https://www.facebook.com/101949985792652/

မျှဝေ၊ ကုသ၊ ကင်းစင်

06/05/2026

🎉 အရင်တစ်ပတ်က ပြုလုပ်ခဲ့တဲ့ “တီဘီရောဂါကာကွယ်ကုထုံး (TPT) ဗီဒီယိုကြည့်ပြီး ဖုန်းဘေလ် (၁၀,၀၀၀) လက်ဆောင်ယူ” အစီအစဉ်ရဲ့ ကျပန်းရွေးချယ်ထားတဲ့ ဖုန်းဘေလ်ကံထူးရှင်လေးတွေ ပေါ်ထွက်လာပါပြီ။

❗️ကံထူးရှင်တွေအနေနဲ့ Page messenger မှာ မေလ (၈) ရက်နေ့ နောက်ဆုံးထားပြီး လာရောက်ဆက်သွယ်ပေးဖို့ မေတ္တာရပ်ခံပါတယ်။

🙏ပါဝင်ပေးခဲ့တဲ့ တစ်ယောက်ချင်းစီကို ကျေးဇူးတင်ပါတယ်။ ကံမထူးသေးတဲ့သူတွေလည်း နောက်ထပ်လာမယ့် လစဉ် ဉာဏ်စမ်းအစီအစဉ်တွေမှာ ထပ်ပြီး ပါဝင်နိုင်သေးတာမို့ ဆက်လက်စောင့်မျှော်ပေးပါဦးနော်။

24/04/2026

End TB Together ပရိတ်သတ်တို့ရေ………….

ပြီးခဲ့တဲ့လက ကမ္ဘာ့တီဘီရောဂါတိုက်ဖျက်ရေးနေ့ အထိမ်းအမှတ်အနေနဲ့ “တီဘီရောဂါကာကွယ်ကုထုံး (𝐓𝐏𝐓) အကြောင်း” ကို ပါမောက္ခ ဒေါက်တာဦးစောဝင်း (ကလေးအထူးကုဆရာဝန်ကြီး) နဲ့ ဒေါက်တာအေမီတို့က မျှဝေပေးထားတာလေးကို ကြည့်ရှုနားထောင်ခဲ့ကြပြီးဖြစ်မယ်လို့ ထင်ပါတယ်နော်။

📌အခု အစီအစဉ်လေးကတော့ ဗီဒီယိုလေးကို React ပေးပြီး ဗီဒီယိုထဲက ကိုယ်မှတ်မိတဲ့အကြောင်းအရာကို ယခုပို့စ်(post)ရဲ့ ကွန်းမန့် (comment) မှာရေးရုံနဲ့ ဖုန်းဘေလ် (၁၀,၀၀၀) လက်ဆောင်ရယူနိုင်မယ့် အစီအစဉ်လေးပဲ ဖြစ်ပါတယ်။

✅လုပ်ရမယ့်အချက်လေးတွေကလည်း လွယ်ကူပါတယ်။
အဆင့်(၁) 𝐓𝐏𝐓 ဗီဒီယို (အပိုင်း ၁+၂)ကို React (like👍/ Love❤️) တစ်ခုခုပေးမယ်။
အဆင့်(၂) 𝐓𝐏𝐓 ဗီဒီယို (အပိုင်း ၁+၂) ထဲက ကိုယ်မှတ်မိတဲ့ အကြောင်းအရာတစ်ခုကို ယခုပို့စ်ရဲ့ Comment မှာ ရေးမယ်။
အဆင့်(၃) ယခုပို့စ် (post) ကို public နဲ့ share ပေးရန်။

📌 𝐓𝐏𝐓 ဗီဒီယိုလေးတွေကို ပြန်လည်ကြည့်ရှုဖို့နဲ့ React ပေးဖို့အတွက် အောက်ပါလင့်ခ် (link) ကနေ ဝင်ရောက် ကြည့်ရှုနိုင်ပါတယ်နော်။

ဗီဒီယိုအပိုင်း (၁)- https://www.facebook.com/share/v/1GoRjCPMAH/
ဗီဒီယိုအပိုင်း (၂)- https://www.facebook.com/share/v/17U9UZu5PM/

📌ပါဝင်ရန်နောက်ဆုံးရက်ကတော့ ဧပြီလ (၃၀) ရက်နေ့အထိဖြစ်ပြီး ကျပန်းရွေးချယ်ထားတဲ့ ကံထူးရှင် (၃) ဦးကို မေလ (၆) ရက်နေ့မှာ ကြေညာပေးမှာ ဖြစ်ပါတယ်။

13/04/2026

💦မြန်မာနှစ်သစ်ကူး ဆုတောင်း💦

🙏 မင်္ဂလာရှိတဲ့ မြန်မာနှစ်သစ်ကူး အချိန်အခါ သမယလေးမှာ စိတ်၏ချမ်းသာခြင်း၊ ကိုယ်၏ကျန်းမာခြင်းနဲ့ ပြည့်စုံပါစေကြောင်း "မျှဝေ၊ ကုသ၊ ကင်းစင်- End TB Together" အဖွဲ့သားများမှ ဆုမွန်ကောင်း တောင်းပေးလိုက်ပါတယ်နော်။ 🙏

📌နှစ်သစ်မှာ ကျန်းမာရေး ပိုမိုဂရုစိုက်ပြီး တီဘီ‌ရောဂါနဲ့ ပတ်သက်တဲ့ ကျန်းမာရေး သတင်းစကားတွေကို ဆက်လက်လေ့လာ ဖတ်ရှုစေဖို့လည်း အကြံပြုတိုက်တွန်းပါရစေ။

🫁တီဘီရောဂါ ကင်းစင်ဖို့ တီဘီသံသယလက္ခဏာတွေကို ကောင်းစွာသိရှိပြီး လက္ခဏာတစ်ခုခုခံစားရပါက တီဘီရောဂါရှိ/မရှိ စစ်ဆေးကြည့်ဖို့လည်း မေတ္တာဖြင့် တိုက်တွန်းလိုက်ပါတယ်နော်"

👉သိလိုသည်များကိုလည်း Page messenger မှတစ်ဆင့် မေးမြန်းနိုင်ပါတယ်။

#နှစ်သစ်ကူးဆုတောင်း

06/04/2026

👉မတ်လ (၂၄) ရက်နေ့ “ကမ္ဘာ့တီဘီရောဂါတိုက်ဖျက်‌ရေးနေ့” မှာ End TB Together အဖွဲ့သားများနဲ့ မိတ်ဖက်အဖွဲ့အစည်းများရဲ့ တီဘီရောဂါတိုက်ဖျက်ရေး လှုပ်ရှားမှုပုံရိပ်များကို မျှဝေပေးပါရစေ၊၊

👉ပရိတ်သတ်တို့လည်း တီဘီ‌ရောဂါတိုက်ဖျက်ရေးလုပ်ငန်းစဉ် တစ်ခုခုမှာ ပါဝင်ဆောင်ရွက်နေသူဖြစ်ပါက ကွန်းမန့် (comment) မှာ မျှဝေပေးခဲ့ပါဦးနော်။

25/03/2026

“ကမ္ဘာ့တီဘီရောဂါတိုက်ဖျက်ရေးနေ့” အထိမ်းအမှတ် အစီအစဉ်ရဲ့ ဗီဒီယိုဒုတိယပိုင်းလေး လာပါပြီနော် ..
🎥ဒီဗီဒီယိုလေးမှာတော့ 𝗧𝗕 𝗣𝗿𝗲𝘃𝗲𝗻𝘁𝗶𝘃𝗲 𝗧𝗿𝗲𝗮𝘁𝗺𝗲𝗻𝘁 (𝗧𝗣𝗧) လို့ခေါ်တဲ့ တီဘီရောဂါကာကွယ်ကုထုံး အကြောင်းနဲ့ ပတ်သက်တဲ့ သတင်းအချက်အလက် အစုံအလင်ကို ဒေါက်တာအေမီနဲ့အတူ ကလေးကျန်းမာရေး အထူးကုဆရာဝန်ကြီး ပါမောက္ခဒေါက်တာ ဦးစောဝင်းက သေချာလေး ပြောပြပေးထားပါတယ်၊၊

“တီဘီရောဂါကာကွယ်ကုထုံး (TPT) ဆိုတာဘာလဲ... တီဘီရောဂါကာကွယ်ကုထုံး ခံယူထားမယ်ဆိုရင် ဘယ်လို အကျိုးကျေးဇူးတွေ ရှိနိုင်မလဲ...” အစရှိတဲ့ အကြောင်းအရာတွေကို အသေးစိတ်ပြောပြပေးထားတာမို့ အားလုံးပဲ ဗဟုသုတ ရရှိကြမယ်လို့ မျှော်လင့်ပါတယ်…

#တီဘီရောဂါမဖြစ်ပွားဖို့ကာကွယ်ကုထုံးသောက်ကြစို့

25/03/2026

အားလုံးသိထားသင့်တဲ့ တီဘီရောဂါနဲ့ ပတ်သက်တဲ့ အကြောင်းအရာတွေကို ကလေးအထူးကုဆရာဝန်ကြီး ပါမောက္ခ ဒေါက်တာဦးစောဝင်းမှ ဒီဗီဒီယိုလေးထဲမှာ သေချာလေး ဆွေးနွေးပေးထားပါတယ်။

ကြည့်ရှုရန်👇

Full video link: https://www.facebook.com/share/v/1FcuNf7nDb/?mibextid=wwXIfr

page: https://www.facebook.com/EndTBTogether

24/03/2026

မင်္ဂလာပါ End TB Together ပရိတ်သတ်တို့ရေ………

📌ဒီနေ့ မတ်လ (၂၄) ရက်နေ့၊ “ကမ္ဘာ့တီဘီရောဂါတိုက်ဖျက်ရေးနေ့” အထိမ်းအမှတ်အနေနဲ့ အားလုံးသိထားသင့်တဲ့ တီဘီရောဂါနဲ့ ပတ်သက်တဲ့ အကြောင်းအရာတွေကို ဒေါက်တာအေမီနဲ့အတူ ကလေးအထူးကုဆရာဝန်ကြီး ပါမောက္ခ ဒေါက်တာဦးစောဝင်းက ဒီဗီဒီယို ပထမပိုင်းမှာ သေချာလေးဆွေးနွေးပေးထားတာမို့ ဗီဒီယိုလေးကို အဆုံးထိကြည့်ရှုဖို့ တိုက်တွန်းလိုက်ပါရစေ…

#တီဘီရောဂါမဖြစ်ပွားဖို့ကာကွယ်ကုထုံးသောက်ကြစို့

24/03/2026

ကမ္ဘာ့တီဘီရောဂါတိုက်ဖျက်ရေးနေ့ (World TB Day)
——————————————————————-

📌ယနေ့ မတ်လ (၂၄) ရက်နေ့ဟာ ကမ္ဘာ့တီဘီရောဂါတိုက်ဖျက်ရေးနေ့ (World TB Day) ဖြစ်ပါတယ်။

📌ဒီနေ့ဖြစ်ပေါ်လာပုံကတော့ ၁၈၈၂ ခုနှစ်မှာ ဒေါက်တာ ရောဘတ်ကော့ခ်ျ (Robert Koch)က တီဘီရောဂါကို ဖြစ်ပွားစေတဲ့ ဘက်တီးရီးယားပိုးကို စတင်ရှာဖွေတွေ့ရှိခဲ့ပါတယ်။ ဒီတွေ့ရှိမှုကို ဂုဏ်ပြုတဲ့အနေနဲ့ မတ်လ (၂၄) ရက်နေ့ကို 'ကမ္ဘာ့တီဘီရောဂါတိုက်ဖျက်ရေးနေ့' အဖြစ်သတ်မှတ်ပြီး ကမ္ဘာတဝှမ်းမှာ တီဘီရောဂါတိုက်ဖျက်ရေး ကြိုးပမ်းအားထုတ်မှုတွေ မြှင့်တင်ဖို့ လှုံ့ဆော်တဲ့အနေနဲ့ ကျင်းပကြတာဖြစ်ပါတယ်။

📌တီဘီ‌ရောဂါတိုက်ဖျက်ရေးလုပ်ငန်းတွေမှာ အားလုံး မိမိတတ်နိုင်တဲ့ ကဏ္ဍကနေ တစ်တပ်တစ်အား ပူးပေါင်းပါဝင်ဆောင်ရွက်ကြဖို့ ဒီနေ့ကျရောက်တဲ့ ကမ္ဘာ့တီဘီရောဂါတိုက်ဖျက်ရေးနေ့မှာ End TB Together အဖွဲ့သားများမှ လှုံ့ဆော်တိုက်တွန်းလိုက်ပါရစေနော်။

Yes! We can End TB! Led by countries.Powered by people.

20/03/2026

👉 “တီဘီရောဂါတိုက်ဖျက်မှု မြှင့်တင်ဖို့ 𝐏𝐫𝐨𝐟𝐢𝐥𝐞 𝐂𝐚𝐦𝐩𝐚𝐢𝐠𝐧 မှာ ပါဝင်စို့” 👈
————————————————————————

မင်္ဂလာပါ 𝗘𝗻𝗱 𝗧𝗕 𝗧𝗼𝗴𝗲𝘁𝗵𝗲𝗿 ပရိတ်သတ်တို့ရေ

📌မတ်လ (၂၄) ရက်နေ့မှာ ကျရောက်မယ့် ကမ္ဘာ့တီဘီရောဂါတိုက်ဖျက်ရေးနေ့ အကြိုအထိမ်းအမှတ်အနေနဲ့ “𝗬𝗲𝘀! 𝗪𝗲 𝗖𝗮𝗻 𝗘𝗻𝗱 𝗧𝗕! 𝗟𝗲𝗱 𝗯𝘆 𝗖𝗼𝘂𝗻𝘁𝗿𝗶𝗲𝘀. 𝗣𝗼𝘄𝗲𝗿𝗲𝗱 𝗯𝘆 𝗣𝗲𝗼𝗽𝗹𝗲” ဆိုတဲ့ ဒီနှစ်ရဲ့ ဆောင်ပုဒ်လေးပါဝင်တဲ့ Facebook profile frame လေး အတူတူပြောင်းကြပါစို့နော်။ ဒါဟာ တစ်ဦးတစ်ယောက်ချင်းစီရဲ့ တီဘီရောဂါတိုက်ဖျက်ရေးလုပ်ငန်းတွေမှာ တစ်စိတ်တစ်ပိုင်း ပူးပေါင်းပါဝင်ခြင်းရဲ့ ပြယုဂ်ပဲ ဖြစ်ပါတယ်။

✅ 𝐖𝐨𝐫𝐥𝐝 𝐓𝐁 𝐃𝐚𝐲 𝐟𝐫𝐚𝐦𝐞 လေးပြောင်းဖို့အတွက် ဒီလင့်ခ် https://twb.nz/worldtbday2026 ကို နှိပ်ပါ။
အဆင့်(၁) “Choose your photo” ကို နှိပ်ပြီး မိမိ profile ထားချင်သည့် ပုံကိုရွေးပါ။ ပုံကို ဘောင် (frame) အတွင်းဝင်စေရန် ချိန်ညှိပါ။
အဆင့် (၂) “Download” ကို နှိပ်ပါ။
အဆင့် (၃) “Save image” ကိုနှိပ်ပါ။
အဆင့် (၄) Download လုပ်ထားသောပုံကို မိမိရဲ့ ဖေ့စ်ဘုတ် (Facebook) အကောင့်မှာ Profile photo အနေနဲ့ စာသားနှင့်တကွ upload လုပ်ပါ။

📌ပါဝင်ထားတဲ့ 𝐏𝐫𝐨𝐟𝐢𝐥𝐞 𝐩𝐡𝐨𝐭𝐨 လေးတွေကို ကွန်းမန့် (comment) မှာ မျှဝေပေးခဲ့ပါဦးနော်။

24/01/2025

🙋‍♂️🙋‍♀️မင်္ဂလာပါ ပရိတ်သတ်တို့ရေ။ End TB Together Page ကနေ လစဉ် ပြုလုပ်နေကျ ဉာဏ်စမ်းပဟေဠိအစီအစဉ် အချိန်လေး ရောက်ရှိလာပါပြီ။ အောက်မှာဖော်ပြထားတဲ့ မေးခွန်းလေးကို ပါဝင်ဖြေဆိုကြည့်လိုက်ပါဦးနော်။ အဖြေမှန်တဲ့သူတွေထဲက (၃) ယောက်ကို ကျပန်းရွေးချယ်ပြီး ဖုန်းဘေလ် (၁၀,၀၀၀) ကျပ် မေတ္တာလက်ဆောင်အနေနဲ့ ချီးမြှင့်ပေးမှာ ဖြစ်ပါတယ်။

📌စည်းကမ်းချက်လေးတွေကတော့
(၁) End TB Together Page ကို Like & Follow လုပ်ထားရန်
(၂) ယခု post ကို public နဲ့ share ထားတဲ့ screenshot ကို မိမိရဲ့ အဖြေတွေနဲ့အတူ comment မှာ မန့်ပေးရန် ဖြစ်ပါတယ်။

👉ပါဝင်ဖြေဆိုရန် နောက်ဆုံးရက်ကတော့ ဇန်နဝါရီလ (၃၁) ရက်နေ့အထိ ဖြစ်ပြီး အဖြေမှန်တွေနဲ့အတူ ကံထူးရှင်တွေကိုတော့ ဖေဖော်ဝါရီလ (၅) ရက်နေ့မှာ ကြေညာပေးမှာ ဖြစ်ပါတယ်။

❓မေးခွန်းလေးတွေကတော့
(၁) တီဘီရောဂါရှိသူတွေအနေနဲ့ လိုက်နာဆောင်ရွက်ရမယ့်အချက်တွေထဲက တစ်ခုကို ဖော်ပြပေးပါ။

(၂) တီဘီရောဂါရှိသူရဲ့ အတူနေမိသားစုဝင်တွေအနေနဲ့ လိုက်နာ‌ဆောင်ရွက်သင့်တဲ့ အချက်တစ်ချက်ကို မျှဝေပေးပါ။

အဖြေကို Comment မှာ ရေးပေးခဲ့ပါဉီးနော်။

“တီဘီရောဂါ မပြန့်ပွားဖို့၊ မိမိကစ ဂရုစိုက်စို့”

17/01/2025

မိသားစုဝင်ထဲမှာ တီဘီရောဂါဖြစ်တဲ့သူရှိပါက စိုးရိမ်ကြောက်လန့်တာတွေ မဖြစ်ဘဲ အတူဖေးမကူညီစောင့်ရှောက်ဖို့က အရေးကြီးပါတယ်။

🫁တီဘီရောဂါဟာ လေမှတစ်ဆင့်၊ အသက်ရှူလမ်းကြောင်းကတစ်ဆင့် ကူးစက်ခံရတာဖြစ်ပြီး စနစ်တကျ ဆေးကုသမှုခံယူရင် လုံးဝပျောက်ကင်းနိုင်တဲ့ရောဂါ ဖြစ်ပါတယ်။

📌အတူနေမိသားစုဝင်တွေအနေနဲ့ အောက်ပါအချက်တွေကို လိုက်နာဆောင်ရွက်သင့်ပါတယ်။

(၁) ကျန်းမာရေးဝန်ထမ်းများမှ တီဘီရောဂါနဲ့ပတ်သက်ပြီး နှစ်သိမ့်ဆွေးနွေးပေးခြင်းနဲ့ ကျန်းမာရေးအသိပညာပေးခြင်း လုပ်ငန်းစဉ်တွေမှာ ပူးပေါင်းပါဝင်ပါ။
(၂) အတူနေမိသားစုဝင်အားလုံး တီဘီရောဂါရှိ/မရှိ မဖြစ်မနေ စစ်ဆေးသင့်ပါတယ်။ လိုအပ်ပါက ကျန်းမာရေးဝန်ထမ်းများမှ သလိပ်စစ်ဆေးခြင်း၊ ရင်ဘတ်ဓာတ်မှန်ရိုက်ခြင်း စတာတွေကို ဆောင်ရွက်ပေးပါတယ်။
(၃) ဒီလိုစစ်ဆေးခြင်းဖြင့် မိသားစုဝင်တွေအနေနဲ့ တီဘီရောဂါရှိ/မရှိ စောစောစီးစီး သိနိုင်ပြီး လိုအပ်ပါက ဆေးကုသမှု ချက်ချင်းခံယူသင့်ပါတယ်။
(၄) အကယ်၍ အတူနေမိသားစုဝင်တွေမှာ တီဘီရောဂါမရှိပါက ကျန်းမာရေးဌာနမှ သတ်မှတ်ချက်တွေနဲ့အညီ တီဘီရောဂါကာကွယ်ကုထုံး (TPT) သောက်သုံးပြီး တီဘီရောဂါမဖြစ်လာအောင် တားဆီးကာကွယ်သင့်ပါတယ်။

“တီဘီရောဂါ မပြန့်ပွားဖို့၊ မိမိကစ ဂရုစိုက်စို့”

မျှဝေ၊ ကုသ၊ ကင်းစင် - End TB Together

06/05/2026

24/04/2026

13/04/2026

06/04/2026

25/03/2026

25/03/2026

24/03/2026

24/03/2026

20/03/2026

24/01/2025

17/01/2025

Address

Website

Alerts

Shortcuts

Share

Category