ဆီးချိုရောဂါအကြောင်းသိကောင်းစရာများ- Diabetesknowledge

23/12/2023

ဆီးချိုသွေးချိုဝေဒနာရှင်များအတွက် အစာအာဟာရ နှင့် သွေးချိုဓာတ်ထိန်း ခြင်းသည် မဖြစ်မနေလိုက်နာရမည့်ကုထုံးဖြစ်ပါသည်။ ဆီးချို၊သွေးချိုဝေဒနာရှင် များစားသုံးရမည့် အစားအစာဟူ၍ သီးသန့်မရှိဘဲ ပုံမှန်စားသုံးသော အစားအစာများ ကိုမှန်ကန်သော အချိုးအဆနှင့် စားသုံးရမှာ ဖြစ်ပါတယ်။ အစာအာဟာရကုထုံး၊ ဆေးဝါးကုထုံးနှင့် ပုံမှန် ကိုယ်လက်လေ့ကျင့်ခန်း များကို ပြုလုပ်ပေးပါက -
#ဆီးချို

ဆီးချိုလူနာ နှင့် အစာအာဟာရ အကြောင်းရှင်းပြထားသောစာတစ်ပုဒ်ဖြစ်ပါသည်။ ဆီးချိုရောဂါရှိသောသူများ ဖတ်ထားသင့်....

03/12/2023

Super Sunday မှာ ဉာဏ်စမ်းမေးခွန်း 🌟🌟
မနက်စာမစားခင် သွေးဖောက်ကြည့်ပါက ဆီးချိုရှိနေသောပမာဏမှာ -

(၁) ၅.၆ mmol/L အောက်
(၂) ၅.၆-၇ mmol/L ကြား
(၃) ၇mmol/L အထက်

အဖြေမှန်ကိုတော့ ကွန်မန့်တွေထဲမှာ တိုက်ကြည့်ရအောင်။

▶️▶️ဆီးချိုစဖြစ်ပြီဆို ဘာလက္ခဏာတွေရှိနေပြီလဲ ဖတ်ရှုလိုပါက - https://goodnewsmm.xyz/?p=111

28/11/2023

▫️လက်တွေ့အဖြစ်အပျက် (၂)▫️

ဆေးခန်းတစ်ခုတွင် ဖြစ်သည်။

👨‍💼“ဆရာမရယ်။ ဘာလို့ အင်္ဂလိပ်ဆီးချိုဆေးကနေ ဟို သစ်ရွက် ပြောင်းသောက်ရတာတုန်း။”

စိတ်ထဲမှာ ကျောင်းဆရာမကို အားမရမိ။

👵“ဆီးချိုကျတယ် ပြောလို့ပါ။”

👨‍💼“ကျနော်တို့ အင်္ဂလိပ်ဆေးက မကျလို့လား။”

👵“ကျပါတယ်။ သူများပြောလို့ပါ။”

👨‍💼“ခင်ဗျားက အတွေ့အကြုံမရှိတဲ့ လူတစ်ယောက်ပြောတာကို ကျနော်တို့လို့ အသက်မွေးဝမ်းကျောင်း လုပ်စားနေတဲ့ ဆရာဝန်တွေထက် ပိုယုံလား။”

👵ကျမမှားသွားတယ်ဆရာ။

👨‍💼“နောက်ထပ်မေးဦးမယ်ဗျာ။ ခင်ဗျားသွေးချိုတိုင်းတဲ့စက်ကို ဘယ်က လုပ်တာလဲ။ မြန်မာပြည်က လုပ်တာလား။ ယုတ်ဆွအဆုံး ဆီးချိုမချို ဆီးချက်တဲ့ benedict ဆေးပြာရည်ဆိုတာကိုရော မြန်မာပြည်က ထုတ်နိုင်ပြီလား။ ဒါဖြင့် ခင်ဗျား ခင်ဗျား သစ်ရွက်ဆေးနဲ့ ဆီးချိုကုပြီးရင် ဆီးချို ကျမကျ ဘာနဲ့တိုင်းမှာလဲ။ ကျနော်တို့ အနောက်တိုင်းနည်းနဲ့ တိုင်းမှာလား။ ဆီးကို လျှာနဲ့ လျက်ကြည့်မှာလား။”

ဆရာမမျက်နှာ စပ်ဖြဲဖြဲနဲ့။

👨‍💼“ကျနော်တို့ အနောက်တိုင်းဆေးကကော ဘယ်က ပစ္စည်းနဲ့ လုပ်ထားတာမှို့ မသောက်ချင်ရတာလဲ။ ကမ္ဘာပေါ်က ပစ္စည်းမဟုတ်ဘဲ လကမ္ဘာပေါ်က ပစ္စည်းနဲ့ လုပ်ထားတာမို့လား။”

သူတွေခနဲ စဉ်းစားတယ်။

👨‍💼“ကမ္ဘာပေါ်က သစ်ဥသစ်ဖု ဒါမှာမဟုတ် တိရစ္ဆာန် တွင်းထွက်ပစ္စည်းတွေက အခြေခံပြီး အနောက်တိုင်းဆေးဖေါ်တာပဲ မဟုတ်လား။”

👨‍💼“နောက်ပြီး ခင်ဗျားသွေးချို ဘယ်လောက်တက်ရင် သစ်ရွက် ဘယ်နှစ်ရွက် စားရမှာလည်း သိလား။ အထက်ဖက်အရပ်မှာ ပေါက်တဲ့ သစ်ရွက်နဲ့ မိုးများတဲ့ အရပ်မှာ ပေါက်တဲ့ သစ်ရွက် အာနိသင်ခြင်း တူလို့လား။”

"ဆီးချိုရောဂါအကြောင်းသိကောင်းစရာများ"

ဤစာကို တွဲဖက်ပါမောက္ခ ဆရာကြီးဒေါက်တာမောင်မောင်ဦးထံမှ ကူးယူဖော်ပြပါသည်။

▫️ဒေါက်တာချိုချိုပြောပြသော ဆီးချိုနှင့်ပက်သက်ပြီး သိသင့်သိထိုက်သောအချက်လေးများအကြောင်း ဖတ်ရန် - https://goodnewsmm.xyz/?p=353

24/11/2023

▫️ဆီးချိုနှင့်ပက်သက်ပြီး သိသင့်သိထိုက်သောအချက်လေးများ ▫️

ဆီးချိုလူနာများအတွက် သိသင့်တဲ့ ပေါ့ပေါ့ပါးပါး အချက်လေးတွေ မျှဝေချင်ပါတယ်။

1. HBA1C နဲ့ပက်သက်ပြီး

▫️A1C က ကျတိုင်းမကောင်းပါ။ A1C က J shape or U shape curve ပါ။

▫️A1C 6.5 % to 7 % ဟာ lowest cause of mortality လို့ပြောပါတယ်။
A1Cတက်လျင် သေနှုန်းတက်ပါတယ်။ exact data သိချင်ရင်တော့ကိုယ့်ဘာသာ ရှာဖွေဖတ်ကြပါနော်။

▫️ဟိုတနေ့က Diabetes talk တခု မှာ Diabetes neuropathy prevention and management အကြောင်းနားထောင်လိုက်ရပါတယ်။ အဓိ က က sugar control ပဲတဲ့။ A1C ကျ ဘို့ပေါ့။ သို့သော်လည်း A1C အရမ်းကျ ရင်လည်း Diabetes neuropathy က အများကြီး ပိုဆိုးတယ်တဲ့။ အဲလိုဆိုတော့ A1C ကိုတက်အောင် လုပ်ရမလား ဆိုတော့ အဲလိုလဲ မဟုတ်ဘူးတဲ့။

2. ဆီးချိုရောဂါနောက်ဆက်တွဲတွေလျှော့ချဖို့

ကျမရဲ့ Advice ကတော့ Diabetes complications slow ဖြစ်အောင် / ဆီးချို သက်သာပျောက် ကင်းအောင် အောက်ဖော် ပြပါ နည်းများဖြင့် Diabetes ကို ထိန်းပါ

▫️Fast food, highly processed food ( ultra processed food) တွေကို ရှောင်ပါ

▫️High dose thiamine supplement သောက်ပါ Thiamine 50 to 100 mg or Benfotiamine 300 mg daily

▫️ကစီဓါတ်နဲသော အစာ low carb diet ကိုစားပါ ကြက်ဥ အသားငါး ဟင်းသီးဟင်းရွက် များများစားပါ

▫️Intermittent fasting ( အစာ ဖြတ် ခြင်း) က အလွန်အရေးကြီးပါတယ်။ Fasting window ကို တဖြေးဖြေးချင်းတိုးသွားပါ။ ဥပမာ။ ညစာ စားချိန်ကို တဖြည်းဖြည်းချင်းရှေ့တိုးပြီး နောက်ဆုံး ညစာ ဖြတ်ပါ

▫️Regular exercise လုပ်ပါ။ exercise ကို intermittent fasting နှင့်တွဲ လုပ်ရင် အလွန်ထိရောက်ပါသည်။ ဥပမာ။ ဒီနေ့နေ့လည် ၂ နာရီလောက်ကစပြီး ဘာမှ မစားပဲ မနက်စောစောကို မနက်စာမစားခင် exercise လုပ်ပါ။ ပိုနေတဲ့ အဆီတွေ လောင်ကျွမ်း more fat burning

▫️ဆီးချိုဆေးတွေဟာ မှန်ကန်တဲ့ long term solution မဟုတ်ပါ

3. အစာစားခြင်းနဲ့ပက်သက်ပြီး Snowball နိယာမ

ကျမစာထဲမှာ snowball တွေခဏခဏ တွေ့ရလို့မျက်စိများနောက်နေမလားမသိဘူး။

The principle is the more you eat, the more you want to eat. The less you eat , the less you want to eat
“များများစားလေ ပိုစားချင်လေ။ နဲနဲစားလေ ပိုပြီးမစားချင်တော့လေလေ”

မယုံလျှင် ကိုယ်တိုင်စမ်းကြည့်ပါ။ ကျမ အလုပ်က Boss ကတော့ အခု တော်တော် weight ကျသွားပြီး အဲဒီ principle ကို အပြည့်အဝ ထောက်ခံတယ်တဲ့။

ကျမ တို့ဆေးရုံမှာ Indian SHO လေး တယောက်ရှိပါတယ်။ သူက အတော်လေးပိန်ပါတယ်။ ထူးဆန်းတာက သူက အစာသိပ်မစားဘူး။ Long day duty တွေဆင်းရင် မနက်စာလဲ မစားလာဘူးတဲ့။ တခါတရံတော့စားတယ်တဲ့။ နေ့လည်စာ ကတော့မစားဘူး။ Duty က ည ၉ နာရီမှ ပြီးမှာဆိုတော့ကျမတို့က သူ့ကိုစိတ်ပူကြပါတယ်။ သူကတော့အေးအေးဆေးဆေးပဲ။ ဆာလားဆိုတော့မဆာဘူးတဲ့။ အလုပ်လဲတော်တော် လုပ်နိုင်တယ်။ ည အိမ်ပြန်ရောက်မှစားမယ်တဲ့။ one meal a day ပေါ့။

Fasting လုပ်နေချိန် ဆာလောင်ခြင်းကိုသည်းညည်းခံကြပါ။ ဘယ် အရာမှ မမြဲပါဘူး။ ဆာတာလည်းရေရှည် မခံပါဘူး။

ဆီးချိုဆေးတွေသောက်နေသူများ အတွက်တော့ ဆေးကို တဖြည်းဖြည်းချင်းလျှော့ရာတွင် တတ်ကျွမ်းနားလည်တဲ့ဆရာဝန်များနဲ့တိုင်ပင်ပြီးလုပ်ပါ။

4. ကိုယ်ခန္ဓာနှင့် စကားပြောပါ။ (communicate with your body)

A1C ကျနေပေမဲ့ ဥပမာ။ လူက လေးလံ ထိုင်းမှိုင်း မကြည် မလင် စိတ်တို စိတ်ဓါတ်ကျ။ အဲလို လက္ခဏာတွေ ခံစားနေရတယ် ဆိုလျှင် ဆီးချို ကျနေပေမဲ့ သင် ဟာ right direction မဟုတ်ပါ။ တခုခု မှားယွင်းနေပါတယ်။
Sugar level အနည်းနယ် တက်နေပေမဲ့ ( intermittent fasting and low card diet တွေမှာ morning sugar တတ်တတ်ပါတယ် due to dawn’s phenomenon ) နေရတာ ပိုပြီပေါ့ ပါးနေလို့ကောင်းလာတယ်။ more energetic ဖြစ်လာတယ်။ စိတ်တွေကြည်လင်လာတယ်။ Brain fog တွေ သက်သာလာတယ် ဆိုရင် you are in the right direction ပါ။
ခဏခဏ ဆာ တယ်။ စားချင်စိတ်တွေ ပိုများလာတယ်။ more craving ဆိုရင်တော့ သင်ဟာ wrong direction ပါ။
သိပ်မဆာတော့ဘူး။ ဥပမာ မနက်စာ မစားလဲ နေနိုင်တယ်။ စားချင်စိတ်တွေလျော့ပါးပြီး ထိန်း နိုင်တယ် ဆိုရင်တော့ you are in the right direction ပါ။

5. Hypoglycaemia or ဟိုက်ပို

Hypo symptoms တွေဟာ မကောင်းပါ။ သွေးထဲ မှာ အချိုဓါတ်ကျတဲ့ လက္ခဏာတွေကိုဆိုလိုတာပါ။ wrong direction ကိုပြနေပါတယ်။ hypo ရှိတယ် မှာ တဖက်မှာ hyper ရှိနေတာကိုပြတာပါ။ အချိုဓါတ် အရမ်းတက်ခဲ့ လို့ အရမ်းကျတာပါ။ နောက်ပြီး အဲဒီလို့ Sugar level fluctuates ဖြစ်တာ မကောင်းပါ။ diabetes complications တွေကို ပို မြန်စေတတ်ပြီး သက်တမ်းတိုတတ်ပါတယ်။

( မှတ်ချက်။ ဆီးချိုမရှိသေးတဲ့ သူတွေ မှာလည်း hypo symptoms ပြတတ်ပါတယ်။ အထက်က ပြောသလိုပဲ hyper ရှိနေလို့ hypo ဖြစ်တာပါ။ wrong direction ပါ)

6. ကောင်းတဲ့ အရာ မှန်သမျှ အလွယ်တကူနဲ့တော့မရပါဘူး။ မိမိရဲ့ life style ကို ပြောင်းရတာ ဟာ တသက်လုံးက စားချင်သလိုစားနေချင်သလိုနေလာပြီး မှ အခုမှ စလုပ်တော့ အစ ပိုင်းမှာ ခက်ပါလိမ့်မယ်။ သို့သော်လည်း ထို ခက်တဲ့ အပိုင်းကို ကျော် သွားပြီးလို့ အရှိန်ရလာ လျင် snowball effect ရလာပြီး လွယ် ကူသွားမှာပါ။ ဟိုဘက်ကမ်း ကိုရောက်ပြီး ဟို ဘက်ကမ်းက ကောင်းမှန်းသိသွားတဲ့ သူ ဟာ ဒီဘက် ကမ်းကို ပြန်လာချင်တော့မယ် မထင်ပါဘူး။ difference ကို တကယ် သိသွားတဲ့ သူတယောက်က unhealthy food တွေကို ပြန်စားတော့မယ် မထင်ပါဘူး။ transitional period ကိုတော့ စိတ်ရှည် သည်းခံမှုနဲ့ ကျော်ဖြတ်ရပါမယ်။

ကျမဟာ ဆီးချိုဆရာဝန် မဟုတ်ပါဘူး။ Nutrition ကို တော့ အလွန်စိတ်ဝင်စားပါတယ်။ Type 2 diabetes ဆီးချို ဟာ Dietary disease ဖြစ်လို့ Diet နဲ့ ဆက်စပ်ပြီး ကျမ သိထားတာတာလေးတွေ ပြောပြတာပါ။
အခုပြောပြတ အကြောင်းအရာတွေဟာ ကျန်းမာ ချင်တဲ့ လူတိုင်းအတွက်ပါ။ ဆီးချို ရှိတဲ့ သူမှ မဟုတ်ပါဘူး။ ဆီးချို Type 2 Diabetes ဆိုတာကလည်း မနေ့တနေ့က မှ စဖြစ် လာတဲ့ရောဂါမဟုတ်ပါဘူး။ Type 2 diabetes is other end of your unhealthy diet spectrum ပါ။ သင် အခု အသက် ငယ် တုန်းမှာ အချိုနဲ့ unhealthy food တွေစားမယ် ဆိုပါတော့။ အခုလောလောဆယ်တော့ ဘာမှ မဖြစ်သေးပါဘူး။ နောက်နှစ်ပေါင်းများစွာကြာလာတော့ prediabetes နောက်ကြာတော့ Diabetes ဖြစ်လာတာပါ။ ဒါတွေ အားလုံးမှာ Same line of speactrum ပါ။ အဲဒါကြောင့်မို့လို့ ကျမ အခုပြောတာတွေ က ကျန်းမာချင်တဲ့ လူတိုင်းနဲ့ သက်ဆိုင်ပါတယ်။ ဆီးချို သမားမှ မဟုတ်ပါ။ ကိုယ့်အစားအသောက်ကြောင့် ဆီးချို ဖြစ်လာပြီ ဆိုရင်တော့ မီးနီ ပြနေပြီ ဘို့ အထူးကြိုးစားရ မှာပေါ့လေ။ သို့သော်လည်း မီးနီ မပြခင် မီးဝါ မီးမစိမ်းမဝါ ပြ နေကထဲ က ကြိုးစားရင်တော့ပိုကောင်းတာပေါ့နော်။

Written by Dr:ChoCho

"ဆီးချိုရောဂါအကြောင်းသိကောင်းစရာများ"

❤️ဆီးချိုနောက်ဆက်တွဲရောဂါဘယများကင်းဝေး ပြီး ကျန်းမာသောဘဝကို ပိုင်ဆိုင်နိုင်စေရန် မိမိကိုယ်ကို ဉာဏ်ရှိရှိ နေထိုင်စားသောက်ထိန်းသိမ်းသွားပါ ❤️

▶️▶️HbA1c အကြောင်းပို၍ဖတ်ရန် - https://goodnewsmm.xyz/?p=274

20/11/2023

ဆီးချိုလူနာတို့အတွက် "ဆီးချိုတိုင်း ထိန်းသိမ်းမှတ်တမ်း" စာရွက် ဝေမျှပေးပါ့မယ်။ လိုအပ်ပါက ကွန်မန့်မှာ DM လို့ ရေးခဲ့ပါ။

“ဆီးချိုရောဂါအကြောင်းသ်ကောင်းစရာများ"

ဆောင်းပါးများဖတ်ရှုလိုပါက - www.goodnewsmm.xyz ကိုနှိပ်ပါ။

17/11/2023

🌟မက်ဖော်မင်အကြောင်းတစေ့တစောင်း🌟

Metformin (မက်ဖော်မင်) ကို ဘာအတွက်အသုံးပြုကြလဲ❓

Metformin ဟာ ဆီးချိုထိန်းဆေးဖြစ်ပြီး အခြားသောဆီးချိုဆေးများနဲ့လည်း တွဲဖက်ပြီး သုံးလေ့ရှိပါတယ်။ အမျိုးအစား ၂ ဆီးချိုလူနာများတွင် အသုံးများတဲ့ ဆီးချိုဆေးဖြစ်ပါတယ်။

▫️မက်ဖော်မင် ဘယ်လိုအလုပ်လုပ်သလဲ❓

မက်ဖော်မင်က အဓိကအားဖြင့် အောက်ပါအချက်သုံးချက်ကို လုပ်ပေးတယ်။

(၁) အသည်းကနေ အချိုဓာတ် (glucose) ထုတ်ပေးတဲ့ လုပ်ငန်းစဉ်ကို တားဆီးတယ်။ ဒီနည်းနဲ့သွေးထဲမှာ နည်းသွားတယ်။

(၂)glucose ချေဖျက်ဖို့လိုအပ်တဲ့ အင်ဆူလင်ရဲ့ စွမ်းဆောင်ရည် (sensitivity )ပိုမို ကောင်းမွန်စေတယ်။ ဒီနည်းနဲ့ သွေးထဲက glucose တွေကို ဆဲလ်တွေက ယူသုံးတယ်ပေါ့။ သွေးထဲမှာနည်းသွားတယ်။

(၃)စားလိုက်တဲ့အစားအစာတွေထဲမှာ ပါဝင်တဲ့ အချိုဓာတ်ကို ခန္ဓာကိုယ်(အူ)ကနေ စုပ်ယူမှု ကျဆင်းစေတယ်။ ဥပမာ 100 စားပေမယ့် အချိုဓာတ် 80လောက်ပဲယူတယ်ပေါ့။ ဒီနည်းနဲ့ နည်းစေတယ်။

▫️Metformin (မက်ဖော်မင်) ဘယ်လိုသောက်သုံးသင့်သလဲ❓

Metformin ကို ဆရာဝန်ညွှန်ကြားတဲ့အတိုင်း (တနေ့ ၁ကြိမ်မှ ၃ကြိမ်) အစာနဲ့ နီးတဲ့အချိန်တွင် သောက်ရပါမယ်။ ဆရာဝန်မှ အထူးတလည် ညွှန်ကြားထားခြင်းမရှိရင် ဆေးကို ရေများများနဲ့ သောက်ပါ။ နေ့စဉ်နေ့တိုင်း တူညီသော အချိန်တခုတည်းတွင် သောက်ပါက အကောင်းဆုံးဖြစ်ပါတယ်။

▫️ကိုယ်ဝန်ဆောင်နေချိန်/ကလေးနို့တိုက်နေချိန်မှာ Metformin (မက်ဖော်မင်) ကို သောက်လို့ရပါသလား❓

Metformin ကို ယေဘုယျအားဖြင့်တော့ ကိုယ်ဝန်ဆောင်ဆီးချို ဒါမှမဟုတ် နဂိုဆီးချိုရှိပြီးသား အမျိုးသမီးတွေ ကိုယ်ဝန်ဆောင်တဲ့အခါ ဆီးချိုထိန်းဖို့အတွက် သုံးနိုင်ပါတယ်။ အန္တရာယ်ကင်းပြီး ထိရောက်မှုလည်း ရှိပါတယ်။

ရေရှည်မှာ မိခင်နဲ့ ကလေးအပေါ် ဘယ်လိုအကျိုးသက်ရောက်မှုတွေ ရှိနိုင်တယ်ဆိုတာကိုတော့ လေ့လာနေဆဲပဲ ဖြစ်ပါတယ်။

▫️မက်ဖော်မင် က ဘယ်လိုဘေးထွက်ဆိုးကျိုးတွေရှိသလဲ❓

များသောအားဖြင့် လက္ခဏာက ပြင်းထန်လေ့မရှိပါဘူး။ အဖြစ်များတဲ့ ဘေးထွက်ဆိုးကျိုးတွေက

ခေါင်းကိုက်ခြင်း
အားမရှိသလို ခံစားရခြင်း
ပျို့ခြင်း
အန်ခြင်း
ဝမ်းလျှောခြင်း
ဗိုက်အောင့်ခြင်းတွေပဲ ဖြစ်ပါတယ်။

နောက်ထပ်သတိထားရမယ့် ဆိုးကျိုးကတော့ lactic acidosis ပဲ ဖြစ်ပါတယ်။ ခန္ဓာကိုယ်မှာ လက်တစ်အက်စစ်တွေ များလာတာဖြစ်ပြီး အခန့်မသင့်ရင် အသက်ဆုံးရှုံးတတ်ပါတယ်။

Lactic acidosis ရဲ့ လက္ခဏာတွေ ကတော့ -

ကြွက်သားတွေအားနည်းလာခြင်း
အသက်ရှူမြန်ခြင်း
ခြေလက်တွေ ထုံပြီး အေးနေတာ
အသက်ရှူရခက်ခြင်း
ခေါင်းချာချာလည်အောင် မူးခြင်း
ဗိုက်အောင့်ပြီး ပျို့အန်ခြင်း
နှလုံးခုန်မမှန်ခြင်းတွေ ခံစားရနိုင်ပါတယ်။
ဆေးသောက်ရင်း ဒီလက္ခဏာတွေ ပြလာရင်လည်း ဆရာဝန်နဲ့ မြန်မြန်ပြဖို့ လိုပါတယ်။

▫️ဘယ်ဆေးတွေက မက်ဖော်မင် နဲ့ ဓာတ်ပြုနိုင်သလဲ❓

အောက်ပါ ဆေးတွေကို Metformin နဲ့ တွဲသောက်မိမယ်ဆိုရင် သွေးတွင်းသကြားဓာတ်တက်လာနိုင်ပါတယ်။ ဒါတွေကတော့

Isoniazid
ဆီးဆေးများ
စတီးရွိုက် (prednisone and others)
နှလုံး သို့မဟုတ် သွေးကျဆေးများ (cartia, cardizem, covera, isoptin, verelan, and others);
Niacin (advicor, niaspan, niacor, simcor, slo-niacin, and others);
Phenothiazines (compazine and others);
Thyroid medicine (synthroid and others);
ပဋိသန္ဓေတားဆေးနဲ့ အခြား ဟော်မုန်းဆေးများ
အတက်ရောဂါတွင် သုံးသောဆေးများ (dilantin and others); and
ပိန်ဆေးများ သို့မဟုတ် အအေးမိနှာဆေး၊ ဓာတ်မတည့်ခြင်း သို့မဟုတ် ပန်းနာရင်ကျပ်ကို ကုသသော ဆေးများ
ဆေးဓာတ်ပြုတဲ့ လက္ခဏာတွေ ခံစားရရင် ဆရာဝန်နဲ့ ချက်ချင်းတိုင်ပင်ပါ။ ဆေးပမာဏပြန်ညှိတာ၊ တခြားဆေးနဲ့ အစားထိုးတာ၊ ဆေးရပ်တာတွေ လုပ်ရနိုင်ပါတယ်။

▫️အစားအသောက်တွေနဲ့ အရက်က Metformin (မက်ဖော်မင်) နဲ့ ဓာတ်ပြုနိုင်သလား❓

အရက်သေစာနဲ့ ဓာတ်ပြုမှုတွေဖြစ်ပြီး ဆေးဝါး အာနိသင်ပြောင်းတာနဲ့ ဘေးထွက်ဆိုးကျိုးတွေ ဖြစ်လာနိုင်ပါတယ်။ ဒါကြောင့်မက်ဖော်မင်ကိုအရက်နဲ့တွဲ မသောက်သင့်ပါဘူး။ အသည်းမကောင်းရင်လည်း မသောက်သင့်ပါဘူး။

▫️အသုံးပြုရမယ့်ပမာဏ❓

အမျိုးအစား-၂ ဆီးချိုရောဂါအတွက်

စစချင်းမှာ film coated tablets 500- 850 mg(IR ဆိုရင်တော့) တစ်နေ့ကို ၁ကြိမ်မှ ၃ကြိမ် (အများဆုံး 2250-3000mgကို ၃ကြိမ် ခွဲသောက်နိုင်ပါတယ်။)

ဖြည်းဖြည်းချင်း အာနိသင်ပြတဲ့ဆေးဆိုရင်တော့ (MRဆိုရင်တော့) 500-1000 mg တစ်နေ့ တစ်ကြိမ် (တစ်နေ့ကို အများဆုံး 1500-2000 mg သောက်နိုင်ပါတယ်။)

၇-၁၅ရက်ကြာတဲ့အခါ ဆေးပမာဏကို လိုအပ်ရင် ထပ်တိုးရနိုင်ပါတယ်။

▫️ကျောက်ကပ်မကောင်းသူများအတွက် အသုံးပြုရမယ့်ပမာဏ❓

eGFR

15/11/2023

မေး - " မက်ဖော်မင်သောက်ပြီး ကတုန်ကယင်ဖြစ်လာရင် ဘယ်လိုလုပ်ရပါ့မလဲ " ❓

ဖြေ - Metformin ကြောင့် မဟုတ်ပဲ တခြားအကြောင်းကြောင့် ဖြစ်နိုင်ပါတယ်။ကတုန်ကရင် ဖြစ်ရင်တော့အဲ့ဒီလို ဖြစ်တဲ့အချိန် သွေးချိုစစ်ကြည့်ပါ။

(မြောက်ဥက္ကလာပ ဆီးချိုနှင့်ဟော်မုန်းအထူးကုဌာနမှ ဖြေပေးထားပါသည်)

"ဆီးချိုရောဂါအကြောင်းသိကောင်းစရာများ"

📨 မေးခွန်းများမေးမြန်းလိုပါက https://goodnewsmm.xyz/?page_id=211 ကိုနှိပ်၍ မေးမြန်းနိုင်ပါသည်။

Website တွင်မက်ဖော်မင်အကြောင်းဆောင်းပါးများဖတ်ရန် - www.goodnewsmm.xyz

15/11/2023

▫️အနာကျက်နှေးခြင်းသည် ဆီးချိုရောဂါ၏လက္ခဏာ တစ်ခုပဲ ဖြစ်ပါတယ် ▫️

ဒါကြောင့် အချိန်တော်တော် အနာမကျက်သူများသည် အရင်ဆုံး ဆီးချို စစ်ဆေးသင့်ပါတယ်။

14/11/2023

လက်တွေ့အဖြစ်အပျက် (၁)

ဆီးချိုကို ကောင်းကောင်းမကုမိတဲ့ လူနာ...

"ခင်ဗျား ဘာလို့ ဗုဒ္ဓ ဘာသာ ဖြစ်တာလဲ။"

သူ မဖြေနိုင်။ သူမွ မစဉ်းစားဘူးတာ။ ကိုယ့်ဘာသာပဲ ပြန်ဖြေပြရတယ်။

"ခင်ဗျား မိဘက ဗုဒ္ဓဘာသာတွေမို့ ခင်ဗျားလည် ဗုဒ္ဓဘာသာ ဖြစ်တာ မဟုတ်လား။"

သူခေါင်းငြိမ့်တယ်။

"ဒါဖြင့် ငါဘယ်လိုလုပ်ပြီး ဗုဒ္ဓဘာသာဝင်ဖြစ်ခဲ့တာလည်း စဉ်းစားဖူးလား။"

သူခေါင်းယမ်းတယ်။

"ဒီလိုပဲပေါ့။ ခင်ဗျား ဆီးချို ဘာလို့ကုနေခဲ့တာလဲ။"

သူ့ဆီးချိုက ၅ နှစ်လေ။

"ပျောက်ချင်လို့ပါ။" ထုံးစံအတိုင်း မစဉ်းမစား ဖြေတယ်။

"ဆီးချိုကို ကုရင် ပျောက်သွားတယ်လို့ ကြားဖူးလို့လား။"

သူ အဲတော့မှ သတိရဟန်နဲ့ ခေါင်းယမ်းပြတယ်။ ပြီးတော့ ဖြေပြန်တယ်။

"သက်သာချင်လို့ပါ။"

"ဒါဖြင့် ဆီးချိုဖြစ်နေတဲ့ ၅ နှစ်အတွင်းမှာ အလုပ်အကိုင်ပျက်လောက်အောင် သနပ်ခါး မလိမ်းနိုင်အောင် ခံစားနေရတာများ ရှိလို့လား။"

ခုလည်း သနပ်ခါး အဖွေးသားနဲ့။

"အင်း.. မရှိပါဘူး။"

"ဒါဆိုရင် နေကောင်းနေတယ်လို့ ပြောရမှာပေါ့နော်။"

သူမလှုပ်နိုင်တော့။

"ဒါဖြင့်ရင် နေကောင်းနေတဲ့ သနပ်ခါး အဖွေးသားနဲ့ သူကို သောက်ရင်မပျောက်ဘူးဆိုတဲ့ ဆေးတွေကို ဆရာဝန်တွေက ဘာလို့ ပေးနေတာလဲ။"

သူလည်း ခုမှ မျက်စေ့လည်သွားပုံရတယ်။

"နေကောင်းအောင်လို့ပါ" လို့ ဖြေပြန်တယ်။

"နေကောင်းနေခဲ့တယ်ဆို။"

"နေပိုကောင်းအောင်လို့ပါ။"

"ဒီထက်နေကောင်းပြီး ၁၆ နှစ်သမီး ပြန်ဖြစ်အောင် ဒီထက်ပိုကောင်းပြီး မိုးပေါ် ပျံနေအောင် ဆေးပေးတာ မဟုတ်ဘူးလေ။ ဒီထက် ဘာပိုကောင်းချင်သေးလို့လဲ။"

သူမဖြေတတ်တော့။ ဘေးက အဖေါ်က ဝင်ထောက်တယ်။

"အသက်ရှည်အောင်လို့ပါ။"

"ဟုတ်တယ်။ အသက်ရှည်အောင်လို့။ ဒါဖြင့် ဆီးချိုသည်တွေက ဘာလို့ အသက်တိုတာလဲ။"

"လေဖြတ်လို့။ ကျောက်ကပ်ပျက်လို့။" ဘေးကလူကပဲ ဖြေတာ။

"ဟုတ်တယ်။ ဒါ့အပြင် နှလုံးသွေးကြောပိတ်တာ။ ခြေလက်တွေ ဖြတ်ရတာ။ မျက်စေ့ကွယ်တာတွေလည်း ဖြစ်တတ်တယ်။"

သူ စဉ်းစားနေတယ်။

"ကဲ အခုနေကောင်းနေတယ်ဆိုပြီး မကုဘဲ ထားခဲ့တာ ၅ နှစ်ရှိပြီ။ တကယ်လို့ အခုပြောပဲတဲ့ နောက်ဆက်တွဲ ရောဂါတွေ ဖြစ်မှ - ဥပမာ - မျက်စေ့ကွယ်မှ ဆေးထကုရင် ဆေးမှီပါဦးမလား။"

သူခေါင်းယမ်းတယ်။

"တကယ်တော့ ဆီးချိုဆိုတာ သူ့ဆိုးကျိုးတွေ ခင်ဗျားမှာ စကို မစရေသးဘူး။ ရောဂါက အရှိန်ယူနေတုန်း။ ဆီးချို ဆိုးကျိုးတွေက အနည်းဆုံး ၅ နှစ်ကနေ ၁၀ နှစ်ကျော်မှ လက္ခဏာ စပေါ်တတ်တာ။ တကယ်တော့ ခု ခင်ဗျားမှာ ဆီးချိုက ဇာတ်ကဖို့ မပြောနဲ့ ကုလားကာ ပိတ်ကားတောင် မတင်ရသေးဘူး။ နောက်ဆက်တွဲတွေ ပေါ်မှကုရင်တော့ ဆေးမမှီတော့ဘူး။"

"တကယ်တော့ မိဘက ဗုဒ္ဓ ဘာသာ ဖြစ်လို့ ကိုယ်ကလည်း မိရိုးဖလာ ဗုဒ္ဓဘာသာဝင် ဖြစ်ခဲ့သလိုပဲ ဘာလို့ ဆီးချိုကုရတယ် ဆိုတဲ့ ရည်ရွယ်ချက်ကို နားမလည်ဘူး။ ဆီးချိုဖြစ်တယ်လို့ သိသိခြင်း ကြောက်လန့်သွားတယ်။ ဆေးကုရတာမျိုး ဆိုပြီး ခင်ဗျား ဆေးစကုတယ်။ နောက် လပိုင်း နှစ်ပိုင်းကြာတော့ အကြောက်ပြေသွားတယ်။ လူကလည်း နေကောင်းနေတော့ ဆေးမကုချင်တော့ဘူး။ နောင်ရေးအတွက် ဆေးကုတယ် ဆိုတာကို ခင်ဗျားက နားမွ မလည်တာကိုး။"

နောက်တစ်ခေါက် ပြန်လာပြမှ HbA1C အကြောင်း HE ဆက်ပေးဖို့ တေးမှတ်ထားရတယ်။

"ဆီးချိုရောဂါအကြောင်းသိကောင်းစရာများ"

ဤစာကို တွဲဖက်ပါမောက္ခ ဆရာကြီးဒေါက်တာမောင်မောင်ဦးထံမှ ကူးယူဖော်ပြပါသည်။

မှတ်ချက် - ဆရာဝန်ပေးသောဆေးကိုသာ သောက်ကြပါ။

▫️HbA1c အကြောင်း ဖတ်ရန် - https://goodnewsmm.xyz/?p=274

14/11/2023

အဖွဲ့ဝင်အသစ်များကို ကြိုဆိုပါတယ်။ ဆီးချိုအသိပညာတွေ တိုးပွားအောင် စာဖတ်ကြပါစို့။🎉 Nang Wai Oo, Hla Oo Maung, Naylintun, Mumu, Zay Yar Mon