01/04/2024
Eczema (နှင်းခူ)
📝နှင်းခူ ဆိုတာ အရေပြားရောင်ရမ်းတဲ့ ရောဂါတမျိုး ဖြစ်ပါတယ်။ အတိအကျပြောရရင် နှင်းခူဟာ အရေပြားကို ယားယံ၊နီရဲ၊ခြောက်သွေ့စေပြီး အက်ကွဲခြင်း၊သားရေပြားလို မာခေါက်ခေါက်ဖြစ်ခြင်းမျိုးကိုတောင် ဖြစ်စေနိုင်ပါတယ်။ နှင်းခူဟာ ခန္ဓါကိုယ်ရဲ့ ဘယ်နေရာမှာမဆို ဖြစ်ပွားနိုင်ပါတယ်။
နှင်းခူ ဖြစ်စေတဲ့ အကြောင်းရာတွေကတော့
📝စိတ်ဖိစီးမှုများခြင်း
📝အရေပြားထိခိုက်စေတဲ့ အရာတွေနဲ့ ထိတွေ့မိခြင်း
📝အပူ နဲ့ ချွေးထွက်များခြင်း
📝အေးပြီး ခြောက်သွေ့တဲ့ ရာသီဥတု။
📝အသားခြောက်ခြင်း
နှင်းခူ ဖြစ်နိုင်ခြေ ပိုများစေတဲ့ အချက်တွေကတော့
📝မိသားစုထဲမှာ ဒါမှမဟုတ် ကိုယ်ကိုယ်တိုင် အရင်က နှင်းခူ၊ ဓါတ်မတည့်တာ၊ နဲ့ ပန်းနာရင်ကျပ် ဖြစ်ဖူးတာ။
📝ကိုယ်တိုင်က ကျန်းမာရေးဝန်ထမ်းဖြစ်နေတာ စတဲ့ အချက်တွေ ဖြစ်ပါတယ်။
နှင်းခူ ရဲ့ အတွေ့ရအများဆုံး လက္ခဏာတွေကတော့
📝ကာလကြာရှည် အရေပြားယားယံ၊ခြောက်သွေ့ပြီး မာနေ၊ထူနေတာ (အထူးသဖြင့် လက်၊လည်ပင်း၊မျက်နှာ နဲ့ ခြေထောက်တွေမှာ ဖြစ်ပွားလေ့ရှိတယ်ဆိုပေမယ့် ခန္ဓါကိုယ်ရဲ့ ဘယ်နေရာမှာမဆို ဖြစ်ပွားနိုင်ပါတယ်)
📝ကလေးတွေမှာဆိုရင် ဒူးခေါက်ခွက်နဲ့ လက်မောင်းကွေးအခွက်တွေမှာ အဓိက ဖြစ်လေ့ရှိပါတယ်
📝ယားလို့ကုတ်ရင် ခြောက်နေတဲ့ အရေပြားနေရာတွေဟာ အနာဖြစ်သွားပြီး ပိုးပါဝင်လာနိုင်ပါတယ်။
နှင်းခူရဲ့ နောက်ဆက်တွဲ ပြဿနာတွေက
📝ပန်းနာရင်ကျပ်၊ ဓါတ်မတည့်ရောဂါ၊ ကာလရှည် ယားယံတာ၊ အရေပြားမှာ အကြေးခွံလို အကွက်တွေဖြစ်တာ၊အရေပြားမှာ ပိုးဝင်ပြီး အနာတွေလို ဖြစ်တာ၊မျက်စိပြဿနာတွေ ခံစားရတာ၊လက်ချောင်းလေးတွေနဲ့ လက်ချောင်းကြားတွေထဲမှာ အနာလေးတွေ ဖြစ်တာ၊အိပ်မပျော်တာ၊အမူအကျင့်ပိုင်းဆိုင်ရာ ပြဿနာတွေ ပေါ်လာတာ စတဲ့ နောက်ဆက်တွဲ ပြဿနာတွေကို ခံစားရစေနိုင်ပါတယ်။
