Thu Kha Nwe Specialist Clinic

12/06/2025

Sharing for caring ပါ

ပြီးခဲ့တဲ့ ၉/၆/၂၀၂၅ နေ့ကမှ စင်ကာပူက NUH မှာ ကျွန်မ အသက် (၅၀) ပြည့်ပြီးသူမို့ ဆရာဝန်က စစ်ခိုင်းလို့ အူမကြီး မှန်ပြောင်းကြည့်ခဲ့ပြီးလို့ ဒီပို့စ်လေးကို အများပြည်သူ အူမကြီးကင်ဆာ ရောဂါ​ဘေးကကြိုတင်ကာကွယ်နိုင်အောင် sharing လုပ်ပေးလိုက်ပါတယ်။

အူမကြီး မှန်ပြောင်းကြည့်တာ အိပ်ဆေးထိုးပေးသလို ဘာမှ မနာမကျင် အချိန် ၁၅ မိနစ်သာကြာပါတယ် ကိုယ်ဆို မအိပ်တဲ့အတွက် တချိန်လုံးသိနေတာမို့ ငါ့ ဗိုက်နဲနဲတင်းလာရင် အော်မယ်ကြံရွယ်ထားပေးမဲ့ အော်ချိန်တောင် မရလိုက်ဘူး ဆရာဝန်က ပြီးသွားပြီဆိုလို့ ပြန်ခဲ့ရပါကြောင်း။ 😆

အူမကြီးကင်ဆာရောဂါက ကာကွယ်မယ်။
>>>>>>>>>>>>>>>>>>>>>>>>>>>>

ကင်ဆာရောဂါကို ကာကွယ်မယ်ဆိုတော့ မင့်ဟာက ဟုတ်ပါ့မလားကွာလို့ မေးစရာရှိတယ်။ ကင်ဆာဆိုတာ ဘယ်သူ့မှာဖြစ်မယ်လို့ ကြိုသိတာမှ မဟုတ်တာ။ ဖြစ်တော့လဲ ကံတရားပေါ့။ ကြိုသိရင် ကြိုစိတ်ညစ်နေရအုန်းမယ်လို့ စောဒက တက်စရာရှိတာပေါ့။

စာဖတ်သူ ကျွန်တော့် မိတ်ဆွေများ စဉ်းစားသလို ကျွန်တော်လဲ အဲ့လိုပဲ ထင်ခဲ့တာပဲဗျ။ ထင်တာမှ ဆရာဝန်ပေါက်စဘဝတင်မကဘူး။ ကိုယ်တိုင် ခွဲစိတ်အထူးကုဆရာဝန် ဖြစ်လာတဲ့ အချိန်အထိတောင် အဲ့လိုပဲထင်တာ။ ဟိုဟာမစားနဲ့ ဟိုဟာရှောင် ဒီလိုမနေနဲ့ ဒါတွေပဲပြောပြီး နောက်ဆုံးကျတော့လဲ ကင်ဆာဆိုတာ ဖြစ်ချင်တဲ့သူဖြစ်တာပါပဲကွာ၊ တယ်လဲ မထူးပါဘူးလို့ ထင်တာ။ ဖြစ်လာတော့လဲ ကြည့်ကျက်လုပ်တာပေါ့၊ မဖြစ်ခင်ငွေကုန်လူပန်း လိုက်ရှာနေလဲ မထူးပါဘူးလို့ တကယ်ထင်ထားတာ။

အဲ့အတွေးက ဘယ်မှာပြောင်းလဲသွားလဲဆိုတော့ ကျွန်တော်ကိုယ်တိုင် Singapore General Hospital (SGH) မှာ clinical fellow ဘဝ နဲ့ ကိုယ်တိုင်ကိုယ်ကျ စလုံးလူနာတွေကို ကြည့်ရှုကုသပေးရတဲ့ အချိန်ရောက်မှ ပြောင်းသွားတယ်။ ဪ ငါထင်တာ မဟုတ်သေးဘူးပဲလို့ ဖြစ်သွားတယ်။ ကင်ဆာနဲ့ ပက်သက်တဲ့ မြန်မာဆန်တဲ့ အတွေးအခေါ်ပြောင်းသွားတယ် ပြောရမယ်။

အဖြစ်က ဒီလို။ ကျွန်တော်ဟာ စလုံးရဲ့ အကြီးဆုံး SGH ဆေးရုံမှာ အလုပ်လုပ်ရတာက နေ့စဉ်နီးပါး တနေ့ကို လူနာ ၂၄ ယောက်ကြည့်ရတယ်။ ကျွန်တော်က ward 47 လို့ခေါ်တဲ့ SGH ရဲ့ အူမကြီး စအိုခွဲစိတ်ဌာနက ခွဲစိတ်ဆရာဝန်ဆိုတော့ လာသမျှ လူနာတိုင်းကတော့ အူမကြီးရောဂါတွေချည်းပဲ။ လူနာတယောက် ကျွန်တော့်ရုံးခန်းထဲမဝင်ခင် သူနာပြုအကူက ကျွန်တော့်ကို ဝင်လာမယ့်လူနာရဲ့ ဆေးမှတ်တမ်းတွေကို ကျွန်တော်ဖတ်ဖို့ ကျွန်တော့်ရှေ့ချချပေးတယ်။ ကျွန်တော် SGH မှာ အလုပ်လုပ်ခဲ့တာက ၂၀၁၄ ။ အဲ့ဒီမှာ အူမကြီးကင်ဆာ ခွဲထားတဲ့ လူနာတွေ အများကြီးကို ကျွ

29/05/2025

5th disease ဖီဖ့်ရောဂါ (Parvovirus B19) – မိဘတွေသိထားဖို့လိုတဲ့အချက်များ ( can see in USA and in Myanmar)

သင့်ကလေးရဲ့ဖျင်နီနီတက်နေတဲ့ skin ( skin rash) ကိုမြင်ပြီး၊ အေးတဲ့အပြင်မှာကစားလို့မဟုတ်ဘူးဆိုရင်တော့ “ဖီဖ့်ရောဂါ” ဖြစ်နိုင်ပါတယ်။

ဒီရောဂါဟာကလေးတွေအကြားမှာဖြစ်လေ့ရှိတဲ့အသားရေဖျားနာခြင်းခြောက်မျိုးအနက်တစ်ခုအဖြစ်သမိုင်းဝင်စာရင်းမှာတွေ့ရလို့ ဒီအမည်ရလာတာပါ။ Parvovirus B19 ဆိုတဲ့ဗိုင်းရပ်စ်ကဖြစ်စေပြီး၊ “Erythema infectiosum” လို့လည်းခေါ်တတ်ကြပါတယ်။

ဖီဖ့်ရောဂါဟာ မူကြိုနဲ့မူလတန်းအရွယ်ကလေးတွေအကြားမှာနွေနောက်ပိုင်း၊ နွေဥတုအစအချိန်တွင် ပျံ့နှံ့လေ့ရှိပါတယ်။ ၂၀၂၄ ခုနှစ် ဩဂုတ်လမှာတော့ အေမရိကန်ရောဂါထိန်းချုပ်ရေးနှင့်ကာကွယ်ရေးဌာန (CDC) က ဖီဖ့်ရောဂါဖြစ်ပွားမှု တိုးလာနေတယ်လို့ သတင်းထုတ်ပြန်ခဲ့ပါတယ်။ အထူးသဖြင့် အသက် ၅ မှ ၉ နှစ်အကြားကလေးတွေမှာ များစွာတိုးလာခဲ့ပါတယ်။

ဖီဖ့်ရောဂါရဲ့လက္ခဏာများ

ဖီဖ့်ရောဂါရှိသူအများစုမှာ လက္ခဏာမရှိတာမျိုး သို့မဟုတ် အနည်းငယ်သာရှိတတ်ပါတယ်။ ဖြစ်တတ်တဲ့လက္ခဏာများမှာ အသားအရေဖျားဖွယ်ရာ, ကိုယ်ပူနာ, နှာစီး, ကြွက်သားနာခြင်းနဲ့ ခေါင်းကိုက်ခြင်း တို့ပါဝင်ပါတယ်။ ဒါပေမဲ့လည်း လူအချို့အတွက်တော့ အန္တရာယ်ဖန်တီးနိုင်တဲ့ရောဂါဖြစ်ပါတယ်။

ဥပမာ – သွေးဆိုင်ရာရောဂါ, ကိုယ်ခံအားအနည်းဆုံးခြင်း,ကင်ဆာရှိတဲ့ကလေးတွေအတွက်တော့ ဆိုးရွားလာနိုင်ပါတယ်။ ကိုယ်ဝန်ဆောင်နေသူများလည်း ပြသနာဖြစ်နိုင်တာကြောင့် တစ်ဖက်တစ်လမ်းထဲသွားပြီး ဆရာဝန်နဲ့အကြံဉာဏ်ယူဖို့လိုပါတယ်။

ကလေးမှာဖီဖ့်ရောဂါရှိ/မရှိကိုဘယ်လိုသိမလဲ။

အခြားဗိုင်းရပ်စ်ရောဂါတွေနဲ့မတူဘဲ မစိစစ်ခင်က ဆရာဝန်ကအသားအရေဖျား ( skin rash) ခြင်းကိုကြည့်ပါတယ်။ ဒါက အရေးကြီးဆုံးလက္ခဏာပါ။ တခါတလေသွေးစစ်မှုတွေလုပ်ပြီး ဗိုင်းရပ်စ်ကိုအတည်ပြုပါသေးတယ်။ တစ်ကြိမ်ဖီဖ့်ရောဂါဖြစ်ပြီးရင်၊ မနက်ဖြန်မှာပြန်မဖြစ်တော့ပါဘူး။

Parvovirus ရဲ့အသားအရေဖျား skin rash ကဘာလဲ။

သွားချောင်းထိုးသလိုနီလာတဲ့ skin rash ပေါ်ဖျားဖျားခြင်းဖြစ်ပါတယ်။ နောက်ပိုင်းတွင် lattice (ချည်သားပုံစံ) ဖျားတစ်ခုပေါ်လာနိုင်ပါတယ်။ ဒုတိယskin rash ဟာ ရင်ဘတ်ကစပြီး လက်ဘက်၊ ခြေဘက်နဲ့ခြေဖျားထိပြန့်တတ်ပါတယ်။ မအေးအေးအေး ဖြစ်နိုင်ပေမယ့် တစ်ပတ်လောက်အတွင်း မပြောပဲပျောက်သွားတတ်ပါတယ်။

ဖီဖ့်ရောဂါကဘယ်လိုကူးစက်သလဲ။

လေဖြတ်မှု (respiratory droplets) နဲ့ကူးစက်ပါတယ်။ အခြားတစ်ဦးရဲ့ရင်ဖွေး, နှာချေ, နှာစေးမှုကြောင့် ဖြစ်ပါတယ်။ ၄

27/02/2025

အသည်းရောင်အသားဝါ အေ ရောဂါ

အသည်းရောင်အသားဝါ အေ ရောဂါသည် HAV ဗိုင်းရပ်စ်ပိုး (Hepatitis A virus) ကူးစက်ခံရခြင်းကြောင့် အသည်းရောင်ရမ်းပြီး အသည်း၏ လုပ်ငန်းစွမ်းဆောင်ရည်ကို ထိခိုက်စေနိုင်သော ကူးစက်ရောဂါတစ်မျိုးဖြစ်သည်။

ရောဂါပိုးကူးစက်ခံရသူ အများစုသည် အလိုအလျောက် ပြန်လည်သက်သာကောင်းမွန်လာပြီး ရာသက်ပန် ကိုယ်ခံစွမ်းအားကို ရရှိစေနိုင်သည်။ သို့သော် လူအနည်းစုသည် ပြင်းထန်ဆိုးရွားသော အသည်းရောင်ခြင်းမှတစ်ဆင့် အသက်သေဆုံးသည်အထိဖြစ်ပေါ်နိုင်သည်။ တစ်ကိုယ်ရေသန့်ရှင်းမှု၊ အစားအသောက်နှင့် ရေသန့်ရှင်းမှုတို့ရှိအောင် နေထိုင်စားသောက်ခြင်းနှင့် ကာကွယ်ဆေးထိုးခြင်းတို့ဖြင့် အသည်းရောင်အသားဝါ အေ ရောဂါကို ကာကွယ်နိုင်သည်။

________________________________________

ဖြစ်ပေါ်ရသောအကြောင်းရင်းများ

HAV ဗိုင်းရပ်စ်ပိုးသည် ရောဂါပိုးရှိသူ၏ မစင်နှင့် တိုက်ရိုက် (သို့) သွယ်ဝိုက်သော တစ်နည်းနည်းဖြင့် ထိတွေ့ထားမိသော အစားအသောက်များကို အခြားသူတစ်ယောက်မှ စားသုံးမိခြင်းကြောင့် ပါးစပ်မှတစ်ဆင့် အူလမ်းကြောင်းအတွင်းသို့ ရောဂါပိုးဝင်ရောက်ကာ ကူးစက်ခြင်း (f***l oral transmission) ဖြစ်သည်။ ထို့အပြင် ရောဂါပိုးရှိသူနှင့် နီးကပ်စွာ ထိတွေ့မှုရှိခြင်းကြောင့်လည်း ကူးစက်နိုင်သည်။ သို့သော် နှာချေခြင်း၊ ချောင်းဆိုးခြင်းတို့ကြောင့် လေထဲမှတစ်ဆင့် မကူးစက်နိုင်ပါ။

________________________________________

ကူးစက်နိုင်သော နည်းလမ်းများမှာ

ရောဂါပိုးရှိသူ၏ မစင်နှင့် တိုက်ရိုက် (သို့) သွယ်ဝိုက်သော တစ်နည်းနည်းဖြင့် ထိတွေ့ထားမိသော အစားအသောက်များကို စားသောက်မိခြင်း
(အညစ်အကြေးစွန့်ပြီးနောက် လက်ကို စင်ကြယ်စွာမဆေးကြောဘဲ အစားအသောက် ချက်ပြုတ်ပြင်ဆင်ခြင်း၊ စားသောက်ခြင်းမှတစ်ဆင့် ရောဂါပိုး ကူးစက်နိုင်သည်)

မသန့်ရှင်းသော သောက်သုံးရေများကို အသုံးပြုခြင်း

ညစ်ညမ်းသော စွန့်ပစ်ရေများမှ ဖမ်းယူထားသည့် ပင်လယ်စာများကို ကောင်းစွာ ချက်ပြုတ်ဆေးကြောခြင်း မပြုဘဲ အစိမ်းစားခြင်း

ရောဂါပိုးရှိသူနှင့် လိင်ဆက်ဆံခြင်း (အထူးသဖြင့် စအိုလမ်းကြောင်း၊ ပါးစပ်တို့ဖြင့် လိင်ဆက်ဆံမှု ပြုလုပ်သူများ)

ရောဂါပိုးရှိနေသော အရာဝတ္တုတစ်ခုခုကို ကိုင်တွယ်ပြီးနောက် ပါးစပ်ကို လက်ဖြင့်ထိမိခြင်း
(ဗိုင်းရပ်စ်ပိုးသည် အရာဝတ္တုမျက်နှာပြင်များပေါ်တွင် လပေါင်းအနည်းငယ်ကြာအောင် အသက်ရှင်နေနိုင်သည်)
________________________________________

အသည်းရောင်အသားဝါ အေ ရောဂါပိုးကူးစက်နိုင်ခြေများသူများမှာ

ရောဂါပိုးရှိသူနှင့် တစ်အိမ်တည်းအတူနေသူများ
ရောဂါပိုးရှိသူကို အနီးကပ် ပြုစုစောင့်ရှောက်နေရသူများ
လူဦးရေထူထပ်များပြားသော နေရာဒေသတွင် နေထိုင်သူများ
အိမ်ယာမဲ့နေထိုင်သူများ
အိတ်ချ်အိုင်ဗွီရောဂါရှိသူများ
အညစ်အကြေးစွန့်ပစ်သည့်စနစ် လုံလောက်အောင် သန့်ရှင်းမှု မရှိသော၊ သန့်စင်ဆေးကြောရမည့် ရေအလွယ်တကူ မရရှိနိုင်သော နေရာဒေသများတွင် နေထိုင်လုပ်ကိုင်ကြသူများ
လိင်တူဆက်ဆံသူများ
အသည်းရောင် အသားဝါ အေ အဖြစ်များသော နေရာဒေသများသို့ ခရီးသွားသူများ၊ အလုပ်လုပ်သူများ
မူးယစ်ဆေးဝါး အသုံးပြုသူများ
ကျန်းမာရေးဝန်ထမ်းများ
________________________________________

ရောဂါလက္ခဏာများ

အဖြစ်များသောရောဂါလက္ခဏာများမှာ

ပုံမှန်မဟုတ်သော နုံးချည့်ခြင်း၊ ပင်ပန်းနွမ်းနယ်ခြင်း
ပျို့အန်ခြင်း
ဗိုက်အောင့်ဗိုက်နာဖြစ်ခြင်း၊ ဝမ်းလျှောခြင်း
အစာစားချင်စိတ်မရှိခြင်း
အရေပြားနှင့် မျက်လုံးဝါခြင်း
ကိုယ်ပူခြင်း၊ ဆီးအရောင်ရင့်ရင့်သွားခြင်း၊
ဝမ်းအရောင်ဖျော့ခြင်း တို့ဖြစ်ကြသည်။

ထိုရောဂါလက္ခဏာများသည် သာမန််မျှသာဖြစ်လေ့ရှိပြီး ရက်သတ္တပတ်အနည်းငယ်ကြာလျှင် အလိုအလျောက် သက်သာသွားနိုင်သော်လည်း လူအနည်းစုတွင် အသည်းလုပ်ငန်း စွမ်းဆောင်ရည် ရုတ်တရက် ထိခိုက်ပျက်စီးနိုင်သည်။

________________________________________

ရောဂါရှာဖွေခြင်း

အထက်ပါ ရောဂါလက္ခဏာများ ခံစားရလျှင် မိသားစုဆရာဝန်များနှင့် ဆွေးနွေးတိုင်ပင်၍ လိုအပ်လျှင် သွေးစစ်ဆေးခြင်း (HAV ဗိုင်းရပ်စ်ပိုး ပဋိပစ္စည်း စစ်ဆေးခြင်း၊ ဗိုင်းရပ်စ်ပိုးကောင်စစ်ဆေးခြင်း (RT-PCR)၊ အသည်းလုပ်ငန်းစွမ်းဆောင်ရည်စစ်ဆေးခြင်း) ပြုလုပ်၍ ရောဂါရှာဖွေပြီး ကုသမှုခံယူနိုင်သည်။

________________________________________

ကုသခြင်း

အသည်းရောင်အသားဝါ အေ ရောဂါအတွက် သီးသန့် ကုသမှုမရှိသော်လည်း ခံစားရသော ရောဂါလက္ခဏာများကို သက်သာစေရန် အောက်ပါနည်းလမ်းများဖြင့် နေအိမ်၌ပင် ကုသမှုခံယူနိုင်သည်။

လုံလောက်အောင် အနားယူခြင်း
အာဟာရပြည့်ဝ၍ ကျန်းမာရေးနှင့် ညီညွတ်သော အစားအသောက်များ စားသောက်ခြင်း
ရေဓာတ်ခန်းခြောက်ခြင်းကို ကာကွယ်ရန် အရည်များများ သောက်ခြင်း
အရက်သောက်ခြင်းနှင့် မလိုအပ်သော ဆေးဝါးများသောက်ခြင်းမှ ရှောင်ကြဥ်ခြင်း

ရောဂါပိုးဝင်ရောက်ပြီးနောက် ရောဂါလက္ခဏာများသည် တဖြည်းဖြည်းချင်း သက်သာလာသော်လည်း အပြည့်အဝ သက်သာပျောက်ကင်းနိုင်ရန် ရက်သတ္တပတ်များစွာ သို့မဟုတ် လပေါင်းများစွာ ကြာမြင့်နိုင်သည်။ ရောဂါလက္ခဏာများ ပိုမိုပြင်းထန်လာလျှင် သို့မဟုတ် ရုတ်တရက် အသည်းလုပ်ငန်း ပျက်စီးခြင်းလက္ခဏာများ (ဥပမာ - မှိန်းခြင်း၊ သတိလစ်ခြင်း၊ သွေးအန်ခြင်းစသည်များ) ဖြစ်ပေါ်လာလျှင် ဆေးရုံတက်၍ စောင့်ကြည့်ကုသမှုခံယူရန် လိုအပ်သည်။

________________________________________

ကာကွယ်ခြင်း

အသည်းရောင်အသားဝါ အေ ရောဂါကို ကာကွယ်နိုင်ရန်

ပတ်ဝန်းကျင်နှင့် တစ်ကိုယ်ရေသန့်ရှင်းမှု ကောင်းအောင်နေထိုင်ခြင်း

သန့်ရှင်းသော အစားအစာနှင့် ရေများကိုသာ စားသောက်ခြင်း

ဘေးကင်းလုံခြုံစိတ်ချရသော လိင်ဆက်ဆံမှုနည်းလမ်းများကို အသုံးပြုခြင်း

ကာကွယ်ဆေးထိုးခြင်းတို့သည် အထိရောက်ဆုံးသော ကာကွယ်ရေးနည်းလမ်းများ ဖြစ်သည်။
________________________________________

ကာကွယ်ဆေးထိုးခြင်း

အသည်းရောင်အသားဝါ အေ ရောဂါပိုးနှင့် ထိတွေ့မှုမရှိခင် ကြိုတင်ကာကွယ်ဆေးထိုးပြီး ကာကွယ်နိုင်သည့်အပြင် ကာကွယ်ဆေးမထိုးထားသောသူများတွင် ရောဂါပိုးနှင့် ထိတွေ့မှုရှိပါက (၂)ပတ်အတွင်းတွင် ကာကွယ်ဆေး (သို့မဟုတ်) ကာကွယ်ဆေးနှင့်အတူ ပဋိပစ္စည်းပူးတွဲထိုးခြင်းဖြင့်လည်း ကာကွယ်နိုင်သည်။

________________________________________

:

: https://www.cllhealth.com/
: https://www.linkedin.com/company/cll-health/
: https://www.youtube.com/



#အသည်းရောင်အသားဝါအေ #အသည်းရောင်

28/01/2025

We are Hiring
#သူနာပြုအကူ - Female (2) posts

လိုအပ်ချက်များ။

✅အထက်တန်း‌အောင် (သို့မဟုတ်)
အထက်တန်း အဆင့်ရှိရပါမည်။

✅သက်ဆိုင်ရာ certificatedရှိသူ
ဖြစ်ရပါမည်။

✅ပေါင်းသင်းဆက်ဆံ‌ရေး ‌ကောင်းမွန်သူ ဖြစ်ရပါမည်။

✅ Problem solving skill ရှိသူ
ဖြစ်ရပါမည်။

✅လုပ်ငန်း အတွေ့အကြုံ နှင့် ကျွမ်းကျင်မှုအပေါ် မူတည်၍ လစာညှိနှိုင်းပေးပါမည်။

📩Viber Ph no- 095018892
သို့ CV Form ပေးပို့လျှောက်ထားနိုင်ပါသည်။

ရုံးချိန်အတွင်း 095018892 သို့ ဆက်သွယ်စုံစမ်းနိုင်ပါသည်။
တနင်္ဂနွေနေ့တိုင်း ဆေးခန်းပိတ်ပါသည်။

06/12/2024

ကျွန်တော်တို့ သတိမထားမိပဲ ပေါ့ပေါ့လေး နေမိတဲ့အထဲမှာ အန္တရာယ် ရှိတဲ့ ဓလေ့တစ်ခုရှိတယ်။

အဲ့ဒါက အလှူထမင်းဝိုင်းတွေရဲ့ အလယ်မှာ ဘုံသောက် ဆိုပြီး ထားလေ့ရှိတဲ့ ဟင်းချိုခွက်ပဲ။

တစ်ချို့ကလည်း "မင်းကလည်း ကြီးကျယ်တာကွာ...။ မသောက်ချင်မသောက်နဲ့။ သောက်ချင်တဲ့သူ သောက်လိမ့်မယ် " ဆိုပြီး ပြောလိမ့်မယ်။ သောက်ချင်တာ မသောက်ချင်တာထက် ဒီကနေ ဘာဖြစ်တတ်တယ်ဆိုတာကို ရှင်းပြချင်လို့ပါ။

အဓိကကတော့ ကူးစက်ရောဂါပါ။ ရောဂါတစ်ခု က လူတစ်ယောက်ကနေ တစ်ယောက် ကို ကူးဖို့ဆိုရင် နည်းလမ်းတွေ အများကြီးရှိလေ့ရှိတယ်။ လေထဲကနေ အသက်ရှူရုံနဲ့ကူးမလား၊ ထိမိပွတ်မိကိုင်မိရင်ကူးမလား၊ ဒါမှမဟုတ် သွေးသွေးချင်း ထိရာကနေ ကူးမလား စသဖြင့်ပေါ့။ အခုပြောချင်တာကတော့ တံတွေးကနေ ကူးတဲ့ကိစ္စပဲ။

လူရဲ့ တံတွေးထဲမှာ ပျော်ပျော်ကြီး လိုက်ပါ ပြီး တစ်ခြားသူကို ရဲ့ ပါးစပ်ထဲကိုဝင်ရာကနေ ပျော်ပျော်ကြီး ကူးစက်နိုင်တဲ့ရောဂါတွေ အများကြီးရှိပါတယ်။ ဒီထဲကမှ မြင်သာတာတွေကို ပြောရမယ်ဆိုရင်...

Virus မှာဆိုရင် ...
- Herpes Simples Virus ( HSV-1) ( ရေယုန် )
- Cytomegalovirus ( CMV )
- Epstein-Barr Virus ( EBV )
- Hepatitis B ( HBV ) ( အသည်းရောင် အသားဝါ B )
- Influenza and common Cold Virus ( တုပ်ကွေးဖျားနာ )
- Covid-19 ( SARS-CoV-2 )

Bacteria တွေဆိုရင် ...
- Streptococcus Mutans
- Meningococcal Disease ( ဦးနှောဏ်အမြှေးရောင် )
- Helicobacter pylori ( အစာအိမ်ရောင် / အနာ )

Fungal ပိုင်းမှာဆိုရင် ...
- Oral Thrush (Candida) ( ပါးစပ်အနာ )
- Giardiasis

စတာတွေ ကူးစက်နိုင်ပါတယ်။ တစ်ချို့ ကို တော့ မြန်မာလို ရင်းနှီးတဲ့အခေါ်လေးပါ ကွင်းထဲမှာ ထဲ့ရေးပေးထားပါတယ်။

ဒီတော့ ဒါတွေ ကူးသွားရင် ဘာဖြစ်မလဲဆိုတော့ သက်ဆိုင်ရာ ရောဂါတွေ၊ အနာတွေ ဖြစ်နိုင်ပါတယ်။ တစ်ချို့ကတော့ ခဏပါ။ ဥပမာ ပါးစပ်အနာတို့.... တုပ်ကွေးဖျားနာတာတို့... စတာတွေက အချိန်တစ်ခုဆို ပြန်ပျောက်နိုင်ပါတယ်။

ဒါပေမယ့် အသည်းရောင် အသားဝါ B ပိုးလိုဟာမျိုးကျတော့ ကူးပြီးတာနဲ့ တစ်သက်လုံးပါသွားမယ့် အရာဖြစ်သွားပါတယ်။ အဲ့လိုပါသွားပြီဆိုတော့ ကူးစက်ခံရသူနဲ့ တစ်အိမ်ထဲနေ အိမ်သားတွေပါ ထပ်ပြီး ကူးစက်ခံရနိုင်ချေ အရမ်းများပါတယ်။

ပြီးတော့ ပိုပြီး အန္တရာယ်များတာက ဦးနှောဏ်အမြှေးရောင်တို့၊ ကိုဗစ်တို့၊ နောက်ပြီး အသည်းရောင်အသားဝါကနေ အသည်းရောဂါ ထပ်ဆိုးလာတာတို့ဆိုရင် ဘဝတိမ်းပါးသွားနိုင်တဲ့အထိ ဆိုးရွားစေနိုင်ပါတယ်။

အခုပြောတဲ့ဟာတွေဟာ တံတွေးကနေ ကူးစက်နိုင်တာတွေ ဖြစ်တဲ့အတွက် ဟင်းချိုခွက်တွေသာမကပဲ ကျန်တဲ့ကိစ္စတွေ သူများတံတွေးအစလေး ကိုယ့်ပါးစပ်ထဲရောက်နိုင်ချေရှိတဲ့ အခြေအနေတွေမှာပါ ကူးစက်နိုင်ပါတယ်။ ဇွန်းတူတူသုံးတာတို့၊ သူများသောက်ပြီးသား ပိုက်ကနေ စုပ်သောက်တာတို့ပေါ့။

ဒါပေမယ့်အလည်း အခု သေချာ Focus ထားပြီး ပြောချင်တာကတော့ အလှူထမင်းဝိုင်းတွေ အလယ်က ဘုံသောက်ဟင်းချိုခွက်ကိုပါ။

အလှူရှင်အနေနဲ့ ကုသိုလ်ရဖို့ လှူပြီးကာမှ သတိမထားမိတဲ့ ပေါ့ဆမှုတစ်ခုဟာ သူများမိသားစု ဘဝလမ်းကြောင်းကို မရည်ရွယ်ပဲနဲ့ မကောင်းတဲ့အလှည့်အပြောင်းတစ်ခုလဲ ဖြစ်စေနိုင်ပါတယ်။ ဒါကြောင့်မလို့ အလယ်ဘုံသောက်တဲ့ဟင်းချိုခွက် ဓလေ့မထားပဲ တစ်ဦးစီကို ခွက်အသေးလေးတွေနဲ့ စီစဉ်ပေးမယ်ဆို ပိုကောင်း ပိုကုသိုလ်ရပါတယ်။

မတတ်သာလို့ပဲဖြစ်ဖြစ်၊ အလှူရှင်အနေနဲ့ မစီစဉ်နိုင်လို့ပဲဖြစ်ဖြစ် ဟင်းချိုကို အလယ်မှာ တစ်ခွက်ပဲ ချထားတယ်ဆိုရင်တော့ အလှူလာစားတဲ့သူတွေအနေနဲ့က အဲ့ခွက်ထဲကဇွန်းကို ကိုယ့်ပါးစပ်နဲ့ ထိမသောက်ပဲ ကိုယ့်ပန်းကန်ထဲသာ ဆမ်းစားခြင်းနဲ့ ဆင်ခြင်နိုင်ပါတယ်။ တကယ်လို့ ရှေ့က ပြောထားခဲ့တဲ့ ရောဂါတွေ ကူးမှာကို စိတ်မသန့်ရင် အဲ့ဟင်းချိုခွက်ကို ထိကို မထိပါနဲ့တော့။

" ဒါဆိုကွာ... ငါတို့ တစ်ချိန်လုံး ဘော်ဒါတွေနဲ့ ဟော့ပေါ့အိုးထဲ သူ့တူ ကိုယ့်တူနဲ့ စုပြုံနှိုက်နေတာ ဘယ်လိုလုပ်မလဲ " ဆိုရင်....... ပြောရမယ်ဆိုရင်တော့ အဲ့လိုကိစ္စမျိုးဆိုရင် ဟော့ပေါ့အိုးက ကိုယ့်ရှေ့မှာတင် ပွတ်ပွတ်ဆူနေတဲ့အိုးဆိုတော့ တော်ယုံပိုးတွေ ကိစ္စတုံးပြီးသားပါ။ ပြီးတော့ ကိုယ်အတူတူစားနေတာက အကြောင်းသိမောင်းသိ ကိုယ့်ဘော်ဒါတွေလေ။ ဒါမလို့ တော့ relatively ... စိတ်သန့်နိုင်ပါတယ်။ ခုနောက်ပိုင်း ဟော့ပေါ့ဆိုင်တွေတောင် တစ်ယောက်တစ်အိုး စတိုင်တွေလည်း ထားကုန်ကြပါပြီ။

ဒီတော့ အလှူထမင်းဝိုင်းတွေအလယ်က ဟင်းချိုတစ်ခွက်ထဲထားပြီး ဘုံသောက်တဲ့ ဓလေ့ကို ဆင်ခြင်ပေးဖို့လိုပါတယ်။ ကျွန်တော့် personal အနေနဲ့ဆိုရင်တော့ အဲ့လိုခွက်ကို ထိကို မထိတော့ပါဘူး။ သူများကို ကျွန်တော် လိုက်ထိန်းချုပ်နိုင်တာမှ မဟုတ်တာ...။

28/10/2024

၁ ။ .ခွေကိုက်ခံရရင် ကိုက်ခံရသည့် နေရာကို
အရင်ဆုံး ဆပ်ပြာနှင့်တိုက်၍ ရေစင်စင်၅မိနစ်ခန့် ဆေးပါ။

၂။ ကိုက်ခံရချိန်မှ ၂၄နာရီ အတွင်း ခွေးရူးကာကွယ်ဆေး
ထိုးပါ။ ၄၈နာရီထက် နောက်ကျပြီး ထိုးရင် ဆေးထိုးခြင်း
မထိရောက်ပါတဲ့။ ခွေးကိုက်ခံရတဲ့ နေ့မှာ ဆေး တလုံးထိုးပါ။
(တကြိမ်)

၃ ။ကိုက်ခံရတဲ့နေ့မှ ၃ရက်ကြာ တလုံးထပ်ထိုးပါ။
(၁၂.၁၂.၂၀၁၈ရက်နေ့ ကိုက်ခံရရင် အဲနေ့ တလုံးထိုး (၃)ရက်ကြာ၁၅ရက်နေ့ တလုံးထိုးပါ)(၂ကြိမ်)

၄။ ကိုက်ခံရတဲ့နေ့ ပထမ တလုံးထိုးပြီး(၇)ရက်ကြာရင်
တလုံးထပ်ထိုးပါ။
(၁၃ရက်နေ့မှစတွက် . ၁၉ရက်နေ့
တလုံးထပ်ထိုးပါ) (၃ကြိမ်)

၅။ ပထမတလုံးထိုးပြီး (၁၄)ရက်ကြာ တလုံးထပ်ထိုးပါ။
(၁၃ရက်နေ့မှစတွက် . ၂၆ရက်နေ့ တလုံးထပ်ထိုးပါ)
(၄ကြိမ်)

၆။ ပထမတလုံးထိုးပြီး (၂၈)ရက်ကြာ တလုံးထပ်ထိုးပါ။
(၁၃ရက်နေက စတွက် . .၉ရက်နေ့ နောက်ဆုံး( ၅ကြိမ်)
မြောက်ထိုးရပါမယ်။)

၅ကြိမ် ထိုးရသော စနစ်ဖြစ်ပါသည်။
***ကာကွယ်ဆေးထိုးရမည့် နေ့ရက်ထက် (၂ရက်)ကျော်
သွားပါက အစမှ ပြန်လည်ထိုးရမည်။
***** နောက်ထပ်ပုံစံတမျိုးနဲ့လည်းထိုးလို့ရပါတယ်
Day0 စစချင်းရက်မှာ လက်မောင်းတဖက်စီမှာတလုံးစီနဲ့ တရက်ထဲ 2လုံးထိုးလို့ရပတယ်
Day7 မှာ 1လုံး
Day 21မှာ တလုံး ထိုးရပါမယ် စုစုပေါင်း 4လုံးထိုးတဲ့နည်းပါ

'ခွေးရူး'
======

ခွေးရူး ၂မျိုး ရှိပါသည်။

၁...။ ကြမ်းတမ်းသော ခွေးရူး

လက္ခဏာများမှာ...

ခွေး၏အနေအထိုင်ပြောင်း
လာခြင်း

အကြောင်းမဲ့ပြေးလွှားနေခြင်း

တစ်နေကုန် ဟောင်နေတတ်ခြင်း

တစ်ခုခုကို ဒေါသတကြီး ကိုက်နေတတ်ခြင်း

အစာသိပ်မစားတော့ခြင်း

ရန်လိုနေခြင်း

ပြောစကားနားမထောင်ခြင်း

ခွေးကောင်းများကခွေးရူးနောက်မှလိုက်ဟောင်တတ်ခြင်း

ပါးစပ်တွင် အမြှုပ်တစီစီနှင့် သွားရည်တမြားမြားဖြစ်နေ
တတ်ခြင်း

၂...။ လေဖြတ် / အကြောခွေးရူး

လက္ခဏာများမှာ.....

ကြွက်သားများလေဖြတ်ခြင်းကြောင့်
ယိုင်တိယိုင်တိုင် သွားနေခြင်း

အောက်မေးရိုး ပိတ်မရပဲ သွားရေတွဲလောင်းကျကာ ပါးစပ်အဟောင်းသားနှင့် သွားတတ်ခြင်း

တိတ်ဆိတ်သော နေရာများတွင် ငြိမ်ငြိမ်လေး အိပ်နေတတ်ခြင်း

စသည်တို့သည်ခွေးရူးလက္ခဏာများဖြစ်ပါသည်။

*ခွေးကိုက်ပြီးဘယ်နှစ်ရက်အကြာမှာ ခွေးရူးပြန်တတ်သလဲ ?

သတ်သတ်မှတ်မှတ်ပြော၍ မရပါ။ ခွေးကိုက်သည့်နေရာနှင့် ဦးနှောက် အကွာအဝေးပေါ် မူတည်၍မျက်နှာ၊လည်ပင်းတို့
တွင် အကိုက်ခံရပါက ရောဂါပေါ်ချိန် မြန်ပြီး
ခြေ၊ လက်တို့၌ အကိုက်ခံရပါက ရောဂါပေါ်ချိန်ကြာတတ်ပါ
သည်။
ရောဂါဖြစ်ရန် အစောဆုံး ၅ရက်မှ ၃လအတွင်း အဖြစ်များပါသည်။ အကြာဆုံး ၆နှစ်အထိ ကြာတတ်ပါသည်။

*ခွေးကိုက်ပြိးဘယ်အချိန်အတွင်း ဆေးထိုးသင့်သလဲ ?

ခွေးကိုက်ခံရတိုင်းခွေးရူးကာကွယ်ဆေးချက်ချင်းထိုးသင့်ပါ
သည်။
စောနိုင်သမျှ စောထိုးပါက စိတ်ချရပါသည်။ ချက်ချင်းမထိုးနိုင်လျှင်လည်း ထိုးနိုင်ချိန်တွင်အမြန်ဆုံးထိုးသင့်သည် ။
တစ်နည်းအားဖြင့် ခွေးရူးပြန် လက္ခဏာ မပေါ်သေးသမျှ ထိုးနိုင်ပါသည်။
ကုသရန် ဆေးမရှိသည့်အတွက် လက္ခဏာပေါ်မှ ဆေးထိုးပါက ဧကန်မုချ သေဆုံးနိုင်ပါသည်။

*ခွေးရူးပြန်ရောဂါ မဖြစ်အောင် မည်သို့ ကာကွယ်နိုင်ပါသနည်း ?

ခွေးရူးပြန်ရောဂါကာကွယ်ဆေး
နှင့်ရောဂါပိုးအဆိပ်ဖြေဆေးဟူ၍ ၂မျိုးရှိပါသည်။ ခွေးရူးကာကွယ်ဆေးကို ထိုးသင့်သူများမှာ...

တိရိစ္ဆာန် အကိုက်ခံရသူများ၊တိရိစ္ဆာန် မွေးမြူသူများ၊တိရိစ္ဆာန်မွေး
မြူရေးခြံများတွင် တိရိစ္ဆာန်များနှင့်ထိတွေ့ အလုပ်လုပ်နေရသူများ၊တောရိုင်းတိရိစ္ဆာန်များနှင့် ထိတွေ့နေရသူများ
တိမွေးကုဆရာ၀န်များခွေးရူး
ရောဂါ ဖြစ်ပွားနေသူကို အနီးကပ်စောင့်ရှောက်နေသူ
များ စသည်တို့ဖြစ်ကြပါသည်။

ရောဂါကာကွယ်ဆေး ကြိုတင် ထိုးလိုသူများသည် ဆေးစထိုးသည့် နေ့တွင် ၁ လုံး၊ ၇ ရက်အကြာတွင် ၁လုံး၊ ၂၁ရက်အကြာတွင် ၁လုံး၊ စုစုပေါင်း ၃လုံးထိုးရန် လိုအပ်ပါသည်။

ခွေးကိုက်ခံရပါက စောနိုင်သမျှစောစော ကာကွယ်ဆေးထိုးထားသင့်ပါသည်။ အရင် ကာကွယ်ဆေး မထိုးသူများသည် ၀၊ ၇၊ ၂၁ရက်အတိုင်း အနည်းဆုံး ၃ကြိမ်ထိုးရန်လိုအပ်ပါသည်။ ပထမရက်တွင် ဆေး၂လုံးထိုးရမည် ဖြစ်၍ စုစုပေါင်း ကာကွယ်ဆေး ၄လုံး ထိုးရပါမည်။

ကာကွယ်ဆေးထိုးဖူးသူဖြစ်ပါက အကိုက်ခံရသည့်နေ့တွင် ၁ကြိမ်၊ ၃ ရက်အကြာတွင် ၁ကြိမ်၊ စုစုပေါင်း ၂လုံး ထပ်မံဖြည့်ထိုးရပါမည်။

တိရိစ္ဆာန်အကိုက်ခံရသူများသည် ဒဏ်ရာအရွယ်အစား၊ ကိုက်သည့် တိရစ္ဆာန်ပေါ် မူတည်၍ကာကွယ်ဆေးထိုးရုံမကဘဲအဆိပ်ဖြေဆေးကိုလည်းထိုးရနိုင်ပါသည်။
ထို့အပြင်မေးခိုင်ရောဂါကာကွယ်ဆေးကိုပါ ထိုးသင့်ပါသည်။

ခွေးရူးပြန်ရောဂါလက္ခဏာများ ပြပါကပျောက်ကင်းအောင်
ကုသရန် ခဲယဉ်းပါသည်။

လူနာသက်သာစေရန်နာကျင်မှု
များသက်သာစေရန်ရောဂါလက္ခဏာများ သက်သာစေရန်သာ ပြုလုပ်နိုင်ပါသည်။

ထို့ကြောင့်ခွေးရူးပြန်ရောဂါသည် ကုသရန်ထက်ကာကွယ်ခြင်းသည်သာအဓိကဖြစ်ပါသည်။

အိမ်မွေးတိရစ ္ဆာန်များကို ကာကွယ်ဆေးထိုးပေးခြင်းခွေး
ရူးပြန်ရောဂါဖြစ်နေသော ၊ သံသယဖြစ်ဖွယ်ရှိသော တိရိစ္ဆာန် ္ဆများကိုထိန်းသိမ်းထားခြင်း အခြားနေရာမှသွင်းလာသော
တိရစ ္ဆာန်များကို သီးခြားထား၍ စောင့်ကြည့်ခြင်း
အကိုက်မခံရအောင်ဂရုစိုက်ခြင်းဖြင့် ရောဂါကိုကာကွယ်
နိုင်ပါသည်။

ထို့ပြင်တိရိစ္ဆာန်အကိုက်ခံရပါကလည်း နီးစပ်ရာဆေးရုံ၊ ဆေးခန်းများတွင်ခွေးရူးပြန်ကာကွယ်ဆေး ထိုးထားသင့်ပါသည်။

08/07/2024

“အိမ်တွင်း ဓာတ်ဆား အလွယ်တကူဖျော်နည်း”

အရင်ရက်က ကလေး၀မ်းလျှော၀မ်းပျက်အကြောင်းပြောပြထားပီးဆိုတော့ ဒီနေ့တော့ လူကြီးရော ကလေးရော
၀မ်းပျက်ဝမ်းလျှောဖြစ်ရင် မရှိမဖြစ်လိုအပ်တဲ့ ဓာတ်ဆားကို အိမ်မှာပဲအလွယ်တကူ ဖျော်ပုံဖျော်နည်းလေးပြောပြပေးပါ့မယ်နော်။

ဓာတ်ဆားအလွယ်တကူဖျော်နည်း သိသွားပီဆိုရင်တော့

👉🏻 တောထဲတောင်ထဲမှာမို့ ဓာတ်ဆား၀ယ်ဖို့ မရှိလို့
👉🏻 ဆေးဆိုင်အလှမ်း‌ဝေးလို့ သွား၀ယ်ဖို့ ‌မလွယ်လို့
👉🏻 ပိုက်ဆံအဆင်မပြေလို့ စတာစတာတွေစိတ်ပူစရာမလိုတော့ဘူးနော်။

ကဲ အဲဒါဆို ကြည့်လိုက်ရအောင် ✌️

အိမ်မှာပဲ ဓာတ်ဆားအလွယ်တကူ ဖျော်ဖို့ အတွက်ဆိုရင်

၁) သကြား လက်ဖက်စားဇွန်း ၆ ဇွန်း
၂) ဆား လက်ဖက်စားဇွန်းတစ်၀က် ကို
‌၃) ရေသန့် (သို့မဟုတ်) ရေကျက်အေးတစ်လီတာ

နဲ့ ဖျော်လိုက်ရင်တော့ ပုံမှန်ဓာတ်ဆားတစ်ထုပ်လို ဖြစ်သွားပါပီ။

အဲဒါကိုမှ အရသာကောင်းအောင် သောက်ချင်ရင် သဘာ၀သစ်သီးအရည် ညှစ်ထည့်ပီး သောက်‌သုံးနိုင်ပါတယ်။

👉 ဖျော်ပီးသား ဓာတ်ဆားကို ၂၄ နာရီအတွင်း ကုန်အောင် သောက်ဖို့တော့ မမေ့နဲ့နော်။


#ချင်းတယ်လီကျန်းမာ

05/07/2024

🛑ပြင်းထန်ဝမ်းပျက်ဝမ်းလျှောရောဂါ ( Cholera)🛑

🔺ဝမ်းပျက်ဝမ်းလျှောဖြစ်စေတဲ့အကြောင်းအရင်းတွေ အများကြီးရှိသလို ဝမ်းလျှောတဲ့ လက္ခဏာပုံစံတွေ အမျိုးမျိုးရှိကြပါတယ်

🔺ပြင်းထန်ဝမ်းပျက်ဝမ်းလျှောရောဂါ ( ကာလဝမ်းရောဂါ)ဆ်ိုတာ က vibrio cholerae လို့ခေါ်တဲ့ ဘက်တီးရီးယားပိုးကြောင့်ဖြစ်တာပါ

🔺ကာလဝမ်းရောဂါ ကပြင်းထန်ဝမ်းလျှောခြင်းနဲ့ ရေဓာတ်ခန်းခြောက်ခြင်းကို နာရီပိုင်းအတွင်းဖြစ်စေတတ်တယ်

🔺မကုသဘဲထားပါက ယခင်က ကျန်းမာသောလူများတွင်ပင် နာရီပိုင်းအတွင်း သေဆုံးနိုင်ပါတယ်

⚠️ဘယ်လိုကူးစက်ပြန့်ပွားလဲ ⚠️

🔺ရောဂါပိုးပါသောရေကိုသောက်သုံးခြင်း

🔺ရောဂါပိုးပါသော အစာကိုစားသုံးခြင်း

🔺လူနာရဲ့မစင် အန်ဖက်နဲ့ထိုအရာတွေမှာ ပေနေသောအရာဝတ္ထုများကို ကိုင်တွယ်မိခြင်း

🔺အဆိုပါရောဂါဖြင့်သေဆုံးသူကိုထိတွေ့မိခြင်းတို့ကြောင့် ကူးစက်ပြန့်ပွားနိုင်ပါတယ်

📛ရောဂါလက္ခဏာများ 📛

🔺ပြင်းထန်စွာဝမ်းလျှောခြင်း

▪️ဝမ်းအရောင်က ဆန်ဆေးရေ အရောင်လိုဖြစ်နေမယ်
▪️အညှီနံ့ ရှိနေနိုင်တယ်
▪️ဝမ်းလျှောတဲ့ ပမာဏများတဲ့အတွက်အချိန်အနည်းငယ်အတွင်းမှာ ခန္ဓာကိုယ်ထဲက ရေဓာတ်များစွာဆုံးရှုံးနိုင်ပါတယ်

🔺ပျို့ခြင်း / အန်ခြင်း

▪️တခါတရံ ဝမ်းပျက်ဝမ်းလျှောမဖြစ်ခင် အရင်ဆုံး အန်တာနဲ့စလာတတ်ပါတယ်

🔺ကြွက်တက်ခြင်း

▪️ဝမ်းအရည်နဲ့အတူ ခန္ဓာကိုယ်ထဲကနေ ဆိုဒီယမ် ပိုတက်ဆီယမ် ကလိုရိုက်စတဲ့ ဓာတ်တွေအလျင်အမြန်ဆုံးရှုံးသွားတဲ့အခါ ဖြစ်တတ်ပါတယ်

🔺ရေဓာတ်ခမ်းခြောက်ခြင်း

▪️နာရီပိုင်းအတွင်းဖြစ်နိုင်တဲ့အတွက် သတိထားရပါမယ်
▪️အားအင်ကုန်ခမ်းသလိုဖြစ်နေမယ်
▪️ကလေးငယ်လေးတွေမှာ တချိန်လုံးဂျီကျနေတာမျိုး
▪️ရေအလွန်အမင်းဆာနေတာ မျက်ရည်မထွက်တာ
▪️မျက်တွင်းချိုင့်ဝင် ငယ်ထိပ်ချိုင့်ဝင်
▪️ဆီးပေါက်နည်းသွားတာမျိုး သွေးပေါင်ကျလာတာမျိုးရှိနေနိုင်ပါတယ်

‼️ဒါမျိုးလက္ခဏာရှိလာရင် နီးစပ်ရာကျန်းမာရေးငှာနကိုချက်ချင်းသွားပါ‼️

✅ဘယ်လိုကုသမလဲ✅

ဓာတ်ဆား

▪️အသက်ကယ်ဆေးက ဓာတ်ဆားပါ
ဝမ်းလျှောခြင်းမှာ အဓိက အန္တရယ်က ရေဓာတ်ဆားဓာတ်ဆုံးရှုံးမှု ဖြစ်တဲ့အတွက် အချိုးကျဖျော်စပ်ထားတဲ့ WHO ဖော်မြူလာအတိုင်းထုတ်ထားတဲ့ ဓာတ်ဆားကိုသာသုံးရပါမယ်

▪️ဖျော်ပုံဖျော်နည်းမှန်ကန်ဖို့လည်းလိုပါတယ် ( တလီတာအတွက် အထုပ် နဲ့ ရေ 200 ml အတွက်အထုပ်ဆိုပြီးလည်းရှိပါတယ်)

▪️ဓာတ်ဆားထုပ် အဆင်အသင့်မရှိလျှင်အရေးပေါ်အိမ်တွင်းဓာတ်ဆားဖျော်နည်းအတိုင်း ဖျော်ပြီးတိုက်ပါ
ဒီ link မှာဝင်ကြည့်လို့ရပါတယ်

https://m.facebook.com/story.php?story_fbid=125452237253085&id=100093649274709

▪️ရေဓာတ်အလွန်အကျွံဆုံးရှုံးမှုမဖြစ်စေရန်
၂ နှစ်အောက်ကလေး - ဝမ်းတကြိမ်သွားပြီးတိုင်းဓာတ်ဆား ၅၀ - ၁၀၀ မီလီလီတာ
၂ နှစ်အထက် - ၁၀၀ - ၂၀၀ မီလီလီတာ ကို ဝင်နိုင်သလောက်တိုက်တိုက်ပေးပါ

▪️ကလေးက အန်နေလျှင် ၁၀ မိနစ်ခန့်စောင့်ပြီး နည်းနည်းစီပြန်တိုက်ကြည့်ပါ

▪️လူကြီးတယောက် ကာလဝမ်းရောဂါဖြစ်တဲ့အခြေအနေမှာ ရေဓာတ်ခန်းခြောက်တဲ့လက္ခဏာရှိနေရင် တရက်ကို ဓာတ်ဆား ၆ ထုပ်(၆ လီတာ)ခန့် လိုနိုင်ပါတယ်

▪️ရေဓာတ် အလွန်အမင်းဆုံးရှုံးလာရင်တော့ သွေးကြောထဲ ဓာတ်ဆားရည်သွင်းဖို့လိုနိုင်ပါတယ်

▪️ဝမ်းလျှောခြင်းနဲ့ပက်သက်တဲ့အယူအဆအမှားတွေလည်း ရှောင်ကြဉ်ပါ
ဒီ link မှာ ဖတ်လို့ရပါတယ်

https://m.facebook.com/story.php?story_fbid=124420690689573&id=100093649274709

✅ Zinc ( ဇင့် ဆေး အရည် / ဆေးပြား ) ✅

▪️ဝမ်းပျက်ဝမ်းလျှောဖြစ်နေတဲ့ အသက် ၅ နှစ်အောက်ကလေးတွေမှာ Zinc တိုက်ကျွေးခြင်းဟာ ဝမ်း
သွားတဲ့အကြိမ်ကို လျော့နည်းစေနိုင်သလို နောက်ထပ်
ဝမ်းလျှောခြင်းကိုပါကာကွယ်ပေးနိုင်ပါတယ်

၆ လအောက်ကလေး - တနေ့လျှင် Zinc 10 mg
၆ လအထက်ကလေး - တနေ့လျှင် Zinc 20 mg

🔶 ပိုးသတ်ဆေး 🔶

▪️အလွန်အကျွံမသုံးပါနဲ့
သင့်တော်သောဆေးကိုကျွမ်းကျင် ဆရာဝန် ဆရာမ နှင့်တိုင်ပင်ပြီးမှသာသောက်ပါ

✅ အစားအသောက်နှင့်အာဟာရ ✅

- မိခင်နို့တိုက်နေတဲ့ကလေးဝမ်းလျှောနေရင် မိခင်နို့ကိုဆက်တိုက်ပါ

- သန့်ရှင်းစွာပြင်ဆင်ထားသောအစားအသောက် များ စားသုံးလို့ရပါတယ်

- ဆန်ပြုတ် စွပ်ပြုတ် လိုကြေလွယ်တဲ့အစာများ ထမင်းရည်၊ အုန်းရည် များ တိုက်ပေးလို့ရပါတယ်

♻️ကာကွယ်ခြင်း ♻️

✅ သန့်ရှင်းသောရေကိုသောက်သုံးပါ
ရေသန့်မရနိုင်လျှင် ရေကိုကျိုချက်ပြီးမှသောက်ပါ
အိမ်သုံးရေကို ကလိုရင်းဆေးပြားခတ်ပြီးမှသုံးပါ

✅ ယင်လုံအိမ်သာအသုံးပြုပါ
ယင်လုံအိမ်သာမရှိသောနေရာတွင် ရောဂါပိုးရှိသော မစင်ကနေတဆင့် ထပ်ပြန့်ပွားဖို့မဖြစ်ရအောင် မစင်ကိုစနစ်တကျစွန့်ပစ်ပါ
သောက်သုံးရေအရင်းအမြစ်မှ ပေ ၁၀၀ ခန့်အကွာမှာ ကျင်းတူးပြီး စွန့်ပစ်ပါ
အရေးပေါ်အခြေအနေမှာ ယာယီအိမ်သာကျင်း ကို ရေရှိသောနေရာနှင့် ပေ ၁၀၀ အကွာမှာ၁ ပေခွဲ အနက်ခန့်တူးပြီး စွန့်ပစ်ပါ

✅ သန့်ရှင်းလတ်ဆတ်သော အစားအသောက်များစားသုံးပါ

ယင်နားစာများ မစားပါနဲ့

အသားငါးအသီးအရွက်များ ကျက်အောင်ချက်ပြုတ်ပြီးမှစားသုံးပါ

✅ လက်ကိုဆပ်ပြာဖြင့် သေချာသန့်စင်အောင်ဆေးပါ

စားသောက်တဲ့ကလေးရဲ့လက်နဲ့ ကျွေးမွေးပြုစုတဲ့လူကြီးရဲ့လက် ၊ ဝမ်းသွေးပြီးတိုင်း သန့်ရှင်းရေးလုပ်ပေးတဲ့ လက်ကို ဆပ်ပြာနှင့်သေချာဆေးပါ

အစားမစားခင် နဲ့ ဝမ်းသွားပြီးတိုင်းလက်ကိုသေချာစွာဆေးပါ

✅ မီးဖိုချောင်သုံးပစ္စည်းများနှင့် အစားအစာများကို ချက်ပြုတ်သည့်နေရာများကို သန့်ရှင်းပြီး ပိုးသတ်ပါလုံးဝခြောက်သွေ့အောင်ထားပါ

သောက်သုံးရေအရင်းအမြစ်များမှ မီတာ ၃၀ (ပေ ၁၀၀) အကွာအဝေးခန့်တွင် အဝတ် သို့မဟုတ် အနှီးများကို လျှော်ပါ

ညစ်ညမ်းနေသော အိမ်သာများနှင့် မျက်နှာပြင်များကို သန့်ရှင်းပြီး ပိုးသတ်ပါ

သန့်ရှင်းရေး ပြီးသောအခါ၊ ဆပ်ပြာရည်နှင့် ပိုးသတ်ဆေးရည်များကို ရေမြောင်း၊ အိမ်သာ သို့မဟုတ် အိမ်သာထဲသို့ လောင်းထည့်ခြင်းဖြင့် ဘေးကင်းစွာ စွန့်ပစ်ပါသန့်စင်ပြီး ပိုးသတ်ပြီးနောက် လက်ကို ဆပ်ပြာနှင့်ရေဖြင့် ထပ်မံဆေးကြောပါ

အထက်ပါနည်းလမ်းများဖြင့် ပြင်းထန်ဝမ်းပျက်ဝမ်းလျှောရောဂါကူးစက်ပြန့်ပွားခြင်းကိုအလျင်အမြန်ကာကွယ်နိုင်မှာဖြစ်ပါတယ်

“အိမ်တွင်း ဓာတ်ဆား အလွယ်တကူဖျော်နည်း”

အရင်ရက်က ကလေး၀မ်းလျှော၀မ်းပျက်အကြောင်းပြောပြထားပီးဆိုတော့ ဒီနေ့တော့ လူကြီးရော ကလေးရော
၀မ်းပျက်ဝမ်းလျှောဖြစ်ရင် မရှိမဖြစ်လိုအပ်တဲ့ ဓာတ်ဆားကို အိမ်မှာပဲအလွယ်တကူ ဖျော်ပုံဖျော်နည်းလေးပြောပြပေးပါ့မယ်နော်။

ဓာတ်ဆားအလွယ်တကူဖျော်နည်း သိသွားပီဆိုရင်တော့

👉🏻 တောထဲတောင်ထဲမှာမို့ ဓာတ်ဆား၀ယ်ဖို့ မရှိလို့
👉🏻 ဆေးဆိုင်အလှမ်း‌ဝေးလို့ သွား၀ယ်ဖို့ ‌မလွယ်လို့
👉🏻 ပိုက်ဆံအဆင်မပြေလို့ စတာစတာတွေစိတ်ပူစရာမလိုတော့ဘူးနော်။

ကဲ အဲဒါဆို ကြည့်လိုက်ရအောင် ✌️

အိမ်မှာပဲ ဓာတ်ဆားအလွယ်တကူ ဖျော်ဖို့ အတွက်ဆိုရင်

၁) သကြား လက်ဖက်စားဇွန်း ၆ ဇွန်း
၂) ဆား လက်ဖက်စားဇွန်းတစ်၀က် ကို
‌၃) ရေသန့် (သို့မဟုတ်) ရေကျက်အေးတစ်လီတာ

နဲ့ ဖျော်လိုက်ရင်တော့ ပုံမှန်ဓာတ်ဆားတစ်ထုပ်လို ဖြစ်သွားပါပီ။

အဲဒါကိုမှ အရသာကောင်းအောင် သောက်ချင်ရင် သဘာ၀သစ်သီးအရည် ညှစ်ထည့်ပီး သောက်‌သုံးနိုင်ပါတယ်။

👉 ဖျော်ပီးသား ဓာတ်ဆားကို ၂၄ နာရီအတွင်း ကုန်အောင် သောက်ဖို့တော့ မမေ့နဲ့နော်။


#ချင်းတယ်လီကျန်းမာ

27/06/2024

မဂ်လာပါခင်ဗျာ.......

သုခနွယ်အထွေထွေရောဂါကုဆေးခန်းကြီးတွင်
ရာသီတုတ်ကွေး ကာကွယ်ဆေးများ ပြန်လည်ထိုးနှံနိုင်ပါပြီခင်ဗျာ။

ကာကွယ်ဆေးများကို အရည်အသွေးပြည့်မှီအောင် ထိန်းသိမ်းထားပြီး ဆရာ၀န်ကြီးများမှ နည်းစနစ်ကျထိုးနှံပေးသောကြောင့် လူကြီးမင်းတို့ ယုံကြည်စိတ်ချစွာ ထိုးနှံနိုင်ပါပြီခင်ဗျာ။

ကလေးများအတွက်လည်း ကလေးအထူးကုဆရာ၀န်ကြီးနှင့်ထိုးနှံ့နိုင်ပါသည်။
ကြိုတင်စာရင်းပေးသွင်းထားသော Customers များလည်း လာရောက်ထိုးနှံနိုင်ပါပြီခင်ဗျာ။

ကြိုတင်ကာကွယ်ခြင်းဖြင့် ရာသီတုတ်ကွေးမှ ကာကွယ်နိုင်ပါစေလို့ သုခနွယ်ဆေးခန်းမှ
ဆုမွန်ကောင်းတောင်းပေးအပ်ပါတယ်ခင်ဗျာ.....။

12/04/2024

သုခနွယ်အထူးကုဆေးခန်း အား13.4.24-17.4.24 ထိ သကြ်န်ပိတ်ပါမည်
18.4.24နေ့မှစ၍ ပြန်ဖွင့်ပါမည် ။
ကျေးဇူးတင်ပါသည်။

28/12/2023

ကင်ဆာတို့၏ဘုရင်
ပန်ကရိယကင်ဆာပါ

ကင်ဆာတွေထဲမှာ အဆိုးဆုံးကင်ဆာကတော့ pancreatic cancer ပန်ကရိယကင်ဆာ (မုန့်ချိုအိတ်ကင်ဆာ) ဖြစ်ပါတယ် ။ ဒီရောဂါ ဖြစ်ပြီဆိုရင် - များသောအားဖြင့် ၂လ မှ ၆လ လောက်ပဲ အသက်ရှင်ပါတယ် ။ ဒါကြောင့် ကင်ဆာဘုရင်လို့ ခေါ်ပါတယ်။

ကမ္ဘာပေါ်မှာ နာမည်ကြီး မင်းသားမင်းသမီး ၊ နိုင်ငံရေးသမား များဒီရောဂါကြောင့် ဆုံးပါးသွားကြသူများရှိရာ အိုင်ဖုန်း၊ အိုင်ပတ် ၊Apple တည်ထောင်သူ SteveJobs မှာ လူသိများပါတယ် ။ မြန်မာပြည်က အဆိုတော် ခိုင်ထူးဟာ ဒီရောဂါနဲ့ ဆုံးပါးတာ ဖြစ်ပါတယ် ။

ဒီကင်ဆာရောဂါဖြစ်နေတာကို စောစောစီးစီး မသိကြပါဘူး။ များသောအားဖြင့် ဗိုက်နာရင် ၊ ဗိုက်မကောင်းရင် .. ဗိုက်ကို အာထရာဆောင်း လုပ်ကြည့်တယ်။ ပန်ကရိယက အစာအိမ်ရဲ့ အနောက်ဖက် မှာရှိပြီး သူ့ရှေ့မှာ တခြား အင်္ဂါတွေ ရှိနေတာမို့ အာထရာဆောင်းနဲ့ ကြည့်ရင် ကောင်းကောင်း မမြင်ရပါဘူး။ အာထရာဆောင်းနဲ့ တွေ့တဲ့အချိန်မှာ ကင်ဆာ အလုံးက တော်တော် ကြီးနေပါပြီ။ 5-7cm အရွယ် လောက်ကြီးမှ တွေ့တာ များပါတယ်။ အဲဒီအချိန်မှာ ဘေးမှာရှိတဲ့ အင်္ဂါတွေဆီကို ပြန့်နှံ့နေပြီး အချို့က အဝေးက အင်္ဂါတွေဆီလည်း ကင်ဆာဆဲလ်တွေက ပြန့်နေပြီ ဖြစ်ပါတယ် ။
😢😢😢
အစောပိုင်းမှာ ဒီကင်ဆာရောဂါ ဖြစ်နေတာကို မသိဘဲ အစာအိမ်ရောဂါအနေနဲ့ မှားယွင်းပြီး ကုသနေတတ်ကြပါတယ်။ ပန်ကရိယရဲ့ ကိုယ်နဲ့ အမြီးမှာ ကင်ဆာ ဖြစ်နေရင် လူနာက ဗိုက်နာပါတယ် ။ အစာအိမ်နဲ့ ကပ်နေတာကြောင့် အစာအိမ်က နာတယ် ၊ အစာအိမ်ရောဂါ ဖြစ်တယ် လို့ ဆရာဝန်တွေက ထင်ကြပါတယ် ။ အစာမကြေတာ၊ အစာအိမ်ရောင်တာ ၊ အစာအိမ် အနာဖြစ်တာလို့ မှားယွင်းစွာ ဆုံးဖြတ်ကြပါတယ် ။ ဒီရောဂါတွေကလည်း အဖြစ်များတယ်လေ။ အစာအိမ်ဆေးတွေ ပေးပြီး ကုသတဲ့အခါ ဗိုက်နာတာကို သက်သာတယ်ဆိုတာ တွေ့ရှိရတယ်။ အနောက်နိုင်ငံမှာ ပန်ကရိယကင်ဆာ ဖြစ်နေသူတွေကို စစ်တမ်းကောက်ကြည့်တဲ့အခါ... ပန်ကရိယကင်ဆာလို့ မသိခင်မှာ လူနာတွေဟာ ဆရာဝန်ဆီသွားပြတာ ၁၈ ခေါက်ထက် မနည်းရှိပြီလို့ ဆိုပါတယ် ။ အဲဒီလို တခြားရောဂါအနေနဲ့ မှားယွင်းစွာ ကုသနေပြီး ပန်ကရိယကင်ဆာ ဖြစ်နေတယ်ဆိုတာ သိတဲ့ အချိန်မှာတော့ အရမ်း အရမ်း နောက်ကျနေပါပြီ။
😭😭😭
ပန်ကရိယကင်ဆာကို ပျောက်အောင်ကုသနိုင်တဲ့ နည်းကတော့ ခွဲစိတ်ကုသခြင်းပါပဲ ။ အထက်က ပြောသလို ဒီရောဂါကို သိတဲ့ အချိန်မှာ နောက်ကျနေပြီ ဖြစ်တဲ့ အတွက် လူနာ ၈၀% က ခွဲစိတ်လို့ မရတဲ့ အခြေအနေကို ရောက်နေပါပြီ။ ကီမိုဆေးသွင်းခြင်း ၊ ဓာတ်ကင်ခြင်း တွေကလည်း ပန်ကရိယကင်ဆာ အပေါ် ထိရောက်မှု မရှိပါဘူး ။ အခြား ကုသနည်းတွေ ၊ ဆေးဝါး အသစ်တွေ ကလည်း စမ်းသပ်ဆဲ အဆင့်မှာပဲ ရှိပါသေးတယ်။

အစပိုင်းမှာ ရောဂါလက္ခဏာတွေက.... နုံးနေမယ် ၊ အစားအသောက်ပျက်မယ် ၊ ပိန်သွားမယ်.... အလုပ်ပင်ပန်းလို့ နုံးတာပဲလေ လို့ ထင်တတ်ကြတယ် ။ တခါတလေ အစားအသောက်ပျက်တာ ဖြစ်မှာပါ ။ ပိန်သွားတာ ကောင်းတာပေါ့ ၊ ဝ ရင် ဆီးချို သွေးတိုး နှလုံးရောဂါတွေ ဖြစ်မယ် ၊ ပိန်တာ ကျန်းမာတယ် လို့ ထင်တတ်ကြပါတယ် ။ ဒီလို ရောဂါ လက္ခဏာတွေ ပြနေပေမယ့်လည်း အများစုက အလေးမထားဘဲ လစ်လျူရှုလိုက်ကြပါတယ်။
နောက်ပိုင်းမှာ ဗိုက်နာ လာမယ် ။ ဒါလည်း အစာအိမ် ရောဂါ ဖြစ်မှာပါ ။ ဒီလို ထင်ကြတယ် ။
ပန်ကရိယ ခေါင်းမှာ ကင်ဆာ ဖြစ်ရင် သည်းခြေလမ်းကြောင်းကို သွားပိတ်တဲ့ အတွက် မျက်စိဝါမယ် ၊ အသားဝါမယ် ။ လူနာက ပျို့ချင် အန်ချင်မယ်။
တချို့က.. ဝမ်းလျှောမယ် ၊ ဝမ်းသွားတဲ့အခါ အဆီတွေပါမယ် ၊ ကျောကုန်း နာမယ် ။
ဒီလက္ခဏာတွေပေါ်လာရင် လျစ်လျူမရှုဘဲ အလေးအနက် ထားရမှာ ဖြစ်ပါတယ်။
😇😇😇
ပန်ကရိကင်ဆာ ဖြစ်စေတဲ့ အကြောင်းရင်းတွေကတော့....
၃၀% က ဆေးလိပ်သောက်လို့ ဖြစ်တာပါ။
၂၀% က အစားအသောက်နဲ့ ဆိုင်ပါတယ် ။ အဆီများတဲ့ အစာ ၊ ဝက်အူချောင်းလို ပြုပြင်ထားတဲ့ အစာ ၊ အချိုများတဲ့ အစာတွေ က ဒီကင်ဆာရောဂါကို ဖြစ်စေပါတယ် ။

ထိုင်ဝမ် သုတေသန တစ်ခုက... ကြွက်တွေကို အုပ်စု နှစ်ခုခွဲပြီး တစ်စုကို သကြားများတဲ့ အစာတွေ ချည်းကျွေးပါတယ် ။ ရက်သတ္တပတ် ၂၀ အကြာမှာ ဒီကြွက်တွေကို စစ်ဆေးကြည့်တဲ့အခါ အချိုကျွေးတဲ့ ကြွက်တွေရဲ့ ပန်ကရိယမှာ DNA မှာပြောင်းလဲမှုတွေ ဖြစ်ပြီး အဲဒီကမှ ကင်ဆာဆဲလ် အဖြစ် ပြောင်းလဲနေတာကို တွေ့ရှိရပါတယ်။
အခု ၅ နှစ်အတွင်း ထိုင်ဝမ်မှာ ပန်ကရိယကင်ဆာ ဖြစ်ပွားမှုနှုန်း တက်လာခြင်းမှာလည်း လူတွေရဲ့ အချိုစားသုံးမှု များလာခြင်းကြောင့် ဖြစ်တယ်လို့ ပညာရှင်များက ပြောကြပါတယ်။

အရက်သောက်ခြင်းကလည်း pancreatitis ပန်ကရိယကို ရောင်ရမ်းစေပြီး ပန်ကရိယကင်ဆာ ဖြစ်ပွားမှုကို တိုးပွားစေပါတယ်။

မျိုးရိုးဗီဇကြောင့် ပန်ကရိယကင်ဆာ ဖြစ်တာ ၁၀% လောက် ရှိပါတယ်။ မိသားစုထဲမှာ ပန်ကရိယကင်ဆာ ဖြစ်ဖူးသူတယောက်ရှိပါက မိမိမှာ ဖြစ်နိုင်ခြေ ၃-၅ ဆ လောက် တက်လာပါတယ် ။

၃၆% လူနာတွေကတော့ ဘာကြောင့်မှန်းမသိဘဲ အကြောင်းရင်း ကိုရှာလို့ မရပါဘူး ။ ဆေးလိပ် ၊အရက် မသောက်ဘူး ၊ အစားအသောက်လဲ ပုံမှန်ပဲ ၊ ဘာကြောင့် ဒီရောဂါ ဖြစ်လဲ မသိဘူး ။ တချို့က ယူဆတာက stress စိတ်ဖိစီးမှုများလို့ ထင်ကြပါတယ်။

တချို့ရောဂါတွေရှိရင် ပန်ကရိယကင်ဆာဖြစ်ဖို့ များတာတွေ့ရှိရပါတယ် ။
1. ဆီးချို သွေးချိုရောဂါ diabetes mallitus
2. အဝလွန်ခြင်း
3. ပန်ကရိယ တွင်ရေအိတ်များရှိခြင်း pancreatic cyst
4. နာတာရှည်ပန်ကရိယရောင်ရမ်းခြင်း chronic pancreatitis
ဒီရောဂါတွေရှိရင် ပန်ကရိယကင်ဆာဖြစ်ဖို့ တခြားလူထက် ပိုများပါတယ်။

အမေရိကန် မှ ပညာရှင်တစ်ဦးက တွေ့ရှိရာမှာ...
ပန်ကရိယကင်ဆာ မဖြစ်ခင် ၂ နှစ်ခွဲမှ တနှစ်ခွဲကြားမှာ အဲဒီလူရဲ့ သွေးတွင်း သကြားဓာတ်က blood sugar level မြင့်နေပါတယ် ။ ဆီးချိုရောဂါလောက် မမြင့်ပေမယ့်ပုံမှန်ထက် ပိုမြင့် ပါတယ်။ တဖြည်းဖြည်း မြင့်လာပါတယ် ။ ကိုယ်အပူချိန်ကလည်း တက်လာပါတယ်။

ပန်ကရိယကင်ဆာမဖြစ်ခင် တနှစ်ခွဲက နေ ခြောက်လအတွင်းမှာ သွေးထဲက သကြားဓာတ်က ပိုမြင့်လာပါတယ် ။ ကိုယ်လက်စထရော စတဲ့ သွေးတွင်း အဆီဓာတ်တွေက ကျဆင်းလာပါတယ်။ အရေပြားအောက်က အဆီတွေ ကျလာတယ်။ ကိုယ်အလေးချိန်က ကျမသွားဘူး။

ပန်ကရိယကင်ဆာ မဖြစ်ခင် ခြောက်လအတွင်းမှာ သိသိသာသာ ပိန်သွားတယ်။ သွေးတွင်း အဆီဓာတ်တွေ ထပ်ပြီး ကျဆင်းလာတယ်။
သွေးတွင်းအချိုဓာတ် blood glucose levels တဖြည်းဖြည်း တက်လာပြီး အကြောင်းထူး မရှိဘဲ တဖြည်းဖြည်း ကိုယ်အလေးချိန်ကျသွားရင် အထူး သတိထားဖို့ ကောင်းပါတယ်။

ပန်ကရိယ ကင်ဆာကို ကုသခြင်းထက် ကြိုတင် ကာကွယ်ရေးက ပို အရေးကြီးပါတယ်။
1.ဆေးလိပ်ဖြတ်ပါ။
2.အရက်အလွန်အကျွံသောက်ခြင်း ၊ အချိုရည် အလွန်အကျွံ သောက်ခြင်းမှရှောင်ကျဉ်ပါ။
3.ပြုပြင်ထားသော အသားများ၊ အသားကင်များ လျှော့စားပါ။
4.သန့်ရှင်း လတ်ဆပ်သော အသီးအနှံ၊ အရွက်များ စားပေးပါ။
5.အသက် ၅၀ ကျော်ရင် သွေးတွင်းအချိုဓာတ် blood glucose levels ကို အမြဲတိုင်းပါ။
သွေးအချိုဓာတ်တွေ တဖြည်းဖြည်း တက်လာမယ် ၊ အဆီဓာတ်တွေ တဖြည်းဖြည်း ကျသွားမယ်၊ အကြောင်းထူးမရှိဘဲ ကိုယ်အလေးချိန်ကျမယ် ဆိုရင် အထူးဂရုစိုက်ရပါမယ်။

ဒေါက်တာမျိုးမြတ်သူ
15 June 2020Credit to the original uplloader.