https://www.facebook.com/1105482946296936/

ThankYou Specialist Clinic, No(1195/C), Dala-Twante Road, Kamarkasit, Near Dala Clock Tower, Yangon (2025)

06/02/2024

ဒလမြို့မှာ ခေတ်မှီ စက်ကိရိယာ စုံလင်စွာဖြင့် အထွေထွေ, သွားနှင့်ခံတွင်း, မျက်စိမျက်မှန်, ဓာတ်မှန်, အာထရာဆောင်း စသည့် ဝန်ဆောင်မှုများကို ကျေးဇူး ဆေးခန်းတွင် ရရှိနိုင်ပါသည်။
လိပ်စာ- 1195(C), ဒလ-တွံတေးလမ်းမကြီး, နာရီစင်အနီး, ဒလမြို့
ph-09882236766, 09882236767

12/01/2024

ကလေးဖျားလျှင် မိဘများမှ ဆောင်ရန် ရှောင်ရန်

၁၊ ကလေးရဲ့ပတ်ဝန်းကျင် အေးအောင် အဝတ်ပါးပါး ချောင်ချောင်ချိချိ ဝတ်ပေးပါ။ အခန်းကို လေဝင်လေထွက်ကောင်းပါစေ။ aircon မနိမ့်မမြင့် ဖွင့်ထားနိုင်ပါတယ်။

၂၊ ပုံမှန် အစားအသောက် ဆက်ကျွေးပါ။ ထမင်း/အဖတ်မကျွေးတဲ့ အယူအဆသည် မှားပါတယ်။ တိုက်ဖွိုင့် ရောဂါဆိုတာကလဲ တစ်ပတ် လောက်ဆက်ဖျားမှသံသယ ရှိရတာမို့ အဲဒါကြောက်လို့ အဖတ်မကျွေးတာ အဓိပ္ပါယ်မရှိပါ။ ကလေးများဖျားလျှင်တော့ အစားလျော့တတ်ပါတယ်။ ဒါကိုလည်း စိတ်မပူသင့်ပါ။ အတင်းအကျပ် မကျွေးပါနဲ့။ သူစားချင်တာပဲ စားပါစေ။ ကလေးအန်လျှင် နည်းနည်းချင်း ခဏခဏကျွေးပါ။

၃၊ အရည်များများတိုက်ပါ။ ဓါတ်ဆားပဲတိုက်ရမယ် မဟုတ်ပါ။ လတ်ဆတ်တဲ့ အသီးအနှံ များများကျွေးပါ။

၄၊ ကလေးကစားနိုင်လို့ကစားလျှင် ပေးကစားပါ။

၅၊ ကျောင်းတက်အရွယ် ကလေးတွေအတွက် အိမ်မှာပေးနားသင့်ပါတယ်။ နလန်ထ မြန်ရုံမက တခြားကလေးတွေကို ကူးစက်ခြင်းမှ လည်း ကာကွယ်ပေးပါတယ်။

အောက်ပါအခြေအနေမျိုးမှာ ဆရာဝန်နဲ့ပြသပါ။

၁၊ အသက် ၃ လအောက် ကလေးဖျားလျှင်
၂၊ အသက် ၃ လနဲ့ ၁ နှစ်ကြား ကလေး
တစ်ရက်ထက်ပို အဖျားကြီးလျှင်
၃၊ အသက် ၁ နှစ်အထက်ကလေး ၃ ရက်ဆက် တိုက်ဖျားလျှင်
၄၊ ဘယ်အရွယ်မဆို၊ ဘယ်နှစ်ရက်ဖျားဖျား အရည်မဝင်၊ နို့မစို့၊ အရမ်းအန်၊ အသက်ရှူမြန်၊ ဆီးသွားလျှင်နာ၊ ခြေဆစ်လက်ဆစ်ရောင်၊ နားပြည်ယို၊ အဖျားကျနေတာတောင် အရမ်းမှိန်း အရမ်းနုံး စတဲ့ အခြားလက္ခဏာတွေ တွဲဖြစ်လာလျှင်

အထက်ပါအခြေအနေများအတွက် တတ်ကျွမ်းတဲ့ ကျန်းမာရေးဝန်ထမ်းများနဲ့တိုင်ပင်ကုသပါ။

ကလေးအများစု၏ အဖျားသည် ဗိုင်းရပ်စ်ပိုးများကြောင့်ဖြစ်လို့ ၃-၄ ရက်အတွင်း ဆေးဝါးထူးထူးထွေထွေမလိုပဲ ပုံမှန်ပြန်ဖြစ်ပါတယ်။သဘာဝ နလန်ထနိုင်ခြင်းသည် အကောင်းဆုံးပါ။
Dr.Kyaw Linn Page

05/01/2024

ပုံထဲကလို မဖြစ်အောင် ကျေးဇူးဆေးခန်းမှာ မျက်မှန်လာစမ်းနော် .....
မျက်မှန်ကိုင်းအစုံ စျေးသက်သက်သာသာနဲ့ ရရှိနိုင်ပါတယ်....
#ကျေးဇူးမျက်မှန်
ph-09882236766,09882236767
ကျေးဇူးဆေးခန်း
ဒလ-တွံတေးလမ်းမကြီး, နာရီစင်အနီး, ဒလမြို့

03/01/2024

ရာသီပေါ် တုတ်ကွေးရောဂါ

နွေ နဲ့ မိုးအကူး မိုးဦးရာသီ အစမှာ တုပ်ကွေးတွေ ဖြစ်တတ်ကြပါတယ် ။ ဒီနေ့တော့ ဒီလိုဖြစ်တတ်တဲ့ တုပ်ကွေးရောဂါ တွေအကြောင်းကို နည်းနည်းပြောပြပေးချင်ပါတယ်။

တုပ်ကွေးရောဂါ ဟာ လေထုထဲက တစ်ဆင့် ကူးစက်တတ်တဲ့ ရောဂါတစ်မျိုး ဖြစ်ပါတယ်။ ဒါကြောင့်လည်း တုပ်ကွေးရောဂါ ဟာ ကူးစက်တာမြန်ပြီး မိသားစုဝင်ထဲက တစ်ယောက်ယောက် တုပ်ကွေး စဖြစ်ပြီဆိုရင် ဂရုမစိုက်မိရင် တစ်မိသားစုလုံး လိုက်ဖြစ်ကြတာ ဖြစ်ပါတယ်။

တုပ်ကွေးရောဂါ အကြောင်း ပြောမယ်ဆိုရင် တုပ်ကွေးရောဂါပိုး အကြောင်းတော့ နည်းနည်းသိဖို့လိုပါမယ်။ တုပ်ကွေးရောဂါပိုးဟာ virus ပိုးတစ်မျိုးဖြစ်ပါတယ်။ ဒါကြောင့် တုပ်ကွေးရောဂါဖြစ်တဲ့ အခါမှာ Antibiotics လို့ခေါ်တဲ့ ပဋိဇီဝဆေးတွေကို သောက်သုံးလို့ မပျောက်ကင်းနိုင်တာ ဖြစ်ပါတယ်။

နောက်တစ်ခုက တုပ်ကွေးရောဂါပိုး ( flu virus ) ရဲ့ တစ်ခြားသော ရောဂါပိုးတွေနဲ့ မတူညီတဲ့ အချက်ကတော့ သူဟာ ပါဝင်တဲ့ အစိတ်အပိုင်းပေါ် မူတည်ပြီး မျိုးရိုးဗီဇ အကြိမ်ကြိမ် ပြောင်းလဲနိုင်တာပဲ ဖြစ်ပါတယ်။ ဒါကြောင့်လည်း တစ်နှစ် နဲ့ တစ်နှစ် ဖြစ်တဲ့ တုပ်ကွေးရောဂါပိုးတွေက မတူညီကြတာ ဖြစ်သလို တုပ်ကွေးတစ်ခါဖြစ်ပြီးလို့ နောက်ထပ် တုပ်ကွေး ဘယ်တော့မှ ထပ်မဖြစ်တော့ဘူး လို့ပြောမရတာဖြစ်ပါတယ်။ မျိုးရိုးဗီဇ ပြောင်းလဲမှုတွေကြောင့်လည်း ငါးနှစ်တစ်ခါလောက်မှာ ပြင်းထန်တုပ်ကွေးတွေဖြစ်တဲ့ H1N1 H5N1 လို တုပ်ကွေးရောဂါပိုးတွေ ဖြစ်ကြရတာလည်း ဖြစ်ပါတယ်။

တုပ်ကွေးရောဂါ ဖြစ်လောက်တဲ့ ရာသီချိန် ရောက်ပြီဆိုရင် တုပ်ကွေးကာကွယ်ဆေး တွေလည်း ထိုးတတ်ကြပါတယ်။ ဒီ တုပ်ကွေးရောဂါ ကာကွယ်ဆေးတွေဟာ နှစ်အလိုက် ဖြစ်ပွားနိုင်ချေ အများဆုံးဖြစ်တဲ့ တုပ်ကွေးရောဂါပိုးကို ကျန်းမာရေးအဖွဲ့အစည်းတွေက ခန့်မှန်းတွက်ချက်ပြီး ထုတ်ထားတာ ဖြစ်တဲ့အတွက် ကာကွယ်ဆေးထိုးတယ်ဆိုရင် အဖြစ်များတဲ့ တုပ်ကွေးရောဂါပိုး ကူးစက်တာကို ကာကွယ်ပေးနိုင်ပါတယ်။

ကာကွယ်ဆေးထိုးပြီးပေမဲ့ တုပ်ကွေးဖြစ်ကြတဲ့အခါ ကာကွယ်ဆေးမကောင်းလို့ မအောင်လို့လို့ ထင်တတ်ကြပါတယ်။ ဒီဟာတွေကလည်း အကြောင်းတစ်ခုတော့ ဖြစ်နိုင်ပေမဲ့ တစ်ခါတစ်လေတော့လည်း ကိုယ်ထိုးထားတဲ့ ကာကွယ်ဆေးထဲမှာ မပါတဲ့ တုပ်ကွေးရောဂါပိုး နောက်တစ်မျိုးကြောင့် တုပ်ကွေး ဖြစ်ရတာမျိုးလည်း ဖြစ်နိုင်ပါတယ်။

ကာကွယ်ဆေး ထိုးတဲ့နည်း သာမကဘဲ တုပ်ကွေးရောဂါ မဖြစ်အောင် ကာကွယ်ပေးနိုင်တဲ့ တစ်ခြားသော ဆောင်ရန် ရှောင်ရန် နည်းတွေလည်း ရှိပါသေးတယ်။

ဒါတွေကတော့

၁။ တုပ်ကွေးရောဂါ မကူးစက်ခံရဖို့ တုပ်ကွေးရောဂါဖြစ်တဲ့သူနဲ့ မထိတွေ့မိဖို့က အရေးကြီးပါတယ်။ တကယ်လို့ ကိုယ့်မှာ တုပ်ကွေးရောဂါ ဖြစ်နေပြီဆိုရင်လည်း တစ်ခြားသူ နဲ့ သိပ်နီးနီးကပ်ကပ် မနေသင့်ပါဘူး။ တစ်ခြားသူတွေဆီ မကူးစက်ဖို့ အတွက် ဖျားနေတယ်ဆိုရင် ကျောင်းမသွား အလုပ်မသွားဘဲ နေသင့်ပါတယ်။ အိမ်မှာနေမှာဆိုရင်တော့ မဖြစ်သေးတဲ့ တစ်ခြားမိသားစုဝင် တွေဆီ မကူးစက်အောင် အခန်းခွဲပြီး ခဏနေသင့်ပါတယ်။

၂။ တစ်ရှူး သို့ ပါးစပ်နှာခေါင်းဖုံး ကို သုံးသင့်ပါတယ်။

အပြင်ကို မဖြစ်မနေသွားရမယ့်အခါ ဒါမှမဟုတ် လူတွေကြားနေတဲ့အခါ တစ်ဦးနဲ့ တစ်ဦး ရောဂါမကူးစက်ဖို့အတွက် နှာစေးချောင်းဆိုးတဲ့ အခါ တစ်ရှူး သို့ ပါးစပ်နှာခေါင်းဖုံးကို အသုံးပြုသင့်ပါတယ်။

၃။ လက်ကို မကြာခဏဆေးသင့်ပါတယ်။

လက်ဆိုတာဟာ ရောဂါပိုးတွေ အများဆုံး ရှိနေတတ်တဲ့ အင်္ဂါအစိတ်အပိုင်း တစ်ခုပါပဲ။ ဒါကြောင့် ရောဂါပိုးတွေ ရှိနေတဲ့ လက်နဲ့ မျက်လုံး နှာခေါင်း ပါးစပ်တွေကို ကိုင်မိရင် ရောဂါဖြစ်မှာပါပဲ။ ဒီလို ဖြစ်မှာတွေကို ကြိုတင်ကာကွယ်ဖို့အတွက် လက်ကို သန့်သန့်ရှင်းရှင်းထားဖို့က အရေးကြီးပါတယ်။

၄။ နေထိုင်တဲ့ ပတ်ဝန်းကျင်ကိုလည်း သန့်သန့်ရှင်းရှင်းထားရပါမယ်။

တုပ်ကွေးရောဂါ ဖြစ်တဲ့သူရဲ့ အဝတ်အစား အသုံးအဆောင် ပစ္စည်းတွေမှာ ပိုးတွေ တွယ်ငြိနေမှာ အမှန်ပါဘဲ။ ဒါကြောင့် အဝတ်အစားတွေ ဆိုရင်လည်း ဝတ်ပြီးရင် သန့်စင်အောင် ပြန်ပြီး လျှော်သင့်သလို အသုံးပြုတဲ့ တစ်ရှူးတွေကိုလည်း စနစ်တကျ စွန့်ပစ်ရမှာ ဖြစ်ပါတယ်။

၅။ ကျန်းမာရေးနဲ့ ညီညွတ်တဲ့ အစားအသောက် အနေအထိုင် ဖြင့်နေပါ။

နေ့စဉ် အသုံးအဆောင် ပစ္စည်းတွေကို အချိန်ရရင် ရသလို ပိုးသတ်ဆေးနဲ့ သန့်ရှင်းရေးလုပ်ပေးပါ။ အိပ်ရေးဝဝ အိပ်ပါ။ အရည်များများသောက်ပါ။ အာဟာရ ပြည့်ဝတဲ့ အစားအသောက်တွေ စားပါ။ ကိုယ်ခံအားတက်စေဖို့ အတွက် ဗီတာမင် ကြွယ်ဝတဲ့ အစာတွေကို စားပါ။

ဒီနေ့တော့ တုပ်ကွေးရောဂါတွေ ဘယ်လိုဖြစ်တယ် မဖြစ်အောင် ဘယ်လိုတွေကာကွယ်လို့ရတယ်ဆိုတာတွေကို ပြောပြပေးသွားတာပဲ ဖြစ်ပါတယ်။ အားလုံးပဲ ကျန်းမာနိုင်ကြပါစေ။

Credit: Dr. မွှေး

30/12/2023

ကျေးဇူးအထူးကုဆေးခန်းတွင် သွားနှင့်ခံတွင်း ကျန်းမာရေးအတွက် ခေတ်မှီ စက်ကရိယာ, ကျွမ်းကျင် ဆရာဝန်များနှင့်ပြသနိုင်ပါသည်။

လိပ်စာ-အမှတ် 1195-c, ဒလ-တွံတေးလမ်းမကြီး, နာရီစင်အနီး, ဒလမြို့

ph- 09882236766,09882236767

22/12/2023

ရင်ကျပ်ထစေတဲ့အရာများ

ပန်းနာရင်ကျပ်အခံရှိတဲ့ ကလေးတွေမှာ ရင်ကျပ်ရောဂါထလာစေတဲ့ အကြောင်းတွေ အများကြီး ရှိပါတယ်။ အမြဲတမ်း လိုလို မိဘတွေပြောလေ့ရှိတာကတော့ "အချိုတွေစားပြီး ရင်ကျပ်ထတယ်" "ကျောင်းမှာ မွေးနေ့ကိတ်စားပြီး ရင်ကျပ်ထတယ်" စတဲ့အချက်တွေပါပဲ။ ဒါတွေက တကယ်မှန်ရဲ့လား။ ဘယ်အချက်အလက်တွေက သိပ္ပံနည်းကျ ရင်ကျပ် တကယ် ထစေသလဲဆိုတာ ရင်ကျပ်ဝေဒနာရှင် မိဘတွေရော၊ ကလေးတွေရော၊ ကုသပေးတဲ့ ကျန်းမာရေးဝန်ထမ်းတွေပါ သိနားလည်ထားဖို့ လိုပါတယ်။ ဒါမှသာ ရင်ကျပ်ထတာကို ကာကွယ်နိုင်မှာပါ။

၁။ ဆေးလိပ်မီးခိုးနှင့် အခြားအခိုးအငွေ့များ

သေချာတဲ့ ရင်ကျပ်ထစေတဲ့ အကြောင်းပါ။ ရင်ကျပ်ဝေဒနာရှင်ရှိတဲ့ အိမ်မှာ၊ ကားထဲမှာ ဘယ်သူမှ ဆေးလိပ် မသောက်သင့်ပါဘူး။
အဲဒီလိုပဲ ထင်းမီးဖို၊ ရေနံဆီမီးဖို၊ မီးသွေးမီးဖိုစတဲ့ မီးဖိုတွေကထွက်တဲ့ အခိုးအငွေ့ တွေကလည်း ရင်ကျပ်ထစေပါတယ်။
ခြင်ဆေးခွေထွန်းရာက ထွက်တဲ့ အငွေ့ဟာလည်း ရင်ကျပ်ထစေနိုင်ပါတယ်။

၂။ အနံ့ပြင်းသော အရာများနှင့် လေထုညစ်ညမ်းမှု

အနံထွက်တဲ့ အမွှေးတိုင်တွေ၊ ပိုးမွှားသန့်စင်ရေးဖျန်းဆေးတွေ၊ လေသန့်ဖို့သုံးတဲ့ ဖျန်းဆေးတွေကလည်း ရင်ကျပ်ကိုထစေနိုင်ပါတယ်။ ဒါကြောင့်ဒါတွေကို သုံးတဲ့အခါ အနံ့မထွက်တဲ့ အမျိုးအစားကို သုံးသင့်ပါတယ်။
"ညှော်နံ့တာကို ရင်ကျပ်မှာပေါ့" ဆိုတာ မှန်ပါတယ်။ ဉပမာ - ငြုပ်သီးကြော်တာ၊ ကြက်သွန်ဆီသတ်တာ စတဲ့ အနံ့ပြင်းတဲ့ ညှော်နံ့တွေက ရင်ကျပ်ထစေနိုင်ပါတယ်။ ဒါကြောင့် အိမ်တွင်းမှာ အနံ့သက်သာအေါင် မီးဖိုခန်း ပြူတင်းပေါက်ဖွင့်ထါး တာ၊ လေစုတ်ပန်ကာသုံးတာတွေက အကျိုးရှိပါတယ်။
အိမ်သုတ်ဆေးနံ့ကလည်း ရင်ကျပ်ထစေပါတယ်။ ဒါကြောင့် ဆေးသုတ်ပြီးခါစ အနံ့မပျောက်သေးတဲ့ နေအိမ် တိုက်ခန်း စတာတွေမှာ နေဖို့ မသင့်တော်ပါဘူး။
လေထုညစ်ညမ်းမှု (ဉပမာ - ကားမီးခိုးငွေ့) စတာတွေကလည်း ရင်ကျပ်ထစေပါတယ်။ ဒါကြောင့် တချို့လမ်းမကြီးနံဘေးမှာ နေရတဲ့လူတွေမှာ ရင်ကျပ်ပိုထကြပါတယ်။ အဲဒီလိုပဲ အညာမှာ လှည်းလမ်းကြီးတလျှောက် ဖုန်လုံးကြီးတွေ တလိမ့်လိမ့်တက်ရင်လည်း ရင်ကျပ်ကို ထစေပါလိမ့်မယ်။

၃။ တုပ်ကွေးနှင့် နှာစေးချောင်းဆိုး

မိုးရာသီ၊ ဆောင်းရာသီမှာ အဖြစ်များတဲ့ နှာစေးချောင်းဆိုး၊ တုပ်ကွေးရောဂါတွေက ရင်ကျပ်ထစေပါတယ်။ ဒါကတော့ ကျောင်းနေအရွယ်ကလေးငယ်တွေမှာ ရင်ကျပ်ထစေတဲ့ အဓိကအကြောင်း ဖြစ်ပါတယ်။ ကျောင်းမှာ တစ်ယောက်ယောက် နှာစေးချောင်းဆိုး၊ ရာသီတုပ်ကွေးစတာတွေ ကူးပြီးရင် ရင်ကျပ်အခံရှိတဲ့ကလေးက ရင်ကျပ်ထလာပါတော့တယ်။ ကျောင်းတက်တဲ့ကလေးကတဆင့် အိမ်က ကလေးအငယ်ကို ကူးရင် လည်း အငယ်မှာရင်ကျပ်ထလါနိုင်ပါတယ်
ဒါကြောင့် ရင်ကျပ်အခံရှိတဲ့လူနာ ( ကလေး လူကြီး ) တွေက နှာစေးချောင်းဆိုးဖြစ်နေတဲ့ သူတွေနဲ့ ခပ်ဝေးဝေး နေသင့်ပါတယ်။ လက် မကြာခဏ ဆေးတာ၊ လက်သန့်ဆေးရည် သုံးတာတွေ ပြုလုပ်ရပါတယ်။
တစ်အိမ်သားလုံး ရာသီတုပ်ကွေး ကာကွယ်ဆေး နှစ်စဉ် မှန်မှန် ထိုးသင့်ပါတယ်။

၄။ ကိုယ်လက်လှုပ်ရှားမှ

ရင်ကျပ်အခံရှိတဲ့ကလေးတွေက ပြေးလွှား ကစားလိုက်ရင် ရင်ကျပ်ထလာတတ်ပါ တယ်။ ချောင်းဆိုးလါတါ |ရွှီရွှီမြည်လာတာ၊ မောလာတာ ဖြစ်တတ်ပါတယ်။ ဒါပေမဲ့ ရင်ကျပ်အခံရှိတဲ့ ကလေးတွေကိုလည်း အခြားကလေးများနည်းတူ ကိုယ်လက်လှုပ်ရှား အားကစား လုပ်နိုင်စေသင့်ပါတယ်။ ပြိုင်ပွဲဝင်နိုင်တဲ့အဆင့်အထိ လုပ်ပေးလို့ ရပါတယ်။
ဒါကတော့ လိုအပ်တဲ့ ကလေးတွေမှာ ရင်ကျပ်ထိန်းဆေး (ရှူဆေး၊ သောက်ဆေး) တွေ ပုံမှန် ပေးထားတာပါပဲ။ နောက်တစ်ခုကတော့ ကိုယ်လက်လှုပ်ရှားမှု မလုပ်ခင် ၁၅ မိနစ် အလိုမှာ ရင်ကျပ်ကုဆေး ရှူဆေး (ဉပမာ - Salbutamol) ရှူဆေး ပေးထားပြီးမှ သွားကစား ခိုင်းလို့ ရပါတယ်။ ဒါဆိုရင် တခြားကလေးတွေနဲ့ အပြိုင် ကစားလို့ ရပါပြီ။
နောက်ပြီး အသုံးဝင်တာကတော့ ဘယ်အားကစားမဆို လုံလောက်တဲ့ သွေးပူ လေ့ကျင့်ခန်း လုပ်ခြင်းနဲ့ တဖြည်းဖြည်း အရှိန်လျှော့ချခြင်း (Cool down) တို့ လုပ်ဖို့ပါပဲ။

၅။ ရာသီဉတု

အေးမြတဲ့ရာသီက ရင်ကျပ်ထစေပါတယ်။ ဒါကြောင့် အအေးဒဏ်ကို ကာကွယ်ဖို့ နွေးနွေးထွေးထွေး ဝတ်ဖို့ လိုပါတယ်။ အအေးထဲ ထွက်ရမယ်ဆိုရင် ပါးစပ်၊ နှာခေါင်း စတဲ့နေရာတွေကို ကာကွယ်ပေးနိုင်တဲ့ မာဖလာ၊ လည်စည်းလိုမျိုး ဝတ်ထားရပါမယ်။
ရာသီဉတု ရုတ်တရက်ပြောင်းဖို့ရှိတာ၊ မုန်တိုင်းကျရောက်နိုင်တာ စတာတွေကို ကြိုတင်သတင်းရရှိထားဖို့ လိုပါတယ်။ ရင်ကျပ်ထစေနိုင်ပါတယ်။

၆။ စိတ်လှုပ်ရှားမှု

အားရပါးရ ရယ်တာ၊ အော်တာ၊ ငိုတာတွေကလည်း ချောင်းဆိုးရင်ကျပ်ကို ထစေနိုင် ပါတယ်။ စိတ်ပူပန်တတ်တာ (ဉပမာ - စာမေးပွဲဖြေရမှာ၊ အင်တာဗျူးသွားရမှာ) စတာတွေ ကလည်း ရင်ကျပ်ထစေတဲ့ အကြောင်းများပါ။ တတ်နိုင်သလောက် စိတ်အေးအေး ထားနိုင်ဖို့ ကြိုးစားပေးရမှာပါ။

၇။ ပိုးဟပ်

မီးဖိုချောင်မှာ ပိုးဟပ်တွေ ရှိတာကလည်း ရင်ကျပ်ထစေပါတယ်။ ဒါကြောင့် မီးဖိုချောင် သန့်ရှင်းရေးကို ဂရုစိုက်ပါ။ စားပြီးပန်းကန်များကို မြန်မြန်ဆေးခြင်း၊ လုံခြုံစွာ ဖုံးအုပ်ထားခြင်း၊ အမှိုက် မကြာခဏ သွန်ပစ်ခြင်းတွေ လုပ်ရမှာပါ။ ပိုးဟပ်တွေ ရှိရင်လည်း ပိုးဟတ်ထေါင်ချောက်သုံးတာ ဖမ်းပြီးရှင်းပြစ်တာ စတာတွေလုပ်ရမှာပါ

၈။ ဖုန်၊ အမှုံ

အမွှေးပွစောင်၊ အမွှေးပွအရုပ်၊ ကော်ဇောစတာတွေထဲမှာ ရှိနေတဲ့ မှက် (Home dust mites) တွေက ရင်ကျပ်ထစေနိုင်ပါတယ်။ ဒါတွေကို မကြာခဏသန့်ရှင်းရေးလုပ်တာ သို့မဟုတ်မသုံးပဲထားတာ လုပ် ရမှာပါ ။
ခန်းဆီးလိုက်ကာတွေကိုလည်း လျှော်လို့ ဖွတ်လို့ လွယ်တာတွေကိုပဲ သုံးသင့်ပါတယ်။ ခေါင်းအုံး၊ စောင်၊ ခွခေါင်းအုံး၊ အိမ်ယာခင်း စတာတွေရဲ့ အဖုံးတွေကိုလည်း အမွှေးပွမဟုတ်တဲ့ ပြောင်တွေပဲ သုံးဖို့ကောင်းပါတယ်။ မကြာခဏ လျှော်ပေးသင့်ပါတယ်။
ရေငွေ့လွှတ်စက် (Humidifier) တွေလည်း မသုံးသင့်ပါဘူး။
ရာသီဉတုနဲ့ ကိုက်ညီတဲ့ လေအေးစက်၊ ပန်ကာ စတာတွေ သုံးလို့ရပါတယ်။ သိပ်မအေးလွန်းအောင်တော့ ဂရုစိုက် ရမှာပါ။

၉။ တိရစ္ဆာန်များ

အိမ်မွေးတိရစ္ဆာန်တွေရဲ့ အနံ့အသက်၊ အမွှေးအမျှင်၊ မစင်၊ သူတို့ကိုယ်မှာကပ်ငြိနေတဲ့ အင်းဆက်ပိုးမွှားတွေကလည်း ရင်ကျပ်ထစေပါတယ်။ ဒါကြောင့် ဖြစ်နိုင်ရင် အိမ်ထဲမှာ မထားသင့်ပါဘူး။ မဖြစ်နိုင်လို့ အိမ်ထဲမှာ ထားတယ်ဆိုရင်လည်း အိပ်ခန်း၊ အိပ်ယာ၊ ဆက်တီထိုင်ခုံ စတာတွေပေါ်မတက်စေ သင့်ပါဘူး။
အိမ်မွေးတိရစ္ဆာန်ရှိတဲ့ အိမ်တွေကို သွားလည်ရင်လည်း ရင်ကျပ်ထတတ်ပါတယ်။ တိရစ္ဆာန်တွေရှိတဲ့နေရာ (တခြားအိမ်၊ တိရစ္ဆာန်ရုံ ) စတာတွေကို သွားတယ်ဆိုရင် ရင်ကျပ်ကုဆေး (ရှူဆေး) တွေ အဆင်သင့် ဆောင်သွားဖို့ လိုပါတယ်။
တိရစ္ဆာန် အမွှေးအမျှင်နဲ့ လုပ်ထားတဲ့ ခေါင်းအုံး၊ ခွခေါင်းအုံး၊ အသုံးအဆောင်တွေ (ဉပမာ - ငှက်မွှေးနဲ့လုပ်တာ) စတာတွေကို ရှောင်ရပါမယ်။

၁၀။ အစားအသောက်

တကယ်တော့ အစားအသောက်တွေက ပန်းနာရင်ကျပ်ကို ထစေတဲ့ အဓိက အကြောင်းအရာတွေ မဟုတ်ပါဘူး။ အစားအစာကြောင့် ပန်းနာရင်ကျပ်ခဲပါတယ်။ ဒါပေမဲ့ ပန်းနာရင်ကျပ်ဟာ Allergy (သွေးမတည့်ခြင်း) တစ်မျိုးဖြစ်တဲ့အတွက် တချို့အစားအသောက် တွေကြောင့်လည်း ရင်ကျပ်ထစေနိုင်ပါတယ်။
မိမိ ဘယ်အစားအစာကို စားရင် ရင်ကျပ်ထတတ်တယ်ဆိုတာ မှတ်ထားဖို့ လိုပါတယ်။ အဲ့ဒါကို ရှောင်ရှားဖို့ လိုပါတယ်။ တတ်နိုင်ရင်လည်း အစားအသောက်၊ အနံ့အသက် ဘာမတည့်သလဲဆိုတာ သွေးစစ်ဆေး စမ်းသပ်လို့ ရပါတယ် ကုန်ကျစရိတ်တော့ များပါတယ်။
မတည့်တတ်တာကတော့ ၂ မျိုးရှိပါတယ်။
(၁) ပရိုတင်း (အသားဓာတ်) များတဲ့ အစားအစာများ၊
(၂) အစားအစာတွင် အသုံးပြုသော ဓာတုပစ္စည်းများတို့ ဖြစ်ပါတယ်။
ပရိုတင်း (အသားဓာတ်) များတဲ့ အစားအစာတွေကတော့ အသါး ဉ၊ နို့၊ ငါး နှင့် ရေထွက်ပစ္စည်း စတာတွေပါ။ အသီးအနှံတွေထဲက မြေပဲ၊ ပဲပိစပ်၊ အစေ့အဆံတချို့ကိုလည်း မတည့်တာ ဖြစ်နိုင်ပါတယ်။ အစားအသောက်ကို တာရှည်ခံအောင်၊ အရောင်ကောင်းအောင် ပြင်ဆင်ထား ခဲ့ရင်လည်း ပါဝင်တဲ့ ဓာတုပစ္စည်းတွေကို မတည့်တာကြောင့် ရင်ကျပ်ထတတ်ပါတယ်။ အဲဒီပြင်ဆင်ထားတဲ့ အထဲမှာ - အချိုရည်တွေ၊ သနပ်တွေ၊ အသားခြောက်၊ အသီးအနှံခြောက်၊ သကြားလုံး၊ ဝိုင်နဲ့ ဘီယာစတာတွေ ပါပါတယ်။ ဒါကြောင့် အစားအသောက် တွေကို တာရှည်ခံအောင်လုပ်တဲ့ ဓာတုပစ္စည်း၊ အရောင်လှအောင်လုပ်တဲ့ ဆိုးဆေးတွေကြောင့်လည်း ရင်ကျပ်ထတာ ဖြစ်နိုင်ပါတယ်။

ဒီလောက်ဆိုရင်တော့ ရင်ကျပ်အခံရှိတဲ့ လူနာ (ကလေး၊ လူကြီး) တွေမှာ ဘယ်အချက် အလက်တွေကို ရင်ကျပ်ထစေသလဲဆိုတာ သိလောက်ပါပြီ။ ရင်ကျပ်ထိန်းဆေး (အဓိကက ရှူဆေး) နဲ့ သောက်ဆေးတွေကို မှန်မှန်သုံးစွဲထားခြင်းဖြင့် ရင်ကျပ်အခံရှိပေမဲ့ သာမာန်လူလို နေနိုင်အောင်၊ ရင်ကျပ်မထအောင် ထိန်းသိမ်းထားနိုင်ပါတယ်။ ရင်ကျပ်ထစေတဲ့ အကြောင်း အရာတွေကိုပါ ရှောင်ရှားနိုင်ရင်တော့ ပိုကောင်းပါတယ်။ ရင်ကျပ်ထခြင်းဘေးမှ ကင်းဝေးကြ ပါစေ။
crd: .Saw Win

16/12/2023

ကျေးဇူးအထူးကုဆေးခန်းတွင် ၂၄နာရီ ဓာတ်မှန် ရိုက်လို့ရနေပါပြီ...
ချက်ချင်းရိုက် ချက်ချင်းအဖြေသိရတဲ့နောက်ဆုံးပေါ် ဒစ်ဂျစ်တယ် X-ray စက်နဲ့ ဝန်ဆောင်မှုပေးနေပါပြီ
#ကျေးဇူးအထူးကုဆေးခန်း
ph-09882236766, 09882236767

11/12/2023

စင်ကာပူမှာ တစ်ပတ်အတွင်း လူအယောက် ၃ သောင်းကျော် ကိုဗစ်ကူးစက်ခံရ၊ တစ်နှစ်အတွင်း ကိုဗစ်ကူးစက်မှုစံချိန်တင်အမြင့်ဆုံးဖြစ်လာ

စင်ကာပူမှာ ကိုဗစ်ကူးစက်ခံရပြီး ဆေးရုံတက်လူနာတွေ များပြားလာတာကြောင့် ဆေးရုံတွေမှာ လူနာပြည့်ကျပ်မှုတွေ ရှိလာပါတယ်။

ဒီအခြေအနေနဲ့ပတ်သက်ပြီးတော့ ကျန်းမာရေးဝန်ကြီးဌာန MOH ကလည်း သတိပေးထုတ်ပြန် ထားပြီဖြစ်ပါတယ်။

ဒီဇင်ဘာလ ၂ ရက် ရက်သတ္တပတ်အကုန်မှာတော့ ကိုဗစ်ကူးစက်ခံရသူ လူနာဟာ ၃၂,၀၃၅ ဦး ထိရှိ လာခဲ့ကာ ဒါဟာ အခုနှစ်အတွင်း စင်ကာပူမှာစံချိန်တင်ကိုဗစ်ကူးစက်ဖြစ်ပွားမှု အမြင့်ဆုံးသို့ ရောက်ရှိခဲ့တာလည်းဖြစ်ပါတယ်။

ပြီးခဲ့တဲ့မတ်လတုန်းက အမြင့်ဆုံးစံချိန်တင်ဖြစ်ပွားခဲ့တဲ့ တစ်ပတ်အတွင်း ကိုဗစ်ကူးစက်ခံရမှုမှာ ၂၈,၄၁၀ ဦးဖြစ်ပါတယ်။ အပတ်စဉ် ကိုဗစ်ကူးစက်မှုဟာ ပြီးခဲ့တဲ့ နှစ်လသုံးလ ဆက်တိုက် လူပေါင်း ၁၅၀၀၀ ကျော်နှုန်း ကူးစက်ခံခဲ့ရတယ်လို့လည်း သိရပါတယ်။

ဒါ့အပြင် ဆေးရုံတင်ထားရပြီး အထူးကြပ်မတ်ကုသဆောင်သို့ ပို့ဆောင်ကုသမှုခံယူနေရတဲ့ ၏လူနာ အရေအတွက်လည်း မြင့်တက်လာခဲ့ပါတယ်။ တစ်ရက်လျှင် ဆေးရုံတက်ရောက်ရတဲ့လူနာက ၂၂၅ ဦး ရှိလာပြီး အရေးပေါ် ကြပ်မတ်ရတဲ့လူနာဟာ နေ့စဉ် ၄ ဦးထိ ရှိလာခဲ့ပါတယ်။

ဒီဇင်ဘာလ ၈ ရက်မှာ စင်ကာပူကျန်းမာရေးဝန်ကြီးဌာနရဲ့ ထုတ်ပြန်ချက်ထဲ ကိုဗစ်ကူးစက်မှုကြောင့် ပျမ်းမျှ နေ့စဉ်ဆေးရုံတက်ရောက်ရတဲ့ လူနာအရေအတွက်ဟာ တိုးလာခဲ့ပြီး ဒီ့အတွက်ကြောင့်လည်း ဆေးရုံတွေမှာ ဆေးဝါးကျွမ်းကျင် ဝန်ထမ်းတွေအလုပ်ပိုခဲ့ပြီး လူနာတွေနဲ့ရှုပ်ယှက်ခတ်နေရတယ်လို့ ပြောကြားခဲ့ပါ တယ်။

Ref:straittimes
#ဘန်ကောက်လမ်းညွှန်ကိုစိုင်း

29/11/2023

အဆုတ်လေပြွန်မြွှာရောင်နာ
————————————-

ခု ရက်ပိုင်း
ကလေးတွေ ဖျားကြပါတယ်။
ဖျားတဲ့ ကလေး အတော်များများ က
Bronchitis ဆိုတဲ့ လေပြွန်ရောင်တာ ပါ
ဖြစ်နေကြပါတယ်။

ရောဂါ ပုံစံ ကတော့
ကိုယ် ပူ ပါမယ်။
အပူချိန် ၁၀၃ ဒီဂရီ ဖာရင်ဟိုက် ကျော်ထိ
တက်နိုင်ပါတယ်။
ကိုယ် စ ပူပြီး သုံးရက် ဝန်းကျင် လောက်ထိ ပါပဲ။
နောက်ပိုင်း ရက်တွေ မှာတော့
ကိုယ်ပူတာ ဖြစ်လိုက် ကောင်းလိုက် ဆက်ရှိနေပေမယ့်
အပူကြီးတာ မျိုး မရှိတော့ဘဲ
အပူချိန် ၁၀၀ ကနေ ၁၀၁ ဒီဂရီ ဖာရင်ဟိုက် လောက် ထိ တော့ တက်ပါမယ်။
ကိုယ်ပူတာ
၅ ရက် ကနေ ၇ ရက်၊ ၈ ရက် လောက်ထိ ကြာနိုင်ပါတယ်။

ချောင်းဆိုး ပါမယ်။
ချောင်းဆိုး တဲ့ အချိန် ဆက်တိုက် ဆိုးတာမျိုး ဖြစ်ပါမယ်။
မျက်လုံး ပြူး၊ လျှာထွက် တဲ့ ထိ ချောင်းဆိုး ပါမယ်။
လည်ချောင်းယားသလို၊
အာခေါင်ခြစ်ခြစ် ဆိုးတာမျိုး ဖြစ်ပါမယ်။
(တကယ်တော့ မယားပါဘူး။)
ချောင်းဆိုးရင်း စားထားတာတွေ ပါ အန်ထွက် နိုင်ပါတယ်။

နုံးခွေပါမယ်။
ငြိမ်သွားပါမယ်။
ဂျီကျပါမယ်။
စိတ်တိုတာ၊ စိတ်ဆိုးတာ၊ စိတ်အလိုမကျတာတွေ ဖြစ်ပါမယ်။
အစား သေချာ မစားတော့ပါဘူး။

အခြား လက္ခဏာတွေ
အနည်း အများ ရှိနိုင်သေးပေမယ့်
အဓိက လက္ခဏာ ကတော့
အဲ့သည့် လက္ခဏာတွေ ပါ။

ရောဂါ အကြောင်း
အခြေခံ သိထားရင် ကောင်းပါတယ်။

Bronchitis ဆိုတာ လေပြွန်ရောင် တာပါ။
အတိအကျ ပြောရရင်
လေပြွန် ရဲ့ အတွင်း နံရံတွေ ရောင်ပြီး ဖောင်းကြွ လာတာပါ။
အဲ့သည်တော့ လေပြွန် ထဲ ကို
လေ အဝင်အထွက် လုပ်ရမယ့် လမ်းကြောင်း
ကျဉ်း လာတာပေါ့။
(ပုံ ကို ကြည့်ရင် သိမှာပါ။)
အဲ့လို ကျဉ်းနေတဲ့ လေပြွန် လမ်းကြောင်း ထဲ
လေဝင် အောင် ပို အားစိုက် ပြီး ရှူသွင်း လို့ ရပေမယ့်
အဆုတ် ထဲ က လေဟောင်း တွေ ပြန်ထုတ် ဖို့ ကတော့
ကိုယ်ခန္ဓာ ရဲ့ ဇီဝကမ္မ ဖြစ်စဉ် အရ
ချောင်းဆိုးပြီး ထုတ် ရပါတယ်။

အသက်ရှူ လမ်းကြောင်း စနစ် တစ်ခုလုံး က
သူ့ အထဲ မှာ လက်ခံ လို့ မရတဲ့ အရာ မှန်သမျှ ကို
ချောင်းဆိုးခြင်း အားဖြင့် ပြန်ထုတ်ပါတယ်။
ဒါကြောင့် တစ်ခုခု စားရင်း သောက်ရင်း သီးသွားရင်
အသက်ရှူ လမ်းကြောင်းထဲ ရောက် သွားလို့
ချောင်းဆိုး ရင် ပြန်ထွက်လာတာမျိုး ကြုံဖူး ကြမှာပါ။

အဆုတ် ထဲ မှာ ရှိနေတဲ့
ကာဗွန်ဒိုင်အောက်ဆိုဒ် ပါ လေဟောင်းတွေ
အပြင် ကို ထွက်သွား ပြီးမှ
အောက်ဆီဂျင် ပါ လေသစ်တွေ
အဆုတ်ထဲ ပြန် ဝင် လာလို့ ရမှာပါ။
(ရေ ပြည့်နေတဲ့ ခွက် ထဲ ရေ ထပ်ထည့်လို့ မရသလို)
အဆုတ် ထဲ က
လေဟောင်းတွေ မထွက်ဘဲ ခံ နေသရွေ့
အဆုတ် ထဲ ကို
လေသစ် မဝင် နိုင်လို့
တဖြည်းဖြည်း အောက်ဆီဂျင် ရရှိမှု နည်းလာမှာပါ။

ပြောချင်တာ က
လေပြွန် ကျဉ်းနေတဲ့ အချိန်၊ ပိတ်နေတဲ့ အချိန် မျိုး မှာ
ချောင်းဆိုးတယ် ဆိုတဲ့ ဖြစ်စဉ် က
လိုအပ် လို့
ခန္ဓာကိုယ် က တုံ့ပြန်ပြုလုပ်တဲ့
ဇီဝကမ္မ ဖြစ်စဉ် ပါ။
အဲ့သည်လို အချိန်အခါ အခြေအနေမျိုး မှာ
ချောင်းဆိုးရပ်အောင် ချောင်းမဆိုးနိုင်အောင်
လုပ်လိုက်ရင်
လေဟောင်း ပြန်မထွက်၊ လေသစ် ထပ်မဝင်ဘဲ
အသက်ရှူ ရ ခက်တဲ့ ပြဿနာမျိုး၊
အောက်ဆီဂျင် ကျ သွားတဲ့ ပြဿနာမျိုး ဖြစ်နိုင်ပါတယ်။

အဓိက က
လေပြွန် ပြန်ကျယ်စေ၊ ပွင့်စေတဲ့ ဆေး နဲ့
လေပြွန် ရောင်တာ လျော့စေတဲ့ ဆေး၊
ကျဉ်းနေ တဲ့ လေပြွန်ထဲ မှာ ချွဲတွေ ပစ်ခဲ သွားလို့
ချွဲ ပျော်စေတဲ့ ဆေး၊
အဲ့ဒါတွေ သောက်တန်တာသောက် ရှူတန်တာရှူ
လုပ်ဖို့ လိုအပ်ပါတယ်။
သောက်ပြီး ရှူပြီး ရင်
လေပြွန် ခဏ ပြန်ကျယ် သွားတဲ့ အတွက်
ပျော်ကျ လာတဲ့ ချွဲတွေ ကို အန် ထုတ် တတ်ပါတယ်။
အဲ့ဒါမျိုး အန်ထွက်တာ ဟာ ကောင်းတဲ့ လက္ခဏာ ပါ။
စိုးရိမ် စရာ မဟုတ်ပါဘူး။
သတိထား ကြည့် ကြည့်ပါ။
အဲ့သည်လို ချွဲတွေ အန်ထွက်ပြီးတဲ့ အချိန်
ချောင်းဆိုးတာ သိသိသာသာ လျော့သွားပါလိမ့်မယ်။
လေပြွန် ကျဉ်းပြီး ပိတ်နေတဲ့ ချွဲတွေ ထွက်သွားလို့ပါ။

အဲ့လို မှ မဟုတ်ဘဲ
ချောင်းဆိုးနေရင် ကို
စိတ်မချမ်းသာဘဲ စိုးရိမ် စိတ်ပူပြီး
ချောင်းမဆိုးအောင် ထိန်းချုပ်တဲ့
ချောင်းဆိုးရပ်အောင် လုပ်တဲ့ ဆေးမျိုး တိုက်မိရင်တော့
အသက်ရှူရ ခက်တာ၊ အောက်ဆီဂျင် ကျတာ ဖြစ်နိုင်ပြီး
အသက် အန္တရာယ် ပါ ရှိနိုင်ပါတယ်။

ခု ကြားနေ သိနေကြတဲ့
ဆေးရုံရောက်သွားပြီး အသက်ဆုံးရှုံးတဲ့ထိ ဖြစ်ရတာ
ရောဂါ ရဲ့ ပြင်းထန်မှု ကြောင့် ဆိုတာထက်
အဲ့သည့် နောက်ဆက်တွဲ ပြဿနာကြောင့် ဖြစ်နိုင်ပါတယ်။

ဒါကြောင့်
မှန်ကန် သင့်လျော်တဲ့
ကုသမှု နဲ့ စီမံမှု ရရင်
Bronchitis ဆိုတဲ့ လေပြွန်ရောင်တာ
အုတ်အော်သောင်းနင်း
စိုးရိမ်စရာ တစ်ခုတော့ မဟုတ်ပါဘူး။

တစ်ယောက်ဆီကနေ တစ်ယောက်
အလွယ်တကူ အလျင်အမြန် ကူးစက်နိုင်တာ ဖြစ်လို့
လူအများ ကြား နေထိုင် သွားလာရတဲ့ ကိစ္စတွေ
တစ်ပတ် နှစ်ပတ် လောက် ရှောင်နိုင် ရင်တော့ ကောင်းပါမယ်။

အရေးတကြီး သတိပေးချင်တာ
ချောင်းဆိုးနေလို့ ဆိုပြီး
ကြုံရာ ရရာ ချောင်းဆိုးပျောက်ဆေး တွေ
အလွယ်တကူ မတိုက်မိဖို့ပါ။
အထူးသဖြင့်
ခုလို လေပြွန်ရောင် လေပြွန်ပိတ် တဲ့
အခြေအနေမျိုး မှာ
ဆေးပုလင်းပေါ် မှာ၊ ဆေးကဒ်ပေါ် မှာ
"Dextromethorphan" ဆိုတာ ပါရင်
(လုံးဝ) မတိုက်သင့် မသောက်သင့် ပါဘူး။ ။

(Bronchitis လေပြွန်ရောင်တာ ရဲ့ နောက်ဆက်တွဲ အဖြစ်
အဆုတ်ရောင်တာ အဆုတ်ခဲတာ ဖြစ်လာ နိုင်ပေမယ့်
Bronchiolitis ဆိုတဲ့ လေပြွန်မွှာလေးတွေ ရောင်တာ နဲ့တော့
မတူ ပါဘူး။
Bronchiolitis ဆိုတဲ့ လေပြွန်မွှာလေးတွေ ရောင်တာ က
အသက် နှစ်နှစ် အောက် ကလေးတွေ မှာပဲ ဖြစ်လေ့ ရှိပြီး
အသက် တစ်နှစ် အောက် မှာပဲ အဖြစ်များပါတယ်။
အသက် ၆ လ အောက်မှာတော့
အသက် အန္တရာယ် ရှိတဲ့ အထိ ပြင်းထန်တတ်ပါတယ်။
သိ နားလည်မှု ရောထွေးနေမှာ စိုးလို့ပါ။)

ထုံးစံ အတိုင်း
ထပ် သတိပေးချင်တာကတော့
ဘာကြောင့် ဖျားဖျား
သွေးလွန်တုပ်ကွေးရောဂါ ဖြစ်နေနိုင်မလား ဆိုတာကိုတော့
မေ့ မထားကြဖို့ပါ။ ။

မေတ္တာဖြင့်
ဒေါက်တာ ခန့်ဝင်း
CRD

27/11/2023

branded ကိုင်းလေးတွေဆိုပေမယ့် စျေးမကြီးဘူး နော်.....

23/11/2023

ကျေးဇူးအထူးကုဆေးခန်းရဲ့မျက်မှန်စမ်းသပ်ခန်းလေးပါ....
ph-09882236766,09882236767
လိပ်စာ- 1195(C), ဒလ-တွံတေးလမ်းမကြီး, နာရီစင်အနီး,
ဒလမြို့

21/11/2023

မျက်မှန်ကိုင်းလှလှ လေးတွေရောက်တယ်နော်....
မျက်မှန် လိုရင် စျေးနှုန်းသက်သာ ဝန်ဆောင်မှုကောင်းတဲ့ ကျေးဇူး မျက်မှန် ရှိပါတယ်.....
ph-09882236766, 09882236767

ThankYou Specialist Clinic

06/02/2024

12/01/2024

05/01/2024

03/01/2024

30/12/2023

22/12/2023

16/12/2023

11/12/2023

29/11/2023

27/11/2023

23/11/2023

21/11/2023

Address

Telephone

Website

Alerts

Contact The Practice

Shortcuts

Share

Category