ရွှေပါရမီ ၂၄နာရီ အထူးကု ဆေးခန်းနှင့် ရောဂါရှာဖွေရေး

05/04/2026

သွေးလွန်တုပ်ကွေး ကာကွယ်ဆေး Qdenga

အသက် ၄နှစ်က စပြီး ထိုးနှံနိုင်ပါတယ်

စစချင်း ၃လခြားပြီး နှစ်ခါ ထိုးရပါမယ်

၅နှစ်ကြာမှ Booster dose လိုက်ရမှာပါ

ထိုးနှံလိုပါက Chat Box မှာ စာရင်းပေးလို့ရပါပြီရှင်

#သွေးလွန်တုပ်ကွေး

25/01/2026

ရေကျောက်ရောဂါ (Chickenpox) အကြောင်း သိကောင်းစရာ
အခုတလော သားသားမီးမီးတို့ထဲမှာ ရေကျောက်ပေါက်တဲ့ကလေးလေးတွေ များလာတာကြောင့် မိဘများအနေနဲ့ ကိုယ့်ကလေးမှာရေကျောက်ဖြစ်လာရင် ဘယ်လိုပြုစုရမလဲ၊ တခြားကလေးတွေကို မကူးစက်အောင် ဘယ်လိုကာကွယ်ရမလဲဆိုတာကို ဒီဆောင်းပါးလေးကနေတစ်ဆင့် မျှဝေပေးလိုက်ပါတယ်

၁။ ရေကျောက်ရောဂါဆိုတာဘာလဲ၊ ဘာကြောင့်ဖြစ်တာလဲ။
ရေကျောက်ရောဂါဟာ ဗိုင်းရပ်စ်ပိုးကြောင့် ဖြစ်တာပါ။ ဒီဗိုင်းရပ်စ်ကြောင့် ခန္ဓာကိုယ်မှာ အရေကြည်ဖုလေးတွေ ထွက်စေပြီး ယားယံမှု၊ ဖျားနာမှုကို ဖြစ်စေပါတယ်။

၂။ ရေကျောက်ရောဂါရဲ့ လက္ခဏာများ
- ဖျားခြင်း၊ ခေါင်းကိုက်ခြင်း။
- နုံးခြင်း၊ အစားအသောက်ပျက်ခြင်း။
- ၁ ရက်၊ ၂ရက်အတွင်း ခန္ဓာကိုယ်မှာ အနီစက်လေးများ ထွက်လာခြင်း။
- အနီစက်လေးများမှ အရေကြည်ဖုများ ဖြစ်လာခြင်း။ယားယံခြင်း။
- အရေကြည်ဖုများ ပေါက်ထွက်ကာ အနာဖေးတက်ပြီး ခြောက်သွားခြင်း။

၃။ ဘယ်သူတွေမှာ ဖြစ်တတ်သလဲ
- ရေကျောက်ကာကွယ်ဆေး မထိုးထားသူများ။
- အရင်က ရေကျောက် မပေါက်ဖူးသေးသူများ။
- ကလေးသူငယ်များမှာ အဖြစ်များပေမယ့် လူကြီးတွေမှာလည်း ဖြစ်နိုင်ပါတယ်။ လူကြီးတွေမှာ ဖြစ်ရင်တော့ လက္ခဏာ ပိုပြင်းထန်တတ်ပါတယ်။

၄။ ကူးစက်ပုံနှင့် ကူးစက်နိုင်သည့်ကာလ
နှာချေ၊ ချောင်းဆိုးရာမှတစ်ဆင့် လေထဲကနေကူးနိုင်သလို အရေကြည်ဖုကအရည်ကို ထိမိရာမှလည်း ကူးစက်နိုင်ပါတယ်။ အနီစက်တွေ မထွက်လာခင် (၂) ရက်အလိုကတည်းက စတင်ကူးစက်နိုင်ပြီး အရေကြည်ဖုအားလုံး အနာဖေးတက်ပြီး ခြောက်သွားတဲ့အချိန်အထိ ကူးစက်နိုင်ပါတယ်။

၅။ အမေးများသော မေးခွန်းများနှင့် အယူအဆအမှားမျာ။
- ရေကျောက်ပေါက်ရင် ရေချိုးရမလား❓
ရေချိုးလို့ရပါတယ်။ ရေအေးအေးနဲ့ချိုးပေးရင် ယားယံတာကို သက်သာစေပါတယ်။ ရေချိုးတဲ့အခါ အရေပြားကို ကြမ်းကြမ်းတမ်းတမ်း မပွတ်ပါနဲ့။ ရေသုတ်တဲ့အခါမှာလည်း ဖွဖွလေးပုတ်ပြီး သုတ်ပေးရပါမယ်။
- ရေကျောက်ပေါက်ရင် နေရောင်မထိရဘူးလား❓
နေရောင်ခြည်က ရေကျောက်ကို ပိုပြီးမဆိုးရွားစေပါဘူး။ ဒါပေမယ့် နေပူလို့ ချွေးထွက်တဲ့အခါ ပိုယားစေနိုင်ပါတယ်။ ဒါကြောင့် အေးအေးလူလူ နားနေတာက ပိုကောင်းပါတယ်။
- ရေကျောက်ပေါက်တဲ့ကလေး ဘယ်အချိန်မှာကျောင်းပြန်တက်ရမလဲ❓
အရေကြည်ဖုတွေ အားလုံး အနာဖေးတက်ပြီး ခြောက်သွားတဲ့အခါမှာ ကျောင်းပြန်တက်နိုင်ပါတယ်။

၆။ ကာကွယ်ခြင်းနှင့် ကုသခြင်း
အထိရောက်ဆုံးနည်းလမ်းကတော့ ရေကျောက် ကာကွယ်ဆေး ထိုးခြင်း ဖြစ်ပါတယ်။ ဗိုင်းရပ်စ်ရောဂါဖြစ်လို့ အနားယူခြင်း၊ ရေများများသောက်ခြင်းက အဓိကပါ။ ရေကျောက်ရောဂါဟာ ဗိုင်းရပ်စ်ပိုးကြောင့်ဖြစ်တဲ့ အတွက် ဘာဆေးမှ မပေးဘဲလည်း တစ်ပတ်အတွင်း သူ့အလိုလို ကောင်းသွားနိုင်ပါတယ်။

၇။ နောက်ဆက်တွဲ ဆိုးကျိုးများ
အများစုကတော့ အလိုလို ပျောက်ကွယ်သွားတတ်ပေမယ့် တစ်ခါတစ်ရံမှာ
- အရေပြား အနာဖုများမှတစ်ဆင့် ဘက်တီးရီးယားပိုး ထပ်မံဝင်ရောက်ခြင်း။
- အဆုတ်ရောင်ခြင်း
- ဦးနှောက်ရောင်ခြင်းတို့ ဖြစ်နိုင်ပါတယ်။

မှတ်ချက်: အသက်ရှူရခက်ခဲလာတာ၊ အရေပြားအနာတွေအရမ်းနီရဲနာကျင်လာတာ၊ သတိလစ်သလိုမျိုး ဖြစ်လာရင် နီးစပ်ရာ ဆေးရုံ၊ ဆေးခန်းကို အမြန်ဆုံး ပြသသင့်ပါတယ်။

မေမေ၊ ဖေဖေတို့ကို အထူးမေတ္တာရပ်ခံလိုတာကတော့ သားသားမီးမီးတို့မှာ ကိုယ်ပူတာ၊ အနီစက်လေးတွေ စတင်တွေ့ရှိတာနဲ့ ကျောင်းကို ချက်ချင်းအကြောင်းကြားပေးဖို့ ဖြစ်ပါတယ်။ဒီလိုဖြစ်လာတဲ့အခါ ကလေးများကို အိမ်မှာပဲသေချာဂရုစိုက်ပြီး အနားယူစေခြင်းက သားသားမီးမီးတို့ကို ရောဂါမြန်မြန်သက်သာစေတဲ့အပြင် တခြားသူငယ်ချင်းလေးတွေကိုလည်း ရောဂါမကူးစက်အောင် ကာကွယ်ပေးရာရောက်ပါတယ်။ အနာဖေးတွေအားလုံး ခြောက်သွားတဲ့အထိ အိမ်မှာပဲပြုစုပေးကြဖို့ တိုက်တွန်းလိုက်ရပါတယ်ရှင်။

သားသားမီးမီးလေးများအားလုံး ရောဂါဘယကင်းဝေးပြီး ကျန်းမာပျော်ရွှင်ကြပါစေ။"

Reference:
CDC (Centers for Disease Control and Prevention): Chickenpox (Varicella)
NHS (National Health Service - UK): Chickenpox Overview

#

25/01/2026

နီပါဗိုင်းရပ်စ် (Nipah Virus) - အနာဂတ်၏ ကမ္ဘာလုံးဆိုင်ရာ ကပ်ရောဂါအသစ် ဖြစ်လာနိုင်သလား

နီပါဗိုင်းရပ်စ် (NiV) သည် တိရစ္ဆာန်မှ လူသို့ ကူးစက်တတ်သော (Zoonotic) ကြောက်မက်ဖွယ် ဗိုင်းရပ်စ်တစ်မျိုး ဖြစ်ပါသည်။ ကမ္ဘာ့ကျန်းမာရေးအဖွဲ့ (WHO) က ဤရောဂါကို ကုသဆေးမရှိသေးခြင်းနှင့် သေဆုံးနှုန်း မြင့်မားခြင်းတို့ကြောင့် "အနာဂတ်တွင် ကမ္ဘာလုံးဆိုင်ရာ ကပ်ရောဂါ (Pandemic) ဖြစ်ပွားစေနိုင်ခြေရှိသော ဦးစားပေးရောဂါပိုး" အဖြစ် သတ်မှတ်ကာ အထူးသတိပြု စောင့်ကြည့်လျက်ရှိသည်။

သမိုင်းကြောင်းနှင့် ဖြစ်ပေါ်လာပုံ

နီပါဗိုင်းရပ်စ်ကို ၁၉၉၉ ခုနှစ်တွင် မလေးရှားနိုင်ငံ၊ နီပါ (Nipah) မြစ်အနီးရှိ ဝက်မွေးမြူရေးလုပ်ငန်းခွင်များတွင် စတင်တွေ့ရှိခဲ့သည်။ ထိုစဉ်က ဝက်များနှင့် ထိတွေ့ခဲ့သူများတွင် ပြင်းထန်သော ဦးနှောက်ရောင်ရောဂါများ ဖြစ်ပွားခဲ့ပြီး လူပေါင်း ၁၀၀ ကျော် အသက်ဆုံးရှုံးခဲ့ရသည်။ ယင်းဗိုင်းရပ်စ်၏ သဘာဝအလျောက် ကိန်းအောင်းရာ လက်ခံကောင်မှာ Pteropus မျိုးရင်းဝင် "သစ်သီးစားလင်းနို့" (Fruit Bats) များ ဖြစ်ကြသည်။

ကူးစက်ပြန့်ပွားပုံ လမ်းကြောင်းများ

နီပါဗိုင်းရပ်စ်သည် အဓိက လမ်းကြောင်း (၃) သွယ်ဖြင့် ကူးစက်ပြန့်ပွားနိုင်ပါသည် ။

တိရစ္ဆာန်မှ လူသို့ (Animal-to-Human)

ဗိုင်းရပ်စ်ရှိသော လင်းနို့များ၏ တံတွေး၊ ဆီး သို့မဟုတ် မစင်တို့ဖြင့် ထိတွေ့ထားသည့် အသီးအနှံများ (ဥပမာ - လင်းနို့ကိုက်ထားသော အသီးများကို မဆေးကြောဘဲ စားသုံးမိခြင်း၊ ပိုးပါသော လတ်ဆတ်သော ထန်းရည်/ဓနိရည်သောက်ခြင်း)။

ကြားခံသတ္တဝါမှတစ်ဆင့် (Intermediate Host)

ဗိုင်းရပ်စ်ရှိသော လင်းနို့နှင့် ထိတွေ့ထားသည့် ဝက်၊ မြင်း၊ ဆိတ် စသော တိရစ္ဆာန်များကို ကိုင်တွယ်ခြင်း သို့မဟုတ် အသားကို မကျက်တကျက် စားသုံးခြင်း။

လူအချင်းချင်း ကူးစက်ခြင်း (Human-to-Human)
ကူးစက်ခံထားရသော လူနာ၏ ကိုယ်ခန္ဓာအရည်များ (နှာရည်၊ တံတွေး၊ ဆီး၊ သွေး) နှင့် တိုက်ရိုက်ထိတွေ့မိခြင်း။

ရောဂါလက္ခဏာများနှင့် ပြင်းထန်မှု

ဗိုင်းရပ်စ်သည် ခန္ဓာကိုယ်ထဲသို့ ရောက်ရှိသွားသောအခါ အဓိကအားဖြင့် အသက်ရှူလမ်းကြောင်းစနစ် နှင့် ဗဟိုအာရုံကြောစနစ် (CNS) တို့ကို ပြင်းထန်စွာ တိုက်ခိုက်ပါသည်။
ရောဂါပျိုးချိန် (Incubation Period)

ပုံမှန်အားဖြင့် ၅ ရက်မှ ၁၄ ရက် ကြာတတ်သော်လည်း အချို့ဖြစ်ရပ်များတွင် ၄၅ ရက်အထိ ကြာမြင့်နိုင်သဖြင့် လက္ခဏာမပြမီကပင် အခြားသူများကို ကူးစက်နိုင်ခြေ ရှိနေပါသည်။

• အစောပိုင်းလက္ခဏာများ
ဖျားခြင်း၊ ပြင်းထန်စွာ ခေါင်းကိုက်ခြင်း၊ ကြွက်သားများ နာကျင်ကိုက်ခဲခြင်း၊ အော့အန်ခြင်းနှင့် လည်ချောင်းနာခြင်း (သာမန်တုပ်ကွေးနှင့် ဆင်တူသဖြင့် ခွဲခြားရန် ခက်ခဲတတ်သည်)။

• အသက်ရှူလမ်းကြောင်းဆိုင်ရာ လက္ခဏာများ

ကူးစက်ခံရသူများ၏ ၇၅% ခန့်တွင် တွေ့ရတတ်သည်။
• Atypical Pneumonia: အဆုတ်ရောင်ကာ အသက်ရှူရ ခက်ခဲလာခြင်း။
• ARDS: အဆုတ်ထဲတွင် အရည်များပြည့်လာပြီး သွေးထဲသို့ အောက်ဆီဂျင် မရောက်ရှိတော့ဘဲ အသက်အန္တရာယ် စိုးရိမ်ရခြင်း။

• အာရုံကြောဆိုင်ရာ လက္ခဏာများ

• ဦးနှောက်ရောင်ခြင်း (Encephalitis)
စိတ်ရှုပ်ထွေးခြင်း (Confusion)
အလွန်အမင်း မှိန်းနေခြင်း (Drowsiness)
နှင့် စိတ်ဂယောင်ခြောက်ခြားဖြစ်ခြင်း။

• တက်ခြင်း (Seizures)
ဦးနှောက်ဆဲလ်များ ထိခိုက်မှုကြောင့် ဖြစ်ပွားသည်။

• မေ့မြောခြင်း (Coma): ရောဂါပြင်းထန်ပါက ၂၄ နာရီမှ ၄၈ နာရီအတွင်း သတိလစ်မေ့မြောသွားနိုင်သည်။

သေဆုံးနှုန်း: နီပါဗိုင်းရပ်စ်သည် အလွန်သေဆုံးနှုန်း မြင့်မားပြီး ကူးစက်ခံရသူများ၏ ၄၀% မှ ၇၅% အထိ သေဆုံးနိုင်ခြေ ရှိသည်။

ရောဂါရှာဖွေခြင်းနှင့် ကုသခြင်း

🔬 ရောဂါရှာဖွေခြင်း
1. RT-PCR: နှာခေါင်းတို့ဖတ်၊ အာခေါင်တို့ဖတ်နှင့် ဆီးတို့မှတစ်ဆင့် ဗိုင်းရပ်စ်၏ မျိုးရိုးဗီဇကို ရှာဖွေခြင်း။
2. ELISA: ဗိုင်းရပ်စ်ကို တိုက်ထုတ်သည့် ခုခံအား (Antibody) ကို သွေးထဲတွင် စစ်ဆေးခြင်း။
3. Virus Isolation: BSL-4 အဆင့်မြင့် ဓာတ်ခွဲခန်းများတွင် ဗိုင်းရပ်စ်ကို တိုက်ရိုက်ခွဲထုတ်ခြင်း။

💊 ကုသမှုဆိုင်ရာ
တိကျသော ဗိုင်းရပ်စ်သတ်ဆေး မရှိသေးသဖြင့် အထောက်အကူပြု ကုသမှုများကိုသာ ပေးနိုင်ပါသည် ။

• အသက်ရှူရခက်ခဲပါက အသက်ရှူစက် (Ventilator) အကူအညီယူခြင်း။
• တက်ခြင်းအတွက် Anti-seizure ဆေးများပေးခြင်း။
• ခန္ဓာကိုယ်အရည်ဓာတ်အတွက် IV Fluid သွင်းခြင်း။

ကာကွယ်ရေးနှင့် ထိန်းချုပ်ရေး နည်းဗျူဟာများ

ယနေ့အထိ တရားဝင် ကာကွယ်ဆေး မရှိသေးသဖြင့် ကြိုတင်ကာကွယ်ခြင်းသည် အထိရောက်ဆုံး ဖြစ်သည်။
တစ်ကိုယ်ရေ ကာကွယ်ရေး:
• လင်းနို့ကိုက်ရာပါသော သို့မဟုတ် ကြွေကျနေသော အသီးများကို မစားပါနှင့်။
• သစ်သီးများကို မစားမီ သေချာစွာ ဆေးကြောပြီး အခွံခွာစားပါ။
• ထန်းရည်/ဓနိရည် သောက်ခြင်းကို ရှောင်ကြဉ်ပါ (သို့မဟုတ် အပူပေး ကျိုချက်သောက်ပါ)။
• လက်ကို ဆပ်ပြာဖြင့် စနစ်တကျ မကြာခဏ ဆေးကြောပါ။

ဆေးရုံနှင့် ဂရုစိုက်မှုပေးသူများအတွက်
• PPE ဝတ်ဆင်ခြင်း: N95 Mask၊ (Goggles)၊ Double Gloves နှင့် အရည်မစိမ့်နိုင်သော ဝတ်စုံများကို စနစ်တကျ ဝတ်ဆင်ရမည်။

• သီးသန့်ခွဲထားခြင်း (Isolation): လူနာကို လေဝင်လေထွက်ကောင်းသော အခန်းတွင် အခြားသူများနှင့် အနည်းဆုံး ၃ ပေအကွာ သီးသန့်ထားရမည်။

• သေဆုံးသူများကို စီမံခြင်း: အလောင်းကို ပွေ့ဖက်ခြင်း၊ နမ်းခြင်း လုံးဝမပြုလုပ်ရဘဲ Body Bag ဖြင့် လုံခြုံစွာ ပိတ်ကာ ကျန်းမာရေးဌာန လမ်းညွှန်ချက်အတိုင်း သင်္ဂြိုဟ်ရမည်။

နီပါဗိုင်းရပ်စ်သည် ဖြစ်ပွားမှု ရှားပါးသော်လည်း ဖြစ်ပွားလာပါက အသက်အန္တရာယ် အလွန်စိုးရိမ်ရသည်။ လူသားတို့၏ သဘာဝပတ်ဝန်းကျင်အပေါ် ကျူးကျော်မှုနှင့် ရာသီဥတုပြောင်းလဲမှုများကြောင့် တိရိစ္ဆာန်မှတစ်ဆင့် ကူးစက်သော ရောဂါများ ပိုမိုများပြားလာရာ ကျွန်ုပ်တို့အနေဖြင့် မှန်ကန်သော ကျန်းမာရေးအသိဖြင့် ကာကွယ်ကြရမည် ဖြစ်သည်။

အကယ်၍ ပြင်းထန်စွာ ဖျားခြင်းနှင့်အတူ အသက်ရှူကျပ်ခြင်း၊ သတိလစ်ခြင်း သို့မဟုတ် တက်ခြင်းများ ဖြစ်ပွားပါက နီးစပ်ရာ ကျန်းမာရေးဌာနသို့ အမြန်ဆုံး ဆက်သွယ်ပြသပါ။

ကိုးကားချက်များ (References):
• World Health Organization (WHO) Fact Sheet on Nipah virus.
• Centers for Disease Control and Prevention (CDC).
• The Lancet Infectious Diseases.

06/06/2025

🔴သွေးလွန်တုပ်ကွေး ကာကွယ်ဆေး🔴

ဆေးအမည် - QDENGA
ထိုးရမည့်ကြိမ်ရေ - ၂ကြိမ်
စထိုးရက် ပထမအကြိမ်/ ၃လအကြာ ဒုတိယအကြိမ်

အာနိသင်ကာလ - ၄နှစ်ခွဲခန့် (စာတမ်းများအရ)

🪴မိမိရင်သွေးငယ်များ အတွက် မဖြစ်မနေထိုးနှံသင့်သော
ကာကွယ်ဆေး🪴

သွေးလွန်တုပ်ကွေးရောဂါ ကာကွယ်နိုင်ပြီလား ⁉️

🩸ခြင်ကိုက်ခံရရာမှတဆင့် ကူးစက်တဲ့သွေးလွန်တုပ်ကွေးဟာ တစ်နှစ်ပတ်လုံးဖြစ်ပွားနိုင်တဲ့အပြင် ကမ္ဘာတစ်ဝှမ်း Outbreak ခဏခဏဒဏ်ခံရလေ့ရှိတဲ့ ကြောက်စရာရောဂါတစ်ခုပဲ ဖြစ်ပါတယ်။

📈 နှစ်စဉ် လူသန်းပေါင်း ၄၀၀ ကျော် သွေးလွန်တုပ်ကွေးရောဂါ ကူးစက်ခံရနေရပါတယ်။ အဲ့အထဲမှာမှ လူ ၄ သောင်းလောက်က သွေးလွန်တုပ်ကွေးကြောင့် သေဆုံးနေရပါတယ်။

🦟 အသက်အရွယ်မရွေး ဖြစ်နိုင်ပြီး ထုံးစံဆိုသလိုပဲ အသက်ငယ်လွန်း၊ ကြီးလွန်းတဲ့သူတွေဟာ ဒဏ်ပိုခံရနိုင်ပါတယ်။ ဒါကြောင့်မို့ အဓိက ကလေးသူငယ်တွေနဲ့ သက်ကြီးရွယ်အိုတွေကို ပိုဂရုစိုက်သင့်ပါတယ်။

🦠 သွေးလွန်တုပ်ကွေးဖြစ်စေတဲ့ ဗိုင်းရပ်စ်ပိုး အမျိုးအစား (၄) မျိုးရှိပြီး လူတစ်ယောက်ဟာ အလွန်ကံဆိုးခဲ့မယ်ဆို ဘဝမှာ သွေးလွန်တုပ်ကွေး (၄)ခါ ဖြစ်လို့ရပါတယ်။ ပထမအကြိမ်မှာ မပြင်းထန်ပေမယ့် တစ်ခါထက် တစ်ခါ ပိုပြီး ပြင်းထန်နိုင်တာမို့ ဒုတိယအကြိမ်မှာတင် အသက်ကို ရန်ရှာနိုင်တဲ့အထိ ဆိုးရွားနိုင်ပါတယ်။

ဒီလိုအကြောင်းရင်းတွေကြောင့် သွေးလွန်တုပ်ကွေးကို ကာကွယ်ဖို့ဆိုတာ မိဘတိုင်း၊ ဆရာဝန်တိုင်း၊ ကျန်းမာရေးအသိရှိတဲ့လူတိုင်းရဲ့အိမ်မက်ပဲ ဖြစ်ပါတယ်။ အဲ့တော့ ၂၀၂၃ မှာ ဒီမျှော်လင့်ချက် ရောင်ခြည်သန်းလာပြီလား?

✳️ လတ်တလော သွေးလွန်တုပ်ကွေးကာကွယ်ဆေး❓
💉 Dengavaxia နဲ့
💉 QDENGA ဆိုပြီး ၂မျိုးရှိပါမယ်။

✳️ ဆေးထုတ်လုပ်ထားပုံ❓
💉 Dengavaxia ကော QDENGA ပါ Live Attenuated လို့ခေါ်တဲ့ သန့်စင်ထားပြီးသား ဘေးမဖြစ်နိုင်တဲ့ သွေးလွန်တုပ်ကွေးပိုးကို ခန္ဓာကိုယ်ထဲထည့်ပြီး ကိုယ်ခံအားထွက်လာစေတဲ့ ကာကွယ်ဆေးမျိုး ဖြစ်ပါတယ်။

✳️ ပထမဆုံး သွေးလွန်တုပ်ကွေးကာကွယ်ဆေး❓
💉 Dengavaxia အနေနဲ့ ၂၀၁၅ ခုနှစ်ထဲက ထွက်ရှိခဲ့တာ ဖြစ်ပါတယ်။
အသက် ၉ - ၁၆နှစ်အတွင်း ထိုးနှံလို့ ရပါတယ်။ အရေပြားအောက် အဆီလွှာထဲ ထိုးနှံရတာဖြစ်ပြီး ၆လခြား ၃ကြိမ်ထိုးဖို့ လိုအပ်ပါတယ်။

✳️ ဆေးထိုးထားရင် အပြည့်အဝ ကာကွယ်နိုင်မှာလား❓
💉 ရာနှုန်းပြည့် မကာကွယ်ပေးနိုင်ပေမယ့် ရောဂါဖြစ်ပွားနှုန်း၊ ဆေးရုံတက်နှုန်း၊ ရောဂါပြင်းထန်မှု စတာတွေကို ၆၅ - ၈၀% ထိ လျော့ချပေးနိုင်ပါတယ်။

✳️ ဆေးကြောင့် အန္တရာယ်ရှိမရှိ❓
💉 ပြဿနာနည်းတဲ့ ကာကွယ်ဆေးအမျိုးအစားပေမယ့် ပိုးအရှင်ကို ထိုးတာဖြစ်တာကြောင့်
- ကင်ဆာရောဂါသည်များ
- ကိုယ်ဝန်ဆောင်နှင့် နို့တိုက်မိခင်များ
- ကိုယ်ခံအားကျဆင်းနေသူများ
- Steroid ဆေးသောက်နေသူများ ထိုးလို့မရပါဘူး။

✳️ ပထမဆုံး ထွက်ထားတဲ့ Dengavaxia ဘာလို့ လူသိနည်းရတာလဲ❓
💉 တာအရင်ထွက်ခဲ့တဲ့ ကာကွယ်ဆေးဖြစ်သော်လည်း အရင်တစ်ခါ သွေးလွန်တုပ်ကွေးဖြစ်ဖူးပြီးမှသာ ထိုးနှံနိုင်တာကြောင့် ဈေးကွက်ထဲ ထင်သလောက် မပေါက်ဘဲ ကမ္ဘာ့နိုင်ငံ (၂၀) မှာသာ အသုံးပြုခွင့်လိုင်စင် ရပါသေးတယ်။

✳️ အသစ်ထွက်ရှိလာတဲ့ QDENGA ကကော❓
💉 ၂၀၂၂ မှာ စတင်ထွက်ရှိခဲ့တဲ့ QDENGA ကို လက်ရှိမှာ အိမ်နီးချင်းအာဆီယံနိုင်ငံများဖြစ်တဲ့ ထိုင်းနဲ့ အင်ဒိုနီးရှားမှာ စတင်ထိုးနှံပေးနေပါပြီ။ အနောက်နိုင်ငံများဖြစ်တဲ့ ယူရို၊ ယူကေ၊ အာဂျင်တီးနားနဲ့ ဘရာဇီးလို ကမ္ဘာလှည့်ခရီးသည်များပြားတဲ့ နိုင်ငံကြီးတွေမှာလည်း သုံးစွဲနေကြပါပြီ။

✳️ QDENGA ရဲ့အားသာချက်က❓
💉 Dengavaxia နည်းတူ သွေးလွန်တုပ်ကွေးမကူးစက်အောင် ၈၀% နီးပါး ကာကွယ်ပေးနိုင်ပြီး ဆေးရုံတက်နှုန်း ၉၀% လောက် လျော့ချပေးနိုင်တာပါ။
ဒါ့အပြင် သွေးလွန်တုပ်ကွေးမဖြစ်ဖူးသေးသူကော ဖြစ်ပြီးသူပါ ထိုးလို့ရတာကြောင့် အဖြစါများတဲ့ဒေသမှာ နေထိုင်တဲ့ အသက် ၄နှစ်မှ ၆၀အရွယ်ထိ ထိုးနှံသင့်ပါတယ်။

✳️ QDENGA ဘယ်နှကြိမ်ထိုးရမလဲ❓
💉 ၃လခြားပြီး ၂ကြိမ် ထိုးနှံရပါမယ်။

✳️ QDENGA ၂ကြိမ်ထိုးအပြီး တစ်သက်လုံးကာကွယ်နိုင်မှာလား❓
💉 ထိုးပြီး ၄နှစ်ခွဲအကြာအထိ ကိုယ်ခံအားကျန်နေသေးပေမယ့် ကာကွယ်ဆေးသဘောသဘာဝအရ ခုခံအားထိန်းထားနိုင်ဖို့ Booster လိုနိုင်ပါတယ်။ လက်ရှိမှာ ဘယ်လောက်နေရင် ပြန်ထိုးရမယ်ဆိုတာ တိတိကျကျတော့ မသိရသေးပါဘူး။

✳️ QDENGA ဘေးထွက်ဆိုးကျိုး❓
💉 တစ်ခြားသော ကာကွယ်ဆေးများလိုပဲ ထိုးထားတဲ့နေရာမှာ နာတာ၊ နီတာ၊ ယောင်တာရှိနိုင်ပါတယ်။ ဖျားတာ၊ နုန်းတာ၊ ကိုယ်လက်ကိုက်ခဲတာ လူနည်းစုမှာ ဖြစ်နိုင်ပါတယ်။

✳️ QDENGA ထိုးရင် သတိထားရမယ့်အချက်❓
💉 သန့်စင်ထားတဲ့ပိုးအရှင် ထိုးတာဖြစ်တဲ့အတွက် တခြားသောကာကွယ်ဆေးများနဲ့ အနည်းဆုံး ၄ပတ်ခြားထိုးရပါမယ်။

✳️ လက်ရှိအခြေအနေမှာ QDENGA ထိုးသင့်လား❓
💉 မထိုးခင်မှာ ဆေးရဲ့တန်ဖိုးနဲ့ အကျိုးကို ချင့်ချိန်ပြီး မိမိဆရာဝန်နဲ့ တိုင်ပင်ပါ။ သွေးလွန်တုပ်ကွေးကြောင့် မိမိကိုယ်တိုင်နဲ့ မိသားစုမှာ အသက်ဘေးထိ ခြိမ်းခြောက်ခံခဲ့ရဖူးတယ်ဆိုရင် ဒါကိုသာ ကာကွယ်နိုင်မယ်ဆို ရွှေထက် တန်ဖိုးရှိပြီး အဖိုးမဖြတ်နိုင်တဲ့ ကာကွယ်ဆေးပါပဲ။ ဒါမျိုးက ကိုယ်တိုင်ကြုံဖူးမှပဲ လန့်ကြမှာပါ။

အခုလောက်ဆို လက်ရှိခေတ်စားနေတဲ့ သွေးလွန်တုပ်ကွေးဆေးအကြောင်း အကြမ်းဖျင်းသိရှိနားလည်ပြီလို့ ယူဆပါတယ်။
တခြားသော ကာကွယ်နည်းများအနေနဲ့

🦟 ခြင်မပေါက်အောင်

- ဖုံး (ရေသိုလှောင်နေရာတွေ အဖုံးဖုံးပါ)
- သွန် (မလိုတဲ့ ရေသွန်ပါ)
- လဲ (ပန်းအိုး၊ ရေကန် အမြဲလဲလှယ်ပါ)
- စစ် (လှောင်ထားတဲ့ရေကို စစ်ပြီး သုံးပါ)
- လှဲ (ရေမဝပ်အောင် သေချာလှဲကျင်းပါ)
- မြှုပ် (အမှိုက်များ ကျွင်းတူးမြှုပ်နှံပါ)
- လောင်း (ပိုးလောက်လန်းပေါက်လျှင် ဒီဇယ်လောင်းပါ)
- ခပ် (ပိုးလောက်လန်းသေဆေး Abate အဘိတ် ခပ်ပါ)
- ရှင်း (တာယာစုတ်၊ ခြုံ၊ မြက်များ ရှင်းလင်းပါ)
- မှုတ် (ရပ်ရွာအလိုက် ခြင်ဆေးဖြန်းမှုတ်ပါ)

🦟 ခြင်မကိုက်အောင်

- ထောင် (နေ့ခင်းအိပ်လျှင် ခြင်ထောင်ထောင်ပါ)
- ဖွင့် (အလင်းရောင်ရအောင် တံခါးဖွင့်ပါ)
- လိမ်း (ခြင်မကိုက်ဆေး လိမ်းပေးပါ)
- ဝတ် (အင်္ကျီလက်ရှည်၊ ဘောင်းဘီရှည် ဝတ်ပေးပါ)

ကာကွယ်ဆေးအပြင် ခြင်နဲ့ပတ်သက်တဲ့ ညွှန်ကြားချက်တွေပါ လိုက်လံလုပ်ဆောင်မယ်ဆိုရင် ဒီရောဂါဆိုးရန်ကနေ ပိုရှောင်လွှဲနိုင်မှာပါ။

#သွေးလွန်တုပ်ကွေး
#ရွှေပါရမီအထူးကုဆေးခန်း

19/05/2025

မိုးဦးကျမှာ အဖြစ်များတဲ့

#ပြင်းထန်ဝမ်းပျက်ဝမ်းလျှောရောဂါ ကြိုတင်ကာကွယ်နိုင်ဖို့

ကျန်းမာရေးဝန်ကြီးဌာနက နှိုးဆော်ချက်ကို ပြန်လည်မျှဝေအပ်ပါတယ်ရှင်

#ရွှေပါရမီအထူးကုဆေးခန်း
#အနီးစခန်း

17/05/2025

မိုးရာသီမှာ အဖြစ်များတဲ့ အသည်းရောင်အသားဝါ(အေ)ရောဂါကြိုတင်ကာကွယ်နိုင်ဖို့ မျှဝေအပ်ပါတယ်ရှင်

#အသည်းရောင်အသားဝါအေ

#ရွှေပါရမီအထူးကုဆေးခန်း
#အနီးစခန်း

16/05/2025

အစာအဆိပ်သင့်မှုသည် နေရာဒေသမရွေး မကြာခဏဖြစ်ပွားတတ်ပြီး မသန့်ရှင်းသည့် အစားအသောက်များကို စားသုံးမိခြင်းကြောင့် အများဆုံးဖြစ်ပွားနိုင်ပါသဖြင့် အစာအဆိပ်သင့်မှုမဖြစ်စေရန်အတွက် လိုက်နာရမည့်အချက်များအား ပြန်လည်မျှဝေလိုက်ပါသည်ရှငိ့

#အစာအဆိပ်သင့်ခြင်း

#ရွှေပါရမီအထူးကုဆေးခန်း

#အနီးစခန်း #ရွှေပါရမီ

15/05/2025

မိုးရာသီတုပ်ကွေး ကာကွယ်ဆေး

Influvac tetra2025

အသက် ၆ လကနေ စတင်ထိုးနှံနိုင်ပါသည်

အသက် ၆လ က ၉နှစ်အတွင်း ယခင်နှစ်များက တစ်ခါမှ မထိုးဖူးပါက
တစ်လခြားပြီး နှစ်ကြိမ်ထိုးရပါမည်

အသက် ၉နှစ်အထက် / ယခင်နှစ်က ထိုးဖူးပါက ၂၀၂၅ အတွက် တစ်ကြိမ်သာ ထိုးနှံရန် လိုအပါပါသည်

တုပ်ကွေးပိုးဗီဇအပြောင်းအလဲကြောင့် နှစ်စဉ်ထိုးန့သင့်ပါသည်

အထူးအားဖြင့်

ကိုယ်ဝန်ဆောင်များ
ကလေးငယ်များ
အသက် ၆၅ အထက် လူကြီးသူမများ
နာတာရှည်ရောဂါဝေဒနာရှင်များ ထိုးနှံသင့်ပါသည်

ဆေးထိုးပြီး ၁၀ရက်-၁၅ရက်အတွင်း ကာကွယ်ဆေးအာနိသင်စတင်ရရှိပါမည်

မြန်မာ Reg ပါသော ဆေးဖြစ်ပါသည်။

ကာကွယ်ဆေးရဲ့ အသက်ဖြစ်တဲ့ Cold chain မပျက်ရအောင် သိုလှောင်သိမ်းဆည်းထားပါသောကြောင့်

မိမိတို့ထိုးနှံလိုသော အချိန်ကို ဖုန်းဖြင့် ကြိုတင်ချိန်းဆိုပေးပါရန် မေတ္တာရပ်ခံအပ်ပါတယ်ရှင်

09965618069

09 757314038

12/05/2025

International Nurses Day (12th May) 🤍
ကမ္ဘာတစ်ဝှမ်းလုံးရှိ သူနာပြုတာဝန်ဝတ္တရားများကို စွမ်းစွမ်းတမံဆောင်ရွက်နေသော မီးအိမ်ရှင်များအားလေးစားဂုဏ်ပြုအပ်ပါသည်။

Our Nurses Our Future 🤍


#ရွှေပါရမီအထူးကုဆေးခန်း

11/05/2025

11/05/2025

ကဆုန်လပြည့်

ဗုဒ္ဓနေ့မှာ ချမ်းမြေ့သာယာရှိပါစေကြောင်း ကျွန်မတို့

ရွှေပါရမီ ၂၄နာရီ အထူးကု ဆေးခန်းနှင့် ရောဂါရှာဖွေရေး မိသားစုက ဆုမွန်ကောင်းတောင်းအပ်ပါတယ်ရှင့်
🙏🏻🙏🏻🙏🏻