Mandalay Genius Hub

26/09/2025

💁🏻‍♀️ လှုံ့ဆော်မှုအားကောင်းတဲ့ပတ်၀န်းကျင်ဟာ ကလေးရဲ့ဦးနှောက်ဖွံ့ဖြိုးမှုကို များစွာအထောက်အကူပြုပါတယ်။

💁🏻‍♀️ မိဘတွေရဲ့ ကလေးအပေါ်မှာ နွေးနွေးထွေးထွေးနဲ့ စိတ်၀င်တစားတုံ့ပြန်မှုဟာ ကလေးကိုစိတ်လုံခြုံမှုရစေပြီး၊ ချစ်ခြင်းမေတ္တာကို ခံစားရရှိစေနိုင်ပါတယ်။

💁🏻‍♀️ မိခင်မှကလေးကို သီချင်းဆိုပြခြင်း စကားပြောပေးခြင်းဖြင့် ကလေးရဲ့သိမှုစွမ်းရည်တိုးတက်စေပြီး၊ ဘာသာစကားနဲ့ ဆက်သွယ်မှုစွမ်းရည်များကိုလည်းသင်ယူတတ်မြောက်စေပါတယ်။

ဦးသူရကျော်
Founder of GENIUS
Early Childhood Educator

🏠 အမှတ် ၄၄၊ ၅၅လမ်း၊ ၃၆-၃၇ လမ်းကြား၊ ရဲမွန်တောင်၊ မန္တလေးမြို့။

☎️09775246690
☎️09784949946

25/09/2025

25/09/2025

Shadow story

23/09/2025

13/09/2025

💁🏻‍♀️ Chef Program ၏ အကျိုးကျေးဇူးများ။

၁။ သင်္ချာနှင့်သိပ္ပံစွမ်းရည် တိုးတက်လာခြင်း။

🔴တိုင်းတာခြင်း - ခွက်တစ်ဝက်၊ ဇွန်းတစ်ဇွန်းဆိုတဲ့ စကားလုံးတွေကနေ ပမာဏအယူအဆကို နားလည်လာစေတယ်။ ဂဏန်းသင်္ချာ မုန့်၂ခုလုံးအတွက် ပါဝင်ပစ္စည်းပမာဏကို နှစ်ဆတိုးရတာ၊ သုံးပုံတစ်ပုံယူရတာမျိုးတွေကို လက်တွေ့လုပ်ရင်းသင်ယူရတယ်။ သိပ္ပံဖြစ်စဉ်များ - မုန့်မှုန့်အချဉ်ပေါက်တာ၊ ရေခဲကနေ ရေအဖြစ်ပျော်တာ၊ အပူပေးလိုက်ရင် ကြက်ဥပြုတ်တာတွေဟာ ရိုးရိုးရှင်းရှင်း သိပ္ပံစမ်းသပ်ချက်တွေပါပဲ။

၂။ ကာယစွမ်းရည် ဖွံ့ဖြိုးခြင်း။

🔴လက်သန်စွမ်းရည် - မွှေတာ၊ နယ်တာ၊ လှီးတာ၊ ပုံသွင်းတာတွေက ကလေးရဲ့လက်ချောင်းလေးတွေနဲ့ လက်ကောက်ဝတ်ကို သန်မာစေတယ်။ ဒါဟာ နောက်တစ်ဆင့် စာရေးတဲ့အခါမှာ အထောက်အကူဖြစ်စေတယ်။

၃။ မိမိကိုယ်ကိုယုံကြည်မှု တိုးတက်လာခြင်း။

🔴 "ငါလုပ်နိုင်တယ်" ဆိုတဲ့စိတ် - ကိုယ်တိုင်လုပ်ပြီးစားလို့ရတဲ့အရာတစ်ခုကို ဖန်တီးနိုင်တဲ့အတွက် မိမိကိုယ်ကို ယုံကြည်မှုတက်လာတယ်။ အောင်မြင်မှုခံစားချက် - မိသားစုဝင်တွေ၊ သူငယ်ချင်းတွေကို ကိုယ်တိုင်လုပ်ထားတဲ့မုန့်လေးတွေ ကျွေးတဲ့အခါ ဂုဏ်ယူစိတ်နဲ့ ပျော်ရွှင်ခံစားရစေတယ်။

၄။ ကျန်းမာရေးနှင့် အာဟာရဆိုင်ရာ အသိပညာတိုးပွားခြင်း။

🔴 အစားအသောက်အကြောင်း သိရှိခြင်း - ဟင်းသီးဟင်းရွက်တွေ၊ သစ်သီးတွေရဲ့အရောင်အသွေးနဲ့ အရသာကို တိုက်ရိုက်ထိတွေ့သိရှိရတယ်။ ကျန်းမာရေးနှင့်ညီညွတ်သော အစားအစာကို ရွေးချယ်တတ်ခြင်း၊ ကိုယ်တိုင်ပါဝင်ပြင်ဆင်တဲ့အတွက် ကျန်းမာရေးနဲ့ညီညွတ်တဲ့အစားအစာတွေကို ပိုမိုစိတ်ဝင်စားလာစေတယ်။

၅။ လူမှုရေးဆိုင်ရာစွမ်းရည်များ ဖွံ့ဖြိုးခြင်း။

🔴 အခြားသူများနှင့် ပူးပေါင်းဆောင်ရွက်နိုင်ခြင်း၊ မုန့်လုပ်တဲ့အခါ သူငယ်ချင်းတွေနဲ့ တာဝန်ခွဲဝေလုပ်ဆောင်ရတာ၊ ပစ္စည်းတွေမျှဝေသုံးစွဲရတာတွေက စုပေါင်းလုပ်ဆောင်မှုစိတ်ကို မွေးမြူပေးတယ်။ စောင့်ဆိုင်းခြင်း - မုန့်လုပ်တဲ့အချိန်အတွင်း စောင့်ဆိုင်းနေရတာက သည်းခံစိတ်ကို ဖွံ့ဖြိုးစေတယ်။

🍊🥒🍞 Chef Program ဟာ ကလေးငယ်တွေကို စားစရာတစ်ခု ပြင်ဆင်တတ်အောင်သင်တာထက်ပိုပြီး ဘဝတစ်သက်တာလုံး အသုံးဝင်မယ့် စွမ်းရည်တွေ၊ အတွေ့အကြုံတွေနဲ့ ခံစားချက်တွေကို ပေးစွမ်းနိုင်တဲ့ အကောင်းဆုံးသင်ယူမှုပုံစံတစ်ခုဖြစ်ပါတယ်။

🏠 အမှတ် ၄၄၊ ၅၅လမ်း၊ ၃၆-၃၇ လမ်းကြား၊ ရဲမွန်တောင်၊ မန္တလေးမြို့။

☎️09775246690
☎️09784949946

11/09/2025

💁🏻‍♀️ကလေးနှင့်ယဉ်ကျေးမှုဓလေ့ထုံးစံ

🌸 ယဉ်ကျေးမှုဓလေ့ထုံးစံတွေဟာ နေရာဒေသအလိုက် ယုံကြည်မှု၊ သဘောထား၊ စံသတ်မှတ်မှု၊ တန်ဖိုးထားမှု၊ ကိုးကွယ်ဆည်းကပ်မှုစတာတွေမှတဆင့် ဖြစ်ပေါ်လာပြီး၊ အဆင့်ဆင့်လက်ဆင့်ကမ်းခဲ့ကြတဲ့အရာများဖြစ်ပါတယ်။ ကလေးတို့ မွေးဖွားကြီးပြင်းတဲ့ပတ်ဝန်းကျင်မှ ယဉ်ကျေးမှုဓလေ့ထုံးတမ်းများဟာ သူတို့ရဲ့အတွေ့အကြုံနဲ့ ဖွံ့ဖြိုးမှုကိုသက်ရောက်ပုံဖော်ပေးလေ့ရှိပါတယ်။

🌸 ကမ္ဘာ့နေရာ ဒေသအသီးသီးမှ လူမျိုးအသီးသီးတို့ရဲ့ မတူညီတဲ့ယဉ်ကျေးမှု ဓလေ့ထုံးစံတွေဟာ၎င်းပတ်ဝန်းကျင်မှာ မွေးဖွားကြီးပြင်းလာတဲ့ ကလေးတွေရဲ့ဖွံ့ဖြိုးမှုနဲ့ကိုယ်ရည်ကိုယ်သွေးတွေကိုလည်းကွဲပြားစေပါတယ်။ ဥပမာ - တချို့ယဉ်ကျေးမှုတွေက အမှီအခိုကင်းတဲ့ ကိုယ့်ကိုယ်ကိုယ်ပိုပြီးလေးစားတဲ့ အခြေအနေ မျိုးကိုတန်ဖိုးထားကြသလို၊ တချို့ယဉ်ကျေးမှုတွေက တစ်ဦးကိုတစ်ဦးအမှီပြုတဲ့ ကျွန်းကိုင်းမှီကိုင်းကျွန်းမှီ အခြေအနေ နဲ့ တွယ်တာမှုသံယောဇဉ်များကိုပိုပြီးတန်ဖိုးထားကြပါတယ်။

🌸 ကလေးတွေဟာလည်း သူတို့ရဲ့ယဉ်ကျေးမှု ဓလေ့ထုံးစံများမှတဆင့်အပြုအမူ အကျင့်စရိုက်တို့ရဲ့ ကောင်းခြင်းဆိုးခြင်းများကို ခွဲခြားသင်ယူကြပါတယ်။ တချို့ယဉ်ကျေးမှုများမှာ ကလေးကို မိမိကိုယ်ကိုယုံကြည်မှုရှိစေရန်၊ အမှီအခိုကင်းစေရန်၊ ပြောရဲဆိုရဲရှိစေရန် သင်ကြားရာတွင် ဆရာ၊ မိဘ အသက်အရွယ်ကြီးသူဟူ၍မရှိစေဘဲလွတ်လွတ်လပ်လပ်ပွင့်ပွင့်လင်းလင်း ပြောဆိုချေပ ဝေဖန်ခွင့်ပေးထားတတ်ပါတယ်။ ကိုယ့်ကိုယ်ကိုယ်ယုံကြည်မှုရှိဖို့အတွက်တော့ ကောင်းတဲ့အချက်ဖြစ်ပေမယ့်၊ တစ်ခါတစ်ရံယုံကြည်မှုလွန်ကဲခြင်းကြောင့် အဂါရဝဖြစ်စေတဲ့ ရိုင်းပျတဲ့အပြုအမူအဖြစ် ကျွန်တော်တို့ မြန်မာ့ယဉ်ကျေးမှုရှုထောင့်မှ ရှုမြင်တတ်ကြပါတယ်။

🌸 တစ်ဖက်ကကြည့်ရင်လည်း ရိုသေ လေးစားရမယ်ဆိုတာထက် ပိုပြီးကြောက်ရွံ့နေမယ်ဆိုရင် တော့ မပြောရဲမဆိုရဲတဲ့ ကလေးတွေဖြစ်လာမှာပါ။ အနောက်တိုင်းယဉ်ကျေးမှုအရ အသက်ပြည့်ရင်အိမ်ခွဲနေနိုင်တယ်။ ကိုယ့်ခြေထောက်ပေါ် ကိုယ်ရပ်တည်နိုင်တယ်ဆိုတဲ့ အမှီအခိုကင်းတဲ့စိတ်ကိုပျိုးထောင်ပေးပေမယ့်၊ အရှေ့တိုင်းမှာတော့ မိသားစုသံယောဇဉ်နဲ့ နွေးထွေးမှုကို ပိုတန်ဖိုးထားတတ်ကြပါတယ်။

🌸 အဲဒါကြောင့် ကိုယ့်ယဉ်ကျေးမှုနဲ့ကိုယ့်လူမှုပတ်ဝန်းကျင်သဟဇာတဖြစ်အောင်သင်ယူကြီးပြင်းဖို့လိုပါတယ်။ ဥပမာ - အမေရိကန် ကလေးတစ်ယောက်ဟာ အမေရိကန်လေးတစ်ယောက်လို ကြီးပြင်းသင့်သလို၊ မြန်မာကလေးတစ်ယောက်ဟာလည်း မြန်မာ ကလေးတစ်ယောက်အဖြစ်ကြီးပြင်းသင့်ပါတယ်။

🌸 အဲဒါကြောင့်ဦးစွာပထမ မိမိယဉ်ကျေးမှုဓလေ့ထုံးစံများမှတဆင့် အပြုအမူကောင်းများကိုသင်ယူ ရပါလိမ့်မယ်။ ထိုမှတဆင့် တန်ဖိုးတွေ စံတွေကိုသိထားရပါမယ်။ မိမိယဉ်ကျေးမှုကို တန်ဖိုးထားတတ် ချစ်တတ်လာရင်တော့ မတူညီတဲ့ယဉ်ကျေးမှုတွေကိုနားလည်တတ်လာပါတယ်။

🌸 ကျွန်တော်တို့နေထိုင်ရာ ကမ္ဘာကြီးဟာလည်းမတူညီတဲ့ အရာတွေနဲ့ပေါင်းစပ်ထားတဲ့အတွက် မတူညီတာတွေကိုမြင်တတ်ဖို့ အတူတကွရှင်သန်နေထိုင်နိုင်ဖို့ ယဉ်ကျေးမှု ဓလေ့ထုံးစံတွေရဲ့ တန်ဖိုးနဲ့အကျိုးသက်ရောက်မှုတွေကို ငယ်စဉ်ကပင် နားလည်သဘောပေါက်လာအောင်သင်ကြားပေးဖို့လိုအပ်ကြောင်းတင်ပြလိုက်ရပါတယ်။

ဦးသူရကျော်
Founder of GENIUS
Early Childhood Educator

🏠 အမှတ် ၄၄၊ ၅၅လမ်း၊ ၃၆-၃၇ လမ်းကြား၊ ရဲမွန်တောင်၊ မန္တလေးမြို့။

☎️09775246690
☎️09784949946

08/09/2025

Happy Birthday our beautiful princess Hayman Phuu Thit Lwin 🥰