https://www.facebook.com/117280904660662/

ဗေဒသုခုမ - ဆရာမ သီရိစန္ဒာ, Mandalay, Mandalay (2025)

24/08/2025

Friendship Time Program

မင်္ဂလာပါရှင် ။ ကျွန်မက 2023 April လလောက်တည်းက online ပေါ်မှာ ဗေဒင်ဟောပြောခဲ့တာ အချိန်အားဖြင့် နှစ် နှစ်ကျော်ခဲ့ပြီလို့ ပြောလို့ရပါတယ်။

ဒီကြားထဲမှာ ကျွန်မရဲ့ မိတ်ဆွေဟောင်းတွေနဲ့ သီးသန့်စကားပြောတာတွေ၊ ဆွေးနွေးတာတွေ လုံးဝမလုပ်ဖြစ်ခဲ့ပါဘူး။

==

ဒါပေမယ့် တစ်ချို့သော Client လေးတွေက သူတို့ကိုယ်တိုင် ဆွေးနွေးဖို့အတွက် လာပြောကြတာတွေတော့ ရှိပါတယ်။ အဲဒီအချိန်မှသာ ဆွေးနွေးတာတွေ၊ တိုင်ပင်တာတွေ လုပ်ဖြစ်ခဲ့ပါတယ်။

ဒီတော့ တစ်ချို့သော Client လေးတွေမှာလည်း ပြောစရာတွေ၊ တိုင်ပင်စရာတွေ၊ ကိုယ့်ကံဇာတာနဲ့ပါတ်သတ်ပြီး ဆွေး‌နွေးစရာလေးတွေ ရှိမယ်လို့လဲ ကျွန်မ ထင်မြင်မိပါတယ်ရှင်။

==

ဒါကြောင့် မိတ်ဟောင်းတွေနဲ့ ဆွေးနွေးတာ ၊ တိုင်ပင်တာတွေပြုလုပ်ဖို့အတွက် Friendship Time Program လေးပြုလုပ်ပါ့မယ်ရှင် ။ ဗေဒင်ကို အခမဲ့မေးဖူးတဲ့သူပဲဖြစ်စေ၊ အခကြေးငွေနဲ့မေးဖူးတဲ့သူပဲဖြစ်စေ ဆွေးနွေးနိုင်မှာပဲ ဖြစ်ပါတယ်။

24.8.25 ကနေ August လကုန်အထိ ဒီ Program လေးရှိနေမှာဖြစ်ပြီး ဆွေးနွေးတာ၊ တိုင်ပင်တာတွေ ပြုလုပ်လိုတယ်ဆိုရင် Messenger, ကနေ ဆက်သွယ်ပြီး စာရင်းလေး ပေးထားလို့ရပါတယ်ရှင်။

Messenger-
m.me/AstronomybyThirisandar

မင်္ဂလာရှိသော နေ့လေးဖြစ်ပါစေရှင့် 🎀

12/08/2025

ကြိုးပမ်းချက်တွေ အောင်မြင်မှုရှိနိုင်၊မရှိနိုင်
ဗေဒင်ပညာနဲ့ ဘယ်လိုဆုံးဖြတ်ကြမလဲ ?

လူတွေရဲ့ ကြိုးပမ်းချက်တွေ အောင်မြင်မှုရှိနိုင် မရှိနိုင်ဆိုတာကို ပုံမှန်အားဖြင့် ရလဒ်တွေ၊ ကြိုးစားမှုတွေနဲ့ ဆုံးဖြတ်ကြပါတယ်။ ကြိုးစားမှုတွေ ကောင်းရင် ရလဒ်တွေ ကောင်းမယ်ဆိုတဲ့ သဘောတရားနဲ့ပေါ့။

ဒါဆို ဗေဒင်ပညာနဲ့ရော ဘယ်လိုဆုံးဖြတ်ကြမလဲ??

ဗေဒင်ပညာနဲ့ ဝေဖန်ပိုင်းခြားရမယ်ဆိုရင် House 1 (H1) လို့ခေါ်တဲ့ (တနုဘာဝ)ကိုကြည့်ပြီး ဆုံးဖြတ်ရပါတယ်။ လူတစ်ယောက်ရဲ့ ခန္ဓာကိုယ်ကို ဦးနှောက်က ထိန်းချုပ်ထားတယ်ဆိုရင် ဇာတာခွင်ကိုလည်း H1 ကထိန်းချုပ်တယ်လို့ပြောရင် မှားမယ်မထင်ပါဘူး။

H1 ဟာလူတစ်ယောက်ရဲ့ ခန္ဓာကိုယ်၊ ပုံပန်းသဏ္ဍာန်၊ သက်တမ်း၊ စတဲ့အရေးကြီးတဲ့အရာတွေကို ထိန်းချုပ်ထားတဲ့ ဘာဝတစ်ခုပဲဖြစ်ပါတယ်။ ထိုထဲမှာမှ မိမိရဲ့ကြိုးပမ်းချက်များအောင်မြင်မှုရှိ မရှိဆိုတာကိုပါ H1 ကထိန်းချုပ်ထားပါသေးတယ်။

ယေဘူယျအားဖြင့် H1 မှာရာဟုဂြိုဟ်တို့ ပူးယှဉ်ထားမယ်ဆိုရင် ဇာတာရှင်ဟာ ရည်မှန်းချက်မည်မည်ရာရာ မရှိခြင်း၊ ကောက်ရိုးမီးလို ခဏတာ လောင်ကျွမ်းတတ်ခြင်း၊ အဖျားရှူးတတ်တဲ့ သဘောတရားတွေ ရှိနေတတ်ပါတယ်။ ဒီလိုသဘောတရားတွေနဲ့ဆိုရင် ကြိုးစားတိုင်း အရာမထင်တဲ့အပြင် ခဏခဏ ကိုယ့်ကိုကိုယ်ပျောက်ဆုံးတတ်တဲ့ အခိုက်အတန့်တွေ ကြုံတွေ့ရတတ်ပါတယ်။ တစ်ခါတစ်ရံမှာ ရည်မှန်းချက်တွေ ပြင်းပြနေရင်တောင်ခဏတာလောက်ပဲ ကြိုးစားပြပြီး မှေးမှိန်သွားတတ်ပါသေးတယ်။

ဒါဆို H1 မှာရာဟုလိုမကောင်းတဲ့ဂြိုဟ်တွေရှိတိုင်း
ဒီလိုဖြစ်မှာလား ?

မဟုတ်ပါဘူး။ H1 မှာရာဟုဂြိုဟ်လို ပါပဂြိုဟ်တွေ ပူးယှဉ်နေတဲ့လူတွေအများကြီးကို တွေ့ဖူးပါတယ်။ လူတိုင်းအဲ့လိုဖြစ်နေတာတော့ မဟုတ်ပြန်ပါဘူး။ တစ်ချို့လူတွေက H1 မှာမကောင်းတဲ့ ဂြိုဟ်တွေပူးယှဉ်နေပေမယ့် သူမတူအောင်ထူးချွန်တဲ့သူတွေ များပါတယ်။

အကြောင်းအရင်းကို ရှာဖွေကြည့်တဲ့အခါ H1 ရဲ့အောက်မှာ Nakshatra Lord (NL) နဲ့ (Sub- Lord) SL ဆိုပြီးနှစ်မျိုးရှိပါတယ်။ SL လို့ခေါ်တဲ့ (Sub Lord) ကသာလျှင် အဆုံးအဖြတ်ပေးနိုင်တဲ့ အရာဖြစ်ပြီး ၎င်း SL ဟာကောင်းသောအကျိုးကိုဆောင်ထားသလား၊ ဆိုးသောအကျိုးကို ဆောင်ထားသလားဆိုတာကိုကြည့်ပြီး ကြိုးပမ်းချက်တွေ အောင်မြင်မှုရှိ မရှိ ဆုံးဖြတ်နိုင်မှာပဲ ဖြစ်ပါတယ်။

တကယ်လို့ SL က မကောင်းတဲ့အကျိုးတွေဆောင်ထားမယ်ဆိုရင်တော့ အပေါ်မှာဖော်ပြထားတဲ့အချက်တွေ မိမိဆီမှာ ဖြစ်ပေါ်နိုင်ပါတယ်။ H1 ကလူတစ်ယောက်ရဲ့ဦးခေါင်းလို့တောင် သတ်မှတ်နိုင်တဲ့အတွက် ပေါ့သေးသေးတော့ မဟုတ်ပါဘူး။ လူတစ်ယောက်ရဲ့ ကံကြမ္မာကို ခြယ်လှယ်နိုင်မယ့် ဘာဝပဲ ဖြစ်ပါတယ်။ မူလဇာတာဖြစ်တဲ့အတွက် ဘဝတစ်လျှောက်လုံး ဒီလိုပြဿနာရပ်တွေနဲ့ ရင်ဆိုင်သွားရတတ်တာဖြစ်တဲ့အတွက် ဂရုစိုက်ဖို့တော့ လိုပါလိမ့်မယ်။

ဒါဆို ဘယ်လိုကာကွယ်နိုင်မလဲ ?

‌ပြောင်းလဲလို့မရရင်တောင် ကာကွယ်လို့ရတဲ့ နည်းလမ်းတွေလည်း အများကြီးရှိပါတယ် ။ ဘယ်လိုကာကွယ်ကြမလဲဆိုရင်

1. ကိုယ့်အတွက်ကောင်းမွန်စွာ လမ်းညွှန်ပြသနိုင်မယ့် ဆရာသမားကောင်းတွေ၊ mentor တွေအနားမှာထားရှိပါ။ ကိုယ်လမ်းမှားနေတဲ့အခါ သူတို့က ပြုပြင်‌ပေးပါလိမ့်မယ်။( ဆရာကောင်းဖြစ်ဖို့တော့ လိုပါလိမ့်မယ်)

2. သင်ယူမှုတွေကို အဆက်မပြတ်လုပ်ပါ။
သင်ယူမှုကိုရပ်လိုက်တာနဲ့ မိမိရဲ့ဘဝပါရပ်တန့်လိမ့်မယ်လို့ ကျွန်မမှတ်ယူခဲ့ရဖူးပါတယ်။ အမြင်ကနေသော်၎င်း၊ အကြားကနေသော်၎င်း တစ်ခုခုကို သင်ယူနေတာက စိတ်ကိုလည်း မပျံ့လွင့်စေသလို၊ တိုးတက်မှုတွေလည်း ရစေမှာပါ။

3. တရားထိုင်ပါ။
အကြောင်းအရင်းက တရားထိုင်ခြင်းဟာ အာရုံစူးစိုက်မှုကို ပိုကောင်းမွန်စေနိုင်ပြီး စိတ်တည်ငြိမ်မှုကိုလည်း ပေးစွမ်းပါတယ်။ စိတ်တည်ငြိမ်လာရင် အမှားနဲ့ အမှန်ကို ဝေဖန်ပိုင်းခြားနိုင်ပြီး မလုပ်သင့်တာတွေ မလုပ်ဖြစ်တော့အောင်ကူညီပေးပါလိမ့်မယ်။

ကြော်ငြာလေးတစ်ဖြတ်ဝင်ရရင်တော့ ကျွန်မဆီမှာလည်း ဗေဒင်မေးမြန်းနိုင်ပါတယ်။ သိလိုတဲ့မေးခွန်းတွေကိုလည်း အချိန်အကန့်အသတ်မရှိ ဟောပေးတာဖြစ်လို့ လိုအပ်တဲ့လမ်းညွှန်ချက်တွေနဲ့ ဆွေးနွေးမှုတွေလည်း ပေးသွားမှာဖြစ်ပါတယ်ရှင်။

မင်္ဂလာရှိသောနေ့လေးဖြစ်ကြပါစေရှင့် 🎀

#ဗေဒသုခုမ_ဆရာမသီရိစန္ဒာ

04/08/2025

ရာသီခွင် ဖြစ်ပေါ်လာပုံ

Zodiac sign တွေကိုသိကြတယ်ဟုတ် ! ဒါဆို Zodiac sign စက်ဝန်းကြီးဖြစ်တဲ့ Birth chart ကိုလည်း သိဖို့လိုပါတယ်။ Birth chart ဆိုတာ Zodiac sign 12 ခုပါတဲ့ စက်ဝန်းကြီးကို ခေါ်ဆိုတာ ဖြစ်ပါတယ် ။

ရာသီခွင် ဘယ်လိုဖြစ်ပေါ်လာသလဲ ?

ကမ္ဘာမြေကြီးပေါ်မှာ ရှင်သန်နေထိုင်ရတဲ့ ကျွန်မတို့အတွက် ဘယ်လိုအမြင်မျိုးကိုမြင်သည်ဖြစ်စေ ၊ ကမ္ဘာမြေရဲ့ ရှုထောင့်ကနေပဲ မြင်ကြမှာပါ ။ ဆိုတော့ ရှေးခေတ်က လူတွေဟာလည်း Zodiac sign တွေကိုခွဲခြားကြတဲ့အခါမှာ ကမ္ဘာမြေ‌ပေါ်ကနေကြည့်ရင် နေဟာ ကမ္ဘာကိုလှည့်ပတ်နေတယ်လို့ ထင်မြင်ခဲ့ကြပါတယ်။( အမှန်က ကမ္ဘာက နေကိုပတ်နေခဲ့တာပါ )

ဒီတော့ သူတို့ရဲ့အမြင်အတိုင်း နေက ကမ္ဘာကို ပတ်နေတယ်လို့ ယူဆခဲ့ကြပြီး ၎င်းပတ်လမ်းတစ်လျှောက် တွေ့ရတဲ့ ကြယ်စုကြီးတွေနဲ့ ရာသီခွင်ကို ပုံဖော်ခဲ့ကြပါတယ်။ အဲဒီ ပတ်လမ်းကို Ecliptic လို့ခေါ်ပါတယ်။

Ecliptic လမ်းကြောင်းကြီးကို စက်ဝိုင်းပုံစံ (360°) ရှိတယ်လို့ ယူဆခဲ့ကြပြီး ၎င်း လမ်းကြောင်းကို ၁၂ ပိုင်း၊ ပိုင်းခြားခဲ့ကြပါတယ်။ ရာသီခွင်တစ်ခုကို 30° စီအညီအမျှပိုင်းခြားလိုက်ပြီး Zodiac sign 12 ခုကို သတ်မှတ်လိုက်ကြပါတယ်။

ရာသီခွင် တစ်ခုချင်းစီကို ပိုင်းခြားပြီးတဲ့နောက်မှာတော့ နာမည်ပေးဖို့ လိုအပ်လာပါတယ်။ နာမည်ပေးဖို့အတွက် ရာသီခွင်တစ်ခုချင်းစီရဲ့ အနားမှာ တွေ့ရတဲ့ ကြယ်စု (constellation) တွေရဲ့ ပုံစံကိုလိုက်ပြီး အမည်ပေးခဲ့ကြတာပဲ ဖြစ်ပါတယ် ။

အမည်အားဖြင့်တော့
မိဿရာသီ (Aries) - သိုး ,
ပြိဿရာသီ (Ta**us) - နွား ,
မေထုန်ရာသီ (Gemini ) - အမွှာ (မိန်းမ နှင့် ယောကျာ်း) , ကရကဋ်ရာသီ ( Cancer)- ဂဏန်း ,
သိဟ်ရာသီ (Leo ) - ခြ‌င်္သေ့
ကန်ရာသီ ( Virgo) - လှပသောအမျိုးသမီး
တူရာသီ (Libra ) - ချိန်ခွင်
ဗြိစ္ဆာရာသီ ( Scorpio )- ကင်းမြီးကောက်
ဓနုရာသီ ( Sagittarius) - လေးသမား( မြင်းတစ်ပိုင်း လူတစ်ပိုင်း )
မကာရ ရာသီ (Capricorn) - ဆိတ်တစ်ပိုင်း ၊ ငါးတစ်ပိုင်းရှိသော သတ္တဝါ
ကုမ်ရာသီ ( Aquarius) - ရေအိုးထမ်းအမျိုးသား
မိန်ရာသီ (Pisces) - ငါး ဆိုပြီး အမည်ပေးခဲ့ကြပါတယ် ။

အခု ရာသီခွင်ဖြစ်ပေါ်လာပုံအကြောင်းကို ဖော်ပြပေးခဲ့တာကတော့ Western Astrology လို့ခေါ်တဲ့ အနောက်တိုင်းနက္ခတ်ဗေဒင်က သတ်မှတ်ထားတဲ့ ပုံစံအရ ဖြစ်ပါတယ် ။ အခု‌တော်တော်များများ ပြောနေကြတဲ့ Sign အကြောင်းတွေက Western Astrology ဖြစ်ပြီး Tropical နည်းစနစ်ကို အသုံးပြုပြီး တွက်ချက်ထားတာ ဖြစ်ပါတယ်။

#ဗေဒသုခုမဆရာမသီရိစန္ဒာ

01/08/2025

Retrograde ဆိုတာဘာလဲ

Retrograde ! Retrograde ! Retrograde ! ဆိုပြီး ပွက်လောရိုက်နေကြပေမယ့် Retrograde ဖြစ်တယ်ဆိုတာ ဘာကိုပြောတာလဲ သိဖို့လိုအပ်ပါတယ်။ တကယ်တော့ Retrograde ဆိုတာ ‌ဂြိုဟ်တွေနောက်ပြန်သွားခြင်းလို့ ခေါ်ဆိုနိုင်ပါတယ်။ ဗေဒင်ပညာရပ်တွေမှာ ဂြိုဟ်တွေဟာ နောက်ပြန်သွားတယ်ဆိုရင် ၎င်းဂြိုဟ်တွေနဲ့ ပတ်သတ်ဆက်နွယ်နေတဲ့ Houses တွေမှာ အကျိုးသက်ရောက်မှုရှိနိုင်တယ်လို့ ယုံကြည်ထားတာ ဖြစ်ပါတယ် ။

ဒါပေမယ့် Scientifically အရတော့ ဂြိုဟ်တွေဟာနောက်ပြန်သွားလေ့ မရှိပါဘူး။ ဂြိုဟ်တွေဟာ သူတို့ရဲ့ကိုယ်ပိုင်ပတ်လမ်းကြောင်းမှာပဲ မတူညီတဲ့အရှိန်တွေနဲ့ နေကိုလည်ပတ်နေကြပြီး ကမ္ဘာမြေပေါ်က ကြည့်တဲ့ရှုထောင့်အရ နောက်ပြန်သွားတယ်လို့ ထင်မြင်ရတာ ဖြစ်ပါတယ် ။

ဥပမာအားဖြင့်ဖော်ပြရရင် ကားလမ်း‌မပေါ်မှာ ပိုမြန်တဲ့ကားက ပိုနှေးတဲ့ကားကို ကျော်တက်သွားတဲ့အခါ ၊ နှေးတဲ့ကားက ခဏတာနောက်ဆုတ်သွားသလိုမြင်ရတဲ့ အချက်အလက်နဲ့ တူညီပါတယ် ။

အပြင်ဘက်ကျတဲ့ ပတ်လမ်းမှာ ပတ်နေတဲ့ ဂြိုဟ်တွေကို Outer planet လို့ခေါ်ပါတယ် ။ Outer planet တွေဟာ Mars , Jupiter, Saturn တို့ဖြစ်ကြပြီး ၎င်းတို့ဟာ နေကို ကမ္ဘာကပတ်တဲ့အရှိန်ထက် ပိုပြီးနှေးကွေးစွာ ပတ်ကြပါတယ် ။ ဒါကြောင့် ၎င်းဂြိုဟ်တို့ကို ကမ္ဘာကကျော်တက်သွားတဲ့အခါ ကမ္ဘာရဲ့အမြင်ကနေ Retrograde ဖြစ်တယ်ဆိုပြီး မြင်ရတာဖြစ်ပါတယ် ။

အတွင်းဘက်ကျတဲ့ ပတ်‌လမ်းမှာ ပတ်နေတဲ့ ဂြိုဟ်တွေကိုတော့ Inner planet တွေလို့ခေါ်ပါတယ် ။
Inner planet တွေဟာ Mercury , Venus တို့သာရှိကြပြီး ၎င်းတို့ဟာ နေကိုကမ္ဘာက ပတ်တဲ့အရှိန်ထက် ပိုမြန်ကြပြီး နေနဲ့ အနီးဆုံးရှိတဲ့ ဂြိုဟ်တွေပဲ ဖြစ်ကြပါတယ် ။ ၎င်းဂြိုဟ်တွေက အရှိန်အားဖြင့် ပိုမြန်တဲ့အပြင် ပတ်လမ်းကြောင်းဟာလည်း စက်ဝိုင်းပုံ အတိဖြစ်မနေအတွက် ကမ္ဘာရဲ့ ရှုထောင့်ကနေ ကြည့်ရင် Retrograde (နောက်ပြန်သွားနေသလို) မြင်ရမှာပါ ။

( ပိုစ့်အောက်မှာ Mercury Retrograde Video လေးဖော်ပြထားပါတယ်။ အပြာရောင်ပြောင်းသွားတဲ့ မျဉ်းတွေဟာ ကမ္ဘာမြေပြင်ကနေ မြင်ရတဲ့ ရှုထောင့်အရ Retrograde အဖြစ်ပေါ်နေတာဖြစ်ပြီး အဝါရောင်မျဉ်းတွေကတော့ သာမန်လည်ပတ်နေတဲ့ အမြင်ဖြစ်ပါတယ်။ )

Scientifically အရ Retrograde ဖြစ်တယ်ဆိုရင် လူတွေရဲ့ ကံကြမ္မာအပေါ် သက်ရောက်မှုကရော ???

K.P နက္ခတ်ဗေဒင် စနစ်အရ မူလဇာတာမှာတော့ Retrograde ရဲ့ အာနိသင်ဟာ အကျိုးသက်ရောက်မှုမရှိစေပါဘူး။ မူလဇာတာဆိုတာ ( ယေဘူယျအားဖြင့် ) လူတစ်ယောက်ရဲ့ မွေးချိန်ကနေပြီးတော့ သေဆုံးတဲ့အထိ ပုံသေ ဖြစ်နေမယ့် ဇာတာကိုဆိုလိုပါတယ် ။ ဥပမာ သူ့ရဲ့ဘဝမှာ ချမ်းသာမယ် ၊ ကျန်းမာ‌ရေးကောင်းမယ် ၊ ဆရာဝန်ကြီးဖြစ်လိမ့်မယ်စတဲ့ စတဲ့ မွေးကတည်းကပါလာတဲ့ ကံအပေါ် အကျိုးသက်ရောက်မှုမရှိဘူးလို့ ဆိုလိုတာဖြစ်ပါတယ် ။ (K.P နက္ခတ်ဗေဒင် စနစ်အရဖြစ်ပါတယ်နော် ၊ တစ်ခြားသော ‌နက္ခတ်ဗေဒင်စနစ်မှာတော့ ထည့်သွင်းစဉ်းစားကြပါတယ် )❗

ဒါပေမယ့် ‼️
အခါ‌ပေးနဲ့ ပါတ်သတ်တာ ၊ စိုးမိုးဂြိုဟ်နဲ့ ပါတ်သတ်ပြီး ဟောချက်ထုတ်တာ ( စိုးမိုးဂြိုဟ်နဲ့ ပါတ်သတ်ပြီး ဟောချက်ထုတ်တယ်ဆိုတာ အရမ်းအရမ်းကို အရေးကြီးတဲ့ မေးခွန်းတွေကို ဖြေပေးရတဲ့အခါ စိုးမိုးဂြိုဟ်ကို အသုံးပြုရပါတယ် ။ စိုးမိုးဂြိုဟ်သန့်စင်ခြင်းရှိမရှိဆိုတာကို ကြည့်ပြီးမှ အိမ်ထောင်ဘယ်တော့ကျမလဲ ၊ အလုပ်ရ မရ စတဲ့အဖြေတွေကို ဖြေနိုင်မှာ ဖြစ်ပါတယ် ။ ဒီလိုအခြေအနေတွေမှာ ဂြိုဟ်တွေရဲ့ Retrograde ဟာ အရေးအပါဆုံးအချက်ပါ။ )

ကောဇာလို့ခေါ်တဲ့ လတ်တလော ကြုံရနိုင်တဲ့ အခက်အခဲတွေကို ဟောကိန်းထုတ်ပေးရတဲ့အခါ ၊ ရာသီဥတုအပြောင်းအလဲ ၊ ဘေးဥပါဒ်အန္တရာယ်အကြောင်းတွေ ဟောကိန်းထုတ်ပေးရတဲ့အခါ ၊ K.P နက္ခတ်ဗေဒင်ရဲ့ ဟူးရားစနစ်တွေမှာဆိုရင်တော့ Planet Retrograde တွေဟာ အရေးပါနေပါတယ် ။

ဆိုတော့ အကျဉ်းချုံးရမယ်ဆိုရင် Retrograde ဆိုတာ ဂြိုဟ်တွေနောက်ပြန်သွားတဲ့ အကြောင်းအရာတစ်ခုဖြစ်ပြီး Retrograde ကြောင့် မူလကံဇာတာဟာ အပြောင်းအလဲ မဖြစ်နိုင်ပေမယ့် ခဏတာကာလလောက်တော့ အခက်အခဲတွေ့နိုင်ပါတယ် ။

ဒါပေမယ့် အစကောင်းမှအနှောင်းသေချာဆိုသလို မူလဇာတာကောင်းဖို့ကတော့ အရမ်းအရေးကြီးပါတယ်ရှင်။
မူလဇာတာကောင်းနေမယ်ဆိုရင် Retrograde တွေဟာ အကျိုးသက်ရောက်မှုဖြစ်စေမယ်ဆိုရင်တောင် နည်းပါလိမ့်မယ် ။ မူလဇာတာတည်းက ညံ့နေမယ်ဆိုရင်တော့ Retrograde ဖြစ်တဲ့အခါ အကျိုးသက်ရောက်မှုအနေနဲ့တော့ များပါလိမ့်မယ် ။

_video source from YouTube

#ဗေဒသုခုမ_ဆရာမသီရိစန္ဒာ

27/07/2025

ဂြိုဟ်နဲ့ အတန့် ဘာဝ ဘာကွာလဲ

ဗေဒင်နဲ့ပတ်သတ်တဲ့ စာစုတွေမှာ ဂြိုဟ်တွေဟာ ဘယ်အတန့်ဘာဝ တွေမှာရပ်တည်ရင် ဘာဖြစ်မယ် စသည်ဖြင့် ရေးသားထားတာကို တွေ့ရ‌ လေ့ရှိပါတယ် ။ ဒီတော့ ဂြိုဟ်ကိုတော့ သိကြပါရဲ့ ။ အတန့်ဘာဝ ဆိုတာဘာလဲ ဆိုပြီးသိချင်စိတ်ဖြစ်လာတတ်ပါတယ် ။

အတန့်ဘာဝဆိုတာဟာ Houses တွေကိုဆိုလိုတာပါ ။ စုစုပေါင်း အတန့်ဘာဝ 12 ခုရှိပါတယ် ။ 12 Houses ပေါ့နော် ။ Houses တစ်ခုချင်းစီမှာ လူဝာစ်ယောက်ရဲ့ ကိုယ်အင်္ဂါအစိတ်အပိုင်း ၊ ချမ်းသာခြင်း ၊ ကျန်းမာခြင်း ၊ ပျော်ရွှင်ရခြင်း ၊ ဝမ်းနည်းရခြင်း ၊ အိမ်ထောင်ကျခြင်း စတဲ့အကြောင်းအရာတွေကို ဆုပ်ကိုင်ထားကြပါတယ် ။

ဥပမာအားဖြင့် 1 တန့်ဘာဝ Houses 1 ဟာ လူတစ်ယောက်ရဲ့ ဦးခေါင်း ၊ ဘဝတစ်ခုလုံးကို လွှမ်းခြုံပြီး အသက်ရှည်ခြင်း ကျန်းမာခြင်း ၊ ဘဝ၏တိုးတက် အောင်မြင် ကြီးပွားမှုကို ကိုယ်စားပြုပါတယ် ။ Houses 1 ကို လဂ် သို့မဟုတ် လဂ္ဂဏ လို့ခေါ်ဆိုကြပါတယ် ။

ဇာတာတစ်ခုကို ကြည့်ရာမှာ Houses 1 ကအရေးပါဆုံးနေရာကနေ တာဝန်ယူထားပါတယ် ။ လူတစ်ယောက်ရဲ့ ဦးခေါင်းဟာ ခန္ဓာအစိတ်အပိုင်းအားလုံးကို ထိန်းချုပ်ထားသည့်အတွက် ၊ Houses 1 တစ်နည်းအားဖြင့် လဂ်ဟာလည်း ဇာတာတစ်စောင်ကို ထိန်းချုပ်ထားသည်နဲ့ ဆင်ပါတယ် ။

ဥပမာ လဂ်ဟာ မသန့်စင်တာမျိုးဖြစ်နေမယ်ဆိုရင် ဇာတာရှင်မှာလည်း တိုးတက်ကြီးပွားလိုစိတ်မရှိခြင်း ၊ ဦးခေါင်းနှင့် အာရုံကြောဆိုင်ရာ ဝေဒနာခံစားရတတ်ပါတယ် ။ ဒါကတေ့ာ Houses 1 မှာရပ်တည်ရာဂြိုဟ် ၊ မြင်ယှဉ်ရာဂြိုဟ်တွေနဲ့ ဆုံးဖြတ်ရမှာဖြစ်ပါတယ် ။

အတန့် ဘာဝ တစ်ခုစီမှာ သက်ဆိုင်ရာ သတ်မှတ်ချက်တွေရှိပါတယ် ။ အဲဒီ သတ်မှတ်ချက်တွေဟာ ဆိုးကျိုးဖြစ်စေမလား ၊ ကောင်းကျိုးဖြစ်စေမလားဆိုတာကတော့ ရပ်တည်ရာ ဂြိုဟ် ၊ မြင်ယှဉ်ရာဂြိုဟ် ၊ စီးနင်းထားတဲ့ နက္ခတ် ၊ ဘုတ္တိနက္ခတ်တွေနဲ့ အဆုံးအဖြတ်ပြုရမှာပဲ ဖြစ်ပါတယ်ရှင် ။

26/07/2025

ဂမ္ဘီရသခင်ဂြိုဟ် ရာဟု

ရာဟုဂြိုဟ်ကို ဂမ္ဘီရသခင်ဂြိုဟ်လို့ခေါ်ကြပြီး ၎င်း ဂြိုဟ်ဟာ ဆန်းကြယ်တဲ့ ဂြိုဟ်တစ်လုံးပဲဖြစ်ပါတယ် ။ ရာဟုဂြိုဟ်ကို ကိုယ်စားလှယ်ဂြိုဟ်လို့လည်း ခေါ်ပါတယ် ။ ရာဟုဂြိုဟ်ဟာ တစ်ခြားသောဂြိုဟ်ခုနှစ်လုံးလို ကိုယ်ပိုင် ရာသီမရှိတဲ့ပါဘူး ။ဒါကြောင့် သူရပ်တည်ရာ ဘာဝနဲ့ ဘာဝသခင်ဂြိုဟ်အတွက် အားကြီးစွာ အလုပ်လုပ်ပါတယ် ။

ဥပမာအားဖြင့် ရာဟုဂြိုဟ်ဟာ သိဟ်ရာသီတွင်ရပ်တည်‌‌နေပြီး ဘာဝအားဖြင့် ငါးတန့်ဘာဝတွင် တည်ရှိနေမယ်ဆိုရင် ငါးတန့်ဘာဝ သိဟ်ရာသီရဲ့ သခင်ဂြိုဟ်ဖြစ်တဲ့ တနင်္ဂနွေ ကိုယ်စားအလုပ်လုပ်မှာဖြစ်ပါတယ် ။ တစ်နည်းအားဖြင့် တနင်္ဂနွေဂြိုဟ်ဟာ သူ၏လုပ်ပိုင်ခွင့်အားလုံးကို ရာဟုဂြိုဟ်ဆီပုံအပ်ထားပြီး ၎င်းရာဟုဂြိုဟ်ဟာ တနင်္ဂနွေဂြိုဟ်ရဲ့ကိုယ်စားပြုပြီး လူတွေရဲ့ကံကြမ္မာအဝဝကို ခြယ်လှယ်ပါလိမ့်မယ် ။

ဒါ့အပြင် ပေးထားသောဥပမာအရ ဇာတာမှာ သိဟ်ရာသီဟာ ငါးတန့်ဘာဝဖြစ်နေတဲ့အခါ ပညာရေး ၊ သားသမီးရေး ကိုကိုယ်စားပြုသွားမှာပါ ။ အကြောင်းအရင်းက ငါးတန့်ဘာဝ(ပုတြဘာဝ)သည် ပညာရေးနဲ့ သားသမီးရေးကို ကိုယ်စားပြုမှာဖြစ်လို့ပါပဲ ။ ၎င်းအချက်တွေနဲ့ပတ်သတ်ပြီး ဘုတ္တိနက္ခတ်ဂြိုဟ်ရဲ့ အဆုံးအဖြတ်နဲ့ပဲ ရာဟုဂြိုဟ်ဟာ ကောင်းစွာ အလုပ်လုပ်ပြီး အကျိုးပြုမှာလား ၊ ဆိုးရွားစွာအလုပ်လုပ်ပြီး ဆိုးကျိုးပြုမှာလားဆိုတာကို ဆုံးဖြတ်ရမှာပါ ။ ကောင်းကျိူးပြုရင်တော့ သက်ဆိုင်ရာ နယ်ပယ်မှာထူးချွန်နိုင်ပြီး ဆိုးကျိုးသာပြုထားမယ်ဆိုရင်တော့ ဆန့်ကျင်ဘက်သတ်မှတ်ရပါမယ် ။

ဒါ့အပြင် ၆ တန့်(အာရီ)ဘာဝကနေ ၁၂ တန့်ထောက်လိုက်ရင် ၅ တန့်ဘာဝသက်ရောက်ပြန်ပါတယ် ။ ၆ တန့်ဘာဝကို ပြိုင်ဘက် ၊ ရန်သူ ၊ ထိခိုက်ဒဏ်ရာရခြင်း(accident) အဖြစ် သတ်မှတ်နိုင်ပါတယ် ။

၁၂ တန့်ဆိုတဲ့အမြင်က ကောင်းခြင်းတော့မဟုတ်ပါဘူး ။ တစ်နည်းအားဖြင့် ထွက်ခွာရခြင်းဆိုတဲ့သဘောသက်ရောက်ပါတယ်။ ဒါကြောင့် ပြိုင်ဘက် သို့မဟုတ် ရန်သူဟာ ကိုယ့်အနားမှ ထွက်ခွာသွားရခြင်း တစ်နည်းအားဖြင့်ပြိုင်ဘက်မှ အရှုံးပေးခြင်း သက်ရောက်သလို၊ accident များကြုံတွေ့ရခြင်းကြောင့် ထိခိုက်ဒဏ်ရာ ရတဲ့ကံကနေ အလိုအလျောက်လွတ်ကင်းသွားပါလိမ့်မယ် ။

ဆိုးကျိုးနှစ်ခုပေါင်းစပ်တဲ့အခါ မကောင်းတဲ့အရာတွေပျက်ပြယ်သွားပြီး မျှတတဲ့အခြေအနေကိုရောက်ရှိသွားခြင်း သဘောမျိုးပါပဲ ။

ဘဝမှာ လူတိုင်းတစ်ခါတစ်ခေါက်တော့ ကြုံတတ်ကြပါလိမ့်မယ် ။ သေဘေးလောက်တဲ့ အန္တရာယ်နဲ့ ကြုံရပေမယ့် ကံကောင်းထောက်မစွာလွတ်မြောက်သွားတာမျိုးပေါ့ ။ ဒါက ရာဟုနဲ့ဆက်စပ်တဲ့ ရှူထောင့်ကနေဖော်ပြပေးတာဖြစ်သလို အသက်ဘေးကလွတ်တိုင်း ရာဟုဂြိုဟ်ကြောင့်ဆိုပြီးလဲ ဖြစ်မလာပါဘူး ။တစ်ခြားဂြိုဟ် သို့မဟုတ် အတန့်ဘာဝတွေကြောင့်လည်း ဖြစ်နိုင်ပါတယ် ။ ဒါကိုတရားသေမမှတ်စေချင်တာပါရှင့် ။

သာမန်အားဖြင့် ငါးတန့်ဘာဝမှာ ရာဟုဂြိုဟ်ရောက်ရှိနေရင် ဒီလူဟာ သားသမီးကံ မကောင်းတတ် ၊ဘွဲ့မရတတ် ၊ ပညာကိုဆုံးခန်းတိုင်အောင် မသင်ရတတ်ဘူးဆိုပြီး သတ်မှတ်လေ့ရှိကြပါတယ် ။

ဒါပေမယ့် ငါးတန့်ဘာဝမှာ ရာဟုဂြိုဟ်ရှိတာ တကယ်ရောဟုတ်ရဲ့လား ။ ရာသီခွင်အရ သိဟ်ရာသီမှာပဲရှိနေပြီး ငါးတန့်ဘာဝအပေါ် ကျရောက်တာရော ဟုတ်ရဲ့လား ဆိုတာကိုတော့ ဒီဂရီတွေနဲ့ယှဉ်ပြီး ကြည့်ရှုရပါသေးတယ် ။

ဒီလိုမှမဟုတ်ရင် ဟောတဲ့သူက ရာဟုတည်ရှိပုံတစ်ခုလေးနဲ့ပဲ ဘွဲ့မရတတ်တာ ၊ ပညာသင်တာ ဆုံးခန်းမရောက်တာဆိုပြီး ပြောမိတတ်ကြပေမယ့် တကယ်တော့ ဇာတာရှင်က Diplomaတွေ MBA တွေ ရယူထားပြီးသားသူတွေ ဖြစ်နေတတ်ပါတယ် ။ ဒါကိုလည်း အတော်ဆင်ခြင်ဂရုစိုက်ရမယ့်အချက်ပါပဲရှင် ။

ဂမ္ဘီရ ဆိုတာမျိုးက ရှာဖွေလေ တွေ့ရှိလေ နက်နဲလေ ပါပဲ ။ အခုဖော်ပြထားတာက တစ်စေ့တစ်စောင်းပဲ ရှိပါသေးတယ် ။ ရာဟုရဲ့ ဂမ္ဘီရဆန်တဲ့အကြောင်းအရာတွေလည်း အများကြီးရှိဦးမှာပါ ။ ဒါ့အပြင် တစ်ခြားသောဂြိုဟ်တွေရဲ့ ကဏ္ဍတွေဟာလည်း အရမ်းကိုထူးခြားပြီး နက်နဲလွန်းပါတယ် ။ တစ်ခုပြီးတစ်ခု သိလာရတာလည်း တကယ်ကိုအားရကျေနပ်စရာပါပဲ ။ နောက်ထပ်လည်း အခုလိုအကြောင်းအရာတွေ ဆက်လက်ပြီး ဖော်ပြသွားပါ့မယ်ရှင့်။

23/07/2025

ဗေဒင် နဲ့ နက္ခတ်ပညာကို စိတ်ဝင်စားသူများအတွက် ရာသီခွင် ၁၂ မျိုးနဲ့ ပတ်သက်တဲ့ ဗဟုသုတလေးတစ်ခု မျှဝေပေးချင်ပါတယ်။ ကျွန်မတို့ အများစုက ရာသီခွင်နာမည်တွေကို Aries, Gemini စတဲ့ အင်္ဂလိပ်လို နာမည်တွေနဲ့ ရင်းနှီးကြပေမယ့်၊ မြန်မာလို ဘယ်လိုခေါ်လဲဆိုတာကိုတော့ သေချာမသိသေးတဲ့သူတွေ၊ ဒါမှမဟုတ် မေ့နေတဲ့သူတွေ ရှိနိုင်ပါတယ်။ ဒါ့အပြင် ရာသီခွင်တစ်ခုချင်းစီရဲ့ သီးခြားသင်္ကေတလေးတွေကိုလည်း မှတ်မိနေဖို့က အရေးကြီးပါတယ်။

ဒါကြောင့် အခုဖော်ပြပေးမယ့် ဇယားပုံလေးထဲမှာ ရာသီခွင် ၁၂ မျိုးရဲ့ အင်္ဂလိပ်အမည်၊ မြန်မာအမည် နဲ့ ၎င်းတို့ရဲ့ သင်္ကေတပုံလေးတွေကို တစ်စုတစ်စည်းတည်း ဖော်ပြပေးထားပါတယ်။ ဒီပုံလေးကို ကြည့်ပြီး ကိုယ့်ရဲ့ရာသီခွင် မြန်မာနာမည်ကို သေချာသိရှိနိုင်သလို၊ တခြားရာသီခွင်တွေရဲ့ အမည်နာမနဲ့ သင်္ကေတတွေကိုလည်း မှတ်သားထားနိုင်မှာ ဖြစ်ပါတယ်ရှင့် ။

#ဗေဒသုခုမဆရာမသီရိစန္ဒာ

22/07/2025

သိထားသင့်တဲ့ လုပ်ငန်းနှင့်ဘဝရဲ့ အခြေခံအုတ်မြစ် (၃) ခု

စီးပွားရေးလုပ်ငန်းတွေ စနစ်တကျ တည်ဆောက်ဖို့နဲ့ ရေရှည်အောင်မြင်ဖို့အတွက် အခြေခံကျတဲ့ အချက်သုံးချက်ကို နားလည်ထားဖို့လိုပါတယ်။ ထိုအချက်‌ တွေကိုအခြေခံပြီး စီးပွားရေးလုပ်ငန်းတွေကို Planning (အစီအစဉ်ချ) တာတွေ ပြုလုပ်ရမှာဖြစ်ပါတယ် ။

ထိုသုံးချက်ကတော့
Vision, Mission , Core Value ဖြစ်ပါတယ်။။

Vision - အမြင်
အလွယ်တကူပြောရရင် အနာဂတ်မှာ ကိုယ်ရောက်ချင်တဲ့ နယ်ပယ်၊ ကိုယ်ဖြစ်ချင်တဲ့အရာကို ကိုယ်စားပြုပါတယ် ။ ဥပမာအားဖြင့် ကျွန်မဟာဆိုရင် အနာဂတ်မှာ ဗေဒင်ကိုမှန်ကန်စွာ Professional ကျကျဟောပြောနိုင်တဲ့အပြင် ၊ ဗေဒင်ကထွက်လာတဲ့ Bad Result (ကံမကောင်းတတ်တဲ့ကာလ)တွေကို စိတ်ဓာတ်မကျစေဘဲ ဘယ်လိုကိုင်တွယ်ရမလဲဆိုတဲ့ အကြံဉာဏ်တွေပေးပြီး ကျွန်မရဲ့ Client တွေကိုကူညီပေးချင်တာပဲဖြစ်ပါတယ် ။

Mission - တာဝန် ၊ ထမ်းဆောင်ချက်
Vision ကိုအခြေခံပြီး Mission ကိုထမ်းဆောင်ရပါတယ် ။ ကိုယ်ဖြစ်ချင်တဲ့အရာ ၊‌ ကိုယ်ရောက်ချင်တဲ့နယ်ပယ်ကိုရောက်ဖို့ ဘယ်လိုကြိုးစားမှုတွေလုပ်နေလဲ ၊ ဘယ်လိုသင်ယူမှုတွေ လုပ်နေလဲဆိုတာ Mission ကိုကြည့်ရပါတယ် ။ ဥပမာအားဖြင့် ကျွန်မက အနာဂတ်မှာ professional astrologer တစ်ယောက်ဖြစ်လာဖို့ဆိုတဲ့အတွက် ဗေဒင်နဲ့ပတ်သတ်တဲ့ လေ့လာသင်ယူမှုတွေ သင်ယူနေပြီး ၊ သုတေသနဇာတာတွေ လေ့လာတာမျိုးတွေ ပြုလုပ်ရပါတယ်။ ဒါ့အပြင် Client ရဲ့Bad Result (ကံမကောင်းတတ်တဲ့ကာလ) တွေကို အတတ်နိုင်ဆုံးဖြေရှင်းပေးနိုင်ဖို့အတွက်လည်း စာအုပ်တွေဖတ်ပြီး ၊ လက်တွေ့ကျတဲ့နည်းလမ်းတွေပေးနိုင်ဖို့ ကြိုးစားရပြန်ပါတယ် ။

Core Value - ပင်မတန်ဖိုးထားမှု
Vision , Mission တွေသတ်မှတ်ပြီးတဲ့ ကိုယ့်လုပ်ငန်းရဲ့ တန်ဖိုးကို ကျမသွားအောင် ထိန်းသိမ်းထားရမယ့်တန်ဖိုးထားမှုဆိုတာ လိုအပ်လာပါတယ် ။ ဥပမာ ကျွန်မအတွက် ကျွန်မရဲ့ Client တွေပေးရတဲ့ ဉာဏ်ပူဇော်ခနဲ့ထိုက်တန်စေရပြီး အကောင်းမွန်ဆုံးဟောပြောချက်တွေနဲ့ အကြံဉာဏ်တွေ ပေးနိုင်ဖို့အဓိကဖြစ်ပါတယ် ။ ဒါဟာ Vision, Mission, Core Value တို့ကို အကျဉ်းချုပ်ဖော်ပြခြင်းပဲ ဖြစ်ပါတယ်ရှင် ။

Vision, Mission, Core Value သုံးခုဟာ လုပ်ငန်းတစ်ခုရဲ့ အုတ်မြစ်ဖြစ်ပြီး ရှင်းလင်းပြတ်သားတဲ့ လမ်းညွှန်ချက်တွေကို ပေးစွမ်းပါတယ်။ ဒီသုံးချက်ဟာ စီးပွားရေးမှာတင်မကဘဲ Personal Development အတွက် ၊ Self Management အတွက်လည်း များစွာအရေးကြီးတဲ့ အချက်တွေဖြစ်တဲ့အတွက် ကိုယ့်ရဲ့ လုပ်ငန်းဆောင်တာ အဝဝမှာ ဒီသုံးချက်ကို အခြေခံပြီးလုပ်ဆောင်မယ်ဆိုရင် များစွာသော အကျိုးတွေရရှိမှာပဲ ဖြစ်ပါတယ်ရှင် ။

ဗေဒင်မေးမြန်းလိုပါက
Page Messenger -
m.me/Astronomybythirisandar

Telegram -
သို့အချက်အလက်ကလေးတွေ ပေးပို့ပြီး မေးမြန်းနိုင်ပါတယ်ရှင် ။

21/07/2025

ဗေဒင်မေးမြန်းခြင်းဆိုင်ရာ လုပ်ထုံးလုပ်နည်းများ

ကျွန်မဆီမှာ ဗေဒင်မေးမြန်းတဲ့အခါ လွယ်ကူလျင်မြန်စေဖို့အတွက် အောက်ပါအဆင့်တွေကို လိုက်နာဆောင်ရွက်ပေးဖို့ လိုအပ်ပါတယ်။

* အချက်အလက်ဖြည့်စွက်ခြင်း *

ဗေဒင်မေးမြန်းလိုသူတွေအနေနဲ့ Form တစ်ခုဖြည့်ပေးရပါမယ်။ အဲဒီ Form မှာ မွေးသက္ကရာဇ်အပြည့်အစုံ၊ မွေးချိန် နဲ့ နေရပ်ဇာတိ တို့ကို တိတိကျကျ ဖော်ပြပေးရပါမယ်ရှင် ။

* ဉာဏ်ပူဇော်ခပေးချေခြင်း *

ဉာဏ်ပူဇော်ခကို KPay ဒါမှမဟုတ် Wave Pay ကနေ ကြိုတင်လွှဲပြောင်းပေးရတဲ့ စနစ်ဖြစ်ပါတယ်။

ဝန်ဆောင်မှုအသေးစိတ်
* ဟောပြောချိန် ကန့်သတ်ချက်မရှိခြင်း *

ဗေဒင်ဟောပေးတဲ့အချိန်ကို ကန့်သတ်ထားခြင်းမရှိပါဘူး။ မေးမြန်းသူတွေအနေနဲ့ အချိန်အကြာကြီး စောင့်ဆိုင်းရမှုမရှိအောင်လည်း စီစဉ်ပေးထားပါတယ်။

* ထပ်မံမေးမြန်းခွင့် *

ဗေဒင်ဟောပြောပြီးနောက် နားမရှင်းတာ၊ နားမလည်တာတွေရှိရင် ဒါမှမဟုတ် ရုတ်တရက် သိလိုတဲ့မေးခွန်းတွေ ပေါ်လာရင် ( ငါးရက် ) အတွင်း ထပ်မံမေးမြန်းနိုင်ပါတယ်။ ဒီလို ထပ်မေးမြန်းမှုတွေအတွက် ထပ်ဆောင်းအခကြေးငွေ ပေးဆောင်စရာမလိုပါဘူးရှင့် ။

ဉာဏ်ပူဇော်ခနှုန်းထားများ

* တစ်ဦးချင်း မေးမြန်းခြင်း *

တစ်ဦးချင်း ဗေဒင်မေးမြန်းမယ်ဆိုရင် ဉာဏ်ပူဇော်ခ ၁၅,၀၀၀ ကျပ် ကျသင့်ပါမယ်ရှင့် ။

* စုံတွဲ သို့မဟုတ် အိမ်ထောင်ရေး မေးမြန်းခြင်း *

စုံတွဲဇာတာစစ်ဆေးတာ ဒါမှမဟုတ် အိမ်ထောင်ရေးနဲ့ပတ်သက်ပြီး မေးမြန်းတာဆိုရင်တော့ ၂၅,၀၀၀ ကျပ် ကျသင့်မှာပါ။ နှစ်ဦးစလုံးအတွက် စစ်ဆေးပေးရတာဖြစ်တဲ့အတွက် ဉာဏ်ပူဇော်ခက အနည်းငယ် ပိုများပါတယ်ရှင့် ။

ဗေဒင်မေးမြန်းလိုပါက
Page Messenger -
m.me/Astronomybythirisandar

Telegram -
သို့အချက်အလက်ကလေးတွေ ပေးပို့ပြီး မေးမြန်းနိုင်ပါတယ်ရှင် ။

17/07/2025

အပ်ပျောက်ရင် ဆင်နဲ့ရှာ

အပ်ပျောက်ရင် ဆင်နဲ့ရှာဆိုတဲ့စကားပုံဟာ အပ်ကဲ့သို့ သေးမွှားလွန်းတဲ့ ကိစ္စပြဿနာရပ်တွေကို ရင်ဆိုင်ရတဲ့အခါ ဆင်လို့ခေါ်တဲ့ ဆင်ခြင်တုံတရားနဲ့ ‌ဖြေရှင်းရမယ်လို့ ဆိုလိုပါတယ် ။

ရှေးလူကြီးတွေ ဖော်ပြထားခဲ့တဲ့ စကားပုံတွေဟာ ကျိုးကြောင်းဆီလျော်မှုရှိပြီး အလဟဿမဖြစ်တာကို ဒီစကားပုံနဲ့တင် သိရှိနိုင်ပါတယ်ရှင် ။

16/07/2025

ဂမ္ဘီရသခင်ဂြိုဟ် ရာဟု

ရာဟုဂြိုဟ်ကို ဂမ္ဘီရသခင်ဂြိုဟ်လို့ခေါ်ကြပြီး ၎င်း ဂြိုဟ်ဟာ ဆန်းကြယ်တဲ့ ဂြိုဟ်တစ်လုံးပဲဖြစ်ပါတယ် ။ ရာဟုဂြိုဟ်ကို ကိုယ်စားလှယ်ဂြိုဟ်လို့လည်း ခေါ်ပါတယ် ။ ဘာကြောင့်လဲဆိုရင် ရာဟုဂြိုဟ်ဟာ တစ်ခြားသောဂြိုဟ်ခုနှစ်လုံးလို ကိုယ်ပိုင် ရာသီမရှိတဲ့အတွက်ကြောင့်ပါပဲ ။ ရာဟုဂြိုဟ်ကို အရိပ်ဂြိုဟ်လို့လဲခေါ်ပါတယ် ။

အရှေ့တိုင်းနက္ခတ်ဗေဒင်မှာတော့ ရာဟုကို ဂြိုဟ်ဆိုးအဖြစ်သတ်မှတ်ထားကြပေမယ့် KP ဗေဒင်စနစ်မှာတော့ မသတ်မှတ်ထားပါဘူး ။ ရာဟုဂြိုဟ်၊ ကိတ်ဂြိုဟ်တင်မကဘဲ တစ်ခြားသော ဂြိုဟ်ခုနှစ်လုံးကိုပါ ‌ဂြိုဟ်ကောင်း ဂြိုဟ်ဆိုးအဖြစ် သတ်မှတ်ထားခြင်းမရှိပါဘူး။ ရာဟုဂြိုဟ်ဟာ ၎င်းရပ်တည်ရာဘာဝ (House) အတွက်အားကြီးစွာအလုပ်လုပ်တဲ့အတွက် ရပ်တည်နေတဲ့ House နဲ့ ရာသီသခင်ဂြိုဟ် ၊ ဘာဝတွေနဲ့သာ ကောင်းခြင်းဆိုးခြင်းကို အဆုံးအဖြတ်ပေးနိုင်မှာဖြစ်ပါတယ် ။

#ဗေဒသုတေသီဆရာမသီရိစန္ဒာ #ဗေဒင်
#ရာဟုဂြိုဟ်

14/01/2025

ဗေဒင်မေးတဲ့အခါ ဒီလိုမေးခွန်းလေးတွေ မေးတတ်ပါစေ

ဗေဒင်မေးတယ်ဆိုတာ တစ်ချို့ကအပျော်တမ်းမေးလေ့ရှိကြသလို အဖြေတစ်ခုခုရဖို့ရာ မေးကြတဲ့သူတွေရှိပါတယ်။

ဒါပေမယ့် ဗေဒင်မေးမြန်းတဲ့အခါ သိလိုတဲ့မေးခွန်းတွေကို သေချာစွာမမေးတတ်ရင် ဗေဒင်ဆရာတွေအနေနဲ့ ဟောတဲ့အခါ အခက်အခဲလေးတွေ ရှိတတ်ပါတယ်။ ဗေဒင်မေးမြန်းသူအနေနဲ့လည်း ငွေကုန်သွားပြီး သိချင်တဲ့အဖြေမသိရဖြစ်တတ်ပါတယ်။

ဒါကြောင့်ဗေဒင်မေးတဲ့အခါ ဒီလိုမေးခွန်းလေးတွေ မေးတတ်ပါစေ

စီးပွားရေးနဲ့ပတ်သတ်ပြီး မေးမြန်းတဲ့အခါ
===============================

-မိမိနဲ့အကျိုးပေးမည့် လုပ်ငန်း
- စီးပွားရေး အခြေအနေကောင်းနိုင်မကောင်းနိုင်
-စီးပွားရေးအကောင်းအဆိုးဖြစ်ပေါ်နိုင်မည့် ကာလအပိုင်းအခြား
-ရာထူးတိုး လစာတိုးနိုင်မည့်ကာလအပိုင်းအခြား
-လက်ရှိလုပ်ငန်းနှင့်အကျိုးပေးမပေး
- လုပ်ငန်းပြောင်းပါက မဆင်ပြေနိုင်မပြေနိုင် စတဲ့မေးခွန်းလေးတွေ မေးမြန်းသင့်ပါတယ်။

အချစ်ရေးနဲ့ ပတ်သတ်ပြီး မေးမြန်းတဲ့အခါ
==============================

- မိမိချစ်သူနဲ့ ဇာတာကိုက်ညီမှုရှိမရှိ
- ရေရှည်လက်တွဲလို့ ရနိုင်မရနိုင်
- မိမိအပေါ် သစ္စာရှိနိုင် မရှိနိုင်
- ကြားလူအနှောင့်အယှက်ရှိနိုင်လား
- အဆင်မပြေဖြစ်ခဲ့ရင် ဘယ်လိုပုံစံမျိုးနဲ့ညှိယူသင့်လဲ စတဲ့မေးခွန်းလေးတွေ မေးမြန်းသင့်ပါတယ်ရှင်။

ကျန်းမာရေးနဲ့ ပတ်သတ်ပြီး မေးမြန်းတဲ့အခါ
================================

- ဆေးရုံဆေးခန်းသွားရကိန်းရှိမရှိ
- ဘယ်လိုရောဂါတွေ ဖြစ်လာနိုင်မလဲ
- ရောဂါဟောင်း အနာဟောင်းတွေ ဖြစ်ပေါ်နိုင်လား
- အသက်အန္တရာယ်စိုးရိမ်ရနိုင်ခြေရှိမရှိ စတဲ့အကြောင်းအရာလေးတွေ မေးမြန်းသင့်ပါတယ်။

သာမန်မေးခွန်းလေးတွေ ဖြစ်ပေမယ့်လည်း တော်တော်များများ မေးဖို့မေ့နေတတ်ကြပါတယ် ။
ဒီတော့ ဗေဒင်မေးမြန်းတဲ့အခါ အခုလိုမေးခွန်းလေးတွေမေးဖို့မမေ့ကြပါနဲ့ရှင်။

#ဗေဒသုတေသီဆရာမသီရိစန္ဒာ

ဗေဒသုခုမ - ဆရာမ သီရိစန္ဒာ

24/08/2025

12/08/2025

04/08/2025

01/08/2025

27/07/2025

26/07/2025

23/07/2025

22/07/2025

21/07/2025

17/07/2025

16/07/2025

14/01/2025

Address

Telephone

Website

Alerts

Contact The Practice

Shortcuts

Share

Category