03/07/2023
#အသည်းရောင်အသားဝါဘီပိုးကာကွယ်ဆေး
Hepatitis B Vaccine အကြောင်းကိုသာမန်ပြည်သူတွေအနေနဲ့မဖြစ်မနေသိထားသင့်တဲ့အချက်ကလေးတွေအနည်းငယ်မျှဝေချင်ပါတယ်။
Vaccine အကြောင်းမပြောခင်အသည်းရောင်ဘီပိုးဘယ်လိုကူးစက်နိုင်သလဲဆိုတာလေးအရင်ပြောပါရစေ။
အဓိကကူးစက်နိုင်တာကရောဂါပိုးရှိသူရဲ့သွေးကနေတဆင့်ကူးတာပါ။နောက်တနည်းကတော့လိင်ဆက်ဆံရာမှတဆင့်ကူးစက်တာဖြစ်ပါတယ်။ရောဂါပိုးရှိသူမိခင်မှသန္ဓေသားသို့လည်းကူးစက်နိုင်ပါသေးတယ်။တံတွေးမှတဆင့်ကူးစက်ခြင်းကတော့ရာခိုင်နှုန်းနဲပါးသော်လည်းအချက်တချက်အနေဖြင့်ထဲ့သွင်းထားပါတယ်။
#ဒီမှာတချို့တွေစိုးရိမ်နေကြသလို
နှာချေခြင်း၊ချောင်းဆိုးခြင်း၊သာမန်ဖက်ရမ်းနမ်းရှုံ ့ခြင်း၊ထမင်းတဝိုင်းထဲအတူစားသောက်ခြင်း၊မိခင်နို့တိုက်ကျွေးခြင်းတို့ကနေတဆင့်မကူးစက်နိုင်ဘူးဆိုတာသေသေချာချာသိထားသင့်ပါတယ်။
#ဘယ်လိုကာကွယ်ကြရမလဲ။
#ကာကွယ်ဆေး
ကာကွယ်ဆေးမထိုးရသေးတဲ့သူများမှာဆေးကို၃ကြိမ်အပြည့်ထိုးနှံရပါမယ်။ကာကွယ်ဆေးထိုးတဲ့နည်းကတော့*ပထမတကြိမ်နဲ့ဒုတိယတကြိမ်ကိုတလခြားပြီးထိုးရပါမယ်။ *တတိယတကြိမ်ကိုတော့ဒုတိယအကြိမ်အကြိမ်ထိုးပြီးတလ(သို့မဟုတ်) ၆လ၊ချွင်းချက်အနေနဲ့ ပထမအကြိမ်ထိုးပြီးတနှစ်အတွင်းထိုးလို့လည်းရပါတယ်။
ကာကွယ်ဆေးထိုးဖို့အခွင့်မသာသေးသူများအနေနဲ့တော့ကူးစက်ပုံကူးစက်နည်းကိုသိထားရင်မကူးအောင်ဘယ်လိုကာကွယ်နိုင်မလဲဆိုတာအကြမ်းအားဖြင့်မှန်းဆနိုင်ပါတယ်။
#ပိုးရှိသူရဲ့သွေးမိမိကိုယ်တွင်းသို့မရောက်အောင်
ပိုးရှိသူသုံးစွဲသောဆေးထိုးအပ်၊တက်တူး၊ခေါင်းရိတ်ဒါး၊မုတ်ဆိတ်ရိတ်ဒါး၊ခေါင်းဘီး၊သွားတိုက်တံ၊သွားကြားထိုးတံ..စသည်များကိုအတူသုံးစွဲခြင်းမပြုရန်
သွားရောဂါကုသပစ္စည်းများ၊ခွဲစိတ်ကရိယာများ၊သွေးသွင်းခြင်း၊ကျောက်ကပ်ဆေးခြင်း...စသည်တို့တွင်အသံုးပြုသောပစ္စည်းကရိယာများကိုစနစ်တကျပိုးသတ်ပြီးမှသုံးစွဲခြင်း၊
ကျန်းမာရေးဝန်ထမ်းများအနေနဲ့အကာအကွယ်လက်အိတ်ဝတ်ခြင်း၊သွေးပေသောပစ္စည်းကရိယာများကိုစနစ်တကျစွန့်ပစ်ခြင်း
ပိုးရှိသူနှင့်လိင်ဆက်ဆံလျင်အကာအကွယ်သုံးခြင်း၊
ပိုးရှိသူမှကလေးကိုအစာဝါးခွံ့ခြင်း..စသည်တို့ကိုရှောင်ကျဉ်ရန်
ရောဂါရှိသူမိခင်မှကလေးသို့မကူးစက်ရန်ကာကွယ်ခြင်း
(သီးခြားပို့စ်ဖြင့်အသေးစိတ်ရေးသားဖေါ်ပြထားပါတယ်)
#မြန်မာနိုင်ငံမှာ ကာကွယ်ဆေးကို
(၀,၁,၂) သို့မဟုတ် (၀,၁,၆) ပုံစံနဲ့ အများဆုံးထိုးကြပါတယ်။
(၀,၂,၄) ပုံစံကို တိုးချဲ့ကာကွယိဆေးထိုးအစီအစဉ်မှာအသုံးပြုထိုးကြပါတယ်။
High risk people များအတွက် (၀,၇,၂၁) ရက် အတွင်းလည်းထိုးနှံပေးနိုင်ပါတယ်။
လို့ခေါ်တဲ့အားဖြည့်ခြင်းကိုတော့လိုအပ်သူများမှာသာထိုးဖို့လိုပါတယ်။ ကာကွယ်ဆေးအောင်မအောင်ကိုတော့ပဠိပစ္စည်းလို့ခေါ်တဲ့HBs Ab ကိုစစ်ကြည့်ရပါမယ်။ကာကွယ်ဆေး၃ကြိမ်ပြည့်ပြီးနောက်၆ပတ်(သို့မဟုတ်)၈ပတ်မှာကာကွယ်ဆေးအောင်မအောင်စစ်နိုင်ပါတယ်။
ကာကွယ်ဆေးထိုးပြီးသူတိုင်းအသည်းရောင်အသားဝါဘီပိုးမဝင်နိုင်တော့ဘူးလားလို့မေးရင်ကာကွယ်ဆေးမအောင်သူ များမှာ (၅% မှ ၁၀%ခန့်သောဆေးထိုးပြီးသူများ)မှာဝင်နိုင်ပါသေးတယ်။ကာကွယ်ဆေးထိုးနှံသူ၉၀%မှ၉၅%အထိဟာရောဂါကာကွယ်မှုရကြပါတယ်။
- - - - - - - - - - - - - - -
ဘယ်လိုလူတွေကကာကွယ်ဆေးမအောင်ကြတာလဲ။
#ကာကွယ်ဆေးကိုမတုန့်ပြန်ကြသူတွေရှိပါတယ်။
- မျိုးရိုးဗီဇကြောင့်တုန့်ပြန်မှုမရှိခြင်း
- အသက်၅၀ကျော်မှစထိုးသူများမှာတုန့်ပြန်မှုနဲပါးခြင်း
- ကိုယ်ခံစွမ်းအားကျစေတဲ့ဆေး-Immunosuppressive သောက်နေရသူများ၊ဥပမာ Prednisolone၊
HIV infection ရှိသူများမှာတုန်ု့ပြန်မှုအားနည်းတတ်ပါတယ်။
- Vaccine storage ကာကွယ်ဆေးသိုလှောင်မှုနည်းစနစ်မမှန်တာတွေဟာလည်းတုန့်ပြန်မှုနည်းပါးစေတဲ့အကြောင်းရင်းတခုဖြစ်ပါတယ်။
#ပထမ၃ကြိမ်ကာကွယ်ဆေးထိုးပြီးမတုန့်ပြန်သူတွေကိုဘယ်လိုဆက်လုပ်ပေးရမလဲ။
-နောက်တလုံးထပ်ထိုးပေးရင်၂၅%ဟာပြန်ပြီးတုန့်ပြန်တာတွေ့ရပါတယ်။
-နောက်၃ကြိမ်တကျော့ပြန်ထိုးပေးရင်တော့၇၅%ဟာတုန့်ပြန်တာတွေ့ရပါတယ်။
#တုန်ု့ပြန်မှုရှိမရှိဆိုတာဘာကိုပြောတာလဲ။
တုန့်ပြန်မှုရှိမရှိသိရအောင်ပဋိပစ္စည်းလို့ခေါ်တဲ့ HBs Ab ကိုတိုင်းတာရပါတယ်။ဆေး၃ကြိမ်ထိုးပြီး၂လလောက်မှာစစ်ရင်ပိုသေချာပါတယ်။ International Unit per Litre (IU/L)
နဲ့အဖြေထွက်ပါတယ်။
10-IU/L ယူနစ်၁၀ကျော်ရင်ကာကွယ်ဆေးအောင်ပါတယ်။ ( according to WHO Guideline)
၁၀ယူနစ်အောက်ဆိုဆေးမအောင်ပါဘူး၊ကာကွယ်ဆေး၃ကြိမ် အကြိမ်ပြည့် နှစ်ခါပြန်ထိုးသည့်တိုင် Antibody မထွက်သူများကို လို့ခေါ်ပါတယ်။
ကာကွယ်ဆေးထိုးပြီး၂လမှာပဋိပစ္စည်းမထွက်သေးပဲနောက်တဖြေးဖြေးမှထွက်လာတာမျိုးလည်းရှိပါတယ်။ ခေါ်ပါတယ်။
ကျွန်မတို့တိုင်းပြည်လိုကူးစက်မှုရာခိုင်နှုန်းများသောဒေသမှာတော့ ၁၀၀ယူနစ်ကျော်ရှိမှစိတ်ချရတယ်လို့ဆိုပါတယ်။ဘီပိုးမကူးစက်နိုင်တော့ပါဘူး။
(မြန်မာနိုင်ငံလို High Risk Country မှာ ၁၀ယူနစ်ကျော်ရုံနဲ့စိတ်မချရဘူးလို့ဆိုကြပါတယ်။ ၁၀၀ယူနစ် ထက်မကများလေကာကွယ်မှုပိုကောင်းလေပါ။)
= =. =. =. =. =. =. =. =. =. =. =. =. =
ခုလိုအချိန်အခါမှာမြန်မာပြည်သူပြည်သားများ ကိုဗစ်ဗိုင်းရပ်စ်ပိုးသာမက အသည်းရောင်အသားဝါဘီပိုး🦠မှလည်းကင်းဝေးကြပါစေလို့ဆုမွန်ကောင်းတောင်းလိုက်ပါတယ်။
မေတ္တာဖြင့်
ဒေါက်တာရီရီစိန်
Crd - Myanmar Liver Foundation-MLF's
🦠 အသည်းရောင်အသားဝါရောဂါ ဘီပိုးကာကွယ်ဆေးကို CHOCO ရောဂါရှာဖွေရေးနှင့် အထူးကုဆေးခန်း မှာ ထိုးလို့ရနေပြီနော်...။
🏪 CHOCO Diagnostic Center and Specialist Clinic
အမှတ် (၄၁၅)၊ ပုဏ္ဏမီလမ်း၊ (၇၈) ရပ်ကွက်၊ ဒဂုံဆိပ်ကမ်းမြို့နယ်၊ ရန်ကုန်မြို့။ (ယုဇနဥယျာဥ်မြို့တော်၊ A - ၈ လမ်းထိပ်)
၀၉ ၈၈၁၇၂ ၅၁၅၁
၀၉ ၈၈၁၇၂ ၅၂၅၂
၀၉ ၈၈၁၇၂ ၅၃၅၃
#ကာကွယ်ဆေးထိုးနှံခြင်း
#အသည်းရောင်အသားဝါရောဂါ
#ဘီပိုးကာကွယ်ဆေး
#အထူးကုဆရာဝန်ကြီးများ
#ယုဇနဥယျာဥ်မြို့တော်
