11/08/2025
များသောအားဖြင့်
ဆီးချိုသွေးချိုရောဂါရှိသူတွေဟာ
အိမ်မှာစက် ဝယ်ထားတက်လို့
စက်မှာဒါမျိုးဖြစ်ခဲ့ရင် သိရအောင်ရည်ရွယ်ပြီးတင်ပြရခြင်းဖြစ်ပါတယ်....
ဆီးချိုတိုင်းစက်ရဲ့ Error များ
စက်မှာ -
E - b လို့ပြနေရင် စက်ရဲ့ဓာတ်ခဲအားနည်းနေတာပါ။ ဓာတ်ခဲအသစ်လဲပြီးပြန်တိုင်းကြည့်ရမှာဖြစ်ပါတယ်။
E - U လို့ပြနေရင် Stick မကောင်းတာဖြစ်ပါတယ်။
Stick ကိုရေစိုလက်နဲ့ကိုင်မိတာ၊ သွေးထည့်ပြီးမှ Stick ထည့်မိတာ၊ Stick ပျက်တာတို့ ဆိုရင်ဖြစ်တတ်ပါတယ်။ Stick အသစ်လဲပြီးတိုင်းကြည့်ရမှာဖြစ်ပါတယ်။
E - t လို့ပြနေရင် ပတ်၀န်းကျင်အပူချိန်အရမ်းမြင့်လွန်း (သို့) အရမ်းနိမ့်လွန်းနေတာဖြစ်ပါတယ်။
ပုံမှန်စက်က 10°C နဲ့ 40°C (50°F နဲ့ 104°F) ကြားမှာအလုပ်လုပ်မှာဖြစ်ပြီး ထိုထက်ကျော်လွန် (သို့) နိမ့်ကျတဲ့အပူချိန်မှာဆို Error ပြနေမှာဖြစ်ပါတယ်။
E - F လို့ပြနေရင် စက်ကစစ်ဆေးနေတဲ့အချိန် နံပတ်ရေတွက်နေတဲ့အချိန် Stick ကိုဆွဲဖြုတ်လိုက်ရင် (သို့) သွေးထည့်တာနည်းသွားရင်ပေါ်လာတတ်ပါတယ်။ Stick အသစ်ထည့်ပြီး ပြန်တိုင်းရမှာဖြစ်ပါတယ်။
E -0 , E - A , E - E သုံးခုထဲကတစ်ခုခုပြနေပြီဆိုရင်တော့ စက်မှာ Error ဖြစ်နေတာ (သို့) စက်ပျက်နေတာဖြစ်ပါတယ်။ Stick အသစ်ထည့်ပြီးပြန်တိုင်းကြည့်ရမှာဖြစ်ပြီး မရရင်တော့စက်ပျက်တာဖြစ်ပါတယ်။
E - C လို့ပြနေရင်တော့ Coding Error ဖြစ်ပြီး စက်နဲ့ stick မကိုက်ညီတာဖြစ်ပါတယ်။ အသုံးပြုသူတွေမပြင်တတ်တဲ့ Error ပဲဖြစ်ပါတယ်။
စေတနာဖြင့်ပြန်လည်မျှဝေထားပါသည်
original uploader