Myat Mon Hospital Myitkyina

21/05/2025

14/05/2025

Flu vaccine available✅

ကြိုတင်စားရင်းပေးရန်
📞 09880888701, 09880888702, 092401034

INFLUVAC Tetra သည် လေးမျိုးစပ်တုပ်ကွေးကာကွယ်ဆေး (quadrivalent influenza vaccine) ဖြစ်ပြီး ကမ္ဘာ့ကျန်းမာရေးအဖွဲ့ (WHO) ၏ အကြံပြုချက်နှင့်အညီ နှစ်စဉ်ပြင်ဆင်ထုတ်လုပ်သော ကာကွယ်ဆေးတစ်မျိုးဖြစ်ပါတယ်။

1...ပါဝင်သောဗိုင်းရပ်စ်များကတော့
- A(H1N1) (A/Victoria/2570/2019-like strain)
- A(H3N2) (A/Darwin/9/2021-like strain)
- B/Victoria lineage (B/Austria/1359417/2021-like strain)
- B/Yamagata lineage (B/Phuket/3073/2013-like strain) တို့ပဲ ဖြစ်ပါတယ်။

2... အာနိသင် ကတော့ ကာကွယ်ဆေးထိုးပြီး 2–3 ပတ်အတွင်း ခုခံအားတုံ့ပြန်မှုဖြစ်ပေါ်ကာ 6–12 လကြာ ခုခံအားစနစ်ရရှိပါတယ်။

3... အသုံးပြုသင့်သူများကတော့
- အသက် 6 လနှင့်အထက်ကလေးများ၊
- လူကြီးများနှင့် သက်ကြီးရွယ်အိုများ၊
- ကိုယ်ဝန်ဆောင်များ (ကိုယ်ဝန်အဆင့်အားလုံး)
- နို့တိုက်မိခင်များ
- နှလုံး၊ အဆုတ်၊ ဆီးချိုရောဂါရှိသူများပဲဖြစ်ပါတယ်။

4... ဆေးထိုးနည်း ကတော့
- လူကြီးနှင့် 9 နှစ်အထက် ကလေးများကို
တစ်နှစ်လျှင် 0.5 mL 1 ကြိမ် .
- 9 နှစ်အောက် ကလေးများ (ပထမဆုံးအကြိမ်ထိုးပါက) 4 ပတ်ခြားပြီး 0.5 mL 2 ကြိမ် ကို ကြွက်သားအတွင်း (အများအားဖြင့် လက်မောင်း သို့မဟုတ် ပေါင်ကြွက်သား) မှာ ထိုးရပါတယ်။

5. ဘေးထွက်ဆိုးကျိုးများအနေနဲ့က
- **အဖြစ်များသောလက္ခဏာများ**:
- ထိုးသည့်နေရာတွင် နာခြင်း၊ နီရဲခြင်း၊ ခေါင်းကိုက်ခြင်း၊ ဖျားခြင်း၊ အားနည်းခြင်း တို့ဖြစ်တတ်ပါတယ်။
- ကလေးများတွင် ဗိုက်နာခြင်း၊ အန်ခြင်း၊ စိတ်တိုခြင်းများဖြစ်တတ်ပါတယ်။
- ပြင်းထန်သောတုံ့ပြန်မှု(အလွန်ရှားပါတယ်) ကတော့ ဓာတ်မတည့်ခြင်း၊ မျက်နှာရောင်ခြင်း၊ အသက်ရှုကြပ်ခြင်း တို့ပဲ ဖြစ်ပါတယ်။

6...မထိုးသင့်သူများကတော့
- INFLUVAC Tetra (သို့) ကြက်ဥပရိုတင်း၊ ဂျန်တာမီဆင်စသော ပါဝင်ပစ္စည်းများနှင့် ဓာတ်မတည့်သူများ နှင့်
- အဖျားကြီးနေစဉ် ပဲ ဖြစ်ပါတယ်။

7... သိုလှောင်ခြင်းအနေနဲ့ကတော့ 2°C–8°C တွင် ရေခဲသေတ္တာထဲ၌ သိမ်းဆည်းရပါတယ်။ (ရေခဲမခဲစေရပါ)

**အရေးကြီးသောမှတ်ချက်**
INFLUVAC Tetra သည် တုပ်ကွေးဗိုင်းရပ်စ်အချို့ကိုသာ ကာကွယ်နိုင်ပြီး အအေးမိခြင်းကဲ့သို့သော အခြားရောဂါများအတွက် မထိရောက်ပါ။ ရောဂါ အခံများရှိသူအနေနဲ့ကတော့ ဆရာဝန်နှင့် တိုင်ပင်ပြီးမှ ထိုးသင့်ပါတယ်။

20/07/2024

🌕 "သန္ဓေ တောထွက် ဓမ္မစက်
ဟောမြွက်သံချို လဝါဆို" ဆိုတဲ့အတိုင်း

ဗုဒ္ဓဘာသာဝင်တို့ အလေးအမြတ်ထားရာ ဝါဆိုလပြည့်နေ့မှာ မြန်မာနိုင်ငံသူ/သားများအားလုံး စိတ်ရောကိုယ်ပါ ကျန်းမာချမ်းသာပြီး ဘေးအန္တရာယ်ကင်းရှင်းကာ ကောင်းကျိုးလိုအင်ဆန္ဒများ တလုံးတဝ ပြည့်စုံကြပါစေကြောင်း Myat Mon Hospital Myitkyina မိသားစု မှ ဆုတောင်းမေတ္တာ ပို့သလိုက်ရပါတယ်ရှင့် 😇😇😇


#ဝါဆိုလပြည့်

06/07/2024

🚨ပြင်းထန်ဝမ်းပျက်ဝမ်းလျှောရောဂါ ( Cholera)🚨

🦠ပြင်းထန်ဝမ်းပျက်ဝမ်းလျှောရောဂါ ( ကာလဝမ်းရောဂါ)ဆ်ိုတာ က Vibrio cholerae လို့ခေါ်တဲ့ Bacteria ကြောင့်ဖြစ်ရခြင်းဖြစ်ပါတယ်

ထိုရောဂါပိုးကြောင့် ပြင်းထန်စွာဝမ်းလျှောခြင်းနဲ့ ရေဓာတ်ခန်းခြောက်ခြင်းကို နာရီပိုင်းအတွင်းဖြစ်စေတတ်တယ်

❗️ဘယ်လိုကူးစက်ပြန့်ပွါးနိုင်သလဲ ❗️

-ရောဂါပိုးပါသောရေကိုသောက်သုံးမိခြင်း

-ရောဂါပိုးပါသော အစာကိုစားသုံးမိခြင်း

-လူနာရဲ့မစင် အန်ဖက်နဲ့တို့ ပေနေသောအရာဝတ္ထုများကို ကိုင်တွယ်မိခြင်း

-အဆိုပါရောဂါဖြင့်သေဆုံးသူကိုထိတွေ့မိခြင်းတို့ကြောင့် ကူးစက်ပြန့်ပွားနိုင်ပါတယ်

🛑 ခံစားရနိုင်သောရောဂါလက္ခဏာများ 🛑

- ပြင်းထန်စွာဝမ်းလျှောခြင်း
(ဆန်ဆေးရေ အရောင်လိုဖြစ်နေမယ်၊ အညှီနံ့ ရှိနေနိုင်တယ်)
- ပျို့ခြင်း / အန်ခြင်း

- ကြွက်တက်ခြင်း

- ရေဓာတ်ခမ်းခြောက်ခြင်း
(နာရီပိုင်းအတွင်းဖြစ်နိုင်တဲ့အတွက် သတိထားရပါမယ်။ ဆီးပေါက်နည်းသွားတာမျိုး သွေးပေါင်ကျလာတာမျိုးရှိနေနိုင်ပါတယ်) ‼️ဒါမျိုးလက္ခဏာရှိလာရင် နီးစပ်ရာကျန်းမာရေးဌာနကိုချက်ချင်းသွားပါ‼️


🚑 ကုသရန်နည်းလမ်းများ 🚑

၁၊ ဓာတ်ဆား

▪️ဒီရောဂါမှာ အဓိကလိုအပ်တာ ဓာတ်ဆားပါ။ WHO ဖော်မြူလာအတိုင်းထုတ်ထားတဲ့ ဓာတ်ဆားကိုသာသုံးရပါမယ်

▪️ဖျော်ပုံဖျော်နည်းမှန်ကန်ဖို့လည်းလိုပါတယ်

▪️လူကြီးတယောက် ကာလဝမ်းရောဂါဖြစ်တဲ့အခြေအနေမှာ ရေဓာတ်ခန်းခြောက်တဲ့လက္ခဏာရှိနေရင် တရက်ကို ဓာတ်ဆား ၆ ထုပ်(၆ လီတာ)ခန့် လိုနိုင်ပါတယ်

▪️ရေဓာတ် အလွန်အမင်းဆုံးရှုံးလာရင်တော့ သွေးကြောထဲ ဓာတ်ဆားရည်သွင်းဖို့လိုနိုင်ပါတယ်

၂၊ Zinc

▪️Zinc တိုက်ကျွေးခြင်းဟာ ဝမ်း
သွားတဲ့အကြိမ်ကို လျော့နည်းစေနိုင်သလို နောက်ထပ်
ဝမ်းလျှောခြင်းကိုပါကာကွယ်ပေးနိုင်ပါတယ်

၃၊ ပိုးသတ်ဆေး

▪️ကျွမ်းကျင် ဆရာဝန် ဆရာမ နှင့်တိုင်ပင်ပြီးမှသာသောက်ပါ

🍎 အစားအသောက်နှင့်အာဟာရ 🍎

- သန့်ရှင်းစွာပြင်ဆင်ထားသောအစားအသောက် များ စားသုံးလို့ရပါတယ်

- ဆန်ပြုတ် စွပ်ပြုတ် လိုကြေလွယ်တဲ့အစာများ ထမင်းရည်၊ အုန်းရည် များ တိုက်ပေးလို့ရပါတယ်

📌ကာကွယ်ခြင်း 📌

✅ သန့်ရှင်းသောရေကိုသောက်သုံးပါ
ရေသန့်မရနိုင်လျှင် ရေကိုကျိုချက်ပြီးမှသောက်ပါ
အိမ်သုံးရေကို ကလိုရင်းဆေးပြားခတ်ပြီးမှသုံးပါ

✅ ယင်လုံအိမ်သာအသုံးပြုပါ

✅ သန့်ရှင်းလတ်ဆတ်သော အစားအသောက်များစားသုံးပါ

ယင်နားစာများ မစားပါနဲ့

အသားငါးအသီးအရွက်များ ကျက်အောင်ချက်ပြုတ်ပြီးမှစားသုံးပါ

✅ လက်ကိုဆပ်ပြာဖြင့် သေချာသန့်စင်အောင်ဆေးပါ

အစားမစားခင် နဲ့ ဝမ်းသွားပြီးတိုင်းလက်ကိုသေချာစွာဆေးပါ

✅ မီးဖိုချောင်သုံးပစ္စည်းများနှင့် အစားအစာများကို ချက်ပြုတ်သည့်နေရာများကို သန့်ရှင်းပြီး ပိုးသတ်ပါ လုံးဝခြောက်သွေ့အောင်ထားပါ။

အထက်ပါနည်းလမ်းများဖြင့် ပြင်းထန်ဝမ်းပျက်ဝမ်းလျှောရောဂါကူးစက်ပြန့်ပွားခြင်းကိုအလျင်အမြန်ကာကွယ်နိုင်မှာဖြစ်ပါတယ်

03/07/2024

ရေကြီးခြင်းကြောင့် ဖြစ်ပေါ်လာသော ကျန်းမာရေး ထိခိုက်မှုများ

ရေကြီးမှုနှင့် ဆိုင်ကလုန်းများသည် ကံမကောင်းစွာဖြင့် မြန်မာနိုင်ငံရဲ့မိုးဦးရာသီကူးပြောင်းကာလမှာကြုံတွေ့ရတတ်ပါတယ်။ ဒါကြောင့် သဘာဝဘေးအန္တရာယ်များနှင့် ဆက်စပ်လျက်ရှိတဲ့ကျန်းမာရေးဆိုင်ရာအန္တရာယ်များ နှင့် ၎င်းတို့ကို ဘယ်လိုရှောင်ရှားရမလဲဆိုတာတွေကို ဖော်ပြချင်ပါတယ်။

ရေကြီးမှုနှင့် ဆိုင်ကလုန်းမုန်တိုင်းများကြောင့်
-ထိခိုက်ဒဏ်ရာရခြင်း
-ရောဂါပိုးကူးစက်မှုများခြင်း
-လိုအပ်တဲ့ဆေးဝါးများကိုလက်လှမ်းမမှီနိုင်ခြင်း
တို့ အပါအဝင် ကျန်းမာရေးဆိုင်ရာ အန္တရာယ်များနှင့် ဆက်စပ်မှုရှိပါတယ်။ အောက်ပါတို့မှာ ရေကြီးမှုနှင့်မုန်တိုင်းတို့ကြောင့် အဖြစ်များသောအန္တရာယ်များနှင့် သင့်ကိုယ်သင် ကာကွယ်နည်းအချို့ပဲဖြစ်ပါတယ်။

🔺1.ညစ်ညမ်းသောရေ
ညစ်ညမ်းသောရေနှင့် ရွှံ့နွံများသည် အနာပိုးဝင်ခြင်း၊ ဝမ်းလျှောခြင်း၊ မျက်မြှေးရောင်ခြင်း၊ နား၊ နှာခေါင်းနှင့် လည်ချောင်း ပိုးဝင်ခြင်းနှင့် leptospirosis ကဲ့သို့သော အခြားကူးစက်ရောဂါများ ဖြစ်နိုင်ခြေ တိုးလာနိုင်ပါတယ်။ ညစ်ညမ်းသောရေနှင့် ထိတွေ့မိသော အစားအစာ၊ အရည် (သို့မဟုတ်) ဆေးဝါးများသည်လည်း သင့်အား ဖျားနာစေနိုင်ပါတယ်။

🔹ဘယ်လိုကာကွယ်ကြမလဲ❓

• မိလ္လာနှင့် အပျက်အစီးများ ဟာညစ်ညမ်းတာကြောင့် တတ်နိုင်လျှင် လမ်းလျှောက်ခြင်း (သို့မဟုတ်) မတော်တဆထိတွေ့မှုမှ ရှောင်ကြဉ်ပါ။ အထူးသဖြင့် ကလေးသူငယ်များ၊ ကိုယ်ဝန်ဆောင်မိခင်များ၊ သက်ကြီးရွယ်အိုများနှင့် နာတာရှည်ရောဂါများ (ဆီးချိုနှင့် ကျောက်ကပ်ရောဂါ)ကဲ့သို့သောရောဂါပိုးကူးစက်ခံရနိုင်ခြေများသောသူများ အတွက် ပိုအရေးကြီးပါသည်။
• အရေပြားကွဲပြဲခြင်း (သို့မဟုတ်) ဒဏ်ရာများရှိပါက ညစ်ညမ်းသောရေများနှင့် ထိတွေ့ခြင်းမှ ရှောင်ကြဉ်ပါ။
• ဒဏ်ရာ၊ ပွန်းပဲ့ခြင်း (သို့မဟုတ်) အခြားဒဏ်ရာတစ်ခုခုရပါက ၎င်းတို့ကို သန့်ရှင်းသောရေဖြင့် ဆေးကြောပြီး အဝတ်စဖြင့် ဖုံးအုပ်ပါ။ ပြတ်ရှဒဏ်ရာ (သို့မဟုတ်) နီမြန်းခြင်း၊ နာကျင်ခြင်း၊ဒဏ်ရာနက်ပါက သင့်ဆရာဝန်ထံ ချက်ချင်းပြသပါ။
• ပျက်စီးသွားသောအရာဝတ္ထုများ၊ ညစ်ညမ်းသောရေ (သို့မဟုတ် )ရွှံ့နွံများနဲ့ထိတွေ့ခြင်း၊ အစားအသောက်ပြင်ဆင်ခြင်း၊ ထမင်းမစားမီနှင့် အိမ်သာသွားသည့်အခါ လက်ကို ဆပ်ပြာနှင့်ရေ (သို့မဟုတ်) လက်သန့်ဆေးရည်ဖြင့် ဆေးကြောပါ။
• ရေနှင့် ထိတွေ့နိုင်သော ဆေးဝါးများကို စွန့်ပစ်ပါ။
• ညစ်ညမ်းသောရေနှင့် ထိတွေ့မိသော အစားအစာများ၊ ပျက်စီးသွားသော အစာများကို စွန့်ပစ်ပါ။
• ဒေသတွင်း ရေပေးဝေမှု ညစ်ညမ်းခြင်း ရှိ၊ မရှိ စစ်ဆေးရန် သင့်ဒေသကောင်စီကို ဆက်သွယ်ပါ။ သံသယရှိပါက အသုံးမပြုမီ သောက်ရေအားလုံးကို သေချာကျိုချက်ပြီးမှသောက်သုံးပါ။

🔺2. လိုအပ်တဲ့ဆေးဝါးများကိုလက်လှမ်းမမီနိုင်ခြင်း

🔹ဘယ်လိုဆောင်ရွက်ကြမလဲ❓
• နေ့စဉ်သုံးစွဲနေရသောဆေးဝါးများဟာ သင့်ကျန်းမာရေးအတွက် မရှိမဖြစ် ဖြစ်ပါတယ်။ သဘာဝဘေးအန္တရာယ်တစ်ခုကြောင့် သင်ဟာ သင့်အိမ်မှထွက်ခွါရမည့် အခြေအနေမျိုးမှာ သင့်ရဲ့ဆေးဝါးများ၊ ဆေးညွှန်းစာများ၊ ကျန်းမာရေးစောင့်ရှောက်မှုမှတ်တမ်းများနှင့် သင့်ဆရာဝန်၏ ဆက်သွယ်ရန်အသေးစိတ်အချက်အလက်များကို သေချာကြိုတင်ထုပ်ပိုးထားပါ။

• သင့်ရဲ့ဆေးဟာ ရေခဲသေတ္တာထဲတွင် သိမ်းဆည်းထားရန် လိုအပ်သော်လည်း အအေးခန်းထဲတွင် ဆက်လက်သိုလှောင်ရန် အခြေအနေမပေးပါက ထိုဆေးတွေကိုစွန့်ပစ်သင့်ပြီး အစားထိုးသင့်ပါတယ်။ သို့သော် ဆေးဟာ မရှိမဖြစ်လိုအပ်ပါက (ဥပမာ အင်ဆူလင်ကဲ့သို့သော) ဆေးတွေကို ထောက်ပံ့မှုအသစ်မရမချင်း ဆက်လက်အသုံးပြုနိုင်ပါတယ်။

• မိလ္လာနှင့် အခြားအညစ်အကြေးများ(သို့မဟုတ်) ဓာတုပစ္စည်းများကြောင့် ညစ်ညမ်းသောရေဖြင့် ထိတွေ့ထားသော ဆေးဝါးများကို စွန့်ပစ်ပါ။

🔺3.ထိခိုက်ဒဏ်ရာရခြင်း

ရေကြီးခြင်း (သို့မဟုတ်)ဆိုင်ကလုန်းမုန်တိုင်းအပြီး သန့်ရှင်းရေးလုပ်သည့်အခါ ထိခိုက်ဒဏ်ရာရခြင်း၊ အမြင့်မှပြုတ်ကျခြင်းကြောင့် ဒဏ်ရာရခြင်း စတာတွေ ဖြစ်ပေါ်နိုင်ပါတယ်။

🔹ဘယ်လိုကာကွယ်ကြမလဲ❓

• ရွှံ့မျက်နှာပြင်များဟာ အလွန်ချောပြီး ပြုတ်ကျပါက အရိုးကျိုးခြင်းနှင့် အခြားဒဏ်ရာများ ဖြစ်စေနိုင်ပါတယ်။ ဒါကြောင့် တံမြက်စည်း၊ လက်ကိုင်တုတ် (သို့မဟုတ်) အလားတူသည့် လမ်းလျှောက်တုတ်များကို အသုံးပြုပြီး သင့်အား ကြံ့ခိုင်ဘေးကင်းအောင် အသုံးပြုပါ။ ထိခိုက်ဒဏ်ရာရပါကနယ်မြေအရေးပေါ်ဝန်ဆောင်မှထံမှ အကူအညီရယူပါ။

🔺4. မြွေနှင့်အင်းဆက်အန္တရာယ်

ရေလွှမ်းမိုးမှု သို့မဟုတ် ဆိုင်ကလုန်းမုန်တိုင်းပြီးနောက် သင့်အိမ် (သို့မဟုတ်) အပျက်အစီးများကြားတွင် ခိုလှုံလာနိုင်သည့် မြွေ (သို့မဟုတ်) ပင့်ကူများ၊ အခြားသောအင်းဆက်အကောင်များကို သတိထားပါ။

🔹သင့်အား ဘေးကင်းစေရန် ကူညီရန် အကြံပြုချက်များ

မြွေနှင့် ပင့်ကူကိုက်ခြင်းများသည် အသက်အန္တရာယ်ရှိနိုင်ပါတယ်။ မြွေ (သို့မဟုတ်) ပင့်ကူကိုက်ခံရပါက အောက်ပါအဆင့်များကို လိုက်နာပါ။
• လူနာတင်ယာဉ်ကိုချက်ချင်းခေါ်ဆိုပါ။
• အကိုက်ခံရသောနေရာကို မသန့်ရှင်းတဲ့ရေဖြင့်ဆေးကြောခြင်း၊ အနာကိုလှီးဖြတ်ခြင်း၊ အနာကိုပါးစပ်ဖြင့်စုတ်ခြင်း တို့ကိုရှောင်ကြဉ်ပါ။
• အကိုက်ခံရသောလက် (သို့မဟုတ်) ခြေထောက် ကို တစ်လျှောက် ကို Splint ခံ၍ ပတ်တီးဖြင့်စည်းခြင်းဖြင့် မလှုပ်အောင်ထားပါ။
• ဝမ်းဗိုက် သို့မဟုတ် ခန္ဓာကိုယ်ပေါ်တွင် အကိုက်ခံရပါက အကိုက်ခံရသည့်နေရာကို တိုက်ရိုက်ဖိအားပေးကာ ထားပါ။
• အကိုက်ခံရသည့်နေရာတွင် ပတ်တီးကိုအမှတ်အသားပြုလုပ်ပါ။
• ဆေးရုံသို့အချိန်မှီပို့ဆောင်ပြီး ကုသမှုကိုအမြန်ဆုံးခံယူပါ။
🔺 ခြင်မှကူးစက်တတ်သောရောဂါပိုးများ
မိုးသည်းထန်စွာရွာသွန်းမှုကြောင့် ရေစီးရေလာကျဆင်းခြင်းနှင့် ရေများစုပုံခြင်းတို့ဟာ ခြင်ပေါက်ဖွားမှုအတွက် ပြီးပြည့်စုံသော အခြေအနေများကို ပေးစွမ်းနိုင်ပြီး ခြင်မှပေါက်ဖွားသော ကူးစက်ရောဂါများ ဖြစ်ပွါးနိုင်ချေကိုမြင့်တက်စေပါတယ်။

🔹ဘယ်လိုကာကွယ်ကြမလဲ❓

• ပိုးသတ်ဆေးများကို အသုံးပြုပါ။
• ဖြစ်နိုင်လျှင် ညဘက်အိပ်သောအခါ ခြင်ထောင်ထောင်ပါ။
• အိမ်တွင်း ခြင်ဆေးဖြန်းခြင်း(သို့မဟုတ်) ခြင်ဆေးခွေထွန်းခြင်း။
• လက်ရှည်အဝတ်အစား၊ဘောင်းဘီရှည်များကို ဝတ်ဆင်ပါ။
• လိုအပ်ပါက ပေါက်ဖြဲနေသော ခြင်ဇကာများကို ပြုပြင်ပါ။
• ခြင်ပေါက်ပွားမှုမှ ကာကွယ်ရန် မြောင်းများမှ အမှိုက်များနှင့် စွန့်ပစ်ပစ္စည်းများကို ဖယ်ရှားပါ။
• ရေများစုပုံနေသည့်နေရာများနှင့် ခြံဝန်းအတွင်းနှင့် လုပ်ငန်းခွင်များတွင် ရေစီးရေလာကောင်းအောင် မြောင်းများဖောက်လုပ်သန့်ရှင်းပါ။
• အိမ်တွင်းရေလှောင်ကန်များတွင် ခြင်များပေါက်ပွါးနိုင်တာကြောင့် လိုအပ်ပါက ရေကန်မျက်နှာပြင်များ ကြံ့ခိုင်မှုကို စစ်ဆေးပြီး လိုအပ်ပါက အစားထိုးပြင်ဆင်ပါ။

❗️အချိန်နဲ့တပြေးညီ သသဘာဝဘေးပညာပေးစာများကို စောင့်ကြည့်ပါ။
❗️မိုးလေဝသသတင်းတွေကို ကြည့်ရှုနားထောင်ပြီး အကြံပြုချက်တွေကို လိုက်နာပါ။ ဘေးလွတ်ရာနေရာကို ပြောင်းရွှေ့ဖို့ လိုအပ်ပါကပြောင်းရွှေ့ခိုလှုံပါ။
❗️မုန်တိုင်းအန္တရယ် ကင်းရှင်းကြောင်း သတင်းထုတ်ပြန်တဲ့အထိ ဘေးကင်းတဲ့ နေရာမှာ နေထိုင်ပါ။

17/04/2024

Happy Myanmar New Year 😇😇😇

05/04/2024

အပူရှိန်ကြောင့်ဖြစ်နိုင်တဲ့ ပြဿနာသုံးမျိုးရှိပါတယ်။
1. Heat cramps
2. Heat exhaustion
3. Heat stroke

1. Heat cramps
ခန္ဓာကိုယ်ထဲမှာ ရေနဲ့ သတ္တုဓါတ်တွေစတင်နည်းပါးလာပြီဆိုတာ စပြတဲ့ ပြဿနာပါ။ ကိုယ်အပူချိန်တက်လာမယ်။ ကြွက်သားတွေနာမယ်။ ကြွက်တက်မယ်။ များသောအားဖြင့် ခြေထောက်နဲ့ဝမ်းဗိုက်ကြွက်သားတွေမှာဖြစ်တာပါ။
အလွယ်ကူဆုံးကုသနည်းကတော့ အရိပ်ရတဲ့နေရာမှာနေပြီး ဓါတ်ဆားဖျော်သောက်လိုက်တာပါပဲ။

2. Heat exhaustion
ပြဿနာနည်းနည်းစရှိလာပါပြီ။ နေပူထဲမှာ အချိန်အကြာကြီး နေတာကြာလာရင် ချွေးထွက်လွန်လာရင် ဒီပြဿနာစဖြစ်ပါပြီ။ အဲ့လူကိုသွားကိုင်ကြည့်ရင် အေးအေးစိုစိုကြီးဖြစ်နေပါလိမ့်မယ်။ ခေါင်းကိုက် မူးဝေ အော့အန် စိတ်ရှုပ်ထွေးတာတွေပါလာပါလိမ့်မယ်။အသက်ရှုတာ မြန်လာပါလိမ့်မယ်။
ရှေးဦးသူနာကုသနည်းကတော့ အရိပ်ရပြီးအေးတဲ့နေရာမှာထားပါ။ လှဲနေရင်းခြေထောက်ကိုအပေါ်ထောင်ထားပေးပါ။ ထူထဲနေတဲ့အဝတ်တွေကိုချွတ်ပါ။ရေနဲ့ဓါတ်ဆားပြန်ဖြည့်ပေးပါ။ အဲ့ဒါမှအခြေနေမကောင်းသေးရင် ဆေးရုံပြေးပါ။

3. Heat stroke
အန္တရာယ်အရှိဆုံးပါ။ အပေါ်ကနှစ်ခုကအရင်ဆုံးပြတဲ့ လက္ခဏာတွေဖြစ်ပြီး အဲ့ဒီအဆင့်တွေကို သေချာမကုသနိုင်ခဲ့ရင် heat stroke အဆင့်စပါပြီ။ ခန္ဓာကိုယ်ဟာ အပူချိန်ကိုမထိန်းနိုင်တော့ပါဘူး။ အပူချိန်ဟာ အမြင့်ဆုံးထိထိုးတက်သွားနိုင်ပါတယ်။ သွေးခုန်နှုန်းမြန်လာပါပြီ။ အဲ့လူကို ကိုင်ကြည့်ရင် ပူပူနဲ့ခြောက်ခြောက်ကပ်ကပ်ကြီးပါ။ အပူချိန်ကိုထိန်းညှိပေးဖို့ ချွေးမထွက်နိုင်တော့ပါဘူး။ သတိလစ်တာ တက်တာ အထိဖြစ်ပါတယ်။ အသက်အန္တရာယ်ရှိပါပြီ။
Ambulance ခေါ်ပါတော့။ ကားမရောက်သေးခင်မှာ အရေးပေါ်အနေနဲ့ အရိပ်ရနေရာမှာထားပါ။ လူတွေမအုံပါစေနဲ့။လေဝင်လေထွက်ကောင်းပါစေ။ သတိရနေသေးရင် ရေနဲ့ဓါတ်ဆားတိုက်ပါ။ ရေပတ်တိုက်ပါ။ ချိုင်းကြားပေါင်ကြား ရေဝတ်ကပ်ပေးပါ။

1. အဝတ်အစားအထူကြီးတွေမဝတ်ကြပါနဲ့။
2. နေရိပ်ထဲမှာ အတတ်နိုင်ဆုံးနေပါ။
3. အပြင်ထွက်ရင် ဦးထုပ် ထီးဆောင်းပါ။
4. ရေနှင့်ဓါတ်ဆားဆောင်ထားပါ။

02/03/2024

🌾🍚 တောင်သူလယ်သမားနေ့ 🌾🍚

2.3.2024 တွင်ကျရောက်သော (၆၂)ကြိမ်မြောက် "တောင်သူလယ်သမားနေ့"ကို ဂုဏ်ပြုကြိုဆိုလိုက်ပါတယ်

ကျေးဇူးရှင် တောင်သူလယ်သမားများနှင့်တောင်သူဦးကြီးများကျန်းမာချမ်းသာစေကြောင်း ဆုမွန်ကောင်းတောင်းအပ်ပါသည် 😇😇

11/01/2024

✨ကရင်နှစ်သစ်ကူး ✨

ကရင်သက္ကရာဇ် (၂၇၆၃)ခုနှစ်
ကရင်နှစ်သစ်ကူး နေ့ကို ဂုဏ်ပြုကြိုဆိုလိုက်ပါတယ်ရှင်

ကရင် တိုင်းရင်းသားများနှင့်တကွ မြန်မာနိုင်ငံသူ နိုင်ငံသားများအားလုံး ကိုယ်စိတ်နှစ်ပါး ကျန်းမာ ချမ်းသာပြီး ကောင်းခြင်းမင်္ဂလာနှင့် ပြည့်စုံသော
နှစ်သစ် ဖြစ်ပါစေကြောင်း
ဆုတောင်းမေတ္တာ ပို့သအပ်ပါတယ်ရှင့် 😇🙏🏻😇

25/12/2023

Wish a Merry Christmas to you all !! 🌟 🎅🏻 🎄

20/11/2023

ကလေးတွေ screen time များရင်

29/10/2023

ဝါလကင်းလွတ်သီတင်းကျွတ်အချိန်အခါသမယတွင် စိတ်၏ချမ်းသာခြင်း၊ ကိုယ်၏ကျန်းမာခြင်းနှင့်ပြည့်စုံပါစေ🙏🏻🙏🏻🙏🏻
စီးပွားဥစ္စာတွေလည်း တိုးတက်ကြီးပွားပါစေကြောင်း Myat Mon Hospital Myitkyina မိသားစုမှ ဆုမွန်ကောင်းတောင်းအပ်ပါတယ်ရှင် 🙏🏻 🙏🏻 🙏🏻

Happy Thadingyut to you all ✨🏮🏮🏮