15/06/2025
🩺Healthy Tips Sunday-
(24Hour Health Care Service-Tachileik)
ဖျားနေတာနဲ့ မက်ကလောင်ခြစ်ပြီး
အပူအဆိပ်ထုတ်တတ်ကြတာ တကယ်အကျိုးရှိလား?”
🩺 answer: ❌ မလုပ်သင့်ပါ
ဖျားရင်၊ ကိုယ်ခန္ဓာ ကိုက်ခဲရင် အပူအဆိပ်ထွက်မယ်ထင်ပြီး အသားကိုခြစ်ခြင်းက ရိုးရာယုံကြည်ချက်တစ်ခု (traditional belief)ဖြစ်ပါတယ်။
(ဥပမာ- ကိုယ်ခန္ဓာ ညောင်းညာ ကိုက်ခဲတယ်၊ လည်ပင်းမှာ မက်ကလောင်ခြစ်လိုက်တော့
နာကျင်မှုအာရုံက လည်ပင်းဆီမှာဘဲ စုသလိုဖြစ်သွားတော့
တခြားနေရာက သက်သာသလိုဖြစ်သွားတာမျိုးပါ)
🔴 အန္တရာယ်တွေက
➤ ခြစ်ရာနေရာတွေမှာ infection ဖြစ်တတ်တယ်။
➤ ထပ်ဖန်တလဲလဲ ခြစ်တဲ့နေရာတွေမှာ permanent scar (အမြဲအမာရွတ်) ကျန်တတ်တယ်။
တကယ်လို့ သာမန်အအေးမိတာမျိုးမဟုတ်ဘဲ
ဖျားရတဲ့အကြောင်းအရင်းက serious ဖြစ်နေလျှင်…
➤ မက်ကလောင်ခြစ်ခြင်းကြောင့်
ရောဂါက မကောင်းဘဲ ပိုဆိုးသွားနိုင်ပါတယ်။ ⛔️
➤ သာမန် ဖျားနာတာမဟုတ်ဘဲ
Dengue, Covid လည်း ဖြစ်နေနိုင်တာကို မသိဘဲ
စိတ်ရဲ့စွဲချက်နဲ့ ခြစ်တာကြောင့်
အန္တရာယ်ဖြစ်စေနိုင်ပါတယ်။
⸻
✅ အစားထိုးလုပ်လို့ရတဲ့နည်းလမ်းတွေအနေနဲ့
• အပူချိန်အချိန်တိုအတွင်းကျလာဖို့ ဆို —
➤ ရေပတ်တိုက်ပေးတာမျိုး
➤ အကိုက်အခဲပျောက်ဆေး Paracetamol သောက်ပေးတာမျိုး
➤ ခန္ဓာကိုယ်နာကျင်မှုအတွက် လိမ်းဆေး လိမ်းပေးတာမျိုး
➤ အနားယူပေးတာမျိုး အစရှိတဲ့ နည်းလမ်းတွေနဲ့ သက်သာအောင် လုပ်နိုင်ပါတယ်
🔍 တစ်ခါတစ်လေ ဖျားနာတာဟာ
serious infection ကြောင့်ဖြစ်နေနိုင်တာမို့ ဆရာဝန်နဲ့ တိုင်ပင်ခြင်းကတော့
အမြဲအလုံခြုံဆုံးနည်းပါပဲ။” ✅✅🩺🩺
#အေးချမ်းစွာကျန်းမာပါစေ
