10/07/2025
မြန်မာနိုင်ငံမှာနေတာဆိုရင် အထိုးထားသင့်ဆုံးကာကွယ်ဆေး
မြန်မာနိုင်ငံမှာနေတာဆိုရင်တော့ အသည်းယောင်အသားဝါဘီပိုးကာကွယ်ဆေးကို ထိုးထားသင့်တယ်။ ဘာလို့ထိုးထားသင့်တာလဲဆိုတော့ ဘီပိုး မဖြစ်အောင်လို့။
👉🏻ဒါဆို ဘီပိုးဖြစ်ရင်ဘာဖြစ်မလဲ
အသည်းကို ဒုက္ခပေးမယ်။ အသည်းခြောက်မယ် အသည်းကင်ဆာတွေဖြစ်လာနိုင်မယ် စသဖြင့်ပေါ့။ အသည်းထိတာမထိတာ နောက်ကိစ္စ ခဏထားဦး။ ဘီပိုးဖြစ်နေမှန်းသိရင်ကို ဆေးသောက်ဖို့လုပ်ရမယ်။
ဘီပိုးဆေးဆိုတာ အအေးမိတုပ်ကွေးလို ပါရာစီတမော တန်းပြီးသောက်လို့ရတာမဟုတ်။ ဆေးစသောက်ဖို့အရေးကို အသည်းကောင်းမကောင်း အသည်းဓါတ်တွေစစ်ရမယ်။ အသည်းအနေအထားသိရအောင် အာထွာစောင်းရိုက်ရမယ်။ကိုယ့်မှာဖြစ်နေတဲ့ ဘီပိုးက ဘယ်လိုအနေအထားလဲ၊ အကောင်ရေ ဘယ်လောက်လဲသိရအောင် သွေးတွေစစ်ရမယ်။ အဲ့မှာတင် ကနဦး သိန်းချီကုန်တော့မယ်။
👉🏻အကုန်သိရပြီ ဆေးစသောက်ရတော့မယ်ဆို ဘယ်လောက်သောက်ရမလဲ ဘယ်လိုသောက်ရမလဲ ပြောပြမယ်။ နေ့တိုင်းသောက်ရမယ်။ မိုးရွာလည်းသောက်ရမယ် နေပူလည်းသောက်ရမယ်။ အလှူရှိလည်းသောက်ရမယ်။ ဒေါ်လာစျေးတက်လည်းသောက်ရမယ်။ ထီပေါက်လည်းသောက်ရမယ်။
👉🏻နှစ်နဲ့ချီသောက်ရမယ်။ ဒေါ်နယ်ထရမ် သမ္မတမဖြစ်တော့ရင်လည်းသောက်ရမယ်။ နှစ်နဲ့ချီဆိုတာ သုံးနှစ်လည်းဖြစ်ရင်ဖြစ်မယ် ငါးနှစ်လည်းဖြစ်ရင်ဖြစ်မယ်။ ဆေးလေးသောက် ပုံမှန်သောက်နေရုံပဲမလားလို့မထင်နဲ့။ သောက်ပြီးရင်လည်း ခြောက်လတခါလား၊ တစ်နှစ်တခါလား သွေးတွေစစ်ရမယ် အသည်းအနေအထားသိရအောင် အာထွာစောင်းရိုက်ရဦးမယ်။
👉🏻ခုစာတွေဖတ်နေရင်းကို တော်တော် စိတ်ရှုပ်ဖို့ကောင်းတယ်လို့ထင်တယ်မလား။ ဘီပိုးရှိမရှိသွေးစစ်ကြည့် မရှိဘူးဆို ကာကွယ်ဆေးသာပြေးထိုးလိုက်ပါတော့။ ၃ ခါ သို့ ၄ ခါပဲထိုးရတာ။ ကိုယ်နဲ့နီးတဲ့ဆရာဝန်၊ဆေးခန်းမှာတိုင်ပင်ပြီးသာ ထိုးလိုက်တော့။
👉🏻ဆေးထိုးရမှာ အရမ်းမကြောက်နဲ့ ပုရွတ်ဆိတ်ကိုက်သလောက်ပဲနာတာ။ ဒို့တိုင်းပြည်လိုအနေအထားနဲ့ အပိုမကုန်သင့်တာမကုန်အောင် လူတိုင်းကာကွယ်ထားသင့်တဲ့ ရောဂါပဲ။ ဖြစ်လာမှကုရတာဆိုကုန်ကျစရိတ်တွေ တလတလ ဆေးသောက်ရမဲ့စရိတ်တွေ အရမ်းထောင်းပါတယ်။
👉🏻ရာသီပေါ် နာမည်ကြီး ပရိုမိုးရှင်းအရမ်းကောင်းတဲ့ တုပ်ကွေးကာကွယ်ဆေးတွေဘာတွေ ခဏဘေးချိတ်လိုက်၊ တုပ်ကွေးဆိုတာ အလွန်အကျွန် ကိုက်ခဲဦး ၃-၄ ရက်ပြင်ပိုမကိုက်အားဘူး။ ဘီပိုးဆိုတာကြီးကကျ တသက်လုံးဖြစ်နေမှာ။ စစ်တိုင်းပေါ်နေတာ။
နိုင်ငံခြားသွားမဲ့သူတွေလည်း ကာကွယ်လို့ရတာကာကွယ်ထားသင့်တဲ့ထဲ ဘီပိုးပါပါတယ်။
ချစ်ခင်စွာဖြင့်
ရွှေတောင်ကြီး ၂၄ နာရီ အထွေထွေရောဂါကုဆေးခန်း
