https://www.tiktok.com/@myanhealthtrainingcentre?_r=1&_t=ZS-93Tm9ipQw4I

MyanHealth Training Centre, Yangon (2026)

28/12/2025

💊 ✨ ဆေးရုံ၊ဆေးခန်းတွေမှာ ဆေးဝါးတွေကို စနစ်တကျနေရာချထားခြင်း (Proper Medication Storage)

ဒီ Skills ဟာ Pharmacist Aids တွေ မဖြစ်မနေ တက်ကျွမ်းရပါမယ်။ ဆေးဝါးတွေကို အဆင့်တန်းမြင့်မြင့် ပိုးမွှားကင်စင်စွာနေရာချထားခြင်း (Proper Medication Storage according to Infection Control Practices) ဟာ လူနာရဲ့ ကျန်းမာရေးလုံခြုံရေး (Patient Safety) အတွက် အရမ်း အရေးကြီးပါတယ်။

📌 1. ဆေးဝါးအမျိုးအစားအလိုက် ခွဲသိမ်းခြင်း (Medication Storage by Category)
Pharmacist Aids များအတွက် ဂရုစိုက်ရမယ့် အဓိက Skill
✔️ ဆေးများကို A-Z Category အလိုက်ခွဲခြားပြီး (ဥပမာ ဖျားနာ/နာကျင်သက်သာဆေး၊ အစာအိမ်–အူလမ်းကြောင်းဆေး၊ အရေပြားဆေးများ၊ Vitamins & Supplements၊ ကလေးဆေးဝါးများ၊ Prescription Only medicines (သီးသန့်နေရာ!)

➡️ ဒီလိုနေရာချထားမှ ရှာရလွယ်မယ်၊ ဆေးမှားမထုတ်မိဘူး၊ အရေးပေါ်အချိန်မှာ လျင်မြန်တိကျစွာ ရှာဖွေနိုင်မှာပါ။

📌 သေချာသော အမှတ်အသား & ပြသမှု (Clear Labeling & Display)

✔ ဆေးဗီဒို၊ ဆေးစင်တွင် အမှတ်အသားထားခြင်း (Pharmacy shelf labeling)
✔ ဆေးရုံ Ward stock များအတွက် အမှတ်အသားထားခြင်း (Hospital ward stock labeling)
➡️ စနစ်တကျ Label & Display ပြုလုပ်ခြင်းဖြင့် ဆေးပျက်စီးမှုများကို ၉၀% အထိ လျော့ချနိုင်ပါတယ်။

📌 2. ဆေးရုံ၊ဆေးဆိုင် Counter တွင် ဆေးဝါးသိုလှောင် ခြင်း (Counter Arrangement at Pharmacy & Hospital Dispensary)

🛒 ဆေးဆိုင်ရှေ့ပိုင်း (Pharmacy Front)
✔ အများဆုံးရောင်းသော ဆေးဝါးများကို ဝယ်ယူသူများ လွယ်ကူစွာ မြင်နိုင်သော နေရာတွင် ထားခြင်း
✔ OTC (Over-the-Counter) ဆေးဝါးများကို ဝန်ထမ်းများက စောင့်ကြပ်နိုင်သော နေရာတွင် ထားခြင်း
✔ အရေးပေါ်ဆေးဝါးများကို ချက်ချင်း ရယူနိုင်သော နေရာတွင် ထားခြင်း

🏥 ဆေးရုံ ဓာတ်ဆေးခန်း / Ward များ
✔ ICU / ER အတွက် လိုအပ်သော ဆေးဝါးများကို လွယ်ကူစွာရနိုင်သော နေရာတွင် ထားခြင်း
✔ Ward stock များကို အမှတ်အသားထားပြီး စနစ်တကျ အစီအစဉ်ကျစွာ သိမ်းဆည်းခြင်း
✔ High-alert / High-risk ဆေးဝါးများကို အနီရောင်တံဆိပ် (Red tag) ဖြင့် သတ်မှတ်ထားပြီး ခိုင်မာသော သော့ဖြင့် လုံခြုံစွာ သိမ်းဆည်းခြင်း

📌 3. ဆေးဝါးလိုအပ်ချက်နှင့် အညီ အာနိသင်မပျက်အောင် သိုလှောင်ခြင်း (Medication Storage according to required conditions) ‼️

✔️ အအေးဓာတ်လိုအပ်သောဆေး (Cold-chain medicines)→ ရေခဲသေတ္တာ (Fridge) တွင် သတ်မှတ်ထားသော အပူချိန်အတွင်း 🌑 အလင်းဝင်ရောင်မှု ကန့်သတ်ရန်လိုသောဆေးများ (Light-sensitive medicines)→ အမှောင်နေရာ သို့ အလင်းဝင်ရောက်မှု အနည်းဆုံးနေရာ
✔️ စိုထိုင်းဆ (Humidity) ထိန်းချုပ်ရန် လိုအပ်သော ဆေးဝါးများ → လေမဝင်အောင် ပိတ်ထားသော ထုပ်ပိုးပစ္စည်းများ (air-tight containers) ထဲတွင် သိုလှောင်ထားရန် လိုအပ်သည်။

➡️ မှန်ကန်တဲ့ storage က ဆေးအာနိသင်ကောင်းမွန်ရေး ကို 100% ထိန်းသိမ်းပေးပါတယ်။

📌 4. FIFO (First-In First-Out) စနစ်

✔ ရက်စွဲအဟောင်း ဆေးဝါးများကို ရှေ့တွင်သိုလှောင်ပြီး ဦးစားပေး အသုံးပြုခြင်း
✔ အသစ်ရောက်ရှိသည့် ဆေးဝါးများကို နောက်တန်းတွင် ထားကာ အသုံးပြုခြင်း
✔ FIFO ဟာ expired မဖြစ်အောင် ကာကွယ်ပေးသလို၊ မလိုအပ်ပဲ ဆေးအကုန်အကျများခြင်း၊ စွန့်ပစ်ရခြင်းကိုလည်းလျှော့ချပေးပါတယ်။

📌 5. ဆရာဝန်ဆေးညွှန်းလိုအပ်သောဆေးများ သိုလှောင်ခြင်း Prescription Medicines Management

✔️ လိုအပ်ပါက အထူးသဖြင့် ထိန်းချုပ်ဆေးများကို သော့ခတ်၍ သိမ်းဆည်းခြင်း (Locked/Double Locked Storage)
✔️ ဆေး အသုံးပြုမှတ်တမ်း စာရင်းများကို စနစ်တကျ ထားရှိခြင်း (Usage Log Records)
✔ လူနာကို ဆေးမပေးခင် Dose (အတိုင်းအတာ), Form (ပုံစံ), Strength (အစွမ်းအင်) အား ဆေးဝါး ကျွမ်းကျင် ပညာရှင် ၂ ယောက်မှ စစ်ဆေးခြင်း (Double-Check System)

📌 6. ပုံမှန်စစ်ဆေးခြင်း (Routine Checks / Good Pharmacy Practice – GPP)

✔️ သက်တမ်းကုန်ဆုံးတော့မည့် ဆေးဝါးများကို ပုံမှန်စစ်ဆေးခြင်း
✔️ သက်တမ်းကုန်ဆုံးဆေးဝါးများကို သေချာဖယ်ရှားခြင်း
✔️ ဆေးအဝင်အထွက် စာရင်းများကို အမြဲတမ်း update ပြုလုပ်ခြင်းတို့ ပြုလုပ်ရပါမယ်။

24/12/2025

ဆေးရုံဆေးဝါးကျွမ်းကျင်အကူ၏ တာဝန်ဝတ္တရားများ (Roles & Responsibilities of Hospital Pharmacy Assistants)

1. ဆေးညွှန်းများ ထုတ်ပေးခြင်း (Dispensing prescriptions) 💊

ဆေးရုံလုပ်ငန်းခွင်ရှိ ဆေးဆိုင်လက်ထောက်၏ အဓိကတာဝန်ဝတ္တရားများထဲမှတစ်ခုမှာ ဆေးရုံတက်လူနာများ (inpatients)၊ ပြင်ပလူနာများ (outpatients) နှင့် ဆေးရုံမှဆင်းခွင့်ရသူများအတွက် ဆေးဝါးများကို တိုင်းတာခြင်း၊ ပြင်ဆင်ခြင်း၊ ထုပ်ပိုးခြင်းနှင့် အညွှန်းတပ်ခြင်း (Medication Labelling) တို့ဖြစ်သည်။ ဆေးဝါးပညာရှင် (pharmacists) နှင့်အတူ လုပ်ဆောင်ခြင်းဖြင့် ဆေးဝါးအကူများသည် ပညာရှင်တို့၏ လုပ်ငန်းဝန်ထုပ်ဝန်ပိုးကို လျှော့ချပေးပြီး လူနာများအား ဆေးညွှန်းများကို တိုက်ရိုက်ထုတ်ပေးရာတွင် ကူညီပေးပါသည်။

2. ဆေးဝါးဆိုင်ရာ အကြံဉာဏ်ပေးခြင်း (Dispensing medication advice) 🤍

ဆေးဝါးထုတ်ပေးခြင်းအပြင် ဆေးဝါးအကူများသည် လူနာများအား အကြံပြုထားသော ဆေးပမာဏ (dosage)၊ သုံးစွဲနည်းလမ်းနှင့် အကြိမ်ရေ (Administration Method & Frequency) ဖြစ်ပေါ်လာနိုင်သည့် ဘေးထွက်ဆိုးကျိုးများ (Potential Side Effects) သို့မဟုတ် ဓာတ်ပြုမှုများ (Interactions) အကြောင်းကို ဆေးစာအတိုင်း အခြေခံအကြံဉာဏ်ပေးရန်လည်း တာဝန်ရှိသည်။

3. မှတ်တမ်းများ ထိန်းသိမ်းခြင်း (Maintaining medication records) 🗂️

လူနာဘေးကင်းရေးနှင့် စည်းမျဉ်းစည်းကမ်းလိုအပ်ချက်များနှင့်အညီ လိုက်နာဆောင်ရွက်မှုရှိစေရန်အတွက် ဆေးဝါးအကူများသည် မှန်ကန်သော ဆေးဝါးမှတ်တမ်းများကို မွမ်းမံခြင်းနှင့် ထိန်းသိမ်းခြင်းတို့တွင် အဓိကအခန်းကဏ္ဍမှ ပါဝင်ပါသည်။ ဘေးကင်းစေရန်အတွက် ထုတ်ပေးခဲ့သော ဆေးဝါးများ၏ မှတ်တမ်းအပြည့်အစုံကို ဆေးဆိုင်တိုင်းတွင် ထားရှိရန် အရေးကြီးသလို၊ ပစ္စည်းစာရင်းစီမံခန့်ခွဲမှုအတွက်လည်း အရေးကြီးပါသည်။

4. ပစ္စည်းစာရင်းစီမံခန့်ခွဲမှု (Inventory management) 📦📊

ဆေးဝါးပစ္စည်းစာရင်းစီမံခန့်ခွဲမှုသည် ဆေးဝါးအကူများ၏ နောက်ထပ်တာဝန်တစ်ခုဖြစ်ပြီး၊ ၎င်းတို့သည် စတော့ထိန်းချုပ်မှု (Medication Stock Management) ကို ပံ့ပိုးရန်အတွက် အဝင်နှင့်အထွက် ထုတ်ကုန်များ၏ မှတ်တမ်းကို ထိန်းသိမ်းရန် တာဝန်ရှိသည်။ ဆေးရုံဆေးဆိုင်များသည် အများအားဖြင့် ရပ်ကွက်/မြို့နယ် ဆေးဆိုင်များထက် ဆေးဝါးလက်ကျန် ပိုမိုများပြားလေ့ရှိသောကြောင့် ၎င်းသည် ဆေးရုံအခြေစိုက် ဆေးဝါးအကူများအတွက် အဓိကတာဝန်တစ်ခုဖြစ်သည်။

5. ဘက်စုံပါဝင်သောအဖွဲ့များနှင့် ပူးပေါင်းဆောင်ရွက်ခြင်း (Collaboration with multidisciplinary teams) 🤝

ဆေးရုံဆေးဆိုင်အကူများသည် လူနာတစ်ဦး၏ စောင့်ရှောက်မှုကဏ္ဍအသီးသီးအတွက် တာဝန်ရှိသည့် ကျန်းမာရေးဝန်ထမ်းများ (multiple clinical teams) နှင့် ပူးပေါင်းလုပ်ဆောင်ရန် လိုအပ်သည်။ ထို့ကြောင့် ကောင်းမွန်သော ဆက်သွယ်ရေး (Good Communication) နှင့် အသင်းလိုက်လုပ်ဆောင်နိုင်မှုစွမ်းရည် (Good Teamwork) သည် မရှိမဖြစ်လိုအပ်ပါသည်။

6. စည်းမျဉ်းစည်းကမ်းလိုက်နာမှု (Regulatory compliance) 📘

ဆေးဝါးအကူများသည် ဆေးရုံဆေးဆိုင်၏ စည်းမျဉ်းစံနှုန်းများနှင့်အညီ လိုက်နာဆောင်ရွက်ရမည်ဖြစ်သည်။

**************************************************

ဒီလို ဆေးဝါးကျန်းမာရေးအခြေခံဗဟုသုတတွေကို စနစ်တကျ သင်ယူချင်ရင်

🎓 MyanHealth Pharmacist Aide Training ကို လက်လွတ်မခံပါနဲ့။
📚 သင်ခန်းစာတွေက လက်တွေ့အသုံးချနိုင်အောင် ဒီဇိုင်းရေးထားပြီး
💼 ဆေးဆိုင်၊ ဆေးရုံ၊ ကျန်းမာရေးလုပ်ငန်းများမှာ အလုပ်ဝင်နိုင်ဖို့ အထောက်အကူဖြစ်စေပါတယ်။

📩 အသေးစိတ် သိရှိလိုပါက Comment သို့ Message ပို့ပြီး မေးမြန်းနိုင်ပါတယ်ရှင့်။

📞 ယခုပဲ စာရင်းသွင်းပြီး သင့် Professional Career ကို မြှင့်တင်လိုက်ပါ 🤍✨။

19/12/2025

🍀 သွေးတိုးရောဂါ (Hypertension) — တိတ်တဆိတ် လူသတ်သမား 🍀

သွေးတိုးရောဂါဟာ
🔺 လေဖြတ် (Stroke) ဖြစ်စေတဲ့ နံပါတ်(၁) အကြောင်းရင်း ဖြစ်ပြီး
🔺 နှလုံးရောဂါများ (နှလုံးသွေးကြောပိတ်ခြင်း၊ ကျဉ်းခြင်း၊ နှလုံးကြီးခြင်း) ကို ဖြစ်ပေါ်စေတဲ့ အဓိကအကြောင်းရင်း တစ်ခုပါ။

အန္တရာယ်ကြီးတာကတော့
👉 သွေးတိုးရောဂါရှိသူ သုံးပုံတစ်ပုံခန့် က ကိုယ့်မှာ သွေးတိုးရှိနေမှန်းကိုတောင် မသိကြတာပါ။
ဒါကြောင့်ပဲ ဆရာဝန်တွေက “Silent Killer” လို့ ခေါ်ကြတာ ဖြစ်ပါတယ်။

🍀 အသက် (၁၈) နှစ်နှင့် အထက် လူကြီးများ၏ သွေးဖိအား အဆင့်များ 🍀

📌 ပုံမှန် – ၁၂၀ အောက် / ၈၀ အောက်
📌 ပုံမှန်ထက် မြင့်မား (သွေးတိုးမဟုတ်သေး) – ၁၂၀–၁၃၉ / ၈၀–၈၉
📌 သွေးတိုး အဆင့် (၁) – ၁၄၀–၁၅၉ / ၉၀–၉၉
📌 သွေးတိုး အဆင့် (၂) – ၁၆၀ နှင့်အထက် / ၁၀၀ နှင့်အထက်

🍀 သွေးတိုးရောဂါ၏ လက္ခဏာများ 🍀

လူအများစုမှာ လက္ခဏာမပြ တတ်ပါဘူး။
ဒါပေမယ့် အချို့တွင်
⚠️ ခေါင်းကိုက်ခြင်း
⚠️ ဇက်ကြောတက်ခြင်း
⚠️ မူးဝေခြင်း
⚠️ အသက်ရှူမြန်ခြင်း
⚠️ အမြင်ဝေဝါးလာခြင်း
တို့ကို တွေ့နိုင်ပါတယ်။

🍀 သွေးတိုးရောဂါကို ထိန်းချုပ်နိုင်မည့် အရေးကြီးနည်းလမ်းများ 🍀

✅ ကိုယ်အလေးချိန် မလွန်အောင် ထိန်းပါ
👉 BMI ၁၈.၅ – ၂၄.၅ အတွင်းရှိအောင်
✅ တစ်နေ့ မိနစ် ၃၀ လောက်
👉 လမ်းမြန်မြန်လျှောက်၊ စက်ဘီးစီး၊ ရေကူး စတဲ့ ကိုယ်လက်လှုပ်ရှားမှုများ ပြုလုပ်ပါ
✅ သစ်သီး၊ ဟင်းသီးဟင်းရွက်များ များများစားပါ
✅ ဆားနည်းသော အစားအစာများ ရွေးချယ်ပါ
🚫 အထားခံ၊ ပြုပြင်ထားသော အစာများမှာ ဆားများပါတယ်
✅ အဆီနည်းသော ငါး၊ အသားများကို စားပါ
🚫 အဆီများ၊ အချိုများ၊ ကိုလက်စထရောများသော အစာများကို လျှော့ပါ
🚫 အရက် အလွန်အကျွံ သောက်ခြင်းကို ရှောင်ကြဉ်ပါ
💊 ဆရာဝန်ညွှန်ကြားထားသော သွေးကျဆေးများကို မပျက်မကွက် သောက်သုံးပါ

🌱 Pharmacist Aide တစ်ယောက်အနေနဲ့ ဘာကြောင့် ဒီအကြောင်းကို သိထားရမလဲ?

✔️ လူနာတွေကို သွေးဖိအား အဆင့်နားလည်အောင် ရှင်းပြနိုင်ဖို့
✔️ ဆေးသောက်ပုံ သောက်နည်း မှန်ကန်အောင် ညွှန်ကြားနိုင်ဖို့
✔️ အန္တရာယ်ရှိနိုင်တဲ့ လူနာတွေကို အချိန်မီ ဆရာဝန်ဆီ လမ်းညွှန်ပေးနိုင်ဖို့

ဒီလို အသက်ကယ်နိုင်တဲ့ ကျန်းမာရေးအခြေခံဗဟုသုတတွေကို စနစ်တကျ သင်ယူချင်ရင်

🎓 MyanHealth Pharmacist Aide Training ကို လက်လွတ်မခံပါနဲ့။
📚 သင်ခန်းစာတွေက လက်တွေ့အသုံးချနိုင်အောင် ဒီဇိုင်းရေးထားပြီး
💼 ဆေးဆိုင်၊ ဆေးရုံ၊ ကျန်းမာရေးလုပ်ငန်းများမှာ အလုပ်ဝင်နိုင်ဖို့ အထောက်အကူဖြစ်စေပါတယ်။

📩 အသေးစိတ် သိရှိလိုပါက Comment သို့ Message ပို့ပြီး မေးမြန်းနိုင်ပါတယ်ရှင့်။

09/12/2025

🍀သတိပြုကာကွယ် သွေးချိုဆီးချိုရောဂါ အန္တရာယ်🍀

🍀သွေးချို၊ ဆီးချိုရောဂါဟူသည် အဘယ်နည်း?

- ခန္ဓာကိုယ်တွင်းရှိ သကြားအချိုဓါတ်ပမာဏသည် ရှိသင့်သည့်ပမာဏထက် ပိုလွန်များပြားနေခြင်းကို သွေးချို၊ ဆီးချိုရောဂါ ဟုခေါ်ပါသည်။

🍀သွေးချိုရောဂါ နှင့် ဆီးချိုရောဂါ တူပါသလား?

- အတူတူပင်ဖြစ်ပါသည်။ သွေးတွင်းအချိုဓါတ်သည် ကာလရှည်လွန်ကဲစွာတက်နေပြီးနောက်မှ ဆီးတွင်းအချိုဓါတ်ကို တိုင်းတာသိရှိနိုင်ပါသည်။

☘️တစ်ဦးမှတစ်ဦးသို့ ကူးစက်တတ်ပါသလား?

- လုံးဝမကူးစက်နိုင်ပါ။

🍀ရောဂါ ရှိ/မရှိ မည်သို့သိရှိနိုင်ပါသနည်း?

- Glucometer ခေါ် သွေးချိုတိုင်းစက်ဖြင့် လက်ငင်းတိုင်းတာ သိရှိနိုင်ပါသည်။

🍀မည်သို့ဆိုလျှင် သွေးချို၊ဆီးချိုရောဂါ စတင်ခံစား နေရပြီဟုဆိုနိုင်ပါသနည်း?

- အချိန်အခါမရွေးစစ်လျှင် ပုံမှန်ရှိရမည့် သွေးတွင်း အချိုဓါတ်ပမာဏသည် ပုံမှန်ထက်များနေလျှင် သွေးချို၊ဆီးချိုရောဂါ ရှိနေပြီဟုဆိုနိုင်ပါသည်။

☘️ ရောဂါလက္ခဏာပြတတ်ပါသလား?

အလွန်နောက်ကျသော အခြေအနေရောက်မှသာလျှင်
- ရေငတ်လွန်းခြင်း
- ဆီးခဏခဏသွားခြင်း
- မကြာခဏဆာလောင်ခြင်း
- ပင်ပန်းနွမ်းနယ်လွယ်ခြင်း
- ပိန်ကျသွားခြင်း
- အနာမကျက်ခြင်း စသည်တို့ကို ခံစားရတတ်ပါသည်။

🍀သွေးချို၊ဆီးချိုရောဂါဖြစ်လျှင် မည်သို့ပြုလုပ် ရမည်နည်း?

- ကျွမ်းကျင်သောဆရာဝန်နှင့်ပြသ၍ စနစ်တကျ နေထိုင်စားသောက်ရပါမည်။

🍀မည်သို့နေထိုင်စားသောက်ရမည်နည်း?

အစားအသောက် အနေအထိုင် နှင့်ပတ်သက်၍ …
- ထမင်းကို များစွာ လျှော့စားပါ ။
- အချို ၊ သကြား ၊ နို့ဆီ နှင့် အချိုမှုန့် များ လျှော့စားပါ။
- ဆန်၊ဂျုံ၊ပြောင်း၊အာလူး၊ကောက်ညှင်း၊ ကန်စွန်းဥ စသည်တို့ကို လျှော့စားပါ ။
- ဆန်ကြမ်းစားခြင်း ၊ ရေငှဲ့စားခြင်းတို့ကို လုပ်ရန် လုံးဝမလိုအပ်ပါ။ ဆန်ကောင်း စားနိုင်သည်။
- အသင့်သောက် Ready Made ကော်ဖီမစ်၊ လက်ဖက်ရည် လုံးဝရှောင်ပါ။
- ကော်ဖီ၊လက်ဖက်ရည် သောက်လိုလျှင် အမှုန့် (သို့)အကျရည်ကို သကြား၊ နို့ဆီ မထည့်ဘဲ နို့စိမ်းဖြင့်သာ ဖျော်သောက်ပါ။
- ဟင်းသီးဟင်းရွက် များများစားပါ။
- ကိုယ်လက်လှုပ်ရှားလေ့ကျင့်ခန်း နေ့စဉ် မိနစ်(၃၀) မျှ လုပ်ပေးပါ။
- သွေးချို၊ ဆီးချိုရောဂါဝေဒနာရှင်များသည် အောက်ပါ နမူနာ ထမင်းပန်းကန်ပုံစံ အတိုင်းစားပေးနိုင်လျှင် အကောင်းဆုံးဖြစ်ပါသည်။ ဟင်းသီးဟင်းရွက် တစ်ဝက် ၊ ထမင်း လေးပုံတစ်ပုံ ၊ အသားငါးပဲ လေးပုံတစ်ပုံ။

🍀သွေးချိုဆီးချို လူနာများသည် ဆေးကိုမည်သို့သောက်သုံးသင့်သနည်း?

- ဆေးဝါးသောက်သုံးခြင်း နှင့်ပတ်သက်၍ …
ဆရာဝန်ညွှန်ကြားသော နိုင်ငံတကာသုံး စံချိန်မီဆေးဝါးများကိုသာ အချိန်မှန်မှန် စနစ်တကျသောက်သုံးပါ။
- ဆေးဝါးအတိုးအလျှော့ကို ဆရာဝန်နှင့် တိုင်ပင်၍သာ ဆောင်ရွက်ပေးပါ။
- တိုင်းရင်းဆေးများနှင့် ရောနှော သောက်သုံးခြင်း မပြုသင့်ပါ။

🍀 သွေးချို၊ဆီးချိုရောဂါ၏ နောက်ဆက်တွဲဆိုးကျိုးများ မှာ အဘယ်နည်း?

သွေးချို၊ဆီးချိုရောဂါကို စနစ်တကျ ကုသခြင်းမရှိ၍ ဖြစ်ပေါ်လာရသော လူဖြစ်ရှုံးလောက်သည့် နောက်ဆက်တွဲ ရောဂါဆိုးများမှာ -
- မျက်စိကွယ်ခြင်း
- ကျောက်ကပ်ပျက်ခြင်း
- သွေးတိုးရောဂါဖြစ်ခြင်း
- နှလုံးရောဂါဖြစ်ခြင်း
- ဦးနှောက်သွေးကြောပိတ်၍လေဖြတ်ခြင်း
- အာရုံကြောအားနည်းထုံကျင်ခြင်း
- ပန်းသေ ၊ ပန်းညှိုးဖြစ်ဖြင်း
- စိတ်ကျဝေဒနာ ခံစားရခြင်း
- အနာများ မကျက်၍ပုပ်ခြင်း စသည်တို့ပင် ဖြစ်သည်။

**************************************************

ဒီလို ဆေးဝါးကျန်းမာရေးအခြေခံဗဟုသုတတွေကို စနစ်တကျ သင်ယူချင်ရင်

🎓 MyanHealth Pharmacist Aide Training ကို လက်လွတ်မခံပါနဲ့။
📚 သင်ခန်းစာတွေက လက်တွေ့အသုံးချနိုင်အောင် ဒီဇိုင်းရေးထားပြီး
💼 ဆေးဆိုင်၊ ဆေးရုံ၊ ကျန်းမာရေးလုပ်ငန်းများမှာ အလုပ်ဝင်နိုင်ဖို့ အထောက်အကူဖြစ်စေပါတယ်။

📩 အသေးစိတ် သိရှိလိုပါက Comment သို့ Message ပို့ပြီး မေးမြန်းနိုင်ပါတယ်ရှင့်။

📞 ယခုပဲ စာရင်းသွင်းပြီး သင့် Professional Career ကို မြှင့်တင်လိုက်ပါ 🤍✨။

Credit : Source & Image

22/10/2025

🩵 ဒီနေ့ MyanHealth Training Centre ကနေ အသုံးအများဆုံး ဆေးညွှန်းအတိုကောက် (Medical Abbreviations) ကို တစ်ခုချင်း ဖော်ပြပေးလိုက်ပါတယ်။ 🩵

✅ BD — တစ်နေ့ *၂ ကြိမ်* သောက်ရန် (morning & evening)
✅ TDS — တစ်နေ့ *၃ ကြိမ်* သောက်ရန် (every 8 hours)
✅ QID — တစ်နေ့ *၄ ကြိမ်* သောက်ရန် (every 6 hours)
✅ PO — *ခံတွင်းမှ* သောက်ရန် (oral)
✅ PRN — လိုအပ်သည့်အခါ သောက်/သုံးရန် (as needed)
✅ STAT — ချက်ချင်း/အမြန်ဆုံး သောက်ရန်
✅ OD — တစ်နေ့တစ်ကြိမ် (once daily)
✅ HS — ညအိပ်ချိန်မှာ သောက်ရန်
✅ IM/IV/SUBCUT — မည်သည့်နည်းဖြင့်ထိုးရမည်ကို ဖော်ပြရာ (intramuscular / intravenous / subcutaneous)

👩‍⚕️👨‍⚕️ ဤအတိုကောက်တွေကို မှန်ကန်အောင်သိထားခြင်းက
• လူနာအတွက် ဘေးအန္တရာယ်ဖြစ်စေနိုင်တဲ့ မမှန်ကန်သော ဆေးသောက်ပုံ ကို ကာကွယ်နိုင်တယ်။
• မိမိကလဲ ဆရာဝန်ညွှန်ကြားချက်ကို မှန်ကန်စွာ ရှင်းပြပေးနိုင်တယ်။
• ကျွမ်းကျင်တဲ့ Pharmacist Assistant/Nurse Aide အဖြစ် professionalism ကိုလည်း တိုးတက်စေပါတယ်။

📚 🌱 လေ့လာချင်သူတွေအတွက် အခွင့်အလမ်း! 🌱အခုလို ဗဟုသုတတွေ အပြင် ✨ အခြေခံ ဆေးဝါးကျွမ်းကျင်သိကောင်းစရာများကို လက်တွေ့နဲ့အညီ သင်ယူချင်ရင် 👉 MyanHealth Training Centre ကို လာဖို့ ဖိတ်ခေါ်ပါတယ်။

📘 သင်ကြားမည့်အတန်းများ
✅ ဆေးဝါကျွမ်းကျင်အကူသင်တန်း (Pharmacist Aide Training )💊

📍 Online သင်တန်းဖြစ်လို့ လူတိုင်း အလွယ်တကူ လေ့လာနိုင်ပြီး အနာဂတ်အလုပ်အကိုင် အခွင့်အလမ်းတွေကိုလည်း ဖန်တီးပေးနိုင်ပါတယ်။

18/09/2025

သင့်ကျန်းမာရေး လုပ်ငန်းအလုပ်အကိုင်ကို MyanHealth Academy နဲ့ စတင်လိုက်ပါ!

👉 Pharmacist Aid Training (Online Course) 3rd Batch ကို– Oct အတွက် ဖွင့်လှစ်ပြီးမလို အခုပဲ စတင် စာရင်းပေးနိုင်ပါပြီ!

MyanHealth Online Training နဲ့ သင်ယူခြင်းဖြင့် –

🎓 သင်တန်းတက်ရောက်သူများရရှိမည့် အကျိုးကျေးဇူးများ
✔ အိမ်မှာနေသည့်အချိန် သင်ယူနိုင်ပြီး ၆လအတွင်း
ပြန်လည်လေ့လာနိုင်ခြင်း
✔ ကျွမ်းကျင် ဆရာ/ဆရာမများထံမှ စနစ်ကျ သင်ရိုးညွှန်းတမ်းများ ဖြင့် ပညာရယူနိုင်ခြင်း
✔ သင်တန်းပြီးဆုံးပါက Certificate ချီးမြှင့်မည့် အခွင့်အရေး

📚 သင်ယူမည့်အကြောင်းအရာများ
✔ အခြေခံဆေးဝါးဗေဒ
ဆေးဝါးအသုံးဝင်ပုံ & အသုံးပြုပုံ
✔ ရောဂါအလိုက် ဆေးအသုံးပြုနည်း
✔ ဆေးအခေါ်အဝေါ်များ (Chemical Name, Trade Name)
✔️ အခြေခံ ဆေးဝါးဘေးထွက်ဆိုးကျိုးများ

🎯 သင်တန်းသင့်သူများ
* Healthcare လုပ်ငန်း စတင်လိုသူ
* ဆေးရုံ၊ ဆေးခန်း၊ ဆေးဆိုင် တွင် ဝင်ရောက်လုပ်ကိုင်လိုသူ

🕒 သင်တန်းကာလ: 3 လ

📱Mode: 100% Online

💰 သင်တန်းကြေး: ပုံမှန် 200,000 → 40% Discount = 120,000 ကျပ်

👩🏼‍⚕️ လိုအပ်ချက်: အနည်းဆုံး ၁၀ တန်း အောင်မြင်ထားသူ

👉 ယခုမှ Register လုပ်ပြီး Healthcare Career စတင်လိုက်ပါ။

31/08/2025

📝 ဆရာဝန်ဆေးစာ (Doctor’s Prescription) တွင် ပါဝင်လေ့ရှိတဲ့ အချက်များ

1️⃣ Patient Information 👤

- လူနာရဲ့ နာမည်၊ အသက်၊ လိပ်စာ
- လိုအပ်သည့်အချိန်တွင် ဆက်သွယ်နိုင်ရန် အချက်အလက်

2️⃣ Date & Diagnosis 📅🩺

- ရက်စွဲ
- လူနာရဲ့ ရောဂါအခြေအနေ (Diagnosis)

3️⃣ Drug Information 💊

- ဆေးနာမည် (Drug Name - Generic, Trade)
- ဆေးပမာဏ (Drug Dosage)
- ဆေးဝင်၊သွင်း လမ်းကြောင်း (Route - oral, injection, topical, etc.)
- တစ်နေ့ဘယ်နှစ်ကြိမ် ဆေးသောက်ရမလဲ (Frequency)
- ဘယ်နေရက်ထိ ဆေးသောက်ရမလဲ (Duration)

4️⃣ Doctor’s Signature ✍️

- ဆရာဝန် ခွင့်ပြုချက်နှင့် လက်မှတ်

🎯 Pharmacist Aide အနေနဲ့ လုပ်ဆောင်သင့်တာများ

✔️ Prescription ကို ဖတ်နိုင်ရန် မည် အသုံးများသော ဆေးဝါးအတိုကောက် (Medical Abbreviations) များ သိရမည်။
✔️ လူနာအတွက် တိကျမှန်ကန်စွာ ဆေးပမာဏ ထုတ်ပေးရမည်။
✔️ ဆေးသုံးနည်းကို လူနာ နားလည်အောင် ရှင်းပြပေးရမည်။
✔️ ထပ်မံသတိပေးရန် (တွဲ မစားသင့်သော အစားအသောက်/ တွဲမသောက်သင့်သောဆေးများ) ကို ရှင်းပြနိုင်ရမည် ။

💡 Tip: Prescription ဖတ်တဲ့အခါ “5 Right Rule” ကို အမြဲအသုံးပြုပါ –👩‍⚕️ Right Patient, Right Drug, Right Dose, Right Route, Right Time

********************************************************

📚 🌱 လေ့လာချင်သူတွေအတွက် အခွင့်အလမ်း! 🌱အခုလို ဗဟုသုတတွေ အပြင် ✨ အခြေခံ ဆေးဝါးကျွမ်းကျင်သိကောင်းစရာများကို လက်တွေ့နဲ့အညီ သင်ယူချင်ရင် 👉 MyanHealth Training Centre ကို လာဖို့ ဖိတ်ခေါ်ပါတယ်။

📘 သင်ကြားမည့်အတန်းများ
✅ ဆေးဝါကျွမ်းကျင်အကူသင်တန်း (Pharmacist Aide Training )💊

📍 Online သင်တန်းဖြစ်လို့ လူတိုင်း အလွယ်တကူ လေ့လာနိုင်ပြီး အနာဂတ်အလုပ်အကိုင် အခွင့်အလမ်းတွေကိုလည်း ဖန်တီးပေးနိုင်ပါတယ်။

24/08/2025

💊 Pharmacist Aid တစ်ယောက်အဖြစ် ကောင်းမွန်စွာ တာဝန်ထမ်းဆောင်ဖို့ စိတ်ဓာတ်အရည်အချင်းတွေ အများကြီးလိုအပ်ပါတယ်။

Pharmacist Aid အလုပ်က သာမန်တခြားတွေနဲ့ မတူပါဘူး

👩‍⚕️ လူနာတွေရဲ့ ကျန်းမာရေးနဲ့ ဆေးဝါး သုံးစွဲမှု နဲ့ တိုက်ရိုက်ဆိုင်နေတာကြောင့် စိတ်ဓာတ်ပိုင်းဆိုင်ရာ အရည်အချင်း တွေကို အများကြီး လိုအပ်ပါတယ်။

✨ လိုအပ်တဲ့ စိတ်ဓာတ်ပိုင်းဆိုင်ရာ အရည်အချင်းတွေကတော့ ✨

1️⃣ တာဝန်ခံမှု (Responsibility) – ဆေးတိုင်းက လူနာကျန်းမာရေးနဲ့ ဆက်နွယ်နေတဲ့အတွက် တာဝန်ယူမှုတာဝန်ခံမှုအပြည့်နဲ့ ဆောင်ရွက်နိုင်ရမယ်။

2️⃣ စိတ်ရှည်မှု (Patience) – လူနာအများနဲ့ အဆက်အသွယ်ရှိရတာကြောင့် သည်းခံစိတ်နဲ့ ဆက်ဆံနိုင်ရမယ်။

3️⃣ ဂရုပြုစောင့်ရှောက်မှု (Carefulness) – ဆေးပမာဏ၊ သောက်နည်း မှားသွားရင် အန္တရာယ်ကြီးမားနိုင်တာကြောင့် အသေးစိတ်အာရုံစိုက်ရမယ်။

4️⃣ စကားပြောဆက်ဆံမှုကောင်း (Good Communication) – လူနာကို ဆေးသုံးနည်း နားလည်စွာ ရှင်းပြပေးနိုင်ဖို့ လိုအပ်တယ်။

5️⃣ သိမြင်ဖို့စိတ် (Willingness to Learn) – ဆေးဝါးသစ်တွေ၊ ညွှန်ကြားချက်အသစ်တွေကို အမြဲ update လုပ်ပြီး သင်ယူစရာ မလျော့ရ။

6️⃣ အဖွဲ့လိုက် စိတ်ဓာတ် (Team Spirit) – ဆရာဝန်၊ ဖာမဆီနဲ့ အဖွဲ့ဝင်တွေကို ပူးပေါင်းကူညီပြီး အလုပ်လုပ်နိုင်ဖို့ လိုအပ်တယ်။

💡 အကျိုးကျေးဇူးကတော့ 👉 လူနာတွေ လုံခြုံစိတ်ချစွာ ဆေးဝါးသုံးစွဲနိုင်စေပြီး Healthcare လုပ်ငန်းအတွက် အထောက်အကူဖြစ်စေပါတယ်။

Pharmacist Aid ကောင်းတစ်ယောက်ဖြစ်ဖို့ မမေ့ပါနဲ့နော်

📌 MyanHealth Pharmacist Aid Training နဲ့ ပတ်သက်ပြီး Chat Box တွင် လာရောက်မေးမြန်းနိုင်ပါတယ် Online ဖြစ်တာကြောင့် နေရာဒေသ လူမျိုးမရွေး အတန်းအရည်အချင်း ၁၀ တန်းပြီးရုံနဲ့ တက်ရောက်နိုင်ပါတယ်။

19/08/2025

🩵 ဒီနေ့ MyanHealth Training Centre ကနေ နှာခေါင်းသွေးယိုခြင်း (Nose Bleeding - Epistaxis) အကြောင်း ဖော်ပြပေးလိုက်ပါတယ်။ 🩵

👉 Epistaxis ဆိုတာ နှာခေါင်းသွေးယိုတာကို ဆေးပညာမှာ ခေါ်တာဖြစ်ပြီး လူ ၇ ယောက်ထဲ တယောက်မှာ ဖြစ်တတ်ပါတယ်။

❄️ ဆောင်းရာသီ၊ အေးပြီး ခြောက်သွေ့တဲ့ အခြေအနေများမှာ ပိုဖြစ်ပြီး 🌅 မနက်ခင်းမှာ ဖြစ်တတ်ပါတယ်။

အများအားဖြင့် သိပ်စိုးရိမ်စရာ မလိုပါ – အိမ်မှာသာ သွေးတိတ်သွားတတ်ပါတယ်။

⚠️ သွေးယိုထွက်တာ ပိုများလာရင် ဖြစ်နိုင်သည့် လက္ခဏာများ
🤯 ခေါင်းမူးခြင်း
😵 အားလျော့ခြင်း
😟 စိတ်မကြည်မလင်ဖြစ်ခြင်း
😴 သတိလစ်ခြင်း
❤️ နှလုံးခုန်မြန်ခြင်း
🤢 သွေးအန်ခြင်း တို့ဖြစ်ပါတယ်။

✅ လုပ်ဆောင်ရမှာကတော့
1. 🧘 စိတ်တည်ငြိမ်ပါ
2. 🪑 မတ်မတ်ထိုင်ပါ – ခေါင်းကို အနည်းငယ်ရှေ့ကိုင်းထားပါ (နောက်ထောင့်မထားရ)
3. ✋ နှာကို လက်နဲ့ ဖိထားပါ – ၁၀ မိနစ်တိတိ ဖိထားရန်၊ လျှော့မလုပ်ရပါ
4. 😮 ပါးစပ်ထဲကျသွားတာကို ထွေးထုတ်ပါ
5. 👃 နှာကို မထိခိုက်အောင် ဂရုစိုက်ပါ – နှာခြေတာ၊ ချောင်းဆိုးခြင်းကိုရှောင်ပါ။

🏥 မသက်သာပါက
နီးစပ်ရာ ဆေးရုံ/ဆေးခန်း တွင် ကျွမ်းကျင်ဆရာဝန် ထံ ဆေးကုသမှု ခံယူပါ။

💡 Tip: ဆောင်းရာသီ၊ အေးခြောက်ရာသီများတွင် အိမ်မှာ humidifier သို့မဟုတ် ဆီသုတ်ထားသော tissue ကို အသုံးပြုပြီး နှာခြောက်ခြင်းကို လျော့နည်းစေနိုင်ပါတယ် 🌬️။

📚 🌱 လေ့လာချင်သူတွေအတွက် အခွင့်အလမ်း! 🌱အခုလို ဗဟုသုတတွေ အပြင် ✨ အခြေခံ ဆေးဝါးကျွမ်းကျင်သိကောင်းစရာများကို လက်တွေ့နဲ့အညီ သင်ယူချင်ရင် 👉 MyanHealth Training Centre ကို လာဖို့ ဖိတ်ခေါ်ပါတယ်။

📘 သင်ကြားမည့်အတန်းများ
✅ ဆေးဝါကျွမ်းကျင်အကူသင်တန်း (Pharmacist Aide Training )💊

📍 Online သင်တန်းဖြစ်လို့ လူတိုင်း အလွယ်တကူ လေ့လာနိုင်ပြီး အနာဂတ်အလုပ်အကိုင် အခွင့်အလမ်းတွေကိုလည်း ဖန်တီးပေးနိုင်ပါတယ်။

👉 MyanHealth Training Centre နဲ့ အတူ အခုပဲ သင်ယူ၊ လေ့ကျင့်လိုက်ပါ။

#နှာခေါင်းသွေးယို #အိမ်မှာကုသနိုင်

MyanHealth Training Centre

28/12/2025

24/12/2025

19/12/2025

09/12/2025

22/10/2025

18/09/2025

31/08/2025

24/08/2025

19/08/2025

Address

Website

Alerts

Shortcuts

Share

Category