https://www.facebook.com/103623908699771/

Healthy Way - USA Vitamin Supplements & Products

Home
Myanmar
Yangon
Healthy Way - USA Vitamin Supplements & Products

Healthy Way မှ100% Authentic USA Vitamin Supplements များကိုနယူးယော?

30/07/2025

🍃Vitamin K2 ( ဗိုက်တာမင် K )

ဗိုက်တာမင် K ကို ဗိုက်တာမင် K1 နှင့် ဗိုက်တာမင် K 2 ဆိုပြီး နှစ်မျိုးခွဲပါတယ်။ အစိမ်းရောင်ရှိသော အရွက်များ၊ ရေညှိတွေမှာ ဗိုက်တာမင် K1 ပါဝင်ပါတယ်။ ဗိုက်တာမင် K1 က သွေးတိတ်အောင်ကူညီပေးပါတယ်။

ဗိုက်တာမင် K2 ( MK -4 ) ကို တိရစ္ဆာန်ရဲ့ အသားတွေ၊ နို့တွေ နှင့် ကြက်ဥတွေကရပါတယ်။ ဗိုက်တာမင် K2 ( MK -7 )ကိုတော့ အချဉ်ဖောက်ထားတဲ့ စားစရာတွေဖြစ်တဲ့ nattoo တို့၊ sauerkraut တို့ကရပါတယ်။

ဗိုက်တာမင် K2 ကို သဘာဝအားဖြင့် ခန္ဓာကိုယ်တွင်းက ထုတ်လုပ်နိုင်ပါတယ်။ အူလမ်းကြောင်းအတွင်းမှာရှိတဲ့ Lactobacillus lactis ပရိုဘိုင်အိုတစ်က သဘာဝ ဗိုက်တာမင် K2 အမြောက်အမြား ထုတ်ပေးနိုင်ပါတယ်။

ဗိုက်တာမင် K2 က အရိုးနှင့်ဆိုင်တဲ့ GLA ပရိုတိန်းကို လှုံ့ဆော်ပြီး သွား နှင့် အရိုးကို ခိုင်မာစေပါတယ်။ လေ့ကျင့်ခန်းလုပ်နေစဉ်အတွင်း အရိုးကထုတ်ပေးတဲ့ osteocalcin နှင့် ပူပေါင်းပြီး ကြွက်သားများစွမ်းအင်ပိုသုံးနိုင်အောင်လုပ်ပေးပါတယ်။ အသည်းအတွင်း ဗိုက်တာမင် K1 နှင့် အတူတွဲပြီး အသည်းရဲ့ လုပ်ငန်းမှာ ပါဝင်ဆောင်ရွက်ပါတယ်။

ဗိုက်တာမင် K2 က သွေးကြောတွင်း ကယ်ဆီယမ်စုပုံခြင်းကို တားဆီးပေးတာကြောင့် သွေးကြောထုံးခြင်းကို သက်သာစေပါတယ်။ နှလုံး၊ ကျောက်ကပ်၊ နှင့် ဦးနှောက်မှာရှိနေတဲ့ ကယ်ဆီယမ်စုပုံနေမှုကို ရှင်းထုတ်ပေးပါတယ်။ ဗိုက်တာမင် K2 က အရေပြားတွန့်ခြင်းကို ကာကွယ်ပေးပြီး အရွယ်တင်နုပျိုစေပါတယ်။

ဗိုက်တာမင် K2 က ကျောက်ကပ်မှာကျောက်တည်မှု မဖြစ်အောင်ကူညီပေးတယ်ဆိုပါတယ်။ နာတာရှည် ကျောက်ကပ်လူနာများ နှင့် ကျောက်ကပ်ဆေးနေရသူတွေမှာ ဗိုက်တာမင် K2 ချို့တဲ့မှု အများဆုံးဖြစ်နိုင်ပါတယ်။ လေ့လာမှုတစ်ခုမှာ ဗိုက်တာမင် K2 က ဆီးကျိတ်ကင်ဆာဖြစ်ပွားခြင်းကို 63% လောက်လျော့ချပေးတယ်ရေးပါတယ်။

ဦးနှောက်အတွက်လည်း antioxidant အနေနှင့် အလုပ်လုပ်ပါတယ်။ ဗိုက်တာမင် K2 က လေမဖြတ်အောင်ကာကွယ်နိုင်တယ်ဆိုပါတယ်။ အစားအသောက်ထဲမှာ ဗိုက်တာမင် K2 လုံလောက်စွာပါလျှင် ဦးနှောက်လုပ်ငန်းကောင်းမွန်လာစေတယ်ဆိုပါတယ်။

ဗိုက်တာမင် K2 ကို 100-300 mcg လောက်အထိ နေ့စဉ်သုံးဆောင်လို့ရပါတယ်။ တစ်ချို့အခြေအနေမှာ ဗိုက်တာမင် K2 600mcg အထိသောက်လို့ရတယ်ရေးပါတယ်။ ဗိုက်တာမင် K2 ကို ဗိုက်တာမင် D 3 နှင့်ပေါင်းထားတဲ့ ဖြည့်စွက်စာတွေရှိပါတယ်။ သွေးကျဲဆေးသောက်နေသူအတွက် ဗိုက်တာမင် K2 သောက်မည်ဆိုလျှင် ပမာဏ 50 mcg မကျော်သင့်ဘူးလို့ ဆိုပါတယ်။
DrPmm-DrFns(22-12-24)

-Dr.Phyo Maung Maung

USA Supplements

25/05/2025

✨Vitamin D3 ကိုဘာကြောင့် သောက်သင့်သလဲ?

Vitamin D3 ဟာ နာတာရှည်နဲ့ ကင်ဆာရောဂါတွေကို ကာကွယ်နိုင်ပါတယ်။ ဘာဖြစ်လို့လဲဆိုတော့ Vitamin D3 ဟာ ပျက်စီးနေတဲ့ ကလာပ်စည်းတွေကို ပြုပြင်ပေးနိုင်စွမ်း ရှိလို့ပါ။ တကယ်တော့ Vitamin D3 ဟာ Vitamin အုပ်စုဝင်ဆိုတာထက် Seco-steroid လို့ပြောရင် ပိုမှန်ပါတယ်။

Biochemistry နည်းအရပြောရရင် Steroid ကဲ့သို့ ရောဂါမျိုးစုံကို ပျောက်ကင်းစေတဲ့ အာနိသင်ရှိပြီး Steroid လိုဘေးထွက်ဆိုးကျိုးမရှိတဲ့ Vitamin လို့ဆိုနိုင်ပါတယ်။ Steroid Hormone ကို SLE (အရေပြားလေးဘက်နာ) ရောဂါ၊ Gout (အဆစ်ရောင်) ရောဂါနဲ့ Autoimmune Diseases တွေကို ကုသရာမှာ သုံးစွဲနေကြပါတယ်။

ပုံမှန်အားဖြင့်တော့ Vitamin D ဆိုတာနေရောင်ခြည်ခံယူရုံနဲ့ ရရှိနိုင်ပါတယ်။ Vitamin D3 ဖြစ်ဖို့ကတော့ အသည်းနဲ့ ကျောက်ကပ်မှာ ရှိတဲ့ Enzyme တွေရဲ့ အကူအညီကိုယူပြီး ပြောင်းလဲရပါတယ်။ မြန်မာပြည်က လူတော်တော်များများက အာဟာရရှိတဲ့အစားအသောက်တွေကို ရွေးချယ်မစားသုံးတတ်ကြလို့ Enzyme ဓာတ်တွေချို့တဲ့ပြီး D3 ပြောင်းလဲမှုကို ကောင်းကောင်းမလုပ်ဆောင်နိုင်ပါဘူး။

Vitamin A D E K တို့ဟာ အဆီမှာ ပျော်ဝင်နေတဲ့ ဓာတ်တွေဖြစ်တာကြောင့် အဆီကိုခြေပြီးစုပ်ပေးနိုင်မယ့် သည်းခြေရည်နဲ့လည်း ဆက်စပ်မှုရှိနေပါတယ်။ သည်းခြေရည်ထုတ်ပေးနိုင်ဖို့ဆိုတာ သည်းခြေကောင်းမှဖြစ်နိုင်ပါမယ်။ သည်းခြေကောင်းကောင်းအလုပ်လုပ်ဖို့ ဆိုရင် Thyroid Hormone အားကောင်းမှဖြစ်ပါမယ်။ ဒီ ဟော်မုန်းအားနည်းလို့ သည်းခြေပျက်စီးသွားပြီဆိုတာနဲ့ ကျောက်ရှိရှိ ၊ မရှိရှိ အစာမကြေတာတွေ ဗိုက်ကယ်တာတွေ လေပွတာတွေနဲ့ ရင်ထဲမှာ ဆို့နေသလိုခံစားရစေပါတယ်။ အဆိုးဆုံးကတော့ ခန္ဓာကိုယ်အတွက် အကျိုးပြုမယ့် အဆီတွေကို မစုပ်ယူပေးနိုင်တာကြောင့် အာဟာရဓာတ်ချို့တဲ့မှုနဲ့ အတူ ရောဂါပေါင်းစုံ ဝင်လာတော့တာပါပဲ။ သည်းခြေပျက်စီးနေကြောင်း သိသာစေမယ့်တစ်ချက်ကတော့
ဝမ်းသွားတဲ့အခါ တစ်ခါတရံမှာ အဆီဝေ့နေတတ်ပါတယ်။ Gall bladder ultrasound ကိုလည်း စစ်ဆေးကြည့်ကြဖို့ အကြံပြုလိုပါတယ်။

Vitamin D3 လျှော့နည်းနေကြောင်းကို သွေးစစ်ကြည့်ရင်သိနိုင်ပါတယ်။ အဖြေဟာ အနည်းဆုံး 40ng/ml အထက်မှာရှိရပါမယ်။ 70 နဲ့ 100 ကြားမှာ ရှိရင်တော့ အကောင်းဆုံးဖြစ်ပါတယ်။ အရမ်းနည်းနေရင်တော့ Vitamin D3 ကို ဖြည့်စွက်သောက်ထားသင့်ပါတယ်။ ၁လခန့်သောက်ပြီးလို့ နောက်တစ်ကြိမ် ပြန်စစ်တဲ့အချိန် သွေးထဲမှာ ထင်သလောက်မတက်လာရင် OX Bile 500mg နှင့်အတူ အစာစားတိုင်း တွဲသောက်ပေးသင့်ပါတယ်။

🔸Vitamin D3 ချို့တဲ့သည့်အခါ

1. ကိုယ်ခံအားနည်းပြီးရောဂါဝင်လွယ်ခြင်း
2. အရိုးပါးခြင်း ကြွက်သား၊ အရိုး နာကျင် ကိုက်ခဲခြင်း
3. မကြာခဏ ဖျားနာတတ်ခြင်း
4. ဦးနှောက် နှင့် အာရုံကြော ဝေဒနာများ ခံစားရခြင်း
5. အလွန် ပင်ပန်း နွမ်းလျ နေတတ်ခြင်း၊ နေ့ခင်း နေ့လယ် အလွန် အိပ်ငိုက် တတ်ခြင်း
6. အနာကျက်နှေးခြင်း
7. ခေါင်း ချွေးထွက်များခြင်း တို့ ဖြစ်တတ်ပါတယ်။

ဆရာမကြီး Dr. ဒေါ်ခင်နွယ်ဝင်း၏ Vitamin D3 အကြောင်း ပညာပေးစာများမှ ကောက်နှုတ်ထားခြင်း ဖြစ်ပါသည်။

08/03/2025

သွေးတိုးရောဂါ (Hypertension) အကြောင်း နားလည်ပြီး ကာကွယ်ကြပါစို့ 🩺

သင်သိပါသလား?
သွေးတိုးရောဂါကို "အသံတိတ် လူသတ်သမား" လို့လည်း ခေါ်ကြပါတယ်။ ရောဂါလက္ခဏာမပြတတ်ပဲ သွေးပေါင် သေချာ မထိန်းသိမ်းပါက နှလုံးရောဂါ၊ လေဖြတ်ခြင်း၊ နှင့် နာတာရှည်ကျောက်ကပ်အားနည်းခြင်း စသောနောက်ဆက်တွဲရောဂါကြီးများကို ဖြစ်စေနိုင်ပါသည်။

သွေးတိုးရောဂါဖြစ်စေတဲ့ အကြောင်းအရင်းများ

အငန်များတဲ့အစားအစာ၊ အဆီအစိမ့်များ များများစားခြင်း။

နေ့စဉ်လှုပ်ရှားမှု နည်းခြင်း။

စိတ်ဖိစီးမှု များခြင်း။

မိသားစု ထဲတွင်သွေးတိုးမျိုးရိုးရှိခြင်း။

သွေးတိုးရောဂါကို ကာကွယ်ခြင်းနှင့် သွေးပေါင်ထိန်းရန်။

1️⃣ ဆားကိုလျော့စားပါ၊ အဆီအစိမ့်နည်းသောအစားအစာများကို စားပါ။
2️⃣ နေ့စဉ်လှုပ်ရှားမှု (တစ်နေ့ကို ၃၀ မိနစ်ခန့်) ပြုလုပ်ပါ။
3️⃣ စိတ်ဖိစီးမှုကို အပျောက်ဖျက်ဖို့ ယောဂ၊ လေ့ကျင့်ခန်း၊ သီချင်းနားထောင်ခြင်း စသည်တို့ပြုလုပ်ပါ။
4️⃣ အရက်ကို လျှော့သောက်ပါ၊ ဆေးလိပ်ကို ရှောင်ပါ။
5️⃣ သွေးတိုးချိန်ကို ပုံမှန်စစ်ဆေးပြီး ဆရာဝန်ညွှန်ကြားချက်ကို အတိုင်းဆေးပုံမှန်သောက်ပါ။

👉 ဤပို့စ်ကို မျှဝေပြီး သင့်မိသားစုနှင့် မိတ်ဆွေများကိုသတိပေးလိုက်ပါ

Credit

06/02/2025

နိုင်ငံခြားက Date ကုန်ခါနီးစားသောက်ကုန်တွေ သွင်းလာပြီး ဘူးချွတ်ပြီး ပြန်ရိုက်ဖို့ ပုံနှိပ်လောကမှာတောင်ရှိတယ်။ ဘီစကစ်ဗူးတွေ ပါကင်အသစ်၊ Date Code အသစ်တွေနဲ့ ပြန်ရိုက်ပေးတာရှိတယ်။
နောက်ပြီး ယခုဝင်နေတဲ့ ဆယ်လမွန်ငါးတို့၊ SHISHAMO ငါးတို့ဆို အောက်လမ်းက ဝင်လာတာပဲ။ နောက်ပြီး ဘနားမီး ရေချိုပုဇွန်၊ ကက္ကတစ်ငါးတွေဆို အောက်လမ်း ထိုင်းနိုင်ငံကနေ ဗဟိုစံပြငါးစျေးကို နေ့တိုင်းအဝင်ရှိတယ်။ ဘယ် FDA မှ မစစ်ဘူး၊ ဒီအတိုင်းပဲ ဝင်လာတာ။

မြန်မာဟာ အာဆီယံ ၁၀ နိုင်ငံမှာ
လူ့ သက်တမ်း အတိုဆုံးနိုင်ငံအဖြစ်
စာရင်းဝင်လာနေပါတယ်။

ဘာဖြစ်လို့ မြန်မာတွေ အသက်တို
ကြတာလဲ ဆိုတာတော့ သိပြီးကြမှာပါ။

အိမ်နီးချင်း ထိုင်း၊ အိန္ဒိယ နဲ့ တရုတ်တို့အတွက်တော့ မြန်မာဟာ အလွန်
လုပ်စား ကိုင်စားလို့ ကောင်းလှတဲ့
စျေးကွက်ကြီးတစ်ခုလို ဖြစ်နေတာမို့

သူတို့နိုင်ငံမှာ ဥပဒေနဲ့ တင်းတင်းကြပ်ကြပ် ကိုင်တွယ်ထားလို့ လုပ်မရတဲ့အရာမှန်သမျှ ခိုးလုပ်ကြပြီး အဲ့ဒီပစ္စည်းပေါင်းစုံကို မြန်မာပြည် စျေးကွက်ထဲလာဖြန့် တယ်။

စားသောက်ကုန်၊ ဆေးဝါးမျိုးစုံ
လုပ်ငန်း အပါအဝင် အတု တွေလုပ်တယ်။ မြန်မာပြည်ထဲဖြန့်တယ်။
နယ်စပ်ဂိတ် မှန်သမျှမှာလည်း FDA က မစစ်နိုင်။ စစ်နိုင်သမျှစက်တွေကလည်း ခေတ်မီ ဓာတုဆေးတွေများသမို့ မှန်ကန်စွာ ဓါတ်မခွဲနိုင်သေး။

တစ်ခါတခါ ဓါတ်ခွဲ စမ်းသပ်လိုက်တဲ့
အခါမှာလည်း နာမည်ကြီး တံဆိပ်တွေအပါအဝင် စားသောက်ကုန်၊ အဖျော်ယမကာ အတော်များများ လူကိုဥပဒ်ပေးတဲ့ဓါတ်တွေ ပါတာ FDA ကလည်း မကြာခဏ ထုတ်ပြန်နေရတာ မြင်သိ ကြားတွေ့ကြရမှာပါဘဲ။

သစ်သီးသစ်ရွက်တွေနဲ့ ပတ်သတ်တာ
မှန်သမျှ မြန်မြန်ကြီး၊ မြန်မြန်ပွင့်၊
မြန်မြန်သီး၊ နေ့ချင်းညချင်း မှည့်နိုင်တဲ့ ဆေးတွေထွင်တယ်။ မြန်မာပြည်ထဲ ဖြန့်တယ်။

အခုဆို ဘာအသီး စားချင်းလဲ ပြောလိုက်ရာ သီမရွေးရတယ်။ ခုည မှည့်ချင်လား။ မနက်ဖြန် မှည့်ချင်လားပြော။ များများ ချိုချင်လား ရတယ်။

ဥပမာ ခရမ်းချဉ်သီးဆိုရင် ပွဲရုံတွေက
အစိမ်းတွေဘဲ ဝယ်တော့တာလို့
ဖတ်မိသေးတယ်။ စျေးကွက်ထဲကဝယ်လိုအားကို ဖြန့်ခါနီးမှအချိန်မှီ မှည့်ပေးလိုက်တယ်လို့ ဆိုတယ်။

အသားတု၊ ဥအတု၊ လူအတု အတုမျိုးပေါင်းစုံ။ ကော်ဖီ, အချိုရည်, ကျန်တာ အတော်များများ မှန်သမျှ ဂျင်းတွေချည်းဘဲ။ ထိုင်းဖက်နယ်စပ်မှာ ထိုင်းရဲက ဖမ်းမိတဲ့ သတင်းတွေလည်း မကြာခဏ ဖတ် ဖတ်မိကြမယ်ထင်မိ။

နောက် စျေးအတန်ဆုံးလို ဖြစ်လာတာက အချိုမှုန့်တွေ။ ၂၀၀ ဖိုးဆို လက်တစ်ခုပ် လောက်ရတယ်။
ဗုံးဗောလအော ဟင်းတွေထဲထည့် ဆီးချိုတွေတက်။ အချိုမှုန့်မပါတော့ရင် မစားတတ်ကြတော့တဲ့ အဖြစ်တွေ ရောက်မှန်းမသိ ရောက်ကြရ။ အချိုမှုန့်ကြောင့်ပဲ ဆီးချို၊ သွေးတိုး၊ နှလုံးရောဂါတွေ ဖြစ်ပြီး သေကြရ။

သာမန် အပေါစားအရက်ဖြူ (OP) ဆိုလည်း ၄၀၀ လေါက်ဆို တစ်ပုလင်းရတယ်။ ပဲလှော်လေး ၁၀၀ ဖိုးနဲ့ တွဲကစ်လိုက်ရင် ၅၀၀ဖိုးဆို မူးပြီ၊ ရေချိန်ကိုက်ပြီ။ ပြီးတဲ့အခါ ဗမာဆေးများများနဲ့ ကွမ်းယာ ပါးစပ်ထဲထည့်ပြီး ဆေးပေ့ါလိပ်တစ်ရှိုက်၊ နှစ်ရှိုက် အဆုပ်ထဲအထိ ဆွဲထည့်လိုက်တဲ့အခါ တစ်ရက်စာ ဖူလုံပြီ။ ရေသန့်ကမှ အရက်ထက် စျေးကြီးနေသေးတယ်။
အဲလို အပေါစား အရက်တွေသောက်တော့ မြန်မြန်သေကြတာပေါ့။

အရည်မရ၊ အဖတ်မရ ကွမ်းယာဆိုင်ဆိုလည်း နေရာတကာ လက်ညိုးထိုးမလွဲသလိုပဲ။

တစ်နေ့တနေ့ မြန်မာပြည်သား လူတွေ ကွမ်းစားပြီး ပါးစပ်ထဲက ထွေးထုတ်လိုက်တဲ့ ပမာဏဟာ ငွေသန်းချီဖိုးတောင်ရှိတယ်ဆိုလား ဖတ်မိသေးတယ်။ အဲ့ဒီအထဲ ထည့်စားလိုက်ကျတဲ့ အိန္ဒိယက လာတဲ့ ဆေးပေါင်းစုံ။
92' အပါအဝင်။ အိန္ဒိယကနေ
တစ်လတစ်လကို ဒေါ်လာ သန်းချီပြီး
ပေးဝယ်နေရတယ်။

အရက်ဆို မြန်မာလူ ၁၀ ယောက်မှာ
၇ ယောက် သောက်တယ်။ ကွမ်းလည်း အလားတူပဲ။

ဒါတွေကို မှီခို စားသောက်နေကြတဲ့
ဒီနိုင်ငံက လူတွေမှ ကင်ဆာ၊ သွေးတိုး၊ ဆီချို နှလုံး၊ ကျောက်ကပ် ရောဂါ မရရင် ဘယ်သူတွေရမလဲ။

နောက်ပြီး ဆန်ကိုအဓိက အစားအစာအဖြစ် စားသုံးကြတဲ့အခါ ကစီဓါတ်များတော့ အဆီများလာသလို၊ အငန်ဆိုလည်းကြိုက်၊ အစပ်ဆိုလည်း လက်မလွတ်စေရဘူး။ စားသောက်ပုံ စားသောက်နည်းဟာ အသက်ရှည်ဆုံး နိုင်ငံတွေနဲ့ ဆန့်ကျင်ဖက် ဖြစ်နေတယ်။

အသက်ရှည်တဲ့ နိုင်ငံတွေရဲ့ အစားအစာကို လေ့လာကြည့်ရင်
ပထမဆုံး ဖျော်ရည် အရည်တစ်ခုကို
စ သောက်ကြတယ်။ ပြီးတဲ့အခါ
အချိုပွဲလို အစာလေးတွေ ထပ်စားကြပြီးမှ၊ နောက်ဆုံးမှာ main food
ဖြစ်တဲ့ သား ငါး အသီးအရွက်ကို စား
ကြတယ်။ ပြီးတဲ့အခါ ကော်ဖီ သောက်ချလိုက်ကြတယ်။

မနက်ပိုင်းဆို ဘာမှ မစားသေးခင်မှာ အူလမ်းကြောင်းကို ဖျော်ရည်တစ်ခုခုနဲ့ အရင်သောက်ပြီးခံထားကြလေ့ရှိတယ်။

ဥပမာ အိန္ဒိယဆိုရင် သူတို့အစားအစာမှာ ဂျုံ၊ ပဲ၊ အသီးအရွက်နဲ့ နို့ ကို အဓိကထားစားကြတယ်။ ဆီ၊ အငန်ကို လုံးဝနီးနီး မစားကြဘူး။

ဒီအတွက် ကလေးဘဝ ကတည်းကလူတွေ အရပ်ရှည်ကြတယ်။ ကြီးလာတဲ့အခါ လူလုံးတွေ ထွားလာကြတယ်။ ခံနိုင်ရည် အားကောင်းကြတယ်။

ဒါဟာ ကိုယ်တိုင် ရောက်ဖူးတဲ့ နိုင်ငံ ၆ နိုင်ငံ လောက်က စားတဲ့ အစားပုံစံ နဲ့ ဥပမာယှဉ်ပြီး ပြောရတာပါ။

စောစော အိပ်ယာထ သွားတိုက်၊ မျက်နှာသစ်ဆိုတဲ့ ငယ်ငယ်က သင်ခဲ့ရတဲ့စာက စပြီး လွဲလာနေသလိုမျိုးပဲ။
မျက်နှာသစ်ပြီး ရေချိုး ရေလေါင်းပြီးမှ သွားတိုက်ရင် အပူထွက်သွားတဲ့
အတွက် သွားကျိုးတာ၊ နာတာ မဖြစ်ဘူးတဲ့။

မနက် ထပြီးတာနဲ့ တစ်နေကုန် စားသောက်။ ညနေကျ ရေချိုး၊ သွားတိုက်ပြီးတော့ ညစာစား၊ ဒီတော့ ရှေ့ နောက် လွဲနေမှုတွေကအစ သွားတွေ ပိုးစားယိုင်နဲ့ပြီး အခေါင်းပေါက်တွေ ဖြစ်ရာက ရောဂါဝင် အသေစော၊အသက်တိုရတာ။

ဒါတွေကအစ အခြေခံကို လွဲမှားနေသယောင်ဘဲလို့မြင်တယ်။ အမှန်ဆို မနက်စာစားပြီးမှ သွားတိုက်။ ညစာစားပြီးမှ သွားတိုက်ကြရမှာ။

ဒါတွေကအစ ပြင်မှရမယ်။
လူတစ်ဦးချင်းစီက စပြင်ရမယ်။
နောက် မိသားစု အလိုက်ပြင်ရမယ်။
နောက် ပတ်ဝန်းကျင် တစ်နိုင်ငံလုံးပြင်မှ ကျန်းမာ၊ အသက်ရှည်ကြမယ်။

ဘယ်လိုပြင်ရမလဲဆိုရင် အသီးအရွက် စားချင်ရင် ကိုယ့်ကိုစိုက်စားပါ။ စျေးကဝယ်ရင် သဘာဝ အတိုင်းခူးရောင်းတဲ့ တောသည်လေးတွေဆီက မသန်မစွမ်း၊ ပိုးကိုက်ထားတဲ့ အရွက်တွေဝယ်ပါ။ အသီးစားချင်ရင် အပင်ကနေ တိုက်ရိုက်ခူးပေးတဲ့ အသီးကို ရှာစားပါ။

အသားငါးလည်း လတ်ဆတ်တာကိုစားပါ။ အချိုရည် လုံးဝ မသောက်ပါနဲ့။ အသီးကို ဖျော်သောက်ပါ။ အငန်လျော့။ အဆိမ့်၊ အချို၊ အစပ် လျော့စားပါ။

နောက် အရေးအကြီးဆုံးက ဆီ။ ဆီကို ဖြစ်နိုင်ရင် ဆီကြိတ်တဲ့ စက်တွေမှာ သွားဝယ်ပါ။ ဒါမှမဟုတ် မြေပဲ နှမ်း ဝယ်ပြီး ကိုယ့်ရှေမှာ ကြိတ်ခိုင်းပါ။ စျေးထဲကဆီတွေ မစားပါနဲ့။ ဈေးထဲကဆီအကုန်နီးပါး(၉၉%)ကစားအုန်းဆီနဲ့တရုတ်ဘက်ကလာတဲ့ပြန်ချက်ထားတဲ့ဆီအဟောင်းတွေကိုပြုပြင်ထားတဲ့ဆီအတုတွေပါ။
ဒီလိုမလုပ်နိုင်ရင် ဆီ လျော့စားပါ။

နောက်ပြီး လေ့ကျင့်ခန်းလုပ်ပါ။ မနက် ညနေ အချိန်ရရင် လမ်းလျှောက်ပါ။ နှလုံးအားကောင်းအောင် သွက်သွက်လျှောက်။ အမြင့်တက်ပါ။ အမောခံနိုင်အောင် ကျင့်ပါ။

အရက်၊ ဆေးလိပ်၊ မူးယစ်ဆေး လုံးဝ
မသုံးပါနဲ့။

ညစာကို ညနေ ၅ နာရီကျော်ရင်
ထမင်းမပါဘဲ စားပါ။ အရည်သောက် အသီးအရွက်၊ အသားငါးဘဲ ထိုင်စားပါ။

မြန်မာတွေ အသက်ရှည်စေဘို့ စဉ်းစားမိသမျှဝေခြင်းပါ။
အာရောဂျံ ပရာမံ လာဘံ ကျန်းမာခြင်းဟာ လာဘ်တစ်ပါးပါ။
ကျန်းမာရေးအသိ ကိုယ်စီ ရှိကြ
စေချင်ပါတယ်။

ဟိုတလောက ဆိတ်သားခြောက် ဝယ် လာပြီး အိမ်ရောက်တော့ Microwave နဲ့ နွှေးလိုက်တာ ပလပ်စတစ်အရည်တွေ ထွက်လာလို့ဆိုပြီး ပုံနဲ့တကွ တင်လိုက်တာကို ဖတ်လိုက်မိပါတယ်။

မြန်မာပြည်က အစားအသောက်တွေဟာ သဘာဝ အနေအထားကနေအမျိုးမျိုးသော နည်းတွေနဲ့ ပြုပြင်ပြီး
ပြန်ရောင်းနေကြတာမို့ တစ်နေ့တခြား ကြောက်စရာ ကောင်းလာနေပါတယ်။

အားလုံးသိကြတဲ့အတိုင်း၊ ရောဂါအားလုံး ရဲ့ အခြေခံဟာ အစာလမ်းကြောင်းကနေ လာတာဖြစ်ပါတယ်။ ပုံစံအမျိုးမျိုး နဲ့ လာနေကြတာပါ။ အခုနောက်ပိုင်း အလွန် အဖြစ်များနေတာကတော့ Autoimmune ရောဂါမျိုးစုံ ဖြစ်ပါတယ်။ ဒီရောဂါဟာလည်း တစ်နေရာတည်းမှာ
ဖြစ်ခဲလှပါတယ်။ ခန္ဓာကိုယ်ရဲ့ သုံးလေးနေရာလောက်မှာ ဖြစ်နေလေ့ရှိပါတယ်။

ကျွန်တော့်ဆီကို လာတဲ့ စာတွေ၊ Email, Message တွေကို ဖတ်လိုက်မယ်ဆိုရင် Autoimmune ရောဂါတွေရယ်၊ ကင်ဆာတွေ အရမ်းများလာနေပါတယ်။ အရင်က အတော်လေးရှားပါးတဲ့ ကင်ဆာမျိုးစုံလည်း တွေ့နေရပါပြီ။

အသက် ၁၅ နှစ် Melanoma at the a**l area

နောက်တစ်ယောက် ဒူးက အနာမကျက်လို့ အသားစ ယူပြီး စစ်လိုက်တဲ့အခါ Anaplastic Non-Hodgkins lymphoma ပါတဲ့။

နောက်တစ်ယောက်က ဗိုက်အတွင်း
lymphoma

အသည်းကင်ဆာ၊ အဆုပ်ကင်ဆာ တွေကလဲ များသလား မပြောနဲ့။
အဆင့် ၄ တွေချည်းပါဘဲ။

နောက်တစ်ယောက်က Pancreatic cancer.

အစားအသောက်ကြောင့်ဖြစ်တဲ့ အူလမ်းကြောင်း ကျန်းမာရေးကို မထိန်းနိုင်ဘူးဆိုရင် ခံစားရတတ်တဲ့ နောက်ဆက်တွဲ ရောဂါတွေပါဘဲ။

နောက်တစ်ခု သတိထားမိတကတော့ နိုင်ငံခြားမှာ နေနေကြတဲ့ မြန်မာတွေလည်း အတော်များများ Autoimmune ရောဂါတွေ ဖြစ်နေကြပါတယ်။ သွေးဖောက်စစ်သူတွေ အတော်များများမှာ ရှိနေကြပါတယ်။

ပြန်သုံးသပ် ကြည့်တော့၊ အများစုဟာ
နိုင်ငံခြား ရောက်နေကြပေမဲ့ ကိုယ့် မြန်မာအစားအစာတွေကိုဘဲ စားကြပါတယ်။ ထမင်း ဟင်း ပါဘဲ။ နောက်ပြီး မြန်မာပြည်က အစားအသောက်မျိုးစုံ လူကြုံနဲ့သော်လည်းကောင်း၊ ကိုယ်ကိုယ်တိုင် သော်လည်းကောင်း တပွေ့ တပိုက်ကြီး ဝယ်ယူလာပြီး freezer ထဲ မှာ ထည့်ပြီး တဖြေးဖြေး စားနေကြတာ သတိပြုမိပါတယ်။

ငပိကြော်၊ ငါးခြောက်ကြော်၊ လဘက်၊
အကြော်မျိုးစုံ၊ မုန့်ဟင်းခါး အရည်တွေ စသည် ဖြင့် ဖြစ်ပါတယ်။

ဒီရောဂါ တွေရဲ့ ဖြစ်ကြောင်းဟာ
အမျိုးမျိုး ရှိပါသော်လည်း အဓိက ကတော့ အစားအသောက် ပါ။

ဒီအတိုင်း ဆက် သွားကြမယ်ဆိုရင်
တိုင်းပြည်အတွက် ရင်လေးမိပါတယ်။

ကိုယ်နဲ့အတူ ကိုယ့်မိသားစုကို စောင့်ရှောက်ဖို့၊ သတိလေးကပ်ပြီး၊ ဥာဏ်အကူလဲ လိုပါလိမ့်မယ်။

ဘယ်လောက် ကြိုက်တဲ့ အစာဘဲဖြစ်ဖြစ် ဥပါဒ်ရှိလာပြီဆိုရင် ဖြတ်နိုင်ရပါမယ်။ ရောဂါရလာပြီဆိုရင် ရှာထားသမျှ ငွေတွေကုန် အလူးအလိမ့်ခံရ၊ ရောဂါ သံသရာ ဝဲဂယက်မှာ ချာချာလည် နေတော့မှာ ဖြစ်ပါတယ်။

အခုလိုအဖြစ်မျိုး ရောက်ရတာဟာလဲ
လူအများစုဟာ ဗဟုသုတ ခေါင်းပါးနေကြတာက တစ်ကြောင်း၊ လောဘ ဦးဆောင်နေတာက တစ်ကြောင်း၊ ရသတဏှာကို မကျော်လွန်နိုင်တာက
တစ်ကြောင်း၊ အစိုးရအနေနဲ့ အစားအသောက်တွေအပေါ် ကြပ်မတ်မှု ထိထိရောက်ရောက် မရှိတာကတစ်ကြောင်း၊ ဖြစ်လာမဲ့ အန္တရာယ်ကို သဘောမပေါက်တာက တစ်ကြောင်း၊ တိုင်းပြည် ဆင်းရဲတာက တစ်ကြောင်းကြောင့် ဖြစ်ပါတယ်။

မိမိနှင့် မိမိ၏ မိသားစုကို ဥာဏ်သုံး၊
သတိကပ်ပြီး စောင့်ရှောက်သူများ ဖြစ်နိုင်ကြပါစေ။

Crd

27/01/2025

ဖြည့်စွက်စာတွေဝယ်မသောက်နိုင်လျှင်
သော်လည်းကောင်း/ကျောက်ကပ်ထိမှာစိုး၍
ဆေးအများကြီးမသောက်ချင်လျှင်သော်လည်းကောင်း
ဆရာမကြီး ဒေါက်တာ ဒေါ်ခင်နွယ်ဝင်းက
(To A Better Health)
သဘာဝနည်းလေးတွေကို ဒီလို ပြောပြထားပါတယ်။

၁. Vitamin D အတွက် မနက်ခင်း နေရောင်ခြည်
ခံပေးပါ။ နေပူထဲမှာ နာရီဝက်လောက်နေပါ။
အိမ်အပြင်ထွက်ရမှာဖြစ်ပါတယ်။
အိမ်ထဲမှာနေပြီး လှမ်းမရပါ။
အိမ်ပြင်မှာUltra violet B ray
ရနိုင်လို့ ဖြစ်ပါတယ်။
Vitamin D ရဖို့ B ray လိုပါတယ်။
အိမ်ထဲမှာ ပြတင်းပေါက်ကနေတဆင့် ရသော
နေရောင်ခြည်မှာ A ray သာ ဖြစ်ပါတယ်။
B ray က ပြတင်းပေါက်ကို မဖောက်နိုင်ပါ။
A ray က Vitamin D မလုပ်နိုင်ပါ။

၂. အပြင်ထွက်ရင်း တလက်စတည်း မြေကြီးဓာတ်ကိုပါ
ယူလိုက်ပါ။ မြေကြီးမှာ electron ဓာတ်တွေ
အများကြီးရှိတာကတစ်ကြောင်း၊ သူတို့တွေက
ဝါယောဓာတ်တွေ ဖြစ်တာမို့ ရွေ့လျားနိုင်ပါတယ်။
များတဲ့နေရာကနေ နည်းတဲ့နေရာကို
ရွေ့လျားတတ်တာကြောင့် မြေကြီးကနေ
ခန္ဓာကိုယ်ထဲကိုဝင်နိုင်ပါတယ်။
စိုနေတဲ့မြက်ခင်းဆိုရင် အင်မတန်
သင့်တော်ပါတယ်။
အစိုဓာတ်ရှိရင် စီးဝင်ခြင်းဟာ ပိုပြီး
ထိရောက်ပါတယ်။
ဖိနပ် မစီးရပါ။ ဒီ electron ဓာတ်ဟာ ခန္ဓာကိုယ်
ယောင်ကိုင်းခြင်းကို သက်သာစေနိုင်ပါတယ်။
သဘာဝ antioxidants တွေ ဖြစ်ပြီး
သွေးကိုလည်းကျဲစေတတ်တာကြောင့်
လေဖြတ်ထားသူများ၊
နှလုံးသွေးကြောပိတ်သူများ အတွက်
အလွန်သင့်တော်ပါတယ်။

၃. D3 နဲ့ အတူသောက်ခိုင်းတဲ့ Vitamin K2 ကို
သဘာဝနည်းနဲ့ အရယူကြရအောင်။
- ရှမ်းတို့ဖူး (Natto)(Plant based MK7)
- ကလီစာဟင်း (Animal based MK4 )
- ကြက်ဥအနှစ် (Animal Based MK4)

၄. Probiotics အလှမ်း မမှီနိုင်ရင်
- ချဉ်ဖတ် စားပါ။
- ဒိန်ချဉ် စားပါ။
- ဗမာအချဉ်ရော၊ ရှမ်းချဉ်ရော အလွန်
ကောင်းပါတယ်။

၅. နနွင်းကို ( အုန်းဆီ/သံလွင်ဆီ ) နဲ့ သောက်ပါ။

၆. အသီးအနှံနှင့်အစိမ်းရောင်အရွက်များများစားပါ။

၇. အရိုးပြုတ်ရည် သောက်ပါ။
( ကြက်ရိုး၊ အမဲရိုး၊ ဆိတ်ရိုး..)

၈. ရှားစောင်းလက်ပတ် စားပါ။
အူလမ်းကြောင်းပြုပြင်ရေးအတွက်
ကောင်းပါတယ်။

၉. အုန်းရည် သောက်ပါ။
သတ္တုဓာတ်မျိုးစုံရမှာဖြစ်ပါတယ်။

၁၀. နွယ်ချိုက အူကျန်းမာရေးအတွက်
ကောင်းပါတယ်။

၁၁. ဆားခါးရေ စိမ်ပါ။ Magnesium
အလှမ်းမမှီသူများအတွက်ပါ။

၁၂. သစ်ကြားသီး စားပါ။
Plant based Omega3 ရပါတယ်။

၁၃. တတ်နိုင်ရင် တစ်ခါတရံ
အဆီများသော ငါး စားပါ။

၁၄. အချဉ်ဓာတ် VitaminC ရစေရန် ငရုတ်ပွသီး၊
သံပုရာသီး၊ ရှောက်သီး၊ ဆီးဖြူသီး၊ လိမ္မော်သီး၊
ကျွဲကောသီး၊ မာလကာသီး၊ ကီဝီသီး၊
ဘယ်ရီသီးအမျိုးမျိုး၊ပန်းဂေါ်ဖီစိမ်း၊
ကင်ပွန်း ချဉ်ချဉ်ပေါင်ရွက် အစရှိသည်
တို့ကို စားသုံအာလူးနဲ့ကန်စွန်းဥတို့မှာလည်း ဓာတ်တွေပါဝင်ပါတယ် )

၁၅. Zinc ဇင့်ဓာတ်ရရှိစေရန် ပင်လယ်စာနဲ့
အနီရောင်အသားများ၊ ကြက်ဥ၊ နို့နှင့်နို့ထွက်
ပစ္စည်းများ၊ အုတ်ဂျုံ၊ ပဲအမျိုးမျိုး၊ မှို၊ ကညွတ်၊
ကိုက်လန်၊ ရုံးပတီသီး၊ ပန်းပွင့်စိမ်း၊ ဟင်းနုနယ်၊
ပြောင်းဖူးစသောဟင်းသီးအရွက်များနှင့်ကွာစေ့၊
ဖရုံစေ့ ကဲ့သို့သော အစေ့အဆန်များ စားသုံးပါ။

၁၆. Anti-viral အနေဖြင့် ဂျင်း၊ ကြက်သွန်နီ၊
ကြက်သွန်ဖြူ၊ နနွင်း၊သစ်ကြံပိုးများစားသုံးပေး၍
ရေနွေးကြမ်း green teaသောက်ပါ။
ရေများများသောက်ပါ။
ကိုယ်လက်လှုပ်ရှား လေ့ကျင့်ခန်းများ နေ့စဉ်
အနည်းဆုံး ၁၅မိနစ် ပုံမှန် ပြုလုပ်ပါ။

20/01/2025

It doesn’t have to be this way.

သက်ကြီးရွယ်အိုတွေ ပြောလေ့ရှိပါတယ်။

အသားတွေကို ဝါးဖို့ အဆင်မပြေပါ။
သွားတွေ အပြည့်အစုံ ရှိနေပေမဲ့ အသက်ကြီးလာတော့ သွားတွေက တုန်းကုန်ပြီတဲ့။

အခုမှပဲ ပြန်စဉ်းစားကြည့်မိပါတယ်။
ဪ- သွားတွေ တုန်းကုန်လို့ မဟုတ်ပါ။
အစာဝါးဖို့ ကြွက်သားတွေ အားယုတ်ကုန်တာ ပိုပြီးဖြစ်နိုင်ပါတယ်။
အစာတွေကို ဝါးဖို့ ကြွက်သား ၁၇ ခုရဲ့အကူအညီ လိုပါတယ်။

ကြွက်သားတွေ အားယုတ်လာတယ်ဆိုရာမှာ တစ်ကိုယ်လုံးနဲ့ သက်ဆိုင်နေတာ ဖြစ်ပါတယ်။
အစာတွေကို ဝါးဖို့ ကြွက်သားတွေလဲ ပါနေပါတယ်။

ရှေးလူကြီးတွေက အစာတွေကို ငရုပ်ဆုံထဲမှာ ထောင်းပြီးစားတာကိုလဲ ကြားဘူးပါတယ်။

အခုလို မဖြစ်ရအောင် နေထိုင်စားသောက်ကြပါမယ်။

လိုအပ်ရင်လဲ သင့်တင့်လျောက်ပတ်တဲ့ ဖြည့်စွက်စာပါ သောက်ကြပါမယ်။

It just doesn’t have to be this way.
Card

12/01/2025

ျားနေတယ်
ှာအသည်းအဆီဖုံးတယ်ဆိုလို့
#အဆီကျဆေး_သောက်နေတယ်လေ

Dyslipidaemia
#သွေးထဲအဆီတွေများနေတယ်

👉👉👉
သွေးစစ်လို့ Lipid profile မှာပါတာတွေက

- Total Cholestrol
- LDL Cholestrol
- HDL Cholestrol
- Triglyceride

ဆိုပြီး (၄) မျိုးပါပါတယ်။

လူတော်တော်များများရဲ့ အဖြေမှာ HDL Cholestrol ကနည်းပြီး ကျန်တဲ့ (၃) မျိုး များနေတတ်ပါတယ်။

ဘာလို့ပါလဲ 🤔

👉👉👉
အကြောင်းနည်းနည်းပြောပြပါမယ်။

အဆီတွေ (အသားကရတာ၊ငါးကရတာ၊ အသီးကရတာ၊ ဟင်းချက်ဆီ) အားလုံးကို ချေဖျက်ပြီးရင် fatty acid နဲ့ glycerol ဆိုတာရပါတယ်။

အဲ့ဒါတွေကို အူတွေက စုပ်ယူပါတယ်။

စုပ်ယူတဲ့ အဆီတွေကို အသည်းဆီပို့ပါတယ်။ လိုအပ်ရင်သုံးလို့ရအောင်။

အဲ့ထက် ပိုတဲ့ အဆီတွေကို ခန္ဓာကိုယ်က Cells တွေဆီ ပို့ပါတယ်။ ပိုတဲ့ အဆီတွေကို Cells တွေထဲမှာ သိမ်းရင်းသိမ်းရင်း နဲ့ အဆီ Cells တွေများလာပါတယ်။

အဲ့တော့ ဝ လာတယ်ဆိုတာပေါ့။

ဒီမှာပြောချင်တာက အဆီစားမှ မဟုတ်ပါဘူး၊

ထမင်းစားများရင် => glucose များပါတယ်၊ အဲ့ဒါ ကိုအသည်းမှာ Glycogen အနေနဲ့ သိမ်းပါတယ်
အဲ့ထက်ပိုရင် #အဆီအဖြစ်ပြောင်းလိုက်ပါတယ်၊

အသားအစားများရင် => Amino acid တွေကို ခန္ဓာကိုယ်အတွက်လိုအပ်တဲ့ ပစ္စည်းတွေထုတ်ပါတယ်။ ကြွက်သားပျက်စီးတာတွေအစားထိုးပါတယ်၊ အနာတွေရှိရင် အစားထိုးပါတယ်(အနာကျက်အောင်) အဲ့ဒါထက်ပိုရင် #အဆီအဖြစ်ပြောင်းလိုက်ပါတယ်

အဲ့တော့ "ကိုယ်က cholesterol free ပဲစားတာ၊ ဘာလို့ ဝ လာလဲမသိပါဘူး" ဆိုတဲ့ ပုဂ္ဂိုလ်များ သိလောက်ပါပြီနော်။

ခန္ဓာကိုယ်က အရွက်ကလွဲလို့ ကြိုက်တာစား ပိုလို့ကတော့ #အဆီပြောင်း ပလိုက်တာ။

👉👉👉

အဆီဟာရေမှာ မပျော်ဝင်ပါဘူး။ အဲ့တော့ တစ်နေရာကတစ်နေရာသွားဖို့ သယ်ပေးမယ့်သူလိုပါတယ်။

LDL နဲ့ HDL ဆိုတာ Carrier Protein တွေပါ (အဆီမဟုတ်ပါဘူး)

ဆိုတာက အဆီတွေကို အူကနေ၊ အသည်းကနေ ခန္ဓာကိုယ်က Cells တွေဆီကို ပို့ပေးတဲ့ကောင်ပါ

***LDL များနေတယ်ဆိုတာ ခန္ဓာကိုယ်က cells တွေဆီကို အဆီတွေများများပို့နေတယ် လို့ပြောတာပါ။
မကောင်းတဲ့ကောင်ပါ ၊ များလေ မကောင်းလေပါ

ဆိုတာ ခန္ဓာကိုယ်က Cells တွေဆီက အဆီတွေကို ခန္ဓာကိုယ်အတွက် စွမ်းအင်အဖြစ်သုံးဖို့ အသည်းဆီကို ပို့ပေးတဲ့ ကောင်ပါ

***HDL များတယ်ဆိုတာ ခန္ဓာကိုယ် cells တွေဆီက အဆီတွေကို သုံးပစ်နေပြီလို့ပြောတာပါ
ကောင်းတဲ့ကောင်ပါ၊ များလေ ကောင်းလေပါ

(HDL ဘယ်အချိန်များလဲဆိုတော့ လေ့ကျင့်ခန်းလုပ်ရင် ခန္ဓာကိုယ်က စွမ်းအင်လိုတော့ အဆီတွေကို ဖြိုခွဲပြီးသုံးလို့ အသည်းဆီအဆီသယ်ပေးမယ့် HDL များများလိုတာပါ)

------

Triglyceride (TG) ဆိုတာ ခန္ဓာကိုယ်ထဲမှာ
- သိုလှောင်ထားတဲ့ အဆီ၊
- အသည်းအဆီဖုံးတယ်ဆိုတဲ့အဆီ ၊
- နှလုံးအဆီဖုံးတယ်ဆိုတဲ့အဆီ၊
- သွေးကြောထဲပိတ်တယ်ဆိုတဲ့အဆီ၊
- နှလုံးသွေးကြောပိတ်တဲ့အဆီ
- ဦးနှောက်သွေးကြောပိတ်ပြီးလေဖြတ်စေတဲ့အဆီ
- ခြေလက်သွေးကြောတွေပိတ်ပြီး ခြေပုတ်လက်ပုတ်ဖြစ်စေတဲ့ အဆီပါ

အဲ့တော့ TG များတယ်ဆိုတာ အခြေအနေမကောင်းပါဘူး။

👉👉👉

#အဆီချရပါမယ်

ဘာတွေကို နည်းအောင်လုပ်မလဲ ?

☑️ TG နည်းရပါမယ်
☑️ LDL နည်းရပါမယ်

✅ HDL များရပါမယ်

ဘာစားစား #လိုတာထက်ပိုစားရင် အဆီတက်မှာပါ
(အစားလျှော့ပါမယ်)
#လေ့ကျင့်ခန်းလုပ်ရင် Energy လိုတဲ့ အတွက် ရှိပြီးသားအဆီတွေကို ဖြိုခွဲပါတယ် (HDL တတ်လာပါလိမ့်မယ်)

လုပ်ရမှာက (၂) ခုထဲပါ။

👉👉👉

လုပ်ရမယ့် (၂) ခုကို မလုပ်ပဲ နဲ့ #ဆေး တွေ လျှောက်သောက်ပါတယ်။

#အဆီကျဆေး ဆိုတာတွေသောက်ပါတယ်။

အဆီကျဆေး ဆိုတာ အကြမ်းအားဖြင့် (၂) မျိုးရှိပါတယ်။
၁။ သွေးထဲက အဆီတွေ ကျအောင်လုပ်တဲ့ဆေး
၂။ စားတဲ့ အစာထဲက အဆီတွေ မစုပ်အောင်တားတဲ့ဆေး

👉👉👉

၁။ သွေးထဲက အဆီတွေ ကျအောင်လုပ်တဲ့ဆေး

အဲ့ဒီဆေးက သွေးထဲက #အဆီတွေကို အသည်းဆီကို ပို့ပြီ ဖျက်ပစ်ခိုင်းပါတယ်။

(ဒါပဲဆိုရင် ကောင်းလှချည်လားပေါ့ HDL လုပ်သလို လုပ်ပေးတာလေ) ❌❌❌ မဟုတ်ပါဘူး

👉 များနေသမျှ အဆီတွေကို ဆေး 💊 က တာဝန် ကျေကျေ အသည်းဆီ ပို့ပါတယ်၊
👉 အသည်းကလည်း တာဝန် ကျေကျေ အဆီတွေကို ဖျက်ဆီးပစ်ပါတယ်
😢😢😢😢😢
လူကကျတော့ အဆီကျဆေး သောက်ထားတယ်ဆိုပြီး စားမြဲစား၊ သောက်မြဲသောက်နေပါတယ်
👉 အဆီတွေ သွေးထဲ တရားလွန်များနေတော့
👉 အသည်းက အလုပ်မတရားလုပ်ရပါပြီ
👉 အရက်လေးကလည်းသောက်တော့ အရက်ကိုလည်း ဖျက်တဲ့အလုပ်လုပ်ရပါတယ်

👉 နဂိုထဲက ကောင်းတဲ့ အသည်းလားဆိုတော့ မဟုတ်ပါဘူး အဆီဖုံးနေတဲ့ အသည်းပါ။

ဘာနဲ့တူလဲဆိုတော့ ပေါင် (၃၀၀) လောက်ရှိတဲ့ လူဝကြီးကို ပြေးခိုင်းပြီး နောက်က ကျားလိုက်ခိုင်းသလိုဖြစ်နေပါတယ်။ (သေမှာကြောက်တော့ ပြေးရင်းအမောဆို့ပြီးသေသွားပါလိမ့်မယ်)

👉 အဲ့လိုနဲ့ အသည်းပျက်ပါလိမ့်မယ်။ အသည်းရောင်ပါမယ်။ နောက်အသည်းခြောက်ပါလိမ့်မယ်။

😰😰😰

အထူးကုဆရာဝန်ကြီးတွေ သောက်ခိုင်းတာကြတော့ရော
သူတို့က
- လိုအပ်တဲ့ သူကိုပဲပေးတာပါ
- အသည်းကောင်းမကောင်း အရင်ကြည့်ပါတယ်။
- (၃) လတစ်ခါ ရက်ချိန်းခေါ်ပြီး သွေးစစ်နေတယ် ဆိုတာ သူတို့ ပိုက်ဆံလိုချင်လို့ ခေါ်နေတာ မဟုတ်ပါဘူး (လိုအပ်တာတွေပြန်စစ်ဖို့ခေါ်တာပါ)
- သွားပြလဲ ဒီဆေးတွေပဲ ဆက်ပေးတာပဲ ဆိုပြီး (သွားမပြပဲ ဆေးတွေဆက်သောက်နေကြတာ ကြောက်ဖို့ကောင်းပါတယ်)
- ဒီဆေးတွေ ဆက်ပေးတယ်ဆိုတာက စစ်ဆေးကြည့်ပြီးသောက် လို့ရသေးလို့ ဆက်ပေးတာပါ
- ပြီးတော့ အစားလျှော့ခိုင်းတယ်လေ

(အဆီကျဆေး သောက်မယ်ဆိုရင် အသည်းကောင်းဖို့လိုသလို၊ အသည်းဝန်မပိအောင် အစားလျှော့ဖို့လည်း လိုပါတယ်)
အဲ့တော့ ဆေးသောက်သောက်/မသောက်သောက် အစားက လျှော့ရမှာပဲ။
လေ့ကျင့်ခန်းက လုပ်ကမှာပဲ။

👉👉👉
၂။ စားတဲ့ အစာထဲက အဆီတွေ မစုပ်အောင်တားတဲ့ဆေး
- Online ကနေ ရောင်းတာဖြစ်ဖြစ်၊
- Gym သွားပြီး Workout မလုပ်ပဲ စကားသွားပြောရင်း အချင်းချင်း ညွှန်းတာဖြစ်ဖြစ်ကနေ သောက်ကြတာပါ

❌❌❌ (အူထဲက နေ စားတဲ့ အဆီမစုပ်အောင်ပိတ် တော့ ကြိုက်သလောက်စား အဆီ မတက်ဘူးလေ)❌❌❌

အဲ့လောက်လွယ်ရင် ပိုက်ဆံတတ်နိုင်တဲ့ လူတိုင်း Six Packs တွေ နဲ့ဖြစ်နေကြမှာပေါ့ 🤷‍♂️

6 packs နဲ့က ရုပ်ဆိုးလို့
👉 ခန့်အောင် ဗိုက်ပူကြီး တမင်ထားတဲ့သူ ရှိမယ် မထင်ပါဘူး

(ထားပါတော့ အဆဲခံရတော့မယ် 😅)

#ဆေးတွေက တကယ် အူကနေ အဆီမစုပ်စေပါဘူး

ဒါပေမယ့်
- အဆီပဲမစုပ်တာလေ တခြားဟာစုပ်တယ်၊ ဆေးသောက်ထားတယ်ဆိုပြီး မတရားစားတော့ ပိုတဲ့ဟာတွေက ခန္ဓာကိုယ်ထဲ အဆီပြောင်းသွားတာပဲ
- ဘာထူးလဲ ဆိုတော့ Fat soluble Vitamin ဖြစ်တဲ့ Vitamin E မစုပ်ဘူးလေ အဆီမှမစုပ်တာ (အဲ့တော့ ရုပ်တွေရင့်လာရော)
- Fat soluble Vitamin ဖြစ်တဲ့ Vitamin D မစုပ်ဘူးလေ အရိုးတွေပွ၊ ကိုယ်ခံအားတွေကျ၊ အရိုးတွေနာ၊ ကြွက်သားတွေနာ
- ပြီးတော့ အဆီမစုပ်တော့ ဝမ်းသွားဆီတရွှဲရွှဲ နဲ့၊ အဲ့ဒါအပြင် တောက်လျှောက်ကျနေတာဆိုတော့ ပုဆိုးတွေ၊ ထမီတွေ ဆီတွေကွက် လူကြားထဲ ဒီလောက် ဒုက္ခရောက်တဲ့ ဆေးကြီး

😰😰😰
-------

ပြန်ချုပ်ရရင်

သွေးထဲအဆီများနေတယ် ဘာလုပ်ရမလဲ

✅ အစားလျှော့စားပါ၊ ည (၆) နာရီနောက်ပိုင်းမစားပါနှင့် (စောစောအိပ်ပါ ၊ မအိပ်ရင်ပြန်ဆာလိမ့်မည်)
✅ အချိုရည် လုံးဝ (လုံးဝ) မသောက်ပါနှင့်
✅ ဆီကြော် လျှော့စားပါ (မစားကအကောင်းဆုံးပါ)
✅ ဗိုက်ပြည့်နေအောင်အရွက်များများစားပါ
✅ လေ့ကျင့်ခန်းလုပ်ပါ ၊ အပြင်းအထန်ကြီး လုပ်စရာ မလိုပါဘူး တစ်နေ့ မနက် (၃၀) မိနစ် ညနေ (၃၀) မိနစ် လမ်းလျှောက်ပေါ့ (ခပ်သွက်သွက်တော့လျှောက်ပါ ၁၀ မိနစ်ဆို ချွေးထွက်လာမှ မှန်ပါတယ်
ပြေးစက်နဲ့ဆို 6km/hr နှုန်းလျှောက်ပါ)
(Gym မှာ တစ်နှစ်စာ ပိုက်ဆံသွင်းပြီး စကားသွားပြောကြရင် မိအေး၂ ခါနာပါတယ်)
✅ ဆေးက ဆရာဝန်မညွှန်းပဲ ❌ မသောက်သင့်ပါ

အဲ့လိုသာလုပ်မယ်ဆိုရင်

(၃) လအတွင်း သွေးတွင်းအဆီတွေကျပြီး (ကိုယ်အလေးချိန်ချက်ချင်းမကျရင်တောင်) ကျွန်တော်လို ကျန်းမာတဲ့ ဝက်ကြီးအဖြစ်ကနေ တဖြည်းဖြည်း ကိုယ်အလေးချိန်ပါ ကျလာပါလိမ့်မယ်။

😀 တစ်ပတ်ကြာရင် လူက Fit ဖြစ်တာသိသာ လာပါလိမ့်မယ်
😀 တစ်လ ကြာရင် အကျင့်ဖြစ်သွားပါပြီ
😀 (၃) လ ကြာရင် ရလဒ်တွေ မြင်လာရပါမယ်

အဲ့ဒါကြောင့်
#ဒီနေ့ပဲစလုပ်ပါ
(Original Post ; Oct;2020 👉 https://www.facebook.com/104993831383029/posts/121296613086084/)

သက်ရှည်ကျန်းမာစိတ်ချမ်းသာကြပါစေ

Dr. ဘုန်းစည်သူလွင်

(ကျန်းမာရေးဆောင်းပါးများ နေ့စဉ်တင်ပေးနေသောကြောင့် #ကျွန်တော့_Pageကို_Like လုပ်ထားခြင်းဖြင့် ကျန်းမာရေးဗဟုသုတတိုးပွား လာပါလိမ့်မယ် 💕💕💕 )

26/10/2024

သွေးတိုးရောဂါအတွက် ဆရာမကြီး ရေးထားတဲ့ အပိုင်း ၃ ပိုင်းကို ကူးယူ ဖော်ပြလိုက်ပါတယ်။

ယနေ့ ကျန်းမာရေး ဗဟုသုတ ဒါန

သွေးတိုးရောဂါ အလွန် များလာသည့် ခေတ်မို့ သွေးပေါင်ချိန် တက်ရခြင်း၊ ရှောင်ရန်၊ ဆောင်ရန်တွေကို ဗဟုသုတ အဖြစ် တင်ပေးလိုက်ပါတယ်။

သွေးတိုး ရောဂါကို သဘာဝနည်းနဲ့ ချချင်သူများ အတွက်လည်း ဖြစ်ပါတယ်။

သွေးတိုးရောဂါ နှင့် မိတ်ဆွေ တစ်ဦး၏ မေးခွန်း

” ဆရာမ ကျနော်က ရန်ကုန်ကပါ အသက် ၂၅ နှစ် သွေးတိုးတာ ၁ နှစ် ရှိပါပြီ အပေါ် ၁၄၀ အောက် ၉၀။

ဆေးသောက်တုန်း ပုံမှန်ပါ amlong 5mg တနေ့ ၁ လုံးသောက်ပါတယ်။

ဆရာမ ကျနော်က ငယ်သေးတော့ ဆေးကို လုံးဝ မသောက်ချင်တာ ဘယ်လိုနည်းလမ်းနဲ့ ဖြတ်ရမယ် ဆိုတာ ဖြေကြားပေးပါ ”

အဖြေ

လူငယ်ပိုင်းမှာ သွေးတိုး၊ ဆီး ချို၊ ကိုယ်အလေးချိန် များနေခြင်းတွေ အလွန်ပဲ များလာကြပါတယ်။

ကျွန်မ မကြာသေးခင်ကပဲ လူရွယ်ပိုင်းမှာ လေဖြတ်နှုံး အတော် တက်လာတယ် ဆိုတဲ့ ဆောင်းပါးလေး တစ်ခုကို ပြန်ပြီး ဝေငှပေးလိုက်ပါသေးတယ်။

သွေးတိုး ရောဂါဟာ လူကြီး လူငယ် မရွေး ဖြစ်တတ်တာမို့ ဒီ ရောဂါ အကြောင်းကို နားလည်ဖို့ အရေးကြီးတယ်လို့ ထင်ပါတယ်။ အခု မြန်မာပြည်မှာ အလွန် အဖြစ်များတဲ့ ရောဂါလဲ ဟုတ်ပါတယ်။

သွေးတိုး ဘာကြောင့် ဖြစ်ရတယ်?

သွေးတိုးရခြင်း အကြောင်းတွေ အမျိုးမျိုး ရှိတဲ့ အထဲမှာ

၁. အဓိက အကြောင်းတစ်ခုကတော့ ခန္ဓာကိုယ်ထဲမှာ Insulin ဓာတ်နဲ့ leptin ဓာတ် များနေခြင်း ဖြစ်ပါတယ်။

Insulin ဆိုတာ ကဆီဓာတ် (carbohydrate) စားတဲ့အခါ Pancreas မှ ထွက်တဲ့ ဟော်မုန်း ဖြစ်ပါတယ်။

Leptin ဆိုတာကတော့ အစာ ထပ်ပြီး မစားဖို့ တင်းတိမ်စေတဲ့ ဟော်မုန်းဓာတ် ဖြစ်ပါတယ်။ ဒီ ဟော်မုန်းကတော့ အဆီလွှာကနေ ထုတ်တဲ့ ဟော်မုန်း ဖြစ်ပါတယ်။

High carbohydrate and processed food များ စားတဲ့ အခါမှာ ထွက်လာသော ဟော်မုန်းတွေ ဖြစ်ကြပါတယ်။

ဒီ ဓာတ်နှစ်မျိုး တက်လာတာနဲ့ အမျှ သွေးပေါင်ချိန်ဟာလည်း တက်လာပါတယ်။

၂. Uric acid level တက်နေခြင်းဟာလည်း သွေးတိုးနဲ့ အတူ တွေ့ရတတ်ပါတယ်။ ဒါကြောင့်လဲ သွေးပေါင်ချိန်ကို ချဖို့ အရေးမှာ Insulin နဲ့ Uric acid level ကို ဂရုတစိုက် ပုံမှန် ဖြစ်သွားအောင် ကြိုးစားရမှာ ဖြစ်ပါတယ်။

သကြား၊ အထူးသဖြင့် fructose သကြား ပမာဏကို အထူးတလည် လျှော့ချလိုက်သည် ဖြစ်စေ ဖြတ်လိုက်သည် ဖြစ်စေ သွေးပေါင်ချိန်၊ insulin ဓာတ်၊ leptin ဓာတ်ပါ ကျသွားမှာ ဖြစ်ပါတယ်။

သွေးပေါင်ချိန် တက်ရခြင်း အကြောင်း နှစ်မျိုး ရှိပါတယ်။

Primary hypertension ဆိုတာ ၉၀ - ၉၅% လောက် လူတွေမှာ ဖြစ်ကြတာ ဖြစ်ပါတယ်။

Conventional ဆရာဝန်တွေ (အကျိုးကို ဦးတည်ပြီး ကုနေကြတဲ့ ဆရာဝန်) က အကြောင်းမရှိ လို့ အမြဲ ပြောလေ့ရှိတဲ့ Idiopathic hypertension ဆိုတာ ဖြစ်ပါတယ်။

သို့ပါသော်လည်း အကြောင်းမရှိပဲ အကျိုး တရား တစ်ခုဟာ ဖြစ်ပေါ်လာလေ့ မရှိပါ။

Functional medicine ဆရာဝန် (အကြောင်း အကျိုး ကုတဲ့ ဆရာဝန်) တွေ ပြောတာကတော့ သကြားဓာတ် အထူး သဖြင့် fructose သကြားဓာတ် များနေလို့ပါတဲ့။

၃. ကျန်တဲ့ ၅-၁၀% သော သွေးတိုးခြင်းဟာ နာတာရှည် အသည်း ရောဂါကြောင့် ဖြစ်ပါတယ်။ chronic liver disease.

ရှောင် ရန် တွေ က တော့

၁။ အချိုမှုံ့၊ ကြက်သားမှုံ့၊ Fructose သကြား၊ ရိုးရိုး သကြား (အလွန် အရေးကြီးသော အကြောင်း တစ်ခု)
၂။ ဆေးလိပ် သောက်ခြင်း
၃။ ငံပြာရည် (အခုခေတ် ငံပြာရည်တွေမှာ အချိုမှုံ့တွေ ပါလို့ ဖြစ်ပါတယ်)
၄။ ငပိ စိမှးစား
၅။ တရုပ် ငံပြာရေ
၆။ ပြုပြင်ပြီး အစာများ processed food

လိုက်နာရန်

၁. မိမိ၏ Fasting insulin level ကို တိုင်း ကြည့်ရမှာ ဖြစ်ပါတယ်။

မြန်မာပြည်မှာ သွေးဖောက်စစ်လို့ ရပါတယ်။ ရှိသင့်တဲ့ ပမာဏကတော့ 2-3 microU / ml ဖြစ်ပါတယ်၊

အကယ်၍ 5 and above ဆိုရင် ဆီးချို၊ သွေးတိုးနဲ့ သူ့ကြောင့် ဖြစ်လာမဲ့ နောက်ဆက်တွဲ ရောဂါတွေ မဖြစ်ရအောင် ချရမှာ ဖြစ်ပါတယ်။

ဓာတ်ခွဲခန်း အတော် များများက ပုံမှန် level ကို 5-25 microU/ml လို့ ရေးလေ့ ရှိကြပါတယ်။

ပုံမှန် insulin level range ဟာ ကိုယ့်အတွက် optimal level ရှိဖို့ အသင့်ဆုံးနဲ့ မတူပါ။

သွေးပေါင်ချိန်ဟာ 140/90 or 160/100 အထိလောက် ရှိနေသူတွေ အကယ်၍သာ အစားအသောက် အနေအထိုင်ကို အမှန်တကယ် ပြုပြင်နိုင်မယ် ဆိုရင် သွေးပေါင်ချိန် ချရန် ခေတ်မှီ ဆေးများ မှီဝဲဖို့တောင် မလိုဖူးလို့ ထင်ပါတယ်။

အခြား လိုအပ်တဲ့ သဘာဝဆေးတွေကိုလဲ သောက်ရမှာ ဖြစ်ပါတယ်။

သို့ပါသော်လည်း သွေးပေါင်ချိန် သိပ်တက်နေမယ်ဆိုရင်တော့ လေ မဖြတ်ရအောင် နဲ့ အခြား ပြဿနာများ မဖြစ်ရအောင် ချက်ချင်း ရုတ်တရက်ကြီး ဆေးတွေ conventional drugs ကို မဖြတ်သင့်ပါ။ တဖြေးဖြေး ကောင်းလာတဲ့ အခါကြတော့ ဖြတ်လို့ ရနိုင်ပါတယ်။

၂. ခန္ဓာကိုယ် ရောင်ကိုင်းခြင်း မဖြစ်အောင် antioxidants များ အလှမ်းမီမယ် ဆိုရင် သောက်သင့်ပါတယ်။
အထူးသဖြင့် CoQ10 ဟာ antioxidant ဖြစ်သည့်အပြင် သွေးပေါင်ချိန်လဲ ကျစေပါတယ်။ 200mg လောက် သောက်ကြည့်သင့်ပါတယ်။ ဒီမိတ်ဆွေ သောက်နေတဲ့ amlong သွေးချဆေးဟာ calcium channel blocker ဖြစ်ပါတယ်။

သူက သွေးကြော ကလာပ်စည်းထဲကို calcium တွေ အများကြီး မဝင်ရအောင် ထိန်းပေးထားတာ ဖြစ်ပါတယ်။

အများကြီး ဝင်မယ်ဆိုရင် သွေးပေါင်ချိန် တက်သည့်အပြင် နှလုံးခုန်တာလဲ ပုံမှန် မဟုတ် ဖြစ်တတ်ပါတယ်။ ဖြည့်စွက်စာ အနေနဲ့ သောက်သင့်ပါတယ်။

၃. သဘာဝ calcium channel blocker ကတော့ magnesium ဖြစ်ပါတယ်။

သဘာဝအားဖြင့် မြေကြီးထဲမှ ရှိပြီး အရွက်တွေ စားရင် ရနိုင်ပါတယ်။

သို့ပါသော်လည်း ပြောင်းလဲသွားသော ခေတ်မှာ မြေကြီးထဲက Magnesium ဓာတ် အလွန် နည်းသွားပြီ ဖြစ်တာကြောင့် လူတိုင်း လိုလိုမှာ ဒီ အလွန် အရေးကြီးတဲ့ သတ္တုဓာတ်ဟာ နည်းနေပါတယ်။

Magnesium ကို သောက်ဖို့ ရွေးချယ်တဲ့အခါ တတ်နိုင်ရင် Magnesium oxide ကို ရှောင်ရမှာ ဖြစ်ပါတယ်။ သူက အူမှ စုတ်ယူမှု သိပ် မကောင်းပါ။ ဝမ်းလျောတတ်ပြီး ဝမ်းထဲကနေ ပြန်ပါသွားတတ်ပါတယ်။

Magnesium citrate (or) malate (or) Glycinate ကတော့ သင့်တော်ပါတယ်။ သောက်သင့်တဲ့ dosage က တော့ 400 - 600 mg a day in divided doses ဖြစ်ပါတယ်။

၄. Omega 3 oil
Omega 3 oil ဟာ နှစ်မျိုး ရှိပါတယ်။
Plant based short chain fatty acids (ဥပမာ Flax seed, Avocado ကလာပ်စည်းစွမ်းအင် အတွက် အသုံးချ ပါတယ်)

Animal based long chain fatty acids အထူးသဖြင့် DHA ဟာ ကလာပ်စည်းရဲ့ တည်ဆောက်မှု အတွက် ဖြစ်ပါတယ်။ (ငါးမှ ရသော အဆီ)

Plant based omega3 နဲ့ animal based omega3 ရဲ့ အဓိက ခြားနားချက် ဖြစ်ပါတယ်။

၅. VitaminD ဟာလည်း သွေးပေါင်ချိန်ကို လျော့စေပါတယ်
၆. လေ့ကျင့်ခန်း မှန်မှန် လုပ်ပါ။
၇. ဆေးလိပ်သောက်ရင် ဖြတ်ပါ။
၈. မြေဓာတ် ယူပါ။
၉ . စိတ်ဖိစီးမှု လျော့ပါ။
၁၀. အစာ စားချိန် ချဲပေးလိုက်ပါ။ ခဏခဏ မစားသင့်ပါ။ Intermittent fasting
၁၁. အရွက် များများ စားပါ။
၁၂. အိမ်ချက် အစာများကိုသာ စားပါ။
၁၃. Thyroid hormone လုံလုံ လောက်လောက် ရှိနေပါစေ

သွေးတိုးရောဂါ ကုသမှုဟာ ကိုယ့်လက်ထဲမှာ ရှိတာမို့ ဒီရောဂါ မဖြစ်လာရအောင်၊ ဖြစ်နေရင်လဲ သက်သာသွားရအောင် ပြုပြင်လို့ ရတယ်ဆိုတာ တင်ပြလိုက်ခြင်း ဖြစ်ပါတယ်။

သွေးတိုး ရောဂါ နောက်ဆက်တွဲ

သွေးပေါင်ချိန် ကျအောင် လူ အတော် များများဟာ Conventional drugs များကို မှီဝဲ သောက်သုံးနေကြပါတယ်။

အစားအသောက် အနေ အထိုင်ကို တိတိကျကျ သေသေချာချာ မပြင်နိုင်သူတွေကတော့ ဒီဆေးတွေ လိုမှာ အမှန်ပါပဲ။

ကိုယ့်ကိုယ်ကို ပြန်မေးကြည့်ရမှာကတော့ ကိုယ့်ဘဝ အတွက် အစားအသောက်က အရေးကြီးဆုံးလား ဆိုတာပါပဲ

ကိုယ့်ရဲ့ ဘဝ အရည်အသွေး၊ မိသားစုနဲ့ ပျော်ပျော် ရွှင်ရွှင် နေထိုင်ရေးနဲ့ ဘာက ပိုပြီး အရေးကြီးတယ် ဆိုတာ ရွေးချယ်ရမှာ ဖြစ်ပါတယ်။

တဏှာထဲမှာ ရသတဏှာဟာ အတော် ဆိုးတာကတော့ အမှန်ပဲ ဖြစ်ပါတယ်။ သို့ပါသော်လည်း အမှတ်အသား ပြုပြီး မှတ်ထားတဲ့ သညာ စေတသိက်ကို ပြုပြင်လို့ ရတယ် ဆိုတာလဲ မမေ့လိုက်ကြပါနဲ့။

စားလဲ စားမယ်၊ တဖက်ကလဲ ဒီ ဓာတုဆေးတွေ သောက်မယ် ဆိုရင်တော့ အောက်ပါ အချက် အလက်များကို နားလည် သဘောပေါက်ရအောင် ရှင်းပြပါဦးမယ်။

ဓာတုဆေး conventional drugs တွေဟာ ခန္ဓာကိုယ်ထဲမှာ ရှိတဲ့ အာဟာရဓာတ်တွေ (nutrients, vitamins, supplements, minerals) တွေကို အဓမ္မ လုယူတတ်ပါတယ်။

ဒါကြောင့်လဲ ဒီဆေးတွေ သောက်တာ ကြာလာပြီ ဆိုရင် ဆေးကြောင့် ဖြစ်တဲ့ ရောဂါတွေ ထပ်ပေါ်လာပြီး ကုရ ခက်လာပါတယ်။

သွေးပေါင်ချိန် ကျဆေးတွေနဲ့ စပ်လျဉ်းပြီး အနည်းငယ် ဖော်ပြသွားမှာ ဖြစ်ပါတယ်။

၁. ACE inhibitors --------- captopril, enlapril, lisinopril, quinapril, ramipril, trandopril, fosinopril စသည်ဖြင့် ဖြစ်ပါတယ်။

ဒီဆေးတွေဟာ ခန္ဓာကိုယ်ထဲမှာ ရှိတဲ့ zinc, magnesium, potassium calcium တွေကို လုယူတတ်ကြပါတယ်။

၂. Beta blockers - atenolol, metoprolol, timolol, nadolol, sotalol စသည်ဖြင့် ဖြစ်ပါတယ်။

ဒီဆေးတွေကြတော့ ခန္ဓာကိုယ်ထဲမှာ ရှိတဲ့ CoQ10 နဲ့ melatonin level ကို ကျဆင်းစေပါတယ်။

၃. Calcium channel blockers ----- nifedipine, felodipine, verapamil, diltiazem, amlodipine စသည်ဖြင့် ဖြစ်ပါတယ်။

ဒီဆေးတွေဟာ ခန္ဓာကိုယ်ထဲမှာ ရှိတဲ့ potassium, vitaminD, calcium and CoQ10 level ကို ကျဆင်းစေပါတယ်။

၄. Clonidine , methyldopa ----- CoQ10 level ကို ကျဆင်းစေပါတယ်။

၅. ဆီးဆေးများ diuretics ------ B vitamins, vitaminC, zinc, calcium, magnesium, potassium တွေကို ကျဆင်းစေပါတယ်။

ဒီဆေးတွေကို ကြာကြာ သောက်လေ ခန္ဓာကိုယ်ထဲမှ အလုပ်လုပ်ဖို့ ကုန်ကြမ်းတွေ လျော့ပါးကုန်လေ ဖြစ်တာကြောင့် ခန္ဓာကိုယ်ဟာ ကောင်းကောင်း အလုပ် မလုပ်နိုင်တော့ပါ။

အလုပ် မလုပ်နိုင်တော့တဲ့အခါ ရောဂါ လက္ခဏာ မျိုးစုံ ဝင်ပြီ ဖြစ်ပါတယ်။

ဆရာဝန်နဲ့ ပြပြန်ရင်လည်း အကျိုးတွေကိုသာ ဦးတည်ပြီး ကုလေ့ ရှိတာမို့ ဆေးမျိုးစုံ ထပ်ပြီး ပေးပြန်တယ်။

ဒီလိုနဲ့ပဲ လူနာတွေဟာ ရောဂါ သံသရာမှာ တဝဲလယ်လယ် ဖြစ်နေကြပါတယ်။

ဒီဆေးတွေ သောက်ရင်းနဲ့ပဲ ဥဏှောက် သွေးကြောတွေ ပိတ်၊ ပြတ်တဲ့ လူတွေ၊ နှလုံးသွေးကြော ပိတ်တဲ့လူတွေ၊ ကျောက်ကပ် ပျက်စီးသွားတဲ့ လူတွေ နဲ့ စုံလို့ပါပဲ။

လူဆိုတာ ဘာမဆို ကိုယ်ပိုင်ဥာဏ်နဲ့ ဆုံးဖြတ်ခွင့် ရှိပါတယ်။

သေသေချာချာ စဉ်းစားကြည့်ပြီး ကိုယ်နဲ့ အဆင်ပြေမဲ့ လမ်းကို လျှောက်ရုံပဲ ဖြစ်ပါတယ်။

အရေးကြီးတာက ကျန်းမာရေး ဗဟုသုတတွေနဲ့ ပြည့်စုံမယ် ဆိုရင် လမ်းမှန်ကို လျှောက်ဖို့ လမ်းက ပိုများမယ်လို့ ထင်ပါတယ်။

သွေးတိုးရောဂါ နဲ့ ကျွန်မ၏ အတွေ့အကြုံ

ကျွန်မမှာလည်း အရင်နှစ်တွေများက သွေးတိုးရောဂါ ရှိခဲ့ဖူးပါတယ်။

အများနည်းတူ ကျွန်မလဲ ဆရာဝန် နဲ့ ပြပြီး conventional ဆေးတွေ မှီဝဲခဲ့ဖူးပါတယ်။

အဲဒီ အချိန်တုန်းက သွေးပေါင်ချိန် ထိန်းနိုင်ဖို့ အရေး ဆေး သုံးမျိုး သောက်ရပါတယ်။ Ace inhibitor, beta blocker, and diuretic စုံလို့ပါပဲ။

သို့ပါသော်လည်း ခွန်အားလည်း သိပ်မရှိ၊ သိပ်မမြင့်လှတဲ့ အိမ်ပေါ် ထပ် တက်ရင်တောင် မောနေ၊ ကြွက်သားတွေ အားမရှိတဲ့ အပြင် အလွန်လည်း နာနေပါတယ်။
ကားပေါ် အဆင်း အတက်တောင် သိပ် အဆင် မပြေလှပါ။ တစ်ခါတရံ ကိုယ့်ခြေထောက်ကို လက်နှစ်ဖက်နဲ့ ဆွဲတင်ပြီး မ ရတဲ့ အထိပါပဲ။

ဆရာဝန်ကိုလည်း မေးကြည့်မိပါတယ်။ သောက်နေတဲ့ ဆေးတွေရဲ့ ဘေးထွက် ဆိုးကျိုးတွေလား ဆိုတာလေ။

သို့ပါသော်လည်း ဆရာဝန်က တိတိကျကျ အဖြေ မပေးနိုင်ခဲ့ပါ

ကျွန်မလဲ ကိုယ် ခံစားနေရတာတွေကို စိတ်ရှုပ်တာနဲ့ပဲ စာတွေကို စပြီး ဖတ်ဖြစ်ပါတော့တယ်။

တဖြေးဖြေး ဖတ်ရင်းနဲ့ သိလာတာမို့ ကိုယ့် ကျန်းမာရေးကို ကိုယ့်ဖာသာ ကိုယ်ပဲ တာဝန်ယူမယ်လို့ စိတ်ကူးလိုက်ပါတယ်

သဘာဝ ဖြည့်စွက်ဆေးတွေ၊ ဗီတာမင်တွေ သောက်ပြီး ဆေးသုံးမျိုးကို တစ်ခုပြီးတစ်ခု ဖြေးဖြေးချင်း ဖြတ်ချလိုက်တာ နောက်ဆုံးမတော့ သဘာဝဆေးတွေနဲ့ သွေးပေါင်ချိန်ကို ထိန်းလို့ ရသွားပါတယ်။

စာလဲ ဖတ်ဖြစ်သွားပြီး တစတစ နဲ့ အရင်က မသိ နားမလည်ခဲ့တဲ့ ကျန်းမာရေး ဗဟုသုတတွေနဲ့ ပြည့်စုံလာပါတယ်။

ကိုယ်တွေ့လဲ စမ်းထားတာမို့ ပိုပြီး ယုံကြည်လာပါတယ်။

အဘိဓမ္မာပါ သင်လိုက်တော့ အကြောင်း အကျိုး ဆက်စပ်ပြီး စဉ်းစား တတ်တဲ့ ပညာ တစ်မျိုးပါ ထပ်တိုးလာပါတယ်။

ကျွန်မက အစားအသောက်ကို လုံးဝ ပြောင်းပြစ်လိုက်ပါတယ်။ ပြောင်းလို့ ရမှန်းလဲ တဖြေးဖြေး သိလာပါတယ်။

ဘယ်လောက်ပဲ ဗီတာမင်တွေကို သောက်သောက် အစား အသောက် အနေအထိုင်ကို မပြုပြင်လျှင် သွေးပေါင်ချိန်ကို လုံးဝ မထိန်းနိုင်ပါ။

အခုတော့ အရင်က လုပ်ဖို့ ခဲယဉ်းခဲ့တာတွေ ပြန် လုပ်နိုင်သွားပါပြီ။ ကျန်းမာရေးဟာလဲ အရင်ကထက် စာရင် ပိုပြီး ကောင်းလာတယ်လို့ ထင်ပါတယ်။

မိတ်ဆွေတွေ အားလုံးလဲ ကျန်းမာရေး ဗဟုသုတတွေနဲ့ ပြည့်စုံကြပြီး မိမိ ခန္ဓာကိုယ်ကို ထမ်းဆောင်နိုင်ကြပါစေ။

crd a better health

Address

Yangon
11181

Telephone

+959750365732

Website

facebook.com

Alerts

Be the first to know and let us send you an email when Healthy Way - USA Vitamin Supplements & Products posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Healthy Way - USA Vitamin Supplements & Products:

Shortcuts

Want your practice to be the top-listed Clinic in Yangon?