က ထိုးနှံဖူးခဲ့ခြင်း မရှိပါက ၄ ပတ် ခြားကာ ကာကွယ်ဆေး ၂ ကြိမ်ထိုးရန်လိုအပ်ပါသည်

✅အသက် ၆ လ မှစတင်၍ ထိုးနှံနိုင်ပြီး

✅တုပ်ကွေးကာကွယ်ဆေးထိုးပြီး ၂ ပတ်အကြာမှ စတင်ပြီး ခုခံအားရရှိမည်ဖြစ်သောကြောင့် မိုးရာသီ(တုပ်ကွေးရာသီ) အစ မတိုင်မီ စောစီးစွာကြိုတင်ထိုးနှံကာကွယ်ထားသင့်ပါသည်

✅ထိုးနှံထားပါက ရောဂါဖြစ်ပွားခြင်းကိုကာကွယ်ပေးရုံ မက ဖြစ်ပွားလာပါကလဲရောဂါပြင်းထန်မှုကိုလျှော့ချပေးနိုင်ပါသည်

✅ဆေးခန်းတွင် ကိုယ်တိုင်လာရောက်ထိုးနှံနိုင်သလို

✅အိမ်တိုင်ရာရောက် ကာကွယ်ဆေးထိုးနှံပေးမည့် serviceလည်းရှိပါတယ်။

☎️ လူကြီးမင်းတို့ အနေဖြင့် တစ်ရက် ကြိုတင် ဖုန်းဆက် Booking တင်ထားနိုင်ပါသည်

☎️ ဖုန်းနံပါတ် - 09790434971(Or) 09400434627
page Chatbox ကို အသေးစိတ်မေးမြန်းစုံစမ်းနိုင်ပါတယ် ခင်ဗျာ

ဆေးခန်းလိပ်စာ - ဝက်ကုန်းတံတား အနီး၊မြို့မမြောက်ရပ်ကွက်၊ဟိုပင်မြို့။

Address

Thiri Sandar Street
Hopin

Telephone

+959400434627

Website

facebook.com

Alerts

Be the first to know and let us send you an email when Lynn Lett Pharmacy posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Lynn Lett Pharmacy:

Lynn Lett Pharmacy