25/02/2026
သတိရှိကြစေရန်
🔺 ရန်ကုန် နှင့် လေထုညစ်ညမ်းမှု ခရမ်းရောင်အဆင့်
- ၂၀၂၆ ခုနှစ် ဖေဖော်ဝါရီလ (၂၄)ရက်နေ့မနက်ပိုင်း တိုင်းတာချက်များအရ ရန်ကုန် "လေထုအရည်အသွေးညွှန်းကိန်း" ( Air Quality Index ) AQI ဟာ (အလွန်ဘေးဥပါဒ်ဖြစ်စေတဲ့အခြေအနေ) ခရမ်းရောင်အဆင့် "၂၂၇" အထိ ရှိနေပါတယ်။
📌 "လေထုအရည်အသွေးညွှန်းကိန်း"
၀ - ၅၀ : ကောင်း
၅၁ - ၁၀၀ : အသင့်အတင့်
၁၀၁ - ၁၅၀ : ကလေးသူငယ်များ၊ သက်ကြီးရွယ်အိုများ နှင့် ရောဂါအခံရှိသူများအတွက် ဘေးဥပါဒ်ဖြစ်နိုင်
၁၅၁ - ၂၀၀ : ဘေးဥပါဒ်ဖြစ်စေ
၂၀၁ - ၃၀၀ : အလွန်ဘေးဥပါဒ်ဖြစ်စေ
၃၀၁ နှင့်အထက် : အရေးပေါ်အခြေအနေ၊ အန္တရယ်ဖြစ်စေ
📌 AQI တိုင်းတာမှုမှာ ပါဝင်နေတဲ့ လေထုညစ်ညမ်းမှုများ
- ၂.၅ မိုက်ခရိုမီတာနှင့်အောက်မျှသာရှိပြီး (လူ့ဆံပင်တစ်ချောင်းထက် အဆ ၃၀အောက်) အလွန်တရာသေးငယ်တဲ့ အငွေ့/အမှုန်အမွှားလေးတွေ ( fine Particulate Matter ) "PM2.5"
- ၁၀ မိုက်ခရိုမီတာနှင့်အောက် အလွန်သေးငယ်တဲ့ အမှုန်အမွှားလေးတွေ ( coarse Particulate Matter ) "PM10"
- အိုဇုန်းဓာတ်ငွေ့ "Ozone"
- နိုက်ထရိုဂျင်ဒိုင်အောက်ဆိုဒ် "Nitrogen Dioxide"
- ဆာလဖာဒိုင်အောက်ဆိုဒ် "Sulfur Dioxide"
- ကာဘွန်မိုနောက်ဆိုဒ် "Carbon Monoxide"
🚨 လေထုညစ်ညမ်းမှုတွေဟာ ယာဥ်ယန္တရားများ၊ စက်မှုလုပ်ငန်းများ၊ အဆောက်အဦ အပူ/အအေးပေးစနစ်များ၊ အမှိုက်မီးရှို့ခြင်းနှင့် တောမီးလောင်ခြင်းမျိုးတွေကနေ အစပြုပါတယ်။
- လေငြိမ်တဲ့ နွေဦးရာသီမှာ လေထုအပူချိန် ပြောင်းပြန်ဖြစ်နိုင်လို့ အငွေ့၊အမှုန်တွေက မလွင့်သွားဘဲ လေထုအပေါ်မှာ ပိတ်မိနေတဲ့အခါ ပိုပြီးဆိုးသွားပါတယ်။
🔺 ဆိုးကျိုးတွေ
- လတ်တလောအနေနဲ့ ချောင်းဆိုး၊ နှာချေခြင်း၊ အသက်ရှူမဝခြင်းနှင့် လေပြွန်ရောင်ရမ်းခြင်းများ ဖြစ်နိုင်ပြီး
- ရေရှည်မှာတော့ နာတာရှည် လေပြွန်ကျဥ်းခြင်း၊ အဆုတ်ခြောက်ခန်း အားနည်းခြင်းတွေကနေ အခန့်မသင့်ရင် အဆုတ်ကင်ဆာအထိ ရောက်ရှိနိုင်ပါတယ်။
- ခေါင်းအုံ၊ ခေါင်းကိုက်ခြင်း၊ မျက်စိနီခြင်း
- သတိလစ်မေ့မြောခြင်း
- ရေရှည်မှာ လေဖြတ်ခြင်း၊ မှတ်ဥာဏ်လျော့ပါးခြင်း
- အရိုးအဆစ်ရောင်ခြင်းများ၊
- ခုခံအားဖောက်ပြန်ခြင်းများ၊
- ဟော်မုန်းနှင့် မျိုးပွားနိုင်စွမ်းများ ကျဆင်းခြင်း၊
- ကိုယ်ဝန်ဆောင်များမှာ မွေးဖွားလာတဲ့ကလေး ဖွံ့ဖြိုးမှုနှေးစခြင်းစတဲ့ ဆိုးကျိုးများလည်း ဖြစ်နိုင်ပါသေးတယ်။
⚠️ အထူးဂရုစိုက်ရမယ့်သူများ
- ကလေးငယ်များ၊
- အသက်ကြီးသူများ၊
- ကိုယ်ဝန်ဆောင်များ၊
- နှလုံး၊ အဆုတ်၊ ဆီးချို၊ ကင်ဆာစတဲ့ ရောဂါအခံတစ်ခုခုရှိသူများ
- လေထုညစ်ညမ်းတဲ့ လုပ်ငန်းခွင်မှာ အလုပ်လုပ်သူများ (ဥပမာ- ဘိလပ်မြေ၊ မီးသွေး၊ အိမ်သုတ်ဆေး စသဖြင့်တို့နှင့် ထိတွေ့ရသူများ) ပိုပြီးဂရုစိုက်ရပါမယ်။
📌 သတိပြုသင့်တဲ့အချက်များ
- လေထုညစ်ညမ်းမှုများနေချိန်မှာ တတ်နိုင်သမျှ အပြင်မထွက်ဘဲ နေသင့်ပါတယ်။
- မနက်စောစော နှင့် ညနေပိုင်းတွေမှာ ပြတင်းပေါက်တွေကို ပိတ်ထားပါ။ (လေသန့်စင်စက် "Air Purifier" ရှိရင် ဖွင့်ထားပါ။)
- ကားအဲကွန်းဖွင့်တဲ့အခါ လေကို ကားထဲမှာပဲ လှည့်ပတ်နေအောင်လုပ်ပါ။
- ဆေးလိပ်သောက်ခြင်း၊ အမွှေးတိုင်၊ ခြင်ဆေး၊ မီးသွေး၊ ထင်းမီးဖိုသုံးခြင်း၊ အမှိုက်မီးရှို့ခြင်းများကို ရှောင်ကြဥ်ပါ။
- မဖြစ်မနေ အပြင်ထွက်ရတဲ့အခါ ပါးစပ်၊ နှာခေါင်းစည်းကို လုံခြုံတဲ့ N95 mask အမျိုးအစား ဝတ်ဆင်ပါ။ (သာမန်နှာခေါင်းစည်း surgical mask တွေက မကာကွယ်နိုင်ပါဘူး။)
- ရေနွေးငွေ့ရှူတာ၊ ဆားရည်နဲ့ ပလုတ်ကျင်းတာ၊ ဆားရည်ဘူးအကြီး (Normal saline) နှင့် နှာခေါင်းဆေးတာမျိုးတွေလုပ်ပါ။
- မျက်လုံးကို ရေသန့်နှင့်ဆေးကြောပါ။
- အရည်များများ သောက်ပါ။
- ကိုယ်ခံအားစနစ်ကို မြှင့်တင်ဖို့ ဓာတ်တိုးဆန့်ကျင်ဓာတ်တွေပါတဲ့ အစားအစာများ (ထောပတ်သီး၊ စတော်ဘယ်ရီ၊ လိမ္မော်သီး၊ အနီရောင်၊ အစိမ်းရောင် အသီးအရွက်များ၊ ကြက်ဥ၊ ပဲအမျိုးမျိုး၊ အစေ့အဆန်များ)ကို စားပေးပါ။
- ပန်းနာရင်ကြပ်ရောဂါရှိသူများက သောက်နေကျဆေး နှင့် ရှူဆေးများကို လက်လှမ်းမှီရာမှာ အမြဲဆောင်ထားပါ။
- ဆေးဝါးများကို မလိုအပ်ပဲ ကိုယ့်သဘောနဲ့ကိုယ် မသောက်သင့်ပါဘူး။
- အသက်ရှူရခက်လာခြင်း၊ ရင်ဘတ်အောင့်ခြင်း၊ ချောင်းအလွန်ဆိုးခြင်း၊ မျက်လုံး၊ အရေပြားများ နီမြန်းယားယံခြင်းများရှိပါက ဆရာဝန်နှင့် ပြသတိုင်ပင်သင့်ပါတယ်။
🥰 sharing is caring ဆိုသလိုပဲ ဒီစာလေးကို share ပေးခြင်းဖြင့် ကျန်းမာခြင်းတွေကို မျှဝေပေးနိုင်ကြပါစေရှင့် 😇
💐 ကျန်းမာရေးဗဟုသုတများ တိုးပွားပြီး ရောဂါဘယများ ကင်းဝေးချမ်းသာကြပါစေလို့ အာရှတော်ဝင်ဆေးရုံမိသားစုမှ ဆုတောင်းမေတ္တာ ပို့သလိုက်ပါတယ်ရှင် 🙏
👨⚕️ အာရှတော်ဝင်ဆေးရုံတွင် "အထွေထွေရောဂါကု သမားတော်ကြီးများ" ၊ "အဆုတ်နှင့်ရင်ခေါင်းဆိုင်ရာ အထူးကုဆရာဝန်ကြီးများ" နှင့် တိုင်ပင်ဆွေးနွေးလိုပါက ဖုန်း - 017538055,09778778885 သို့ ဆက်သွယ်မေးမြန်းနိုင်ပါသည်ရှင့်။
Reference-https://www.google.com/url?sa=t&source=web&rct=j&opi=89978449&url
-https://www.who.int/teams/environment-climate-change-and-health/air-quality-energy-and-health/health-impacts&ved
🏥"အာရှတော်ဝင်ဆေးရုံ"
အမှတ် (၁၄)၊ ဗဟိုလမ်း၊ အောင်ချမ်းသာရပ်ကွက်၊ စမ်းချောင်းမြို့နယ်၊ ရန်ကုန်မြို့။
ဆရာဝန်ကြီးများ၏ လူနာကြည့်ချိန် နှင့် ဘိုကင်ပေးခြင်းများအတွက် ဖုန်း - 017538055,09778778885 သို့ ဆက်သွယ်မေးမြန်းနိုင်ပါသည်ရှင့်။
🏥"အာရှတော်ဝင်ဆေးခန်း(ကျန်းမာရေးစစ်ဆေးရန်ဌာန)"
အမှတ် (၂၅)(အေ)၊ ရှင်စောပုလမ်း၊ စမ်းချောင်းမြို့နယ်၊ ရန်ကုန်မြို့။
ဆေးခန်းဖွင့်ချိန် - နံနက် (၇) နာရီမှ ည (၅) နာရီ
ကျန်းမာရေးစစ်ဆေးခြင်းများအတွက် ဖုန်း - 09443993737,09765408604 သို့ ဆက်သွယ်မေးမြန်းနိုင်ပါသည်ရှင့်။
📱"Asia Royal Hospital's Teleconsultation service"
ဆေးရုံသို့ လူကိုယ်တိုင် လာရောက်ရန် အခက်အခဲရှိတဲ့ လူနာများအတွက် အထူးကုဆရာဝန်ကြီးများနှင့် 𝐎𝐧𝐥𝐢𝐧𝐞မှတဆင့် ပြသဆွေးနွေးလိုပါက ဖုန်း 𝟎𝟗 𝟕𝟔𝟓 𝟒𝟎𝟖 𝟔𝟎𝟔 သို့ ဆက်သွယ် စုံစမ်းနိုင်ပါတယ်။
#အာရှတော်ဝင်ဆေးရုံ
#ကျန်းမာရေး
#နှာစေးနှာပိတ်ထိပ်ကပ်နာ
#ချောင်းဆိုး
#အသက်ရှူမဝခြင်း
#ခေါင်းမူးခေါင်းကိုက်
#လေထုညစ်ညမ်းမှု
