https://www.facebook.com/104839436030490/

Ayar Myaing Specialist Clinic, No14/346 ဂန္ဓမာလမ်း၊ ၈ လမ်းနှင့် ၉ လမ်းကြား၊ ပေါင်းလောင်းရပ်ကွက်၊ ပျဉ်းမနားမြို့၊, Pyinmana (2025)

11/04/2025

နှစ်သစ်ကူး ပိတ်ရက်ကြေငြာခြင်း

ဧရာမြိုင်အထူးကုဆေးခန်းကို April လ 13 ရက်နေ့မှ 17 ရက်နေ့အထိ ( ၅ )ရက်တိတိ ခေတ္တပိတ်ထားမှာဖြစ်ပြီးတော့ April 18 ရက်နေ့မှာ ပုံမှန်အတိုင်း ပြန်လည်ဖွင့်လှစ်သွားမှာ ဖြစ်ပါတယ်ရှင့်

04/04/2025

၃၁ - ၃ - ၂၀၂၅ မှစ၍ ဆေးခန်းအား ပုံမှန်အတိုင်း ပြန်လည်ဖွင့်လှစ်ထားပါတယ်ရှင့်

01/03/2025

ကလေးအဖျားကြီးပြီး တက်ရင်စိုးရိမ်ရလား ❔

ကိုယ့်ကလေးငယ်မှာပဲဖြစ်ဖြစ်၊အနီးအနားကကလေးငယ်မှာပဲဖြစ်ဖြစ် အဖျားကြီးပြီး တက်တာမျိုး ကြုံဖူးကြားဖူးကြမှာပါ။ အဲဒီအခြေအနေကို ဖျားတက်ခြင်း (Febrile Seizure) လို့ခေါ်ပါတယ်။ ဒီလိုတက်တာက ကလေးအသက် ၆ လနဲ့ ၅နှစ်ကြားမှာဖြစ်လေ့ရှိပြီး
အသက် ၁၄လ - ၁၈လအရွယ်မှာ အဖြစ်များပါတယ် 🙌

ဘာကြောင့် ဖျားတက်ရတာလဲ ❔
ဖျားတက်တာက ကိုယ်ပူပြီး အဖျားကြီးတာနဲ့ ဆက်စပ်နေပါတယ်။ ကလေးရဲ့ခန္ဓာကိုယ်က အပူချိန်မြင့်တက်လာတဲ့အချိန်မှာ 🧠 ဦးနှောက်ရဲ့လုပ်ဆောင်မှုတွေကို ယာယီအနှောင့်အယှက်ဖြစ်စေပြီး တက်တာမျိုးဖြစ်နိုင်ပါတယ်။ အဖြစ်များတဲ့အကြောင်းရင်းတွေကတော့

🔰 ဗိုင်းရပ်စ်ပိုးကြောင့် ဖျားခြင်း (ဥပမာ - တုပ်ကွေး)
🔰ဘက်တီးရီးယားပိုးကြောင့် ဖျားခြင်း
🔰 ကာကွယ်ဆေးထိုးပြီးနောက် အဖျားတက်ခြင်း (ဝက်သက်၊ ဂျိုက်သိုး၊ပါးချိတ်ရောင်ကာကွယ်ဆေး အပါအဝင် တချို့ကာကွယ်ဆေးတွေထိုးပြီးရင် အဖျားတက်နိုင်ပါတယ်)

ဖျားတက်ခြင်းရဲ့လက္ခဏာတွေကတော့
🔹 ကလေးက သတိလစ်သွားတာ
🔹ကလေးရဲ့ကြွက်သားတွေ တောင့်တင်းလာပြီး လှုပ်ရှားမှုတွေ မထိန်းချုပ်နိုင်တော့တာ
🔹တစ်ကိုယ်လုံးတုန်ခါပြီး တွန့်တာ
🔹 မျက်ဖြူလန်တာမျိုးဖြစ်ပါတယ်။

ဘယ်လိုအမျိုးအစားတွေရှိလဲ ❔
အဖျားကြီးပြီး တက်တာက
Simple Febrile Seizures (ပုံမှန်ကိုယ်ပူကြီးတက်ခြင်းနဲ့) Complex Febrile Seizures ဆိုတဲ့ တစ်ဆင့်မြင့် ကိုယ်ပူကြီးတက်ခြင်းဆိုပြီး နှစ်မျိုးခွဲခြားနိုင်ပါတယ်။

👉 Simple Febrile Seizures
ဒီအမျိုးအစားကတော့ တစ်ခါတက်ရင် စက္ကန့်အနည်းငယ်ကနေ အများဆုံး ၁၅ မိနစ်ထိ ကြာနိုင်ပါတယ်။ ပြီးတော့ ၂၄ နာရီအတွင်းမှာလည်း နောက်တစ်ကြိမ် ပြန်မတက်တတ်ပါဘူး။

👉 Complex Febrile Seizures
ဒီအမျိုးအစားကတော့ တက်ရင် ၁၅ မိနစ်ထက်ပိုပြီး ကြာနိုင်ပါတယ်။ တစ်ရက်အတွင်းမှာ တစ်ကြိမ်ထက်မက ပြန်ဖြစ်တတ်သလို ခန္ဓာကိုယ် အကုန်လုံး မဟုတ်ဘဲ ကလေးရဲ့ကိုယ်တစခြမ်းမှာပဲ တွန့်တာ၊ အကြောဆွဲတာမျိုးဖြစ်နိုင်ပါတယ်။

ဖျားတက်တာက ဘယ်လောက်ထိစိုးရိမ်ရလဲ ❔
ဖျားတက်တာက ပုံမှန်အားဖြင့် ကြောက်စရာမကောင်းပါဘူး။

ဒါပေမဲ့
❗တက်တဲ့အချိန်က 5 မိနစ်ထက်ကြာရင်
❗တက်ပြီးနောက် ကလေးက သတိပြန်မလည်ရင်
❗တက်တာက တစ်ကြိမ်ထက်ပိုနေရင်
❗ကလေးက အသက် ၆ လအောက်ဖြစ်နေရင်
❗ကလေးက အသက်ရှူရခက်နေရင်
❗ရေဓါတ်ခန်းခြောက်တဲ့ပုံစံဖြစ်နေရင်စိုးရိမ်ရပြီး ဆရာဝန်နဲ့ အမြန်ဆုံးပြသင့်ပါတယ်။

ဖျားတက်တဲ့အခါ ဘယ်လိုပြုစုရမလဲ❔
✅ ကလေးကို ညီညာတဲ့ကြမ်းပြင်မှာထားပါ။
(လိမ့်ကျတာ၊ပြုတ်ကျတာမဖြစ်စေဖို့)
✅ တံတွေး၊ ပျို့အန်တာတွေနဲ့ တစ်ဆို့မသွားစေဖို့ဘေးတစ်ဖက်စောင်းပေးထားပါ။
✅ ကလေးကို ကိုယ်ပူကျအောင်ရေပတ်တိုက်ပေးပါ။
✅ ကလေးကို ပွပွချောင်ချောင်ဝတ်ပေးပါ။
✅ ကြယ်သီးဖြုတ်တာ၊ အနွေးထည်ချွတ်တာ၊စောင်တွေဖယ်ပေးပါ။
✅ တက်တဲ့အချိန်ကို ချက်ချင်းမှတ်ထားပါ။ 5 မိနစ်ထက်ကြာရင် ဆေးရုံသွားပါ။

သတိပြုရမှာက
❕ကလေးတက်နေစဉ် အနီးအနားမှာ ထိခိုက်စေမဲ့
ပစ္စည်းတွေ မထားပါနဲ့ ။
❕တက်နေတဲ့အချိန် ကလေးကိုဘာမှမခွံ့ပါနဲ့။
❕ကလေးတက်တာကိုထိန်းချုပ်ပေးဖို့မကြိုးစားပါနဲ့။

ဖျားတက်တာက ကလေးတွေအတွက် ယာယီပြဿနာဖြစ်ပြီး အများစုက မပြင်းထန်ပါဘူး။ ဒါပေမဲ့ စိုးရိမ်စရာအခြေအနေတွေမှာ ဆရာဝန်နဲ့ အမြန်ဆုံးတိုင်ပင်ဖို့အကြံပြုချင်ပါတယ်။

☎️ 09-944707444, 09-944707555, 09-944707666
📞09-944707444(Viber)
📧
ayarmyaing.npt@gmail.com
🏥 အမှတ် ၁၄/၃၄၆ ၈ လမ်း နှင့် ၉ လမ်းကြား ဂန္ဓာမာလမ်း၊ပေါင်းလောင်းရပ်ကွက်၊ပျဉ်းမနားမြို့။

#ဧရာမြိုင်အထူးကုဆေးခန်း #ပျဉ်းမနားမြို့ #ဖျားတက်ခြင်း

27/02/2025

ဧရာမြိုင်အထူးကုဆေးခန်းမှာ တာဝန်ထမ်းဆောင်ဖို့အတွက် အလုပ်ခေါ်နေပါပြီ ❕❕

၁။ pharmacy/Cashier - ၂ ဦး

🔹တက္ကသိုလ်ဝင်တန်းအောင်မြင်ပြီးသူ ဖြစ်ရမယ်။
🔹ဆေးဝါးကျွမ်းကျင်သင်တန်းဆင်းလက်မှတ်ရှိသူ ဖြစ်ရမယ်။
🔹Computer Basic ရသူဖြစ်ရမယ်။
🔹ဆေးရုံဆေးခန်းအတွေ့အကြုံရှိသူဦးစားပေးမည်။
🔹အကျင့်စာရိတ္တကောင်းပြီး အများနဲ့ ပေါင်းသင်းဆက်ဆံရေးကောင်းမွန်သူဖြစ်ရပါမယ်။
🔹လူနာတွေနဲ့ ကောင်းစွာပြောဆိုဆက်ဆံနိုင်သူဖြစ်ရပါမယ်
🔹ရေရှည်လုပ်ဆောင်နိုင်သူ ဦးစားပေးမည်။

စိတ်ဝင်စားပါက မျှော်မှန်းလစာနဲ့အတူ CV အပြည့်အစုံကို လူကိုယ်တိုင်ဖြစ်စေ Viber ဖုန်းနံပါတ် 09-944707666 နှင့် ayarmyaing.npt@gmail.com သို့ဖြစ်စေ ပေးပို့လျှောက်ထားနိုင်ပါတယ်။

လျှောက်ထားသူတွေထဲမှ အင်တာဗျူးအတွက် ရွေးချယ်ခံရသူတွေကိုသာ ဆက်သွယ်အကြောင်းကြားပြီး အင်တာဗျူးခေါ်ယူသွားမှာဖြစ်ပါတယ်ရှင် 🙌

☎09-944707444,09-944707555,09-944707666
📞 09-944707666(Viber)
📧 ayarmyaing.npt@gmail.com
📍အမှတ် ၁၄/၃၄၆ ဂန္ဓာမာလမ်း၊ပေါင်းလောင်းရပ်ကွက်၊ပျဉ်းမနားမြို့။

#ဧရာမြိုင်အထူးကုဆေးခန်း #ပျဉ်းမနားမြို့

22/02/2025

ကိုယ်ဝန်ဆောင်မေမေတွေ ဘာလို့ ဖောလစ်အက်စစ် သောက်ဖို့လိုလဲ ❔

🤰ကိုယ်ဝန်ဆောင်မေမေတွေကို ကျွမ်းကျင်ကျန်းမာရေးပညာရှင်တွေက ဖောလစ်အက်စစ်ဖြည့်စွက်အားဆေးသောက်သုံးဖို့ ညွှန်ကြားတာကို အသိပညာပေးကျန်းမာရေးအစီအစဉ်မှာပဲဖြစ်ဖြစ်၊ ဆိုရှယ်မီဒီယာမှာဖြစ်ဖြစ်တွေ့ဖူးကြမယ်ထင်ပါတယ်။ ဒါဆိုမေးစရာရှိတာက ဘာလို့ ကိုယ်ဝန်ဆောင်မေမေတွေကို ဖောလစ်အက်စစ်သောက်ခိုင်းကြတာလဲ 🤔

အကြောင်းရင်းကိုမပြောပြခင်မှာ ဖောလစ်အက်စစ်ဆိုတာ ဘယ်လိုမျိုးလဲ အရင်ကြည့်လိုက်ကြရအောင်..🙌

💊ဖောလစ်အက်စစ် (Folic Acid) ဆိုတာ ဗီတာမင် B 9 အမျိုးအစားဖြစ်ပြီး ခန္ဓာကိုယ်အတွက် အရေးကြီးတဲ့ အာဟာရဓာတ်တစ်မျိုးဖြစ်ပါတယ်။ 🥬အစိမ်းရောင်ဟင်းသီးဟင်းရွက်၊ပဲအမျိုးမျိုး၊ထောပတ်သီးစတဲ့ သဘာဝအစားအစာကနေရနိုင်သလို ဖြည့်စွက်အားဆေးတွေကိုသောက်သုံးရင်လည်းရနိုင်ပါတယ်။

ဘာလို့ ကိုယ်ဝန်ဆောင်မေမေတွေကို ဖောလစ်အက်စစ်သောက်ခိုင်းလဲဆိုတော့ ..

🔰 သန္ဓေသားလေးရဲ့အာရုံကြောပြွန်ချို့ယွင်းမှုကို ကာကွယ်ခြင်း

ဖောလစ်အက်စစ်ဟာ သန္ဓေသားရဲ့ အာရုံကြောပြွန် (Neural tube)ဖွံ့ဖြိုးမှုအတွက် အရေးကြီးပါတယ်။ သန္ဓေသားလေးရဲ့ Neural tube ကနေ 🧠 ဦးနှောက်နဲ့ ကျောရိုးမတိုင်အဖြစ် တဖြည်းဖြည်းကြီးထွားလာမှာဖြစ်တဲ့အတွက် ဖောလစ်အက်စစ်ချို့တဲ့နေရင် ကလေးမှာ အာရုံကြောပြွန်ချို့ယွင်းမှု (Neural Tube Defects) ပြဿနာတွေဖြစ်တဲ့ ကျောရိုးကွဲခြင်း နဲ့ ဦးနှောက်ဖွံ့ဖြိုးမှုမပြည့်စုံခြင်းတို့ကို ဖြစ်စေနိုင်ပါတယ်။

🔰 သန္ဓေသားကြီးထွားမှုကို အားပေးခြင်း

ဖောလစ်အက်စစ်က 🧬 DNA နဲ့ ဆဲလ်တွေပွားများမှုအတွက် မရှိမဖြစ်လိုအပ်တာကြောင့် သန္ဓေသားရဲ့ ကြီးထွားဖွံ့ဖြိုးမှုကို အထောက်အကူပြုပါတယ်။

🔰ကလေးကို မွေးရာပါ ချို့ယွင်းချက်များမဖြစ်အောင် ကာကွယ်ပေးခြင်း

ဖောလစ်အက်စစ်က မွေးလာမဲ့ ရင်သွေးလေးမှာချို့ယွင်းချက်မဖြစ်အောင် ကာကွယ်ပေးတယ်ဆိုတာသိပါသလား❔မေမေတွေအနေနဲ့ ဖောလစ်အက်စစ်ကို ပုံမှန်မှီဝဲမယ်ဆိုရင် ကလေးနှုတ်ခမ်းကွဲ အာခေါင်ကွဲဖြစ်ခြင်းကိုလည်း လျှော့ချပေးတဲ့အပြင် လမစေ့ဘဲ မွေးခြင်း၊ ကိုယ်ဝန်ပျက်ကျခြင်း၊ ကလေးမထွားခြင်း၊ ပေါင်မပြည့်ဘဲ ကလေးမွေးခြင်းတို့ မဖြစ်အောင်လည်း ကာကွယ်ပေးပါတယ်နော် 🛡️

🔰 သွေးအားနည်းရောဂါကို ကာကွယ်ခြင်း

မေမေတို့ ကိုယ်ဝန်ဆောင်ကာလမှာ အဖြစ်များတဲ့ သွေးအားနည်းရောဂါကို ဖောလစ်အက်စစ်သောက်ခြင်းဖြင့် ကာကွယ်နိုင်ပါတယ်။ ဘာကြောင့်လဲဆိုတော့ ဖောလစ်အက်စစ်ဟာ 🩸သွေးနီဥဆဲလ်တွေ ဖြစ်ပေါ်မှုအတွက် အရေးပါလို့ပါ။

🔰ကိုယ်ဝန်ဆောင်ချိန်မှာ လိုအပ်တဲ့ အာဟာရဖြည့်တင်းပေးခြင်း

ကိုယ်ဝန်ဆောင်ချိန်မှာ ဖောလစ်အက်စစ်သောက်သုံးပေးရင်တော့ လိုအပ်တဲ့ အာဟာရကိုဖြည့်စွက်ပေးနိုင်တဲ့အပြင် မေမေတွေမှာဖြစ်တတ်တဲ့ ကိုယ်ဝန်ဆိပ်တက်တာကိုလည်း မဖြစ်စေပါဘူး။

⏰ ဘယ်အချိန်မှာ သောက်သင့်လဲ?

✅ ကိုယ်ဝန်မဆောင်ခင်ကတည်းက (အနည်းဆုံး ကိုယ်ဝန်ဆောင်ချိန်မတိုင်ခင် ၁ လကြိုပြီး) စသောက်သင့်ပါတယ်။

✅ကိုယ်ဝန်ဆောင်ပထမ ၃ လအတွင်း (ပထမ သုံးလပတ်) ပုံမှန်သောက်ပေးသင့်ပါတယ်။

ကိုယ်ဝန်ဆောင်စဉ် ဖောလစ်အက်စစ်ဘယ်လောက်ပမာဏ သောက်သင့်လဲ ❔

👉ပုံမှန်အားဖြင့် တစ်နေ့ကို 400–600 mcg (0.4–0.6 mg) သောက်သင့်ပါတယ်။

ဒါပေမဲ့
🟢 ဆီးချိုရောဂါရှိတဲ့မေမေတွေ
🟢 အဝလွန်နေတဲ့ ကိုယ်ဝန်ဆောင်မေမေတွေ
🟢 အရင်ကလေးမှာ ဦးနှောက်နဲ့ ကျောရိုးအာရုံကြောမကြီး မွေးရာပါ ချို့ယွင်းချက်ပါထားတဲ့ ကိုယ်ဝန်ဆောင်တွေ
🟢 အတက်ကျဆေးသောက်နေရတဲ့ ကိုယ်ဝန်ဆောင်တွေ
🟢 အမြွှာကိုယ်ဝန်ဆောင်တွေအနေနဲ့ ပိုမိုမြင့်မားတဲ့ ဖောလစ်အက်စစ်ပမာဏလိုအပ်နိုင်ပါတယ်။ သောက်သုံးရတဲ့ပမာဏကိုတော့ ဆရာဝန်ညွှန်ကြားတဲ့အတိုင်းလိုက်နာသင့်ပါတယ်။

တစ်ခုသိထားရမှာက မွေးလာတဲ့ကလေးတွေမှာ ချို့ယွင်းချက်မဖြစ်အောင် ကိုယ်ဝန်ဆောင်မေမေတွေအနေနဲ့ ဖောလစ်အက်စစ်အားဆေးအပြင် ဖောလစ်အက်စစ် ကြွယ်ဝတဲ့ အစားအစာတွေကို နေ့စဉ်ပါဝင်အောင် စားပေးဖို့ လိုအပ်ပါတယ်နော် ‼️

မေမေတို့ရော ဖောလစ်အက်စစ်ဖြည့်စွက်အားဆေးတွေ၊အစားအစာတွေကိုပုံမှန်စားဖြစ်ရဲ့လား?

Comment မှာ မျှဝေသွားပါအုံး 👇

☎️ 09-944707444, 09-944707555, 09-944707666
📞09-944707444(Viber)
📧 ayarmyaing.npt@gmail.com
🏥 အမှတ် ၁၄/၃၄၆ ၈ လမ်း နှင့် ၉ လမ်းကြား ဂန္ဓာမာလမ်း၊ပေါင်းလောင်းရပ်ကွက်၊ပျဉ်းမနားမြို့။

#ဧရာမြိုင်အထူးကုဆေးခန်း #ပျဉ်းမနားမြို့ ဝန်ဆောင်ခြင်း #ဖောလစ်အက်စစ်

27/01/2025

ဆေးလိပ်နဲ့ကင်ဆာများ

ဆေးလိပ် 🚬 က ကျန်းမာရေးအတွက်မကောင်းဘူးဆိုတဲ့အချက်ကို သိကြပေမဲ့ ဆေးလိပ်ကိုမဖြတ်နိုင်ဘဲ သောက်နေတဲ့သူတွေလည်း ဒုနဲ့ဒေးပါပဲ။

အမှန်တော့ ဆေးလိပ်မှာ ခန္ဓာကိုယ်ကို ထိခိုက်စေတဲ့ ဓာတုပစ္စည်းအမျိုးအစားပေါင်း 7 ထောင်ကျော် ပါဝင်ပါတယ်။ ဒီထဲမှာမှ 69 မျိုးက ကင်ဆာဖြစ်စေနိုင်ပါတယ်။

ဆေးလိပ်သောက်လိုက်တဲ့အခါမှာ အန္တရာယ်ရှိတဲ့ဓာတုပစ္စည်းတွေက ခန္ဓာကိုယ်ထဲရောက်သွားပြီး ဆဲလ်တွေရဲ့ DNA 🧬 တွေကို သွားရောက်ဖျက်ဆီးလိုက်ပါတယ်။ အဲ့အခါမှာ ဆဲလ်တွေက ထိန်းမနိုင်သိမ်းမနိုင်ပွားလာပြီး ကင်ဆာဖြစ်လာပါတယ်။

ပြီးတော့ ဆေးလိပ်သောက်တာက ကင်ဆာဆဲလ်တွေကို တိုက်ထုတ်ပေးတဲ့ ခုခံအားစနစ်ကိုလည်း အားနည်းစေတဲ့အတွက် ကင်ဆာဆဲလ်တွေပွားဖို့၊ ပျံ့ဖို့ ပိုလွယ်သွားပါတယ်။

အားလုံးထင်နေကြသလို ဆေးလိပ်သောက်တာက အဆုတ်ကင်ဆာ 🫁 ကိုပဲ ဖြစ်စေတာမဟုတ်ပါဘူး။ ခန္ဓာကိုယ်မှာ ကင်ဆာအမျိုးအစားပေါင်းများစွာကို ထပ်ဖြစ်စေပါတယ်။ ဒါတွေကတော့

📛 ဆီးအိမ်ကင်ဆာ
📛 သွေးကင်ဆာ
📛 ခံတွင်းကင်ဆာ
📛 လည်ချောင်းကင်ဆာ
📛 အစာရေမျိုပြွန်ကင်ဆာ
📛 အစာအိမ်ကင်ဆာ
📛 အူမကြီးကင်ဆာ
📛 အသည်းကင်ဆာ
📛 မုန့်ချိုအိတ်ကင်ဆာ
📛 ကျောက်ကပ်ကင်ဆာ
📛 သားအိမ်ခေါင်းကင်ဆာတွေ ဖြစ်ပါတယ်။

ဆေးလိပ်သောက်တဲ့သူတွေက မသောက်တဲ့သူတွေထက် အဆုတ်ကင်ဆာဖြစ်နိုင်ခြေ 25 ဆ ပိုများပါတယ်။ အဆုတ်ကင်ဆာဖြစ်တဲ့သူကို ကြည့်လိုက်ပြန်ရင်လည်း 10 ယောက်မှာ 9 ယောက်လောက်က ဆေးလိပ် 🚬 သောက်တဲ့သူ ဖြစ်နေပါတယ်။

" ဆေးလိပ်က သောက်နေတာကြာပြီ၊ အခုဖြတ်လည်း မထူးတော့ဘူး '' ဆိုတဲ့စကားက 🙅🏻‍♀️ မှားပါတယ်။ ဆေးလိပ်ဖြတ်လိုက်တာနဲ့ ခန္ဓာကိုယ်ထဲ အဆိပ်အတောက်ဝင်ရောက်မှု ရပ်တန့်သွားလို့ ကင်ဆာဖြစ်နိုင်ခြေကို လျော့သွားစေသလို အခြားဆေးလိပ်ကြောင့်ဖြစ်နိုင်တဲ့ ကျန်းမာရေးပြဿနာတွေကိုလည်း လျှော့ချပေးပါတယ်။

ဒါကြောင့် ကျန်းမာရေးဆိုးကျိုးများစွာ ဖြစ်ပေါ်စေတဲ့ ဆေးလိပ်သောက်တာကို အခုကစပြီး ဖြတ်ကြဖို့ တိုက်တွန်းချင်ပါတယ် 🚭

☎️ 09-944707444, 09-944707555, 09-944707666
📞09-944707444(Viber)
📧 ayarmyaing.npt@gmail.com
🏥 အမှတ် ၁၄/၃၄၆ ၈ လမ်း နှင့် ၉ လမ်းကြား ဂန္ဓာမာလမ်း၊ပေါင်းလောင်းရပ်ကွက်၊ပျဉ်းမနားမြို့။

#ဧရာမြိုင်အထူးကုဆေးခန်း #ပျဉ်းမနားမြို့
#ဆေးလိပ်

20/01/2025

ရင်ဘတ်အောင့်တိုင်း နှလုံးရောဂါကြောင့်လား‼

လူတော်တော်များများ ရင်ဘတ်အောင့်ပြီဆိုတာနဲ့ ငါ့မှာ နှလုံးရောဂါဖြစ်နေပြီဆိုပြီး စိတ်ပူတတ်ကြပါတယ် 😦

ဒီအချက်ကလည်း မှားတာမဟုတ်ပါဘူး။ ဘာလို့လဲဆို နှလုံးရောဂါ🫀တွေက ရင်ဘတ်အောင့်တာနဲ့ လာတာကိုး။

သိထားရမှာက ရင်ဘတ်အောင့်တာက နှလုံးရောဂါကြောင့်ပဲ မဟုတ်ပါဘူး။ အခြားအကြောင်းအရင်းတွေကြောင့်လည်း ရင်ဘတ်အောင့်နိုင်ပါတယ်။

နှလုံးကြောင့် ရင်ဘတ်အောင့်တယ်ဆိုရင် အခုဆက်ပြောမဲ့လက္ခဏာတွေနဲ့ တွဲနိုင်ပါတယ်။

🔺ရင်ဘတ်နေရာက တစ်ခုခုနဲ့ဖိထားသလိုမျိုး တင်းတင်းကျပ်ကျပ်ကြီးခံစားရတာ၊ ဆွဲဖြဲသလိုမျိုး နာကျင်မှုကို ခံစားရမယ်။

🔺နာကျင်မှုက လက်မောင်း၊ ပခုံး၊ နောက်ကျော၊ မေးရိုးအထိ ပျံ့သွားမယ်။

🔺နာကျင်မှုက မိနစ်ပိုင်းလောက်အထိ ကြာမယ်။

🔺ရင်ဘတ်အောင့်တာနဲ့အတူ ချွေးစေးတွေပြန်တာ၊ မောတာ၊ အသက်ရှူရခက်တာ၊ ခေါင်းမူးတာ၊ မူးဝေတာတွေ ခံစားရနိုင်ပါတယ်။

နှလုံးကြောင့် ရင်ဘတ်အောင့်တယ်ဆိုတဲ့နေရာမှာ နှလုံးသွေးကြောကျဥ်းတာ၊ နှလုံးသွေးကြောပိတ်တာ၊ နှလုံးသွေးကြောမကြီးနံရံပြဲတာ၊ နှလုံးအမြှေးပါးရောင်တာကြောင့် ဖြစ်နိုင်ပါတယ်။

နှလုံးကြောင့်မဟုတ်တဲ့ ရင်ဘတ်အောင့်ရတဲ့အကြောင်းအရင်းတွေကတော့

📍 အစာခြေစနစ်ပြဿနာများ ( စားချဥ့်ပြန်ရောဂါ၊ အစာအိမ်အနာ၊ သည်းခြေအိတ်ရောင်ရမ်းတာ) - အစာစားပြီးတဲ့အခါ ရင်ဘတ်ထဲမှာ ပူစပ်ပူလောင်နဲ့ နာကျင်သလိုမျိုး ခံစားရတတ်ပါတယ်။

📍 နံရိုးကျိုးတာ၊ နံရိုးမှာရှိတဲ့ကြွက်သားတွေနာတာ၊ နံရိုးပတ်ချာလည်မှာရှိတဲ့ အရိုးနုတွေရောင်ရမ်းတာ - ဒီမှာကတော့ လှုပ်ရှားတဲ့အခါ၊ အသက်ပြင်းပြင်းရှူတဲ့အခါမှာ ရင်ဘတ်အောင့်နိုင်ပါတယ်။

📍 အဆုတ်ပြဿနာများ 🫁 (အဆုတ်တစ်သျှူးရောင်တာ၊ အဆုတ်အမြှေးပါးရောင်တာ၊ အဆုတ်သွေးကြောပိတ်တာ) - အဆုတ်ပြဿနာကြောင့်ဆိုရင် ရင်ဘတ်အောင့်တာက ချောင်းဆိုးတဲ့အခါ၊ အသက်ပြင်းပြင်းရှူတဲ့အခါမှာ ပိုဆိုးနိုင်ပါတယ်။

ဒါတွေအပြင် စိတ်ဖိစီးမှုများတာ၊ ခါးပတ်ရေယုန်ကြောင့်လည်း ရင်ဘတ်အောင့်နိုင်ပါတယ်။

အခုလောက်ဆို ရင်ဘတ်အောင့်တာက နှလုံးကြောင့်ပဲမဟုတ်ဘဲ အခြားအချက်တွေကြောင့်လည်း ဖြစ်နိုင်တယ်ဆိုတာ သိသွားကြမယ်ထင်ပါတယ်။ ရင်ဘတ်အောင့်တာမျိုးခံစားရရင် ဘာအကြောင်းအရင်းကြောင့်ဖြစ်လဲဆိုတာ ရှင်းရှင်းလင်းလင်းသိနိုင်ဖို့ ဆရာဝန်👩🏻‍⚕️နဲ့ သွားရောက်ပြသသင့်ပါတယ်။

☎️ 09-944707444, 09-944707555, 09-944707666

📞09-944707444(Viber)

📧 ayarmyaing.npt@gmail.com

🏥 အမှတ် ၁၄/၃၄၆ ၈ လမ်း နှင့် ၉ လမ်းကြား ဂန္ဓာမာလမ်း၊ပေါင်းလောင်းရပ်ကွက်၊ပျဉ်းမနားမြို့။

#ဧရာမြိုင်အထူးကုဆေးခန်း #ပျဉ်းမနားမြို့
#ရင်ဘတ်အောင့်ခြင်း

11/11/2024

ရေရှည်သန္ဓေတားချင်တဲ့ လေဒီတို့ ရွေးချယ်သင့်သော လက်မောင်းတွင်းထည့် သန္ဓေတားပစ္စည်း

နှစ်ရှည်လများ သန္ဓေတားချင်တယ်။ နေ့တိုင်းဆေးသောက်ရမှာ၊ သုံးလတစ်ခါ ဆေးထိုးရမှာလည်း အလုပ်ရှုပ်တယ်ဆိုရင် လက်မောင်းတွင်းထည့်သန္ဓေတားပစ္စည်းက ရွေးချယ်သင့်တဲ့ သားဆက်ခြားနည်းလမ်းတစ်ခုပါ‼️

လက်မောင်းတွင်းထည့်ပစ္စည်း (Contraceptive Implant) ဆိုတာကတော့ ပရိုဂျက်စတုန်းဟော်မုန်းပါဝင်သော မီးခြစ်ဆံအရွယ်အစားလောက်ရှိတဲ့ ပျော့ပျောင်းသော အချောင်းပါ။ ဆေးခန်းမှာ သွားလုပ်ရပြီး ဆရာဝန်👩🏻‍⚕️က ထုံဆေးပေးပြီးတော့ ဒီအချောင်းကို လက်မောင်းအရေပြားအောက်ထည့်ပေးပါတယ်။

လက်မောင်းတွင်းထည့်ပစ္စည်းမှာပါတဲ့ ပရိုဂျက်စတုန်းက သားဥကြွေတာကို တားခြင်း၊ သားအိမ်ခေါင်းအချွဲကိုထူစေခြင်းဖြင့် ကိုယ်ဝန်🤰🏻မရအောင် 99% အထိတားပေးပါတယ်။ အမျိုးအစားပေါ်မူတည်ပြီး 3 နှစ်ခံတာရှိသလို 4, 5 နှစ်အထိခံတာလည်းရှိပါတယ်။

👉🏻 ဘယ်လိုအားသာချက်တွေရှိလဲ❓

လက်မောင်းထဲထည့်ရတာဖြစ်လို့ သားအိမ်တွင်းထည့်ပစ္စည်းလိုမျိုး ပြုတ်ထွက်မှာကို စိတ်ပူစရာမလိုပါဘူး။ ဆေးသောက်ဖို့၊ ဆေးထိုးဖို့မေ့သွားမှာကိုလည်း သတိထားနေစရာမလိုတဲ့အတွက် အလုပ်ရှုပ်တဲ့ လေဒီလေးတွေဆို အဆင်ပြေပါတယ်။ ကလေးလိုချင်ရင်လည်း ကြိုက်တဲ့အချိန် ပြန်ထုတ်လို့ရပါတယ်။ အီစထရိုဂျင်ဟော်မုန်းမပါလို့ အီစထရိုဂျင်ပါတဲ့သားဆက်ခြားနည်းလမ်း သုံးလို့မရသူတွေလည်း အသုံးပြုနိုင်ပါတယ်။ လိင်ဆက်ဆံတာကိုလည်း အနှောင့်အယှက်မဖြစ်စေသလို နို့တိုက်မိခင်တွေလည်း စိတ်ချလက်ချအသုံးပြုနိုင်ပါတယ်။

👉🏻 အားနည်းချက်တွေကတော့ စစအသုံးပြုတဲ့ လအနည်းငယ်မှာ ရာသီမမှန်တာ၊ ခေါင်းကိုက်တာ၊ ပျို့တာ၊ ရင်သားတင်းတာတွေ ခံစားရနိုင်ပါတယ်။ ပြီးတော့ လိင်မှတစ်ဆင့်ကူးစက်တတ်တဲ့ရောဂါတွေကိုလည်း မကာကွယ်နိုင်ပါဘူး။

👉🏻 လက်မောင်းတွင်းထည့်ပစ္စည်းထည့်တဲ့အခါ နာကျင်နိုင်လား❓

ထည့်တဲ့အခါမှာပဲဖြစ်ဖြစ်၊ ထုတ်တဲ့အခါမှာပဲဖြစ်ဖြစ် ထုံဆေးအသုံးပြုပေးလို့ နာကျင်မှုမရှိပါဘူး ❌️

👉🏻 ဘယ်အချိန်မှာ လက်မောင်းတွင်းထည့်ပစ္စည်း စထည့်ရမလဲ❓

◽ရာသီစလာတဲ့ ပထမ 5 ရက်အတွင်း ထည့်ရင် ကလေးမရအောင် ချက်ချင်းတားပေးနိုင်ပါတယ်။ အခြားရက်တွေမှာထည့်ရင် အမျိုးသားနဲ့အတူနေတဲ့အခါ ကွန်ဒုံး 7 ရက်လောက် အသုံးပြုပေးပါ။

◽ကလေးမွေးထားတဲ့မေမေတွေဆို ကလေးမွေးပြီး 21 ရက်အတွင်း အသုံးပြုနိုင်ပါတယ်။

အခုလောက်ဆို ရေရှည်သားဆက်ခြားနည်းလမ်းတစ်ခုဖြစ်တဲ့ လက်မောင်းတွင်းထည့်ပစ္စည်းအကြောင်းကို သေချာလေးသိရှိသွားကြမယ်ထင်ပါတယ်။

☎️ 09-944707444, 09-944707555, 09-944707666
📞09-944707444(Viber)
📧 ayarmyaing.npt@gmail.com
🏥 အမှတ် ၁၄/၃၄၆ ၈ လမ်း နှင့် ၉ လမ်းကြား ဂန္ဓာမာလမ်း၊ပေါင်းလောင်းရပ်ကွက်၊ပျဉ်းမနားမြို့။

#ဧရာမြိုင်အထူးကုဆေးခန်း #ပျဉ်းမနားမြို့

20/04/2024

ခံရခက်တဲ့ အရက်နာကျဝေဒနာ

သူငယ်ချင်းအပေါင်းအသင်းနဲ့စုံလို့ပဲဖြစ်ဖြစ်၊ အလုပ်ကိစ္စပါတီမှာပဲဖြစ်ဖြစ် အရက်🍺ကိုတော့ သောက်ဖြစ်ကြတာပါပဲ။ အပေါင်းအသင်းတွေနဲ့ ပြောရင်းဆိုရင်း ပျော်ရင်းပါးရင်းဆိုတော့ အရက်ကို ကိုယ်သောက်နိုင်တဲ့ Limit ထက် ပိုသောက်မိတတ်ကြတာများပါတယ်။

အရက်သောက်နေတုန်းကတော့ သိပ်မသိသာပေမဲ့ နောက်နေ့မနက်ရောက်လာတဲ့အခါမှာ အရက်နာကျတဲ့ဝေဒနာ ခံစားလာရပြီလေ 😔

အရက်နာကျတဲ့ဝေဒနာက အရမ်းကိုခံရခက်လို့ နောက်တစ်ခါအရက်မသောက်တော့ဘူးတောင် ပြောကြပါတယ် 😁

အရက်နာကျတဲ့လက္ခဏာတွေကတော့ ခြေကုန်လက်ပန်းကျတာ၊ မအီမသာဖြစ်တာ၊ ခေါင်းကိုက်တာ၊ ရေဆာတာ၊ ပျို့အန်တာ၊ ဗိုက်အောင့်တာ၊ မူးဝေတာ၊ ရင်တုန်တာ၊ ခြေလက်တွေတုန်တာ၊ အိပ်ရေးမဝသလို ခံစားရတာနဲ့ လာနိုင်ပါတယ်။

ဒါဆို အရက်သောက်ပြီးရင် ဘာလို့အရက်နာကျတဲ့လက္ခဏာတွေ ခံစားရတာလဲဆိုတာ ဆက်ဖတ်ကြည့်လိုက်ရအောင်💁🏻‍♀️

⚠️ အရက်မှာ ဆီးရွှင်စေတဲ့အာနိသင်ပါဝင်လို့ ခန္ဓာကိုယ်မှာရေဓာတ်ခန်းခြောက်ပြီး ရေငတ်တာ၊ မောပန်းတာတွေ ဖြစ်လာပါတယ်။

⚠️ အရက်မှာပါဝင်တဲ့ Congeners ဓာတ်ကလည်း ဦးနှောက်တစ်သျှူးကို သွားရောက်လှုံ့ဆော်ပြီး အရက်နာကျတာကို ပိုဆိုးစေပါတယ်။

⚠️ ပြီးတော့ အရက်က အစာအိမ်ထဲကအက်စစ်ကို ပိုထုတ်စေပြီး ဗိုက်အောင့်တာ၊ ပျို့တာတွေ ဖြစ်လာစေသလို

⚠️ သွေးတွင်းသကြားဓာတ်ကို ကျဆင်းစေတာကြောင့် ခြေလက်တုန်တာတွေ ဖြစ်လာစေပါတယ်။

⚠️ နောက်ပြီး အရက်က ပုံမှန်အိပ်စက်ခြင်းဖြစ်စဉ်ကို ထိခိုက်စေပြီး အိပ်မပျော်တာတွေ ခံစားရနိုင်ပါတယ်။

တော်တော်များများ သိချင်နေကြတဲ့ အရက်သောက်တဲ့အခါ အရက်နာကျဝေဒနာ ခံစားရနည်းအောင် လုပ်ရမဲ့အချက်တွေကို ပြောပြပေးပါမယ်။

🔹ဗိုက်ဟောင်းလောင်းနဲ့ဆို အရက်နာကျဝေဒနာက ပိုဆိုးနိုင်တာမို့ အရက်မသောက်ခင် ဗိုက်ပြည့်အောင်စားထားပါ။

🔹 တစ်ကျိုက်တည်းမြန်မြန်မော့သောက်တာထက် ဖြည်းဖြည်းချင်းသောက်ပေးပါ။ ကိုယ်သောက်နိုင်တဲ့ Limit လောက်သာ သောက်ပေးပါ။

🔹 အရက်ချည်းလှိမ့်သောက်နေတာမျိုးမလုပ်ဘဲ ရေဓာတ်ခန်းခြောက်တာမျိုးမဖြစ်ဖို့ ရေ💧လည်းသောက်ပေးပါ။

နောက်ပြီး အရက်နာကျဝေဒနာ ခံစားနေရချိန်မှာ ရေဓာတ်ပြည့်ဝအောင်သောက်ပေးတာ၊ အစာကြေလွယ်တဲ့အစားအစာတွေစားတာ၊ ကောင်းကောင်းအနားယူတာ၊ ဆေးဆိုင်တွေမှာ အလွယ်တကူဝယ်ယူလို့ရတဲ့ အကိုက်အခဲပျောက်ဆေး 💊 ကို သောက်သုံးတာတွေကလည်း အရက်နာကျဝေဒနာကို သက်သာစေပါတယ်။

☎️ 09-944707444, 09-944707555, 09-944707666
📞09-944707444(Viber)
📧 ayarmyaing.npt@gmail.com
🏥 အမှတ် ၁၄/၃၄၆ ၈ လမ်း နှင့် ၉ လမ်းကြား ဂန္ဓာမာလမ်း၊ပေါင်းလောင်းရပ်ကွက်၊ပျဉ်းမနားမြို့။

#ဧရာမြိုင်အထူးကုဆေးခန်း #ပျဉ်းမနားမြို့
#အရက်နာကျခြင်း

08/04/2024

နှစ်သစ်မှာလူကြီးမိဘတွေကိုကျန်းမာရေးကိုစစ်ဆေးပေးပြီး ကုသိုလ်ယူကြမယ် 🙏

ကိုယ့်အိမ်က ဘိုးဘိုးဘွားဘွားဖေဖေမေမေတွေကို အသက်ရှည်ကျန်းမာနေဖို့ ကျန်းမာရေးစစ်ဆေးပေးပြီး လိုအပ်တဲ့ကျန်းမာရေးစောင့်ရှောက်မှုတွေကိုလည်း ရယူထားသင့်ပါတယ်နော် ✅

သတင်းကောင်းတစ်ခုကတော့ ဧရာမြိုင်အထူးကုဆေးခန်းကနေ ကျန်းမာရေးစစ်ဆေးချင်တဲ့ပျဉ်းမနားမြို့နဲ့အနီးတဝိုက်နေလူကြီးမင်းတို့အတွက် သင်္ကြန်အထူးအစီအစဉ်အနေနဲ့ ဧပြီလတစ်လလုံး ဘယ်လိုကျန်းမာရေးစစ်ဆေးမှုကိုပဲလုပ်လုပ် 10% Off Discount ပေးသွားမှာဖြစ်ပါတယ်ရှင် 🥳

ဧရာမြိုင်အထူးကုဆေးခန်းမှာရယူနိုင်တဲ့ကျန်းမာရေးစစ်ဆေးမှုတွေကတော့

💚 သွေးဆဲလ်တွေရဲ့လုပ်ဆောင်ချက်ကိုစစ်ဆေးခြင်း
💚 ဆီးချိုရှိမ/မရှိစစ်ဆေးခြင်း
💚 သွေးတွင်းအဆီဓာတ်ပမာဏကိုစစ်ဆေးခြင်း
💚 နှလုံးရဲ့လုပ်ဆောင်မှုကိုစစ်ဆေးခြင်း
💚 အသည်းရဲ့လုပ်ဆောင်မှုကိုစစ်ဆေးခြင်း
💚 ကျောက်ကပ်ရဲ့စွမ်းဆောင်ရည်ကိုစစ်ဆေးခြင်း
💚 အဆစ်ရောင်ရောဂါကို စမ်းသပ်စစ်ဆေးခြင်း
💚 သိုင်းရွိုက်ရောဂါကို စစ်ဆေးခြင်း
💚 ကူးစက်တတ်တဲ့ရောဂါပိုး (အသည်းရောင်အသားဝါဘီပိုး၊ စီပိုး၊ HIV၊ တီဘီ) တွေကို စစ်ဆေးခြင်း
💚 ဆီး၊ ဝမ်းစစ်ဆေးခြင်း
💚 သံဓာတ်ပမာဏကိုစစ်ဆေးခြင်း
တွေဖြစ်ပါတယ်။

လူကြီးမင်းတို့အနေနဲ့ ကိုယ်ကဘယ်လိုကျန်းမာရေးစစ်ဆေးမှုမျိုးလုပ်သင့်လဲမသိသေးရင်လည်း 👨🏻‍⚕️ ဆရာဝန်နဲ့ အခမဲ့တိုင်ပင်နိုင်အောင် စီစဉ်ထားပေးပါတယ်ရှင်။

ဒါကြောင့် နှစ်သစ်ကူးအခါသမယမှာ လူကြီးမိဘတွေရဲ့ ကျန်းမာရေးကိုဂရုစိုက်ပေးရင်း ကုသိုလ်ယူချင်ရင်တော့ အခုပဲ ဧရာမြိုင်မှာ ကျန်းမာရေးစစ်ဆေးဖို့ ဘိုကင်ယူလိုက်တော့နော် ✅

(‼ သင်္ကြန်အကြိုမှ နှစ်ဆန်းတစ်ရက်နေ့အထိ ဆေးခန်းပိတ်ပါသည်။)

☎️ 09-944707444, 09-944707555, 09-944707666
📞09-944707444(Viber)
📧 ayarmyaing.npt@gmail.com
🏥 အမှတ် ၁၄/၃၄၆ ၈ လမ်း နှင့် ၉ လမ်းကြား ဂန္ဓာမာလမ်း၊ပေါင်းလောင်းရပ်ကွက်၊ပျဉ်းမနားမြို့။

#ဧရာမြိုင်အထူးကုဆေးခန်း #ပျဉ်းမနားမြို့

07/04/2024

☀️ အပူလျှပ်ခြင်းအန္တရာယ် ☀️

ရာသီဥတုက တစ်နေ့ထက်တစ်နေ့ ပိုပိုပူလာတယ်ဟုတ်။ အဲဒါကြောင့် ပူပြင်းတဲ့နွေရာသီမှာ တွေ့ကြုံရနိုင်တဲ့ 𝗛𝗲𝗮𝘁 𝗦𝘁𝗿𝗼𝗸𝗲 လို့ခေါ်တဲ့ အပူဒဏ်ကြောင့် သတိလစ်ခြင်း/ အပူလျှပ်ခြင်းကို သတိပြုနိုင်အောင် မျှဝေပေးသွားပါမယ် 💁🏻‍♀️

အပူလျှပ်ခြင်း (𝗛𝗲𝗮𝘁 𝗦𝘁𝗿𝗼𝗸𝗲) က အပူဒဏ်ကြောင့်ဖြစ်တဲ့ ကျန်းမာရေးပြဿနာတွေထဲမှာ အသက်အန္တရာယ်အရှိဆုံးပါ🚨

အပူလျှပ်တယ်၊ အပူလျှပ်တယ်ဆိုပြီး ပတ်ဝန်းကျင်မှာ ခဏခဏပြောနေကြတယ်ဆိုပေမဲ့ တကယ်တော့ အပူလျှပ်တယ်လို့ ပြောနိုင်ဖို့က ခန္ဓာကိုယ်အပူချိန်က 104 ဒီဂရီဖာရင်ဟိုက်နဲ့အထက် ရှိရပါမယ်။

အပူလျှပ်ရတာက အပူဒဏ်ကို အချိန်အကြာကြီးထိတွေ့မိတာ ဒါမှမဟုတ် ပူပြင်းတဲ့နေရောင်အောက်မှာ ကိုယ်လက်လေ့ကျင့်ခန်း🏃🏻‍♀️ ပြင်းပြင်းထန်ထန်လုပ်တာတွေကြောင့် ဖြစ်နိုင်ပါတယ်။

ပုံမှန်ဆိုရင် ပူလာတဲ့အခါ ခန္ဓာကိုယ်အပူချိန်ကို လျှော့ချဖို့ ချွေးထွက်ပါတယ်။ ဒါပေမဲ့ အပူလျှပ်ခြင်းမှာတော့ ဒီဖြစ်စဥ်က ကမောက်ကမဖြစ်သွားပြီး လက္ခဏာအနေနဲ့

💢 အရေပြားက ပူခြစ်တောက်ပြီး ချွေးမထွက်လို့ ခြောက်သွေ့နေမယ်။
💢 ပျို့အန်မယ်။
💢 နှလုံးခုန်မြန်မယ်။
💢 အသက်ရှူမြန်မယ်။
💢 အလွန်အမင်းခေါင်းကိုက်မယ်။
💢 ကယောင်ကတမ်းဖြစ်မယ်။
💢 တက်မယ်။
💢သတိလစ်မယ် စတဲ့လက္ခဏာတွေ ခံစားရနိုင်ပါတယ်။

အပူလျှပ်တဲ့ပြဿနာက သက်ကြီးရွယ်အိုတွေ၊ ရောဂါအခံရှိသူတွေ၊ အရက်သေစာသောက်စားသူတွေမှာ ပိုဖြစ်နိုင်ပါတယ်။ ပြီးတော့ အပူလျှပ်တာကို အချိန်မီအရေးပေါ်ကုသမှုမလုပ်နိုင်ရင် ဦးနှောက်၊ နှလုံး၊ ကျောက်ကပ်စတဲ့ အရေးကြီးကိုယ်အင်္ဂါတွေပျက်စီးပြီး အသက်အန္တရာယ်ဆုံးရှုံးတဲ့အထိ ဖြစ်သွားနိုင်ပါတယ်။ ကုသမှုနောက်ကျလေလေ ကိုယ်အင်္ဂါအစိတ်အပိုင်းတွေ ထိခိုက်နိုင်ခြေများလေပါ။

ဒါကြောင့် အပေါ်ကပြောသွားတဲ့ အပူလျှပ်လက္ခဏာခံစားနေရတဲ့သူကို ဘေးပတ်ဝန်းကျင်မှာ တွေ့ခဲ့ရင် အရင်ဆုံး အရိပ်ရပြီး လေဝင်လေထွက်ကောင်းတဲ့နေရာကို ရွှေ့ပေးပါ။ ပူအိုက်နေတဲ့အဝတ်အစားတွေကိုချွတ်ပြီး တစ်ကိုယ်လုံးရေပတ်တိုက်ပေးပါ။ လေအေးပန်ကာဖွင့်ထားပေးပါ။ လူနာက ကောင်းစွာသတိရနေရင် ရေနဲ့ဓာတ်ဆားရည်တိုက်ပေးပါ။ အပူလျှပ်တာက အသက်အန္တရာယ်များတာမို့ နီးစပ်ရာဆေးရုံ၊ ဆေးခန်း 🏥 သို့ အမြန်ဆုံးခေါ်သွားပေးပါ။

နောက်ပြီး အပူလျှပ်တာမျိုး မဖြစ်ဖို့ ပူပြင်းတဲ့နေရောင်အောက်မှာ တစ်နေကုန်အလုပ်လုပ်တာ၊ ကိုယ်လက်လေ့ကျင့်ခန်းလုပ်တာကို ရှောင်ကြဥ် 🚫 ပေးပါ။ ပေါ့ပါးချောင်ချိတဲ့အဝတ်အစားကို ဝတ်ဆင်တာ၊ ရေ၊ ဓာတ်ဆားရည်သောက်တာတွေကို ပြုလုပ်ပေးပါ။

ကြောက်စရာကောင်းတဲ့ အပူလျှပ်ခြင်းအကြောင်းကို အခြားသူတွေလည်း သိရှိနိုင်အောင် လက်ဆင့်ကမ်းမျှဝေပေးကြပါအုံးနော်🤗

☎️ 09-944707444, 09-944707555, 09-944707666
📞09-944707444(Viber)
📧 ayarmyaing.npt@gmail.com
🏥 အမှတ် ၁၄/၃၄၆ ၈ လမ်း နှင့် ၉ လမ်းကြား ဂန္ဓာမာလမ်း၊ပေါင်းလောင်းရပ်ကွက်၊ပျဉ်းမနားမြို့။

#ဧရာမြိုင်အထူးကုဆေးခန်း #ပျဉ်းမနားမြို့
#အပူလျှပ်ခြင်း

23/03/2024

ပုံမှန်ကျန်းမာရေးစစ်ဆေးတာက ဘယ်လိုကောင်းကျိုးတွေ ရနိုင်လဲ ❓

အခုနောက်ပိုင်း ကျန်းမာရေးစစ်ဆေးမှုလုပ်တာက ခေတ်စားလာကြပေမဲ့ အချို့သူတွေကတော့ ကျန်းမာရေးစစ်ဆေးမှုလုပ်တာက ငွေကြေးအကုန်အကျများတဲ့ အပိုအလုပ်တစ်ခုလို့ ထင်နေကြဆဲပါပဲ ❕

တကယ်တော့ ကျန်းမာရေးစစ်ဆေးတာက လူတိုင်းလုပ်သင့်တဲ့ကျန်းမာရေးစောင့်ရှောက်မှုတစ်ခုဖြစ်ပြီး ကောင်းကျိုးများစွာရရှိစေပါသေးတယ်။

ဘာတွေလဲဆိုတော့ ....👇

✅ ကျန်းမာရေးကုသစရိတ်သက်သာစေတယ်။

ရောဂါတစ်ခုခုဖြစ်ရင် ခံစားနေရတဲ့ဝေဒနာတွေပျောက်ကင်းသက်သာအောင် နောက်ကနေ ငွေနဲ့ သဲကြီးမဲကြီးလိုက်ရတာတော့ အားလုံးအသိပဲဖြစ်မှာပါ။ ဒါကြောင့် ကျန်းမာရေးစစ်ဆေးတာက ရုတ်တရက်ကြည့်လိုက်ရင် ငွေကြေးကုန်ကျတယ်ဆိုပေမဲ့ ရောဂါတစ်ခုခုဖြစ်ပြီး ကုသရတဲ့စရိတ်ထက်စာရင်တော့ အဆများစွာသက်သာစေပါတယ် 💯

✅ ဖြစ်လာနိုင်တဲ့ရောဂါကိုကြိုတင်ကာကွယ်နိုင်တယ်။

ပုံမှန်ကျန်းမာရေးစစ်ဆေးခြင်းဖြင့် ကိုယ့်မှာအခံရောဂါတွေ၊ ကူးစက်ရောဂါတွေရှိ/မရှိ၊ ကိုယ်တွင်းအင်္ဂါတွေကောင်းမကောင်းသိရှိနိုင်လို့ ဆင်ခြင်သင့်တာတွေဆင်ခြင်ကာ စားသောက်နေထိုင်မှုပုံစံဂရုစိုက်ပြီး ဖြစ်လာနိုင်မဲ့ရောဂါတွေကိုကြိုတင်ကာကွယ်နိုင်ပါတယ်။အဲဒါအပြင် တကယ်လို့ တစ်ခုခုဖြစ်နေရင်လည်း ရောဂါမကျွမ်းခင် စောစောကုသနိုင်တဲ့အတွက် လူနာအနေနဲ့ ရောဂါဝေဒနာခံစားရတာသက်သာစေနိုင်မှာပါ။

✅ ထိုးနှံသင့်တဲ့ ကာကွယ်ဆေးတွေ ကြိုတင်ထိုးထားနိုင်မယ်။

ကျန်းမာရေးစစ်ဆေးရင် ကူးစက်ရောဂါတွေကာကွယ်ဖို့အတွက် ဆရာဝန်က ကာကွယ်ဆေးတွေထိုးဖို့ လမ်းညွှန်ပေးလို့ ထိုးနှံထားရမဲ့ကာကွယ်ဆေးတွေလည်း တစ်ခါတည်းထိုးနှံထားနိုင်မှာပါ။

ဒါဆိုဘယ်သူတွေက ကျန်းမာရေးစစ်ဆေးမှုလုပ်သင့်လဲ❓
အထူးသဖြင့်....
▫ရောဂါအခံရှိသူတွေ
▫မိသားစုမှာနာတာရှည်အခံရောဂါ၊
ကူးစက်ရောဂါရှိသူတွေ
▫အသက် ၄၀ ကျော်သူတွေ
▫သက်ကြီးဖိုးဖိုးဖွားဖွားတွေ
▫အဝလွန်သူတွေဆိုစစ်ဆေးသင့်ပါတယ်။

ဒါဆို ကျန်းမာရေးစစ်ဆေးမှုလုပ်တာက ပိုက်ဆံအပိုကုန်တဲ့ကိစ္စလို့ထင်နေတဲ့အတွေးတွေကိုအခုကစဖျောက်လိုက်ပြီး ကျန်းမာတဲ့ဘဝတစ်ခုရဖို့ လိုအပ်တဲ့ ကျန်းမာရေးစစ်ဆေးမှုတွေပုံမှန်လုပ်ကြဖို့ တိုက်တွန်းလိုက်ပါတယ်ရှင် 🤗

ဧရာမြိုင်အထူးကုဆေးခန်းမှာ ကျန်းမာရေးစစ်ဆေးမှုလုပ်ချင်ပါက Page Messenger (သို့) ဖုန်းကနေတဆင့် အသေးစိတ်မေးမြန်းနိုင်ပါတယ်ရှင်။

☎️ 09-944707444, 09-944707555, 09-944707666
📞09-944707444(Viber)
📧 ayarmyaing.npt@gmail.com
🏥 အမှတ် ၁၄/၃၄၆ ၈ လမ်း နှင့် ၉ လမ်းကြား ဂန္ဓာမာလမ်း၊ပေါင်းလောင်းရပ်ကွက်၊ပျဉ်းမနားမြို့။

#ဧရာမြိုင်အထူးကုဆေးခန်း #ပျဉ်းမနားမြို့

Ayar Myaing Specialist Clinic

11/04/2025

04/04/2025

01/03/2025

27/02/2025

22/02/2025

27/01/2025

20/01/2025

11/11/2024

20/04/2024

08/04/2024

07/04/2024

23/03/2024

Address

Telephone

Website

Alerts

Contact The Practice

Shortcuts

Share

Category