မြတ်ဆေးဆိုင်

28/05/2024

05/03/2024

#နေမကောင်းလို့ဆေးခန်းသွားပြတာ_သွေးဖြူဥများတယ်_အဆုတ်ရောင်နေတယ်တဲ့
#သွေးဖြူဥများတာဟာ_သွေးကင်ဆာရောဂါလို့ဖတ်မိပြီး_အိပ်လို့တောင်မပျော်တော့ပါဘူး

( #သွေးဖြူဥများခြင်း)

ကျွန်တော်တို့ရဲ့ သွေးမှာ အကြမ်းအားဖြင့်
1. သွေးရည်ကြည် - Plasma
2. သွေးနီဥ၊သွေးဖြူဥ၊သွေးဥမွှား - formed elements ဆိုပြီး ရှိပါတယ်

#သွေးနီဥတွေဟာ
- Oxygen နဲ့ အာဟာရတွေကို ခန္ဓာကိုယ်တစ်ခုလုံးကို ပို့ပေးပြီး
- Carbon Dioxide နဲ့ အညစ်ကြေးတွေကို စွန့်ပစ်ဖို့ အဆုတ်၊အသည်း၊ကျောက်ကပ်တွေဆီပို့ပေးပါတယ်

#သွေးဥမွှားတွေက သွေးခဲတဲ့နေရာမှာ ကူညီပေးပါတယ်

#သွေးဖြူဥတွေက တော့
- ရောဂါပိုးမွှားတွေ (Bacteria, Virus)
- ပြင်ပက ဝင်လာတဲ့ပစ္စည်းတွေကို ဖယ်ရှားရှင်းလင်းတဲ့ အလုပ်ကိုလုပ်ပေးပါတယ်။
- ကိုယ်ခံအားစနစ်ရဲ့ ရှေ့တန်းတိုက်စစ်မှူးတွေပါ

အဲ့ဒါကြောင့် ပိုးတွေက ခန္ဓာကိုယ်ကို ဖျက်ဆီးလို့ နေမကောင်းတဲ့အခါ(ဖျားနာ) ပိုးတွေကို သတ်ဖို့ သွေးဖြူဥတွေကို ခန္ဓာကိုယ်က (ရိုးတွင်းချဉ်ဆီ) အများအပြားထုတ်ပါတယ်
အဲ့ဒါကြောင့် (ပိုးဝင်ပြီး)နေမကောင်းတဲ့ အခါ သွေးဖြူဥ များတတ်ပါတယ်
သွေးဖြူဥဟာ (၄-၁၁) အထိရှိတတ်ပြီး ၁၁ ကျော်ရင် သွေးဖြူဥ များတယ်လို့ ပြောပါတယ် - ဆိုလိုတာက သွေးဖြူဥ များတိုင်း သွေးကင်ဆာ မဟုတ်ပါဘူး

ကင်ဆာဆိုတာက မကောင်းတဲ့cells တွေ အများကြီး တရားလွန်များတာဖြစ်လို့
သွေးကင်ဆာမှာများတဲ့ သွေးဖြူဥဟာ
မကောင်းတဲ့ (ပုံမှန်မဟုတ်တဲ့) သွေးဖြူဥတွေဖြစ်သလို ပမာဏဟာလည်း ၅၀-၁၀၀-၂၀၀ အများကြီးပါ

အဲ့တော့ သွေးဖြူဥ အများကြီးဆို သွေးကင်ဆာဖြစ်ပြီလားဆိုတော့ #ပြောလို့မရသေးပါဘူး
တခြား သွေးအဖြေတွေ ရိုးတွင်းချဉ်ဆီစစ်ဆေးတာတွေ လုပ်ပြီးမှသာ ပြောနိုင်တာဖြစ်ပါတယ်။

အဲ့ဒါကြောင့် သွေးဖြူဥများတယ် ဆိုတိုင်း သွေးကင်ဆာ မဟုတ်ပါကြောင်း

(Photo credit; Rs’ Science )
ကျန်းမာရေးဗဟုသုတ တိုးပြီး
သက်ရှည်ကျန်းမာ စိတ်ချမ်းသာကြပါစေ

Dr. ဘုန်းစည်သူလွင်

(ကျန်းမာရေးဆောင်းပါးများ နေ့စဉ်တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် ကျန်းမာရေးဗဟုသုတတိုးပွား လာပါလိမ့်မယ် 💕💕💕 )