https://www.facebook.com/110579818570120/

Medtalks with Dr K& Dr T, Yangon (2026)

19/08/2025

မင်္ဂလာပါ
ယနေ့ ဆရာမ တို့လူအများကြားတွင် အလွန်အရေးကြီးပြီး စိုးရိမ်ဖွယ်ရတဲ့ ကျန်းမာရေး ပြဿနာတခုအကြောင်းကို တင်ပြဆွေးနွေးပါမည်။
ကောင်မလေးတစ်ယောက်ရဲ့ အလွန်အမင်းပိန်နေတဲ့ ခန္ဓာကိုယ် ( Anorexia Nervosa ဖြစ်ဖို့များပါတယ် ) ကို ဝေဖန်ပြီးဟာသ တခုလို share ပြီး ပြောနေတာတွေ တွေ့ရလို့
ဤအကြောင်းအရာများသည် လုံးဝ (လုံးဝ) ဟာသ မဟုတ်ပါ။ ကိုယ့်ခန္ဓာကိုယ်၏ အသွင်အပြင်နှင့် အစာစားသုံးမှု အလေ့အထများအပေါ် အလွန်အမင်း စိုးရိမ်ပူပန်မှုများနှင့် မကျေနပ်မှုများသည် စိတ်ပိုင်းဆိုင်ရာနှင့် ကိုယ်ခန္ဓာပိုင်းဆိုင်ရာ ကျန်းမာရေးကို ဆိုးရွားစွာ ထိခိုက်စေနိုင်သည့် ပြင်းထန်သော ရောဂါများ ဖြစ်ကြပါသည်။
အထူးသတိပြုရန်: ဤအခြေအနေများစွာသည် လူတစ်ဦး၏ အတွင်းစိတ်မှ ခံစားရသော ဖိစီးမှုများ၊ စိတ်ဒဏ်ရာများကိုမဖော်ထုတ်နိုင်ဘဲတခြားနည်းဖြင့်မိမိကိုယ်ကိုကာကွယ်ခြင်း(defense mechanisms) နှင့် မဖြေရှင်းရသေးသော စိတ်ဒဏ်ရာများ (unresolved trauma) ၏ ပြင်ပသို့ ထုတ်ဖော်ပြသမှု (projection) တစ်မျိုးလည်း ဖြစ်နိုင်ပါသည်။

1. အစာစားသုံးမှုပုံမှန်မဟုတ်သောရောဂါများ (Eating Disorders)
အစာစားသုံးမှုပုံမှန်မဟုတ်သောရောဂါများသည် အစာစားခြင်း၊ ကိုယ်အလေးချိန်ထိန်းချုပ်ခြင်းနှင့် ကိုယ်ခန္ဓာအပေါ်ထားရှိသော ကိုယ်ပိုင်အမြင်တို့နှင့် ပတ်သက်၍ ပုံမှန်မဟုတ်သော အလေ့အကျင့်များနှင့် စိတ်ပိုင်းဆိုင်ရာ အခြေအနေများ ဖြစ်သည်။ ၎င်းတို့သည် အလွန်ရှုပ်ထွေးပြီး နက်ရှိုင်းသော စိတ်ပိုင်းဆိုင်ရာ အကြောင်းတရားများမှ ဖြစ်ပေါ်လာလေ့ ရှိသည်။
* Anorexia Nervosa - အစာကိုအလွန်အမင်း ရှောင်သောရောဂါ
* အဓိကလက္ခဏာများ:
* ကိုယ်အလေးချိန် အလွန်အမင်း တက်လာမှာကို ပြင်းပြင်းထန်ထန် ကြောက်ရွံ့နေခြင်း။
* ကိုယ့်ကိုယ်ကို အလွန်အမင်း ဝနေသည်ဟုခံစားရခြင်း
* ကိုယ်အလေးချိန် မတက်အောင် အစားအသောက်ကို လုံးဝနီးပါး ကန့်သတ်ခြင်း၊ အလွန်အမင်း ကိုယ်လက်လေ့ကျင့်ခန်း ပြုလုပ်ခြင်း။
* အစားအသောက်နှင့် ပတ်သက်၍ အလွန်အမင်း အာရုံစိုက်နေခြင်း (ဥပမာ - ကယ်လိုရီရေတွက်ခြင်း)။
* Defense mechanisms အဖြစ်: မိမိဘဝတွင် ထိန်းချုပ်နိုင်သော အရာတစ်ခု (control) အဖြစ် ခံစားရစေပြီး၊ မိမိစိတ်ထဲရှိ အခြားသော ထိန်းချုပ်မရနိုင်သော အရာများ (သို့မဟုတ် မဖြေရှင်းရသေးသော စိတ်ဒဏ်ရာများ) ကို ကျော်လွှားရန် အားထုတ်ခြင်း။
* Bulimia Nervosa - အစာကိုအလွန်အမင်း စားသောက်ပြီး အန်ထုတ်ခြင်းရောဂါ
* အဓိကလက္ခဏာများ:
* တိုတောင်းသောအချိန်အတွင်း အစားအသောက်များစွာကို အလွန်အမင်းစားသုံးခြင်း (Binge Eating)။
* စားပြီးနောက် ကိုယ်အလေးချိန် မတက်စေရန် အန်ထုတ်ခြင်း၊ ဝမ်းနုတ်ဆေးများ၊ အလွန်အမင်း သုံးစွဲခြင်း၊ သို့မဟုတ် အလွန်အမင်း ကိုယ်လက်လေ့ကျင့်ခန်း ပြုလုပ်ခြင်း (Purging behaviors)။
* အစာစားသုံးမှုနှင့် ကိုယ်အလေးချိန်ထိန်းချုပ်မှုအပေါ် မထိန်းချုပ်နိုင်မှုနှင့် စိုးရိမ်စိတ်များ။
* အလွန်အမင်း စားသုံးခြင်းနှင့် အန်ထုတ်ခြင်းတို့ကို မည်သူ့ကိုမှမပြောပြဘဲလျှို့ဝှက်ထားလိုခြင်း။
* Defense mechanism အဖြစ်: အလွန်အမင်း စားသုံးခြင်းသည် ခေတ္တ ခဏ စိတ်ခံစားမှုများကို မေ့ပျောက်စေရန် သို့မဟုတ် စိတ်ဒဏ်ရာကြောင့် ဖြစ်ပေါ်လာသော နာကျင်မှုကို ခေတ္တ ထုံထိုင်းသွားစေရန် ကြိုးစားခြင်း။ ထို့နောက် အန်ထုတ်ခြင်းသည် "သန့်စင်ခြင်း" ကဲ့သို့ ခံစားချက်ပေးပြီး မိမိ၏ အတွင်းစိတ် ပြဿနာများကို ဖယ်ရှားပစ်နေသည်ဟု ထင်မြင်စေသည်။
*
3. ဤရောဂါများ၏ အကျိုးဆက်များ (Consequences)
* ကိုယ်ခန္ဓာပိုင်းဆိုင်ရာ: အာဟာရချို့တဲ့ခြင်း၊ နှလုံးခုန်မမှန်ခြင်း၊ သွားနှင့်ခံတွင်း ကျန်းမာရေး ပျက်စီးခြင်း၊ ကျောက်ကပ် ပျက်စီးခြင်း၊ အရိုးပွခြင်း၊ (electrolyte imbalances) နှင့် အသက်အန္တရာယ်ပင် ဖြစ်စေနိုင်ပါသည်။
* စိတ်ပိုင်းဆိုင်ရာ: ပြင်းထန်သော စိတ်ဓာတ်ကျခြင်း၊ စိုးရိမ်ပူပန်ခြင်း၊ အလွန်အမင်း စိတ်ခံစားမှုများ၊ အထီးကျန်ဆန်ခြင်း၊ လူမှုရေး ဆက်ဆံရေး ပျက်ကွက်ခြင်း၊ ကိုယ့်ကိုယ်ကို အဆုံးစီရင်လိုစိတ်များပင် ဖြစ်ပေါ်လာနိုင်ပါသည်။

4. ကူညီစောင့်ရှောက်မှုနှင့် ကုသမှု (Help & Recovery)
* အသိအမှတ်ပြုခြင်း: ကိုယ်သည် အစာစားသုံးမှု သို့မဟုတ် ကိုယ်ခန္ဓာအပေါ် ပြဿနာများရှိနေသည်ကို ကိုယ်တိုင် အသိအမှတ်ပြုခြင်းသည် ပထမဆုံးနှင့် အရေးကြီးဆုံး အဆင့် ဖြစ်ပါသည်။ ဤအပြုအမူများသည် ရောဂါလက္ခဏာများ ဖြစ်နိုင်ကြောင်း နားလည်ခြင်းသည် အလွန်အရေးကြီးပါသည်။
* ကျွမ်းကျင်သူ၏ အကူအညီ: ထိုသို့ခံစားရပါက ဆရာဝန်၊ စိတ်ရောဂါကုဆရာဝန်၊ အာဟာရပညာရှင် (dietitian) တို့နှင့် အမြန်ဆုံး တိုင်ပင်ဆွေးနွေး အကူအညီ ယူသင့်ပါသည်။
* ကုသမှုနည်းလမ်းများ: စိတ်ကုထုံး (therapy - CBT, DBT), အာဟာရ ပြန်လည်ထူထောင်ရေး (nutritional rehabilitation), ပိုမိုကောင်းမွန်သော ကိုယ်ခန္ဓာအပေါ် အမြင်များ ပုံဖော်ခြင်း (body image therapy) နှင့် လိုအပ်ပါက ဆေးဝါးကုသမှုများ ပါဝင်သည်။ စိတ်ဒဏ်ရာ-အခြေခံ ကုသမှုများ (trauma-informed therapies) သည် အလွန်အရေးပါပါသည်။
* မိသားစုနှင့် သူငယ်ချင်းများ၏ ပံ့ပိုးမှု: ချစ်ခင်ရသူများ၏ နားလည်မှုနှင့် ပံ့ပိုးမှုသည် ကုစားရေး လုပ်ငန်းစဉ်တွင် အလွန်အရေးကြီးပါသည်။

အရေးကြီးသော သတိပေးချက်: ဤ post သည် အသိပညာပေးရုံသာ ဖြစ်ပြီး၊ ကိုယ်တိုင် ရောဂါရှာဖွေရန် (self-diagnosis) သို့မဟုတ် ကုသရန်အတွက် မဟုတ်ပါ။ အထက်ဖော်ပြပါ လက္ခဏာများ သို့မဟုတ် အခြား ကျန်းမာရေး စိုးရိမ်မှုများ ရှိသည်ဟု သံသယရှိပါက၊ နားလည်တတ်ကျွမ်းသော ကျန်းမာရေး ပညာရှင်များနှင့် တိုင်ပင်ဆွေးနွေးပါ။

06/06/2024

New Research Study for Clinicians and Clinical Students on AI and mpox (monkeypox).

Help us learn about using Artificial Intelligence (AI) for infectious diseases

This study explores how Artificial Intelligence assists clinicians identify mpox images.

You are eligible for this study if you trained or are training as a medical doctor (intern, resident, attending, fellow), nurse practitioner, physician assistant, or nurse.

You will be asked to label 20 images of skin lesions and determine if they are mpox or not.

It should take 5 minutes.

Half of you will have an AI tool to guide you and half will not. Half will receive training material on identifying mpox before and half after the quiz.

There is no cost to participate. If you agree to participate, you will not receive compensation for the online quiz.

Please note, the survey should be completed in one sitting and taken only once. We appreciate the time needed to help us collect quality data. Click on the following link to begin:

https://nyumc.qualtrics.com/jfe/form/SV_8eTDWbyEUjQrlwW

You are receiving this survey because you were identified as a student or trained clinician who might be interested. You do not need to have any experience working with mpox.

If you would like to remove your name from our contact list for future research studies, please contact us at info listed in the flyer.

If you would like to hear more about this study contact please contact the email in the flyer. https://upwork.com/att/download/milestones/36141363/attachments/2b52b02d-29cc-4a0d-a979-5abeaaf036c7

17/10/2023

မင်္ဂလာပါ

ဒီနေ့ ဆရာမ တို့ DrK&DrT page မှ ပြောပြချင်တဲ့

အကြောင်းလေးကတော့ ယခုခေတ်လူငယ်တွေကြားမှာ

ခေတ် စားနေတဲ့ 💊 K 💊 Super K 💊 party drugs 💊

စသဖြင့် ခေါ် ကြတဲ့ ketamine အကြောင်းဘဲဖြစ်ပါတယ်

What is ketamine? (Ketamine ဆိုတာဘာလဲ)

Forms available ( ရရှိနိုင်တဲ့ပုံစံ)

Mechanism of action ( ခန္ဓာကိုယ်ထဲမှာသူတို့ဘယ်လိုအလုပ်လုပ်လဲ )

Side effects ( ဘေးထွက်ဆိုးကျိုး)တွေဘယ်လို ရှိလဲ

Withdrawal symptoms ( ဆေးဖြတ်ပြီးနောက်ပိုင်းခံစား ရမဲ့ လက္ခဏာများ ) တို့ကိုပြော ပြသွားမှာပါ

💊💊 ပထမဦးဆုံး ketamine ဆို တာ ဆေးပညာ လောက မှာ ခွဲစိတ်ကုသတဲ့နေရာမှာ တွေမှာ dissociative anesthetic (မေ့ဆေး) အနေနဲ့သုံကြပါတယ် ၊ အလွန်အမင်းနာကျင်ခြင်း ( severe pain) management တွေမှာလဲသုံးကြပါတယ်

💊💊 ရရှိနိုင်တဲ့ပုံစံတွေကတော့ liquid ( အရည် ) များသောအားဖြင့် ဆေးပညာလောက မှာ မေ့ဆေးအတွက် ဒီပုံစံကိုအသုံးများပါတယ်

💊💊 powder type( ဒါကတော့ ပြင်ပ လောက bars တွေ night clubs တွေ ktv တွေ မှာ အသုံးများတဲ့ အဖြူရောင် အမှုန့်လေးတွေပါ )

💊💊 crystals အခဲ တွေလဲ လာနိုင်ပေမဲ့ crystals တွေကို ချေ ပြီး အမှုန့် အဖြစ် အသုံးများပါတယ်

ယနေ့ခေတ် မှာတော့ အမှုန့်လေးတွေကို ရှူရှိုက်ပြီး သုံးကြတာ ပိုများပါတယ် ၊ အရက် တို့ ဖျော်ရည်ထဲတို့ ထည့်ပြီး သောက်သုံးတာတွေရှိပေမဲ့ ၊ ဆေးအာနိသင်ပြတာ က ရှုရှိုက်တဲ့ နည်းလမ်းက ပိုမြန်တာ ကြောင့် ရှု တဲ့ နည်း ကို ပို အသုံးများကြပါတယ်

⛔️⛔️⛔️ သတိထားသင့်တာက ketamine က အနံ့အရသာ မရှိတာကြောင့် အရက်ဖျော်ရည်ထဲ ထည့်တိုက်ပြီး မကောင်းတဲ့ကိစ္စတွေ ပြုလုပ်ခံနိုင်ရတာကြောင့် အထူး သတိထား သင့်ပါတယ်

သူ့ရဲ့ mechanism of action ခန္ဓာကိုယ်ထဲမှာ ဘယ်လို လုပ်လဲဆို ဦးနှောက်ရဲ့ မှတ်ဥာဏ် ပိုင်း နဲ့ဆိုင်တဲ့ glutamate system မှာ သွားပြီး အကျိုးသက်ရောက်မှုရှိတာကြောင့် အသုံးပြုနေတဲ့အချိန် မိမိပြုလုပ်ခဲ့တဲ့ အဖြစ်အပျက်တွေကို မမှတ်မိတာမျိုး တွေ ဘာဖြစ်သွားမှန်းမသိဘူး တွေ ဖြစ်တတ်ပါတယ်
နောက်တခု NMDA receptors ကိုသွားပိတ်တဲ့အပိုင်းတွေ ကြောင့် ကိုယ့်ဟာကို မသိတော့တာ အချိန် ၊ နေရာ ၊ လောကကြီးကိုမေ့သွားတယ် ဆို တဲ့ ( perception မိမိအသိ အမြင်တွေကို ဝေဝါးစေနိုင်ပါတယ် )

Ketamine သုံးနေစဉ် အများစုက အရာရာကျေနပ်စရာကောင်းပြီး ခန္ဓာကိုယ်က လေပေါ်ရောက်နေ သလို လို ၊ ပျော်နေ တာမျိုး တွေ ခံစား ရတတ်ကြတယ်။

အဲ့လို ဦးနှောက်မှာ အလုပ်သွားလုပ်ကြတဲ့ဆေး အများစုက ရုပ်ပိုင်းဆိုင်ရာ ရော စိတ်ပိုင်းဆိုင်ရာရော စွဲ လမ်း စေတတ်တာမို့ control drug အနေ နဲ့ထား ကြပါတယ် ။

☢️side effects တွေကတော့

သုံးနေ တဲ့အချိန် အတွင်းမှာ short terms အနေ နဲ့
>> သုံးနေတဲ့သူက ကိုယ်က ကိုယ့်ခန္ဓာကိုယ် ထဲမှာ မရှိတော့သလို ၊ ပတ်ဝန်းကျင်ကိုလဲ မသိတော့တဲ့ အခြေအနေ မျိုး ခံစားရမယ် ၊ အရမ်းလဲ ပျော်ရွှင်ပြီး ကျေနပ်နေ မယ် ၊ coordination တွေမကောင်းတော့တာ ကြောင့် လမ်းတောင်လျှောက်ဖို့ အနိုင်နိုင်ဖြစ်ပါမယ် အဲ့အချိန်မှာ ကား မောင်းမိတာ တို့ ဆို အန္တရာယ်အလွန်များပါတယ်
တခါတလေ တကယ်မရှိတဲ့အရာတွေကို မြင်ရ ကြားရတာတွေ ( hallucination) တွေလဲရတတ်ပါတယ်
နှလုံးခုန်နှုန်း အရမ်း မြန်လာတာတွေ ၊ သွေးတိုးလာတာတွေ ၊ အသက်ရှုရ ခက်ခဲလာတာတွေဖြစ်တတ်ပါတယ်
အော့အန်ခြင်း များလဲ ဖြစ်တတ်ပါတယ်

ရေရှည် စွဲသုံးမယ်ဆိုပါက

>> ဆေး မတိုးတော့တာ ပါ အရင်က ဒီလောက်သုံးရင် ဒီ effect ရပေမဲ့ နောက် အခေါက်တွေ မတိုးတော့ပါဘူး ပို တိုးပြီး သုံးရမယ် အဲ့မှာ နောက်အခေါက်တွေဆို လဲ အဲ့လို ဘဲ ပို လို လာမယ် အဲ့မှာ သံသရာလည် နေ တတ်ပါတယ်

>> နောက်ပိုင်း မှတ်ဥာဏ်တွေလဲ ချို့ယွင်းတာမျိုးဖြစ်လာနိုင်ပါတယ်

>> စိတ်ကျရောဂါ ဖြစ်လာတာ , anxiety စိတ်ပူပန်တာတွေဖြစ်တာ ,ဆေးဖြတ်လိုက်ရင်တောင် ဒီနောက်ဆက်တွဲတွေဖြစ် တတ်၊ ဆေးဖြတ်ပြီးနောက်ဆေးကို အရမ်းသုံးချင်တာ မျိုး ၊ မိသားစု ၊ သူငယ်ချင်း၊ မိမိ လက်တွဲဖော် တို့နဲ့လဲ အဆင်မပြေဖြစ်လာတာမျိုး လူမှုရေး ပြသနာတွေလဲ ဖြစ်တတ်ပါတယ်

>>>ဒါ့အပြင် မိမိလုပ်ငန်းခွင် မှာအာရုံမစိုက်နိုင်တော့တာ စသဖြင့် လုပ်ငန်းခွငါပြသနာ များစွာ လဲရင်ဆိုင်ရတတ်ပါတယ်

>>>နောက်ပိုင်း ဆီး လမ်းကြောင်း ပြသနာ ^^^ ketamine bladder syndrome ^^ လ်ို့ခေါ်တဲ့ ဆီးသွားရင်သွေးပါတာ ၊ ဆီး ခဏခဏ သွားချင်တာ၊ ဆီးမထိိန်းနိုင်တာမျိုးဖြစ်တတ်ပါတယ်။

>> အစာအိမ်ရောင်ရမ်းခြင်း၊ဗိုက်အောင့်ခြင်း၊ အစာအိမ်နှင့်အူ လမ်းကြောင်းဆိုင်ရာပြသနာ များလဲဖြစ်တတ်ပါတယ် ။

>> သွေးပေါင်တက်ခြင်း၊ နှလုံးခုန် နှုန်း မမှန်ခြင်း ၊ နှလုံးရောဂါများလဲဖြစ်တတ်ပါတယ်။

>> ketamine dose အလွန်များလျှင် ( အခြား အရက်ကဲ့သို့ ဦးနှောက်ကို depress ) ဖြစ်စေသောဆေး များနှင့်တွဲသုံးမိပါက အသက်ရှု ရပ်တာမျိုး ဖြစ်ပြီး အသက်အန္တရာယ် စိုးရိမ် ရတတ်ပါတယ်။

မိမိ ကိုယ်တိုင် ဒါမှ မဟုတ်မိမိ ပတ်ဝန်းကျင်က မိမိအသိများ အပေါ်က လက္ခဏာတွေ ခံစားနေရလျှင် ၊ ဆေးစွဲနေ ပြီ ဟုထင်လျှင် သက်ဆိုင်ရာ ဆေးရုံဆေးခန်းသို့သွားပြီး ဆွေးနွေးတိုင်ပင်ဖို့ မတွံ့ဆုတ်ကြရန်နှင့်မကြောက်ဖို့ တိုက်တွန်း လိုက်ပါတယ်

ယနေ့ခေတ် က feeling သိအောင် အပျော်သုံးကြည့်ရင်း စွဲ သွားတတ်တာမို့ ၊ သတိ ပြုကြရန် နှင့် ဆေး တွေက အလွယ်တကူ ရ လာနိုင်ပြီး အန္တရာယ်များတာမို့ အလွန်အကျွံ့ အသုံးမပြုကြရန် အရက် တခြား ecstasy (E ) များနှင့်တွဲမသုံးကြရန်
အပေါ်မှာပြောထားတဲ့ လက္ခဏာတွေ ဖြစ်လာရင် နီးစပ်ရာ ဆေးရုံဆေးခန်း အမြန်ဆုံး ပြ ရန်
Ketamine က အနံ့ အရသာ မရှိတာကြောင့် ဖျော်ရည်များတွင်ထည့် လိုက်နိုင် တာမို့ မိန်းကလေးများအထူးသတိ ထား ကြဖို့ လိုအပ်ပါသည်။

12/10/2023

မင်္ဂလာပါရှင့်
ဒီနေ့ medtalks with DrK&Dr T မှ မျှဝေပေးမဲ့အကြောင်းအရာကတော့
ရေကြီး ရေလျှံ သဘာဝဘေးအန္တာရယ် ဖြစ်ပြီးနောက်ပိုင်းအဖြစ်များတတ်တဲ့ရောဂါများအကြောင်းနဲ့ ဆောင်ရန်ရှောင်ရန်များ ဖြစ်ပါတယ်

ပထမ ဦးဆုံး အနေနဲ့
ရေကြီးရေလျှံဖြစ်ပြီးနောက်ပိုင်း အဖြစ်များတဲ့
ရောဂါများပါ

၁- မသန့်ရှင်းသောရေများမှ တဆင့်ကူးစက်သောရောဂါများ >>>မသန့်ရှင်းသောရေများသောက်သုံးမိပါက ဝမ်းရောဂါများ ၊ ဝမ်းကိုက်ရောဂါများ၊ အသည်းရောင် အသားဝါ A ကဲ့သို့ရောဂါများဖြစ်ပွါးနိုင်ပါတယ်

၂- ရေကြီးပြီးနောက် ကျန်ခဲ့သော ပစ္စည်းအစုတ် ရေ စုနိုင် သော ရေ ဝပ်နိုင်သော နေရာများတွင် ခြင်များ ခိုအောင်း ပေါက်ဖွါး နိုင်ပြီး ခြင်မှ တဆင့်ကူးစက်ဖြစ်ပွါးသော - သွေးလွန်တုတ်ကွေး ၊ ဆင်တုတ်ကွေး အစရှိသောရောဂါများဖြစ်ပွါးနိုင်ပါတယ်

၃- စိုစွတ်တဲ့နေရာပတ်ဝန်းကျင်တွေပေါများတာကြောင့် မှိုတွေပေါက်လွယ်ပြီး အသက်ရှူလမ်းကြောင်းဆိုင်ရာ ရောဂါအခံ ရှိသူများ (ဥပမာ-ပန်းနာရင်ကြပ်ရောဂါ ) များ ပိုဆိုးစေနိုင်သည့်အတွက် ဂရုစ်ိုက်ရန်လိုအပ်ပါသည်

၄- မသန့်ရှင်းသောရေများကို ကိုယ်တွယ် ထိတွေ့မိရာမှ အရေပြားရောဂါများလဲ ဖြစ်စေတတ်ပါသည်

ထိုကဲ့သို့ရောဂါများ ဖြစ်ပွါးခြင်းမှ ကာကွယ်ရန်အောက်ပါအချက်များကို လိုက်နာရန်လိုအပ်ပါသည်

၁- မိမိတွင် ရေကြီးစဉ်က ဒဏ်ရာအနာတရ ဖြစ်ခဲ့လျှင် မေးခိုင်ကာကွယ်ဆေး ကို နီးစပ်ရာ ဆေးရုံဆေးခန်းများတွင် သွားရောက် ထိုး ရပါမည်

၂ - ရေကြီး ပြီးနောက် ကျန်ခဲ့သောရေ များကို လုံး ဝ လုံး ဝ အသုံးမပြုရန်နှင့် မဖြစ် မနေ အသုံးပြုရမည်ဆို ပါက ရေကို အနည်းဆုံး ၂ မိနစ်လောက်ပွက်ပွက်ဆူအောင် တည်ပြီး မှ အသုံးပြုရန်၊ ရေသန့်စင်ပေးသော ဆေးပြားများရှိပါကလဲ အသုံးပြူနိုင်ပါသည်၊။

၃- လက်ကို မကြာခဏ ဆပ်ပြာနှင့်ဆေး ပေးပါ ရန်နှင့် ၊ alcohol 60% အနည်းဆုံးပါဝင်သော လက်သန့်ဆေးရည်များလဲ အသုံးပြုနိုင်ပါသည်

၄- ခြင် အကိုက်မခံရအောင် နေထိုင်ကြပါ ရန်နှင့်၊ မိမိ အိမ်ပတ်ဝန်းကျင်ရှိရေဝပ်နိုင်သော ခွက်အစုတ် ၊ တာယာအစုတ် များက်ို ဖယ်ရှားရှင်းလင်းပေးရန်လိုအပ်ပါသည်

၅ -အိမ်သာများကိုလဲ ပျက်စီးကုန်ပါက သေချာ ပြုပြင်ထိန်းသိမ်:ပေးပြီးအညစ်အကြေး များ ကိုလဲ သေချာ စွန့်ပစ် ပေးရန် လိုအပ်ပါသည် ၊

၆ -မိမိတွင်ထိခိုက်ဒဏ်ရာ အနာတရများရှိထားပါက အနာ ကို ညစ်ပတ်နေသောရေ များနဲ့မထိတွေ့စေဘဲ သန့်ရှင်း ခြောက်သွေ့စွါ ထား ရပါမည် ။ ဆေးနီ ဟုအရပ်ထဲတွင်ခေါ်သော betadine ထည့်နိုင်ပါည်။

အကယ်၍ သင့်သည် ရေကြီးပြီးနောက်ပိုင်း အဖျားကြီးခြင်း ၊ အော့အန်ခြင်း၊ ဝမ်းပျက်ဝမ်းလျှော ဖြစ်ခြင်း ၊ အရေပြား များ ယားယံ နီရဲခြင်း၊ ပုံမှန်မဟုတ်သော လက္ခဏာများ ခံစားရလျှင် နီးစပ်ရာ ဆေးရုံဆေးခန်း သို့သွားရောက်ပြီးတတ်ကျွမ်းသော ဆရာဝန်များဖြင့် ပြသရန်လို အပ်ပါသည်။

အားလုံး ဘဲ ဘေးကင်းကြပါစေ။။။။🙏🙏🙏
&DrT

#ပဲခူးရေဘေးအန္တာရယ်

11/10/2023

Welcome to Medtalks with Dr. K & Dr. T! We're here to simplify medical knowledge and keep you informed. Follow us for health insights and updates. 💊🩺

Medtalks with Dr K& Dr T

19/08/2025

06/06/2024

17/10/2023

12/10/2023

11/10/2023

Address

Website

Alerts

Shortcuts

Share

Category