03/08/2025
မိဘတွေ၊ ဆရာ/မ တွေအနေနဲ့ သင်ကြားရေးမှာ(သင်ကြားတဲ့နေရာမှာ) အရမ်းမလောဖို့လို့ပါတယ်။ ကိုယ့်ရဲ့စိတ်၊ ကိုယ့်အမြင်နဲ့ နှိုင်းယှဥ်ပြီး သင်လို့မရပါဘူး။ ဒါလေးတောင် မလုပ်တတ်ဘူးလား၊ မရဘူလား၊ ဒါလေးများ ဘာခက်နေလို့လဲ ၊ အလိုက်တာ၊ နုံလိုက်တာ ၊ဖျင်းလိုက်တာ စသဖြင့် ပြောလို့မရပါဘူး။ ကိုယ့်အတွက်က လွယ်ကူပေမဲ့ ကလေးအတွက်ကျတော့ လွယ်ချင်မှ လွယ်လိမ့်မယ်။
ဒါကြောင့် သင်ကြားရေးမှာ ဆရာ/မ တွေအနေနဲ့
◾စိတ်ရှည်ရမယ်
◾ကလေး စိတ်ဝင်စားမဲ့ နည်းလမ်းတွေနဲ့ သင်ကြားနိုင်ရမယ်( ဘယ်လိုနည်းလမ်းတွေလဲဆိုတာ လက်တွေ့သင်ကြားနေတဲ့ ဆရာ/မ တွေက ကိုယ့်ရဲ့ကလေးတွေ ဘယ်လိုနည်းလမ်းနဲ့သင်ယူရတာ ပျော်လဲ၊စိတ်ဝင်စားလဲ ပိုသိပါလိမ့်မယ် )
◾ကိုယ်တိုင်က အမြဲတမ်း Active ဖြစ်နေဖို့လိုတယ်
◾အကောင်းမြင်စိတ်ရှိရမယ်
◾ကလေးတွေကို တန်းတူ ဆက်ဆံနိုင်ရမယ်
◾ကိုယ်ချင်းစာတရား ထားနိုင်ရမယ်
◾ကလေးရဲ့ သင်ယူနိုင်မှုစွမ်းရည်ကို ထည့်သွင်းစဥ်းစားပေးရမယ်။
သင်ကြားရေးမှာ မိဘတွေအနေနဲ့
◾လောဘ အရမ်းမကြီးပါနဲ့ ။(မူကြိုအရွယ်ကလေးတစ်ယောက်ကို က မှ အ၊ A to Z အကုန်ရေးတတ်စေချင်လို့မရပါဘူး။
ကျောင်းသွားတာတစ်ပတ်ပဲရှိသေးတယ်၊ ဟိုစာမရသေးလို့၊ ဒီစာမရေးတတ်သေးလို့ ဆိုပြီး complaint တက်လို့မရပါဘူး။
ကလေးတစ်ယောက် change ဖြစ်ဖို့ တိုးတက်လာလား ၊မတိုးတက်ဘူး ဆိုတာကို သတ်မှတ်ဖို့အတွက် အချိန်၃လလောက်စောင့်ကြည့်ရပါတယ်)
◾ကလေးရဲ့ ဖြစ်တည်မှု၊ အားနည်းချက်၊ သင်ယူနိုင်တဲ့စွမ်းရည်တွေကို နားလည်လက်ခံ နိုင်ဖို့လိုပါတယ်။(ကိုယ့်ရဲ့ကလေးက သင်ယူမှုမှာ တတ်မြောက်လွယ်တဲ့ကလေးမျိုးလား၊ တတ်မြောက်ဖို့ အချိန်ပိုပေးရတဲ့ကလေးမျိုးလား ဆိုတာ ကိုယ်တိုင်သိရှိဖို့လိုပါတယ်။)
◾တခြားသူနဲ့ နှိုင်းယှဥ်ပြီး ဖိအားမပေးပါ။
◾အချိန်တခဏအတွင်း မြန်မြန် တတ်စေချင်တဲ့ စိတ်ကို လျော့ပါ။ (ဥပမာ-နွေသုံးလတည်းနဲ့ english four skill လည်းကျွမ်းစေချင်တယ်၊ ကွန်ပျူတာကိုလည်းကျွမ်းစေချင်၊ ဟော...တခြား သင်္ချာတွေကိုလည်း တတ်စေချင်ပြန်ရော၊ပန်းချီ၊ ဂီတ စသဖြင့်ပေါ့ အဲလို့ကျတော့ကလေးအတွက် ဘယ်အဆင်ပြေတော့မလဲ )
တတ်မြောက်စေချင်ရင် ကလေးကိုလည်း သင်ယူဖို့ လုံလောက်တဲ့ အချိန်တစ်ခုပေးဖို့တော့လိုပါတယ်။
ကလေးများအားလုံး သာယာလှပတဲ့ အနာဂတ်ကို ပိုင်ဆိုင်နိုင်ကြပါစေ။ 🙏🙏
copy ခွင့်မပြုပါ။ ❎❎
လွတ်လပ်စွာ မျှဝေနိုင်ပါသည်။ ✔✔
