11/04/2026
ဆီးချိုရောဂါရှိသူများအတွက် စားသောက်မှုပုံစံ✅
ဆီးချိုရှိသူများအနေဖြင့် အစာမစားခြင်း၊ အလွန်အကျွံကိုယ်အလေးချိန်ချခြင်း၊ အလွန်အကျွံစားသုံးခြင်း မပြုလုပ်ပါနှင့်။ တစ်နေကုန် အားအင်ပြည့်ဝ မျှတအောင် သင့်တင့်သောအစားအစာ၊ သင့်တင့်သော ပမာဏကိုအချိန်မှန်စားပါ။ ထမင်းစားများလျှင် ဆီးချို တက်နိုင်သလို အစာကိုအချိန်မှန်၊ ပုံမှန်မစားခြင်းကလည်း ဆီးချိုရောဂါကို ပိုဆိုးစေသော အကြောင်းရင်းဖြစ်သည်။ အစာစားချိန် လွန်သွားသည့်အခါ ဗိုက်ဆာဆာဖြင့် အလွန်အကျွံစားသောက်မိတတ်သည်။ အစာပုံမှန်မစားခြင်းကြောင့် ဆေးညှိရ ခက်ခဲပြီး ဆီးချို သွေးချိုပမာဏ အတက်အကျများစေသည်။ ထိုအခါ စွမ်းအင်မပြည့်ဝသည့်အတွက် နုန်းချည့်လာပြီး အားယုတ်ခြင်းကို ခံစားရတတ်သည်။
ဆီးချိုသွေးချိုဝေဒနာရှင်များတွင် တွေ့ရလေ့ရှိသော ဝမ်းဗိုက်ဝေဒနာများမှာ ရင်ပူခြင်း၊ စားချဉ့်ပြန်ခြင်း၊ အစာမကြေခြင်း၊ လေပွခြင်း၊ ဗိုက်ဖောင်းခြင်း၊ အစားအသောက်ပျက်ခြင်း၊ ကိုယ်အလေးချိန်ကျခြင်း၊ ပျို့ခြင်း၊ အန်ခြင်းတို့ဖြစ်ကြသည်။ ထိုပြဿနာများကို ရှောင်ရှား နိုင်ရန်အတွက် အောက်ဖော်ပြပါ အစာအုပ်စု ခြောက်မျိုးကို စားသုံးမှုရှောင်ကြဉ်ပါ။
• ကာဗိုဟိုက်ဒရိတ် ပါဝင်မှုများသော ထမင်းဖြူ၊ ဂျုံ၊ ပြောင်း။
• အချိုများသော သစ်သီးများ။
• အချိုရည်အမျိုးမျိုး။
• ဆီကြော်စာများ၊ နှစ်ပြန်ကြော်များ။
• တိရစ္ဆာန်အဆီများ၊ အဆီအနှစ်များသော အစားအစာများ။
• အချို၊ အငန်၊ အဆီများသော အသင့်စား အစားအစာများ။
စားသောက်မှုပုံစံ
ထမင်းကို လေး၊ ငါးဇွန်းခန့်သာစားပါ။ ဆန်လုံးညို သို့မဟုတ် ဆန်ကြမ်းစားနိုင်လျှင် ပိုကောင်းသည်။ အရွက်များများစားပါ။ မနက်စာကို အမျှင်ဓာတ်ကြွယ်ဝသော အစားအစာစားပါ။ အသားဓာတ် ပြည့်ဝအောင်စားပါ (ဥပမာ အသားငါးကျပ်သားခန့်)။ ကြက်ဥစားလျှင် အနှစ်ဖယ်၍ အကာစားပါ။ အဆီ လျှော့စားပါ။ ဟင်းအနှစ် လျှော့စားပါ။
• ထမင်းစားသည့်အခါ ထမင်းစားပန်းကန်ကို လေးပုံပုံပါ။
• တစ်ပုံတွင် ကစီဓာတ်ပါသော အစားအစာများ (ဥပမာ ထမင်း၊ ပေါင်မုန့်)။
• နောက်တစ်ပုံတွင် အသားဓာတ်ပါသော အစားအစာများ (ဥပမာ အသား၊ ငါး၊ ဥအမျိုးမျိုး၊ ပဲအမျိုးမျိုး)။
• ကျန်နှစ်ပုံတွင် ဟင်းသီးဟင်းရွက်များထည့်၍ စားသောက်ပါ။
ထမင်းစားသည့်အခါတိုင်း ဤပမာဏအတိုင်းသာ စားပါ။ ရေဆာလျှင် သို့မဟုတ် အာခြောက်လျှင် ရေသောက်ပါ။ ရေများများ သောက်ခြင်းခြင့် ခန္ဓာကိုယ်တွင်း များပြားစွာခိုအောင်းနေသော အချိုဓာတ်တွေကို ဆီးမှတစ်ဆင့် စွန့်ထုတ်ပေးနိုင်ပါမည်။ တစ်နေ့ လျှင် ရေ ၂ လီတာခန့် သောက်ပါ။ အချိုရည် လုံးဝရှောင်ပါ။
😊 ဆီးချိုသွေးချိုဝေဒနာရှင်များအတွက် အခုလိုမျိုး အဖိုးထိုက်တန်လှတဲ့ စာပေများကို နေ့စဉ်ပုံမှန်ဖတ်ရှုခွင့်ရလိုပါက ကျွန်မတို့ရဲ့💙 Sinocare Myanmar 💙Page လေးကို Like & Follow လုပ်ထားဖို့ ၊ See First လုပ်ထားဖို့ မမေ့ပါနဲ့ရှင့်။😊
❣️အသိပညာဝေမျှခြင်းဟာလည်း ကုသိုလ်ဒါနတစ်မျိုးဖြစ်တဲ့အတွက် ဒီ Post လေးဟာ စာဖတ်သူတို့ အတွက် အကျိုးတစ်စုံတစ်ရာ ရရှိခဲ့မယ်ဆိုရင် Like & Share လုပ်ရင်းကုသိုလ်ယူနိုင်ပါတယ်ရှင့်။❣️
🙏 ကိုယ်စိတ်နှစ်ပါးကျန်းမာရွှင်လန်းကြပါစေရှင် 🙏
🍀 အထက်ပါအကြောင်းအရာများကို ရေးသားထားသော ပေါက်ပေါက်(ကျန်းမာရေး) ကို လေးစားစွာဖြင့် Credit ပေးပါသည်။ 🍀.
Sinocare Myanmar
Bhone Shwe Yi Min Co.,Ltd
ဆီးချိုသွေးတိုးသုတများ
