What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 12:00

https://www.facebook.com/117969594504106/

Yaung Chi Thit-YCT by Dr.W, Yangon (2025)

24/05/2023

🌀🌀 သိထားသင့်တဲ့ collagen အမျိုးအစားများ 🌀🌀

Type 1 Collagen
=============
- ခန္ဓာကိုယ် အရေပြားတွေကို တင်းရင်းလှပစေဖို့နဲ့ အရေးအကြောင်းတွေကို လျော့နည်းသက်သာဖို့ အဓိက လုပ်ဆောင်ပေးနိုင်တယ်။
- အသားအရေအစိုဓာတ်ကို ထိန်းသိမ်းပေးနိုင်ဖို့ ရေဓာတ်ကိုပြန်လည်ဖြည့်ဆည်းပေးနိုင်တယ်။
- ခန္ဓာကိုယ် ကြွက်သားတွေ၊ မျက်စိနဲ့ အရိုး ကျန်းမာရေးတို့အတွက် အထောက်အကူပြုပေးနိုင်တယ်။
- လက်သည်း/ခြေသည်းနဲ့ ဆံကေသာ ကျန်းမာသန်စွမ်းဖို့ အထောက်အကူပေးတယ်။
➡ ငါးတွေဆီကနေ အဓိကရရှိတဲ့ Collagen ပဲဖြစ်ပါတယ်။ (Marine Collagen)

Type 2 Collagen
=============
- အရိုးအဆစ်တွေကိုကာကွယ်ပေးတဲ့ အရိုးနု (cartilage)လို့ခေါ်တဲ့ တွယ်ဆက်တစ်သျှူးလေးတွေအတွက် အလွန် အရေးပါတဲ့
collagen တစ်မျိုးဖြစ်ပါတယ်။
- မျက်စိကျန်းမာရေးနဲ့ အရိုးအဆစ်ကျန်းမာရေးတို့အတွက် အထောက်အကူပေးတယ်။
➡ သဘာဝ အရိုးပြုတ်ရည်ကနေ ကြွယ်ဝစွာရရှိနိုင်ပြီး အမဲသား မှတဆင့်လည်းရရှိနိုင်ပါတယ်။ (Bovine Collagen)

Type 3 Collagen
=============
- ခန္ဓာကိုယ် အူလမ်းကြောင်းတလျှောက်နဲ့ ကြွက်သားတွေ ၊ သွေးကြောနံရံတွေနဲ့သားအိမ်မှာ အများဆုံး တွေ့ရတဲ့ collagen တစ်မျိုး
ဖြစ်ပါတယ်။
- အူလမ်းကြောင်း ကျန်းမာရေးကို အဓိက အထောက်အကူပြုပေးနိုင်ပါတယ်။
- Type 1 collagen နဲ့တွဲဖက်ပြီး အရေပြားကျန်းမာရေးနဲ့ ရေဓာတ်ဖြည့်ဆည်းပေးခြင်းကို ပိုမိုလုပ်ဆောင်ပေးနိုင်တယ်။
➡အမဲသားကနေထုတ်လုပ်ထားတဲ့ collagen peptides တွေကနေကြွယ်ဝစွာ ရရှိနိုင်ပါတယ်။

11/05/2023

💊 Vitamins Supplements လေးတွေ ဘယ်အချိန်
သောက်သင့်လဲ? ဘယ်လိုသောက်ရမလဲ?💊(အပိုင်း ၃)

>> အဆီမှာပျော်ဝင်တဲ့ Vitamin များ (Fat soluble vitamins)

- Vitamin A
- Vitamin D
- Vitamin E
- Vitamin K တို့ဖြစ်ကြပြီး ဒီ Vitamin တွေပါဝင်တဲ့
Supplements တွေကို သောက်သုံးတဲ့အခါ အဆီပါဝင်တဲ့
အစားအသောက်တွေစားသုံးပြီးချိန်မှာ သောက်သုံးပေး
ခြင်းဖြင့် ခန္ဓာကိုယ်က စုပ်ယူအသုံးချနိုင်စွမ်း ပိုများစေပါ
တယ်။

>> ဒါ့ပြင်အဆီမှာပျော်ဝင်တဲ့ Vitamins တွေကို ခန္ဓာကိုယ် မှာ သိုလှောင်သိမ်းဆည်းထားနိုင်စွမ်းရှိလို့ သင့်တော်တဲ့ ပမာဏအတိုင်းသာ သောက်သုံးပေးဖို့လိုအပ်ပါတယ်။

💥 Vitamin A

>> မျက်စိကျန်းမာရေးအတွက်အလွန်အထောက်အကူပြု
ပေးနိုင်တဲ့ Vitamin ဖြစ်ပြီး စားသုံးလိုက်တဲ့ အာဟာရတွေ
ကနေ လုံလုံလောက်လောက်ရလေ့ရှိပါတယ်။

💥 Vitamin D

>> ခန္ဓာကိုယ် ကိုယ်ခံစွမ်းအားစနစ်၊ အရိုးကျန်းမာရေးနဲ့
ဆဲလ်တွေဖွံ့ဖြိုးဖို့အတွက် အလွန်အရေးပါပါတယ်။

>> Vitamin D ကို Vit K , Magnesium တို့အတူသောက်သုံးပေးခြင်းဖြင့် ခန္ဓာကိုယ် အတွက်လိုအပ်တဲ့
ပမာဏကိုထိန်းထားနိုင်ပြီး စုပ်ယူနိုင်စွမ်းလည်း ပိုမြင့်မား
စေပါတယ်။

💥 Vitamin E

>> အစွမ်းထက် Antioxidant ဖြစ်ပြီး ခန္ဓာကိုယ် သွေး
လှည့်ပတ်စနစ်နဲ့ ကိုယ်ခံစွမ်းအား ကောင်းစေဖို့ အထောက်အကူပြုတယ်။

💥 Vitamin K

>> သွေးခဲခြင်း ၊ အရိုးကျန်းမာရေးနဲ့ နှလုံးကျန်းမာရေး
တို့အတွက် လိုအပ်တဲ့ Vitamin တစ်မျိုးဖြစ်ပါတယ်။

08/05/2023

💊 Vitamins Supplements လေးတွေဘယ်အချိန်
သောက်သင့်လဲ? ဘယ်လိုသောက်ရမလဲ? 💊 (အပိုင်း ၂)

💥 Vitamin B
>> ရေမှာပျော်ဝင်တဲ့ Vitamin ဖြစ်လို့ အစားစားပြီးဖြစ်
စေ / မစားခင်ဖြစ်စေ အဆင်ပြေသလို သောက်သုံးပေး
နိုင်ပါတယ်။

>> Vitamin B ဟာ ခန္ဓာကိုယ်ဇီဝဖြစ်စဥ်တွေနဲ့ စွမ်းအင်
ထုတ်လုပ်ပေးရာမှာ အထူးအရေးပါလို့ နံနက်စောစောပိုင်း အချိန်တွေမှာ ပိုမိုသောက်သုံးပေးသင့်ပါတယ်။

>> ဥပမာ- Vitamin B12 ချို့တဲ့သူတွေမှာ Vitamin B
Supplements လေးတွေကို အစားမစားသေးခင်ရေတဖန်ခွက်နဲ့ သောက်သုံးပေးခြင်းဖြင့် ခန္ဓာကိုယ်က လိုအပ်
တဲ့ Vitamin ပမာဏကို ပြည့်ပြည့်ဝဝစုပ်ယူ အသုံးချ
နိုင်မှာ ဖြစ်ပါတယ်။

💥 Vitamin C
>> ခန္ဓာကိုယ်အတွက်အလွန်အရေးကြီးတဲ့ အစွမ်းထက်
antioxidant vitamin တစ်မျိုးဖြစ်ပြီး ကိုယ်ခံစွမ်းအား
စနစ်နဲ့ အာရုံကြောအဖွဲ့အစည်းတွေ ဖွံ့ဖြိုးဖို့ အတွက်
အထောက်အကူပြုပါတယ်။ ဒါ့ပြင် Collagen တွေ
တည်ဆောက်ရေးမှာလည်း အရေးပါပါတယ်။

>> Vtamin C supplements လေးတွေကို ပုံစံအမျိုးမျိုး
နဲ့ ရရှိနိုင်ပါတယ်။
- Ascorbic acid
- Ascorbic acid with bioflavonoids
-Liposomal Viamin C
-Calcium Ascorbate တို့ဖြစ်ကြပါတယ်။

>> Vitamin C ကို တနေ့တာရဲ့ အဆင်ပြေတဲ့အချိန်တွေမှာ သောက်သုံးပေးလို့ရပြီး ascorbic acid ပါဝင်တဲ့
Supplement လေးတွေကိုတော့ အစားစားပြီးသောက်သုံး
ပေးခြင်းဖြင့် အစာအိမ်နဲ့ အူလမ်းကြောင်းတလျှောက်
acid ဓာတ်မြင့်တက်လာခြင်းကိုလည်း ကာကွယ်ပေးနိုင်မှာ ဖြစ်ပါတယ်။

>> မြင့်မားတဲ့အပူရှိန်နဲ့ အလင်းရောင်ဟာ Vitamin C ရဲ့
အာနိသင်ကို ထိခိုက်ပျက်စီးစေနိုင်တာ ကြောင့် အေးပြီး
ခြောက်သွေ့တဲ့ ၊ အလင်းတိုက်ရိုက်မထိတဲ့နေရာတွေမှာ
သိုလှောင်သိမ်းဆည်းသင့်ပါတယ်။

>> ပိုလျှံတဲ့ Vitamin C ကိုခန္ဓာကိုယ်က စွန့်ထုတ်ရတာ
ဖြစ်လို့ တနေ့တာ အတွက် Vitamin C 1000 mg ပမာဏ
အတွင်းမှာသာ သောက်သုံးပေးသင့်ပါတယ်။
(ဆက်လက်ဖော်ပြပါမည်။)

05/05/2023

💊 Vitamins Supplements လေးတွေဘယ်အချိန်သောက်သင့်လဲ? ဘယ်လိုသောက်ရ
မလဲ? 💊

>> ကျန်းမာသန်စွမ်းတဲ့ ခန္ဓာကိုယ်ဟာ လုပ်ငန်းဆောင်တာတွေကို ပုံမှန်အလုပ်လုပ်နိုင်ဖို့ Vitamin လို့ခေါ်တဲ့သက်စောင့်ဓာတ် (13)မျိုး
လိုအပ်ပါတယ်။ (9) မျိုးကတော့ရေမှာပျော်ဝင်နိုင်တဲ့ Vitamin တွေဖြစ်ပြီးကျန်တဲ့ (4)မျိုးကတော့ အဆီမှာပျော်ဝင်နိုင်တဲ့ Vitamin
တွေဖြစ်ပါတယ်။

>> ခန္ဓာကိုယ်ကလိုအပ်တဲ့ Vitamins တွေကို နေ့စဥ်ပုံမှန်စားသောက်နေတဲ့ အစားအစာတွေကနေအများဆုံး ရရှိနိုင်ပြီး အချို့သူတွေ
ကတော့ လိုအပ်တဲ့ပမာဏကိုရရှိနိုင်ဖို့ Supplements လို့ခေါ်တဲ့ ဖြည့်စွက်စာတွေကို သောက်သုံးပေးဖို့ လိုအပ်ပါတယ်။

>> ပုံမှန်အားဖြင့် Vitamin supplements အများစုဟာ အဆင်ပြေတဲ့အချိန်မှာ သောက်သုံးပေးလို့ရပြီး အချို့ Vitamins တွေကတော့
ခန္ဓာကိုယ်က အကောင်းဆုံးစုပ်ယူအသုံးချနိုင်ဖို့ လိုအပ်တဲ့အခြေအနေတွေရှိတာကြောင့် မှန်ကန်ကောင်းမွန်တဲ့ပုံစံနဲ့အချိန်တို့မှာ သောက်သုံး ပေးဖို့လိုအပ်ပါတယ်။

>> ရေမှာပျော်ဝင်နိုင်တဲ့ Vitamin များ (Water soluble vitamins)
-Vitamin C နဲ့
-Vitamin B complex လို့ခေါ်တဲ့ Vit B အုပ်စုဝင်တွေဖြစ်ကြတဲ့
(1).Vitamin B1(Thiamine)
(2).Vitamin B2 (Riboflavin)
(3).Vitamin B3 (Niacin)
(4).Vitamin B5 (Pantothenic acid)
(5).Vitamin B6 (Pyridoxine)
(6).Vitamin B7 (Biotin)
(7).Vitamin B9 (Folic acid)
(8).Vitamin B12 (Cobalamin) - တို့ဖြစ်ကြပါတယ်။

>> ရေမှာပျော်ဝင်နိုင်တဲ့ Vitamins တွေဟာ ခန္ဓာကိုယ်မှာသိုလှောင်သိမ်းဆည်းထားနိုင်စွမ်း မရှိတဲ့အတွက် ပုံမှန်စားသုံးပေးခြင်း၊
ပုံမှန်သောက်သုံးပေးခြင်း တို့ကိုပြုလုပ်ပေးဖို့ အထူးလိုအပ်ပါတယ်။ ခန္ဓာကိုယ်ကပိုလျှံလာတဲ့ Vitamins တွေလည်း ဆီးလမ်းကြောင်းကနေအလွယ်တကူစွန့်ထုတ်ပေးပါတယ်။
(ဆက်လက်ဖော်ပြပါမည်)

01/05/2023

♻️ G6PD ချို့တဲ့ရောဂါ (G6PD Deficiency) - ၂ ♻️

>> G6PD ချို့တဲ့ခြင်းဟာ မွေးရာပါရောဂါတစ်ခုဖြစ်ပြီး
မျိုးရိုးဗီဇဆိုင်ရာချို့ယွင်းမှုကြောင့်ဖြစ်လို့ ပျောက်ကင်း
အောင် ကုသလို့မရနိုင်ပါဘူး။ G6PD ချို့တဲ့ခြင်းဟာ
ကူးစက်တတ်တဲ့ရောဂါတစ်ခုလည်းမဟုတ်ပါဘူး။

>> G6PD ရောဂါရှိတဲ့ ကလေးငယ်တွေရဲ့ မိဘအုပ်ထိန်းသူတွေဟာ ကလေးတွေနဲ့ မတည့်တဲ့ အစား
အစာ၊ဆေးဝါး၊အသုံးအဆောင် တွေကိုသေချာမှတ်သားထားပြီး ရှောင်ကြဥ်စေခြင်းဖြင့် ကာကွယ်မှုပေးနိုင်ရင်
သာမန်ကလေးငယ်တွေလို နေထိုင်သွားနိုင်မှာလည်း
ဖြစ်ပါတယ်။

🚫 အထူးသတိပြု ရှောင်ကြဥ်ရမယ့် အရာများ 🚫

❗️ကူးစက်ရောဂါတွေဖြစ်ပွါးစေနိုင်တဲ့ ဗိုင်းရပ်စ်နဲ့ ဘက်
တီးရီးယားပိုးများ၊

❗️အချို့သော အကိုက်အခဲပျောက်ဆေးများနှင့်ကိုယ်ပူ
ကျဆေးများ

❗️ပိုးသတ်ဆေးများ ( အများအားဖြင့်ဆေးနာမည်တွင်
'' Sulf '' ပါသောဆေးများ)
->Sulphonamides
->Co-trimoxazole (Septrin)
->Dapsone
->Chloramphenicol
->Nitrofurantoin
->Nalidixic acid

❗️ငှက်ဖျားရောဂါကုဆေးများ
->Chloroquine
->Hydroxy chloroquine
->Primaquine
->Quinine
->Mepacrime

❗️အခြားဆေးများ
->Methyldopa
->Vitamin (Large Doses)
->Some anti-cancer drugs

❗️အစားအစာ
->Fava beans (တောင်ကြီးပဲ)

❗️အသုံးအဆောင်များ
->ပရုတ်လုံးနှင် ပရုတ်ပါသောအသုံးအဆောင်များ

‼️ Iron နဲ့ သံဓာတ်ပါတဲ့ Vitaminအားဆေးလေးတွေကိုတော့ သက်ဆိုင်ရာဆရာဝန်နဲ့တိုင်ပင်ပြီးတော့မှသာ တိုက်
ကျွေးသင့်ပါတယ်။

29/04/2023

♻️ G6PD ချို့တဲ့ရောဂါ (G6PD Deficiency) ♻️

>> G6PD ဆိုတာ (Glucose 6 Phosphate Dehydrogenase) လို့ခေါ်တဲ့ enzyme တစ်မျိုးဖြစ်ပြီး
သွေးနီဥလေးတွေကို ဓာတ်တိုးပျက်စီးမှု အန္တရာယ်ကနေ
ကာကွယ်ပေးတဲ့ အလွန်အရေးပါတဲ့ ဓာတုပစ္စည်းဖြစ်ပါတယ်။

>> သာမန်ကျန်းမာသူတွေမှာ G6PD ပမာဏလုံလောက်စွာ ပါဝင်ပြီး G6PD Deficiency ဖြစ်နေသူတွေ
မှာတော့ ပမာဏလျော့နည်းနေတတ်ပါတယ်။ G6PD ချို့
တဲ့ခြင်းဟာ မျိုးရိုးလိုက်လက်ဆင့်ကမ်းဖြစ်ပွါးတတ်တဲ့
ရောဂါတစ်ခုဖြစ်ပြီး မျိုးရိုးဗီဇဆိုင်ရာချို့ယွင်းမှု (Gene
mutation) ကြောင့်ဖြစ်ကာ ယောင်္ကျားလေးတွေမှာ အဖြစ်များပါတယ်။

>> G6PD ချို့တဲ့သူအများစုဟာ သာမာန်အချိန်တွေမှာ
လက္ခဏာပြလေ့မရှိဘဲ ဓာတ်မတည့်ခြင်းကိုဖြစ်စေတတ်
တဲ့ (အစားအသောက်၊ဆေးဝါး၊ ရောဂါပိုးကူးစက်ခံရခြင်း၊အသုံးအဆောင်) စတာတွေနဲ့ ထိတွေ့မိတဲ့အခါ ရောဂါလက္ခဏာတွေပေါ်လာတတ်ပါတယ်။

>> ဓာတ်မတည့်မှုကိုဖြစ်စေတဲ့အရာတွေကြောင့် G6PD
ချို့တဲ့သူတွေရဲ့ Oxygen ကိုသယ်ဆောင်ထားတဲ့ သွေးနီဥ
လေးတွေဟာ အလွယ်တကူပေါက်ကွဲပြီး ပျက်စီးဆုံးရှုံးရပါတယ်။ အကျိုးဆက်အနေနဲ့ သွေးအားနည်းခြင်း၊ မောပန်းလွယ်ခြင်း၊ နုံးခြင်းတို့ ခံစားရပါတယ်။ သွေးနီဥ
လေးတွေအလွန်အမင်းပျက်စီးလာတဲ့အခါ ထွက်ပေါ်လာတဲ့ ဘေးထွက်ပစ္စည်းတွေကြောင့် Jaundice လို့ခေါ်တဲ့
အသားဝါခြင်း/ မျက်စိဝါခြင်း တို့ဖြစ်လာနိုင်ပါတယ်။

👉 G6PD ချို့တဲ့သူအများစု ခံစားရလေ့ရှိတဲ့လက္ခဏာ
တွေကတော့
-> အသားအရေဖြူဖပ်ဖြူရော်ဖြစ်ခြင်း (သွေးအားနည်း)
-> အလွယ်တကူ မောပန်းခ်ြင်း/ မူးဝေခြင်း
-> နှလုံးခုန်မြန်ခြင်း
-> အသက်ရှုမြန်ခြင်း/ အသက်ရှုမဝခြင်း
-> မျက်လုံး/ အသားဝါခြင်း
-> ဆီးအရောင်ရင့်ခြင်း
-> အလွယ်တကူ ဖျားနာတတ်ခြင်း
-> ဘေလုံး (Spleen) ကြီးလာခြင်း တို့ဖြစ်ပါတယ်။

(ဆက်လက်ဖော်ပြပါမည်...)

14/03/2023

🍀🍀 Natural Detox 🍀🍀

🍵🍵 Green tea (လက်ဖက်စိမ်း) 🍵🍵

>> Green tea (လက်ဖက်စိမ်း) ဟာ ခန္ဓာကိုယ်အတွက်
အလွန်အစွမ်းထက်တဲ့ သဘာဝ Super Detox တစ်မျိုးပဲ
ဖြစ်ပါတယ်။ Green tea ကို နံနက်စောစောပိုင်းတွေနဲ့
နေ့လည်စာစားပြီး (၁-၂) နာရီအတွင်း တစ်နေ့ကို (၂-၃)
ခွက်ခန့် ပုံမှန်သောက်သုံးပေးခြင်းဖြင့် အကျိုးကျေးဇူး
များစွာ ရရှိမှာဖြစ်ပါတယ်။

✅ ခန္ဓာကိုယ် အတွက်အလွန်အကျိုးပြုတဲ့ Polypheols
အုပ်စုဝင် Antioxidants တွေအများအပြားပါဝင်ပါတယ်။

✅ ခန္ဓာကိုယ်တွင်း အဆီတွေကိုလောင်ကျွမ်းစေဖို့ အ
ထောက်အကူပြုပါတယ်။

✅ စိတ်ဖိစီးမှုကိုလျော့ချပေးနိုင်ပြီး ဦးနှောက်မှတ်ဉာဏ်
စွမ်းအားကို ကောင်းစေတယ်။

✅ သွေးပေါင်ကျစေပြီး နှလုံးကျန်းမာရေးကောင်းစေတယ်။

✅ အဆစ်အမြစ်ရောင်ခြင်းကို ကာကွယ်ပေးနိုင်ပြီး
အရိုးအဆစ်တွေကျန်းမာရေးအတွက် အထောက်အကူ
ပြုတယ်။

✅ ကိုယ်ခံစွမ်းအားကိုမြှင့်တင်ပေးနိုင်ပြီး တုပ်ကွေးဖျား
နာခြင်းများမှ ကာကွယ်ပေးနိုင်တယ်။

✅ ရေဓာတ်ဆုံးရှုံးခြင်းကိုလည်း ပြန်လည်ဖြည့်တင်းပေး
နိုင်ပါတယ်။

✅ သွားနှင့်ခံတွင်း ကျန်းမာရေးကိုလည်းကောင်းစေပြီး
ခံတွင်းအနံ့ဆိုးခြင်းမှ ကာကွယ်ပေးနိုင်တယ်။

✅ အဆုတ်ကျန်းမာရေးကို အထောက်အကူပြုပြီး
ဆေးလိပ်သောက်သုံးခြင်းကြောင့် အဆုတ်ကျန်းမာရေး
ထိခိုက်ခြင်းမှလည်း လျော့နည်းသက်သာစေတယ်။

✅ အရက်သောက်ခြင်း၊ အသည်းရောင်အသားဝါပိုး
ကူးစက်ခြင်းတို့ကြောင့် အသည်းထိခိုက်ခြင်းကိုလည်း
လျော့နည်း သက်သာစေတယ်။

11/03/2023

☀️☀️ ရာသီဥတု သိသိသာသာပူလာတဲ့အတွက် သတိထားသင့်တာလေးတွေကို မျှဝေပေးလိုက်ပါတယ်။

✅ Sunscreen လိမ်းပေးပါ..
နေရောင်ခြည်မှာပါတဲ့ လူကိုအန္တရာယ်ဖြစ်စေတဲ့ UV
rays တွေကိုကာကွယ်နိုင်ဖို့ Sunscreen လိမ်းပေးဖို့လိုအပ်ပါတယ်။ Sunscreen က UV rays တွေအသားထဲ
စိမ့်ဝင်မှုကို လျော့နည်းသက်သာစေပါတယ်။

✅ သက်တောင့်သက်သာဖြစ်စေမယ့် အဝတ်အစားတွေ
ဝတ်ပါ..
အနက်ရောင် ရှိတဲ့အဝတ်အစားတွေဝတ်ခြင်းမှ
ရှောင်ပါ။ အရောင်ဖျော့ပြီးပေါ့ပေါ့ပါးပါးနဲ့ သက်တောင့်
သက်သာဖြစ်စေမယ့် အဝတ်အစားတွေကိုဝတ်ပါ။ ဦးထုပ်/ ထီး ဆောင်းပါ။ ခန္ဓာကိုယ်ကို နေရောင်ခြည်
တိုက်ရိုက်ထိခြင်းမှ တတ်နိုင်သမျှ ရှောင်ပါ။

✅ ရေများများသောက်ပါ..
တနေ့ကို ရေ အနည်းဆုံး (၈)ဖန်ခွက် သောက်ပါ။
သဘာဝသစ်သီးဖျော်ရည်၊ အရွက်ဖျော်ရည်တို့ကို
အလျင်းသင့်သလိုသောက်ပေးပါ။

✅ ကိုယ်လက်လှုပ်ရှားမှု မလုပ်ခင် ရေကိုကြိုသောက်
ထားပါ..
ပြင်းထန်တဲ့ကိုယ်လက်လှုပ်ရှားမှုတွေလုပ်တဲ့အခါ
ရေဓာတ်ဆုံးရှုံးမှုတွေ ဖြစ်နိုင်လို့ ကြိုတင်ကာကွယ်တဲ့
အနေနဲ့ ရေများများသောက်ပေးဖို့လိုအပ်ပါတယ်။

✅ ကိုယ်လက်လှုပ်ရှားမှု လုပ်နေစဥ်မှာရေဓာတ်ဖြည့်ပါ..
ကိုယ်လက်လှုပ်ရှားမှုပြုလုပ်ပြီးလို့ မိနစ် (၂၀) ကြာတိုင်း ရေ/အရည် (၈) အောင်စခန့်သောက်ပေးဖို့ လိုပါတယ်။

✅ နေပူထဲထွက်ပြီးအလုပ်လုပ်ရမယ့် အချိန်တွေကို
စီမံခန့်ခွဲပါ။
UV ညွှန်းကိန်းမြင့်တဲ့ အချိန်တွေဖြစ်တဲ့ နံနက်(၁၀)
နာရီမှ ညနေ(၄)နာရီ အတွင်းနေရောင်ခြည်နဲ့တိုက်ရိုက်
ထိတွေ့ခြင်းမှ တတ်နိုင်သလောက်ရှောင်ကြဥ်ပါ။

‼️ ဆီး အရောင်ကိုသတိပြုပေးပါ..
ဆီး အရောင်ရင့်လာခြင်းဟာ ရေဓာတ်ခန်းခြောက်
ခြင်းကိုပြတဲ့ လက္ခဏာဖြစ်လို့ သတိထားပေးဖို့လိုပါတယ်။

❌ အရက်နဲ့ ကဖင်းဓာတ်ပါတဲ့ဖျော်ရည်တွေသောက်သုံးခြင်းမှ ရှောင်ပါ။
အရက်နဲ့ ကဖင်းဓာတ်ပါတဲ့ဖျော်ရည်တွေဟာ ရေဓာတ်ခန်းခြောက်ခြင်းကို ဖြစ်စေတဲ့အတွက် ပူပြင်းတဲ့
ရာသီဥတုမှာ သတိထားပြီးသောက်သုံးသင့်ပါတယ်။

❗️အပူဒဏ်ရဲ့သက်ရောက်မှုကို အများဆုံးခံစားရသူတွေ
ဖြစ်တဲ့
- မွေးကင်းစကလေးတွေ
- ကလေးသူငယ်တွေ
- သက်ကြီးရွယ်အိုတွေ နဲ့
- နာတာရှည်ဝေဒနာ ခံစားနေရသူတွေဟာ အထူးဂရုပြုပြီးနေထိုင်သင့်ပါတယ်။

01/03/2023

♦️♦️ Lysine For Children ♦️♦️

>> Lysine ဆိုတာခန္ဓာကိုယ်အတွက် မရှိမဖြစ်အရေးပါတဲ့ Amino acid တစ်မျိုးပဲဖြစ်ပါတယ်။

>> Lysine ကိုခန္ဓာကိုယ်ကသဘာဝအတိုင်းထုတ်မပေးနိုင်တာကြောင့် Lysine ကြွယ်ဝတဲ့အစားအသောက်တွေနဲ့
ဖြည့်စွက်စာတွေကိုလုံလုံလောက်လောက်စားသုံးပေးဖို့
လိုအပ်ပါတယ်။

>> Lysine ဟာကလေးငယ်တွေ ဖွံဖြိုးကြီးထွားဖို့အတွက်
အဓိကလိုအပ်တဲ့ Protein(အသားဓာတ်ရဲ့)အစိတ်အပိုင်းတစ်ခုလည်းဖြစ်ပါတယ်။

>> အရိုးနဲ့ သွားတွေကို သန်မာစေဖို့အထူးလိုအပ်တဲ့
Calcium ဓာတ်ကိုစုပ်ယူရာမှာလည်း အဓိကပါဝင်လို့
အရပ်ရှည်ဖို့အတွက် အလွန်အထောက်အကူပြုပါတယ်။

>> ဒါ့ပြင် သံဓာတ်နဲ့သွပ်ဓာတ်စုပ်ယူမှု၊ collagenထုတ်
လုပ်မှုတွေမှာလည်းပါဝင်တယ်။

>> ကိုယ်ခံစွမ်းအားကိုလည်းကောင်းမွန်စေတယ်။

>> ကလေးငယ်တွေမှာ Lysine ချို့တဲ့လာတဲ့အခါ
💥 အစားကောင်းကောင်းမစားတာ
💥 ဖွံ့ဖြိုးကြီးထွားမှုနှေးတာ
💥 မကြာခဏပျို့အန်တတ်တာ
💥 ဆံပင်ပါးတာ
💥 အာရုံစူးစိုက်မှုလျော့နည်းတတ်တာ
💥 သွေးအားနည်းတာ စတဲ့ လက္ခဏာတွေကိုခံစားရတတ်ပါတယ်။

>> ဒါကြောင့် ကျန်းမာသန်စွမ်းတဲ့ ကလေးငယ်
တစ်ယောက်ဖြစ်ဖို့မိဘတွေအနေနဲ့ Lysine ကြွယ်ဝတဲ့ အ
စားအသောက်တွေကို ပုံမှန်ကျွေးပေးဖို့ လိုအပ်ပါတယ်။

>> Lysine ကြွယ်ဝတဲ့အစားအသောက်တွေကတော့
Protein ဓာတ်များတဲ့အစားအစာတွေဖြစ်တဲ့
🔹 အနီရောင်ရှိတဲ့ အသားတွေ
🔹 ဒိန်ခဲ
🔹 ပင်လယ်ငါး၊ ဆာဒင်းငါး
🔹 ဥအမျိုးမျိုးနဲ့
🔹 ပဲအမျိုးမျိုး၊ တိုဟူး၊ ပဲပုပ် - တို့ပဲဖြစ်ကြပါတယ်။

27/02/2023

♦️♦️ ဘေဘီလေးတွေကို အပတ်စဉ်ကျွေးသင့်တဲ့ အာဟာရ (၅) မျိုး ♦️♦️

>> Yoghurt (ဒိန်ချဥ်) - နို့ထွက်ပစ္စည်းတစ်မျိုးဖြစ်ပြီး
ကလေးငယ်လေးတွေရဲ့ အရိုးနဲ့သွားများ ဖွံ့ဖြိုးဖို့ အဓိက
လိုအပ်တဲ့ Calcium ကိုအကောင်းဆုံးဖြည့်ဆည်းပေးနိုင်တယ်။ Protein ဓာတ်လည်းကြွယ်ဝတယ်။ အစာကိုလည်းကြေညက်စေပြီးအူလမ်းတလျှောက်အကျိုးပြု
ပိုး(Probiotic) လေးတွေကိုလည်းထုတ်ပေးနိုင်တဲ့ အာဟာရတစ်မျိုးပဲဖြစ်ပါတယ်။

>> Omega 3 ကြွယ်ဝတဲ့ငါးများ - ကလေးငယ်တွေရဲ့
ဦးနှောက်အာရုံခံနိုင်စွမ်း၊ မှတ်ဉာဏ်စွမ်းအားနဲ့ လေ့လာ
သင်ယူနိုင်စွမ်းတွေအတွက်အလွန်အရေးပါတဲ့ Omega 3
Fatty acid ကို ဆဲယ်လ်မွန်ငါး၊ ဆာဒင်းငါးနဲ့ မက်ကရယ်ငါး (ငါးသေတ္တာငါး) တို့ကနေ ကြွယ်ဝစွာရရှိနိုင်
တယ်။ ဒါ့ပြင် အာရုံစူးစိုက်နိုင်မှုနည်းတဲ့ ရောဂါလက္ခဏာစုတွေကိုလည်း သက်သာစေနိုင်တယ်။

>> Oats (အုတ်ဂျုံ) - ကာဗိုဟိုက်ဒရိတ်နဲ့ အမျှင်ဓာတ်
ကြွယ်ဝပြီးကလေးတွေအတွကိလိုအပ်တဲ့ စွမ်းအင်ကို
ထုတ်ပေးနိုင်တယ်။ ဝမ်းချုပ်ခြင်းကို ကာကွယ်ပေးတယ်။ Vitamin B1, vitamin B3, maganese နဲ့ selenium
ဓာတ်တို့လည်းကြွယ်ဝစွာပါဝင်တယ်။

>> Carrots (မုန်လာဥနီ)- ကလေးတွေရဲ့ အမြင်အာရုံအတွက်အလွန်အရေးပါတဲ့ Beta carotene ကြွယ်ဝပြီး
ကြက်မျက်သင့်တာ၊ အမြင်အာရုံအားနည်းတာတွေကို ထိထိရောက်ရောက် ကာကွယ်ပေးနိုင်တယ်။

>> Banana (ငှက်ပျောသီး)- ကြွက်သားတွေနဲ့အာရုံကြောတွေ ကျန်းမာဖွံ့ဖြိုးဖို့ အရေးပါတဲ့ Potassium
ဓာတ်ကိုဖြည့်ဆည်းပေးနိုင်ပြီး ဝမ်းပျက်ဝမ်းလျောခြင်း၊
ဝမ်းချုပ်ခြင်းတို့မှလည်း ကာကွယ်ပေးနိုင်တယ်။

Ref : Your Pregnancy & Baby magazine (SA 1/23)
Photo- google

19/02/2023

🍀🍀 Super Detox Foods 🍀🍀

🍅🍅 Tomatoes (ခရမ်းချဥ်သီး) 🍅🍅

>> Beta-carotene, Vitamin C နဲ့ Lycopene တို့ကြွယ်ဝ
စွာပါဝင်ပြီး ကျန်းမာရေးအတွက် အလွန်အထောက်အကူ
ပြုလို့ " Superstar of medicinal food "လို့တင်စားခေါ်
ဝေါ်ကြပါတယ်။

>> Lycopene နဲ့တခြား antioxidant တွေအများအပြားပါဝင်ပြီး ကင်ဆာရောဂါဖြစ်ခြင်းမှ ကာကွယ်ပေးတယ်။
ဆီးကျိတ်ကင်ဆာနဲ့ ရင်သားကင်ဆာတွေဖြစ်ပွါးမှုကို
သိသိသာသာလျှော့ချပေးနိုင်တယ်။ မျက်စိကျန်းမာရေး
ကို အထောက်အကူပြုတယ်။

>> Potassium လည်းကြွယ်ဝပြီး ခန္ဓာကိုယ်ရေဓာတ်ကို
ထိန်းညှိပေးတယ်။

>> Glutathione ပါဝင်ပြီး ခန္ဓာကိုယ်တွင်းရှိ အဆီတွေမှာ
ပျော်ဝင်နေတဲ့ အဆိပ်အတောက်တွေကို ဖယ်ရှားသန့်စင်ပေးနိုင်တဲ့ အစွမ်း (Detox) လည်းရှိတယ်။

>> Vitamin C , Viamin E တို့ပါဝင်မှုပမာဏမြင့်မားပြီး
နှလုံးကျန်းမာရေးအတွက်အလွန်အထောက်အကူပြုတယ်။ နှလုံးသေးကြောရောဂါတွေကို ကာကွယ်ပေးနိုင်တယ်။

>> Chlorine ဓာတ်လည်းပါဝင်ပြီး အသည်းတွင်းမှ အဆိပ်အတောက် တွေကိုဖယ်ရှားသန့်စင်ပေးနိုင်တယ်။
အရေပြားကိုတင်းရင်းလှပစေရုံမက ကိုယ်ခံစွမ်းအားကို
လည်းမြှင့်တင်ပေးနိုင်ပါတယ်။

17/02/2023

🍀🍀 Super Detox Foods 🍀🍀

❤️❤️ Turmeric ( နနွင်း/ဆနွင်း) ❤️❤️

>> ခန္ဓာကိုယ်အတွက်အလွန်အစွမ်းထက်တဲ့ antioxidant
Curcumin ဓာတ်ပါဝင်ပြီး အဆစ်အမြစ်ရောင်ခြင်း၊အစာ
အိမ်နဲ့အူလမ်းကြောင်းတလျှောက်မှာဖြစ်တတ်တဲ့ ရောင်
ရမ်းခြင်းတွေကို သက်သာပျောက်ကင်းစေနိုင်တယ်။

>> ဆီးချိုးရောဂါအမှတ် (၂) (Types 2 Diabetes)ကို
ကာကွယ်ပေးနိုင်တယ်။ သွေးကြောတလျှောက်သွေးခဲလေးတွေဖြစ်ပေါ်ခြင်းကိုထိထိရောက်ရောက်ကာကွယ်
ပေးနိုင်ပြီး နှလုံးသွေးကြောကျဥ်းခြင်း၊ ရုတ်တရက်
လေဖြတ်ခြင်းတို့ကို ကာကွယ်ပေးနိုင်တယ်။ခန္ဓာကိုယ်
ကို အန္တရယ်ဖြစ်စေနိုင်တဲ့ ကိုလက်စထရော (LDL
cholesterol)တွေကို လျှော့ချပေးနိုင်တယ်။

>> ဦးနှောက်ဆဲလ်တွေကိုရောင်ရမ်းစေတတ်တဲ့ အဆိပ်
အတောက်တွေကိုလည်း ဖယ်ရှားသန့်စင်ပေးနိုင်ပြီး
အယ်ဇိုင်းမားရောဂါ (Alzimer)ဖြစ်ခြင်းမှလည်း ကာကွယ်ပေးနိုင်တယ်။ မှတ်ဉာဏ်စွမ်းအားကို ကောင်းစေတယ်။

>> ကင်ဆာရောဂါဖြစ်နိုင်ချေကိုလျှော့ချပေးပြီး
ကင်ဆာဆဲလ်များပြန့်ပွါးခြင်း၊ ကြီးထွားခြင်းတွေကို
သက်သာစေတယ်။

>> ကိုယ်ခံစွမ်းအားကိုမြှင့်တင်ပေးနိုင်ပြီး တုပ်ကွေးဖျားနာကူးစက်ရောဂါတွေကိုလည်း လျင်မြန်စွာသက်သာ
ပျောက်ကင်းစေနိုင်တယ်။

>> အမျိုးသမီးများဓမ္မတာလာခါနီးခံစားရတတ်တဲ့ နာကျင်ကိုက်ခဲတာတွေကိုလည်း သက်သာစေတယ်။

>> ခေါင်းတခြမ်းကိုက်ခြင်း (Migraines) ကိုလည်း
သက်သာပျောက်ကင်းစေနိုင်တယ်။

15/02/2023

🍀🍀 Super Detox Foods 🍀🍀

🍍🍍 Pineapple (နာနတ်သီး) 🍍🍍

>> Protein (အသားဓာတ်)ကိုချေဖျက်ပေးနိုင်တဲ့ အလွန်
အစွမ်းထက်တဲ့ အစာချေအင်ဇိုင်းတစ်မျိုးဖြစ်တဲ့
Bromelain ကြွယ်ဝစွာပါဝင်ပြီး အူလမ်းကြောင်းတလျှောက်ဖြစ်ပွါးတတ်တဲ့ ရောင်ရမ်းခြင်းတွေကို အထူးသက်သာစေပါတယ်။ ဗိုက်နာခြင်း၊ ဝမ်းပျက်ဝမ်းလျောခြင်း၊ လေပွခြင်းနဲ့ ရေဓာတ်ခန်းခြောက်ခြင်းတို့ကိုလည်း
သက်သာစေနိုင်တယ်။ အမျှင်ဓာတ်လည်းကြွယ်ဝပြီး ဝမ်းချုပ်ခြင်းမှလည်း ကာကွယ်ပေးနိုင်တယ်။

>> ကင်ဆာရောဂါအမျိုးမျိုးဖြစ်ပွါးခြင်းမှလည်း ကာကွယ်ပေးနိုင်ပြီး အထူးသဖြင့် အူမကြီးကင်ဆာကို ကာ
ကွယ်ပေးနိုင်တဲ့ အလွန်အစွမ်းထက်တဲ့ သဘာဝသစ်သီး
တစ်မျိုးလည်းဖြစ်တယ်။

>> Maganese ဓာတ်ကြွယ်ဝပြီး အမျိုးသားများ သန္ဓေ
အောင်ဖို့အထောက်အကူပြုပြီး သားသမီးရနိုင်ချေကို
မြင့်မားစေတယ်။

>> Bromelain ရဲ့ရောင်ရမ်းခြင်းကိုသက်သာစေတဲ့ အစွမ်းကြောင့် အဆစ်အမြစ်ရောင်ခြင်း၊ကြွက်သားများ
ရောင်ရမ်းနာကျင်တို့ကိုအထူးသက်သာစေနိုင်ပါတယ်။
အားကစားသမားတွေမှာဖြစ်တတ်တဲ့ ထိခိုက်ဒဏ်ရာ
ရရှိမှုတွေကိုလည်း လျင်မြန်စွာသက်သာပျောက်ကင်းစေနိုင်တယ်။

>> သွေးကျဲစေတဲ့အစွမ်းလည်းရှိပြီး နှလုံးသွေးကြောကျဥ်းခြင်း၊ သွေးကြောပိတ်ခြင်းနဲ့ ရုတ်တရက်လေဖြတ်
ခြင်းတို့မှလည်း ကာကွယ်ပေးနိုင်တယ်။

13/02/2023

🍀🍀 Super Detox Foods 🍀🍀

♦️♦️ Papaya (သင်္ဘောသီး) ♦️♦️

>> စားသုံးလိုက်တဲ့အစားအစာတွေနဲ့ အသားဓာတ်
(Protein)ကို အဓိကချေဖျက်ပေးနိုင်တဲ့ အစာချေ
အင်ဇိုင်း(Enzymes)တွေဖြစ်တဲ့ Papain နဲ့ Chymon-
papain တို့ကြွယ်ဝစွာပါဝင်ကြတယ်။ အမျှင်ဓာတ်လည်း
ကြွယ်ဝပြီး ဝမ်းချုပ်ခြင်းကို ကာကွယ်ပေးနိုင်တယ်။
အနာကျက်မြန်စေတယ်။ အစာအိမ်အနာဖြစ်တာတွေကိုလည်း ကာကွယ်ပေးပါတယ်။

>> သင်္ဘောသီးစေ့မှာ ကပ်ပါးပိုးတွေကိုသေစေနိုင်တဲ့
အလွန်အစွမ်းထက်တဲ့ Piperazine ဓာတ်တစ်မျိုးပါဝင်ပြီး ဝမ်းပျက်ဝမ်းလျှောဖြစ်စေတဲ့ ပိုးတွေကိုလည်း
သေစေနိုင်တယ်။ အသည်းကျန်းမာရေးကိုလည်း အထောက်အကူပြုတယ်။ အူလမ်းကြောင်းတလျှောက်
မှာရှိတဲ့ သံကောင်၊ ကပ်ပါးကောင်တွေကို ဖယ်ရှားပေးနိုင်
တယ်။

>> Potassium သတ္တုဓာတ်ကြွယ်ဝစွာပါဝင်ပြီး ခန္ဓာကိုယ်တွင်းမှ ဆိုဒီယမ်တွေကို ဆီးမှတဆင့်စွန့်ထုတ်
ဖို့ကူညီပေးလို့ သွေးတိုးရောဂါကို ကာကွယ်ပေးနိုင်တယ်။
မကောင်းတဲ့ ကိုလက်စထရောတွေ (LDL cholesterol)
တွေကိုလျှော့ချပေးနိုင်တယ်။

>> အစာအိမ်နဲ့ အူလမ်းကြောင်းကင်ဆာရောဂါတွေ
ဖြစ်နိုငိချေကိုလျှော့ချပေးနိုင်တယ်။ အာဟာရဓာတ်တွေ
ပြည့်စုံစွာပါဝင်လို့ ကိုယ်ခံစွမ်းအားကိုတက်စေတယ်။
အသားအရေကို စိုပြည်လှပစေတယ်။

>> အဝါရောင်အစွမ်းထက် antioxidant တစ်မျိုးဖြစ်တဲ့
beta-carotene အဓိကပါဝင်ပြီး မျက်စိအမြင်အာရုံအ
တွက်အထူးလိုအပ်တဲ့ Vitamin Aကိုထုတ်လုပ်ပေးနိုင်
တယ်။ အသက်အရွယ်ကြီးရင့်ခြင်းကြောင့်ဖြစ်တဲ့ အမြင်
အာရုံချို့တဲ့ခြင်း၊ ရေတိမ်ရောဂါ၊ အတွင်းတိမ်ရောဂါနဲ့
ကြက်မျက်သင့်ရောဂါဖြစ်ပွါးတာတွေကိုလည်း ကာကွယ်ပေးနိုင်တယ်။

11/02/2023

🍀🍀 Super Detox Foods 🍀🍀

🧅🧅 Onions (ကြက်သွန်နီ) 🧅🧅

>> Sulphur ဓာတ်ပေါင်းတွေဖြစ်ကြတဲ့thiosulphinates,
sulphides နဲ့ sulphoxides တို့ကြွယ်ဝစွာပါဝင်ပြီး ဘက်တီးရီးယားပိုးတွေကိုသေစေနိုင်တဲ့အစွမ်း (anti-
bacterial) နဲ့ ဗိုင်းရပ်စ်ပိုးတွေကို သေစေနိုင်တဲ့အစွမ်း
(antiviral)တို့ရှိတယ်။

>> နှလုံးကျန်းမာကိုအလွန်အထောက်အကူပေးတဲ့
quercetin ဓာတ်ပါဝင်ပြီး သွေးခဲတာ၊ သွေးကြောနံရံတွေ
မာတာတွေကိုလည်းကာကွယ်ပေးနိုင်တယ်။ ခန္ဓာကိုယ် ကိုအကျိုးပြုတဲ့ ကိုလက်စထရော (HDL cholesterol )
ပမာဏကိုမြင့်တက်စေဖို့ ကူညီပေးတယ်။

>> Inulinလို့ခေါ်တဲ့အမျှင်ဓာတ်ပါဝင်ပြီးအူလမ်းကြောင်း
ကိုအကျိုးပြုတဲ့ဘက်တီးရီးယားလေးတွေအတွက် လိုအပ်တဲ့ အာဟာရဓာတ်ကိုဖြည့်ဆည်းပေးတယ်။
အူလမ်းကြောင်းနဲ့ဆိုင်တဲ့ ကင်ဆာရောဂါတွေဖြစ်ပွါးမှု
ကိုလျော့နည်းသွားအောင် ကူညီပေးပါတယ်။

>> Silicon ဓာတ်လည်းကြွယ်ဝပြီး သွေးလှည့်ပတ်မှုကိုကောင်းစေတယ်။ဒါ့ပြင် အာရုံကြောတွေအားနည်းတာ၊
စိတ်ပိုင်းဆိုင်ရာပင်ပန်းနွမ်းနယ်တာတွေကိုလည်း သက်သာစေတယ်။

09/02/2023

🍀🍀 Super Detox Foods 🍀🍀

🍉🍉 Melons (ဖရဲသီး၊သခွါးမွှေးသီး) 🍉🍉

>> ရောင်ခြယ်ပစ္စည်းတစ်မျိုးဖြစ်တဲ့ antioxidant beta-
carotene ပါဝင်ပြီး အရေပြားနဲ့အရိုးကျန်းမာရေးအတွက်
အထောက်အကူပြုတယ်။ ဒါ့ပြင် အသက်အရွယ်ကြောင့်
ဖြစ်တဲ့ အမြင်အာရုံချို့တဲ့ခြင်းကိုလည်း ကာကွယ်ပေးနိုင်တယ်။

>> Citrulline လို့ခေါ်တဲ့ amino acids တစ်မျိုးကြွယ်ဝ
စွာပါဝင်ပြီး သွေးကြောလေးတွေကျယ်စေဖို့၊ သွေးပေါင်
ကျစေဖို့နဲ့ သွေးလှည့်ပတ်မှုကိုကောင်းစေဖို့ အရေးပါတဲ့
Nitric oxideထုတ်လုပ်ရာမှာ အလွန်အရေးပါပါတယ်။

>> Potassium (ပိုတက်စီယမ်)ဓာတ်လည်းကြွယ်ဝပြီး
ဆီးရွှင်စေတယ်။ ခန္ဓာကိုယ်ရေဓာတ်ကို ထိန်းညှိပေးတယ်။ သွေးပေါင်ချိန်ကို ထိန်းညှိပေးတယ်။ ဒါ့ပြင်
Lycopene ဓာတ်ပါဝင်လို့ နှလုံးရောဂါဖြစ်ပွါးနိုင်ချေ
ကိုလည်း လျော့ချပေးပါတယ်။

>> Amino acids arginine ကိုထွက်ရှိစေပြီး ကိုယ်ခံအား
ကိုကောင်းစေတယ်။ အနာကျက်မြန်စေတယ်။

>> ဖရဲသီးဟာ ရေဓာတ်အလွန်ကြွယ်ဝပြီး ခန္ဓာကိုယ်မှာ
အက်ဆစ်ဓာတ်များမနေစေဖို့ ကူညီပေးတဲ့ အလွန်အစွမ်း
ထက်တဲ့ Super detox food လည်းဖြစ်ပါတယ်။

07/02/2023

🍀🍀 Super Detox Foods 🍀🍀

🍋🍋 Lemons (သံပရိုသီး) 🍋🍋

>> Phosphorus ဓာတ်ကြွယ်ဝပြီး အာရုံကြောအဖွဲ့အစည်းတွေရဲ့ ကျန်းမာရေးအတွက်အလွန်အထောက်အ
ကူပြုတယ်။

>> Sodium ပါဝင်မှုလည်းမြင့်မားပြီး ပြန်ရည်ကြောတွေ
အတွင်းက အဆိပ်အတောက်တွေနဲ့ အညစ်အကြေးတွေကိုလည်းဖယ်ရှားသန့်စင်ပေးနိုင်တယ်။ အသည်းနဲ့ သည်း
ခြေအိတ် ကျန်းမာရေးကိုလည်းကောင်းစေတယ်။

>> Vitamin C, အမျှင်ဓာတ်နဲ့ Hesperidin လို့ခေါ်တဲ့
ဓာတ်တစ်မျိုးပါဝင်ပြီး သွေးပေါင်ကျစေတယ်။နှလုံး
သွေးကြောကျဥ်းရောဂါနဲ့ ရုတ်တရက်လေဖြတ်ခြင်း တို့ကိုလည်းကာကွယ်ပေးနိုင်တယ်။

>> ရေနွေးလေးနဲ့ ဖျော်စပ်ပြီးဖျော်ရည်အဖြစ် သောက်
သုံးပေးပါက ပျို့ခြင်း၊ အန်ခြင်း၊ ရင်ပူတာ၊ အစာမကြေ
တာနဲ့ ဗိုက်နာတာတွေကို သက်သာစေတယ်။ ကပ်ပါးပိုး
တွေကိုသေစေတဲ့အစွမ်း (anti-parasitic) လည်းရှိတယ်။

>> Citrate ဓာတ်ကြွယ်ဝပြီး ဆီးကျောက်တည်တာကို ကာကွယ်ပေးနိုင်တယ်။ ဆီးရွှင်စေတဲ့အစွမ်းရှိပြီး ခြေတွေလက်တွေဖောရောင်တာကို သက်သာစေတယ်။ ဆီးလမ်းကြောင်းတလျှောက် ပိုးဝင်တာကိုလည်း ကာကွယ်
ပေးနိုင်ပါတယ်။

05/02/2023

🍀🍀 Super Detox Foods 🍀🍀

🍇🍇 Grapes (စပျစ်သီး) 🍇🍇

>> အပင်ကရတဲ့ဓာတ်ပေါင်းတွေဖြစ်တဲ့ Anthocyanins,
Stilbenes နဲ့တခြား antioxidantတွေများစွာပါဝင်ပြီး
ကင်ဆာရောဂါအမျိုးမျိုးဖြစ်နိုင်ချေကို လျော့ချပေးနိုင်
တယ်။ အရောင်ရင့်တဲ့ စပျစ်သီးတွေမှာပါဝင်တဲ့ ဓာတ်တွေက ရင်သားကင်ဆာ၊ ဆီးကျိတ်ကင်ဆာ စတဲ့
ကင်ဆာရောဂါတွေဖြစ်နိုင်ချေကို သိသိသာသာလျော့ချပေးနိုင်ပါတယ်။

>> အစွမ်းထက် Antioxidant 👉 (Resveratrol)ကြွယ်ဝ
စွာပါဝင်ပြီး အချိန်မတိုင်မီ အိုမင်းရင့်ရော်ခြင်း၊ နှလုံးသွေးကြောကျဥ်းရောဂါဖြစ်ခြင်းတို့မှလည်း ကာကွယ် ပေးနိုင်တယ်။နုပျိုကျန်းမာစေတယ်။

>> Potassium (ပိုတက်ဆီယမ်)ဓာတ်ကြွယ်ဝပြီး ခန္ဓာကိုယ်တွင်းမှ ရေဓာတ်ကိုထိန်းညှိပေးတယ်။ အဆိပ်
အတောက်တွေကို ဖယ်ရှားသန့်စင်ပေးတယ်။

>> Antioxidant တွေနဲ့ အမျှင်ဓာတ် ပါဝင်မှုက ခန္ဓာကိုယ်
ဇီဝဖြစ်စဥ်တွေကို ထိန်းညှိကူညီပေးပြီး သွေးတွင်းသကြားဓာတ်စုပ်ယူတာကိုလည်း လျော့ချပေးပါတယ်။
ဆီးချိုဖြစ်နိုင်ချေနည်းစေတယ်။

>> ကိုယ်ခန္ဓာအတွက်အရေးပါတဲ့ ဓာတ်သတ္တုတစ်မျိုး
ဖြစ်တဲ့ Manganese (Mn)ဓာတ်လည်းကြွယ်ဝပြီး မှတ်
ဉာဏ်စွမ်းအားနဲ့ အာရုံကြောအဖွဲ့အစည်းတွေအတွက်
လိုအပ်တဲ့ အာဟာရဓာတ်ကို ပံ့ပိုးပေးတယ်။ ဒါ့အပြင်
ကျန်းမာတဲ့သွေးနီဥလေးတွေ ထုတ်ပေးရာမှာလည်း ပါဝင်ပြီး သွေးအားကောင်းစေတယ်။

03/02/2023

🍀🍀 Super Detox Foods 🍀🍀

💥💥 Ginger (ချင်းတက် (ဂျင်း) )💥💥

>> ချင်းတက်မှာ ပါဝင်တဲ့ Gingerolဓာတ်ပေါင်းဟာ
နာကျင်တာတွေကိုသက်သာစေတယ်။ရောင်ရမ်းတာတွေ
ကို လျော့ချပေးတယ်။အလွန်အစွမ်းထက်တဲ့ antioxidant တစ်မျိုးလည်းဖြစ်ပါတယ်။

>> ဓာတ်ရောင်ခြည်ကုထုံးခံယူပြီးစသူတွေ၊ ခွဲစိတ်ပြီးစ သူတွေနဲ့ ကိုယ်ဝန်ဆောင်တွေမှာ ဖြစ်တတ်တဲ့ ပျို့အန်တာ
ကိုလည်းသက်သာစေတယ်။ ကားမူးတာကို သက်သာစေတယ်။

>> အူလမ်းကြောင်းတလျှောက်အစာစုပ်ယူချေဖျက်မှု
အားကောင်းစေပြီး လေပွတာ၊ လေထိုးတာ၊ ဗိုက်နာဗိုက်အောင့်တာတွေကို ကာကွယ်ပေးနိုင်တယ်။အစာ
ချေရည်ထွက်ရှိမှုကိုလည်း အကူအညီပေးတယ်။

>> လေ့လာမှုတွေအရ ချင်း(ဂျင်း)မှာပါဝင်တဲ့ အဆီဓာတ်တစ်မျိုးဟာ အစွမ်းထက်တဲ့အကိုက်အခဲပျောက်
ဆေးတွေလိုအာနိသင်ရှိပြီး တုပ်ကွေးဖျားနာခြင်း၊နှာစေး
ချောင်းဆိုးခြင်းနဲ့ ဓမ္မတာလာစဥ် နာကျင်ကိုက်ခဲတာတွေကို အထူးသက်သာစေပါတယ်။

01/02/2023

🍀🍀 Super Detox Foods 🍀🍀

🧄🧄 Garlic ( ကြက်သွန်ဖြူ ) 🧄🧄

>> ကြက်သွန်ဖြူမှာပါတဲ့ Sulphur ဓာတ်ဟာသွေးကြော
တွေအတွက် အလွန်အရေးပါတဲ့ Nitric oxide တွေထွက်ဖို့
အကူအညီပေးတယ်။ အကျိုးဆက်အနေနဲ့ သွေးကြောတွေကိုကျယ်စေတယ်။ သွေးပေါင်ချိန်ကို ကျစေနိုင်တယ်။သွေးလှည့်ပတ်မှုကို ကောင်းစေတယ်။လေဖြတ်ခြင်းနဲ့သွေးကြောကျဥ်းရောဂါတွေ ဖြစ်နိုင်ချေကိုလျော့ချ
ပေးပါတယ်။

>> သဘာဝကပေးတဲ့ Penicillin လို့တင်စားခေါ်ဝေါ်လောက်တဲ့ Allicin နဲ့ Diallyl sulphides လို့ခေါ်တဲ့ ဓာတ်ပေါင်းတွေပါဝင်ပြီး ဘက်တီးရီးယားပိုးတွေကိုသေစေနိုင်တဲ့အစွမ်း (Antibacteria)နဲ့ မှိုရောဂါတွေကိုသေစေ
နိုင်တဲ့အစွမ်း (Antifungal)တို့ရှိပါတယ်။ ကိုယ်ခံစွမ်းအားကို တိုးမြှင့်ပေးနိုင်တယ်။ အအေးမိပြီးနှာစေးချောင်းဆိုး
တာတွေကိုလည်း သက်သာစေတယ်။

>> Sulfhydryl ဓာတ်ပါဝင်ပြီး ခန္ဓာကိုယ်ထဲက အဆိပ်
အတောက်တွေနဲ့ အန္တရယ်ဖြစ်စေနိုင်တဲ့ ဓာတ်သတ္တုတွေ
ကို ဖယ်ရှားပေးနိုင်တယ်။

>> ကင်ဆာရောဂါတွေဖြစ်ပွါးခြင်းမှလည်း အထူးကာကွယ်ပေးနိုင်ပါတယ်။

>> ကြက်သွန်ဖြူကို ပုံမှန်စားပေးခြင်းဖြင့် သွေးတွင်း
သကြားဓာတ်ကို ထိန်းညှိပေးနိုင်ပြီး ဆီးချိုရောဂါနဲ့
နှလုံးရောဂါတွေကိုဖြစ်စေနိုင်တဲ့ amino acids တစ်မျိုး
ဖြစ်တဲ့ Homocysteine ပမာဏကိုလည်း လျော့ချပေးနိုင်
ပါတယ်။

30/01/2023

🍀🍀 Super Detox Foods 🍀🍀

🥒🥒 Cucumbers (သခွါးသီး) 🥒🥒

>> အပင်ကရတဲ့ ဟော်မုန်းတွေဖြစ်တဲ့ ( lariciresinol,
secoisolariciresinol နဲ့ pinoresinol ) တို့ကြွယ်ဝစွာ
ပါဝင်ပြီး နှလုံးသွေးကြောကျဥ်းရောဂါနဲ့ (ရင်သား၊ သား
အိမ်၊ မျိုးဥအိမ်၊ ဆီးကျိတ် ) ကင်ဆာရောဂါတွေဖြစ်ပွါးမှု
ကိုလျော့နည်းသွားအောင် ကူညီပေးပါတယ်။

>> ခန္ဓာကိုယ်တွင်းရေဓာတ်ကို ထိန်းသိမ်းပေးပြီး ဆီးရွှင်
စေတဲ့အပြင်ဝမ်းချုပ်တာကိုလည်း ကာကွယ်ပေးတယ်။

>> ဆီးလမ်းကြောင်းတလျှောက်မှာ uric acid တွေများမနေစေဖို့ကူညီပေးလို့ ကျောက်ကပ်နဲ့ ဆီးအိမ်မှာ ကျောက်တည်တာတွေကို ကုသရာမှာ အလွန်အထောက်အကူပြုပါတယ်။

>> အစာချေဖျက်ပေးတဲ့ enzyme တစ်မျိုးဖြစ်တဲ့
(erepsin) ပါဝင်ပြီး စားသုံးလိုက်တဲ့ အသားဓာတ် (protein) တွေကိုချေဖျက်ပေးရာမှာ ကူညီပေးပါတယ်။
ဒါ့ပြင် အူလမ်းကြောင်းတလျှောက်မှာရှိတဲ့ ကပ်ပါးကောင်တွေကို သေစေနိုင်တဲ့အပြင် အူလမ်းကြောင်းကို
လည်း သန့်စင်ပေးနိုင်တယ်။

>> အပင်ကရတဲ့ ဓာတ်ပေါင်းတစ်မျိုးဖြစ်တဲ့ (sterols)
ပါဝင်လို့ ခန္ဓာကိုယ်သွေးတွင်းက အန္တရယ်ဖြစ်စေတဲ့
ကိုလက်စထရော (LDL cholesterol) တွေကို လျော့ချပေးရာမှာလည်း အလွန်အထောက်အကူပြုပါတယ်။

28/01/2023

🍀🍀 Super Detox Foods 🍀🍀

💥💥 Celery (တရုတ်နံနံ) 💥💥

>> Coumarins လို့ခေါ်တဲ့ဓာတ်တစ်မျိုးပါဝင်ပြီး သွေးပေါင်ကျစေတဲ့ အစွမ်းနဲ့ ခန္ဓာကိုယ်ရေဓာတ်ကို
ထိန်းပေးနိုင်တဲ့ အစွမ်းရှိပါတယ်။ ဒါ့ပြင် သွေးမခဲစေတဲ့
အာနိသင်လည်းရှိတာကြောင့် နှလုံးသွေးကြောပိတ်ခြင်းနဲ့
ရုတ်တရက် လေဖြတ်ခြင်းတို့ကိုလည်း ကာကွယ်ပေးနိုင်တယ်။

>> စိတ်ဖိစီးမှုကိုဖြစ်စေတဲ့ ဟော်မုန်းတစ်မျိုးဖြစ်တဲ့
Cortisol ထွက်ရှိမှုကိုလည်း လျော့ချပေးနိုင်လို့ စိတ်ဖိစီးမှုများတဲ့သူတွေအတွက် အစွမ်းထက် Super food ဖြစ်ပါတယ်။

🚫🚫 သွေးမခဲစေတာ၊ သွေးပေါင်ကျတတ်တာတွေကြောင့် ခွဲစိတ်ကုသမှုခံယူမည့်သူတွေ၊ခွဲစိတ်ပြီးခါစသူတွေ၊သွေးပေါင်ကျတတ်သူတွေ သတိထားပြီး စားသုံး
သင့်ပါတယ်။ 🚫🚫

>> အမျှင်ဓာတ်နဲ့ ရေဓာတ်ကြွယ်ဝစွာပါဝင်လို့ ဝိတ်ချရာ
မှာလည်းအသုံးဝင်ပါတယ်။

>> Silicon ဓာတ်ကြွယ်ဝတဲ့အပြင် Vitamin K လည်းပါဝင်လို့ ဆံပင်နဲ့ အသားအရေ လှပဖို့အထောက်အကူပြု
တယ်။ အရိုး၊အဆစ်၊ကြွက်သားတွေနဲ့ ခန္ဓာကိုယ်
သွေးကြောတွေရဲ့ ကျန်းမာရေးအတွက်လည်း အလွန်အကျိုးပြုပါတယ်။

26/01/2023

🍀🍀 Super Detox Foods 🍀🍀

🥕🥕 Carrots (မုန်လာဥနီ) 🥕🥕

>> ခန္ဓာကိုယ်အတွက်လိုအပ်တဲ့ Vitamin A ကိုထုတ်လုပ်
ပေးရာမှာ အဓိကအရေးပါတဲ့ Beta-carotene အလွန်
ကြွယ်ဝစွာ ပါဝင်ပါတယ်။

>> အမျှင်ဓာတ်ကြွယ်ဝလို့ နည်းနည်းနဲ့ ဗိုက်ပြည့်စေတဲ့
ခံစားချက်ကို ရရှိစေတဲ့အတွက် ခန္ဓာကိုယ်ဝိတ်ချရာမှာ
အလွန်အကျိုးပြုပါတယ်။ အစာကြေစေတဲ့ အစွမ်းရှိပြီး
ဝမ်းချုပ်ခြင်းကိုလည်း ကာကွယ်ပေးနိုင်ပါတယ်။

>> Calcium ဓာတ်တစ်မျိုးပါဝင်ပြီး ခန္ဓာကိုယ်သွေးတွင်း အန္တရယ် ဖြစ်စေနိုင်တဲ့ ကိုလက်စထရောတွေကို
လျော့ချပေးရာမှာလည်း အလွန်အထောက်အကူပြုပါတယ်။

>> Beta-carotene အပြင် Lutein, Lycopene တို့ပါဝင်
လို့ အမြင်အာရုံကို ကြည်လင်စေတယ်။ ကြက်မျက်သင့်
ရောဂါဖြစ်တာကိုလည်း ကာကွယ်ပေးနိုင်တယ်။

>> Silicon ဓာတ်ပါဝင်လို့ အရေပြား၊ လက်သည်း/ခြေသည်း တွေရဲ့ ကျန်းမာရေးကိုလည်း အလွန်အထောက်အကူပြုပါတယ်။

22/01/2023

👦👧 သားသားမီးမီးတို့ အရပ်ဘယ်လောက်ရှည်မလဲ👦👧

>> ဒီနေ့မှာတော့ ကျန်းမာသန်စွမ်းတဲ့ မိဘတွေက မွေးဖွားလာတဲ့ ရင်သွေးငယ်လေးတွေ ကြီးပြင်းလာတဲ့ အခါ
အရပ်ဘယ်လောက်မြင့်မလဲ ဆိုတာကြိုတင်မှန်းဆလို့
ရအောင် အနီးစပ်ဆုံးတွက်ချက်လို့ရတဲဲ့ နည်းလေးမျှဝေ
ပေးလိုက်ပါတယ်။

>> ပုံမှန်အားဖြင့် မိန်းကလေးတွေဟာ အသက်(၁၇-၁၈) နှစ်ထိအရပ်ရှည်လေ့ရှိပြီး ယောကျာ်းလေးတွေ ကတော့
အသက် (၁၉ - ၂၁ )နှစ်အထိ အရပ်ရှည်ဖို့ အခွင့်အလမ်း
ရှိကြပါတယ်။

>> လေ့လာတွေ့ရှိချက်တွေအရ ဒီတွက်နည်းလေးနဲ့
တွက်ချက်ထားတဲ့ ရလဒ်တွေဟာ အရွယ်ရောက်ပြီး
ကလေးတွေရဲ့ အရပ်နဲ့ (၄)လက်မခန့်သာ အတိုးအလျော့ရှိတာကို တွေ့ရပါတယ်။

21/01/2023

🍀🍀 Super Detox Foods 🍀🍀

🥬 Cabbage (ဂေါ်ဖီထုပ်) 🥬

>> Vitamin U လို့ခေါ်တဲ့ S- methylmethionine ဓာတ်
အများအပြားပါဝင်ပြီး အစာအိမ်နဲ့ အူလမ်းကြောင်း
တလျှောက်မှာဖြစ်တဲ့အနာတွေကို ကျက်မြန်စေဖို့ အလွန်
အစွမ်းထက်ပါတယ်။

>> Chlorine နဲ့ Sulphur ဓာတ်တွေပါဝင်မှုက သွေးတွင်း
အညစ်အကြေးတွေကို သန့်စင်ပေးပါတယ်။

>> အသည်းတွင်းမှ အဆိပ်တွေကို သန့်စင်ပေးနိုင်တဲ့
antioxidant တမျိုးဖြစ်တဲ့ Glutathione ထုတ်လုပ်ရာမှာလည်း ပါဝင်ပြီးအသည်းကျန်းမာရေးကို အထောက်အကူပြုတယ်။

>> Vitamin C, Viamin K, Calcium နဲ့ Sulphur တို့ပါဝင်
မှုက အသားရေ လှပဖို့ ကူညီပေးပါတယ်။ ဝက်ခြံထွက်
တာနဲ့ နှင်းခူရောဂါ တို့ကိုလည်း သက်သာစေတယ်။

>> Sulphur ပါဝင်မှုများလို့ အူလမ်းကြောင်းတလျှောက်
မှာရှိတဲ့ ကပ်ပါးကောင်တွေကို သေစေနိုင်တယ်။ အမျှင်
ဓာတ်လည်းကြွယ်ဝလို့ ဝမ်းချုပ်တာကို ကာကွယ်ပေး
နိုင်ပါတယ်။

(ကိုးကား 👉 Healing foods by Neal’s Yard book)

20/01/2023

♦️♦️ Minerals (သတ္တုဓာတ်) ♦️♦️

>> ခန္ဓာကိုယ်မှာVitaminsလို့ခေါ်တဲ့သက်စောင့်ဓာတ်တွေ
အရေးကြီးသလို ခန္ဓာကိုယ်လုပ်ငန်းဆောင်တာတွေ ပုံမှန်
လည်ပတ်ဖို့ Minerals (သတ္တုဓာတ်)တွေကလည်း အလွန်
အရေးပါပါတယ်။ ဒီသတ္တုဓာတ်တွေထဲကမှ ခန္ဓာကိုယ်က
ပမာဏများများလိုအပ်တဲ့ (Macrominerals) 👉 (7)မျိုးရှိပါတယ်။ ဒီသတ္တုဓာတ်တွေကို အစားအသောက်
တွေထဲကနေလည်း သဘာဝအတိုင်းရနိုင်သလို ဖြည့်စွက်စာ (Supplements)တွေကနေလည်း ရနိုင်ပါတယ်။

♦️ Calcium ♦️

>> Calcium (ထုံးဓာတ်)ဟာ အရိုးနဲ့ သွားတွေ ကျန်းမာ
သန်စွမ်းဖို့ အလွန်အရေးပါတဲ့အပြင် အာရုံကြောနဲ့ ကြွက်
သားတွေ ပုံမှန်အလုပ်လုပ်နိုင်ဖို့ အလွန်အထောက်အကူပြုပါတယ်။

♦️ Phosphorus ♦️

>> Phosphorous (မီးစုန်းဓာတ်)ဟာ အရိုးတွေကြံ့ခိုင်ဖို့နဲ့
စားလိုက်တဲ့အစားအစာတွေကို စွမ်းအင်အဖြစ်ပြောင်းလဲ
ပေးရာမှာ အဓိကပါဝင်ပါတယ်။ Phosphorous ချို့တဲ့လာရင် ကြွက်သားတွေ အားနည်းလာတတ်ပါတယ်။

♦️ Sulfur ♦️

>> Sulfur (ကန့်ဓာတ်)ဟာ ခန္ဓာကိုယ်ကြီးထွားဖွံ့ဖြိုးစေဖို့
အရေးပါတဲ့ ကြွက်သားတွေ ၊တစ်သျှူးတွေတည်ဆောက်
ရာမှာလိုအပ်တဲ့ပရိုတိန်းဓာတ်ရဲ့ အရေးကြီးတဲ့ အစိတ်အပိုင်း တစ်ခုလည်းဖြစ်ပါတယ်။

♦️ Chloride ♦️

>> Chloride (ကလိုရိုက်)ဟာ အစာအိမ်အတွက်
အရေးကြီးတဲ့ အစာခြေအက်ဆစ်တွေထဲမှာအစိတ်အပိုင်း တစ်ခုအနေနဲ့ ပါဝင်ပါတယ်။

♦️ Sodium ♦️

>> Sodium (ဆိုဒီယမ်)- အရေးပါတဲ့ဓာတ်တစ်မျိုးဖြစ်ပြီး ခန္ဓာကိုယ်ဆဲလ်တွေအတွင်းမှာရှိတဲ့ အရည်ဓာတ်
ပမာဏကိုအဓိက ထိန်းညှိပေးပါတယ်။ Sodium ပမာဏ
လျော့နည်းလာရင် ခေါင်းကိုက်တာကအစ သတိလစ်
မေ့မြောတဲ့အထိဖြစ်တတ်ပါတယ်။

♦️ Magnesium ♦️

>> Magnesium(မဂ္ဂနီဆီယမ်)- အရိုးတွေ၊ ခန္ဓာကိုယ်
ဆဲလ်တွေအားလုံးမှာတွေ့ရပြီး ကိုယ်ခံစွမ်းအားစနစ်၊
ကြွက်သားနဲ့ အာရုံကြောစနစ်တွေ အတွက်အလွန်အရေး
ကြီးတဲ့ ဓာတ်တစ်မျိုးဖြစ်ပါတယ်။Magnesiumချို့တဲ့ရင်
ကြွက်သားတွေ အားနည်းတာ၊ အော့အန်တာ၊နှလုံးကျန်းမာရေးထိခိုက်တာနဲ့ အသက်သေဆုံးတာ အထိဖြစ်
နိုင်ပါတယ်။

♦️ Potassium ♦️

>> Potassium(ပိုတက်ဆီယမ်)- ခန္ဓာကိုယ်ကြွက်သားတွေ၊ အာရုံကြောအဖွဲ့အစည်းတွေနဲ့ ခန္ဓာကိုယ် အရည်
ဓာတ်ကို ထိန်းညှိပေးရာမှာ အလွန်အရေးကြီးတဲ့ ဓာတ်
တစ်မျိုးဖြစ်ပါတယ်။Potassium ချို့တဲ့ရင် ကြွက်တက်တာ၊နှလုံးခုန်မမှန်တာတွေ ဖြစ်လာ
နိုင်ပါတယ်။