06/01/2024
သတိပြုစရာ သွေးဝမ်းရောဂါနှင့် Canine Corona Virus Infection
================================
ဒီရက်ပိုင်းက သွေးဝမ်းရောဂါ ထကြွတဲ့အချိန်မို့လို့ နေ့တိုင်းနေ့တိုင်း ဆေးခန်းမှာ သွေးဝမ်းကူးစက်ထားတဲ့ puppies ကလေးတွေ တန်းစီနေတာပေါ့ရှင်
( ဘယ်လိုကလေးတွေဖြစ်တာလဲဆိုတော့ ကာကွယ်ဆေးမထိုးထားတဲ့ကလေးတွေ/ ကာကွယ်ဆေး မစုံသေးပဲနဲ့ ရေချိုးပေးတဲ့ကလေးတွေ/သန်ချဆေးပုံမှန်မတိုက်တဲ့ကလေးတွေပေါ့ရှင်)
ကိုယ့်ကလေးက အစာမစားဘူး/ မှိုင်နေတယ်/အန်နေတယ်/အညိုရောင် ဒါမှမဟုတ် အစိမ်းရောင် ဝမ်းအရည်ချည်းပဲ သွားနေတယ်ဆိုရင် ဆေးခန်းသာပြေးပါရှင့်
အဲဒီ့လက္ခဏာတွေက သွေးဝမ်းရောဂါရဲ့ လက္ခဏာတွေပါ
အဲ့လိုသွေးဝမ်းနဲ့ ပုံစံခပ်ဆင်ဆင််လေးတူတာက Canine Corona Virus Infection ပါ
သူတို့ ၂ ဦးက တစ်ခုချင်းစီလည်း ဖြစ်သလို အတူတွဲပြီးလည်း ဖြစ်ပါတယ်
သွေးဝမ်းရောဂါတစ်ခုတည်း/ Corona virus Infection တစ်မျိုးတည်းတောင် Puppies လေးတွေအတော်ခံရတာ
Virus 2 မျိုးတွဲပြီး ဒုက္ခပေးရင်တော့ ပိုဆိုးပြီပေါ့ရှင်
ကိုယ့်ကလေးက ပုံမှန်အခြေအနေမဟုတ်တာ လက်ပွန်းတတီးနေတဲ့ ပိုင်ရှင်တွေ အသိဆုံးပါ
ဖြစ်တာနဲ့ ဆေးခန်းပြေးပါ
ပေါ့လျော့နေရင် အသက်အန္တရာယ်ထိခိုက်မှာ အသေအချာပါပဲ
ဆေးခန်က ညွှန်ကြားတဲ့အတိုင်း လိုက်နာပြုစုပေးပါ
* puppies လေးတွေကို နွေးနွေးထွေးထွေးထားပါ
* အစာမစားနိုင်တဲ့ကလေးတွေကို အတင်းကျွေးခြင်း မပြုလုပ်ရပါ(သေတတ်ပါသည်)
*ဓာတ်ဆားရည်တိုက်ပါ
* တွေ့ကရာ ရေစိမ်းများ ပေးမသောက်ပါနှင့်
အစာခွက်/ရေခွက်များကို သန့်ရှင်းစွာထားပေးပါ
* နေကောင်းတဲ့ puppies လေးတွေကို ကာကွယ်ဆေးသေချာထိုးပေးပါ/သန်ချဆေးပုံမှန် တိုက်ပေးပါ
ရတနာတိကုဆေးခန်း
