What are the opening hours?

Monday 09:00 - 17:00 Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00 Sunday 09:00 - 17:00

https://www.facebook.com/135392359654255/

Peti Toe Healthcare Clinic, Yangon (2025)

21/05/2025

ကျန်းမာရေးဝန်ဆောင်မှုများအတွက်
09785533768
09785533817 ဖုန်းများကို
မနက်၉နာရီမှ ညနေ၅နာရီတွင်း
ဆက်သွယ်မေးမြန်းပေးပါရှင် 🙏

18/10/2024

🙏🏻🙏🏻🙏🏻

22/09/2024

🚨ရေကြီးရေလျှံမှုဖြစ်ပြီးနောက် သောက်သုံးရေ
သုံးရေတွင် အနံ့၊ အရသာ ထူးထူးခြားခြား
ဖြစ်နေပါက မသုံးပါနှင့်။

🚨သောက်သုံးရန်၊ အစားအစာချက် ပြုတ်ပြင်ဆင်ရန်
သို့မဟုတ် ရေချိုးရန် အတွက်
ညစ်ညမ်းနိုင်ခြေရှိသော ရေကို အသုံးမပြုပါနှင့်။

🚨 သောက်သုံးရန် ပိုးသတ်ထားသောရေ သို့မဟုတ်
ကျိုချက်ထားသော ရေကို အသုံးပြုရန် လိုအပ်သည်။

🚨 ကျန်းမာရေးကောင်းမွန်စေရန်အတွက်
ရေဓာတ် ပြည့်ဝနေစေရန် ရေများများသောက်ရန်
လိုအပ်ပါသည်။

🚨သောက်သုံးရေကို စိတ်ချရသော
ရေအရင်းအမြစ်မှ ရယူသုံးစွဲပါ။

🚨အစားအစာကို ကျက်အောင် ချက်ပြုတ်ပါ။

🚨 စားကြွင်းစားကျန်များကို စနစ်တကျ စွန့်ပစ်ပါ။

🚨တစ်ကိုယ်ရေသန့်ရှင်းရေးအတွက်အစာမစားမီ လက်ဆေးပါ။

🚨အိမ်သာအသုံးပြုပြီးတိုင်း လက်ဆေးပါ။

🚨ကူးစက်တတ်သော အရေပြားရောဂါနှင့်
အဆိပ်ရှိသတ္တဝါများ/ထိခိုက်ရှနာခြင်းမှ
ကင်းဝေးစေရန် ကလေးများကို ရေကြီးနေသော
နေရာရှိရေထဲတွင် ဆော့ကစားခြင်း မပြုစေရ။

🚨ပတ်ဝန်းကျင်ကို ရှင်းလင်းပါ။

🚨ခြင်ပေါက်ဖွားရာနေရာများကို ဖယ်ရှားပါ။

🚨မသန့်ရှင်းသောအစားအစာများဖယ်ရှားပါ။

🚨ရေကြီးနေသောနေရာမှ ရေဖြင့် ထိတွေ့မိသော အစားအစာများနှင့် ပျက်စီးသွားသော
အစားအစာများကို စွန့်ပစ်ပါ။

🚨ရေကြီးပြီးနောက် အဖြစ်အများဆုံးသော
ကျန်းမာရေး အန္တရာယ်များမှာ အစာအိမ်နှင့်
အူလမ်းကြောင်းရောဂါ၊ အရေပြားရောဂါ၊
မျက်စိရောဂါနှင့် အသက်ရှူလမ်းကြောင်းဆိုင်ရာ
ကူးစက်ရောဂါများဖြစ်ပါသည်။

🚨ရေကြီးရေလျှံမှု၏ ကျန်းမာရေးဆိုင်ရာ
သက်ရောက်မှုများတွင် နာတာရှည်ရောဂါများ
ပိုဆိုးလာခြင်း၊ မသန်စွမ်းမှု၊ အာဟာရချို့တဲ့မှုနှင့်
စိတ်ကျန်းမာရေးပြဿနာများအပါအဝင်
ဆင်းရဲမှုဆိုင်ရာရောဂါများကိုခံစားရနိုင်ပါသည်။

မြန်မာပြည်သူပြည်သားအပေါင်း
ကျန်းမာချမ်းသာကြစေရန်
ဆုတောင်းမေတ္တာပို့သအပ်ပါသည်။
#ရေ‌ဘေး
#ရေကြီးရေလျှံ #သောက်သုံးရေပြဿနာ
#ကျန်းမာရေးသတိပြုစရာ

22/08/2024

Mpox (မျောက်ကျောက်)ရောဂါ
ကာကွယ်ရေးနှိုးဆော်ချက်

ကမ္ဘာ့ကျန်းမာရေးအဖွဲ့မှ (၂၀၂၄) ခုနှစ်၊ ဩဂုတ်လ (၁၄) ရက်နေ့တွင် Mpox (မျောက်ကျောက်)ရောဂါ ကူးစက်မှုအား နိုင်ငံတကာပြည်သူ့ကျန်းမာရေး အရေးပေါ်အခြေအနေအဖြစ်ကြေညာခဲ့ပါသည်။
ရောဂါကူးစက်နိုင်ခြေရှိသည့် နည်းလမ်းများ
• ရောဂါပိုးရှိသူနှင့်လိင်ဆက်ဆံခြင်းမှ ကူးစက်ခြင်း၊
• ရောဂါပိုးရှိသူနှင့် အရေပြားချင်းထိတွေ့ခြင်း၊ နမ်းရှုံ့ခြင်း၊ ပွေ့ဖက်ခြင်းတို့မှတစ်ဆင့် ကူးစက်ခြင်း၊
• ရောဂါပိုးရှိသူနှင့် မျက်နှာချင်းဆိုင် အနီးကပ်တွေ့ဆုံခြင်းမှတစ်ဆင့် ကူးစက်ခြင်း၊ (စကားပြောခြင်း၊ အသက်ရှူခြင်း)
• ရောဂါပိုးရှိသူ၏အနာများ၊ အညစ်အကြေးများနှင့် တိုက်ရိုက်ထိတွေ့မိရာမှတစ်ဆင့် ကူးစက်ခြင်း၊
• ရောဂါပိုးများ ကပ်တင်ကျန်နေသည့် အသုံးအဆောင်ပစ္စည်းများ၊ မျက်နှာပြင်များကို လက်ဖြင့် ကိုင်တွယ် ထိတွေ့ခြင်းမှတစ်ဆင့် ကူးစက်ခြင်း၊
• မသန့်ရှင်းသောဆေးထိုးအပ်နှင့် ဆေးရုံသုံးပစ္စည်းများမှတစ်ဆင့်် ကူးစက်ခြင်း၊
• Mpox ဗိုင်းရပ်စ်ရောဂါပိုးကူးစက်ခံထားရသည့် တိရစ္ဆာန်များနှင့် တိုက်ရိုက်ထိတွေ့မိရာမှတစ်ဆင့် ကူးစက်ခြင်း၊
• မိခင်မှကလေးသို့ ကိုယ်ဝန်ဆောင်စဉ်၊ မွေးဖွားစဉ်နှင့် မွေးဖွားပြီးနောက်တွင် ကူးစက်ခြင်း၊
ရောဂါပျိုးရက်
• ရောဂါပိုးစတင်ဝင်ရောက်ပြီး (၁)ရက်မှ (၂၁) ရက်အတွင်း ရောဂါလက္ခဏာများ စတင်ဖြစ်ပွားနိုင်ပါသည်။
သံသယဖြစ်ဖွယ်ရောဂါလက္ခဏာများ
• မျက်နှာ၊ ပါးစပ်၊ လက်နှင့် ခြေထောက်၊ ခန္ဓာကိုယ်၊ စအိုဝန်းကျင်နှင့်လိင်အင်္ဂါများတွင် အနီကွက်များ ထွက်ခြင်း၊ အရည်ကြည်ဖုများ ပေါက်ခြင်း၊
• ဖျားခြင်း (>38.5 °C)၊
• အကျိတ်များရောင်ရမ်းခြင်း၊
• လည်ချောင်းနာခြင်း၊
• ခေါင်းကိုက်ခြင်း၊ ကြွက်သားများနာကျင်ခြင်း၊ ကျောအောင့်ခြင်း၊
• မောပန်းနွမ်းနယ်ခြင်း၊
(လွန်ခဲ့သည့်(၂၁)ရက်အတွင်း ရောဂါပိုးတွေ့ရှိရာ နိုင်ငံ/ဒေသများမှ ပြန်လည်ဝင်ရောက်လာသူများတွင် အထက်ပါ လက္ခဏာများဖြစ်ပွားလာပါက ကျန်းမာရေးဌာနသို့ ချက်ချင်းသတင်းပေးပို့ရန် လိုအပ်ပါသည်။)
ကာကွယ်နိုင်မည့်နည်းလမ်းများ
• Mpox (မျောက်ကျောက်) ရောဂါလက္ခဏာခံစားနေရသူနှင့် အရေပြားချင်းထိတွေ့ခြင်း၊ မျက်နှာချင်းဆိုင် အနီးကပ်ထိတွေ့ခြင်း၊ လိင်ပိုင်းဆိုင်ရာ ထိတွေ့ဆက်ဆံခြင်းများကို ရှောင်ကြဉ်ပါ၊
• အနီးကပ်ထိတွေ့မှုကို ရှောင်လွှဲ၍မရပါက လက်အိတ်ဝတ်ဆင်ခြင်းနှင့် နှာခေါင်စည်း (Mask) ကို တပ်ဆင်ပါ၊
• သံသယရောဂါလက္ခဏာခံစားနေရသူ၏ အသုံးအဆောင်ပစ္စည်းများကို ကိုင်တွယ်ရာတွင် လက်အိတ် ဝတ်ဆင်ခြင်းနှင့် နှာခေါင်စည်း (Mask) တပ်ဆင်ခြင်းကို ပြုလုပ်ပါ၊
• လက်ကို ဆပ်ပြာနှင့် ရေ သို့မဟုတ် အယ်လ်ကိုဟောအနည်းဆုံး (၆၀%) ပါဝင်သော ရေမလို လက်သန့်စင် ဆေးရည်အသုံးပြု၍ စနစ်တကျဆေးကြောပါ၊ လက်မဆေးဘဲ ပါးစပ်၊ နှာခေါင်းနှင့်မျက်လုံးများကို ကိုင်တွယ်ခြင်း မပြုပါနှင့်၊
• တစ်ကိုယ်ရေသန့်ရှင်းရေးနှင့် ပတ်ဝန်းကျင်သန့်ရှင်းရေးကောင်းမွန်စေရန် ဆောင်ရွက်ပါ၊
• နှာချေ၊ ချောင်းဆိုးသည့်အခါတွင် လက်ကိုင်ပဝါ သို့မဟုတ် တံတောင်ကွေးဖြင့် လုံခြုံစွာ ဖုံးအုပ်ပါ၊
• အသုံးအဆောင်ပစ္စည်းများ (အိပ်ရာခင်း၊ မျက်နှာသုတ်ပဝါ၊ အဝတ်အထည်စသည့်…) များကို ရေ၊ ဆပ်ပြာ နှင့်စနစ်တကျလျှော်ဖွပ်၍ အသုံးပြုပါ၊
• တိရစ္ဆာန်များကို အကာအကွယ်မပါဘဲ မထိတွေ့ပါနှင့်၊ အသားများကို ကျက်အောင်ချက်ပြုတ်စားပါ၊
Mpox (မျောက်ကျောက်)ရောဂါလူနာနှင့် အနီးကပ်ထိတွေ့ခဲ့ခြင်း(သို့မဟုတ်) ရောဂါသံသယလက္ခဏာများခံစားရပါက နီးစပ်ရာကျန်းမာရေးဌာနသို့ အမြန်ဆုံးသတင်းပေးပို့၍ လိုအပ်သောစစ်ဆေးစမ်းသပ်မှုနှင့်ကုသမှုခံယူပါ။

11/10/2023

အခုချိန်မှာ လူတိုင်းသတိထားသင့်သည့်
ကူးစက်လွယ်မျက်စိနာရောဂါအန္တရာယ် 🧑‍⚕️🧑‍⚕️

အခုရက်ထဲမှာ ကျန်းမာရေးနဲ့ ပတ်သက်ပြီး သတိထားသင့်တာလေးကတော့ ကူးစက်လွယ်တဲ့ မျက်စိနာခြင်းပဲဖြစ်ပါတယ်။ မျက်စိနာတယ်ဆိုတာ အပေါ်ယံမျက်ကြည်လွှာရောင်ရမ်းခြင်းလို့ အဓိပ္ပါယ်ဖွင့်ဆိုလို့ရပါတယ်။
ပုံမှန်အားဖြင့် ကလေးငယ်တွေမှာ ပိုမိုအဖြစ်များတာ
ကိုလည်းတွေ့ရပါတယ်။ 🧑‍⚕️🧑‍⚕️

အခုရက်ပိုင်းအတွင်းမှာတော့ မိုးအကုန် ဆောင်းအကူးရာသီအကူးအပြောင်းကြောင့် ဘက်တီးရီးယား ပိုးမွှားတွေ ပေါက်ဖွားမှုနှုန်းများလာတဲ့အတွက်ကြောင့် ‌
မျက်စိနာခြင်းကို အသက်အရွယ်မရွေး တော်တော်များများဖြစ်ပွားကြပါတယ်။💯💯

ပုံမှန်ဆိုရင် adenovirus လို့ခေါ်တဲ့ ဗိုင်းရစ်ကြောင့်အဖြစ်များကြပေမဲ့ နောက်ပိုင်းတွေမှာ herpes simplex virus နဲ့ varicella-zoster virus အပါအဝင်အခြားဗိုင်းရပ်စ်များကြောင့်လည်း မျက်စိနာတာကို ဖြစ်နိုင်ကြောင်းလေ့လာတွေ့ရှိချက်တွေအရ သိရပါတယ်။

ဒါဆို မျက်စိနာရင် ဘာတွေဖြစ်နိုင်မလဲ?

မျက်စိနာခြင်းရဲ့ လက္ခဏာတွေကတော့...

✅မျက်လုံးတစ်၀ိုက်ယားယံခြင်း ။

✅မျက်လုံး တစ်ဖက် သို့မဟုတ် နှစ်ဖက်လုံး နီရဲခြင်း။

✅မျက်ရည်ပူများထွက်ခြင်း ။

✅မျက်လုံးအတွင်းစူးအောင့်အောင့်ခံစားရခြင်း ။

✅အမြင်အာရုံများ‌ ဝေ၀ါးခြင်း ။

✅မျက်၀ပ်များထွက်ခြင်း စတဲ့ လက္ခဏာတွေကို ခံစားရစေပါတယ်။

အခုလို မိုးအကုန် ဆောင်းအကူးကာလမှာ အဖြစ်များတာကတော့ ဗိုင်းရစ့်ကြောင့် အဖြစ်များကြပါတယ်။
မျက်စိနာခြင်းက ကူးစက်တတ်တာကြောင့် အရာ၀တ္ထုတွေကို မကိုင်တွယ်မှီ လက်အရင်ဆေးဖို့တော့လိုပါတယ်။ 🧑‍⚕️🧑‍⚕️

တကယ်လို့ သင်ဟာ မျက်စိနာနေပြီဆိုရင်တော့
တခြားသူများကို မကူးစက်စေရန်
မျက်လုံးအား လက်ဖြင့် တိုက်ရိုက်ထိတွေ့ခြင်းမှ
ရှောင်ကျဥ်ပေးရပါမယ်။ 🙅

မျက်စိနာတာကို သက်သာစေရန်-

✅အဝတ်စတစ်ခုကို ရေဆေးပါ။

✅လေးထောင့် ခေါက်ပါ။

✅ပလတ်စတစ်အိပ်ထဲထည့်ပြီး ရေခဲသေတ္တာထဲမှာ ၁၅ မိနစ်ခန့်ထား‌ေပးရပါမယ်။

✅ပြီးရင် မျက်စိကို အုပ်နိုင်ပါပြီ။

ရေခဲရှိရင် ...
✅ရေခဲတွေကို ပလပ်စတစ်အိပ်ထဲမှာထည့်ပြီး
ရေခဲအသေးလေးတွေဖြစ်အောင် လုပ်ပါ။

✅ရေခဲအိပ်ကို သန့်စင်တဲ့အဝတ်စနဲ့ ပတ်ပြီး မျက်လုံးတစ်၀ိုက်ကို ကပ်ပေးရပါမယ်။

✅မျက်စဥ်းဆေးကို ၂ နာရီခြားတစ်ခါ ၃ နာရီခြားတစ်ခါ ပုံမှန်ထည့်ပေးပါ။

✅မျက်၀ပ်များကို သန့်ရှင်းသော အ၀တ်များဖြင့် သန့်ရှင်းရေးလုပ်ပေးရပါမယ်။

အခုပြောပြပေးလိုက်တဲ့အကြောင်းအရာလေးတွေကတော့ မျက်စိနာခြင်းမှ ကာကွယ်ရန်နှင့် မျက်စိနာနေရင် ဘယ်လို ကုသရမလဲဆိုတဲ့အချက်လေးတွေပဲဖြစ်ပါတယ်၊၊ မျက်စိနာခြင်းက ပြင်းထန်အခြေအနေတစ်ခုမဟုတ်ပေမဲ့ မျက်စိနာခြင်းကို ကူးစက်ခံရပြီဆိုရင်တော့ နေ့စဥ်လူနေမှုဘ၀တွေမှာ များစွာအနှောက်အယှက်ဖြစ်စေတာကြောင့် မပေါ့ဆသင့်ပါဘူး၊၊🙅🙅

#မျက်စိနာခြင်း

28/09/2023

အဖြူဆင်းခြင်းနှင့် အမျိုးသမီးကျန်းမာရေး

အဖြူဆင်းခြင်းဆိုတာ အရွယ်ရောက်ပြီးသား မိန်းကလေးတိုင်းတွေ့ကြုံရတတ်တဲ့ သာမန်ဖြစ်ရိုးဖြစ်စဉ်တစ်ခုဖြစ်တာကြောင့် ရှက်စရာကိစ္စမဟုတ်ပါ။🧑‍⚕️👩🏼‍⚕️

အဖြူဆင်းတာဟာ မိန်းမကိုယ်နဲ့ သားအိမ်ခေါင်းအတွင်းပိုင်းမှာရှိတဲ့ဂလင်းတွေကနေ ထုတ်ပေးတဲ့ အရည်ကြည်လေးတွေပါ။အဲ့ဒီ့အရည်ကြည်လေးတွေက မိန်းမကိုယ်အတွင်းရှိဆဲလ်သေတွေနဲ့ ဘက်တီးရီးယားပိုးမွှားတွေကို ဖယ်ရှားသန့်စင်ပေးခြင်းဖြင့် မိန်းမ‌ကိုယ် ပိုး၀င်ခြင်းကိုကာကွယ်တာဆီးပေးပါတယ်။

အဖြူဆင်းခြင်းမှာ သာမန်အဖြူဆင်းခြင်းနှင့် သာမန်မဟုတ်တဲ့ အဖြူဆင်းခြင်းဆိုပြီးရှိပါတယ်။သာမန်အဖြူဆင်းခြင်းမှာ အနံ့မရှိသော အရည်ကြည် သို့မဟုတ် နို့နှစ်ရောင်ရှိတဲ့ အဖြူဆင်းခြင်းတို့ဖြစ်ပါတယ်။သာမန်မဟုတ်တဲ့အဖြူဆင်းခြင်းမှာတော့...

✅မှိုရောဂါကြောင့်အဖြူဆင်းခြင်း။

✅ အဖြူဆင်းချိန်ဆီးပူတာ ဆီးကျင်တာမျိုးဖြစ်
ခြင်း။

✅ အဖြူဆင်းချိန်အနံ့ပြင်းများနံခြင်း။

✅သာမန်ထက်အရည်ပြစ်များဆင်းခြင်း။

✅ အမြုပ်ထွက်ခြင်း။

✅မိန်းမကိုယ်ယားယံခြင်း။

✅ အခဲပုံစံအဖြူဆင်းခြင်းစသည့်လက္ခဏာတွေပဲဖြစ်ပါတယ်။

သာမန်မဟုတ်တဲ့အဖြူဆင်းခြင်းကိုကာကွယ်နိုင်တဲ့နည်းလမ်းတွေ‌ကတော့.....🧑‍⚕️👩🏼‍⚕️

✅တစ်ကိုယ်ရည်သန့်ရှင်းမှုကို ပုံမှန်ပြုလုပ်ခြင်း။

✅PH level မျှတသောသန့်စင်ဆေးရည်အသုံးပြု
ခြင်း။

✅ပေါ့ပါးသော အတွင်းခံများ ၀တ်ဆင်ခြင်း။

✅လိင်ဆက်ဆံရာတွင် ကွန်ဒုံးအသုံးပြုခြင်း။
စသည့်နည်းလမ်းတွေနဲ့ အထိုက်အလျောက်ကာကွယ်နိုင်ပါတယ်။

သင့်အနေနဲ့ သာမန်မဟုတ်တဲ့ အဖြူဆင်းခြင်း လက္ခဏာများကို ခံစားနေရပြီဆိုရင်တော့ ဆေးရုံဆေးခန်းများသို့သွားရောက်ပြီး ဆေးကုသမှုအမြန်ခံယူဖို့ တိုက်တွန်းလိုက်ရပါတယ်ရှင်။🧑‍⚕️👩🏼‍⚕️

26/09/2023

လူငယ်တွေရေပန်းစားလာတဲ့ (K)လို့ခေါ်တဲ့
K Powdered milk Party Drug အကြောင်းတစေ့တစောင်း💯

🔹2020 ခုနှစ်နောက်ပိုင်းတွေမှာ K powdered milk (K) လို့ခေါ်တဲ့ တရားမ၀င် မူးရစ်ဆေးတစ်မျိုးဟာ မြန်မာ ထိုင်း အပါအ၀င် အရှေ့တောင်အာရှ နိုင်ငံတွေမှာ သုံးစွဲမှု များပြားလာပါတယ်။🧑‍⚕️

🔹မြန်မာနိုင်ငံမှာလည်း K ကို Bar တွေ Club တွေ နဲ့ KTV တွေမှာ Party Drug အနေနဲ့ တရားမ၀င်သုံးစွဲနေကြတာကို တွေ့နေရပါတယ်။ သုံးစွဲသူအများစုကလည်း ဆယ်ကျော်သက်အရွယ်ကနေ 30 ၀န်းကျင်လူငယ်ပိုင်းတွေအများစုအသုံးပြုကြပါတယ်။🧑‍⚕️🧑‍⚕️🧑‍⚕️

🔹K တရားမ၀င်မူးရစ်ဆေးဝါးမက်သာဖက်တမင်း ၊
ဟီးရိုးအင်းနဲ့ စိတ်ကျရောဂါက်ိုကုသဆေး သို့မဟုတ် အိပ်ဆေးများပါဝင်တဲ့ Ketamine (ကက်တမင်း)တို့ကိုရောနှောပြီးအမှုန်ပုံစံပြုလုပ်ထားတဲ့ တရားမ၀င်မူးရစ်ဆေးဝါးတစ်မျိုးပဲဖြစ်ပါတယ်။🧑‍⚕️🧑‍⚕️🧑‍⚕️

🔹K က စွဲလမ်းမှုကို အလွန်အမင်ဖြစ်စေတဲ့ မူးရစ်ဆေးဝါးတစ်မျိုးဖြစ်ပါတယ်။ဘိန်းဖြူ၊စိတ်ကြွဆေး(WY)တို့နဲ့ မတူတဲ့ အချက်ကတော့ သွေးထဲမှာအာနိသင်အကြာကြီး မကျန်စေပဲ (၃)ရက်ကနေ (၁)ပတ်အတွင်းပျက်ပြယ်စေတဲ့ အတွက်ကြောင့် Party တို့လို ပျော်ပွဲရွှင်ပွဲတွေမှာ K ကို အဓိက ထား အသုံးပြုလာတာကိုတွေ့ရပါတယ်၊၊🙅🙅🙅

🔹Kဟာ မူးရစ်ဆေး၀ါးဖြစ်တဲ့ အတွက်ကြောင့် နည်းနည်းလောက် သုံးစွဲလိုက်ယုံနဲ့ ရုပ်ပိုင်ဆိုင်ရာနဲ့ စိတ်ပိုင်းဆိုင်ရာ ဆိုးကျိုးတွေကို ခံစားရစေတယ်၊၊

🔹ဖြစ်ရပ်တစ်ခုကို ပြန်ကြည့်မယ်ဆိုရင် 2021 ခုနှစ် January လမှာဆိုရင် ကျွန်တော်တို့ အိမ်နီးချင်းထိုင်းနိုင်ငံမှာK ကို အလွန်အကျွံသုံးစွဲတဲ့ အတွက် လူ(၆)ဦးတစ်ရက်တည်းမှာပင် သေဆုံးခဲ့ ရပါတယ်၊၊

🔹K Powdered Milk ဟာ သုံးစွဲပြီးပြီးချင်း စိတ်ပျော်စေပြီး လေထဲလွင့်သလို ခံစားရစေတာကြောင့် Party Drug အဖြစ်လူသိများရခြင်းပဲဖြစ်ပါတယ်၊၊

🔹K ကိုနည်းနည်းပဲ သုံးသုံး အလွန့်အကျွံပဲသုံးသုံး ခန္ဓာကိုယ်အတွက် ဘေးထွက်ဆိုးကျိုးတွေကို ခံစားရစေပါတယ်။

ဒါတွေကတော့....
❗နှုတ်ခမ်းတွေပြာလာမယ်။
❗စိတ်နဲ့ ကိုယ်နဲ့ ကွာနေသလို ခံစားရစေမယ်။
❗မူး‌ဝေအော့အန်ချင်သလိုခံစားရစေမယ်။
❗ထင်ယောင်ထင်မှားတွေဖြစ်မယ်။
❗မျက်လုံးများကြောင်တောင်တောင်ဖြစ်စေမယ် စတဲ့ ဆိုးကျိုးတွေကို ခံစားရစေပါတယ်။

အလွန့်အကျွံအများအပြားသုံးမိရင်တော့...

❗အသက်ရှုနှုန်းတွေ နှေးလာမယ်။
❗ဦးနှောက်စွမ်းဆောင်ရည်တွေကျဆင်း
လာမယ်။
❗အကြောဆွဲသလိုတွေဖြစ်လာတာ
❗သတိလစ်မေ့မြောစေတဲ့ အပြင်ကိုမာအဆင့်
ထိတောင်ရောက်နိုင်ပါတယ်၊၊

🔹ဒါတင်မကသေးပဲ ဆီး၊အူနဲ့ ကျောက်ကပ်ပိုင်းတွေမှာလည်း ရောဂါမျိုးစုံကို ခံစားရနိုင်ပါတယ်၊၊အရက်ဆေးခြောက်တို့လို တခြားမူးရစ်စေတဲ့ အရာတွေနဲ့ တွဲသုံးမိလိုက်ရင်တော့ အသက်အန္တရယ်ကို ထိခိုက်စေနိုင်လောက်ထိအောင် ဆိုးကျိုးတွေကို ခံစားရစေတတ်ပါတယ်၊၊

🔹ဒီတော့ Kကို အပျော်အပါးကိစ္စတစ်ခုတည်းနဲ့ သုံးမယ်ဆိုရင်တော့ မသုံးခင်အချိန်တည်းက ဖြစ်နိုင်ချေရှိတဲ့ ဆိုးကျိုးတွေကို အရင်လေ့လာကြည့်သင့်ပါတယ်၊၊ဒါမှသာ မိမိကိုယ်ကိုနှင့်ပတ်၀န်းကျင်အတွက် ဆင်ခြင်နိုင်မဲ့ အပြင်မူးရစ်ဆေးရဲ့ သားကောင်ဘ၀ကို မရောက်ရှိတော့မှာပဲဖြစ်ပါတယ်။

ဲ့ဆိုးကျိုးများ

26/09/2023

✅ကာကွယ်ဆေးအမျိုးမျိုးထိုးနှံနိုင်ဖို့အတွက်
ယခု ချက်ချင်းစာရင်းပေးသွင်းနိုင်ပါပြီ၊၊

✅ကာကွယ်ခြင်းသည် ကုသခြင်းထက်ပို၍
ကောင်းမွန်ပါသည်။ဒါကြောင့်ရောဂါပိုး
မကူးစက်ခံရခင် ကာကွယ်ဆေးထိုးခြင်းဖြင့်
သင်နှင့်သင်ချစ်ရတဲ့မိသားစုများကို ကာကွယ်လိုက်ပါ။

✅ကျွန်တော်တို့ Peti Toe Healthcare serviceမှ
Covid ကာကွယ်ဆေး အပါအ၀င် တခြား
ကာကွယ်ဆေးအမျိုးအစားများကိုလည်း
သက်သာသောစျေးနှုန်း ကောင်းမွန်သော
၀န်ဆောင်မှုများဖြင့် ၀န်ဆောင်မှုပေးလျက်ရှိပါသည်၊၊🧑‍⚕️

ရရှိနိုင်သည့် ကာကွယ်ဆေးအမျိုးအစားများမှာ-

💉Covid ကာကွယ်‌ဆေး

✅Covishield
✅Covaxin
✅Moderna Spikevax
✅ Pfizer

နောက်ဆုံးထွက်Bivalentရရှိနိုင်ပါသည်။

💉ပြင်းထန်အဆုတ်ရောင်ရောဂါ ကာကွယ်ဆေး

✅PREVNAR 13®

💉သားအိမ်ခေါင်းကင်ဆာကာကွယ်ဆေး

✅Gardasil 4 / 9

💉အသည်းရောင်အသား၀ါ(B)ပိုးကာကွယ်ဆေး

✅Euvax B
✅Bevac(India)

💉ရာသီတုပ်ကွေးရောဂါကာကွယ်ဆေး(4မျိုးစပ်)

✅vaxigrip tetra

✅အထက်ပါကာကွယ်ဆေးအမျိုးအစားများကို
Cold Chain စနစ်တကျစီစဉ်ထားပြီး
ဆေးစစ်မှန်မှုအာမခံပါသည်။🧑‍⚕️

✅အနယ်နယ်အရပ်ရပ်မှ ဆေးသီးသန့်
လက်မှတ်သီးသန့်ဝယ်ယူလိုပါကလဲ
စနစ်တကျပို့ဆောင်ပေးပါသည်။

✅ကာကွယ်ဆေးများကိုတစ်ကြိမ်မှ
မထိုးရသေးသည့်သူများနှင့်Booster ထိုးမည့်သူများ
စာရင်းပေးသွင်းနိုင်ပါသည်။

✅နိုင်ငံခြားနှင့် ပြည်တွင်းခရီးစဥ်များထွက်ရန်
QRပါသော လက်မှတ် လိုအပ်သူများအတွက်လည်း
ဦးစားပေးဆောင်ရွက်ပေးနေပါသည်။

📌သင်္ဘောသားများ yellow bookတပါတည်း
ယူဆောင်လာပါရှင် တံဆိပ်တုံး တစ်ခါတည်း
ထုပေးပါသည်။

📌နိုင်ငံခြားသားcompanyကြီးများနှင့်ဝန်ထမ်းများ

📌စက်ရုံလုပ်သားများ

📌ဘာသာရေးဆိုင်ရာအသင်းအဖွဲ့များ

📌NGO/UNအဖွဲ့အစည်း/သံရုံးဝန်ထမ်းနှင့်
မိသားစုဝင်များ စသည့်

✅အဖွဲ့အစည်းများကိုလည်းကာကွယ်‌ဆေး
ထိုးနှံခြင်းအားဆောင်ရွက်ပေးနေပါသည်။

✅အိမ်ပင့်(Home service) အစီအစဥ်များဖြင့်လည်း
လူကြီးမင်းတို့အချိန်ကုန် လူပင်ပန်းသက်သာစွာဖြင့်
ကာကွယ်ဆေးထိုးနှံနိုင်ပါပြီ၊၊

✅booking ရယူရန်အတွက် chatbox တွင်
အမည်၊ဖုန်းနံပါတ်ချန်ထားပေးပါရှင်၊၊

ကာကွယ်ဆေးနှင့်ပတ်သက်ပြီး
သိလိုသမျှမေးမြန်နိုင်ရန်
☎️ ဖုန်းနံပါတ် ☎️

09 785533768
09 785533817

ကိုဆက်သွယ်စုံစမ်းနိုင်ပါတယ်။

#တုပ်ကွေး
® #ပြင်းထန်အဆုတ်ရောင်
ိုးကာကွယ်ဆေး
#အသည်းရောင်အသားဝါBပိုးကာကွယ်ဆေး
#သားအိမ်ခေါင်းကင်ဆာရောဂါကာကွယ်ဆေး

#ရာသီတုပ်ကွေးကာကွယ်ဆေး၄မျိုးစပ်
#ပြည်ပထွက်မည့်သူများအတွက်လည်းထောက်ခံချက်စာရွက်စာတန်းများကိုပါဆောင်ရွက်ပေးပါမည်

25/09/2023

လိပ်ခေါင်းရောဂါဆိုတာ ရှက်စရာရောဂါတစ်ခုလား ? 🤔

လိပ်ခေါင်းရောဂါဆိုတာ ရှက်စရာရောဂါ တစ်ခု မဟုတ်ပါဘူး။🧑‍⚕️🧑‍⚕️

လိပ်ခေါင်းရောဂါ စဖြစ်တဲ့ စအိုဟာ သေးငယ်တဲ့ သွေးကြောမျှင်များစွာနဲ့ ဖွဲ့စည်းတည်ဆောက်ထားပြီး စအို ကြွက်သားတွေ လျော့ရဲလာတဲ့အခါမှာ
ဒီသွေးကြောမျှင်လေးတွေက ရောင်ရမ်းပြီး
ဖောင်းလာတဲ့ အခြေအနေမျိုးကို လိပ်ခေါင်းရောဂါဖြစ်စဥ်လို့ခေါ်ပါတယ်။ 🧑‍⚕️

လိပ်ခေါင်းရောဂါက အသက်အရွယ်မရွေးဖြစ်နိုင်ပါတယ်။ အဓိကကတော့ ၀မ်းချုပ်လွယ်တဲ့သူတွေ၊ ရေသောက်နည်းတဲ့ သူတွေမှာ ပိုပြီး အဖြစ်များ
နိုင်ပါတယ်။ 🧑‍⚕️

လိပ်ခေါင်းရောဂါက အပြင်လိပ်ခေါင်းနဲ့ အတွင်းလိပ်ခေါင်းဆိုပြီး အုပ်စုနှစ်ခု
ခွဲခြားထားပါတယ်။ ပုံမှန်ကတော့
တစ်မျိုးတည်း ဖြစ်ကြပေမဲ့ တစ်ချို့ သူများတွင် အပြင်လိပ်ခေါင်းရော အတွင်းလိပ်ခေါင်း‌‌ရောဖြစ်တတ်ကြပါတယ်။

လိပ်ခေါင်းရောဂါရဲ့ ရောဂါလက္ခဏာ‌တွေကတော့...

✅၀မ်းသွားစဥ် အညိုမဲမဲသွေး၀မ်းသွားခြင်း

✅အဖြူရောင်ချွဲများပါခြင်း။

✅၀မ်းသွားရခက်ခဲခြင်း။

✅စအို တစ်၀ိုက် ရောင်ရမ်းခြင်း။

✅စအိုတွင် အဖုအလုံးထွက်လာခြင်း ။

✅သွေးထွက်သော်လည်း နာကျင်မှုမရှိခြင်း။

စတဲ့ ရောဂါ လက္ခဏာတွေကို အများဆုံးတွေ့ရလေ့ရှိပါတယ်။

အဆိုပါလက္ခဏာတွေက အပြင်လိပ်ခေါင်းမှာ အများဆုံးဖြစ်တတ်ပြီး အတွင်းလိပ်ခေါင်းမှာတော့ နာကျင်မှုကို ခံစားရလေ့မရှိပါဘူး။

ဘယ်သူတွေမှာ အဖြစ်များလဲဆိုတော့

🔰အ၀လွန်သူများ

🔰၀မ်းမကြာခဏ ချုပ်တတ်သူများ ၊၀မ်းလျှော
တတ်သူများ

🔰ကိုယ်၀န်သည်များ

🔰ကြာရှည်စွာအညောင်းထိုင်ရသူများ

🔰အိမ်သာ အချိန်ကြာမြင့်စွာတက်သူများ

🔰စအိုဖြင့်လိင်ဆက်ဆံသူများ

🔰အမျှင်ဓါတ်နည်းတဲ့ အစားအစာများစားခြင်း
စတာတွေကြောင့် အဖြစ်များကြပါတယ်၊၊

လိပ်ခေါင်းရောဂါက မကူးစက်တတ်သလို
ရောဂါအခြေအနေ မပြင်းထန်တတ်ပါဘူး။
တချို့သူများတွင် အလိုလို ပျောက်သွားတတ်ပြီး
နည်းလမ်းမှန်ကန်တဲ့ ဆေးများသောက်သုံးရုံနဲ့လည်း ပျောက်ကင်းနိုင်ပါတယ်။

ဒါကြောင့် လိပ်ခေါင်းရောဂါက ရှက်စရာရောဂါတစ်ခုမဟုတ်သလို အရမ်းစိုးရိမ်စရာလည်း မလိုပါဘူး၊၊တကယ်လို့ရောဂါဒဏ်ကို မခံနိုင်လောက်အောင် အရမ်းခံစားနေရပြီဆိုရင်တော့ နီးစပ်ရာကျွမ်းကျင်ဆရာ၀န်ကြီးများနှင့် တိုင်ပင်ပြီး ကုသမှု ခံယူသင့်ပါတယ်၊၊🧑‍⚕️🧑‍⚕️

#လိပ်ခေါင်းရောဂါ
#အပြင်လိပ်
#အတွင်းလိပ်

23/09/2023

အမျိုးသမီးတိုင်းကာကွယ် သားအိမ်ခေါင်းကင်ဆာ ရောဂါ အန္တရာယ် ⚠️

သားအိမ်ခေါင်းကင်ဆာလို့ပြောလိုက်တာနဲ့ အမျိုးသမီးတိုင်းကို ဒုက္ခအပေးနိုင်ဆုံး ‌ရောဂါတစ်ခုဆိုတာ
ပြောစရာမလိုလောက်ပါဘူး။ဘာလို့လဲဆိုတော့ သားအိမ်ခေါင်းကင်ဆာက အမျိုးသမီးတွေမှာပဲ
ဖြစ်တတ်တဲ့ ကင်ဆာ ရောဂါတစ်မျိုးဖြစ်လို့ပါ။ 🧑‍⚕️🧑‍⚕️

သားအိမ်းခေါင်းကင်ဆာက ကမ္ဘာတဝှမ်းလုံးမှာ ဒုတိယ ဖြစ်ပွားမှုအများဆုံး ကင်ဆာတစ်မျိုးပဲဖြစ်ပါတယ်။
မြန်မာနိုင်ငံရဲ့ အိမ်နီးချင်းနိုင်ငံဖြစ်တဲ့ ထိုင်းနိုင်ငံမှာ နှစ်စဉ်အမျိုးသမီးဦးရေ ၆၀၀၀ ကနေ ၈၀၀၀ ကြား ဖြစ်ပွားနေကြပြီး နေ့စဥ် သားအိမ်ခေါင်းကင်ဆာကြောင့် သေဆုံးမှု ဦးရေကလည်း ၅ ဦးနှင့် အထက်သေဆုံးနေကြရတယ်လို့ စစ်တမ်းတွေ အရသိရပါတယ်။🧑‍⚕️🧑‍⚕️

ဒါဆို သားအိမ်ခေါင်းကင်ဆာက ဘယ်ကနေစဖြစ်လဲ?

သားအိမ်ခေါင်းကင်ဆာက HPV virus လို့ခေါ်တဲ့ (Human papilloma virus)ကြောင့်ဖြစ်ရတာပါ။
HPV Virus 100 ကျော်ရှိတဲ့ အထဲမှ နံပါတ် 16 နဲ့ 18 က သားအိမ်ခေါင်းကင်ဆာကို ဖြစ်နိုင်ခြေအမြင့်ဆုံးဖြစ်ပါတယ်။ တခြားနံပါတ်တွေကတော့ လိင်ကနေ တစ်ဆင့် ကူးစက်တတ်တဲ့ ရောဂါတွေကို ဖြစ်ပွားပါတယ်။

သားအိမ်ခေါင်းကင်ဆာက စစကူးချင်းမှာ
ရောဂါ လက္ခဏာမှ မပြပဲ နှစ်အနည်းငယ်အကြာ
ကင်ဆာအဆင့်ရောက်မှ လက္ခဏာပြတာကြောင့် အသက် ၂၁ နှစ်ပြည့်ပြီးသူ အမျိုးသမီးတိုင်း
သားအိမ်ခေါင်းကင်ဆာကို မဖြစ်မနေစစ်ဆေးသင့်ပါတယ်။ 🧑‍⚕️🧑‍⚕️

ရောဂါလက္ခဏာတွေကတော့...

❗အတူနေစဥ်သွေးဆင်းတာ
❗ဆီးစပ်ကိုက်တာ
❗အတူနေစဥ်သာမန်မဟုတ်တဲ့ နာကျင်မှုမျိုး
ခံစားရတာ
❗အဖြူဆင်းတာ အနံ့နံတာ သွေးစတွေပါလာတာ
❗သွေးဆုံးပြီးမှ သွေးပြန်ဆင်းတာ
စတဲ့ မူမမှန်တဲ့ လက္ခဏာတွေကို ကြုံတွေနေရပြီဆိုရင်တော့ ကျွမ်းကျင်ဆရာ၀န်များနှင့် နောက်မကျခင်
အမြန်ပြသသင့်ပါတယ်။

ဒါဆို သားအိမ်ခေါင်းကင်ဆာကို ဘယ်လို ကာကွယ်ကြမလဲ?

သားအိမ်ခေါင်းကင်ဆာကို ကာကွယ်ဖို့ အကောင်းဆုံးနည်းလမ်းကတော့ ကာကွယ်ဆေး ထိုးနှံခြင်းပါပဲ။အသက် ၉ နှစ်အရွယ်မှ စလို့ အရွယ်ရောက်ပြီးသူအမျိုးသမီးတိုင်း သားအိမ်ခေါင်းကင်ဆာ ရောဂါကို မဖြစ်မနေထိုးနှံသင့်ပါတယ်။🧑‍⚕️🧑‍⚕️

ကာကွယ်ဆေးက တစ်ကြိမ်တည်းထိုးနှံရတဲ့ ပုံစံမျိုးမဟုတ်ပဲ ဆေးအာနိသင် ကောင်းမွန်စွာ လည်ပတ်နိုင်အောင် 9 နှစ်ကနေ 14 နှစ်အတွင်း ကလေးငယ်များဆိုရင်( 2 ကြိမ်) 14 နှစ်အထက်ဆိုရင်( 3 ကြိမ်) ထိုးနှံပေးရပါတယ်။ဒါ့အပြင် 5 နှစ်ပြည့်ရင်‌ နောက်တစ်ကြိမ်ထပ်မံထိုးခြင်းဖြင့် အမျိူးသမီးတိုင်းအတွက် အန္တရာယ်အရှိဆုံးနဲ့ ကြောက်ဖို့အကောင်းဆုံး သားအိမ်ခေါင်းကင်ဆာရောဂါရန်မှ ကာကွယ်လိုက်ပါ။🧑‍⚕️🧑‍⚕️

ဆေးအမျိုးအစားနဲ့ အသေးစိတ်ထိုးနှံခြင်းအကြောင်းအရာကို ကျွမ်းကျင်ရာဆရာဝန်ကြီးများနဲ့ သားဖွားမီးယပ်အထူးကုတွေနဲ့တိုင်ပင်ထိုးနှံပေးသင့်ပါတယ်။

သားအိမ်ခေါင်းကင်ဆာကာကွယ်ဆေးထိုးနှံလိုပါက
ကြိုတင် bookingရယူနိုင်ပါပြီ။
ဆက်သွယ်ရန်
☎️𝟬𝟵-𝟳𝟴𝟱𝟱𝟯𝟯𝟳𝟲𝟴
☎️𝟬𝟵-𝟳𝟴𝟱𝟱𝟯𝟯𝟴𝟭𝟳

#အမျိုးသမီးတိုင်းကာကွယ်သားအိမ်ခေါင်းကင်ဆာရောဂါအန္တရာယ်
#သားအိမ်ခေါင်းကင်ဆာ
#ကာကွယ်ဆေး

23/09/2023

စိတ်ဖိစီးမှုကို ဘယ်လိုရင်ဆိုင်ဖြေရှင်းကြမလဲ?🤔

စိတ်ဖိစီးမှုဆိုတာ လူတိုင်းနီးပါးဖြစ်ဖူးကြပါလိမ့်မယ်။ မိသားစု လုပ်ငန်းခွင် နဲ့ relationship တွေမှာ အဆင်မပြေမှုတွေ ကြုံတွေ့ကြရတဲ့ အခါမှာ စိတ်ဖိစီးမှုတွေကို စတင် ခံစားရကြပါတယ်။🧑‍⚕️

စိတ်ပင်ပန်းလာတဲ့အခါ အဆင်မပြေတာတွေများလာတဲ့ အခါမှာ ခန္ဓာကိုယ်ထဲကနေ
Stress ဟော်မုန်းတွေ ထွက်လာပါတယ်။🧑‍⚕️

Stress ဟော်မုန်းတွေ ထွက်လာတဲ့
အခါမှာ ခန္ဓာကိုယ်က နှလုံးခုန်နှုန်းတွေမြန်လာတာ စိတ်အလိုမကျတော့တာ တစ်ခုခုဆို မဖြေရှင်းနိုင်တော့တာ ကြွက်သားတွေ တင်းရင်းလာတာ နဲ့ အသက်ရှူနှုန်းတွေ မြန်လာတာ စတဲ့ လက္ခဏာတွေကို ဖြစ်ပေါ်နိုင်ပါတယ်၊၊🧑‍⚕️

တစ်ခါတစ်လေ စိတ်ဖိစီးမှုတွေကို အများအပြားခံစားလာရပြီဆိုရင် အတွေးအမှားတွေ ၀င်လာပြီး ကိုယ့်ကိုယ်ကို Su***de လုပ်တဲ့ အခြေအနေတွေထိအောင် ရောက်နိုင်တာကြောင့်မို့ စိတ်ဖိစီးမှုကို မပေ့ါသင့်ပါဘူး ။

တကယ်လို့ စိတ်ဖိစီးမှုတွေကို ခံစားနေပြီဆိုရင်လည်း အကောင်းဆုံးနည်းလမ်းတွေကို ရှာဖွေပြီး မြန်မြန်ဖြေရှင်းဖြေရှင်းသင့်ပါတယ်။

စိတ်ဖိစီးမှုခံစားနေပြီဆိုရင်...

✅စိတ်ကို သက်တောင့်သက်သာဖြစ်အောင်ထား
ပါ။

✅အသက်ကို ဖြေဖြေးမှန်မှန်ရှူသွင်း/ရှူထုတ်ပေး
ရပါမယ်။

✅မလုပ်နိုင်တဲ့ အကြောင်းအရာ ကိစ္စတွေကို
မလုပ်နိုင်ဘူးပြောပါ။

✅ကိုယ်လက် လေ့ကျင့်ခန်းလုပ်ပါ။

✅တစ်ရေးတစ်မော အိပ်ပါ။

✅ကိုယ်ခံစားနေရတာကို ယုံကြည်ရသူတွေမှာ
ရင်ဖွင့်ပါ။

✅သီချင်းများကို နားထောင်ပါ။

စိတ်ဖိစီးမှုတွေကို ကြုံတွေ့ရတဲ့အခါ စိတ်တွေရှုပ်ထွေးနေပြီးအပေါ်က အချက်လေးတွေကို လုပ်ကြည့်ပြီးဖြေရှင်းသင့်ပါတယ်။

တကယ်လို့အပေါ်က အချက်တွေကို မလုပ်ပဲထားလိုက်ရင် စိတ်အခြေအနေတွေ ပိုဆိုးလာပြီးရေရှည်မှာ စိတ်ရောဂါဖြစ်နိုင်တဲ့ အနေအထားထိရောက်နိုင်တာမို့လို့ လုံး၀ကို မပေါ့သင့်ပါဘူး။

အပေါ်က အချက်လေးတွေနဲ့ ဖြေရှင်းလို့မရဘူးဆိုရင် နီးစက်ရာဆေးရုံဆေးခန်းတွေကို သွားပြီး တိုင်ပင်ဆွေးနွေးသင့်ပါတယ်။🧑‍⚕️🧑‍⚕️

#စိတ်ဖိစီးမှု
#စိတ်ဖိစီးမှုကိုဖြေရှင်းခြင်း

Peti Toe Healthcare Clinic

21/05/2025

18/10/2024

22/09/2024

22/08/2024

11/10/2023

28/09/2023

26/09/2023

26/09/2023

25/09/2023

23/09/2023

23/09/2023

Address

Opening Hours

Telephone

Website

Alerts

Contact The Practice

Shortcuts

Share

Category

Monday	09:00 - 17:00
Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00
Sunday	09:00 - 17:00