https://www.facebook.com/280279995158145/

Pyi Kyaw Specialist Clinic & Medical Checkup Centre, No 2622/A, 71 Quarter, Kyan Sit Ther Road, Kyan Sitthar Rd, Yangon (2025)

21/07/2025

ပြည်ကျော်အထူးကုဆေးခန်းမှာ လူကြီးမင်းတို့ရဲ့ ကျန်းမာရေးကိစ္စအဝဝအတွက် တိုင်ပင်ဆွေးနွေးပြီး ကုသမှုခံယူနိုင်တဲ့ အထူးကုဆရာဝန်ကြီးများကို ဖော်ပြပေးလိုက်ပါတယ် 🧑🏻‍⚕️

[ နေ့စဉ်ထိုင်သည့် အထူးကုဆရာဝန်ကြီးများ ]

( ၁ ) အထွေထွေရောဂါကုသမားတော်များ
( ၂ ) ခွဲစိတ်အထူးကုဆရာဝန်များ
( ၃ ) အရိုးအကြောခွဲစိတ်အထူးကုဆရာဝန်များ
( ၄ ) ကလေးအထူးကုဆရာဝန်များ
( ၅ ) သားဖွားမီးယပ်အထူးကုဆရာဝန်များ

[ ရက်အလိုက်ထိုင်သည့် အထူးကုဆရာဝန်ကြီးများ ]

( ၁ ) နှလုံးအထူးကုဆရာဝန်များ
( ၂ ) ဆီးချိုနှင့်ဟော်မုန်းဆရာဝန်များ
( ၃ ) အရေပြားအထူးဆရာဝန်များ
( ၄ ) လေးဘက်နာအထူးကုဆရာဝန်များ
( ၅ ) အဆုတ်ရောဂါအထူးကုဆရာဝနိ
( ၆ ) ကျောက်ကပ်ရောဂါအထူးကုဆရာဝန်
( ၇ ) စိတ်ကျန်းမာရေးနှင့်အရက်ဖြတ် အထူးကုဆရာဝန်
( ၈ ) ကလေးခွဲစိတ်အထူးကုဆရာဝန်
( ၉ ) ကင်ဆာ (ဆေးပညာ) အထူးကုဆရာဝန်
( ၁၀ ) အစာအိမ်နှင့်အူလမ်းကြောင်းအထူးကုဆရာဝန်
( ၁၁ ) အသည်းရောဂါအထူးကုဆရာဝန်
( ၁၂ ) နား၊ နှာခေါင်း၊ လည်ချောင်းအထူးကုဆရာဝန်များ

ပြည်ကျော်အထူးကုဆေးခန်းဟာဆိုရင် ကျန်းမာရေးပြဿနာအမျိုးမျိုးအတွက် စစ်ဆေးကုသမှုတွေကို ဝါရင့်ကျွမ်းကျင်အထူးကုဆရာဝန်ကြီးတွေကိုယ်တိုင် ဝန်ဆောင်မှုပေးနေတဲ့ တောင်ဒဂုံမြို့နယ်က သက်တမ်းရင့်ဆေးခန်းတစ်ခုဖြစ်ပါတယ် 🏢

ဈေးနှုန်းသင့်တင့်ပြီး အရည်အသွေးမြင့်တဲ့ ကျန်းမာရေးဝန်ဆောင်မှုကောင်းတွေကို ရယူလိုတယ်ဆိုရင်တော့ Pyi Kyaw Specialist Clinic & Medical Checkup Centre ကိုသာ အပြည့်အဝယုံကြည်အားကိုးလိုက်တော့နော် ✅

ပြည်ကျော်မှာ တိုင်ပင်ဆွေးနွေးပြသဖို့ ကြိုတင်စာရင်းပေးသွင်းလိုရင်တော့ အောက်ပါဖုန်းနံပါတ်တွေကိုဆက်သွယ်ပြီး စုံစမ်းမေးမြန်းနိုင်ပါတယ်။

☎️ - 09 791 777 444
☎️ - 09 793 777 444
☎️ - 09 968 830 289
☎️ - 09 977 111 011

🏥 - အမှတ် (၂၆၂၂/က)၊ ကျန်စစ်သားလမ်း၊ (၇၁) ရပ်ကွက်၊ တောင်ဒဂုံမြို့နယ်

#ပြည်ကျော်အထူးကုဆေးခန်း

#အထူးကုဆေးခန်း

20/07/2025

ရင်နှစ်သည်းချာ သားသမီးရတနာလေးတွေရဲ့ ကျန်းမာရေးပြဿနာအမျိုးမျိုးအတွက် အကောင်းဆုံးဝန်ဆောင်မှုတွေနဲ့ ကူညီဖြေရှင်းပေးဖို့ ပြည်ကျော်အထူးကုဆေးခန်းရဲ့ ကလေးအထူးကုဆရာဝန်ကြီးတွေက အမြဲအသင့်ရှိနေပါတယ် 🩺🔰

ပြည်ကျော်အထူးကုဆေးခန်းမှာဆိုရင် ကလေးကျန်းမာရေးအတွက် အားအကိုးရဆုံး ကလေးအထူးကုပါရဂူ/ဆရာဝန်ကြီးများကိုယ်တိုင် နေ့စဉ်အလှည့်ကျ ကုသဝန်ဆောင်မှုပေးနေပြီး ကလေးငယ်တွေရဲ့ကျန်းမာရေးကိစ္စအဝဝကို နေ့ရက်မရွေး၊ အချိန်မရွေး တိုင်ပင်ပြသနိုင်မှာဖြစ်လို့ လူကြီးမိဘများ ရင်အေးရစေမှာပါ ✅

မနက်ပိုင်း ပြသနိုင်သော ဆရာဝန်ကြီး

ဒေါက်တာ ဥမ္မာကျော်ဦး
M.B.,B.S, M.Med.Sc (Paed)
Dip in Med Edu, Dr.Med.Sc (Paed)
အတိုင်ပင်ခံ ကလေးအထူးကုပါရဂူ
( နံနက်ပိုင်း - နေ့စဉ် )

နေ့လယ်တွင် ပြသနိုင်သော ဆရာဝန်ကြီး

ဒေါက်တာ ကြည်မေလင်း
M.B.,B.S, M.Med.Sc (Paed)
ကလေးအထူးကု ဆရာဝန်
( နေ့လယ် ၁ နာရီ - နေ့စဉ် )

ညပိုင်း ပြသနိုင်သော ဆရာဝန်များ

ဒေါက်တာ လဲ့လဲ့ဆုနိုင်
M.B.,B.S (YGN)
M.Med.Sc (Paediatrics)
ကလေးအထူးကုဆရာဝန်
( ညနေ ၅ နာရီ - နေ့စဉ် )

ဒေါက်တာ ယမင်းကျော်ဇံ
M.B.,B.S, M.Med.Sc (Paediatrics)
ကလေးအထူးကုဆရာဝန်
တောင်ဥက္ကလာ အမျိုးသမီးနှင့် ကလေးဆေးရုံကြီး
( ညနေ ၅ နာရီ - နေ့စဉ် )

ကလေးကျန်းမာ‌ရေးအတွက် ဈေးနှုန်းသင့်တင့်ပြီး အရည်အသွေးမြင့်တဲ့ ကျန်းမာရေးဝန်ဆောင်မှုကောင်းတွေကို ရယူလိုတယ်ဆိုရင်တော့ တောင်ဒဂုံမြို့နယ်က Pyi Kyaw Specialist Clinic & Medical Checkup Centre ကိုသာ ယုံကြည်စိတ်ချစွာ လှမ်းလာခဲ့ဖို့ မမေ့နဲ့နော် 💁🏻🏢

ပြည်ကျော်မှာ တိုင်ပင်ဆွေးနွေးပြသဖို့ ကြိုတင်စာရင်းပေးသွင်းလိုရင်တော့ အောက်ပါဖုန်းနံပါတ်တွေကိုဆက်သွယ်ပြီး စုံစမ်းမေးမြန်းနိုင်ပါတယ်။

☎️ - 09 791 777 444
☎️ - 09 793 777 444
☎️ - 09 968 830 289
☎️ - 09 977 111 011

🏥 - အမှတ် (၂၆၂၂/က)၊ ကျန်စစ်သားလမ်း၊ (၇၁) ရပ်ကွက်၊ တောင်ဒဂုံမြို့နယ်

#ပြည်ကျော်အထူးကုဆေးခန်း

#အထူးကုဆေးခန်း

#ကလေးကျန်းမာရေး
#ကလေးအထူးကုဆရာဝန်များ

14/06/2025

သွေးတိုးရောဂါက ကျောက်ကပ်တစ်စုံကို ဘယ်လိုပျက်စီးစေလဲ❓❓

Hypertension ဟုခေါ်ဆိုသော သွေးတိုးရောဂါသည် ကျောက်ကပ်ပျက်စီးမှုကို ဖြစ်စေသောအကြောင်းရင်းများစွာထဲက တစ်ချက်ဖြစ်ပါတယ်။ အောက်ဖော်ပြပါများသည် သွေးတိုးရောဂါ၏ကျောက်ကပ်အပေါ်ထိခိုက်စေပုံများပဲ ဖြစ်ပါတယ်။

▫️သွေးကြောများပေါ်တွင် ဖိအားတိုးလာခြင်း

သွေးတိုးရောဂါသည် ကျောက်ကပ်ရှိသွေးကြောများအပါအဝင် ခန္ဓာကိုယ်အနှံ့ရှိ အင်္ဂါအစိတ်အပိုင်းများအပေါ်ရှိ သွေးကြောများပေါ်တွင်လည်းဖိအားများ တိုးလာစေပါတယ်။ အချိန်ကြာလာသည်နှင့်အမျှ ဖိအားများသည် ကျောက်ကပ်အတွင်းရှိ နူးညံ့သောသွေးကြောများကို ပျက်စီးစေပြီး ကျောက်ကပ်၏ လုပ်ဆောင်နိုင်စွမ်းကို ထိခိုက်စေပါတယ်။

▫️ဂလိုမာရူလိုင်များပျက်စီးလာခြင်း

ဂလိုမာရူလိုင်သည် ကျောက်ကပ်အတွင်းရှိ သေးငယ်သော ရေစစ်ထုတ်သည့်ယူနစ်လေးများဖြစ်ပြီး သွေးထဲမှ အညစ်အကြေးများနှင့် ပိုလျှံနေသော အရည်များကို ဖယ်ရှားပေးပါတယ်။ နှစ်ကာလရှည်မြင့်မားနေသော သွေးပေါင်ချိန်သည် ထိုဂလိုမာရူလိုင်လေးများကိုပျက်စီးစေပြီး hypertensive nephropathy ဟုခေါ်သောအခြေအနေသို့ဖြစ်ပေါ်စေပါတယ်။ ဤပျက်စီးမှုသည် ဆီးထဲသို့ ပရိုတင်းဓာတ်များပါဝင်လာခြင်း (proteinuria) ကို ဖြစ်စေပြီး ကျောက်ကပ်၏ filtration လုပ်ဆောင်မှုကို ထိခိုက်စေနိုင်ပါတယ်။

▫️ကျောက်ကပ်သို့သွေးစီးဆင်းမှုကို လျော့ကျစေခြင်း

သွေးပေါင်ချိန်မြင့်ခြင်းသည် ကျောက်ကပ်ကို ထောက်ပံ့ပေးသော သွေးကြောများကို ကျဉ်းလာစေပြီး သွေးစီးဆင်းမှုကို လျော့ကျစေပါတယ်။ သွေးစီးဆင်းမှု ကျဆင်းလာခြင်းသည် ကျောက်ကပ်မှ ဂလိုမာရူလိုင်၊နက်ဖရွန်များ ကောင်းမွန်စွာ အလုပ်လုပ်နိုင်ရန် လိုအပ်သော အောက်ဆီဂျင်နှင့် အာဟာရများကို ဆုံးရှုံးစေပြီး အချိန်ကြာလာသည်နှင့်အမျှ ကျောက်ကပ် ပျက်စီးမှုကို ဖြစ်စေနိုင်ပါတယ်။

▫️Renin-Angiotensin-Aldosterone System (RAAS) ကို လှုံဆော်မှုဖြစ်စေခြင်း

ကျောက်ကပ်သို့သွေးစီးဆင်းမှု နည်းသွားသောအခါ သွေးပေါင်ချိန်ထိန်းညှိမှုတွင်ပါဝင်သော ဟော်မုန်းစနစ်ဖြစ်သည့် RAAS ကို ဖြစ်ပေါ်စေပါသည်။ ဤစနစ်ကို ထပ်ခါထပ်ခါအလွန်အကျွံ ဖြစ်ပေါ်စေခြင်းသည် သွေးကြောများကိုကျဉ်းစေသည့် ဟော်မုန်းများကိုထွက်စေပြီး ဆားဓာတ်နှင့် ရေကို ထိန်းထားကာ သွေးတိုးရောဂါကို ပိုမိုဆိုးရွားစေပြီး ကျောက်ကပ်ကို ပျက်စီးစေပါတယ်။

သွေးတိုးရောဂါသည် ကျောက်ကပ်ရောဂါ၏ အကြောင်းရင်းရောနှင့် အကျိုးဆက်ပါနှစ်ခုလုံးဖြစ်ကြောင်း သတိပြုသင့်ပါတယ်။ နာတာရှည်ကျောက်ကပ်ရောဂါသည် သွေးတိုးရောဂါကို ဖြစ်ပေါ်စေနိုင်ပြီး သွေးတိုးရောဂါရှိနေခြင်းသည်လည်း ကျောက်ကပ်လုပ်ငန်းဆောင်တာများကို ပိုမိုဆိုးရွားစေနိုင်ပါတယ်။ ဤသို့အပြန်အလှန်ဆက်စပ်မှုရှိနေခြင်းကြောင့် ကျောက်ကပ်ရောဂါရှိနေသူများတွင် သွေးပေါင်ချိန်ကို ထိရောက်စွာ စီမံခန့်ခွဲရန် အရေးကြီးလှပါတယ်။

ကျန်းမာရေးနှင့် ညီညွတ်သော အစားအသောက်များ (ဆားနည်းပါးသော အစားအစာများ၊သစ်သီးများ၊ ဟင်းသီးဟင်းရွက်များနှင့် အစေ့အဆန်များ) ၊ ပုံမှန် ကိုယ်လက်လှုပ်ရှားမှု ပြုလုပ်ခြင်း၊ ကိုယ်အလေးချိန်ကို ထိန်းသိမ်းခြင်း၊ အရက်သောက်ခြင်းကို ရှောင်ကြဉ်ခြင်းနှင့် ဆေးလိပ်ဖြတ်ခြင်း ကဲ့သို့သော လူနေမှုပုံစံ ပြောင်းလဲခြင်းများသည် သွေးတိုးကုသခြင်းအတွက်အရေးကြီးသော မဟာဗျူဟာများပဲ ဖြစ်ပါတယ်။ ထို့အပြင် သွေးပေါင်ချိန်ထိန်းရန်နှင့် ကျောက်ကပ်ပျက်စီးနိုင်ခြေကို လျှော့ချရန်အတွက် သွေးတိုးကျဆေးများကို ဆရာဝန်၏ညွှန်ကြားချက်ဖြင့် သေချာသောက်သုံးသင့်ပါတယ်။

သွေးပေါင်ချိန်ကို ပုံမှန်စစ်ဆေးခြင်းနှင့် ကျောက်ကပ်ကျန်းမာရေးအတွက် နှစ်စဉ် medical checkup များပြုလုပ်ပေးခြင်းသည် သွေးတိုးရောဂါရှိသူများနှင့် ကျောက်ကပ်ရောဂါဖြစ်နိုင်ခြေရှိသူများအတွက် မဖြစ်မနေ ပြုလုပ်ပေးသင့်သည့် အရာများဖြစ်ပါတယ်။

19/02/2025

🇲🇲ဆေးဝါးကျွမ်းကျင် ကျား/မ 2ဦး
🇲🇲သူနာပြုအကူ ကျား/မ 4 ဦး
အလိုရှိပါသည်ခင်ဗျ

Basic salary 2သိန်းမှ 3သိန်း (နေစားငြိမ်း)

ရိုးသားကြိုးစားသွက်လက်ပြီး ပေါင်းသင်းဆက်ဆံရေးကောင်းမွန်ရန် အထူးလိုအပ်ပါသည်ခင်ဗျ။

နေစားငြိမ်း စီစဉ်ပေးပါသည်

လျောက်ထားလိုသူများသည် ဆေးခန်းFacebook messenger သို့မဟုတ် 09751555444Viber သို့သင်တန်းဆင်းလက်မှတ်/ CV form/ ရပ်ကွက်နေထိုင်ကြောင်းထောက်ခံစာ/ မှတ်ပုံတင်မိတ္တူတို့နှင့်အတူလျောက်ထားနိုင်ပါသည်ခင်ဗျ။

07/06/2024

တိကျသေချာတဲ့ ‌အကောင်းဆုံး ကျန်းမာရေးစစ်ဆေးမှု

ကျန်းမာရေး စစ်ဆေးမှုလို့ ပြောလိုက်ရင် အများစုက မလိုအပ်ပါဘူး၊ ရောဂါဖြစ်မှပဲ ကုသမယ်ဆိုတာမျိုး လုပ်ကြတယ်။

တချို့ကျတော့လည်း ဆေးစစ်လိုက်မှ ရောဂါတွေပေါ်လာမှာမျိုးကို ကြောက်ကြတယ်။ ဆေးမစစ်မိလို့ ကြိုမသိတဲ့အတွက် ရောဂါက ကျွမ်းသွားပြီး အသက်အန္တရာယ် ဆုံးရှုံးမှာမျိုးကိုတော့ မကြောက်ကြဘူး။

တကယ်တော့ ရောဂါတွေဆိုတာ မဖြစ်ခင် ကြိုတင်စစ်ဆေးထားမယ်ဆိုရင် အကောင်းဆုံးပါပဲ။ ကျန်းမာရေးနဲ့ပတ်သက်ပြီး ကိုယ့်ကိုယ်ကိုယ် သတိပေးရာလည်း ရောက်ပါတယ်။

ဖြစ်လာနိုင်တဲ့ ရောဂါအခြေအနေတွေကို ကြိုတင်သိရှိပြီး ရှောင်သင့်တာရှောင်၊ လုပ်သင့်တာ လုပ်နိုင်တဲ့အတွက် အနာဂတ်မှာလည်း ကျန်းမာတဲ့ ခန္ဓာကိုယ်ကို ပိုင်ဆိုင်နိုင်မှာပါ။

ကျန်းမာရေးနဲ့ ပတ်သက်ပြီး စစ်ဆေးတဲ့အခါ တိကျတဲ့ရလဒ်တွေ အရေးကြီးသလို ဆရာဝန်တွေရဲ့ တိုင်ပင်ဆွေးနွေး အဖြေရှာမှုကလည်း အရေးကြီးပါတယ်။

ပြည်ကျော်မှာတော့ ကျန်းမာရေး စစ်ဆေးတဲ့အခါ တိကျသေချာစေဖို့ ခေတ်မီစက်ကိရိယာများဖြင့် စစ်ဆေးပေးပြီး ဆရာဝန်များက ဆေးစစ်ချက်အပေါ်မူတည်ပြီး အကောင်းဆုံး တိုင်ပင်ဆွေးနွေးပေးပါတယ်။

ဒါ့အပြင် ကျန်းမာရေး စစ်ဆေးနိုင်ဖို့ Silver, Gold, Diamond စသည်ဖြင့် Package အမျိုးမျိုး ထားရှိတာကြောင့် ရွေးချယ်ရ လွယ်ကူစေမှာပါ။

Package တစ်ခုချင်းစီမှာ ဘယ်လိုအကြောင်းအရာတွေ စစ်ဆေးပေးမလဲ ဆိုတာကိုတော့ Comment အောက်မှာကြည့်ရှုနိုင်ပါတယ်။

ဈေးနှုန်းသင့်တင့် အရည်အသွေးမြင့်တဲ့
ပြည်ကျော်အထူးကုဆေးခန်း

#ကျန်းမာရေး
#ပြည်ကျော်အထူးကုဆေးခန်း

04/06/2024

ရာသီတုပ်ကွေးရောဂါ မဖြစ်အောင် ဘယ်လိုကာကွယ်ရမလဲ?

မိုးတွင်းလည်း ရောက်လာပြီဆိုတော့ မြန်မာနိုင်ငံမှာ လူကြီးလူငယ်မရွေး အအေးမိ၊ နှာစီး၊ ချောင်းဆိုးတာတွေအပြင် ရာသီတုပ်ကွေး ရောဂါတွေ အဖြစ်များလာနိုင်ပါတယ်။

ရာသီတုပ်ကွေးရောဂါ ဖြစ်ရတဲ့ အကြောင်းအရင်းကတော့ ရောဂါပိုးရှိတဲ့ လူအချင်းချင်း ဒါမှမဟုတ် တိရစ္ဆာန်တွေနဲ့ တိုက်ရိုက်ထိတွေ့တာကြောင့်ပါ။ ဒါမှမဟုတ် ကိုင်တွယ်ရတဲ့ ပစ္စည်းတွေကနေ တစ်ဆင့်လည်း ကူးစက်နိုင်ပါတယ်။

ဥပမာအနေနဲ့ ပြောရရင် ရောဂါပိုးရှိတဲ့သူက တံခါးလက်ကိုင်ကို ကိုင်တယ်။ ဒီတံခါးလက်ကိုင်ကိုပဲ ကိုယ်ကကိုင်မိမယ်ဆိုရင် ပိုးတွေက လက်မှာ ကပ်ပါလာနိုင်တယ်။ ဒီလက်ကို မဆေးဘဲ မျက်နှာကို ပွတ်သပ်မိတဲ့အခါ ရောဂါပိုး ကူးစက်ခံရတာပါ။

ရာသီတုပ်ကွေးရောဂါလိုမျိုး ကူးစက်ရောဂါမျိုး‌တွေ မဖြစ်အောင် ကာကွယ်ချင်ရင်တော့ ဒီအချက်လေးတွေကို လိုက်နာပါ။

(1) အစား ကောင်းကောင်း စားပါ။

(2) အိပ်ရေးဝဝ အိပ်ပါ။

(3) ကာကွယ်ဆေး ထိုးပါ။

(4) လက်ကို မကြာခဏ ဆေးပါ။

(5) လက်သန့်ဆေး အသုံးပြုပါ။

(6) မျက်နှာကို လက်နဲ့ မကိုင်ပါနဲ့။

(7) အပြင်သွားရင် Mask တပ်ပါ။

ဒါကတော့ ရာသီတုပ်ကွေး မဖြစ်အောင် ကာကွယ်နိုင်မဲ့ နည်းလမ်း (7) ချက်ပါ။ မိတ်ဆွေတို့ရော ဒီနည်းလမ်းတွေထဲက ဘယ်နှစ်ချက်လောက် လိုက်နာဖြစ်ကြလဲ။ Comment မန့်ခဲ့ပါဦး။

ပြည်ကျော်
ဈေးနှုန်းသင့်တင့် အရည်အသွေးမြင့်
အထူးကုဆေးခန်း

#ရာသီတုပ်ကွေး

#ပြည်ကျော်အထူးကုဆေးခန်း

01/06/2024

အူမကြီးကင်ဆာကို ကာကွယ်ဖို့ နည်းလမ်း (5) ခု

အူမကြီးကင်ဆာ ဆိုတာ ကမ္ဘာပေါ်က အဖြစ်များဆုံး ကင်ဆာတွေထဲက တစ်ခုပါ။ လေ့လာမှုတွေအရ လူ (24) ယောက်မှာ တစ်ယောက်က သူတို့ရဲ့ဘဝမှာ အူမကြီးကင်ဆာရောဂါကို ခံစားရတယ်လို့ ဆိုပါတယ်။

ဒါ့ကြောင့် အူမကြီးကင်ဆာ ရောဂါကို ကာကွယ်နိုင်ဖို့ နည်းလမ်းလေး (5) ခုကို ဖော်ပြပေးလိုက်ပါတယ်။

(1) ဟင်းသီးဟင်းရွက် များများစားပါ။

ဟင်းသီးဟင်းရွက်၊ အသီးအနှံတွေ များများစားခြင်းက အူမကြီးကင်ဆာ အူကင်ဆာတွေ ဖြစ်နိုင်ချေကို လျှော့ချပေးပါတယ်။ နောက်ပြီး ပြုပြင်ထားတဲ့ အသားတွေဖြစ်တဲ့ အကင်ချောင်း၊ hot dog စတာတွေကို နည်းနည်းပဲစားပါ။ အဲ့ဒီအစားအစာတွေက အူကင်ဆာ ဖြစ်နိုင်ချေနဲ့ ဆက်စပ်နေပါတယ်။

(2) ပုံမှန်လေ့ကျင့်ခန်းလုပ်ပါ။

ခန္ဓာကိုယ်ပိုင်းဆိုင်ရာ လုပ်ရှားမှု မရှိရင်လည်း အူမကြီးကင်ဆာဖြစ်ဖို့ ရာခိုင်နှုန်း ပိုများပါတယ်။ လှုပ်လှုပ်ရှားရှား နေထိုင်ခြင်းက အူမကြီးကင်ဆာ အန္တရာယ်ကို လျှော့ချပေးနိုင်ပါလိမ့်မယ်။

(3) ကိုယ်အလေးချိန်ကို ထိန်းသိမ်းပါ။

အဝလွန်ခြင်းက အူမကြီးကင်ဆာ ရောဂါဖြစ်နိုင်ပြီး သေဆုံးနိုင်ခြေကို မြင့်မားစေပါတယ်။ ကျန်းမာရေးနဲ့ ညီညွတ်တဲ့ အစားအစာတွေ များများစားပြီး ကိုယ်ခန္ဓာ လေ့ကျင့်ခန်း လုပ်ခြင်းဖြင့် ကိုယ်အလေးချိန်ကို ထိန်းသိမ်းနိုင်ပါတယ်။

(4) ဆေးလိပ်မသောက်ပါနဲ့။

ဆေးလိပ်ကို အချိန်အတော်ကြာအောင် သောက်ခဲ့တဲ့ သူတွေဟာ ဆေးလိပ်မသောက်တဲ့ သူတွေထက် အူမကြီးကင်ဆာ ဖြစ်နိုင်ချေ ပိုများသလို သေဆုံးနိုင်ချေလည်း ပိုများပါတယ်။

(5) အူမကြီးကင်ဆာ ရှိမရှိ စစ်ဆေးပါ။

ကျန်းမာရေး စစ်ဆေးခြင်းက အူမကြီးကင်ဆာ ရောဂါလက္ခဏာတွေ မပြသခင်မှာ ကြိုသိနိုင်ပြီး လိုအပ်တဲ့ကုသမှုကို စောစောစီးစီး လုပ်နိုင်ပါလိမ့်မယ်။ ဒါက ရောဂါကို အထိရောက်ဆုံး ကာကွယ်နိုင်မဲ့ နည်းလမ်းလို့ ပြောရင် မမှားပါဘူး။ ဒါ့ကြောင့် တစ်နှစ်တစ်ခါ ပုံမှန် ကျန်းမာရေးကို စစ်ဆေး‌ပေးပါ။

ကျန်းမာရေး စစ်ဆေးဖို့ ယုံကြည်စိတ်ချရတဲ့ ကျန်းမာရေးစစ်ဆေးမှုကို ရှာနေရင်တော့ ဈေးနှုန်းသင့်တင့်ပြီး အရည်အသွေးပြည့်ဝတဲ့ ခေတ်မီစက်ကိရိယာများဖြင့် ပြည်ကျော်အထူးကုဆေးခန်းမှာ စစ်ဆေးနိုင်ပါပြီ။

ဈေးနှုန်းသင့်တင့် အရည်အသွေးမြင့်တဲ့
ပြည်ကျော်အထူးကုဆေးခန်း

#အူမကြီးကင်ဆာ
#အူကင်ဆာ
#ပြည်ကျော်အထူးကုဆေးခန်း

28/05/2024

ကင်ဆာရောဂါနဲ့ ပတ်သက်ပြီး အယူအဆ အမှား (3) ခု

ကင်ဆာ ဆိုတဲ့ စကားလုံးဟာ လူတွေရဲ့ အကြောက်ဆုံး ရောဂါလို့ပြောရင် မမှားပါဘူး။ ဒါပေမဲ့ လူတွေက ကင်ဆာရောဂါအကြောင်းကိုတော့ ကောင်းကောင်းမသိကြပါဘူး။

ကင်ဆာနဲ့ပတ်သက်ပြီး အတွေးအခေါ်မှား၊ အယူအဆမှားတွေကြောင့်လည်း ကုသမှုခံယူသင့်တာကို မခံယူတော့တာမျိုး လုပ်တတ်ကြပါတယ်။

ဒါ့ကြောင့် ကင်ဆာရောဂါနဲ့ ပတ်သက်ပြီး အများစု ဖြစ်တတ်ကြတဲ့ အယူအဆ အမှား (3) ခုကို ပြောပြပေးချင်ပါတယ်။

(1) ကင်ဆာဖြစ်ရင် သေတာပဲ။

ဒီလိုအယူအဆ မှားရတဲ့ အကြောင်းအရင်းက အစောပိုင်းနှစ်တွေမှာ ကင်ဆာ‌ရောဂါဟာ သေဆုံးမှုနှုန်း မြင့်မားလို့ပါ။ ဒါ့အပြင် သုတေသနတွေ၊ ကုသမှုနည်းလမ်းတွေကိုလည်း ရှာမတွေ့ကြသေးပါဘူး။

ဒါပေမဲ့ ဒီနေ့ခေတ်မှာတော့ ကင်ဆာရောဂါကို စောစီးစွာ ရှာဖွေနိုင်ဖို့၊ ကြိုတင်ကာကွယ်နိုင်ဖို့၊ အောင်မြင်စွာ ကုသနိုင်ဖို့ နည်းလမ်းတွေ ပေါ်လာပါပြီ။ ကင်ဆာရောဂါရှိနေရင်တောင် ဆယ်စုနှစ်တစ်ခုကြာအောင် ကောင်းကောင်းမွန်မွန် အသက်ရှင်နေထိုင်နိုင်ကြသူတွေ ရှိပါတယ်။

(2) ကင်ဆာဖြစ်ရင် ဆံပင်တွေ ကျွတ်တယ်။

တချို့က ဆံပင်ကျွတ်တာတွေ များလာရင် ငါကင်ဆာဖြစ်နေမလား ဆိုပြီး စိုးရိမ်စိတ် လွန်ကဲတတ်ကြပါတယ်။ ကင်ဆာရောဂါဖြစ်တဲ့သူ အများစုကို ကြည့်လိုက်ရင်လည်း ဆံပင်ကျွတ်တာကို တွေ့ရတတ်လို့ပါ။

တကယ်တော့ ဆံပင်တွေ ကျွတ်တာဟာ ကင်ဆာရောဂါကြောင့် မဟုတ်ဘဲ ကင်ဆာရောဂါ သက်သာစေဖို့ ဓာတုကုထုံး၊ ဓာတ်ရောင်ခြည်ကုထုံး လို့ခေါ်တဲ့ ကုသမှုတွေကြောင့် ကျွတ်တာဖြစ်ပါတယ်။

(3) ကင်ဆာက ကူးစက်တတ်တယ်။

ကင်ဆာရောဂါဟာ လေထဲကနေ မကူးစက်နိုင်သလို အသားချင်း ထိတွေ့ဆက်ဆံမှုတွေကနေလည်း မကူးစက်နိုင်ပါဘူး။ ဒါပေမဲ့ တခြားကူးစက်နိုင်တဲ့ရောဂါပိုးတွေကတော့ ကင်ဆာဖြစ်ပွားနိုင်ချေကို တိုးမြှင့်စေပါတယ်။

အထင်ရှားဆုံး ဥပမာပေးရရင် သားအိမ်ခေါင်းကင်ဆာ၊ လည်ပင်းကင်ဆာတို့ကို ဖြစ်စေနိုင်တဲ့ (HPV) ကူးစက်ရောဂါပိုးပါပဲ။ ဒီရောဂါပိုးက အချိန်ကြာလာတာနဲ့အမျှ ကင်ဆာဆဲလ်တွေ ဖြစ်လာပြီး ကင်ဆာရောဂါ ဖြစ်စေတာပါ။ ဒါပေမဲ့လည်း ဒီနေ့ခေတ်မှာ HPV ကို ကြိုတင်ကာကွယ်ဖို့ ကာကွယ်ဆေးတွေတော့ ရှိနေပါပြီ။

ဒီနေ့ပြောပြခဲ့တာကတော့ ကင်ဆာရောဂါနဲ့ ပတ်သက်ပြီး အယူအဆ အမှားလေးတွေအကြောင်းပါ။ ကင်ဆာရောဂါနဲ့ ပတ်သက်ပြီး ကိုယ့်ပတ်ဝန်းကျင်က မိတ်ဆွေသူငယ်ချင်းတွေလည်း သိရအောင် ဒီ post လေးကို share သွားပါဦး။

ဈေးနှုန်းသင့်တင့် အရည်အသွေးမြင့်တဲ့
ပြည်ကျော်အထူးကုဆေးခန်း

#ကင်ဆာ
#ပြည်ကျော်အထူးကုဆေးခန်း

25/05/2024

အသည်းရောင်ရောဂါ ဘာကြောင့် ဖြစ်ရတာလဲ?

Hepatitis လို့ခေါ်တဲ့ အသည်းရောင်ရောဂါတွေဟာ တစ်ခုနဲ့ တစ်ခု မတူကြပါဘူး။

အသည်းရောင် အသားဝါအေဆိုရင် များများအနားယူ၊ ရေများများသောက်ရုံနဲ့ သက်သာပေမယ့် ဘီတို့ စီတို့ဆိုရင်တော့ နာတာရှည် အသည်းရောင်ရောဂါဖြစ်ပြီး ကုသဖို့ လိုပါတယ်။

2022 ခုနှစ် ကမ္ဘာ့ကျန်းမာရေး အဖွဲ့အစည်းကြီး (WHO) ရဲ့ ထုတ်ပြန်ချက်အရဆိုရင် လူပေါင်း 254 သန်းဟာ အသည်းရောင်အသားဝါဘီပိုး ရှိနေပြီး လူပေါင်း သန်းငါးဆယ်လောက်က စီပိုး ရှိနေတယ်လို့ ဆိုပါတယ်။

ဒီရောဂါပိုးတွေကြောင့် သေဆုံးမှုနှုန်းဟာ 1.3 သန်းနီးပါးရှိပြီး ပုံမှန်အားဖြင့် တစ်နေ့ကို လူပေါင်း 3500 လောက် အသက်ဆုံးရှုံးနေရပါတယ်။

ဒီလို အသည်းရောင်ရောဂါ ဖြစ်ရတဲ့ အကြောင်းရင်းတွေကတော့

♦️ အသည်းရောင် အသားဝါရောဂါပိုး (အေ၊ ဘီ၊ စီ၊ ဒီ၊ အီး) ကူးစက်တာ
♦️ အသည်းအဆီဖုံးတာ
♦️ အရက်သောက်တာ
♦️ acetaminophen လို ဆေးဝါးတွေ အလွန်အကျွံ့ သောက်သုံးတာ
♦️ ခုခံအားက အသည်းဆဲလ်တွေကို မှားယွင်းပြီး ပြန်လည်တိုက်ခိုက်တာကြောင့်ပဲ ဖြစ်ပါတယ်။

အသည်း‌ရောင်ရောဂါ ဘီပိုး၊ စီပိုးဟာ ပထမဆုံး ကူးစက်ခံရခင်မှာ လက္ခဏာတွေကို မပြသတတ်ပါဘူး။ အချိန်ကြာလာတဲ့အခါမှာပဲ အသည်းရောင်ပြီး ပျက်စီးလာတာ ဖြစ်ပါတယ်။

ဒီလိုမျိုး ကျန်းမာရေးနဲ့ပတ်သက်ပြီး ဗဟုသုတ အကြောင်းအရာတွေကို ဖတ်ရှုချင်တယ်ဆိုရင် ပြည်ကျော်အထူးကုဆေးခန်း Page ကို Like & Follow လုပ်ခဲ့နိုင်ပါတယ်။

ဈေးနှုန်းသင့်တင့် အရည်အသွေးမြင့်တဲ့
ပြည်ကျော်အထူးကုဆေးခန်း

#ပြည်ကျော်
#အသည်းရောင်
#ဘီပိုးစီပိုး

22/05/2024

Cardiomegaly (နှလုံးကြီးခြင်း) ရဲ့လက္ခဏာတွေက ဘာတွေလဲ?

နှလုံးကြီးတယ် ဆိုတာ နှလုံးကြွက်သားတွေ ဆန့်ထုတ်ရာက ကျယ်လာတာကြောင့် ဖြစ်နိုင်ပြီး ယာယီ နှလုံးကြီးတာမျိုး ဖြစ်နိုင်သလို အမြဲတမ်းကြီး‌နေတာမျိုးလည်း ဖြစ်နိုင်ပါတယ်။

နှလုံးကြီးရခြင်းက နှလုံးကို ပိုအလုပ်လုပ်စေတာ (သို့) နှလုံးကြွက်သားများကို ပျက်စီးစေတဲ့ အခြေအနေ တစ်ခုခုကြောင့်ပါ။

ဒါက မွေးရာပါ နှလုံးချို့ယွင်းတာ၊ နှလုံးအဆို့ရှင် ယိုစိမ့်တာ၊ နှလုံးသွေးကြောကျဉ်းတာမျိုးကြောင့် ဖြစ်နိုင်ပါတယ်။

နှလုံးကြီးတာက သွေးတိုးရောဂါ ရှိတဲ့သူ‌တွေ၊ နှလုံးရောဂါ အခံရှိတဲ့သူတွေမှာဆို အန္တရာယ်ပိုများပါတယ်။

နှလုံးကြီးတာက အစပိုင်းမှာ သိပ်မသိသာပေမဲ့ အချိန်ကြာလာလေလေ လက္ခဏာတွေက ပိုပြီးသိသာလာပါတယ်။

နှလုံးကြီးပြီဆို ဖြစ်တတ်တဲ့ လက္ခဏာတွေကတော့

(1) ပင်ပန်းနွမ်းနယ်ခြင်း၊ အသက်ရှူမဝခြင်း၊ အသက်ရှူရခက်ခဲခြင်း
(2) မောပန်းခြင်း၊ ရင်တုန်ခြင်း၊ မူးဝေခြင်း
(3) ခြေထောက်များ ရောင်ရမ်းခြင်း
ကိုယ်အလေးချိန်တက်လာခြင်း
(4) နှလုံးခုန်မမှန်တော့ခြင်း
(5) လည်ချောင်းနာခြင်း
(6) လှဲလျောင်းနေချိန်တွင် ရင်ဘတ်အောင့်ခြင်း တို့ ဖြစ်ပါတယ်။

ရင်ဘတ်တွင် နာကျင်ကိုက်ခဲခြင်း၊ ရင်ဘတ်အောင့်ခြင်း၊ အသက်ရှုကြပ်ခြင်း စသည်ဖြင့် ခံစားရပါက ဆရာဝန်နဲ့ ချက်ချင်းပြသဖို့ လိုပါတယ်။

ဒါကဝောာ့ နှလုံးကြီးခြင်းရဲ့ လက္ခဏာတွေအကြောင်းပါ။ အခုလိုမျိုး ကျန်းမာရေးနဲ့ ပတ်သက်ပြီး ဗဟုသုတရစရာ အကြောင်းအရာတွေကို အမြဲတင်ဆက်ပေးနေမှာဖြစ်လို့ Page ကို Like & Follow လုပ်ခဲ့နိုင်ပါတယ်။

ဈေးနှုန်းသင့်တင့် အရည်အသွေးမြင့်တဲ့
ပြည်ကျော်အထူးကုဆေးခန်း

#နှလုံးကြီးခြင်း
#ပြည်ကျော်အထူးကုဆေးခန်း

17/05/2024

လူကြီးတွေ ပြောတတ်ကြတဲ့ အသည်းရောင် အသားဝါရောဂါကို ကြားဖူးပါလိမ့်မယ်။

ဒါဆိုရင် အသည်းရောင်တိုင်း အသားဝါတယ်ဆိုတာ မှန်လား ? 🤔

ဒီမေးခွန်းရဲ့ အဖြေကို Comment အောက်မှာ ဝင်ရောက်ဆွေးနွေးပေးခဲ့ကြပါဦး။ အဖြေမှန်ကို မနက်ဖြန်ည (8) နာရီမှာ ပြောပြပေးပါ့မယ်။

ဈေးနှုန်းသင့်တင့် အရည်အသွေးမြင့်တဲ့
ပြည်ကျော်အထူးကုဆေးခန်း

#ပြည်ကျော်အထူးကုဆေးခန်း

11/05/2024

ဆီးချိုကြောင့်ဖြစ်နိုင်တဲ့ ကျောက်ကပ်ရောဂါ လက္ခဏာများ

ဆီးချိုရောဂါကြောင့် ဖြစ်လာတဲ့ နောက်ဆက်တွဲ ဆိုးကျိုးတွေထဲမှာ ကျောက်ကပ်ရောဂါက အဓိက ဂရုစိုက်သင့်ဆုံး ရောဂါပါ။ ကျောက်ကပ်ရောဂါကလည်း သာမန်လူတွေထက် ဆီးချိုရောဂါ ရှိတဲ့သူတွေမှာပဲ ပိုပြီးအဖြစ်များပါတယ်။

ဆီးချိုရောဂါဟာ ခန္ဓာကိုယ်တွင်း သွေးကြောငယ်တွေကို ထိခိုက်ပျက်စီးစေပါတယ်။ ကျောက်ကပ်မှာရှိတဲ့ သွေးကြောတွေကို ထိခိုက်မိတဲ့အခါ ကျောက်ကပ်ပျက်ပြီး ပုံမှန်လို သွေးများကို ကောင်းကောင်း မသန့်စင်ပေးနိုင်တော့ပါဘူး။

ကျောက်ကပ်ရောဂါဟာ အစောပိုင်းမှာ လက္ခဏာတွေကို မပြတတ်ပါဘူး။ နောက်ပိုင်းရောက်မှ ကြုံတွေ့နိုင်တဲ့ လက္ခဏာ တွေကတော့

💢 သွေးတိုးတာကို ထိန်းချုပ်ရ ခက်ခဲလာခြင်း
💢 ခြေဖဝါး၊ ခြေကျင်းဝတ်၊ လက် (သို့) မျက်လုံးများ ရောင်ရမ်းလာခြင်း
💢 ဆီးသွားတဲ့အခါ ဆီးအတွင်း အမြှပ်များထခြင်း
💢 စိတ်ရှုပ်ထွေးခြင်း၊ အာရုံစူးစိုက်ရ ခက်ခဲလာခြင်း
💢 အသက်ရှုရကြပ်ခြင်း
💢 အစားအသောက်ပျက်ခြင်း
💢 ယားယံခြင်း
💢 ပင်ပန်းနွမ်းနယ်ပြီး အားနည်းသလို ခံစားရခြင်း တို့ဖြစ်ပါတယ်။

အရေးကြီးဆုံးအချက်က လေ့ကျင့်ခန်းလည်းမလုပ်၊ ကိုယ်လက်လှုပ်ရှားမှုလည်း မရှိဘဲ ပုံမှန်ထက် ဆီးချိုက ကျနေတယ်ဆိုရင်လည်း ကျောက်ကပ်ကို ဂရုစိုက်သင့်ပါတယ်။ ဘာဖြစ်လို့လဲဆိုတော့ ကျောက်ကပ်ပျက်တာကြောင့် ဆေးများက သွေးတွင်း အချိန်ပိုကြာမြင့်စွာ ရှိ‌နေပြီး ပုံမှန်ထက် ဆီးချိုကျနေရခြင်း ဖြစ်ပါတယ်။

ဒါကတော့ ဆီးချိုရောဂါ ရှိတဲ့သူတွေ အနေနဲ့ သတိထားရမဲ့ ကျောက်ကပ်ရောဂါ လက္ခဏာတွေပါ။ ဒီလိုမျိုး ကျန်းမာရေးနဲ့ပတ်သက်ပြီး အကြောင်းအရာတွေကို အမြဲတင်ဆက်ပေးသွားမှာဖြစ်လို့ Page ကို Like & Follow လုပ်ခဲ့ပါဦး။

ဈေးနှုန်းသင့်တင့် အရည်အသွေးမြင့်တဲ့
ပြည်ကျော်အထူးကုဆေးခန်း

#ပြည်ကျော်အထူးကုဆေးခန်း
#ကျောက်ကပ်
#ဆီးချို

Pyi Kyaw Specialist Clinic & Medical Checkup Centre

21/07/2025

20/07/2025

14/06/2025

19/02/2025

07/06/2024

04/06/2024

01/06/2024

28/05/2024

25/05/2024

22/05/2024

17/05/2024

11/05/2024

Address

Website

Alerts

Shortcuts

Share

Category