17/09/2025
မျက်စိကျန်းမာရေးအတွက် လိုက်နာဆောင်ရွက်
သင့်သည့် အချက်များ
အသက်အရွယ်ကြောင့်ဖြစ်တဲ့ အတွင်းတိမ်နှင့် အမြင်အာရုံလွှာ အားနည်းခြင်း ရောဂါတို့ကို ကာကွယ်ပေးဖို့ ဗီတာမင်စီ၊ ဇင့်နှင့် အိုမီဂါ ၃ ဓါတ် ကြွယ်ဝတဲ့ အစိမ်းရောင် ဟင်းသီးဟင်းရွက်များ၊ ဆယ်လမွန်နှင့် တူနာငါးများ၊ ဥအမျိုးမျိုး၊ ပဲအမျိုးမျိုးနှင့် အချဉ်ဓါတ်ပါတဲ့ အသီးတို့ကို စားသုံးပေးပါ။
ဆေးလိပ်သောက်ခြင်းသည် အမြင်အာရုံကြော (Optic Nerve) ကို ထိခိုက်စေရုံသာမက အခြားသော ကျန်းမာရေးအန္တရာယ်များကိုလဲ ဖြစ်ပွားစေတဲ့အတွက် ဆေးလိပ်သောက်ခြင်းကို ရှောင်ကြဥ်ပါ။
ခရမ်းလွန်ရောင်ခြည် (UV A and UV B) များကို ၉၉ % မှ ၁၀၀ % အထိ ကာကွယ်ပေးနိုင်မည့် နေကာမျက်မှန်များကို ရွေးချယ်အသုံးပြုပါ။
မျက်စိ အတွင်းသို့ အမှုန်အမွှားများ ဝင်ရောက်နိုင်သည့် လုပ်ငန်းခွင်များတွင် မျက်စိအကာအကွယ် (Saftey Eyewear/ Goggles) များကို တပ်ဆင်၍ ဆောင်ရွက်ပါ။
ကွန်ပျူတာ/ ဖုန်း တို့အား ကြာရှည်စွာ အသုံးပြုခြင်းကို ရှောင်ရှားပါ။
မျက်လုံးကို ဖြေလျော့ပေးနိုင်ဖို့အတွက် အပေါ့စား မျက်စိလေ့ကျင့်ခန်း (20 - 20 - 20 Rule) ပြုလုပ်ပါ။
#မျက်စိလေ့ကျင့်ခန်း (20 - 20 - 20 Rule)
ကွန်ပျူတာ/ ဖုန်း တို့ကို အချိန်ကြာမြင့်စွာ အသုံးပြုခြင်းကြောင့် မျက်ရိုးကိုက်ခြင်း၊ အာရုံကြော ညောင်းညာခြင်းတို့ကို ဖြစ်စေတဲ့အတွက် မိနစ် ၂၀ ခန့် ကွန်ပျူတာ/ ဖုန်း အသုံးပြုပြီးပါက ပေ ၂၀ အကွာအဝေးရှိ
အရာဝတ္ထု တစ်ခုခုကို စက္ကန့် ၂၀ ခန့် ကြည့်ပေးပါ။
တောက်ပသည့် အလင်းရောင်များကို တိုက်ရိုက်
ကြည့်ရှုခြင်းမှ ရှောင်ကြဥ်ပါ။
အလင်းရောင် မှိန်မှိန်ဖြင့် စာဖတ်ခြင်း မလုပ်ပါနဲ့။
ဓါတ်မတည့်မှုများကို လျော့ချပေးနိုင်ပြီး မျက်စိကျန်းမာရေးအတွက် အထောက်အကူဖြစ်သည့် မိမိနှင့်ကိုက်ညီသော မျက်စဥ်းကို အသုံးပြုပေးပါ။
ညမအိပ်မှီ မျက်ကပ်မှန်ကို ဖယ်ရှားပေးပါ။ တစ်နေ့လျှင် ၁၉ နာရီထက်ပို၍ မျက်ကပ်မှန်တပ်ခြင်းကို ရှောင်ကြဥ်ပါ။
မျက်လုံးများကို တစ်နေ့လျှင် အနည်းဆုံး ၂ ကြိမ်
သန့်စင်သည့်ရေဖြင့် ကောင်းကောင်းဆေးကြောပေးပါ။
ဆရာဝန်နှင့် ၆ လ တစ်ကြိမ်ခန့် မျက်စိစစ်ဆေးခြင်း (Eye Checkup) ကို ပုံမှန်လုပ်ပါ။
အားလုံး ကျန်းမာ ကြပါစေ။ 🙏🙏🙏
#ဆေးဆိုင်
#တောင်ကြီးမြို့
