https://www.facebook.com/256919830848557/

Calcium & Magnesium-အရိုးအဆစ်၊အကြော၊အရွတ်ဝေဒနာများအတွက်

Home
Myanmar
Yangon
Calcium & Magnesium-အရိုးအဆစ်၊အကြော၊အရွတ်ဝေဒနာများအတွက်

🌱 အရိုးအဆစ်ပြဿနာများသည် အချိန်ကြာလေ ကုသရန်ခက်ခဲသည်ကို သတိပြုပါ🌱

02/06/2024

✅ခါးနာခြင်း အကြောင်းများနှင့် ကုသနည်းများ

ခါးနာတယ်ဆိုတာ လူတိုင်းနီးပါးကြုံတွေ့ရတဲ့ နာကျင်မှု ပြဿနာတစ်မျိုးပါ။လူလတ်ပိုင်းအရွယ် ၈၀%လောက်ဟာ သူတို့တစ်သက်တာမှာ ခါးနာမှုကို တစ်ကြိမ်တော့ခံစားဖူးကြပါတယ်။

ခါးနာတယ်ဆိုတာက ဆယ်ကျော်သက်အရွယ်ကစလို့ ဘိုးဘိုးဘွားဘွားအရွယ်ထိ အားလုံးခံစားရနိုင်တဲ့ ကျန်းမာရေးပြဿနာတစ်ခုပါ။နေ့စဥ်သွားလာမှုတွေလုပ်ရင်းနဲ့ကို ခါးနာတာက အမှတ်မထင်ခံစားရနိုင်ပါတယ်။

✅ဘာတွေကများ ခါးနာစေတာလဲ?
ခါးနာစေနိုင်တဲ့အကြောင်းအရင်းများကတော့ အများကြီးပါ.....

#အလေးအပင်မတာ
#ရုတ်တရက် အထိုင်အထလုပ်မိတာ
#ကိုယ်နေဟန်ထား မမှန်တာ
#ပြုတ်ကျတာ
#ချော်လဲတာ
#လေ့ကျင့်ခန်းအပြင်းအထန်လုပ်တာ
#မတော်တဆ ထိခိုက်မိတာ
#အဆစ်ရောင်နာ
#အရိုးပြားတာ
#အရိုးကြောညပ်တာ
#အာရုံကြောညပ်တာ
#ကြွက်သားရောင်တာ
#ကျောက်ကပ်ရောဂါ စတဲ့ပြဿနာအမျိုးမျိုးကြောင့် ခါးနာတာကိုခံစားရနိုင်ပါတယ်။

✅ခါးနာတာက အဖြစ်များတဲ့ ကျန်းမာရေးပြဿနာတစ်ခုပါ။ခါးနာတဲ့အခါ...

#ရေသောက်တာ
#ရေနွေးအိပ်ကပ်တာ
#ရေခဲဝတ်ကပ်တာ
#နှိပ်နယ်ပေးတာ
#ဆေးလိမ်းတာ
#လေ့ကျင့်ခန်းလုပ်တာ
#အနားယူတာမျိုးတွေ လုပ်ပေးရပါမယ်။ဒီလိုလုပ်ဆောင်မှုနဲ့အတူ ၃ရက်အကြာမှာ ခါးနာတာသက်သာသွားမယ်ဆိုရင် ဒါကရိုးရိုးခါးနာတာပါ...

✅ဘယ်အခြေအနေဆိုစိုးရိမ်ရမလဲ?

တကယ်လို့အပေါ်မှာပြောသလိုတွေလုပ်ဆောင်တယ်။ဒါပေမယ့် ၃ရက်ကျော်တဲ့အထိ ခါးနာတာမသက်သာဘူး။ခါးနာတာမသက်သာတာနဲ့အတူ ဒီလိုတွေခံစားရမယ်ဆိုရင် အမြန်ဆုံးကုသမှုခံယူဖို့ လိုနေပါပြီ။

#ခါးထဲကစူးကနဲ့နာကျင်မယ် ဒါကကြွက်သား ဒါမှမဟုတ် အရွတ်စုတ်ပြဲတာဖြစ်နိုင်ပါတယ်။နောက်ထပ်ဖြစ်နိုင်တာကတော့ ကိုယ်တွင်းအဂ်ါတစ်ခုခုမှာ ရောဂါခံစားနေရတာပါ။

#ခါးထဲကနေအနှံမှာ တဆစ်ဆစ်နာမယ် နာကျင်မှုနေရာစုံကိုရွေ့နေမယ် ခြေလက်တွေထဲအထိ နာကျင်မယ်ဆိုရင်တော့ အာရုံကြောညပ်နေတာဖြစ်နိုင်ပါတယ်။

#ခါးနာရင်းက ခြေထောက်တွေထဲအားမရှိသလို ခံစားရမယ် ခါးထဲကနေ နာတဲ့အခါ ခြေထောက်တွေပါနာလာတာ ခြေထောက်တွေထဲအားမရှိသလိုခံစားရတာက အာရုံကြောဖိမိနေတာ တင်ပါးဆုံက အာရုံကြောတွေ ညပ်နေတာမျိုးဖြစ်နိုင်ပါတယ်။

#ဆီးဝမ်းမနိုင်တာမျိုးဖြစ်မယ်
ခါးနာတာက ခါးတင်နာတာမဟုတ်ဘဲ ဆီးတွေဝမ်းတွေကို မထိန်းနိုင်တဲ့အထိဖြစ်နေတာဆိုရင် အာရုံကြောပျက်စီးနေတာ ကြောရိုးမကြီးပိုးဝင်နေတာ ဦးနှောက်အမြှေးရောင်နေတာတွေကို ဖြစ်နိုင်ပါတယ်။

#ပေါင်ရင်းကထုံနေတာ (သို့)တဆစ်ဆစ်စူးပြီး နာမယ် ခါးနာတာက ပေါင်ခြံ ဒါမှမဟုတ် ပေါင်ရင်းကထုံနေမယ် ဒါမှမဟုတ် တဆစ်ဆစ်စူးပြီး နာနေမယ်ဆိုရင် အာရုံကြောပြင်းပြင်းထန်ထန် ထိခိုက်တာဖြစ်နိုင်သလို ကျောရိုးမကြီး ထိခိုက်တာမျိုးဖြစ်နိုင်ပါတယ်။

#ခါးနာတာက အဆိုးရွားဆုံးအနေနဲ့ အောက်ပိုင်းသေသွားတာမျိုးထိ ဖြစ်စေနိုင်တာကြောင့် သေချာလေးဂရုစိုက်စေချင်ပါတယ်။

#အထိုင်အထခက်ခဲခြင်း #အရိုးပွ #လေးဘက်နာ #ကျီးပေါင်း #ဂေါက် #ဒူးနာ #ခါးနာ #အရိုးအဆစ်ဝေဒနားများအတွက်အကောင်းဆုံး #စေတနာဖြင့်ပြန်လည်မျှဝေပါသည် #အားလုံးပဲကျန်းမာချမ်းသာကြပါစေ #ကျန်းမာရေးနဲ့ပက်သက်တဲ့ဗဟုသုတများကိုမျှဝေပေးနေတာဖြစ်တဲ့အတွက်pageကိုlike follow & Shareလေးလုပ်ပေးသွားအုန်းနော်🥰

31/05/2024

📌ဒူးနာသက်သာစေမယ့် နည်းလမ်း (၅)မျိုး

ဒူးနာတယ်ဆိုတာ တစ်ကြိမ်တစ်ခါဖြစ်ပြီး ပျောက်သွားတတ်တဲ့အရာမဟုတ်။ ခုသက်သာသွားလည်း အခန့်မသင့်တိုင်းပြန်ပြန်ဖြစ်တတ်တဲ့ ဒဏ်ပါ။ လမ်းလျှောက်ရင်းနဲ့၊လှေကားတက်ဆင်းရင်းနဲ့၊ အထိုင်အထလုပ်ရင်းနဲ့ မျက်ခနဲဖြစ်ပြီဆို သွားပြီလေ။ ဒူးနာရတဲ့အကြောင်းရင်းတွေက အဆစ်နာရောဂါလား၊ ထိခိုက်မှုရှိလို့လား၊ အရိုးပွနေတာလားအမျိုးမျိုးရှိနိုင်တယ်။ ဒူးအဆစ်ထဲမှာ ပြဿနာရှိနေတာလား၊ အရွတ်တွေထိထားတာလားဆိုတာ စစ်ဆေးကုသမှုလုပ်ပြီးမှ သိနိုင်မှာပါ။

ဆရာဝန်နဲ့ ကုပြီးပြီပဲထားပါဦး၊ သက်သာပြီးနောက်ပိုင်း တော်ရုံနည်းနည်းနာတာလောက်တော့ ခဏခဏဆေးခန်းမပြေးနိုင်ကြဘူးမဟုတ်လား။ အချိန်လည်းပေးရမယ်၊ ငွေလည်းရှိရမယ်၊ အတူလိုက်ပို့ပေးမယ့်သူလည်းရှိရမယ် ဆိုတော့ ဒဏ်ကြေဆေးနဲ့ ပလာစတာပဲ အားကိုးကြရတာပဲ။ ဒီလိုအချိန်မှာ အပြင်ကဝယ်စရာမလိုဘဲ အိမ်မှာရှိတတ်တဲ့ပစ္စည်းတွေနဲ့ပဲ သဘာဝနည်းနဲ့ ကုသနိုင်မယ်ဆို ပိုအဆင်ပြေနိုင်မလား။ ဒူးနာသက်သာစေမယ့် အိမ်တွင်းဆေးဆရာတွေကို မိတ်ဆက်ပေးလိုက်ပါမယ်။

(၁) နာနတ်သီး၊ သစ်ကြံပိုးခေါက်၊ အုတ်ဂျုံ

ဒီသုံးမျိုးရောစပ်ထားတဲ့ မနက်စာမှာ ဗီတာမင်တွေ၊ သတ္တုဓာတ်၊ အမျှင်ဓာတ်တို့ပါဝင်တဲ့အပြင် နာနတ်သီးမှာရောင်ရမ်းမှုလျော့ကျစေတဲ့ bromelainဒြပ်ပေါင်းပါဝင်လို့ နာကျင်တာ၊ ရောင်ရမ်းတာတွေသက်သာစေနိုင်ပါတယ်။

ကွေကာကြမ်း(အုတ်ဂျုံ)ကို ကျိုပြီးရေတစ်ခွက်၊ လိမ္မော်ရည်တစ်ခွက်၊ အတုံးသေးတုံးထားတဲ့ နာနတ်သီး ပန်းကန်လုံးသုံးလုံးစာ၊ သစ်ကြံပိုးခေါက်အမှုန့်တစ်ဇွန်း၊ ပျားရည်တစ်ဇွန်း လိုအပ်ပါတယ်။ အုတ်ဂျုံကလွဲပြီး ကျန်တာအကုန် blender နဲ့ကြိတ်ချေပါ။ ပြီးမှ အုတ်ဂျုံကို နည်းနည်းချင်းထည့်ထည့်ပြီး ပျစ်နှစ်လာတဲ့အထိ ဆက်ကြိတ်ပါ။

(၂)ချင်း
ချင်းမှာ gingerol ဆိုတဲ့ ဒြပ်ပေါင်းတစ်မျိုးပါဝင်လို့ ရောင်ရမ်းခြင်းနဲ့ ကြွက်သားနာကျင်ခြင်းကို သက်သာစေနိုင်စွမ်းရှိပါတယ်။ ဒီအာနိသင်အတွက် သူ့ကို စားလည်းရ၊ လိမ်းလည်းရပါတယ်။ ချင်းက အစိုပဲဖြစ်ဖြစ်၊ အခြောက်ခံထားတဲ့အမှုန့်ဖြစ်ဖြစ် အာနိသင်ရှိတာကြောင့် ဘယ်အစားအစာမှာဖြစ်ဖြစ် အမှုန့်လေးထည့်စားလည်းရတယ်။ ဒူးနာနေတုန်း ဆက်တိုက်သောက်ပေးလို့ အဆင်ပြေတာကတော့ ချင်းရေနွေးကြမ်းပါပဲ။ နုတ်နုတ်စဉ်းထားတဲ့ ချင်းနှစ်ဇွန်းစာကိုရေနွေးထဲထည့်တည်ပါ(ဆယ်မိနစ်လောက်)၊ပြီးရင် အဖတ်တွေစစ်ထုတ်ပစ်ပါ။ ချင်းရေနွေးထဲကို ပျားရည်ထည့်၊ ကြိုက်တတ်ရင် သံပရာရည်ညှစ်ပြီးနေ့တိုင်းသောက်လို့ရပါတယ်။ ချင်းကဆေးဖက်ဝင်တဲ့ တခြားအာနိသင်တွေလည်းရှိလို့ ဘေးမရှိနိုင်ပါဘူး။

(၃) နှမ်းဆီနဲ့ သံပရာ

နှမ်းဆီကို တရုတ်နဲ့ အိန္ဒိယတိုင်းရင်းဆေးမှာ ကျန်းမာရေးပြဿနာအတော်များများအတွက် သုံးကြပါတယ်။ နှမ်းဆီက ကြွက်သားနာကျင်တာ၊ အရိုးအဆစ်နာ၊ ထိခိုက်နာကျင်တာတွေအတွက် သက်သာစေနိုင်ပါတယ်။ ဒူးနာတဲ့အခါ နှမ်းဆီလိမ်းလို့ရတယ်။ ဆီကိုနွေးနွေးလေးအပူပေးပြီး လိမ်းရင် ပိုကောင်းပါတယ်။

နောက်တစ်ခုက အတည်ပြုထားတဲ့ သိပ္ပံလေ့လာမှုမရှိသေးပေမယ့် နှမ်းဆီကို သံပရာသီးနဲ့ရောလိမ်းရင် ပိုသက်သာတယ်လို့တချို့က ယုံကြည်ပါတယ်။ ဘယ်လိုလဲဆိုတော့သံပရာသီးကို လှီး၊ စိတ်ပြီး နှမ်းဆီထဲနှစ်၊ သံပရာစိတ်ကိုကိုင်ပြီး ဒူးမှာပွတ်လိမ်းရတာပါ။ သံပရာစိတ်နဲ့ နှိပ်နယ်တာပေါ့။

(၄) နနွင်း
ဟင်းချက်တိုင်း အမြဲပါလေ့ရှိတဲ့ နနွင်းက အနာကျက်စေနိုင်တာကိုတော့ သိကြပါတယ်။ သူ့မှာ အကိုက်အခဲပျောက်ဆေးအာနိသင်ပါနေတာက ibuprofenနဲ့ တန်းတူလောက်ရှိတယ်လို့ လေ့လာမှုတွေကပြောပါတယ်။ curcuminဒြပ်ပေါင်းပါဝင်မှုများလို့ အကိုက်အခဲပျောက်၊ အရောင်ကျစေတဲ့ အာနိသင်တွေရှိနေတာဖြစ်ပါတယ်။

နနွင်းကို ပုံမှန်စားသုံးပေးရင် အရိုးပွရောဂါ၊ လေးဖက်နာရောဂါဖြစ်နိုင်ခြေနည်းစေတယ်လို့ သုတေသနတွေ့ရှိချက်တွေရှိပါတယ်။ ဒါ့ကြောင့်ပဲ ဟိုးယခင်တည်းက မြန်မာ့ရိုးရာမှာ နနွင်းနဲ့ ဆားမီးဖုတ်၊ လက်ဖက်ခြောက်ကို အချိုးညီညီရောစပ်ထားတဲ့ နနွင်းဆေးကို ပုံမှန်သောက်ခိုင်းကြတာဖြစ်ပါလိမ့်မယ်။ ဒူးနာတဲ့အချိန် နနွင်းရေနွေးကြမ်းဖြစ်ဖြစ် နနွင်းဆေးဖြစ်ဖြစ်သောက်ပေးလို့ရပါတယ်။

(၅) မုန်ညင်းဆီ

မုန်ညင်းဆီကို သံလွင်ဆီနည်းနည်းရောပြီးဖြစ်ဖြစ် သူ့ချည်းပဲဖြစ်ဖြစ် ဒူးမှာလိမ်းပေးရင် ဒူးနာသက်သာစေနိုင်ပါတယ်။ သွေးလည်ပတ်မှုကောင်းစေပြီး အရောင်ကျစေတယ်၊ နာကျင်မှုလည်းလျော့စေတယ်။ နောက်တစ်နည်းက မုန်ညင်းဆီထဲ ကြက်သွန်နီ သို့မဟုတ် ကြက်သွန်ဖြူထည့်ပြီး မီးပျော့ပျော့နဲ့ ၁၀ မိနစ်လောက်အပူပေးပါ။ အဲဒီဆီကို အအေးခံပြီး နှိပ်နယ်လိမ်းပါ။ allicinဒြပ်ပေါင်းပါဝင်မှုကြောင့် ကြက်သွန်ကလည်း အရောင်ကျစေနိုင်စွမ်းရှိပါတယ်။

ဒီနည်းလေးတွေက ကုသမှုနေရာမှာ အစားထိုးဖို့တော့မဟုတ်ဘူးနော်။ ဒူးနာတာကို မကုသဘဲထားတာကြာရင်၊ ကြိတ်ခံစားတာကြာရင် အရိုး၊အဆစ်၊အရွတ်၊ကြွက်သားတို့မှာ မလိုအပ်ဘဲနောက်ဆက်တွဲပြဿနာတွေဖြစ်လာရတာမကောင်းပါဘူး။ဖြစ်နိုင်ရင် ဆရာဝန်ပြပြီး ကုသမှုခံယူပါ။ အပေါ်မှာပြောခဲ့သလို အနည်းအကျဉ်းနာကျင်တာမို့၊ ဆေးခန်းမသွားဖြစ်လို့၊ အခြေအနေမပေးလို့၊ ဒဏ်ကြေဆေးတွေမလိမ်းချင်လို့ စတဲ့အနေအထားတွေမှာသာ ဒီသဘာဝနည်းလေးတွေကို စမ်းကြည့်ပါ။ဘေးဥပါဒ်ဖြစ်စရာမပါတဲ့ အိမ်သုံးပစ္စည်းတွေနဲ့မို့ ဝေဒနာသက်သာ၊ စရိတ်သက်သာစေဖို့ အကြံပြုလိုက်ပါတယ်။

#အထိုင်အထခက်ခဲခြင်း #အရိုးပွ #လေးဘက်နာ #ဂေါက် #ဒူးနာ #ကျီးပေါင်း #အရိုးအဆစ်ဝေဒနားများအတွက်အကောင်းဆုံး #စေတနာဖြင့်ပြန်လည်မျှဝေပါသည် #အားလုံးပဲကျန်းမာချမ်းသာကြပါစေ #ကျန်းမာရေးနဲ့ပက်သက်တဲ့ဗဟုသုတများကိုမျှဝေပေးနေတာဖြစ်တဲ့အတွက်pageကိုlike ,follow &Shareလေးလုပ်သွားဖို့မမေ့နဲ့နော်🥰

30/05/2024

📌ဂေါက်ရောဂါအတွက် ဆောင်ရန်ရှောင်ရန်အစားအစာများ

Uric Acid ဆိုတာအစားအစာတော်တော်များများတွေ့ရတဲ့ Purine ဓာတ်ပြိုကွဲမှုကနေ ထွက်လာတဲ့ priductတစ်ခုဖြစ်ပါတယ်...ခန္ဓာယ်ကိုယ်က Purine ပရိုတင်းတစ်မျိုးကို ခြေဖျက်ရာကနေ Uric Acid ဆိုတဲ့ဓာတန်တစ်မျိုးထွက်ပေါ်လာပါတယ်...

Uric ကများသောအားဖြင့်ဆီးထဲမှာပါသွားပေမယ့် သင့်ကျောက်ကပ်က ကောင်းမွန်စွာယအလုပ်မလုပ်ဘူးဆိုရင် သင့်ခန္ဓာကိုယ်က Uric Acid အများကြီးထုတ်လုပ်မယ်ဆိုရင် ၎င်းကပြဿနာတွေကို ဖြစ်စေနိုင်ပါတယ်...

Uric Acid ပိုလျှံမှုက သင့်အဆစ်များမှာ အနည်ထိုင်လာပြီး(အဆစ်အမြစ်ဂေါက်ရောဂါလို့သိကြတဲ့)ရောင်ရမ်းခြင်းတွေ၊နာကျင်ကိုက်ခဲခြင်းတွေဖြစ်စေနိုင်ပါတယ်...

သင့်ကျောာက်ကပ်ထဲမှာ substanceတွေစုပုံနိုင်ပြီး ကျောက်ကပ်ကျောက်တည်ခြင်း ဖြစ်လာနိုင်ပါတယ်...

အရွယ်ရောက်ပြီးအမျိုးသားများနှင့် သွေးဆုံးပြီးအမျိုးသမီးတွေအဖြစ်များပါတယ်...

Uric Acid လွန်ကဲတာကို လေ့လာတဲ့အခါ ၃ပုံ ၁ပုံက အစားအစာတွေကြောင့်လို့သိရပါတယ်...

✅ဂေါက်ရောဂါအတွက် စားသင့်သောအစားအသောက်များမှာ-

(၁)-ရေသောက်ခြင်း
ရေသောက်ခြင်းက သွေးထဲမှာရှိတဲ့ Uric Acid ပမာဏကို ဆီးကနေစွန့်ထုတ်ပေးသောကြောင့် တစ်နေ့လျှင် ရေ ၈ ခွက်မှ ၁၀ ခွက်အထိသောက်ပေးပါ။

(၂)-တရုတ်နံနံ
တရုတ်နံနံအစေ့(သို့)အရွက်ဟာ Uric Acid ကိုကျစေတဲ့ အာနိသင်ရှိတာကြောင့် ထမင်းစားရင်းဘဲဖြစ်ဖြစ် ဟင်းချက်တဲ့နေရာမှာဘဲဖြစ်ဖြစ် တရုတ်နံနံရွက်ကိုထည့်ချက်ပါ။

(၃)-ဗိုလ်စားပဲ
ဗိုလ်စားပဲသီးကို အစိမ်းလိုက်ဝါးစားခြင်း၊ဗိုလ်စားပဲသီးဖျော်ရည်တစ်နေ့ 150mml သောက်ပေးခြင်းဖြင့် အကျိုးထူးခံစားရပါလိမ့်မည်။

(၄)-ပန်းသီး
ပန်းသီးထဲမှာ မဲလစ်အက်စက်ဓာတ်က ယူရစ်အက်စက်ပမာဏကို မျှတစေလို့ နံနက်နေ့လည် ညထမင်းစားပြီးတိုင်း ပန်းသီးတစ်လုံးစီစားပါ (သို့)ပန်းသီးဖျော်ရည်ကို သဘာဝပျားရည်နဲ့ရောဖျော်သောက်ပါ။

(၅)-ငှာက်ပျောသီး
ဂေါက်ရောဂါပြင်းပြင်းထန်ထန်ခံစားနေရချိန်မှာ တစ်နေ့လျင် ငှက်ပျောသီး တစ်လုံးကျစီဖြင့် ၄ ရက်ဆက်တိုက်လောက်စားပေးပါ။

(၆)-ရှောက်သီးနဲ့သံပရိုသီး
ရှောက်သီးနဲ့ သံပရိုသီးထဲရှိ ဗီတာမင်စီဓာတ်များက အရိုးအဆစ်များကို သံမာစေရုံသာမက ယူရစ်အက်စက်ပမာဏကိုလည်း မျှတစေလို့ ရှောက်ရည် (သို့) သံပရိုသီးဖျော်ရည်ကို သကြားနဲ့ဆား လုံးဝမထည့်ဘဲနဲ့သောက်ပေးပါ။

(၇)-နာနတ်သီး
ယူရစ်အက်စက်ကို မျှတစေသည့် ရှားပါးသော bromelain ပါရှိသော နာနတ်သီးဟာ အဆစ်အမြစ်ရောင်ရမ်းခြင်းကို သက်သာစေတဲ့အတွက် ဂေါက်ရောဂါဖြစ်နေချိန်မှာ နာနတ်သီးစားခြင်းဟာ အဆစ်ရောင်ရမ်းခြင်းကို သက်သာစေပါတယ်။

(၈)-သဘော်သီးအစိမ်း
သဘော်သီးအစိမ်းကို အတုံးလေးတွေတုံးကာ ပြုတ်ပြီး လက်ဖက်ခြောက်ခပ်၍ ရောသောက်ပါ။

(၉)-ပန်းဂေါ်ဖီစိမ်း၊သခွားသီး
ပန်းဂေါ်ဖီစိမ်းနဲ့သခွားသီးတွေက သွေးထဲမှာ Uric Acid ပိုလျှံမှုနဲ့ အဆစ်များပတ်လည်ရှိ Uric Acid ပုံဆောင်ခဲတွေထုတ်လုပ်မှုကို လျော့နည်းစေပါတယ်။

(၁၀)-မုန်လာဥနီ
မုံလာဥနီကို ပုံမှန်စားပါက ဂေါက်ရောဂါကို ကာကွယ်ပေးသလို ကျန်းမာရေးကိုလည်းပိုမိုကောင်းမွန်စေနိုင်ပါတယ်။

(၁၁)-ချယ်ရီသီး
Anthocyanin လို့ခေါ်တဲ့ ဓာတ်တိုးဆန့်ကျင်ပစ္စည်းပါဝင်လို့ ချယ်ရီသီးက Uric Acid ပမာဏကိုလျော့ချပေးနိုင်တယ် အဆစ်ပတ်လည်မှာရှိတဲ့ Crystals မဖြစ်ပေါ်အောင်တားဆီးပေးနိုင်တယ်။

(၁၂)-ကြက်သွန်နီ
ခန္ဓာကိုယ်ကနေ Uric Acid တွေကိုဖယိထုတ်ပြီး Uric Acid ပိုလျှံလို့ ဖြစ်ပေါ်နိုင်တဲ့ ပြဿနာတွေကို ကြက်သွန်နီက ကူညီပေးတယ်။

(၁၃)-ရေနွေးကြမ်း
ရေနွေးကြမ်းပုံမှန်သောက်ရင်ဂေါက်ရောဂါကို တားဆီးပေးသလို သွေးထဲ Uric Acid ပမာဏမြင့်တက်တာကိုလည်း ထိန်းပေးပါတယ်။

(၁၄)-ဘယ်ရီသီးများ
ဘယ်ရီသီးတွေပုံမှန်စားလျှင် ခန္ဓာကိုယ်မှာ Uric Acid လွန်ကဲစွာ စုပုံခြင်းကို တားဆီးပေးနိုင်တယ်။

✅ဂေါက်ရောဂါအတွက်မစားသင့်သောအစားအစာများ

၁.ဝမ်းတွင်းကလီစာ-ဥပမာ-အသည်းအမြစ်၊နှလုံး၊ဦးနှောက်

၂.အနီရောင်ရှိသောအသားများ-ဥပမာ-အမဲသား၊ဆိတ်သား

၃.ပင်လယ်စာများ၊ငါးသေတ္တာ ငါးအစရှိတဲ့အစားအစာတွေဟာ Purine လို့ခေါ်တဲ့ ဓာတ်တစ်မျိုးပါဝင်တဲ့အတွက် Uric Acid ကိုပိုများစေပါတယ်။

၄.အချိုရည် အလွန်အကျွန်သောက်သုံးခြင်းကိုလည်းရှောင်ကျင်ရပါမယ်။သူတို့မှာ Uric Acid များနေပါတယ်...အကြောင်းအရင်းကတော့ အချိုရည်မှာပါတဲ့ သကြားဓာတ်တစ်မျိုးဖြစ်တဲ့ Fructose ကြောင့်ပါ။

၅.အရက်အလွန်အကျွန်သောက်သုံးတာကိုလည်းရှောင်ကျဥ်ရပါမယ်။

၆.ကော်ဖီကိုလည်းတစ်နေ့ ၂ခွက်အထက်ပိုမသောက်သင့်ပါ။

၇.ပဲပုပ်စေ့၊ကုလားပဲ စတဲ့ပဲတွေမှာတော့ Purine ပါဝင်မှုများတဲ့အတွက် အလွန်အကျွံမစားမိဖို့လိုအပ်ပါတယ်။

၈.မှို၊မျှစ်၊ပင်စိမ်း၊အာလူး၊ကညွတ်၊ဟင်းနုနွယ်၊တို့ကိုလည်းအများကြီးမစားသင့်ပါ။

#အထိုင်အထခက်ခဲခြင်း #အရိုးပွ #ကျီးပေါင်း #ဂေါက် #လေးဘက်နာ #ဒူးနာ #ခါးနာ #အရိုးအဆစ်ဝေဒနားများအတွက်အကောင်းဆုံး #စေတနာဖြင့်ပြန်လည်မျှဝေပါသည် #အားလုံးပဲကျန်းမာချမ်းသာကြပါစေ

#ကျန်းမာရေးနဲ့ပက်သက်တဲ့ဗဟုသုတများကိုမျှဝေပေးနေတာဖြစ်တဲ့အတွက်Pageကိုlike,follow &shareလေးလုပ်သွားဖို့မမေ့နဲ့နော်🙏

28/05/2024

☑️ဘာကြောင့် ဒူးနာရတာလဲ?

သင့်တသက်မှာ အနည်းဆုံးတခါလောက်တော့ ဒူးနာဖူးမှာ အမှန်ပါ။ ဘာလို့များ ဒူးနာရတာလဲလို့ သင်တွေးကောင်းတွေးမိမှာပါ။ ဒူးနာရခြင်း အကြောင်းရင်း အမျိုးမျိုး ရှိတဲ့အနက်က အဖြစ်အများဆုံး အကြောင်းရင်း သုံးမျိုးကို ဒီဆောင်းပါးမှာ ဖော်ပြပေးသွားမှာပါ။

☑️အဆစ်အမြစ်ရောင်ခြင်း အမျိုးမျိုးရှိပြီး အောက်ပါ အမျိုးအစားတွေက ဒူးနာစေပါတယ်။

✨Osteoarthritis (အရိုးနဲ့ အဆစ်အမြစ်ရောင်ခြင်း)

Osteoarthritis (အရိုးနဲ့ အဆစ်အမြစ်ရောင်ခြင်း)ကြောင့် ဒူးနာလေ့ရှိပါတယ်။ ဒီရောဂါကို အဆစ်အမြစ်များ ယိုယွင်းပျက်စီးရောင်ရမ်းခြင်းလို့လည်း ခေါ်ပါသေးတယ်။ အချိန်ကြာမြင့်လာတာနဲ့အမျှ သင့်ဒူးဟာ ကွေးနိုင်ဆန့်နိုင်စွမ်း တဖြည်းဖြည်းနည်းပါးလာပြီး တောင့်တင်းနာကျင်လာပါတော့တယ်။

ဒူးမျက်နှာပြင်ကလည်း ထိခိုက်ပျက်စီးလို့ လာပါတယ်။ သင့်လှုပ်ရှားသွားလာတဲ့အချိန် ဒါမှမဟုတ် ညအိပ်ရာဝင်ချိန်မှာ ဒူးနာလေ့ရှိပြီး နားလိုက်ရင်တော့ အနည်းငယ်သက်သာသွားနိုင်ပါတယ်။ ရောင်ရမ်းတဲ့နေရာက မာနေရင် ဒါဟာ အရိုးအပိုထွက်လာလို့ဖြစ်ပြီး ပျော့နေရင်တော့ အရည်တွေစုပုံနေလို့ ဖြစ်ပါတယ်။

✨Rheumatoid အဆစ်အမြစ်ရောင်ရောဂါ

မိမိခန္ဓါကိုယ်ရဲ့ ခုခံအားစနစ်ကနေ ကိုယ်ပိုင်တစ်ရှုးတွေကို ပြန်တိုက်တဲ့အခါ Rheumatoid အဆစ်အမြစ်ရောင်ရောဂါ ဖြစ်လာရပါတယ်။ ဒီအဆစ်အမြစ်ရောင်ရောဂါဟာ ဒူးအပါအဝင် ခန္ဓါကိုယ်ရဲ့ ဘယ်အဆစ်မှာမဆို ဖြစ်နိုင်ပါတယ်။
Rheumatoid အဆစ်အမြစ်ရောင်ရောဂါကြောင့် ခံစားရတဲ့ နာကျင်မှုဟာ ပြင်းထန်ပြီး နာတာရှည်ဖြစ်လာနိုင်သလို ပေါ်လိုက်ပျောက်လိုက်လည်း ဖြစ်နိုင်ပါတယ်။

✨ကူးစက်ပိုးဝင်ခြင်းကြောင့် ဖြစ်ပွားသော အဆစ်အမြစ်ရောင်ရောဂါ

သင့်ဒူးဟာလည်း ပိုးဝင်နိုင်ပြီး နာကျင်နီရဲဖောင်းကားလာနိုင်ပါတယ်။ အဖျားလည်း တက်နိုင်ပါသေးတယ်။ ကူးစက်ပိုးမဝင်ခင်မှာ ထူးထူးခြားခြား ထိခိုက်မိတာ၊ဒါဏ်ရာအနာတရဖြစ်တာ ဒါမှမဟုတ် တခြားပြဿနာတခုခု ဖြစ်တာမျိုး မရှိတတ်ပါဘူး။

☑️ဂေါက်ရောဂါ
ဂေါက်ရောဂါကြောင့်လည်း ပြင်းထန်စွာ ဒူးနာခြင်း၊နီရဲရောင်ရမ်းခြင်းတွေ ဖြစ်လာနိုင်ပါတယ်။ သင့်ခန္ဓါကိုယ်က uric acid ထုတ်လုပ်တဲ့အခါ ဂေါက်ရောဂါဖြစ်ပေါ်လာပါတယ်။ ဘာလို့လဲဆိုတော့ ဒီအက်ဆစ်က ခရစ်စတယ်လ်အခဲလေးတွေကို အဆစ်အမြစ်တွေမှာ အနည်ထိုင်စေတဲ့အတွက်ကြောင့်ပါ။ ဂေါက်ရောဂါဟာ သင့်ရဲ့ သွားလာလှုပ်ရှားမှုတွေကို ကန့်သတ်ပစ်လိုက်နိုင်ပါတယ်။

☑️ဒူးဒါဏ်ရာများ
ဒူးတဝိုက်မှာရှိတဲ့ ကြွက်သား၊အရွတ်၊အရွတ်ကြော၊အရိုး ဒါမှမဟုတ် အရိုးနုတွေမှာ ထိခိုက်ဒါဏ်ရာရရင် ဒူးနာနိုင်ပါတယ်။

☑️အရွတ်စုတ်ပြဲခြင်း
ပေါင်ရိုးနဲ့ ခြေသလုံးရိုးတို့ကို ဆက်သွယ်ချိတ်ဆက်ပြီး ဒူးဆစ်ဖြစ်လာအောင် ပြုလုပ်ပေးတဲ့ အရွတ်လေးခုရှိပြီး သူတို့ထဲက တခုဖြစ်တဲ့ anterior cruciate ligament (ACL) စုတ်ပြဲရင်၊အလွန်အကျွံဆွဲဆန့်ခံရရင် ဒူးနာနိုင်ပါတယ်။ဒူးအရွတ်စုတ်ပြဲတာကို ဘောလုံးသမား၊ဘတ်စကတ်ဘောကစားသမား စတဲ့ အားကစားသမားတွေမှာ အဓိကတွေ့ရပါတယ်။ ဘာလို့လဲဆိုတော့ သူတို့တွေဟာ ကစားနေရင်း ခန္ဓါကိုယ်ဦးတည်ရာကို ရုတ်တရက် ပြောင်းရလေ့ရှိတဲ့အတွက် ဖြစ်ပါတယ်။ ဒီလိုမျိုး ရုတ်တရက် ပြောင်းရတာကို အရွတ်က ခံနိုင်ရည် မရှိပါဘူး
အရိုးကျိုးတာဟာလည်း ဖြစ်လေ့ဖြစ်ထရှိတဲ့ ပြဿနာတခု ဖြစ်ပါတယ်။ အမြင့်ကပြုတ်ကျခြင်း၊ယာဉ်မတော်တဆဖြစ်ခြင်း၊အားကစားလုပ်စဉ် ထိခိုက်ဒါဏ်ရာရခြင်း ဒါမှမဟုတ် ခိုက်ရန်ဖြစ်ပွားခြင်းတွေကြောင့် အရိုးကျိုးနိုင်ပြီး အရိုးကျိုးရင်လည်း ဒူးနာနိုင်ပါတယ်။ ဒူးခေါင်းရိုးကို ငြိမ်အောင်ထားခြင်းအားဖြင့် အရိုးကျိုးခြင်းကို ကုသနိုင်ပါတယ်။

☑️အရိုးနုစုတ်ပြဲခြင်း
ပေါင်ရိုးနဲ့ ခြေသလုံးရိုးတို့ကြားမှာရှိတဲ့ အရိုးနုလေး စုတ်ပြဲသွားရင်လည်း ဒူးနာနိုင်ပါတယ်။ ဒူးကို ပံ့ပိုးထောက်,မပေးထားတဲ့ အရိုးနုနှစ်ခုရှိပြီး တော်ရုံထိခိုက်ဒါဏ်ရာတွေကို ကာကွယ်ပေးပါတယ်။ သူတို့ရှိလို့သာ ပေါင်ရိုးနဲ့ ခြေသလုံးရိုးတို့အကြား ပွတ်တိုက်မှုမရှိဘဲ ကြွေးနိုင်ဆန့်နိုင်တာ ဖြစ်ပါတယ်။ ရုတ်တရက် လှုပ်ရှားမှုတွေကြောင့် အဆိုပါ အရိုးနုလေးတွေ စုတ်ပြဲသွားနိုင်ပါတယ်။

☑️ရုပ်ပိုင်းဆိုင်ရာ ပြဿနာများ
ဒီပြဿနာတွေကြောင့်လည်း ဒူးနာနိုင်ပါတယ်။

☑️ဂုံညင်းရိုးလွဲခြင်း
ဂုံညင်းရိုးလို့ခေါ်တဲ့ ဒူးဆစ်အရိုးဟာ မူလနေရာကနေ အပြင်ကို ထိုးထွက်လာတဲ့ အခြေအနေကို ဆိုလိုပါတယ်။ ဂုံညင်းရိုးဟာ ဒူးဆစ်အရှေ့ပိုင်းကို ကာထားတာမို့ ခြေထောက်ရှေ့ဖက်မှာပဲ ဒီပြဿနာ ဖြစ်ပေါ်လေ့ရှိပါတယ်။ ခံစားရတတ်တဲ့ ရောဂါလက္ခဏာလေးတွေကတော့ နာကျင်ခြင်းနဲ့ ကောင်းကောင်းမလှုပ်ရှားနိုင်ခြင်း တို့ပဲ ဖြစ်ကြပါတယ်။

☑️တင်ပါး သို့မဟုတ် ခြေထောက်နာခြင်း
တင်ပါး သို့မဟုတ် ခြေထောက်နာရင် သင်လမ်းလျှောက်တဲ့ ပုံစံပါ ပြောင်းလဲသွားနိုင်ပါတယ်။ ဖိအားတွေအားလုံးက ဒူးနှစ်ဖက်လုံးကို ညီညီမျှမျှမရောက်ရှိတဲ့အတွက် ဒူးပိုလာနိုင်ပါတယ်။

ဒူးနာခြင်းဟာ နောက်ခံအကြောင်းရင်း အမျိုးမျိုးကြောင့် ဖြစ်ပေါ်လာနိုင်တဲ့အတွက် သူတို့အကြောင်းကို သိထားမယ်ဆိုရင် သင့်ရဲ့ စိုးရိမ်ပူပန်မှုတို့ကို လျှော့ချပေးနိုင်မယ့်အပြင် ဖြစ်မလာအောင်လည်း ကြိုတင်ကာကွယ်နိုင်မှာပါ။

#အထိုင်အထခက်ခဲခြင်း #အရိုးအဆစ်ဝေဒနားများအတွက်အကောင်းဆုံး #အရိုးပွ #လေးဘက်နာ #ဂေါက် #ကျီးပေါင်း #ဒူးနာ #ခါးနာ #စေတနာဖြင့်ပြန်လည်မျှဝေပါသည် #အားလုံးပဲကျန်းမာချမ်းသာကြပါစေ

21/05/2024

☑️လူတွေပြောပြောနေကြတဲ့ ဂေါက်ရောဂါ (Gout) ရောဂါဆိုတာဘာလဲ?

Gout ရောဂါဆိုတာကတော့ ခန္ဓာကိုယ်ရဲ့ ခြေဆစ်၊ လက်ဆစ်တွေနဲ့ တခြားအရိုးအဆစ်ကြီးကြီးမားမားတွေ (ဥပမာအားဖြင့် တံတောင်ဆစ်နဲ့ ဒူးဆစ်တွေ)မှာ Uric Acid Crystals လို့ခေါ်တဲ့ ပုံဆောင်ခဲလေးတွေကတစ်စထက်တစ်စ စုပုံလာပြီးတဲ့နောက်မှာ အဲ့ဒီအရိုးအဆစ်လေးတွေကရောင်ရမ်းလာပြီးတော့အရိုးအဆစ်လေးတွေနာကျင်လာတဲ့ရောဂါတစ်မျိုးပဲဖြစ်ပါတယ်။ပုံမှန်မှာတော့ ခန္ဓာကိုယ်ထဲကနေ Purine လို့ခေါ်တဲ့ Protein ဓာတ်တစ်မျိုးကို ကျောက်ကပ်ကနေတစ်ဆင့် စွန့်ထုတ်ရပါတယ်။ အဲ့ဒီ Purine လို့ခေါ်တဲ့ Protein ကို အကြောင်းကြောင်းကြောင့် ကျောက်ကပ်ကနေမစွန့်ထုတ်နိုင်တဲ့အခါ၊ ဒါမှမဟုတ် ကျောက်ကပ်ကနေစွန့်ထုတ်နိုင်တဲ့ပမာဏထက် ခန္ဓာကိုယ်မှာများပြားလွန်းနေတဲ့အခါမှာ အဲ့ဒီ Purine Protein က Uric Acid ဖွဲ့စည်းတည်ဆောက်တဲ့နေရာမှာ ဓာတ်ကူပစ္စည်းအနေနဲ့ကူညီဆောင်ရွက်ပေးလိုက်တဲ့အတွက် Uric Acid ကများသထက်များလာပါတော့တယ်။

🚨Gout ရောဂါလက္ခဏာတွေကဘာတွေလဲ?

Uric Acid Crystal ပုံဆောင်ခဲလေးတွေက ခန္ဓာကိုယ်ထဲမှာများပြားလာပြီး ခြေဆစ် (များသောအားဖြင့်ခြေမရဲ့ပထမအဆစ်ဘေး)၊ လက်ဆစ်၊ ပခုံးဆစ်နဲ့ ဒူးဆစ်တွေမှာ သွားရောက်စုပုံပြီးတဲ့နောက်မှာ ထိုအဆစ်တွေက ရောင်ရမ်းလာပြီး မခံနိုင်လောက်အောင် နာကျင်ကိုက်ခဲလာတတ်ပါတယ်။ အဆစ်တွေနာကျင်ကိုက်ခဲလာတာက တခြားလက္ခဏာတွေမပြပဲ ရုတ်တရက်ဆိုသလိုဖြစ်လာတတ်ပါတယ်။ ယေဘုယျအားဖြင့်ကတော့ မနက်စောစောပိုင်းတွေမှာ ခြေဆစ်လက်ဆစ်တွေက အထိမခံနိုင်လောက်အောင်၊ ကိုယ်ခြုံတဲ့စောင်နဲ့ကိုယ်အိပ်တဲ့အိပ်ယာခင်းရဲ့ဖိတဲ့ဒဏ်ကိုတောင်မခံနိုင်လောက်အောင်၊ မထိမကိုင်နိုင််လောက်အောင်ကို နာကျင်ရောင်ရမ်းတတ်ပါတယ်။အဆစ်ကနာကျင်နေတဲ့အပြင်ရောင်ရမ်းနေတာကြောင့် အဆစ်ပေါ်ကအရေပြားကလည်း နီနီပြောင်ပြောင်လေးဖြစ်ပြီး ခြောက်သွေ့နေတတ်ပါတယ်။ ပထမဆုံးစဖြစ်ဖြစ်ချင်းမှာတော့ အဆစ်တစ်ခုလောက်ပဲရောင်ရမ်းနာကျင်ကိုက်ခဲနေတတ်ပြီး နာရီအနည်းငယ်ကနေ ၂ရက်၊ ၃ရက်ကြာပြီးတဲ့နောက်မှာ ကုသမှုကို ဘယ်လောက်မြန်မြန်စတင်ခံယူနိုင်လဲဆိုတာပေါ်မူတည်ပြီး ပျောက်ကင်းသွားတတ်ပါတယ်။ တစ်ချို့ကတော့တစ်ဘဝလုံးမှာမှ တစ်ခါလောက်ပဲအထက်ပါလက္ခဏာတွေကိုခံစားရတတ်ပါတယ်။

☑️ ဘယ်သူတွေက Gout ရောဂါ ဖြစ်လေ့ရှိလဲ?

ပြောရရင်တော့လူတွေရဲ့ကျောက်ကပ်ကဘယ်လောက်အလုပ်လုပ်နိုင်လဲအပေါ်မှာ မူတည်ပြီး Uric Acid အနည်းအများပေါ်လိုက်ပြီး အဆစ်အမျစ်ရောင်တဲ့ Gout ရောဂါကဖြစ်တာပါပဲ။ ဒါပေမဲ့ Uric Acid တက်တိုင်း Gout ရောဂါလို့တထစ်ချသတ်မှတ်လို့မရပါဘူး။ Uric acid level ကတခြားအကြောင်းကြောင်းကြောင့်လည်းခန္ဓာကိုယ်ထဲမှာတက်နိုင်တဲ့အတွက်ကြောင့်ပါ။ Gout ရောဂါဟာ မျိုးရိုးလိုက်တတ်တဲ့ရောဂါဖြစ်ပြီးတော့ များသောအားဖြင့် အသက် (၃၀) နဲ့ အသက် (၆၀) ကြားထဲကအမျိုးသားထုတွေမှာ ဖြစ်တာပိုပြီးတွေ့ရများပါတယ်။ ရာဇဝင်ထဲမှာ သိသာထင်ရှားနာမည်ကျော်ကြားတဲ့သူတွေထဲက အလက်ဇန်းဒါးဘုရင် ၊ ကူဗလိုင်ခန် ၊ မာတင်လူသာကင်း နဲ့ အိုင်းဆက်နယူတန်တို့ကတော့ Gout ရောဂါကိုခံစားခဲ့ရတဲ့သူတွေပဲဖြစ်ပါတယ်။

☑️ ဘယ်လိုအရာတွေက Gout ရောဂါကိုဖြစ်စေနိုင်တာလဲ?

Gout ရောဂါရဲ့ အဓိကတရားခံကတော့ အရက်နဲ့ သူ့ရဲ့အပေါင်းအဖော် အရက်ပါတဲ့ဘီယာ၊ ဝိုင်တို့ပဲဖြစ်ပါတယ်။Gout ရောဂါဖြစ်တတ်တဲ့မျိုးရိုးရှိတဲ့သူတွေမှာကတော့ အစားအသောက်အလွန်အကြူးစားရုံ၊ အရက်ပါဝင်တဲ့ ဖျော်ရည်ယမကာသောက်ရုံနဲ့ Gout ရောဂါက ကျိန်းသေပေါက်ဖြစ်ကိုဖြစ်ပါတယ်။ အဝလွန်တဲ့သူတွေနဲ့ သွေးတိုးရောဂါရှိတဲ့သူတွေမှာပါ Gout ရောဂါ ဖြစ်တတ်လို့ မပေါ့ဆသင့်ပါဘူး။ ကျန်းမာရေးအခြေအနေကြောင့် ဆီးဆေး ( Diuretics )သောက်နေရတဲ့သူတွေ၊ ထိခိုက်ဒဏ်ရာရနေသူတွေ၊ ခွဲစိတ်ကုသမှုခံယူထားသူတွေ၊ ရေဓာတ်ခန်းခြောက်သူတွေ၊ အစားအစာအလွန်အကြူးစားသူတွေ၊ အစာရေစာပြတ်လပ်နေသူတွေက Gout ရောဂါဖြစ်နိုင်ချေများပါတယ်။

☑️ Gout ရောဂါဖြစ်လာရင်ဘယ်လိုအန္တရာယ်တွေရှိနိုင်လဲ?

Gout ရောဂါကနည်းမှန်လမ်းမှန်နဲ့ကုသရင် အရှင်းယူပစ်သလိုပျောက်နိုင်တဲ့ရောဂါမျိုးဖြစ်ပါတယ်။ အကယ်၍မကုသပဲထားလိုက်ရင်တော့ ကျောက်ကပ်မှာကျောက်တည်ပြီး ကျောက်ကပ်နဲ့ဆိုင်တဲ့နောက်ဆက်တွဲရောဂါတွေဖြစ်လာနိုင်ပါတယ်။

☑️ Gout ရောဂါပျောက်ကင်းအောင်ဘယ်လိုကုသရမလဲ?

“အမှိုက်ကစ ပြာသာဒ်မီးလောင်”ဆိုသလို ဖြစ်တတ်တဲ့အတွက် Gout ရောဂါလို့သံသယရှိတာနဲ့ အချိန်မနှောင်းခင်မှာ နည်းမှန်လမ်းမှန်ဆေးဝါးမှန်နဲ့ အမြန်ဆုံးကုသမှုခံယူလိုက်တာကအကောင်းဆုံးပါပဲ။ ဘာလို့နည်းမှန်လမ်းမှန်ဆေးဝါးမှန်လို့ပြောလဲဆိုတော့ Gout ရောဂါမှာနာကျင်ကိုက်ခဲမှုပျောက်အောင် အကိုက်အခဲပျောက်ဆေးပေးတဲ့နေရာမှာ Aspirin လိုဆေးမျိုးကို မှားပေးမိရင် လူနာကသက်သာလာရမဲ့အစား တစ်ရက်ထက်တစ်ရက်ပိုပြီး နာကျင်ခံစားလာရတတ်လို့ပါပဲ။ အရိုးအဆစ်တွေနာကျင်ကိုက်ခဲမှုအတွက် သက်သာအောင် အားလုံးသိတဲ့အတိုင်း အိမ်တွင်းကုထုံးဖြစ်တဲ့ ရေနွေးအိတ်ကပ်ပေးတာမျိုး၊ ရေခဲအိတ်ကပ်ပေးတာမျိုးလုပ်ပေးနိုင်ပါတယ်။ အကယ်၍ Gout ရောဂါကြောင့် အရိုးအဆစ်ကိုက်ခဲနာကျင်တာတွေက အဖန်တလဲလဲမပြတ် ပြန်ဖြစ်နေမယ်ဆိုရင်တော့ နောက်ထပ်မဖြစ်တော့အောင် သိနားလည်တဲ့ဆရာဝန်နဲ့သေချာပြပြီး လိုအပ်တဲ့ဆေးစစ်ချက်တွေ၊ ဆေးကုသမှုတွေကို ညွှန်ကြားချက်နဲ့အညီလိုက်နာရပါမယ်။

☑️Gout ရောဂါအတွက် ဆောင်ရန်၊ ရှောင်ရန်များ

🚨Purine လို့ခေါ်တဲ့ Protein ပါဝင်မှုနှုန်းမြင့်မားတဲ့အစားအစာတွေဖြစ်တဲ့ ဝမ်းတွင်းကလီစာအသားများ၊ အခွံမာရေသတ္တဝါများ (ဥပမာ ခရု၊ကမာကောင်)နှင့် စည်သွတ်ငါးသေတ္တာဘူးတွေကို စားသုံးတာလျှော့ချရပါမယ်။

🚨အရက်နှင့် အရက်ပါဝင်တဲ့ဖျော်ရည်ယမကာတို့ကို လျှော့သောက်ရပါမယ်။

🚨 သကြားပမာဏ အလွန်အကြူးအများအပြားပါဝင်တဲ့ အသင့်သောက်သုံးဖွယ်ရာတွေကိုလည်းရှောင်ရပါမယ်။

🚨အာဟာရပြည့်ဝတဲ့ အစားအစာကို သင့်တင့်မျှတအောင်စားသောက်ရပါမယ်။

🚨ရေများများသောက်ရပါမယ်။ တစ်ရက်ကိုရေအနည်းဆုံး နှစ်လီတာဝင်အောင် သောက်ပေးရင်ပိုကောင်းပါတယ်။

🚨 ကိုယ်အလေးချိန်ကိုလည်း မဝလွန်းမပိန်လွန်းစေပဲ ပုံမှန်အလေးချိန်အပိုင်းအခြားထဲရောက်နေအောင် ဂရုစိုက်သင့်ပါတယ်။

🚨 Gout ရောဂါကြောင့် ခြေဆစ်လေးတွေက ကြီးပြီးရောင်ရမ်းနာကျင်နိုင်တဲ့အတွက် ကိုယ်နဲ့သက်သောင့်သက်သာရှိတဲ့ ဖိနပ်မျိုးကိုပဲရွေးချယ်စီးနင်းသင့်ပါတယ်။

🚨 ကိုယ်လက်လေ့ကျင့်ခန်းကိုပုံမှန်လုပ်သင့်ပါတယ်။ ကိုယ်လက်လေ့ကျင့်ခန်းလုပ်တဲ့အခါမှာလည်းအပြင်းအထန်မလုပ်ရပါဘူးနော်။

🚨 ရာသီဥတုအေးလာတဲ့အခါမှာနွေးနွေးထွေးထွေးလေးနေပေးသင့်ပါတယ်။

လုပ်သွားဖို့မမေ့နဲ့နော်.

#အရိုးအဆစ်ဝေဒနားများအတွက်အကောင်းဆုံး #အထိုင်အထခက်ခဲခြင်း #အရိုးပွ #ကျီးပေါင်း #လေးဘက်နာ #ဂေါက် #ဒူးနာ #ခါးနာ #စေတနာဖြင့်ပြန်လည်မျှဝေပါသည် #အားလုံးပဲကျန်းမာချမ်းသာကြပါစေ

19/05/2024

🦴Spondylosis (အရိုးကျီးပေါင်းတက်ခြင်း) ကဘာလဲ?

အရိုးကျီးပေါင်းတက်ခြင်းသည် ခါးရိုးနှင့် ခါးရိုးဆစ်များကြားရှိ ချပ်ပြားများ ပျက်စီးလာခြင်းကို ဆိုလိုသည်။ အရိုးကျီးပေါင်းတက်ခြင်းသည် တနည်းအားဖြင့် ခါးကျောရိုးမ တွင် အရိုးအဆစ်များရောင်ခြင်းပင်ဖြစ်သည်။

အရိုးကျီးပေါင်းတက်ခြင်းသည် ကျောရိုးမကြီးရှိ လည်းပင်းနေရာ (လည်ပင်းကျီးပေါင်း)၊ ရင်ဘတ်အပေါ်နှင့် အလယ်နေရာ၊ ခါးအောက်ပိုင်းနေရာတို့တွင်ဖြစ်နိုင်သည်။ လည်ပင်းကျီးပေါင်းနှင့် ခါးကျီးပေါင်းတို့သည် အဖြစ်များဆုံးဖြစ်သည်။

🦴Spondylosis (အရိုးကျီးပေါင်းတက်ခြင်း) ရဲ့လက္ခဏာတွေကဘာတွေလဲ?

🌱အတွေ့ရများသော ရောဂါ လက္ခဏာများမှာ-

လည်းပင်း ၊ခါးတို့ နာခြင်း၊ တောင့်တင်းခြင်းနှင့် လှဲလျောင်းလိုက်လျှင် သက်သာသွားခြင်း

ကျီးပေါင်းသည် အာရုံကျောများကို ဖိသောအခါနှင့် ပင်မကျောရိုးမတွင်ဖြစ်နေသောအခါများတွင် ခြေထောက် နှင့် လက်မောင်းတို့အားနည်းလာခြင်း၊ ထုံကျင်လာခြင်း

ပခုံးများနာခြင်း

ခေါင်းကိုက်ခြင်း တို့ဖြစ်သည်။

🦴Spondylosis (အရိုးကျီးပေါင်းတက်ခြင်း) ကိုဘာတွေကဖြစ်စေသလဲ?

အသက်ကြီးလာသည်နှင့်အမျှ အရိုးများနှင့် တွယ်ဆက်ထားသော အရွတ်များအားနည်းလာခြင်းကြောင့် အရိုးပွခြင်းဖြစ်ရသည်။ ထိုနည်းတူပင် ခါးရိုးဆစ်များကြားရှိ ချပ်ပြားများ အားနည်းလာခြင်းကြောင့် အဆစ်ကျွံခြင်းဖြစ်လာကာ အရိုးကျီးပေါင်းတက်ခြင်းကဲ့သို့ပင် လက္ခဏာများ ခံစားလာရပါသည်။

🦴Spondylosis (အရိုးကျီးပေါင်းတက်ခြင်း) ဖြစ်နိုင်ခြေကိုဘာတွေက မြင့်တက်စေသလဲ?

အရိုးကျီးပေါင်းတက်ခြင်းကို ဖြစ်နိုင်ချေများစေသော အချက်များမှာ အောက်ပါတို့ဖြစ်သည်။

☑️အသက်အရွယ်

အရိုးကျီးပေါင်းတက်ခြင်းသည် အသက် ၂၀ မှ ၅၀ကြားတွင် အဖြစ်များသည်။ ဓါတ်မှန်လေ့လာချက်များအရ အသက်၄၀ကျော်များ၏ ၈၀%တွင်အရိုးကျီးပေါင်းတက်ခြင်း၏လက္ခါများရှိကြောင်းတွေ့ရသည်။

အသက်၄၅နှစ်အောက်များတွင် အရိုးကျီးပေါင်းတက်ခြင်းသည် အမျိုးသားများတွင် ပိုဖြစ်ပြီး အသက်၄၅နှစ်အထက်များတွင် အရိုးကျီးပေါင်းတက်ခြင်းသည် အမျိုးသမီးများတွင် ပိုဖြစ်သည်။

ကိုယ်အလေးချိန် လွန်ကဲခြင်း

အဆစ်များကို ထိခိုက်ဒဏ်ရာရဖူးခြင်း

မျိုးရိုးလိုက်ခြင်း

အဆစ်များပေါ်တွင် အကြိမ်ကြိမ်ဖိအားသက်ရောက်သော အလုပ်၊ အားကစားများလုပ်ခြင်းတို့ဖြစ်သည်။

🦴Spondylosis (အရိုးကျီးပေါင်းတက်ခြင်း) ကို ဘယ်လိုကုသပါသလဲ?

ပထမဦးစွာ ကိုယ်အလေးချိန်ထိန်းစေသည်။ လူတိုင်းသည် မိမိကိုယ်အလေးချိန်ကိုထိန်းသင့်သည်။ လေ့ကျင့်ခန်းများလည်းပြုလုပ်စေသည်။

ရေကူးခြင်း၊ လမ်းလျှောက်ခြင်းနှင့် အေရိုးဗစ်ကစားခြင်းတို့သည် အရိုးကျီးပေါင်းတက်ခြင်းကိုသက်သာစေသောလေ့ကျင့်ခန်းများဖြစ်သည်။

#အရိုးအဆစ်ဝေဒနားများအတွက်အကောင်းဆုံး #ဒူးနာ #ခါးနာ #ကျီးပေါင်း #ဂေါက် #လေးဘက်နာ #အရိုးပွ #အထိုင်အထခက်ခဲခြင်း #စေတနာဖြင့်ပြန်လည်မျှဝေပါသည် #အားလုံးပဲကျန်းမာချမ်းသာကြပါစေ

14/05/2024

☑️လေးဘက်နာရောဂါကို မကုသပဲထားပါက ဖြစ်လာနိုင်သည့် နောက်ဆက်တွဲရောဂါ(၁၀)မျိုး
------------------------------------------------------------

လေးဘက်နာရောဂါသည် ခန္ဓာကိုယ်ခုခံအားစနစ် မှားယွင်းတိုက်ခိုက်သောရောဂါ (Autoimmune) အမျိုးအစားဖြစ်ပြီး မနက်အိပ်ယာထခါစ (သို့မဟုတ်) ထိုင်ရာမှထခါစတွင် အဆစ်များတောင့်တင်းနာကျင်ပြီး လှုပ်ရှားရခက်သော ရောဂါဖြစ်သည်။ လေးဘက်နာရောဂါကို သေချာစွာမကုသပါက အဆစ်များတွင် သာမက အခြားခန္ဓာကိုယ်အစိတ်အပိုင်းများတွင်ပါ ဆိုးကျိုးများ တခုမဟုတ်တခု ဖြစ်နိုင်ပါသည်။

၁။ မှတ်ဥာဏ် နည်းသွားနိုင်ခြင်း
=================
လေးဘက်နာရောဂါရှိသူများသည် စိတ်ဖိစီးမှု၊ စိတ်အားငယ်မှုတို့ကို ခံစားရရုံသာမက မှတ်ဥာဏ်နည်းသွားခြင်း၊ အာရုံစူးစိုက်ရန်ခက်ခြင်း အစရှိသည်တို့ပါ ဖြစ်ပေါ်တတ်သည်။

၂။ သွေးကြောနံရံထူခြင်း
==============
လေးဘက်နာ ရောဂါရှိသူများသည် နာတာရှည်ရောင်ယမ်းမှု ဖြစ်သောကြောင့် ရိုးတွင်းခြင်ဆီမှ သွေးနီဥ ထုတ်လုပ်ခြင်းကိုလျော့နည်းစေသောကြောင့် သွေးအားနည်းခြင်းဖြစ်စေသည်။ လေးဘက်နာရောဂါ မကုဘဲထားပါက သွေးကြောများကို ထူလာစေပြီး သွေးကြောကျဥ်းလာကာ နှလုံးတိုက်ခိုက်ခံခြင်း၊လေဖြတ်ခြင်း အထိပါဖြစ်တတ်သည်။

၃။ဝမ်းချုပ်တတ်ခြင်း
============
လေးဘက်နာရောဂါ ရှိသူများသည် ဝမ်းဗိုက်ပြဿနာအနေဖြင့် ဝမ်းချုပ်ခြင်း ဖြစ်ပေါ်တတ်သည်။ အဆစ်ကိုက်ခဲသောကြောင့် သက်သာစေရန် သောက်သုံးသော အကိုက်အခဲပျောက်ဆေး ဆိုးကျိုးများအနေဖြင့် အစာအိမ်၊ အူအနာနှင့် အစာလမ်းကြောင်း သွေးယိုစီးခြင်းကိုပါ ဖြစ်ပေါ်စေနိုင်သည်။

၄။ အရိုးအဆစ် နာကျင်ခြင်း
================
လေးဘက်နာ၏ ကနဦးလက္ခဏာအဖြစ် လက်ဆစ်များ နာကျင်တောင့်တင်းခြင်းကို ခံစားရရုံသာမက သေချာစွာမကုသဘဲထားပါက အရိုးများပျက်စီးလာပြီး အရိုးသန်မာမှု အားနည်းခြင်း၊ အရိုးပွခြင်း၊ အရိုးကျိုးလွယ်ခြင်းကိုပါ ဖြစ်ပေါ်စေနိုင်သည်။

၅။ မျက်စိရောဂါများ
============
လေးဘက်နာရှိသူများသည် မျက်စိနီခြင်း၊ နာခြင်း၊ မျက်လုံးခြောက်ခြင်း၊ အမြင်ဝေဝါးခြင်း အစရှိသည့်အမြင်ဆိုင်ရာ ပြဿနာများကြုံတွေ့ရရုံသာမက မျက်စိတိမ်၊ ရေတိမ်များလည်း ဖြစ်နိုင်သည်။

၆။ ခံတွင်းဆိုင်ရာ ပြဿနာများ
==================
တခြို့သော လေးဘက်နာရောဂါရှိသူမြားသည်တံတွေးထုတ်လုပ်မှုကျဆင်းသော ကြောင့်အာခေါင် ခြောက်ခြင်းနှင့်ခံတွင်းသို့ရောဂါပိုးဝင်ရောက်ခြင်းများဖြစ်စေနိုင်သည်။

၇။ အဆုတ်တွင် ဖြစ်ပေါ်သော ရောဂါများ
=======================
လေးဘက်နာရောဂါရှိသူများတွင် အသက်ရှူလျှင်မောခြင်း၊ နာတာရှည်ချောင်းခြောက်ဆိုးခြင်း၊ မောပန်းလွယ်ခြင်း၊ အစားအသောက်ပျက်ခြင်း အစရှိသော လက္ခဏာများသာမက အဆုတ်တွင်အလုံးများပါ ဖြစ်ပေါ်နေတတ်သည်။

၈။ အရေပြားဆိုင်ရာ ပြဿနာများ
===================
လေးဘက်နာရောဂါရှင်များသည် အရေပြားတွင် အကွက်နှင့် အလုံးများဖြစ်နေတတ်ပြီး အနာဖြစ်ပေါ်ပါက အနာကျက်နှုန်းနှေးပြီး ရောဂါပိုး ဝင်လွယ်တတ်သည်။

၉။ လက်ချောင်း၊ ခြေချောင်း ပြဿနာများ
========================
လေးဘက်နာ မကုသဘဲထားပါက ကြာလာသောအခါ လက်ဆစ်များပုံမှန်မဟုတ်ရုံသာမက လက်နှင့် ခြေထောက်တွင် ထုံခြင်း၊ ပူခြင်း၊ နာကျင်ခြင်း အစရှိသည်တို့ကိုပါ ခံစားရနိုင်သည်။

၁၀။ နှလုံးနှင့်ဆိုင်သော ပြဿနာများ
=====================
လေးဘက်နာပိုးသည် နှလုံးအဆို့ရှင်များကို ကိုက်တတ်သောကြောင့် မကုသပဲထားပါက နှလုံးနှင့်ဆိုင်သော ရောဂါများ ခံစားရနိုင်သည်။

#စေတနာဖြင့်ပြန်လည်မျှဝေပါသည်
#အားလုံးပဲကျန်းမာချမ်းသာကြပါစေ🙏

#အရိုးအဆစ်ဝေဒနားများအတွက်အကောင်းဆုံး #အထိုင်အထခက်ခဲခြင်း #အရိုးပွ #လေးဘက်နာ #ဂေါက် #ကျီးပေါင်း #ဒူးနာ #ခါးနာ

14/05/2024

☑️အရိုးပွခြင်းနှင့် သက်ကြီးရွယ်အိုများ

သက်ကြီးရွယ်အိုများ၏ ဘဝတွင် ဝေဒနာခံစားရစေသည့် ကျန်းမာရေးပြဿနာများထဲမှ တစ်ခုမှာ အရိုးကျိုးခြင်းဖြစ်ပြီး အများစုမှာ ဖြစ်လေ့ရှိပါတယ် “အရိုးပွရောဂါ” သည် အသံတိတ်အန္တရာယ်ဖြစ်ပါတယ်... အဘယ်ကြောင့်ဆိုသော် လူနာသည် အရိုးပွရောဂါရှိမှန်း မသိမီကပင်။ သူ့မှာ ဘာရောဂါလက္ခဏာမှ မပြတာကြောင့် လဲကျပြီး အရိုးကျိုးသွားတာကို သိခဲ့ရပါတယ်။

☑️အရိုးပွ တဲ့အခါ အန္တရာယ်ရှိတယ် ။

Osteoporosis သည် အသက်ကြီးလာသည်နှင့်အမျှ အရိုးသိပ်သည်းဆနှင့် အစုလိုက်အပြုံလိုက် လျော့နည်းလာခြင်းကြောင့်ဖြစ်ပါတယ်... အရိုးများ ကျိုးလွယ်ပြီး ကျိုးလွယ်သည်အထိ ဖြစ်စေပါတယ် သက်ကြီးရွယ်အိုတစ်ဦးသည် အရိုးပွရောဂါရှိစဉ် ပြုတ်ကျပါက၊ ကုသရန်ခက်ခဲလိမ့်မည်။ အရေးကြီးတာက ပထမအကြိမ် လဲကျတဲ့ သက်ကြီးရွယ်အို အများစုဟာ နောက်တစ်ကြိမ် လဲကျတတ်ပါတယ် ။ ပြုတ်ကျခြင်းကြောင့် ကျောရိုးပြိုကျခြင်း သို့မဟုတ် လက်ကောက်ဝတ် ကျိုးသွားနိုင်ပါတယ် ...အသက်အန္တရာယ် မစိုးရိမ်ရပါဘူး။ ဒါပေမယ့် ပြုတ်ကျပြီး တင်ပါးဆုံရိုးကျိုးသွားရင်တော့ လူနာ ၉၅ ရာခိုင်နှုန်းကို ခွဲစိတ်ကုသဖို့ လိုပါတယ်။

☑️တင်ပဆုံရိုးကျိုးတဲ့ သက်ကြီးရွယ်အိုတွေအတွက်တော့ ပထမနှစ်မှာ သူတို့ရဲ့ ခန္ဓာကိုယ်မှာ ပြောင်းလဲမှုတွေ ရှိလာနိုင်ပြီး သေဆုံးနိုင်ခြေ 20% ရှိပါတယ်။ 30% ပိတ်ထားသည် 40% မှာ သူ့ဘာသာသူ လမ်းမလျှောက်နိုင်ဘဲ 80% မှာ ပုံမှန်အတိုင်း မလုပ်ဆောင်နိုင်တော့တဲ့ အင်္ဂါတစ်ခု ဆုံးရှုံးသွားပါလိမ့်မယ်။ ထို့ကြောင့် ပထမ ၁ နှစ်သည် အလွန်အရေးကြီးပါသည်။ အဘယ်ကြောင့်ဆိုသော် တင်ပါးဆုံရိုးကျိုးပြီးနောက် သက်ကြီးရွယ်အိုများ၏ 20% ခန့်သာ ၎င်းတို့၏ ပုံမှန်ဘဝသို့ ပြန်လည်ရောက်ရှိနိုင်သောကြောင့်ဖြစ်သည်။ ဒါ့အပြင် တင်ပါးဆုံရိုးကျိုးတဲ့အခါ၊ လှဲလျောင်းနေစဉ်တွင် မွေးရာပါရောဂါ ဖြစ်ပွားနိုင်သည်။ နှလုံးက ကောင်းကောင်းအလုပ်မလုပ်၊ အဆုတ်က ကောင်းကောင်းမကျယ်ဘူး၊ ဆီးလည်းမစီးဘူး။ ပိုက်ကို မလှည့်ဘဲ အကြာကြီးအိပ်တာက ဖိအားအနာတွေ ဖြစ်စေနိုင်ပါတယ်။ တစ်ချို့လူတွေက ဆေးရုံမှာ လဲလျောင်းနေတော့ စိတ်ရှုပ်လာမယ်။ ပြင်းထန်ပါက ဦးနှောက်ပိုင်းဆိုင်ရာ မူမမှန်မှုများ ဖြစ်စေနိုင်သည်။ ကုသပြီးတဲ့အခါ ပျောက်ကင်းပါတယ်။ လဲကျသွားပြီး သူ့အရိုးတွေ ထပ်ကျိုးသွားတယ်။

☑️အရိုးပွခြင်းကို ကာကွယ်ပေးတယ်။

အရိုးပွခြင်းမှ အရိုးကျိုးခြင်းကဲ့သို့သော အရေးကြီးသောအရာများကို ဦးစွာ ကြိုတင်ကာကွယ်နိုင်ပါသည်။

အရိုးပွခြင်းကို ရှောင်ကြဉ်ပါ။ စတီးရွိုက်များကို အချိန်ကြာမြင့်စွာ သောက်ခြင်းကဲ့သို့သော အရိုးပွရောဂါအတွက် အန္တရာယ်ဖြစ်စေသော အကြောင်းရင်းများကို ရှောင်ကြဉ်ပါ။ အစားအသောက် ၅ မျိုးလုံး မစားရ၊ အထိုင်များတာ၊ လေ့ကျင့်ခန်း မလုပ်တာ၊ အရက်သောက်တာ၊ ဆေးလိပ်သောက်တာ စတာတွေပါ။

အရိုးပွရောဂါရှိလျှင် ကယ်လ်စီယမ်၊ ဗီတာမင် D ဖြည့်စွက်ခြင်း သို့မဟုတ် ပါရာသိုင်းရွိုက်ဟော်မုန်း ထိုးဆေးအသုံးပြုခြင်းကဲ့သို့သော ကုသမှုအတွက် သင့်အရိုးထုထည်ကို တစ်နှစ်လျှင် ၁-၂ ကြိမ် ပုံမှန်တိုင်းပါ။ ၎င်းသည် ပိုမိုသိပ်သည်းသော အရိုးထုကို ဖန်တီးရန် လှုံ့ဆော်ပေးသည်။

to the original author #

#ဒူးနာ #ခါးနာ #ကျီးပေါင်း #ဂေါက် #အရိုးအဆစ်ဝေဒနားများအတွက်အကောင်းဆုံး #အရိုးပွ #လေးဘက်နာ #အထိုင်အထခက်ခဲခြင်း #

Address

Yangon

Website

facebook.com

Alerts

Be the first to know and let us send you an email when Calcium & Magnesium-အရိုးအဆစ်၊အကြော၊အရွတ်ဝေဒနာများအတွက် posts news and promotions. Your email address will not be used for any other purpose, and you can unsubscribe at any time.

Shortcuts

Want your practice to be the top-listed Clinic in Yangon?

02/06/2024

31/05/2024

30/05/2024

28/05/2024

21/05/2024

19/05/2024

14/05/2024

14/05/2024

Address

Website

Alerts

Shortcuts

Share

Category