အာယုဒီဃ

28/01/2025

📢📢📢မိဘပြည်သူများရှင် 📢📢📢

အမည်မသိ ဖုန်းနံပါတ်များဖြင့်
အာယုဒီဃ ရောဂါရှာဖွေရေးနှင့်အထူးကုဆေးခန်း အမည်အသုံးပြု၍ အခြားသူများထံမှ ငွေချေးငှားခြင်း အကူအညီ‌ေတာင်းခြင်းများ စသဖြင့် ငွေရေးကြေးရေးကိစ္စရပ်များ လိမ်လည်လှည့်ဖျားမှုများ ကြားသိရပါသည်။

မိမိတို့ဆေးခန်းအနေဖြင့် မည်သူတစ်ဦးတစ်ယောက်ထံမှ ငွေ‌ကြေးကိစ္စရပ်များ အကူအညီတောင်းခံစရာ မရှိပါသဖြင့် အဆိုပါကိစ္စရပ်များ ဖြစ်ပေါ်ပါက အာယုဒီဃ အထူးကုဆေးခန်းနှင့် လုံး၀ သက်ဆိုင်မှု မရှိပါ‌ကြောင်းနှင့် တာ၀န်ယူဆောင်ရွက်ပေးမည်လည်း မဟုတ်ပါကြောင်း လေးစားစွာ အသိပေး ‌ကြေညာအပ်ပါသည်။

02/04/2024

🌞 ရာသီလာခြင်းဆိုင်ရာ ပြဿနာ အဖြေရှာ 🌞

- - - - - - - - - - - - - - - - - - - - - - - - - -

🌀 Q. တချို့အမျိုးသမီးတွေက ရာသီလာခါနီးဆိုရင် ဒေါသထွက်တာလို စိတ်ဝေဒနာတွေ ဖြစ်တတ်တယ်လို့ သိရပါတယ်ဆရာ။ အဲဒါကို ဘယ်လို လျှော့ချသင့်ပါသလဲ ဆရာ။

🔘 A. တချို့က ရာသီလာခါနီးအချိန်မှာ လူသတ်ချင်တဲ့စိတ်တွေ
ဖြစ်ပေါ်လာတတ်ပါတယ်။ အဲဒီအချိန်ကျရင် သူဟာ သူမဟုတ်တော့ဘဲ ဘယ်သူရောက်လာမှန်း မသိလောက်အောင် စိတ်ပိုင်းဆိုင်ရာ အပြောင်းအလဲတွေ ဖြစ်လာတတ်ပါတယ်။ စိတ်တင်မကဘဲ ခန္ဓာကိုယ်ကလည်း ၀၀ဖိုင့်ဖိုင့်ကြီး ဖြစ်နေပြီလို့ ခံစားရတတ်ပါတယ်။

နေရတာ ခေါင်းကိုက်တယ်၊ မူးတယ်၊ ပျို့တယ်၊ ရင်သားတွေ တင်းတယ်၊ စိတ်တိုလွယ်တယ်၊ စိတ်က တင်းကျပ်နေတယ်၊ အိပ်လို့ မပျော်တော့ဘူး၊ စိတ်တွေ ဂယောက်ဂယက်ဖြစ်လာတယ်။

ပြဿနာမျိုးစုံနဲ့ ထောင်ကျနေတဲ့ အမျိုးသမီးတွေကို လိုက်ပြီး သုတေသနလုပ်တဲ့အခါကျတော့ သူတို့ရာဇ၀တ်မှု ကျူးလွန်လိုက်တဲ့အချိန်က ရာသီလာခါနီး တစ်ပတ်အလို၊ နှစ်ပတ်အလိုလောက်မှာ ဖြစ်တာကို သွားတွေ့ရပါတယ်။ ဒါကို PMS ( Premenstrual Syndrome ) ဒါမှမဟုတ် Premenstrual Tension လို့ ခေါ်ပါတယ်။ ဒါက ရာသီလာခါနီး ဟော်မုန်းတွေ အပြောင်းအလဲဖြစ်တဲ့ဒဏ်ကို ဒီမိန်းကလေးတွေက မခံနိုင်တာပဲ ဖြစ်ပါတယ်။

အမျိုးသမီးတိုင်း ဟော်မုန်းအပြောင်းအလဲတွေ ဖြစ်ပေမယ့်
တချို့အမျိုးသမီးတွေက ခံနိုင်ရည်ရှိပြီး တချို့က ခံနိုင်ရည်မရှိတတ်ပါဘူး။ တကယ်တော့ ရာသီအကြိုမှာ ဖြစ်တဲ့ဝေဒနာတွေက ရောဂါတစ်ခု
မဟုတ်ပါဘူး၊ ဟော်မုန်းအပြောင်းအလဲကြောင့် ဖြစ်တာပဲ ဖြစ်ပါတယ်။ ဒါက ကြောက်စရာကောင်းတဲ့ ရောဂါမဟုတ်ဘဲ သဘာ၀တရားဆိုပြီး ရင်ဆိုင်ကျော်လွှားဖို့ပဲ ဖြစ်ပါတယ်။ ဒီအချိန်မှာ စိတ်ကို ဘယ်လိုထားရမယ်၊ ဘယ်လို ပြင်ဆင်ရမယ်ဆိုတာ သိသွားရင် ဘာမှ ပြဿနာ မရှိတော့ပါဘူး။

အရေးကြီးတာက ဒီအချိန်မှာ စိတ်ဖိစီးမှုကို လျှော့ချရပါမယ်။
စိတ်ရော ကိုယ်ပါ ဖြေလျှော့တတ်ဖို့လည်း လိုပါတယ်။
တရားထိုင်တာ၊ ယောဂကျင့်တာ စတဲ့ ဖြေလျှော့နည်းတွေ အများကြီးရှိပါ တယ်။ ဗီတာမင် B6 မှီဝဲပေးရပါမယ်။
Evening Primose Oil ကို မှီဝဲပေးရင် အများကြီး အထောက်အကူပြုပါတယ်။
အဲဒီအချိန်မှာ အိပ်ရာထဲ ခွေခေါက်မနေဘဲ လမ်းလျှောက်လေ့ကျင့်ခန်း
လုပ်ပေးရပါမယ်။
၀မ်းချုပ်မခံဘဲ ၀မ်းမှန်မှန်သွားအောင် အမျှင်ဓာတ်ပါတဲ့ အစားအသောက်တွေ စားပေးရပါမယ်။
- - - - - - - - - - - - - - - - - - - - - - - - - - - - - - - - - - - - - - - - - - - - - -

🌀 Q. ရာသီလာတဲ့အခါ တချို့အမျိုးသမီးတွေက သွေးဆင်းများတတ်ပါတယ်။ အဲဒါက ဘာကြောင့်ဖြစ်ရပါသလဲ ဆရာ။

🔘 A. ဆယ်ကျော်သက်တွေမှာ ဟော်မုန်းတွေမမှန်လို့
သွေးဆင်းများတတ်ပါတယ်။ စိတ်ဖိစီးမှု၊ စိတ်ဆင်းရဲတာနဲ့ ၀မ်းနည်းတာကြောင့်လည်း သွေးဆင်းများတတ်ပါတယ်။ တစ်ခါတလေ ရောဂါတွေကြောင့်လည်း သွေးဆင်းများတတ်ပါတယ်။ သားအိမ်ထဲမှာ အလုံးဖြစ်နေရင်၊ အသားပိုထွက်နေရင်၊ နေရာလွဲမှား သားအိမ်အတွင်းသား ( Endometriosis ) ရောဂါရှိရင်၊ မျိုးပွားအင်္ဂါမှာ ပိုး၀င်ရောင်ရမ်းနေရင်
သွေးဆင်းများတတ်သလို တစ်ခါတစ်ရံ သားအိမ်ထဲမှာ သန္ဓေတားပစ္စည်း ထည့်ထားရင်လည်း သွေးဆင်းများတတ်ပါတယ်။ သားအိမ်ကင်ဆာ၊ သားအိမ်ခေါင်းကင်ဆာတွေကြောင့်လည်း သွေးဆင်းများတတ်ပါသေးတယ်။

ဒါကြောင့် သွေးဆင်းများတာကို မပေါ့ဆပါနဲ့။ တစ်ခါတလေ ဘာရောဂါမှမရှိဘဲ၊ ဘာအကြောင်းကြောင့်မှန်း မသိဘဲ သွေးဆင်းများနေတာမျိုးလည်း ရှိတတ်ပါတယ်။ သွေးတွေ အများကြီးဆင်းရင် သွေးအားနည်းတတ်ပါတယ်၊ မောပန်းနေတတ်ပါတယ်။ ပုံမှန်အတိုင်း လမ်းလျှောက်နေရင်း ရင်တွေ တုန်လာတတ်ပါတယ်။ ဒါကြောင့် မပေါ့ဆဘဲ ဆရာ၀န်နဲ့ ပြသင့်ပါတယ်။
- - - - - - - - - - - - - - - - - - - - - - - - - - - - - - - - - - - - - - - - - - - - -

🌀 Q. တချို့တွေမှာ ရာသီ လုံး၀မလာတဲ့ အခြေအနေဆိုတာ ရှိတတ်ပါတယ်။ အဲဒါကရော ဘာကြောင့်ဖြစ်ရပါသလဲ ဆရာ။

🔘 A. တစ်ခါတလေ မျှော်သာမျှော် ပေါ်မလာတဲ့ အရာတစ်ခု ရှိပါတယ်။ အဲဒါက “ဓမ္မတာ” ရာသီပဲ ဖြစ်ပါတယ်။ တချို့ကလေးမလေးတွေ အပျိုဖော်၀င်ရမယ့်အရွယ် မ၀င်ဘဲ ရာသီမလာတာ ဖြစ်တတ်ပါတယ်။ အသက် ၁၆ နှစ် ပြည့်တဲ့အချိန် ရာသီမလာတာက တစ်ခါတလေ ဟော်မုန်းတွေမမှန်လို့ ဖြစ်နိုင်သလို မွေးလမ်းကြောင်းအပေါက်မပါတာ၊ ပိတ်ဆို့နေတာ၊ သားအိမ်မပါတာ၊ သားအိမ်အပေါက်မပါတာ၊ သားဥအိမ်မပါတာ တို့ကြောင့်လည်း ဖြစ်တတ်ပါတယ်။ ပုံမှန်အားဖြင့် အသက် ၄၅ နှစ်ကျော်မှ
သွေးဆုံးရမယ့်အစား ရှားရှားပါးပါး ငယ်ငယ်ကလေးနဲ့ သွေးဆုံးသွားတာကြောင့်လည်း ဖြစ်တတ်ပါတယ်။ နောက်တစ်ချက်က ကိုယ်၀န်ရှိနေလို့လည်း ဖြစ်နိုင်ပါတယ်။

🌞 ရာသီလာခြင်းဆိုင်ရာ ပြဿနာ အဖြေရှာ 🌞

🔹 ဒေါက်တာစိုးလွင် 🔹
သားဖွားမီးယပ် အထူးကုဆရာ၀န်ကြီး ဖြေကြားသည်။
- - - - - - - - - - - - - - - - - - - - - - - - - - - - - - - - - -

🌀 Q. တချို့အမျိုးသမီးတွေက ရာသီလာခါနီးဆိုရင် ဒေါသထွက်တာလို စိတ်ဝေဒနာတွေ ဖြစ်တတ်တယ်လို့ သိရပါတယ်ဆရာ။ အဲဒါကို ဘယ်လို လျှော့ချသင့်ပါသလဲ ဆရာ။

🔘 A. တချို့က ရာသီလာခါနီးအချိန်မှာ လူသတ်ချင်တဲ့စိတ်တွေ
ဖြစ်ပေါ်လာတတ်ပါတယ်။ အဲဒီအချိန်ကျရင် သူဟာ သူမဟုတ်တော့ဘဲ ဘယ်သူရောက်လာမှန်း မသိလောက်အောင် စိတ်ပိုင်းဆိုင်ရာ အပြောင်းအလဲတွေ ဖြစ်လာတတ်ပါတယ်။ စိတ်တင်မကဘဲ ခန္ဓာကိုယ်ကလည်း ၀၀ဖိုင့်ဖိုင့်ကြီး ဖြစ်နေပြီလို့ ခံစားရတတ်ပါတယ်။

နေရတာ ခေါင်းကိုက်တယ်၊ မူးတယ်၊ ပျို့တယ်၊ ရင်သားတွေ တင်းတယ်၊ စိတ်တိုလွယ်တယ်၊ စိတ်က တင်းကျပ်နေတယ်၊ အိပ်လို့ မပျော်တော့ဘူး၊ စိတ်တွေ ဂယောက်ဂယက်ဖြစ်လာတယ်။

ပြဿနာမျိုးစုံနဲ့ ထောင်ကျနေတဲ့ အမျိုးသမီးတွေကို လိုက်ပြီး သုတေသနလုပ်တဲ့အခါကျတော့ သူတို့ရာဇ၀တ်မှု ကျူးလွန်လိုက်တဲ့အချိန်က ရာသီလာခါနီး တစ်ပတ်အလို၊ နှစ်ပတ်အလိုလောက်မှာ ဖြစ်တာကို သွားတွေ့ရပါတယ်။ ဒါကို PMS ( Premenstrual Syndrome ) ဒါမှမဟုတ် Premenstrual Tension လို့ ခေါ်ပါတယ်။ ဒါက ရာသီလာခါနီး ဟော်မုန်းတွေ အပြောင်းအလဲဖြစ်တဲ့ဒဏ်ကို ဒီမိန်းကလေးတွေက မခံနိုင်တာပဲ ဖြစ်ပါတယ်။

အမျိုးသမီးတိုင်း ဟော်မုန်းအပြောင်းအလဲတွေ ဖြစ်ပေမယ့်
တချို့အမျိုးသမီးတွေက ခံနိုင်ရည်ရှိပြီး တချို့က ခံနိုင်ရည်မရှိတတ်ပါဘူး။ တကယ်တော့ ရာသီအကြိုမှာ ဖြစ်တဲ့ဝေဒနာတွေက ရောဂါတစ်ခု
မဟုတ်ပါဘူး၊ ဟော်မုန်းအပြောင်းအလဲကြောင့် ဖြစ်တာပဲ ဖြစ်ပါတယ်။ ဒါက ကြောက်စရာကောင်းတဲ့ ရောဂါမဟုတ်ဘဲ သဘာ၀တရားဆိုပြီး ရင်ဆိုင်ကျော်လွှားဖို့ပဲ ဖြစ်ပါတယ်။ ဒီအချိန်မှာ စိတ်ကို ဘယ်လိုထားရမယ်၊ ဘယ်လို ပြင်ဆင်ရမယ်ဆိုတာ သိသွားရင် ဘာမှ ပြဿနာ မရှိတော့ပါဘူး။

အရေးကြီးတာက ဒီအချိန်မှာ စိတ်ဖိစီးမှုကို လျှော့ချရပါမယ်။
စိတ်ရော ကိုယ်ပါ ဖြေလျှော့တတ်ဖို့လည်း လိုပါတယ်။
တရားထိုင်တာ၊ ယောဂကျင့်တာ စတဲ့ ဖြေလျှော့နည်းတွေ အများကြီးရှိပါ တယ်။ ဗီတာမင် B6 မှီဝဲပေးရပါမယ်။
Evening Primose Oil ကို မှီဝဲပေးရင် အများကြီး အထောက်အကူပြုပါတယ်။
အဲဒီအချိန်မှာ အိပ်ရာထဲ ခွေခေါက်မနေဘဲ လမ်းလျှောက်လေ့ကျင့်ခန်း
လုပ်ပေးရပါမယ်။
၀မ်းချုပ်မခံဘဲ ၀မ်းမှန်မှန်သွားအောင် အမျှင်ဓာတ်ပါတဲ့ အစားအသောက်တွေ စားပေးရပါမယ်။
- - - - - - - - - - - - - - - - - - - - - - - - - - - - - - - - - - - - - - - - - - - - - -

🌀 Q. ရာသီလာတဲ့အခါ တချို့အမျိုးသမီးတွေက သွေးဆင်းများတတ်ပါတယ်။ အဲဒါက ဘာကြောင့်ဖြစ်ရပါသလဲ ဆရာ။

🔘 A. ဆယ်ကျော်သက်တွေမှာ ဟော်မုန်းတွေမမှန်လို့
သွေးဆင်းများတတ်ပါတယ်။ စိတ်ဖိစီးမှု၊ စိတ်ဆင်းရဲတာနဲ့ ၀မ်းနည်းတာကြောင့်လည်း သွေးဆင်းများတတ်ပါတယ်။ တစ်ခါတလေ ရောဂါတွေကြောင့်လည်း သွေးဆင်းများတတ်ပါတယ်။ သားအိမ်ထဲမှာ အလုံးဖြစ်နေရင်၊ အသားပိုထွက်နေရင်၊ နေရာလွဲမှား သားအိမ်အတွင်းသား ( Endometriosis ) ရောဂါရှိရင်၊ မျိုးပွားအင်္ဂါမှာ ပိုး၀င်ရောင်ရမ်းနေရင်
သွေးဆင်းများတတ်သလို တစ်ခါတစ်ရံ သားအိမ်ထဲမှာ သန္ဓေတားပစ္စည်း ထည့်ထားရင်လည်း သွေးဆင်းများတတ်ပါတယ်။ သားအိမ်ကင်ဆာ၊ သားအိမ်ခေါင်းကင်ဆာတွေကြောင့်လည်း သွေးဆင်းများတတ်ပါသေးတယ်။

ဒါကြောင့် သွေးဆင်းများတာကို မပေါ့ဆပါနဲ့။ တစ်ခါတလေ ဘာရောဂါမှမရှိဘဲ၊ ဘာအကြောင်းကြောင့်မှန်း မသိဘဲ သွေးဆင်းများနေတာမျိုးလည်း ရှိတတ်ပါတယ်။ သွေးတွေ အများကြီးဆင်းရင် သွေးအားနည်းတတ်ပါတယ်၊ မောပန်းနေတတ်ပါတယ်။ ပုံမှန်အတိုင်း လမ်းလျှောက်နေရင်း ရင်တွေ တုန်လာတတ်ပါတယ်။ ဒါကြောင့် မပေါ့ဆဘဲ ဆရာ၀န်နဲ့ ပြသင့်ပါတယ်။
- - - - - - - - - - - - - - - - - - - - - - - - - - - - - - - - - - - - - - - - - - - - -

🌀 Q. တချို့တွေမှာ ရာသီ လုံး၀မလာတဲ့ အခြေအနေဆိုတာ ရှိတတ်ပါတယ်။ အဲဒါကရော ဘာကြောင့်ဖြစ်ရပါသလဲ ဆရာ။

🔘 A. တစ်ခါတလေ မျှော်သာမျှော် ပေါ်မလာတဲ့ အရာတစ်ခု ရှိပါတယ်။ အဲဒါက “ဓမ္မတာ” ရာသီပဲ ဖြစ်ပါတယ်။ တချို့ကလေးမလေးတွေ အပျိုဖော်၀င်ရမယ့်အရွယ် မ၀င်ဘဲ ရာသီမလာတာ ဖြစ်တတ်ပါတယ်။ အသက် ၁၆ နှစ် ပြည့်တဲ့အချိန် ရာသီမလာတာက တစ်ခါတလေ ဟော်မုန်းတွေမမှန်လို့ ဖြစ်နိုင်သလို မွေးလမ်းကြောင်းအပေါက်မပါတာ၊ ပိတ်ဆို့နေတာ၊ သားအိမ်မပါတာ၊ သားအိမ်အပေါက်မပါတာ၊ သားဥအိမ်မပါတာ တို့ကြောင့်လည်း ဖြစ်တတ်ပါတယ်။ ပုံမှန်အားဖြင့် အသက် ၄၅ နှစ်ကျော်မှ
သွေးဆုံးရမယ့်အစား ရှားရှားပါးပါး ငယ်ငယ်ကလေးနဲ့ သွေးဆုံးသွားတာကြောင့်လည်း ဖြစ်တတ်ပါတယ်။ နောက်တစ်ချက်က ကိုယ်၀န်ရှိနေလို့လည်း ဖြစ်နိုင်ပါတယ်။

24/03/2024

🔔နှာခေါင်းပိတ်ခြင်း🔔

လွန်စွာမှ အဖြစ်များပြီး အသက်အရွယ်၊ ကျားမမရွေး ဖြစ်ပွါးနိုင်ပါတယ်။ နှာခေါင်းပိတ်ခြင်းဟာ နှာစေးခြင်းနှင့် အမြဲလိုလို တွဲ၍ ဖြစ်ပေါ်လေ့ရှိပြီး
နေရထိုင်ရခက်ခဲရုံသာမက အသက်ရှူကြပ်၍ အိပ်မရခြင်းများပါ ဖြစ်တတ်ပါတယ်။

ဘာ့ကြောင့်ဖြစ်တာလဲ❓

အအေးမိခြင်းကြောင့် အများဆုံး ဖြစ်ပေါ်တတ်တဲ့အပြင် အခြားအကြောင်းများစွာ လည်း ရှိပါသည်။

✅ နှာခေါင်းဓာတ်မတည့်ခြင်း၊

✅ နှာခေါင်းသွေးလျှံခြင်း၊

✅ နှာခေါင်းအသားပို ထွက်ခြင်း၊

✅ အနံ့မရခြင်း၊

✅ နှာခေါင်း ထိခိုက်မိခြင်း၊

✅ နှာခေါင်းအတွင်းသို့ ပြင်ပပစ္စည်း ဝင်ခြင်း၊

✅ နှာခေါင်းကင်ဆာရောဂါ၊

✅ ထိပ်ကပ်နာရောဂါ

စတာများကြောင့်လည်း နှာခေါင်းပိတ်ခြင်းကို ဖြစ်ပေါ်စေနိုင် ပါတယ်။

နောက်ဆက်တွဲ ဘာတွေ ဖြစ်ပေါ်လာနိုင်ပါသလဲ❓

အချိန်ကြာလာသည်နှင့် အမျှ နှာခေါင်းဖြင့် အသက်ရှူ၍ မရသည့်အတွက် ပါးစပ်နှင့် အသက်ရှူရတဲ့အတွက် ပါးစပ်နှင့် ကြာရှည်စွာ အသက်ရှူ လာရပါက..

📌 အာခေါင်ခြောက်လာခြင်း၊
📌 ညဘက်အိပ်ရေးမဝခြင်း၊
📌 လန့်လန့်နိုးခြင်း၊
📌 နှစ်နှစ်ခြိုက်ခြိုက် အိပ်ပျော်၍ မရခြင်း၊
📌 မှတ်ဉာဏ်ကျလာခြင်း၊
📌 အာရုံစူးစိုက်၍ မရခြင်း၊
စတာတို့ ဖြစ်ပေါ်လာနိုင်ပါတယ်။

နှာခေါင်း ဓာတ်မတည့် မှုများကြောင့်လည်း နှာခေါင်းပိတ်ခြင်းများ ဖြစ်ပေါ်လာနိုင်ပါတယ်။ ထိုအခါ နှာခေါင်းပွင့်စေရန် နှာခေါင်းပွင့်ဆေး သုံးရတဲ့အတွက် အသုံးများလာပါက နှာခေါင်းနံရံမှာ ရှိတဲ့ အမွေးလေးများ ပျက်ဆီးသွားတတ်ပါတယ်။

နှာခေါင်းပိတ်ခြင်းဟာ အဖြစ်များသော ရောဂါတစ်မျိုးဖြစ်ပါတယ်။ ဒါ့ကြောင့် နှာပိတ်ခြင်း၊ နှာမွှန်ခြင်း နှင့် နှာချေခြင်းများ မကြာခဏ ဖြစ်လာပါက ပေါ့ဆမနေပဲ ဆရာဝန်နှင့် စနစ်တကျ တိုင်ပင်ပြသ၍ ကုသသင့်ပါသည်။

ယခုအခါ အာယုဒီဃ ရောဂါရှာ‌ေဖွ‌ေရးနှင့် အထူးကုဆေးခန်းတွင် နား၊နှာခေါင်း၊ လည်ချောင်းနဲ့ ပတ်သက်သော ရောဂါများ ပြသရန် လိုအပ်လာပါက ပြသနိုင်ပြီ ဖြစ်ကြောင်း သတင်းကောင်း ပါးအပ်ပါသည်။

23/03/2024

✅မိမိတို့၏ နေ့စဉ်နှင့် အမျှ လုပ်ဆောင်ရမည့် လုပ်ငန်းတာဝန်များကို ပြီးမြောက်အောင် ကြိုးပမ်းလုပ်ဆောင်နေကြပြီး ကိုယ်ခန္ဓာကျန်းမာရေးကိုမူ ဂရုပြုဖို့ မေ့လျော့နေတတ်ကြသည်။ ထိုသို့ သတိပြုမှုအားနည်းခြင်းကြောင့် မလိုလားအပ်သော ရောဂါဝေဒနာများကို အချိန်လွန်မှ သိရှိကာ အသက်အန္တရာယ်ကို ထိခိုက်စေသည်အထိဆိုးကျိုးများခံစားရနိုင်ပါတယ်။

သင်ကိုယ်တိုင်ကော သင့်ခန္ဓာကိုယ်မှ ပြသသည့်အချက်အလက်များကို မည်သည့် အချိန်ကနောက်ဆုံး သတိပြုမိခဲ့ပါသလဲ ⁉

ယခုဖော်ပြသော လက္ခဏာများ သင့်ခန္ဓာကိုယ်တွင်ခံစားရလာပါက နီးစပ်ရာဆေးရုံဆေးခန်းသို့ သွားရောက်ပြသ၍ ဆရာဝန်များနှင့် တိုင်ပင်ဆွေးနွေးသင့်ပြီဖြစ်ပါတယ်။



--------------------------------

12/03/2024

👩‍⚕️ သားအိမ်မှာ အသားလုံးတည်တယ်ဆိုတာ...‏‏
‎‏‏‎ ‎
🎀🎀🎀🎀🎀🎀‎🎀 🎀 ‎‏‏
‎‏‏‎ ‎
သားအိမ်ထဲမှာ အသားလုံးတည်ခြင်း (Uterine fibroid) ဆိုတာကို ကြားဖူးတဲ့သူတွေရှိသလို တစ်ခါမှ မကြားဖူးတဲ့ သူတွေလည်းရှိမှာပါ။ ကျွန်မတို့အမျိုးသမီးတွေမှာ အဖြစ်များတဲ့ရောဂါတစ်ခုဖြစ်လို့ သိထားသင့်တဲ့အတွက် ဒီအကြောင်းကို ရေးလိုက်ရပါတယ်ရှင်... ✍️

👉 လူ (၁၀၀)မှာ အယောက် (၈၀) လောက်အထိ ဒီရောဂါဖြစ်နိုင်ပါတယ်။ သားအိမ်ထဲ အသားလုံးရှိပေမဲ့ ရောဂါလက္ခဏာမပြတဲ့သူတွေရှိနိုင်တာကြောင့် ဒီထက်ရာခိုင်နှုန်းများနိုင်ပါသေးတယ်။ ဒါကြောင့်လည်း အမျိုးသမီးတိုင်း တစ်သက်မှာတစ်ခါ သားအိမ်တွင် အသားလုံး ဖြစ်နိုင်ခြေရှိတယ်လို့တောင် ဆိုကြပါတယ်။ အဖြစ်အများဆုံးအရွယ်ကတော့ အသက် (၃၀)မှ (၅၀) အတွင်း ဖြစ်ပါတယ်။

ဘာကြောင့်ဖြစ်တာလဲ ?

✡️ အပျိုဖော်ဝင်တဲ့အချိန်ကစလို့ သွေးမဆုံးခင်အချိန်အထိ Estrogen နဲ့ Progesterone ဟော်မုန်းတွေကြောင့် သားအိမ်ထဲမှာ အသားလုံးတွေဖြစ်နိုင်ပါတယ်။ သွေးဆုံးပြီးတဲ့အမျိုးသမီးတွေမှာလည်း Estrogen ပါဝင်တဲ့ ကုသမှုခံယူနေတဲ့သူတွေဆိုရင် အသားလုံးဖြစ်နိုင်ခြေ ရှိပါတယ်။ ဒါ့အပြင် အဝလွန်ခြင်း ၊ မိသားစုမျိုးရိုးနဲ့လည်း သက်ဆိုင်ပါတယ်။

ဘယ်လိုလက္ခဏာတွေဖြစ်တတ်လဲ ?

❇️ အသားလုံးအရွယ်အစား အရမ်းသေးရင် ရောဂါလက္ခဏာမပြတတ်ပေမဲ့ တဖြည်းဖြည်း ကြီးလာတာနဲ့အမျှ အောက်ပါလက္ခဏာတွေ ပြလာနိုင်ပါတယ်။
- သွေးဆင်းများခြင်း
- မကြာခဏသွေးဆင်းခြင်း
- ရာသီမမှန်ခြင်း ၊ ရာသီရက်ရှည်ခြင်း
- ဗိုက်အောက်ပိုင်း နာခြင်း
- ဗိုက်ဖောင်းလာခြင်း
- မကြာခဏဆီးသွားတတ်ခြင်း

ကိုယ်ဝန်ဆောင်မိခင်တွေရော ဖြစ်နိုင်လား ?

🤰 ကိုယ်ဝန်ဆောင်အမျိုးသမီးတွေလည်း သားအိမ်အသားလုံးဖြစ်နိုင်ပါတယ်။ ကိုယ်ဝန်ဆောင်ချိန်မှာ သားအိမ်ကြီးထွားလာတဲ့အတွက် အသားလုံးကို သွားဖိပြီး ဗိုက်အောင့်တာ ၊ ကိုယ်ဝန်ပျက်ကျတာ ၊ လမစေ့ပဲမွေးတာ ၊ မွေးပြီးရင်လည်း သားအိမ်မကျုံ့နိုင်လို့ သွေးထွက်လွန်တာမျိုးတွေ ဖြစ်တတ်ပါတယ်။

✅ ဒါကြောင့် ကိုယ်ဝန်မဆောင်ခင် ၊ ကိုယ်ဝန်ဆောင် နေစဥ် ၊ မီးဖွားစဥ် သားဖွားမီးယပ်အထူးကုဆရာဝန်ရဲ့ စောင့်ရှောက်မှုကို ခံယူဖို့ အလွန်အရေးကြီးပါတယ်။

ကုသလို့ရနိုင်လား?

🔰 သားအိမ်ထဲကအသားလုံးတွေရဲ့ အရွယ်အစားကို သေးအောင်ပြုလုပ်တဲ့နည်း ၊ အသားလုံးကို ခွဲထုတ်တဲ့နည်းလမ်းတွေအများကြီး ရှိပါတယ်။ ဆရာဝန်နဲ့တိုင်ပင်ပြီး သင့်တော်တဲ့နည်းကို ရွေးချယ်၍ ကုသနိုင်ပါတယ်။

👩‍⚕️ သားအိမ်ထဲမှာရှိတဲ့ အသားလုံးအရေအတွက် ၊ ကုသနည်း ၊ ဟော်မုန်းနဲ့ အခြားအကြောင်းအရာ တွေအပေါ်မူတည်ပြီး နောက်ထပ်ပြန်ဖြစ်နိုင်ခြေရှိပါတယ်။ ဒါကြောင့် ရောဂါလက္ခဏာများ ပြန်ပေါ်လာလျှင် ထပ်မံကုသမှုခံယူသင့်ပါတယ်ရှင်…

Ref: https://www.yourperiod.ca/uterine-fibroids
https://www.evernow.com/our-experts
https://www.nhs.uk/
https://www.mayoclinic.org
‏‏
‎‏‏‎ ‎
လေးစားချစ်ခင်ခြင်းများစွာဖြင့်
‏‏
‎‏‏‎ ‎
ဒေါက်တာထား





#ကျန်းမာလှပစေကြောင်းနည်းလမ်းကောင်းများ

Uterine fibroids are common, appearing in 70-80% of women by age 50. In many women, fibroids do not cause any trouble; however, 20-50% of women with uterine fibroids experience a number of symptoms. This section provides an in depth look at uterine fibroids. Find accurate information about the sympt...

11/03/2024

ဝမ်းချုပ်တဲ့ ပြဿနာ

အူမကြီးနဲ့ စအိုရောဂါ ခွဲစိတ်ကုဆရာဝန်တစ်ယောက်အနေဖြင့် လူနာများဆီကနေ အကြားရဆုံး ပြဿနာတစ်ခုကတော့ ဝမ်းချုပ်တယ်ဆိုတဲ့ ပြဿနာပါပဲ။

အထူးသဖြင့် အမျိုးသမီးလူနာတွေဆီကနေ ပိုပြီး ဒီ ဝမ်းချုပ်တယ်ဆိုတဲ့ ပြဿနာကို ပိုပြီးကြားရလေ့ရှိတယ်။ အမျိုးသားတွေဆီက ကြားရတာနည်းတယ်။ ဘာလို့ အမျိုးသမီးတွေက ဝမ်းပိုချုပ်လဲဆိုတော့ အဓိကကတော့ အမျိုးသမီးဟော်မုန်းတွေက ဝမ်းချုပ်စေတာက တမျိုး၊ အမျိုးသမီးတွေက ဆီးဝမ်းကိစ္စမှာ အမျိုးသားတွေထက်ပိုပြီး privacy issue ဆိုတဲ့ လုံခြုံစိတ်ချရမှုလိုတာက တကြောင်း၊ ရေသောက်နည်း၊ ကိုယ်လက်လှုပ်ရှားမှုနည်းတာတွေကြောင့် အမျိုးသမီးတွေမှာ ဒီဝမ်းချုပ်တဲ့ ပြဿနာ ပိုဖြစ်ကြရတာ များပါတယ်။ ဒါကတော့ အမျိုးသမီးတွေ ဝမ်းပိုချုပ်ရတဲ့ အကြောင်းရင်းတွေပေါ့။

လူနာတစ်ယောက်က ကျွန်တော့်ဆီ ဝမ်းချုပ်လို့ဆိုပြီးလာရင် အရေးအကြီးဆုံးကတော့ လူနာရဲ့ ဝမ်းချုပ်ပုံဟာ အချိန်တိုအတွင်းမှာ ဖြစ်လာတာလား။ ဒါမှမဟုတ် နှစ်ပေါင်းများစွာ ဝမ်းချုပ်တဲ့ပြဿနာနဲ့ နပန်းလုံးနေတာလား မေးရပါတယ်။

အချိန်တိုအတွင်း သိသိသာသာ လအနည်းငယ် အတွင်း ဝမ်းသွားနေကျ ပုံစံပြောင်းသွားပြီး ဝမ်းချုပ်လာပြီဆိုရင်တော့ အရေးအကြီးဆုံးဖြစ်တဲ့ အူမကြီးကင်ဆာ ဟုတ်မဟုတ် သေချာအောင် မှန်ပြောင်းကြည့်ရပါတော့မယ်။ ကျန်တာနောက်ထား မှန်ပြောင်းက အရင်ပါ။

အဲ့လိုမဟုတ်ဘူး။ ကျွန်မက ဟိုးအပျိုဘဝကတည်းက ဝမ်းချုပ်လာတာ အခု အသက်၄၀ ရှိပြီဆိုရင်တော့ ကင်ဆာဖြစ်နိုင်ခြေက အတော်နည်းပါတယ်။ သဘောကတော့ နှစ်ပေါင်းဆယ်ချီ ဝမ်းချုပ်လာခဲ့တာဆိုရင်တော့ ကင်ဆာဖြစ်နိုင်ခြေ နည်းပါတယ်။

နောက် လူနာတွေနဲ့ ဆွေးနွေးပြီး အချိန်ကုန်ရတဲ့ ကိစ္စကတော့ တကယ် ဝမ်းချုပ်/မချုပ်ပါပဲ။

ကျွန်တော်တို့ မြန်မာ အပါအဝင် အာရှတိုက်သား လူမျိုးများဟာ အင်မတန် ဝမ်းသွားရတာ ဝါသနာပါကြသဗျ။ တနေ့နေလို့ တခါ ဝမ်းမသွားရရင်ဘဲ ကမ္ဘာပျက်မလို ၊ ရောဂါကြီးပဲ လွယ်ထားရသလို ပြောပြကြပါတယ်။ အဲ့ဒီ တနေ့တခါ ဝမ်းမသွားရရင်ဖြင့် မနေနိုင်ပေါင် ဇာတ်လမ်းဟာ မြန်မာပြည်တင်မက၊ ကျွန်တော် အလုပ်လုပ်ခဲ့တဲ့ စင်ကာပူ မှာလဲ တရုတ်လူမျိုးတွေဟာ ဒီအတိုင်းပဲ ထပ်တူ complaint ဆရာဝန်ကို ပူဆာကြသဗျ။ တချို့ လူနာတွေများ ကျွန်မအီးပေါက်တာ အီးပါတာ အနံ့နံလို့ဆိုပြီး လာပြကြတဲ့ လူနာလဲ ဒုနဲ့ဒေးပါပဲ။ ကျွန်တော်တို့က အကျိုးရယ် အကြောင်းရယ် ရှင်းပြကြပေမယ့် အီးပေါက်တာ နံလို့ဆိုပြီး လူနာက complaint ကွန်ပလိန့်လို့ကတော့ ကျွန်တော်တို့ရဲ့ပါမောက္ခတန်ချောင်ယောင်းကတော့ ဘယ်အီးကမွှေးလိုလဲဆိုပြီး ပြောတော့တာပဲ။

ပြောချင်တာက လူနာရဲ့ ဝမ်းချုပ်တာနဲ့ ဆရာဝန်ရဲ့ ဝမ်းချုပ်တာဟာ အနည်းငယ် ကွဲပြားမှုရှိပါတယ်။ အာရှသားတွေက နေ့တိုင်း ဝမ်းသွားရမှ ကျေနပ်တယ်။ အဲ့တာမှ ကျန်းမာတယ်လို့ထင်တယ်။ အဲ့တော့ နေ့တိုင်း ဝမ်းသွားရအောင် ကြိုးပမ်းတယ်။ ဝမ်းသွားချင်စိတ် ရှိရှိ မရှိရှိ မိုးလင်းတာနဲ့ ရေသောက်ပြီး အိမ်သာထဲ ဖုန်းတစ်လုံးဆွဲပြီး ဝင်သွားတယ်။ တမေ့တမောကြီးထိုင်တယ်။ ညှစ်တယ်။ အဲ့လို ကြိုးပမ်းတာတောင် ဝမ်းမသွားရင် ဝမ်းချုပ်တယ်လို့ ကိုယ့်ဟာကိုယ် သတ်မှတ်ကြတာ များတယ်။ အီးထွက်မထွက်တော့ မသိဘူး။ နေ့တိုင်း ထိုင်ညှစ်နေတာကြောင့် နှစ်ပေါင်းများစွာ ကြာလာတဲ့အခါ လိပ်ခေါင်းတွေတော့ ထွက်လာပြီး ကျွန်တော့်ဆီ မကြာခဏပဲ ရောက်လာပါသဗျ။

သူများ ဝမ်းဘယ်နှစ်ခါသွားလဲ လိုက်ပြိုင်တဲ့ လူနာလဲ မရှားဘူး။ သူကျ နေ့တိုင်းသွားတယ်။ ငါက သူ့လောက်မသွားဘူး။ အဲ့တော့ ငါက ဝမ်းချုပ်တယ်။ အဲ့တော့ ဝမ်းနှုတ်ဆေး စားမယ်ဆိုတဲ့သူတွေလဲ မနည်းမနောနော်။

ကျွန်တော်ဆီ ဝမ်းချုပ်တယ်ဆိုပြီးပြောရင် ကျွန်တော်က မေးရတယ်။ ဝမ်းချုပ်တယ် ဆိုတာ ဘာကို ပြောတာလဲလို့။ အများအားဖြင့် လူနာပြန်ဖြေတာက နေ့တိုင်းဝမ်းမသွားဘူး၊ ဝမ်းနှုတ်ဆေးစားမှ သွားတယ်လို့ ဖြေကြတာများတယ်။ ဆရာဝန် အနေနဲ့ နေ့တိုင်း ဝမ်းမသွားတာကို ဝမ်းချုပ်တယ်လို့တော့ မသတ်မှတ်နိုင်ဘူး။

ဆရာဝန်ရဲ့ ဝမ်းချုပ်တယ်လို့ သတ်မှတ်တာက ဒီလို

တပတ်ကို ၃ ကြိမ်တောင် မသွားဘူးဆိုရင်

ဝမ်းသွားတိုင်းချွေးဒီးဒီးကျအောင် ညှစ်ရပြီး ဒုက္ခရောက်ရင်

ဝမ်းက ဘယ်အချိန်ဖြစ်ဖြစ်မာကျစ်ပြီး စမြင်းတုံး ကျောက်ခဲဖြစ်နေရင်

လက်နဲ့ ကလော်ထုတ်နေရရင်

ဝမ်းသွားရင် အဝမှာ ပိတ်ဆို့ပြီး မဝရင် ဝမ်းကျန်သလိုဖြစ်ရင်

အဲ့တာတွေ တကယ် အမှန်အကန်ရှိနေရင်တော့ ကျွန်တော့်ဖက်က မှန်ပြောင်းကြည့် ဘာညာ ဆက်လုပ်စရာရှိတာတွေ လုပ်ရတော့တာပေါ့ ။

အဲ့လိုမဟုတ်ဘဲ နေ့တိုင်း ဝမ်းမသွားလို့ဆိုတဲ့ အကြောင်းဆိုရင်တော့ လူနာကို ရှင်းပြရတော့တာပေါ့ဗျာ။ အမလေး အဲ့ အီးကိစ္စဟာ လူနာကို အချိန်အင်မတန်ပေးရပြီး လည်ချောင်းနာအောင် ရှင်းပြရတဲ့ ပြဿနာပဲ ခင်ဗျား။

အဲ့တာကြောင့် လည်ချောင်းမနာရအောင်ကတကြောင်း၊ ကိုယ့်ဟာကိုယ် ဝမ်းတကယ် ချုပ်တာလား၊ ဒါမှမဟုတ် သူများကိုယှဉ်ပြီး တနေ့တခါ ဝမ်းသွားရအောင် ကြိုးပမ်းတာလား ကွဲကွဲပြားပြား သိရအောင် ဒီစာလေးက အထောက်အကူပြုမယ်လို့ ယူဆကြောင်းပါ။

နောက်မှ ဝမ်းချုပ်တဲ့အကြောင်းတွေ ဆက်ပြောကြသေးတာပေါ့။

Copy from

07/03/2024

လိပ်ခေါင်း ၊ စအိုကွဲရောဂါတွေ မဖြစ်အောင် အဓိက ရှောင်ရမယ့် ကိစ္စ
# # # # # # # # # # # # # # # # # # # # # # # # # # # # #

လူနာတွေက ကျွန်တော့်ကို မေးကြတယ်။ လိပ်ခေါင်းရောဂါ၊ စအိုကွဲရောဂါတွေ ခွဲစိတ်ပြီးရင် ဘာတွေ ရှောင်ရမလဲတဲ့။ တခါ အဲ့ဒီလူနာတွေကပဲ သူတို့ရဲ့ မိတ်ဆွေတွေ၊ ဆွေမျိုးတွေရော အဲ့လိုရောဂါတွေ မဖြစ်အောင် အစားအသောက် အနေအထိုင်ဘာတွေရှောင်ရမလဲတဲ့။

ကျွန်တော်တို့ လူမျိုးဟာလေ အင်မတန် အစားအသောက် အနေအထိုင် ရှောင်ချင်တဲ့ လူမျိုးဗျ။ ကျွန်တော်က ဘာမှရှောင်စရာမလိုပါဘူးပြောရင် လူနာတွေက သိပ်သဘောမကျဘူး။ သူတို့ကို ပစ်စလတ်ခတ် ပေါ့ပျက်ပျက်ပြောတယ် ထင်တတ်ကြသေးတယ်။ တကယ်က ကျွန်တော်က တကယ်မလိုလို့ မလိုဘူးပြောတာသာ ဖြစ်ပါတယ်။

ကျွန်တော်က အူမကြီးစအိုရောဂါတွေခွဲတဲ့ ခွဲစိတ်ဆရာဝန်ဆိုတော့ အဲ့ရောဂါနဲ့ ပက်သက်တဲ့ ရှောင်ကျဉ်ရန်ကို ဒီစာမှာရေးပေးပါ့မယ်။

ဒီလိပ်ခေါင်း၊ စအိုကွဲနာတွေ မဖြစ်အောင်၊ ခွဲပြီးရင်လဲ ပြန်မဖြစ်အောင် ရှောင်ရမယ့် အဓိက အကြောင်းအရင်းက အိမ်သာထဲမှာ အကြာကြီးမထိုင်ဖို့ပါပဲ။

လူအတော်များများက မိုးလင်းတာနဲံ အိမ်သာတက်တာကို အလုပ်ကြီးတစ်ခုလို လုပ်လေ့ရှိကြတယ်။ ကိုယ်ခန္ဓာအကျင့်အရ ပုံမှန် လျောလျောရှူရှူထွက်တဲ့သူလဲရှိတယ်။ သူတို့က အရေးမကြီးဘူး။ တချို့ကျ တကယ် ဝမ်းသွားချင်စိတ်မရှိဘဲ မိုးလင်းတာနဲ့ အိမ်သာမှာ အချိန်အကြာကြီး ထိုင်နေတတ်ကြတယ်။ ဒါက တကယ့် ပြဿနာပါပဲ။

ဘိုထိုင်အိမ်သာပဲဖြစ်ဖြစ် ဗမာထိုင်အိမ်သာပဲဖြစ်ဖြစ် အိမ်သာရဲ့ သဘောသဘာဝက ဖင်ကို အခုအခံ အတားအဆီးမရှိဘဲ ဝမ်းသွားလို့ရအောင် ဖွင့်ပေးထားတယ်။ သဘောက ဖင်မှာ support လို့ခေါ်တဲ့ အခုအခံ အတားအဆီးမရှိဘူး။ အခုအခံ အတားအဆီးမရှိပဲ အကြာကြီးထိုင်နေတဲ့အတွက် ဖင်မှာရှိတဲ့ သွေးကြောတွေထဲမှာ pressure ဖိအားတက်လာတယ်။ အဲ့တော့ ဖုလာဖောင်းလာတယ်။ အိမ်သာမှာ ကြာကြာကလဲထိုင်သေး၊ လူကလဲ ညှစ်သေးဆိုတော့ ဖင်ထဲရှိရှိသမျှဟာတွေကို အလကားနေ ညှစ်ထုတ်နေတာနဲ့ မတူပေဘူးလားဗျာ။ အဲ့သလို နှစ်ပေါင်းများစွာ လွဲမှားတဲ့ အိမ်သာတက်ခြင်း
ဓလေ့ကို မွေးမြူလာတဲ့သူတွေမှာ လိပ်ခေါင်းတို့ စအိုကွဲတာတို့ဖြစ်တာဟာ တယ်တော့လဲ မထူးဆန်းလှပါဘူး။

အရင်ခေတ်က အိမ်သာတက်ရင် စာအုပ်နဲ့ သတင်းစာနဲ့။ အခုခေတ်ကျ ပိုဆိုးသွားပြီ။ အိမ်သာထဲ ဖုန်းယူသွားတယ်။ Facebook တွေ tit tok တွေ IG တွေနဲ့ အချိန်အများကြီးကုန်တယ်။ game တွေဆော့တယ်။ အဲ့တာတွေကို အကြာကြီး ဖင်ဖွင့်ထိုင်ပြီး လုပ်နေတော့ ဖင်က အခုအခံ support က မရှိ၊ ဖုန်းပွတ်နေတော့ တကယ်ဝမ်းသွားချင်စိတ်က မလာတော့ဘဲ အိမ်သာမှာ အလကားနေရင်း ဖင်ဖွင့်ပြီးထိုင်နေသလို ဖြစ်တော့တာပေါ့ဗျာ။

လူဆိုတဲ့ သတ္တဝါဟာ မတ်မတ်နေတဲ့ သတ္တဝါဖြစ်တဲ့အတွက် စအိုဧရိယာဟာ ကမ္ဘာ့ဆွဲအား gravity အရ သွေးစုတာများတဲ့ နေရာဖြစ်တယ်။ အဲ့တာကိုမှ အကြာကြီးထိုင်ပြီး ညှစ်နေတော့ စဉ်းစားသာကြည့်ပေတော့ဗျာ မိတ်ဆွေများ။ လေးဖက်ထောက်နေတဲ့ တိရိစ္ဆာန်တွေမှာ လိပ်ခေါင်းဖြစ်လေ့ သိပ်မရှိဘူးလို့ဆိုတယ်။ ဘာလို့ဆို သူတို့ဖင်ဟာ gravity သဘောအရ အနိမ့်ဆုံးက ဖင်ဧရိယာ မဟုတ်လို့ပါဘဲ။

ပြောချင်တာက တကယ်ဝမ်းသွားလိုစိတ်ပြင်းထန်မှ အိမ်သာတက်ပါ။ တာဝန်ကြီးလိုသွားထိုင်မနေပါနဲ့။ ဖုန်း၊ စာအုပ် ယူမသွားပါနဲ့။ မြန်မြန်ကိစ္စပြီးတာနဲ့ မြန်မြန်ထွက်ပါလို့ အကြံပေးလိုချင်းပါပဲ။

အစားအသောက် အနေနဲ့ကတော့ တကယ်က အိမ်သာတက်သလောက် အရေးမကြီးပါဘူး။ တခါတလေများ Facebook မှာ လျှောက်ဖတ်ကြည့်ရင် အမလေး ရှောင်ခိုင်းလိုက်တာ ရှောင်ခိုင်းလိုက်ကြတာများ စားစရာကို မရှိတော့ဘူး။

ကျွန်တော်ပြောနေကျကတော့ ရေများများသောက်ပါ။ လှုပ်လှုပ်ရှားရှား တောက်တောက်တောက်တောက်ကလေးနေပါ။ အသီးအရွက် သင့်တင့်မျှတအောင်သားပါ။ တမင်သက်သက် နင်းကန်အရွက်တွေ စွတ်မစားပါနဲ့။ အသီးအရွက် fiber ရဲ့ သဘောက အီးတုံးကို ကြီးစေပါတယ်။ အီးတုံးကြီးတဲ့အတွက် လူကို ဝမ်းသွားချင်စိတ် ညှစ်လိုသောစိတ်ကိုတော့ ပေးပါရဲ့။ ဒါပေမယ့် အဲ့အီးတုံးအကြီးကြီးကို ပြန်ညှစ်နေရတာကြောင့် စအိုကွဲတာတွေ ဖြစ်နိုင်ပါတယ်။ အသီးအရွက်က တော်သင့်ရုံဆို အဆင်ပြေပါတယ်။

အပူအစပ် ဟိုဟိုဒီဒီရှောင်ရမလား။ ကိုယ့်ဟာကို စားကြည့်ပါ။ ကိုယ့်နဲ့အဆင်ပြေရင် ဒုက္ခဘာမှ မဖြစ်ရင် ကိုယ်ကြိုက်ရင် စားပါ။ ဒီဟာစားလို့ နောက်နေ့ဝမ်းသွားရ အဆင်မပြေရင် မစားနဲ့ပေါ့ဗျာ။ ကိုယ်ကလဲကြိုက်တယ် ဘာမှလဲ ဒုက္ခမရောက်ဘူးဆိုရင်လဲ စားပေါ့ဗျာ။ ဘာဖြစ်လဲ ကိုယ်ကြိုက်တာကိုယ်စားတာပဲ။ ဥပမာ ကျွန်တော်ဆို အစပ်ကြိုက်တယ်၊ စားလဲ ဘာမှ မဖြစ်ဘူး။ အဲ့တော့ ကျွန်တော်စားတယ်လေ။ ဘာဖြစ်လဲ၊ ဟုတ်ဘူးလားဗျာ။

အလကားနေ သူများရှောင်ခိုင်းတိုင်းရှောင်နေရတာက အဓိပ္ပါယ်မှ မရှိတာဗျာ။ ကိုယ်နဲ့ အဆင်ပြေရင် ကိုယ်စားမှာပေါ့။ လူဆိုတာ တယောက်နဲ့တယောက် ထပ်တူညီနေတာမှ မဟုတ်တာ။ ဒုက္ခမဖြစ်ရင်စားပေါ့။ ကိုယ်စားချင်တာ စားရတော့ စိတ်ချမ်းသာတယ်လေ။ အဓိကက သန့်သန့်ရှင်းရှင်းစားဖို့ ပါပဲ။


#လိပ်ခေါင်း
#စအိုကွဲနာ

ဒီစာကတော့ ကျွန်တော်ပြောချင်တဲ့ စအိုနဲ့ပက်သက်တဲ့ ရောဂါတွေအတွက် ဆောင်ရန်ရှောင်ရန်ပါပဲ ခင်ဗျား။

06/03/2024

အူမကြီးကင်ဆာ ဟုတ်မဟုတ် ဘယ်လို စစ်ဆေးမလဲ။
# # # # # # # # # # # # # # # # # # # # # # # # # # # # # # # #

မနေ့က အူမကြီးကင်ဆာ၏ ရောဂါလက္ခဏာများအကြောင်း ပြောပြခဲ့ပါတယ်။

ဒီနေ့တော့ အဲ့ဒီလက္ခဏာတွေရှိတယ်။ တကယ် အူမကြီးကင်ဆာ ဟုတ်မဟုတ် သေချာအောင် ဘယ်လို စစ်ဆေးကြမလဲ ဆက်ပြီး ပြောပြပါမယ်။

အူမကြီးကင်ဆာ ဟုတ်တယ် မဟုတ်ဘူး၊ ရှင်းရှင်းလင်းလင်း ပြတ်ပြတ်သားသား သိချင်ရင် ဘာမှ ဦးနှောက်ခြောက်ခံနေစရာမလိုပါဘူး။ လုပ်စရာ တခုပဲ ရှိပါတယ်။ အဲ့တာကတော့ အူမကြီးမှန်ပြောင်း colonoscopy ကြည့်တာပါပဲ။ ကင်ဆာ ဟုတ်ရင်ဟုတ်ကြောင်း မဟုတ်ရင်လဲ မဟုတ်ကြောင်း ပြတ်ပြတ်သားသား သိရမယ့် တခုထဲသော နည်းလမ်းပါပဲ။

ဒီနေရာမှာ အများစုပြောကြသလို အူမကြီးကင်ဆာလို့ ရောရောနှောနှောပြောရသော်လည်း တကယ်က အူမကြီးကင်ဆာတွင် ဆေးပညာအားဖြင့် အပိုင်း (၃) ပိုင်း ပါသည်။

အူမကြီးလို့ခေါ်နေကြသော အပိုင်းတွင် Colon ဟုခေါ်သော အူမကြီးအပိုင်း၊ re**um ဟုခေါ်သော မစင်အိမ်အပိုင်း၊ a**s ဟုခေါ်သော စအိုအပိုင်း ဟူ၍ သုံးပိုင်းပါသည်။

အူမကြီးမှန်ပြောင်းကြည့်လျှင် ထိုသုံးပိုင်းလုံးတွင် အလုံးအကြိတ်ရှိမရှိ၊ အနာရှိမရှိ၊ ကင်ဆာရှိမရှိ ဇာတ်လမ်းပြတ်ပြီးဖြစ်သည်ဟု နားလည်ရန်လိုပါသည်။

အူမကြီးမှန်ပြောင်းသည် အဖုအကြိတ်ကို မြန်မာလိုဆို နှမ်းစေ့လောက်ကစ၍ မြင်ရသည်ဟု ဆိုနိုင်ပါသည်။ သဘောကတော့ အစောဆုံးသိနိုင်သည့် တခုတည်းသော နည်းလမ်းဖြစ်ပေသည်။

မှန်ပြောင်းတွင် မသင်္ကာစရာနေရာလေးတစ်ခုတွေ့ပါက အသားစချက်ချင်းယူနိုင်သည်။ polyp ဟုခေါ်သော ကင်ဆာမဖြစ်ခင်ကာလ အသားပိုများကို မှန်ပြောင်းကြည့်နေစဉ် တခါထဲ ဖယ်ရှားဖြတ်တောက်ပစ်နိုင်သည်။ ကင်ဆာ အလုံးအကြိတ်တွေ့ပါကလဲ အသားစယူပြီး ဆက်၍ စစ်ဆေးနိုင်သည်။ ရှင်းရှင်းလေး သာမန်လူ နားလည်အောင် ပြောရရင် အူမကြီးမှန်ပြောင်းသည် အကောင်းဆုံးသော စစ်ဆေးမှုဖြစ်သည်။

အူမကြီးမှန်ပြောင်းအပြင် တခြား ဘာနည်းလမ်းများရှိပါသေးသနည်းဟု ဖြေရပါမူ တခြား ဓါတ်မှန်ရိုက်ခြင်း၊ ကွန်ပြူတာဓါတ်မှန် (CT) ၊ စအိုထဲ ဆေးသွင်း၍ ဓါတ်မှန်ရိုက်ခြင်း ( Barium e***a ) ၊ အာထရာဆောင်း နည်းလမ်းတို့သည်ကား ရှိတော့ ရှိပါသည်။ သို့သော် အူမကြီးကင်ဆာရောဂါကို ရှာဖွေရာ၌ အူမကြီးမှန်ပြောင်း အသုံးဝင်ပုံ၏ ခြေဖျားကိုမှ မမှီချေလို့ ပြောရမယ် ထင်တယ်ဗျ။

ထိုဓါတ်မှန်ရိုက်ခြင်း အမျိုးမျိုးတို့သည် အူမကြီးကင်ဆာ၏ early stage လို့ခေါ်သည့် စောစောစီးစီးအဆင့်တွင် မတွေ့နိုင်ချေ။ ရောဂါတော်တော်ကြီးရင့်မှ၊ အလုံးအကြိတ်ကြီးရယ်လို့ ဖြစ်မှသာ ဓါတ်မှန်များက ကင်ဆာကို မြင်နိုင်ပေသည်။ ထို့ကြောင့် မှန်ပြောင်းကို မယှဉ်နိုင်ဟု ကျွန်တော်က ပြောရခြင်းဖြစ်ပါသည်။ ဓါတ်မှန်မှာ အလုံးအကြိတ်မြင်ရရင်တောင် အသားစအဖြေက မှန်ပြောင်းကြည့်ပြီး ပြန်ယူးအုန်းမည်။ တခါထဲ ဇာတ်လမ်းက မပြတ်။

အာထရာဆောင်းရိုက်တယ်၊ CT ရိုက်တယ်၊ ဆရာဝန်က ကောင်းတယ်လို့ပြောတယ်။ ဒါဆို အူမကြီးကင်ဆာ မရှိတာသေချာလားလို့ မေးလျှင် အဖြေကတော့ နိုး ပါပဲ။ ဘာလို့ဆို ထိုဓါတ်မှန်အပေါင်းတို့သည် ကင်ဆာ၏ စောစောစီးစီးအဆင့်တွင် ဘာမှ မမြင်ရသောကြောင့်ပေတည်း။ ကင်ဆာအကြိတ် ကြီးလျှင်တော့ မြင်နိုင်ပါသည်။ သို့သော် ကြီးမှ မြင်ရတော့ ရောဂါကသိတာ နောက်ကျနေပြီ။ အကောင်းဆုံးအချိန်မဟုတ်တော့။

ဒါဆို ဒီ CT ကွန်ပြူတာဓါတ်မှန်တွေ၊ MRI သံလိုက်ဓါတ်မှန်တွေ၊ အာထရာဆောင်းတွေ ခင်းဗျားတို့ ဆရာဝန်တွေပဲ ရိုက်ခိုင်းနေကြတယ် မဟုတ်လား၊ ဘာလို့လဲ လို့ မေးစရာ ရှိလာပြီ။

ဟုတ်တယ်။ ကျွန်တော်တို့သည် ထိုဓါတ်မှန်များ ရိုက်ခိုင်းခြင်းသည် အူမကြီးကို ကြည့်ရန်အဓိကမဟုတ်။ အူမကြီးကင်ဆာရောဂါသမားများတွင် ရိုက်ခိုင်းခြင်းမှာ staging လို့ခေါ်သည့် ကင်ဆာက ဘယ်ကို ပျံ့နေလဲ၊ အသည်းတွေရောက်နေပြီလား၊ ဆီးအိမ်တွေ၊ ဆီးလမ်းကြောင်းတွေ၊ ဆီးကြိတ်တွေ၊ သားအိမ်တွေကို ပြန့်နေပြီလား၊ ခွဲလို့စိတ်လို့ရမယ့် အခြေအနေလား၊ ဒါမျိုးတွေ သိချင်လို့ ရိုက်ခိုင်းခြင်းပေတည်း။

ဘယ်ပြန့်သလဲ သိဖို့ကျ ဒီဓါတ်မှန်တွေက အသုံးဝင်သည်။ မှန်ပြောင်းက ရောဂါရှာဖို့၊ ကင်ဆာ ဟုတ်မဟုတ် အသုံးဝင်သည်။ ဓါတ်မှန်တွေက ဘယ်ကိုဘယ်လောက်ပြန့်သလဲ သိဖို့ အသုံးဝင်သည်။

နောက်ထပ် ထိုဓါတ်မှန်များကို ရိုက်သည့်အချိန်ရှိသေးသည်။ အဲ့တာကတော့ မှန်ပြောင်း မရှိ၊ မကြည့်နိုင်တဲ့ နေရာဒေသတွေ။ ကြည့်စရာ မှန်ပြောင်းစက်မရှိသည့် မြို့တွေ၊ ဆေးရုံတွေ မြန်မာပြည်မှာ အများအပြားပင်။ သစ်မရှိခင်စပ်ကြား ဝါးပေါင်းကွပ်ဆိုသလို မှန်ပြောင်းမရှိ၍ ဓါတ်မှန်ရိုက်ခြင်းပေတည်း။ မှန်ပြောင်းလို မကောင်းပေမယ့်လဲ ရှိတာလေးနဲ့ ဖြစ်အောင်လုပ်ကြရတဲ့ သဘောပေါ့ဗျာ။ ဒါပေမယ့် စောစောစီးစီးကင်ဆာ အဆင့်တွေအတွက်ကတော့ ဓါတ်မှန်များသည် အသုံးမဝင်လှပါ။

( ဤနေရာတွင် ဆေးပညာအရ အငြင်းအခုန်ဖြစ်နိုင်သည်။ ဥပမာ double contrast Ba e***a, CT colonogram တို့ဖြစ်သည်။ သို့သော် သာမန်လူများ နားရှုပ်နားလည်မှုလွဲမည် တကြောင်း၊ မြန်မာပြည်တွင်သာမက ကမ္ဘာနိုင်ငံအများအပြားတွင်လဲ တကယ် သိပ်မလုပ်ကြသောကြောင့် ချန်လှပ်ခဲ့ပါမည်။)

သွေးစစ်လို့ အူမကြီးကင်ဆာ သိသလားလို့မေးရင်လဲ အဖြေက နိုး ပါပဲ။ တချို့က အူမကြီးကင်ဆာဖြစ်ရင် တက်တတ်သည့် CEA လို့ခေါ်သည့် သွေးအဖြေကို စစ်ကြည့်ကြသည်။ CEA ကောင်းလျှင် အူမကြီးကင်ဆာ မဟုတ်တန်ရာဟုလဲ ယူဆသည်လဲ ရှိသည်။ တကယ်က မဟုတ်ပါ။

CEA သည် အူမကြီးကင်ဆာ ရောဂါရှာဖွေရန် လုံးဝမသုံးပါ။ အူမကြီးကင်ဆာဖြစ်နေပြီး CEA ပုံမှန်ဖြစ်နေသာ လူနာများစွာရှိသည်။ CEA တက်ပြီး အူမကြီးကင်ဆာ မဟုတ်သောသူများလဲ အများအပြားပင်။ ထို့ကြောင့် CEA အဖြေသည် ကင်ဆာရှာဖွေရာတွင်သုံးသော သွေးစစ်မှု မဟုတ်ပါ။

CEA သည် ကင်ဆာဖြစ်ပြီးသော လူနာများ၊ ခွဲစိတ်ပြီးသောလူနာများတွင် ကုသမှု၏ အတက်အကျကို စောင့်ကြည့်သည့် အနေဖြင့်သာ သွေးဖေါက်ကြသည်။ CEA အဖြေဖြင့် အူမကြီးကင်ဆာ ရှိမရှိ၊ ဟုတ်မဟုတ် ဘာမှပြော၍ မရကြောင်းပါ။

အချုပ်ပြန်ပြောရရင် အူမကြီးကင်ဆာ ဟုတ်မဟုတ် ပြတ်ပြတ်သားသား သိချင်လျှင် အသေချာဆုံး တခုတည်းသော နည်းလမ်းမှာ colonoscopy အူမကြီးမှန်ပြောင်းကြည့်ခြင်း နှင့် အသားစ စစ်ဆေးခြင်းသာ ဖြစ်ပါတယ်။

တခြားသော နည်းလမ်းများသည်ကား မသေချာသော နည်းလမ်းများသာဖြစ်ပြီး၊ ဓါတ်မှန်များ သွေးအဖြေများမကောင်းပါက မှန်ပြောင်းပဲ ဆက်ကြည့်ရမှာဖြစ်ပါတယ်။

Dr. မျိုးသက်အောင်
Consultant Surgeon/ Pinlon Hospital



#အူမကြီး

အူမကြီးကင်ဆာ အသိအမြင် ကျယ်ပြန့်ရေး မတ်( March) လ
Colorectal Cancer Awareness Month ၂၀၂၄
~~~~~~~~~~~~~~~~~~~~~~~~~~~~~

နှစ်စဉ် မတ်လဟာ အူမကြီးကင်ဆာ အသိအမြင် ကျယ်ပြန့်ရေးလ ဖြစ်ပါတယ်။ ဒါကြောင့် ဒီမတ်လမှာ ကျွန်တော့်အနေနဲ့ အူမကြီးကင်ဆာနဲ့ ပက်သက်တဲ့ အကြောင်းအရာတွေ ကြိုးစားပြီးရေးသွားဖို့ ရှိနေပါတယ်။ အဟောင်းလေးတွေလဲ ပြန်တင်ပါမယ်။

အူမကြီးကင်ဆာနဲ့ ပက်သက်ပြီး တပိုင်းပြီးတပိုင်း ရေးသွားမယ်လို့ စိတ်ကူးပြီး အူမကြီးကင်ဆာခံစားနေရတဲ့ လူနာတွေ၊ သူတို့ရဲ့ မိသားစုတွေ၊ တခြားစိတ်ဝင်စားသူတွေအနေနဲ့ အကျိုးတစုံတရာ ရှိလိမ့်မယ်လို့လဲ ယူဆမိပါတယ်။

မြန်မာနိုင်ငံမှာက ဆရာဝန်တွေက အချိန်ပေးနည်းတာတကြောင်း၊ လူနာများက မမေးရဲ၊ မမေးတတ်ကြတာတကြောင်းကြောင့် သိချင်မေးချင်ပါလျှက် မသိလိုက်ရ၊ မမေးလိုက်ရတာများကို ကျွန်တော့်စာလေးတွေက တစိတ်တပိုင်း အထောက်အကူပြုလိမ့်မယ်လို့လဲ မျှော်လင့်ပါတယ်။

တတ်နိုင်သမျှ လူထုတွေ အူမကြီးကင်ဆာအကြောင်း သိရအောင် ဒီမတ်လအတွင်းတင်တဲ့ အူမကြီးကင်ဆာ post တွေကို share လုပ်ပေးဖို့လဲ မေတ္တာရပ်ခံပါတယ်။ အူမကြီးကင်ဆာက ကမ္ဘာပေါ်မှာ အဖြစ်အများဆုံး ကင်ဆာ ၃ ခုထဲမှာ အမြဲပါနေပါတယ်။ သင့် share မျှဝေမှုကြောင့် အူမကြီးကင်ဆာလူနာတစ်ယောက်က ရောဂါစောစောစီးစီး သိခွင့်ရခဲ့ရင် သူရောဂါလုံးဝပျောက်ကင်းတဲ့အထိ ကုသခွင့်ရသွားနိုင်ပါတယ်။

အားလုံးကို ကျေးဇူးတင်ပါတယ်။




#အူမကြီးကင်ဆာ



#အူမကြီးကင်ဆာ

colonoscope
#အူမကြီးမှန်ပြောင်း

25/12/2023

အာယုဒီဃ ​ရောဂါရှာ​ဖွေ​ရေးနှင့် အထူးကု​ဆေးခန်း၏
🌻၂၀၂၃ ခုနှစ်အတွင်း ဒါနကုသိုလ်များ အမှတ်တရ 🌻

09/04/2023

အာယုဒီဃ ​ရောဂါရှာ​ဖွေ​ရေးနှင့် အထူးကု​ဆေးခန်းကို မြန်မာနှစ်သစ်ကူး သင်္ကြန်ကာလများတွင် ​၁၀.၄.၂၀၂၃ မှ ၁၇.၄.၂၀၂၃ အထိ ခေတ္တပိတ်ထားမည်ဖြစ်ပြီး
၁၈.၄.၂၀၂၃ မှစ၍ ပံုမှန်ပြန်လည် ဖွင့်လှစ်သွားမည် ဖြစ်ပါကြောင်း ကြိုတင်အသိပေး အကြောင်းကြားအပ်ပါသည်။

03/04/2023

မြန်မာနှစ်သစ်ကူးချိန်ခါ မိဘပြည်သူများ စိတ်၏ကျန်းမာခြင်း ကိုယ်၏ချမိးသာခြင်းနှင့် ပြည့်စံုပြီး စီးပွါးလာဘ်လာဘများ ဒီရေအလားတိုးတက်ပါစေကြာင်း ဆုမွန်ကောင်းတောင်းအပ်ပါသည်။
🍀😇🙏🙏😇🍀
အာယုဒီဃ ရောဂါရှာ​ဖွေ​ရေးနှင့် အထူးကုဆေးခန်း မိသားစု၏ နှစ်ကူးအကြို စတုဒီသာကျွေးမွေးခြင်း၊ နှစ်ဦးလက်ဆောင်များကံစမ်းခြင်း နှင့် ပျော်ရွှင်ဖွယ် အစီအစဉ်များကို
✅၈.၄.၂၀၂၃ စနေနေ့ နေ့လည် ၁၁ နာရီ မှ ၃ နာရီ အတွင်း ကျင်းပမည်ဖြစ်ပါသဖြင့်
မိဘပြည်သူများ ပါဝင်ဆင်နွှဲန်ုင်ပါရန် ခင်မင်ရင်းနှီးစွာဖြင့် ဖိတ်ကြားအပ်ပါသည်။
💦 အေးချမ်းပါစေ သင်္ကြန်ရေ 💦

18/02/2023

နားစည် ဘာကြောင့်​ပေါက်သလဲ?

နေ့စဥ် ကြုံတွေ့နေရသည့် လူနာတော်တော်များများမှာ နားစည်ပေါက်လို့ ပေါက်မှန်းမသိဘဲ ဆေးခန်းကို ရောက်လာကြတာများပါတယ်။

နားစည်ဘာကြောင့် ပေါက်သလဲ။ နားစည်ပေါက်ရင် ဘယ်လို ရောဂါလက္ခဏာတွေ ပြတတ်သလဲ မပြောခင် အရင်ဆုံး နားစည်ဆိုတာ ဘယ်လို အရာလည်း ရှင်းပြပေးပါမယ်။

ကျွန်တော်တို့ နားထဲကို အနုကြည့် မှန်ပြောင်းနဲ့ ကြည့်လိုက်ပါက အတွင်းပိုင်းမှာ ဖြူဖြူ အလွှာလေးတစ်လွှာ မြင်ရပါလိမ့်မယ်။ အဲ့ဒီ အလွှာလေးကို နားစည်လို့ခေါ်ပါတယ်။

နားစည်ဟာ ကျွန်တော်တို့ရဲ့ နားအတွင်းမှာရှိတဲ့ နုနယ်တဲ့ အရိုးငယ်များနဲ့ အာရုံကြောလေးများကို ကာကွယ်ပေးပါတယ်။ နားအတွင်းပိုင်းကို ပိုးတွေ မဝင်အောင် ကာကွယ်ပေးပါတယ်။ ဒါကြောင့် နားကျန်းမာရေးအတွက် အလွန်အရေးပါသော အစိတ်အပိုင်းတစ်ခုလို့ ပြောရင် မမှားပါဘူး။

👨🏻‍⚕️နားစည်ဘာကြောင့် ပေါက်သလဲ။

🔹အလယ် နားပိုးဝင်ခြင်း🔹️

အလယ်နား ပိုးဝင်ခြင်းကြောင့် အရည်များထွက်လာပြီး နားအတွင်း pressure မြင့်တက်လာကာ နားစည်ပေါက်တ​တ်ပါတယ်။

🔹️ လေဖိအားပြောင်းလဲမှု🔹️

လေဖိအား ကွား​ခြားချက်များ​ခြင်းကြောင့်လည်း နားစည်ပေါက်တတ်ပါတယ်။ အမြင့်ပိုင်း လေဖိအားပြောင်းလဲမှုကြောင့် လေယာဥ်စီးစဥ် အဖြစ်များတတ်တယ်။ ဒါကြောင့် လေယာဥ်အမြင့်သို့ တက်စဥ် ပါးစပ်ကို ပိတ်လိုက်ဖွင့်လိုက်လုပ်ခြင်း၊ ပီကေဝါးခြင်း ဖြင့် လေဖိအား ရုတ်တရက် ပြောင်းလဲခြင်း ဒဏ်ကို ကာကွယ်ရပါတယ်။

ရေငုပ်ခြင်း၊ နားတွင် ပြင်းထန်သော ထိခိုက်ဒဏ်ရာရခြင်းကြောင့်လည်း နားစည်ပေါက်တတ်ပါတယ်။

​🔹️ ကျယ်လောင်သော အသံများ🔹️

အလွန်ကျယ်လောင်သောအသံ၊ ပေါက်ကွဲသံများ နှင့် နီးသော နေရာတွင်ရှိနေပါက နားစည်ပေါက်နိုင်ခြေရှိပါသည်။

🔹️ နားအတွင်း ပြင်ပ ပစ္စည်းဝင်ခြင်း၊ ထိုးမိခြင်း🔹️

နားကလော်၍ ထိခိုက်မှုဖြစ်ပြီး နားစည်ပေါက်သွားသည့် လူနာအများအပြား ကြုံတွေ့ရပါတယ်။ နားကြပ်တံ၊ ဆံပင်ကလစ်၊ ချွန်ထက်သော ပစ္စည်း များဖြင့် ထိုးမိတတ်ပါသည်။ ထို့ကြောင့် နားအတွင်းသို့ မည့်သည့် အရာမှ မထည့်သင့်ပါ။

🔹️ ဦးခေါင်း ထိခိုက်ဒဏ်ရာရခြင်း🔹️

ဦးခေါင်းခွံတွင် ထိခိုက်မှုဖြစ်ပါကလည်း နား၏ အစိတ်အပိုင်းများ ဖွဲ့စည်းထားသည်ကို ပျက်စီးသွားစေနိုင်၍ နားစည်ထိခိုက်နိုင်ပါတယ်။

👨🏻‍⚕️နားစည်ပေါက်ပါက ဘယ်လို ရောဂါလက္ခဏာတွေ ခံစားရမလဲ။

🔸️ နား နာခြင်း၊ နား ကိုက်ခြင်း။
🔸️ နားအတွင်းမှ ပြည် သို့မဟုတ် အရည်ထွက်ခြင်း။
🔸️ နားအကြားအာရုံ လျော့နည်းလာခြင်း။
🔸️ နားအူခြင်း၊ နားအသံမြည်ခြင်း။
🔸️ ချာချာလည် မူးခြင်း။
🔸️ မူးဝေ အော့အန်ခြင်း။

⚠️နားစည်ပေါက်ခြင်း၏ နောက်ဆက်တွဲ ဆိုးကျိုးအနေနှင့် နားအကြားအာရုံ သိသိသာသာ လျော့နည်းလာနိုင်ပါတယ်။ နားစည်သည် နားကို ကာကွယ်သည့် အလွှာလေးဖြစ်သဖြင့် ပေါက်သွားပါက နား ပိုးဝင်ခြင်း အလွယ်တကူ ဖြစ်လာနိုင်တယ်။

✨️ နားစည် မပေါက်အောက် ဘယ်လိုကြိုတင်ကာကွယ်နိုင်သလဲ။

✅️ နားပိုးဝင်ခြင်း၊ နားကိုက်ခြင်း ဖြစ်ပါက နားနှာခေါင်းလည်ချောင်း ဆရာဝန်ဆီ အမြန်ဆုံးသွားရောက်ပြသသင့်ပါတယ်။

✅️ လေယာဥ်စီးသည့်အခါ ပီကေဝါးခြင်း၊ ပါးစပ်ပိတ်လိုက်ဖွင့်လိုက်လုပ်ပေးခြင်းတွေ လုပ်သင့်ပါတယ်။

✅️ နားအတွင်းသို့ မည်သည့် ပစ္စည်းနှင့်မှ မထိုးရန် မကလော်ရန် အထူးသတိထားဖို့လိုအပ်ပါတယ်။ ကလေးငယ်များအားလည်း နားထဲသို့ ပြင်ပ ပစ္စည်း တွေ မထည့်ဖို့ ငယ်စဥ်ကတည်းက သင်ကြားထားဖို့ အရေးကြီးပါတယ်။

✅️ ကျယ်လောင်သည့် စက်ရုံ အလုပ်ရုံများတွင် လုပ်ကိုင်ပါက နားအအုပ် တပ်ဆင်​၍ အလုပ်လုပ်ခြင်းဖြင့် နားစည်ထိခိုက်မှုကို ကာကွယ်ပေးနိုင်ပါသည်။