https://www.facebook.com/337629679426124/

Health Myanmar By HIV Education Myanmar, Yangon, Yangon (2026)

04/01/2026

ART ဆေးကို ဘာလို့ အချိန်မှန်သောက်ဖို့ လိုတာလဲ? "ဆေးယဉ်ပါးခြင်း" အန္တရာယ်က ဘယ်လောက်ကြောက်ဖို့ကောင်းလဲ❓ 🤔

မမမြင့်မာတို့ ART ဆေးသောက်နေတဲ့အခါ အရေးအကြီးဆုံးက "တိကျမှု" ပါပဲ။ ဆေးကို ပုံမှန်မသောက်ဘူးဆိုရင် ကိုယ့်ခန္ဓာကိုယ်ထဲက HIV ပိုးတွေက ဆေးကို ခံနိုင်ရည်ရှိသွားပြီး ဆေးယဉ်ပါးမှု (Drug Resistance) ဖြစ်လာနိုင်ပါတယ်။

ဘာတွေကြောင့် ဆေးယဉ်ပါးတာ ဖြစ်နိုင်လဲ? 👾
• ဆေးသောက်ပျက်ကွက်ခြင်း - ဆေးကို မသောက်ဘဲနေတာ၊ သောက်လိုက် မသောက်လိုက် လုပ်တာမျိုး။
• အချိန်မမှန်ခြင်း - သတ်မှတ်ထားတဲ့ အချိန်အတိအကျမှာ မသောက်ဘဲ လွဲချော်တာမျိုး။
• ဆေးချင်းဓာတ်ပြုခြင်း - ART ဆေးနဲ့ ဓာတ်ပြုနိုင်တဲ့ အခြားဆေးဝါးတွေကို ဆရာဝန်ခွင့်ပြုချက်မပါဘဲ တွဲသောက်မိတာမျိုး။ 💊
• ဆေးယဉ်ပါးပိုး ကူးစက်ခံရခြင်း - ဆေးယဉ်ပါးပိုး ရှိနေသူနဲ့ အကာအကွယ်မဲ့ ဆက်ဆံမိရာကနေ မိမိဆီကို ဆေးယဉ်ပါးပိုး တိုက်ရိုက်ကူးစက်တာမျိုးတွေကြောင့် ဖြစ်တတ်ပါတယ်။

ဆေးယဉ်ပါးသွားရင် ဘာဖြစ်မလဲ? 🙅
သွေးထဲမှာ ဆေးအာနိသင် လျော့နည်းသွားတဲ့အချိန်မှာ ပုန်းနေတဲ့ပိုးတွေက နလန်ထူလာပြီး ဆေးဒဏ်ကို ခံနိုင်ရည်ရှိလာပါတယ်။ အဲဒီအခါ ပိုးတွေက ဆေးကို လုံးဝမကြောက်တော့ဘဲ CD4 Cells တွေကို ပြန်လည်တိုက်ခိုက်ပြီး ပိုးကောင်ရေ (Viral Load) တွေ တဟုန်ထိုး တက်လာပါလိမ့်မယ်။

အကျိုးဆက်အနေနဲ့... 🔴
1. နေမကောင်း ပြန်ဖြစ်လာမယ်။
2. အခြားသူတွေကို အကာအကွယ်မဲ့ ဆက်ဆံမိရင် ဆေးယဉ်ပါးပိုး ထပ်မံကူးစက်စေနိုင်မယ်။
3. နဂိုသောက်နေကျ (1st Line) ဆေးတွေနဲ့ ကုလို့မရတော့ဘဲ ပိုပြီးဝယ်ရခက်၊ ဈေးကြီးပြီး ဘေးထွက်ဆိုးကျိုး ပိုများတဲ့ 2nd Line, 3rd Line ဆေးတွေကို ပြောင်းသောက်ရပါမယ်။

မြန်မာပြည်မှာဆိုရင် 3rd Line ဆေးထက် ထပ်ပြီး ဆေးယဉ်ပါးသွားရင် ကုသဖို့ အလွန်ခက်ခဲသွားပြီလို့ ကြားသိရပါတယ်။

ဒါကြောင့် ကိုယ့်ရဲ့ ကျန်းမာရေးအတွက်၊ ကိုယ်ချစ်တဲ့သူတွေအတွက် ဆေးကို နေ့တိုင်း အချိန်မှန်မှန် သောက်ကြစို့နော်။ ❤️

ကျန်းမာပျော်ရွှင်တဲ့ လူနေမှုဘဝကို မမမြင့်မာနဲ့ အတူတူ တည်ဆောက်ကြရအောင်။ 😘

💊WHO လမ်းညွှန်ချက်နဲ့ ကိုက်ညီတဲ့ ART၊ PEP နဲ့ PrEP ကာကွယ်ရေးနဲ့ ကုသရေး တို့အတွက် လိုအပ်တဲ့ အကူအညီများအပြင် ဆေးနဲ့ ပတ်သက်ပြီး ဆွေးနွေးချင်တာရှိရင် မမမြင့်မာရဲ့ Page မှာ မေးမြန်းနိုင်ပါတယ်နော်

#မမမြင့်မာ

02/01/2026

ART ဆေးတွဲမှာ TLD ဆေးတွဲ က TLE ဆေးတွဲထက် ဘာတွေ ပိုကောင်းလဲ ❓ 💡

အဲဒါကတော့ ART ဆေးသောက်နေသူတွေကြားမှာ အခုနောက်ပိုင်း တော်တော်လေး လူပြောများနေတဲ့ Dolutegravir (DTG) ဆေးတွဲ (သို့မဟုတ်) TLD ဆေးအကြောင်းပဲ ဖြစ်ပါတယ်။ 💊

အခုချိန်ထိ မြန်မာနိုင်ငံက PLHIV အများစုဟာ Efavirenz (EFV) ပါတဲ့ ဆေးတွဲ (TLE) ကိုပဲ ဆက်သောက်နေကြတုန်းပါ။ 🏥

ဒါပေမဲ့ ကမ္ဘာ့ကျန်းမာရေးအဖွဲ့ (WHO) ရဲ့ လမ်းညွှန်ချက်တွေနဲ့ နောက်ဆုံးပေါ် ဆေးပညာလေ့လာမှုတွေအရ Dolutegravir ပါတဲ့ ဆေးတွဲက ပိုပြီးတော့ အစွမ်းထက်သလို၊ ဘေးထွက်ဆိုးကျိုးလည်း ပိုနည်းတယ်လို့ အတည်ပြုထားပြီး ဖြစ်ပါတယ်။ ✅

🤔 ဘာလို့ Dolutegravir (TLD) က Efavirenz ထက် ပိုကောင်းတာလဲ?
သုတေသနတွေအရ Dolutegravir ကို ဘာကြောင့် ပိုသုံးသင့်သလဲဆိုတာ အချက် (၄) ချက်နဲ့ ပြောပြပေးမယ်နော်။ 👇

၁။ ပိုးကောင်ရေကို ပိုမြန်မြန် ထိန်းချုပ်ပေးနိုင်တယ် (Faster Viral Suppression) 📉
Efavirenz သောက်တဲ့သူတွေထက် Dolutegravir သောက်တဲ့သူတွေဟာ သွေးထဲက ပိုးကောင်ရေ (Viral Load) ကို သိသိသာသာ ပိုမိုမြန်ဆန်စွာ ကျဆင်းစေပါတယ်။ ပိုးကောင်ရေ မြန်မြန်ကျလေ၊ ကိုယ်ခံအား ပြန်တက်ဖို့ အခွင့်အလမ်း ပိုများလေပါပဲ။

၂။ ဆေးယဉ်ပါးဖို့ ခက်ခဲတယ် (High Barrier to Resistance) 💪
ဒါက အချက်အချာပဲ။ Efavirenz က တစ်ခါတလေ ဆေးသောက်ဖို့ မေ့တာမျိုး၊ ဆေးသောက်ချိန် မမှန်တာမျိုးဖြစ်ရင် ပိုးက ဆေးယဉ်ပါးဖို့ လွယ်ပါတယ်။ ဒါပေမဲ့ Dolutegravir ကတော့ ဆေးယဉ်ပါးဖို့ အရမ်းခက်ခဲတဲ့အတွက် ရေရှည်မှာ ပိုပြီး စိတ်ချရပါတယ်။

၃။ အသည်းအတွက် ပိုပြီး ဘေးကင်းတယ် (Lower Hepatotoxicity) 🛡️
ဒါက အရမ်းအရေးကြီးတဲ့ အချက်ပါပဲ။ Efavirenz ဟာ အသည်းအင်ဇိုင်းတွေကို တက်စေပြီး အသည်းကို ဝန်ပိစေနိုင်ခြေ ပိုများပေမဲ့ Dolutegravir ကတော့ အသည်းကို ထိခိုက်စေနိုင်ခြေ သိသိသာသာ ပိုနည်းပါတယ်ရှင်။

၄။ အာရုံကြောဆိုင်ရာ ဘေးထွက်ဆိုးကျိုး ပိုနည်းတယ် 🧠✨
Efavirenz သောက်တဲ့သူတွေ ခံစားရလေ့ရှိတဲ့ ခေါင်းမူးတာ၊ အိပ်မက်ဆိုးတွေမက်တာ၊ စိတ်ဓာတ်ကျတာ စတဲ့ ဝေဒနာတွေဟာ Dolutegravir မှာ မရှိသလောက် နည်းပါးသွားပါတယ်။ ဆေးသောက်ရတာ ပိုပြီး "နေလို့ကောင်း" စေတာပေါ့။

အခုဆိုရင်... 🔄
မြန်မာနိုင်ငံက ဆေးခန်းတွေ၊ ပရောဂျက်တွေမှာလည်း ပိုးဖြင့်ယှဉ်တွဲနေထိုင်သူ အများစုကို Dolutegravir ဆေးတွဲ (TLD) ဆီကို အဆင့်ဆင့် စတင်ပြောင်းလဲပေးနေပါပြီ။

မမမြင့်မာရဲ့ တိုက်တွန်းချက် - 👩‍⚕️💬
အကြောင်းအမျိုးမျိုးကြောင့် ဆရာဝန်နဲ့ ပုံမှန်မပြဖြစ်ဘဲ ပြင်ပမှာ ဆေးဝယ်သောက်နေတဲ့သူတွေ ရှိလားဟင်? ရှိရင်တော့ ဆရာဝန်နဲ့ ပြန်လည်တိုင်ပင်ပြီး "ကျွန်တော့်/ကျွန်မကို Dolutegravir (TLD) ဆေးတွဲ ပြောင်းလို့ရနိုင်မလား" ဆိုတာလေး မေးကြည့်စေချင်ပါတယ်။

ကိုယ့်သဘောနဲ့ကိုယ် ဆေးပြောင်းတာမျိုး မလုပ်ဘဲ ကျွမ်းကျင်တဲ့ ဆရာဝန်တွေနဲ့ သေချာတိုင်ပင်ပြီးမှ ပြောင်းလဲသောက်သုံးတာက အန္တရာယ်အကင်းဆုံးနဲ့ အထိရောက်ဆုံး ဖြစ်မှာပါရှင်။🤝❤️

ကျန်းမာပျော်ရွှင်တဲ့ လူနေမှုဘဝကို ပိုင်ဆိုင်နိုင်ကြပါစေလို့ မမမြင့်မာက ဆုတောင်းပေးလိုက်ပါတယ်နော်။ 🌈✨
ချစ်တဲ့... မမမြင့်မာ။ 💖

🎁 အထူးအစီအစဉ်လေး တစ်ခုရှိပါတယ်ရှင်!

ကျန်းမာရေးအတွက် ပိုမိုကောင်းမွန်တဲ့ TLD sayတွဲကို စိတ်ဝင်စားသူများအတွက် Page မှာ အကူအညီကို ရယူနိုင်ပါတယ်ရှင့်

#မမမြင့်မာ

01/01/2026

မင်္ဂလာပါရှင့်... ချစ်ရတဲ့ မောင်လေး၊ ညီမလေးတို့ရေ။ နှစ်သစ်မှာ အားလုံးပဲ ကိုယ်စိတ်နှစ်ဖြာ ကျန်းမာရွှင်လန်းကြပါစေကြောင်း မမမြင့်မာက ဆုတောင်းပေးလိုက်ပါတယ်နော်။

နှစ်သစ်မှာ ကျန်းမာရေးကို ပိုဂရုစိုက်နိုင်အောင်နဲ့ say သောက်မပြတ်စေဖို့အတွက် မမက နှစ်သစ်လက်ဆောင်အဖြစ် Promotion လေးတစ်ခု ပြင်ဆင်ထားပါတယ်။

✨ New Year Special Promotion (TLD ) ✨
TLD တစ်ဗူးချင်းစီအတွက် (၁၀,၀၀၀) ကျပ် တိတိ လက်ဆောင် cash back ပေးသွားမှာဖြစ်ပါတယ်။

အခုလို ကာလမျိုးမှာ ကိုယ့်ရဲ့ကျန်းမာရေးအတွက် ကြိုတင်ပြင်ဆင်ထားနိုင်ဖို့ ဒါဟာ အခွင့်အရေးကောင်းလေးပါပဲ။

ပရိုမိုးရှင်းကာလ: ၂၀၂၆ ခုနှစ်၊ ဇန်နဝါရီလ (၁) ရက်နေ့မှ (၅) ရက်နေ့အထိ (၅ ရက်တာကာလအတွင်းသာ)

ခံစားခွင့်: တစ်ဗူးဝယ်တိုင်း (၁၀,၀၀၀) MMK လျှော့ZAY ရရှိပါမယ်။

🎯 မှာယူလိုပါက: Page Messenger မှ အသေးစိတ် မေးမြန်းမှာယူနိုင်ပါတယ်။ မမတို့ဘက်က အမြဲတမ်း နွေးထွေးစွာ ကြိုဆိုနေမှာပါ။

ကိုယ့်ကျန်းမာရေးကို ဂရုစိုက်ပြီး ပျော်ရွှင်စရာနှစ်သစ်ကို အတူတူ ဖြတ်သန်းကြရအောင်နော်။

#မမမြင့်မာ

31/12/2025

၂၀၂၆ ခုနှစ်ရဲ့ နေ့ရက်သစ်တွေကို စတင်ဖို့ အသင့်ဖြစ်ပြီလားရှင်? 🎉

နှစ်သစ်မှာ မမမြင့်မာရဲ့ မိသားစုဝင်တွေအားလုံး ကိုယ်စိတ်နှစ်ဖြာ ကျန်းမာရွှင်လန်းကြပါစေလို့ အဦးဆုံး ဆုတောင်းပေးလိုက်ပါတယ်ရှင်။ နှစ်ဟောင်းက ပင်ပန်းနွမ်းနယ်မှုတွေကို အတိတ်မှာ ထားရစ်ခဲ့ပြီး နှစ်သစ်မှာတော့ ပိုမိုခိုင်မာတဲ့ စိတ်ဓာတ်၊ ပိုမိုတောက်ပတဲ့ ကျန်းမာရေးတွေနဲ့ ရှေ့ဆက်ကြရအောင်ပါ။

အထူးသဖြင့် မမဆီမှာ ကျန်းမာရေးအတွက် လိုအပ်တာတွေကို ယုံကြည်စိတ်ချစွာ အမြဲအားကိုးနေကြတဲ့သူတွေ အားလုံးလည်း နှစ်သစ်မှာ သောက်လက်စဆေးဝါးတွေနဲ့ အဆင်ပြေပြီး၊ ပိုမိုကောင်းမွန်တဲ့ ဆေးစစ်ချက်ရလဒ်တွေကို ပိုင်ဆိုင်နိုင်ကြပါစေလို့ အထူးဆုတောင်းပေးပါတယ်။ မမတို့ကလည်း သင်တို့ရဲ့ ကျန်းမာရေးခရီးလမ်းမှာ အမြဲတမ်း အားကိုးရတဲ့ အဖော်မွန်အဖြစ် ဆက်ရှိနေမှာပါရှင်။ 💪✨

လူတိုင်းဟာ တန်ဖိုးရှိတဲ့သူတွေမို့ ဒီ ၂၀၂၆ မှာ အကောင်းဆုံး ဂရုစိုက်ရှင်သန်သွားကြစို့နော်။ ❤️🌟

ပျော်ရွှင်စရာ ၂၀၂၆ နှစ်သစ်ဖြစ်ပါစေရှင်။

ချစ်ခြင်းများစွာဖြင့်... မမမြင့်မာ

#မမမြင့်မာ

30/12/2025

🛑 PEP ဆေးဆိုတာ ART ဆေးပဲလား? 💊
(HIV ပိုး ကာကွယ်ရန် သိထားသင့်တဲ့ အရေးပေါ်နည်းလမ်း) 🛡️

ဒီနေ့တော့ မမမြင့်မာဆီကို မကြာခဏ လာမေးလေ့ရှိတဲ့ PEP (Post-Exposure Prophylaxis) နဲ့ ပတ်သက်ပြီး လူနာတော်တော်များများ ဇဝေဇဝါဖြစ်နေတဲ့ အချက်လေးတွေကို သေချာရှင်းပြပေးချင်ပါတယ်။ အထူးသဖြင့် ART ဆေးနဲ့ PEP က အတူတူပဲလားဆိုတာမျိုးပေါ့။ 🤔

၁။ ဘယ်လိုအခြေအနေမျိုးမှာ PEP သောက်ဖို့ လိုအပ်သလဲ? 🚨
လူတော်တော်များများက အကာအကွယ်မဲ့ လိင်ဆက်ဆံမိမှ PEP သောက်ရတယ်လို့ ထင်တတ်ကြပါတယ်။ တကယ်တော့ အောက်ပါ မတော်တဆမှုတွေအတွက်လည်း PEP က အရေးကြီးပါတယ်-

🩸 ပိုးရှိမရှိ မသေချာတဲ့သူရဲ့ သွေးနဲ့ မတော်တဆ ထိတွေ့မိခြင်း။
💉 အပ်စူးမိခြင်း သို့မဟုတ် အသုံးပြုပြီးသား ဆေးထိုးအပ်ကို မှားယွင်းကိုင်တွယ်မိခြင်း။
💦 တခြားသူရဲ့ သွေး ဒါမှမဟုတ် ခန္ဓာကိုယ်ထွက်ရည်တွေက ကိုယ့်ရဲ့ အနာ ဒါမှမဟုတ် မျက်စိ၊ ပါးစပ်ထဲ စင်မိခြင်း။

၂။ PEP ဆိုတာ ART ဆေးပဲလား? 🧐 ဟုတ်ပါတယ်ရှင်။ PEP ဆိုတာ HIV ပိုးရှိသူတွေ သောက်ရတဲ့ ART (Antiretroviral Therapy) ဆေးကိုပဲ အသုံးပြုထားတာပါ။ ဒါပေမဲ့ အသုံးပြုတဲ့ ရည်ရွယ်ချက် မတူပါဘူး။

💊 ART က ပိုးရှိသူတွေမှာ ပိုးပွားနှုန်းကို ထိန်းချုပ်ဖို့ သောက်တာပါ။
🛡️ PEP ကတော့ ပိုးမကူးစက်နိုင်ခြေရှိတဲ့ အခြေအနေတစ်ခုခု ကြုံပြီးနောက် ၇၂ နာရီအတွင်း မှာ ပိုးမဝင်အောင် အရေးပေါ်ကာကွယ်ဖို့ သောက်တာဖြစ်ပါတယ်။

၃။ "မမ... ဒါက ART ဆေးကြီးပဲ၊ သောက်လို့ ဖြစ်ပါ့မလား" 😟

"ဟိုင်း... မမမြင့်မာ၊ ကျွန်တော့်ကို ပေးလိုက်တဲ့ဆေးက ART ဆေးကြီး ဖြစ်နေတယ်၊ ဒါက ပိုးရှိတဲ့သူတွေ သောက်တဲ့ဆေး မဟုတ်ဘူးလား?" ဆိုပြီး စိုးရိမ်တကြီး လာမေးတတ်ကြပါတယ်။

စိတ်မပူပါနဲ့နော်။ ❤️ PEP ဆိုတာ HIV ပိုး ခန္ဓာကိုယ်ထဲမှာ အခြေမချနိုင်ခင် ART ဆေးနဲ့ ကြိုတင်တားဆီးလိုက်တဲ့ နည်းလမ်းပါ။ ဆေးတူပေမဲ့ သောက်ရတဲ့ အချိန်ကာလ (၂၈ ရက်) နဲ့ ရည်ရွယ်ချက်က မတူလို့ ဆရာဝန် ညွှန်ကြားတဲ့အတိုင်းသာ အတိအကျ သောက်ပေးဖို့ လိုပါတယ်။ ✨

၄။ ဘာကြောင့် ကိုယ့်ဘာသာ ဝယ်မသောက်သင့်တာလဲ? ⚠️

PEP က ဆရာဝန် ညွှန်ကြားချက်ပါမှ သောက်ရမယ့် ဆေးဖြစ်ပါတယ်။ အလွယ်တကူ ဝယ်မသောက်သင့်တဲ့ အကြောင်းရင်းတွေကတော့-
🩸 HIV Result ကို အရင်စစ်ရမယ်: ဆေးမသောက်ခင် ကိုယ့်မှာ အရင်ကတည်းက ပိုးမရှိကြောင်း (HIV Negative ဖြစ်ကြောင်း) အရင်စစ်ရပါမယ်။
🏥 ကျောက်ကပ် စစ်ဆေးရမယ်: PEP ဆေးက ကျောက်ကပ်ကို အလုပ်လုပ်စေတာမို့ Creatinine Level ကို စစ်ဆေးပြီး ကျောက်ကပ် ကျန်းမာရေးကောင်းမွန်မှသာ သောက်သင့်လို့ ဖြစ်ပါတယ်။
📋 ကျန်းမာရေး လမ်းညွှန်ချက် (Guideline): ဆေးမသောက်ခင်မှာ လိုက်နာရမယ့် စည်းကမ်းတွေရှိတာကြောင့် ကျွမ်းကျင်သူနဲ့ တိုင်ပင်ပြီးမှသာ စနစ်တကျ သောက်သုံးရမှာ ဖြစ်ပါတယ်။

မတော်တဆ အပ်စူးတာပဲဖြစ်ဖြစ်၊ အကာအကွယ်မဲ့ ဆက်ဆံမိတာပဲဖြစ်ဖြစ် စိုးရိမ်စိတ်နဲ့ တွေဝေမနေပါနဲ့။ ၇၂ နာရီ မကျော်ခင်မှာ ဆရာဝန်နဲ့ အမြန်ဆုံး တိုင်ပင်ပြီး စစ်ဆေးမှုတွေ လုပ်ပါ။

PEP ရရှိနိုင်တဲ့ ဆေးခန်း ဆရာဝန်များ အကူအညီ လမ်းညွှန်ချက်များနှင့် ဆွေးနွေးလိုပါက Page Message သို့လာရောက်တိုင်ပင်နိုင်ပါတယ်ရှင် 🤗💖

#မမမြင့်မာ

25/12/2025

မင်္ဂလာပါရှင်... မမမြင့်မာရဲ့ ချစ်ခင်ရတဲ့ မိသားစုဝင်များအားလုံး ခရစ္စမတ်အခါသမယမှာ ပျော်ရွှင်ချမ်းမြေ့ကြပါစေလို့ ဦးစွာ ဆုတောင်းပေးလိုက်ပါတယ်ရှင်။ 🎄✨

ဒီနေ့လို ထူးမြတ်တဲ့နေ့လေးမှာ မမတို့ မိသားစုဝင် တစ်ဦးတစ်ယောက်ချင်းစီတိုင်းရဲ့ နှလုံးသားထဲမှာ နွေးထွေးမှုနဲ့ အားအင်သစ်တွေ ပြည့်ဝနေပါစေလို့ ဆုတောင်းပေးချင်ပါတယ်။

အထူးသဖြင့် မိမိတို့ရဲ့ ကျန်းမာရေးအတွက် မမဆီမှာ ယုံကြည်စိတ်ချစွာ ကျန်းမာရေးစောင့်ရှောက်မှု အတွက် လိုအပ်တဲ့ ဆေးဝါး ဝန်ဆောင်မှုရယူနေကြတဲ့ မိသားစုဝင်များ အားလုံးလည်း ယခုထက်ပိုမို ကျန်းမာကြံ့ခိုင်ပြီး၊ စိတ်ခွန်အား သစ်လွင်တောက်ပတဲ့ နေ့ရက်တွေကို ပိုင်ဆိုင်နိုင်ကြပါစေကြောင်း အထူးပင် ဆုတောင်းမေတ္တာ ပို့သအပ်ပါတယ်ရှင်။ ❤️💪

ကိုယ့်ရဲ့ကျန်းမာရေးအခြေအနေကို သိရှိဖို့ စိုးရိမ်စိတ်နဲ့ အဖြေရှာချင်နေသူတွေအတွက်လည်း မမတို့ရဲ့ Test Kit လေးတွေက စိတ်အေးချမ်းမှုပေးနိုင်တဲ့ အဖော်မွန် ဖြစ်ပါစေ။ ဆေးပညာဗဟုသုတသစ်တွေကို အမြဲမပြတ် လေ့လာနေကြတဲ့ မိတ်ဆွေများအားလုံးလည်း ဗဟုသုတအလင်းတိုင်တွေနဲ့အတူ ပိုမိုကောင်းမွန်တဲ့ လူနေမှုဘဝကို တည်ဆောက်နိုင်ကြပါစေရှင်။

လူတိုင်းဟာ တန်ဖိုးရှိတဲ့သူတွေဖြစ်လို့ ဒီခရစ္စမတ်မှာ စိတ်ရောကိုယ်ပါ ကျန်းမာပျော်ရွှင်စွာနဲ့ ဖြတ်သန်းနိုင်ကြပါစေရှင်။ ❄️🌟

ချစ်ခြင်းများစွာဖြင့်... မမမြင့်မာ

#မမမြင့်မာ

18/12/2025

👩‍⚕️ ART ဆေးသောက်လို့ အဖြေကောင်းရင် ဆေးပမာဏ လျှော့ပေးလား? 🤔

မမမြင့်မာကို လာမေးကြတဲ့အထဲမှာ ဒီမေးခွန်းလေးတွေက ခပ်စိပ်စိပ်ဖြစ်နေလို့ အားလုံးသိရအောင် တင်ပေးလိုက်ပါတယ်နော်။

မေးခွန်း (၁) အစ်မရေ! 💁‍♀️
“ညီမအသိ တစ်ယောက်သောက်တာတော့ ၅ နှစ်လောက်ရှိပြီ။ ပိုးကောင်ရေ ကောင်းနေတော့ TLE ဆေးတွဲ ကို Efavirenz 600 mg ကနေ Efavirenz 400 mg အတွဲပြောင်းပေးတယ်။ ဆေးပမာဏက အဲ့လို လျှော့ပေးသွားတာလား မမမြင့်မာ?”

💡 မမမြင့်မာရဲ့ အဖြေလေးကတော့...
ဒါဟာ ဆေးပမာဏ လျှော့လိုက်ရုံတင်မဟုတ်ဘဲ ဆေးရဲ့ ဘေးထွက်ဆိုးကျိုးဒဏ်ကနေ ကာကွယ်ပေးတာ ဖြစ်ပါတယ်ရှင့်။

အရင်ကသုံးခဲ့တဲ့ EFV 600 mg ဟာ အာနိသင်ကောင်းပေမယ့် ရေရှည်မှာ လူနာတွေအတွက် စိန်ခေါ်မှုတွေ ရှိခဲ့ပါတယ်။ သုတေသနအသစ်တွေအရ EFV 600 mg ကြောင့် ဖြစ်တတ်တဲ့...
စိတ်ပိုင်းဆိုင်ရာ ဆိုးကျိုးများ - အိပ်မက်ဆိုးတွေ မကြာခဏမက်တာ၊ အိပ်မပျော်တာ၊ စိုးရိမ်စိတ်လွန်ကဲတာ (Anxiety) နဲ့ စိတ်ဓာတ်ကျတာ (Depression)။
ရေရှည်ဆိုးကျိုးများ - အာရုံစူးစိုက်မှု အားနည်းလာတာ၊ မှတ်ဉာဏ်ပိုင်းဆိုင်ရာ အနည်းငယ် ထိခိုက်တာနဲ့ အသည်းအင်ဇိုင်းတွေ တက်တာမျိုးတွေ ဖြစ်နိုင်ခြေ ရှိပါတယ်။

အခု EFV 400 mg ကို ပြောင်းလဲလိုက်တဲ့အခါမှာတော့...
၁။ ဆေးအစွမ်း (Efficacy) က 600 mg နဲ့ အတူတူပဲဖြစ်ကြောင်း သုတေသနတွေက အခိုင်အမာ သက်သေပြထားပါတယ်။
၂။ အဓိက အားသာချက်ကတော့ အထက်မှာ ပြောခဲ့တဲ့ စိတ်ပိုင်းဆိုင်ရာ ဆိုးကျိုးတွေနဲ့ အာရုံကြောဆိုင်ရာ ထိခိုက်မှုတွေကို သိသိသာသာ လျော့ကျစေပါတယ်။ ၃။ ဆေးပမာဏ နည်းသွားတဲ့အတွက် ခန္ဓာကိုယ်ရဲ့ ဇီဝကမ္မဖြစ်စဉ်တွေအပေါ် ဝန်ထုပ်ဝန်ပိုး ပိုနည်းသွားစေပါတယ်ရှင့်။

မေးခွန်း (၂) မမမြင့်မာရေ! 🙏
“မမမြင့်မာရေ TLD အတွဲ သောက်နေတာပေါ့နော်။ Tenofovir က 300 mg ကနေ နောက် ဆေးပြောင်းပေးတော့ 25 mg ပဲ ရှိတော့တယ်။ အဲ့တာ ဘာဖြစ်လို့လဲ မမမြင့်မာရေ။”

💡 မမမြင့်မာရဲ့ အဖြေလေးကတော့...
ဒါကတော့ Tenofovir အမျိုးအစားသစ် (TAF) ကြောင့်ပါရှင့်။
အရင်သုံးတဲ့ TDF (300 mg) က ကျောက်ကပ်ကို အလုပ်လုပ်ခိုင်းရတာ များသလို၊ ရေရှည်မှာ အရိုးပွတာ၊ အရိုးသိပ်သည်းဆ လျော့နည်းတာမျိုးတွေ ဖြစ်တတ်ပါတယ်။

TAF (25 mg) ကတော့ ဆေးဖော်မြူလာ အသစ်ဖြစ်ပါတယ်။ ဆေးပမာဏ (mg) အများကြီး နည်းသွားပေမယ့် ပိုးကိုသတ်တဲ့နေရာမှာ အစွမ်းက တူတူပါပဲ။

အကောင်းဆုံးအချက်ကတော့ ကျောက်ကပ်နဲ့ အရိုးအပေါ် သက်ရောက်မှု (Impact) အလွန်နည်းသွားတာ ကြောင့် ရေရှည်ကျန်းမာရေးအတွက် ပိုစိတ်ချရပါတယ်ရှင့်။

🛑 သတိထားရမယ့် အရေးကြီးဆုံးအချက်!
အပေါ်က ဆေးပြောင်းလဲမှုတွေဟာ ကျန်းမာရေးပညာရှင်တွေနဲ့ ဆရာဝန်တွေရဲ့ လမ်းညွှန်ချက် အရသာ ပြောင်းလဲတာဖြစ်ပါတယ်။

❌ အများစကားနားထောင်ပြီး ကိုယ့်သဘောနဲ့ကိုယ် ဆေးပမာဏ လျှော့ချတာ ဒါမှမဟုတ် ဆေးဖြတ်လိုက်တာမျိုး လုံးဝ (လုံးဝ) မလုပ်ပါနဲ့နော်။

ဒီလို ကိုယ့်သဘောနဲ့ကိုယ် လျှော့ချလိုက်ရင်...
ပိုးကောင်ရေ ပြန်တက်လာနိုင်ပါတယ်။

ဆေးယဉ်ပါးမှု (Drug Resistance) ဖြစ်သွားနိုင်တာကြောင့် နောက်ပိုင်း ကုသရ ပိုခက်ခဲသွားပါလိမ့်မယ်။

ဒါကြောင့် ဘယ်လိုအခြေအနေမှာမဆို ကိုယ်နဲ့ နီးစပ်ရာ ဆရာဝန် သို့မဟုတ် ကျန်းမာရေးဝန်ထမ်းတွေနဲ့ တိုင်ပင်ပြီးမှသာ ဆေးကုသမှုအစီအစဉ်ကို ပြောင်းလဲပါလို့ မေတ္တာရပ်ခံပါတယ်နော်။

💖 နိဂုံးချုပ်အနေနဲ့...
ဆေးပမာဏ လျှော့ချတာပဲ ဖြစ်ဖြစ်၊ ပိုကောင်းတဲ့ ဆေးအမျိုးအစား ပြောင်းလဲပေးတာပဲ ဖြစ်ဖြစ်... ဒါတွေအားလုံးဟာ ဆေးအစွမ်းကို မလျော့စေဘဲ သောက်သုံးသူရဲ့ ဘေးထွက်ဆိုးကျိုးတွေကို အတတ်နိုင်ဆုံး လျှော့ချပေးဖို့ ရည်ရွယ်တာဖြစ်ပါတယ်။

💊 ဆေးအကူအညီလိုရင်၊ မေးစရာရှိရင်... မမမြင့်မာ Page ရဲ့ Messenger ကနေ လာရောက်အကူအညီ ရယူနိုင်ပါတယ်နော်။ အားလုံး ကျန်းမာပျော်ရွှင်ကြပါစေ! 🥰

#မမမြင့်မာ ေး ျန်းမာရေး #ကျန်းမာရေးဗဟုသုတ

15/12/2025

ဘေးထွက်ဆိုးကျိူး အလွန် ပြင်းထန်သော ARV ဆေးများ သောက်နေဆဲဖြစ်ပါက ဆေးပြောင်းဖို့ အမြန်ဆုံး လုပ်ပါ ❗

2018 မှစပြီး မမမြင့်မာ HIV Education Myanmar page ဖွင့်လာခဲ့တဲ့ ၆ နှစ်ကျော် အတွင်းမှာ

HIV ဆေးဖြစ်တဲ့ Stavudine (d4T) အတွဲကို သောက်နေကြဆဲ လူများကို အံဩစွာဖြင့် တွေ့ရှိခဲ့ရပါတယ်။

ဒီထဲက လူအများစုကတော့ ဆရာဝန်မပြပဲ ၅နှစ်အထက် ၁၀ နှစ်အထက် ကိုယ့်သဘောနဲ့ကိုယ် ဝယ်သောက်နေကြပါတယ်။ 😯

ဒါကြောင့်လည်း ဆေးပြောင်းရမှန်း မသိကြပါဘူး။ ဘေးထွက်ဆိုးကျိူး တွေကြောင့် အားကိုးရာ ရှာလာတဲ့ အချိန် မမမြင့်မာကို ရင်ဖွင့် ပြောကြားလာခဲ့ပါတယ်။

မမမြင့်မာ သိတာနဲ့ ချက်ချင်း ဆေးပြောင်းဖို့ ဆရာဝန်နဲ့ တိုင်ပင်ဖို့ တိုက်တွန်းတာကြောင့် ယခုဆို ခေတ်မှီဆေးဝါးတွေနဲ့ ကုသမူ့ ခံယူနေကြပါပြီ။ အခုလို ယုံကြည်ပေးကြတဲ့အတွက်လည်း တစ်ယောက်ဆီတိုင်းကို ကျေးဇူး အထူးတင်ရှိပါတယ်။ ❤

Stavudine ဆိုတဲ့ ဆေးသမိုင်းကြောင်းလေး လေ့လာကြည့်ရအောင် 🤗

💠 d4T ကတော့ ဥရောပမှာ 1996 က AZT (zidovudine) အသုံးပြုလို့မရနိုင်သော သူများမှာ Stavudine ကို စတင် အသုံးပြုခွင့်ပေးခဲ့ပါတယ်။ USA မှာတော့ 1994 က စတင်ခွင့်ပြုခဲ့ပြီး ဩဂုတ်လ 1997 မှာ initial therapy အနေနှင့် အသုံးပြုခွင့်ပေးခဲ့ပါတယ်။

💠 ခြောက်ခြားလောက်စရာ ဘေးထွက်ဆိုးကျိူးတွေကို တစ်ယောက်စ တစ်ယောက်စ ခံစားလာရတာကြောင့် British HIV Association မှ 2003 တွင် ပြင်းပြင်းထန်ထန် ဆန့်ကျင် လှုပ်ရှားခဲ့ပါတယ်။ 2009 မှာတော့ WHO က မသုံးကြဖို့ ညွှန်ကြားခဲ့ပါတယ်။

🔴 Stavudine ၏ အဓိက ဖြစ်ပွားသော ဆိုးကျိူး နှစ်ခုကတော့ peripheral neuropathy အာရုံကြော ပျက်ဆီးစေခြင်း နှင့် ခန္ဓာကိုယ်ရှိ အဆီ ဆိုးဆိုး ရွားရွား ပုံပျက်လာစေခြင်း lipodystrophy တို့အဖြစ်များပါတယ်။

💠 ပုံစံပျက်လာတဲ့ အထဲမှာ ခါး ၊ ဂုတ်ပိုး တို့မှာ အဆီစုလာပြီး လက်မောင်း ၊ ခြေထောက် တို့မှာသေးသွယ်လာခြင်း၊ တင်ပါး ချိုင့်ခွက်လာခြင်း ၊ မျက်နှာ ပုံပျက်ဆင်းပျက် ချိုင့်လာခြင်း တို့အဖြစ်များပါတယ်။

🔴 အခြား ဘေးထွက်ဆိုးကျိူးများကတော့ သရက်ရွက် ထိခိုက်စေနိုင်ခြင်း၊ အသည်း enzymes မြင့်တက်ခြင်း နှင့် အသည်းအဆီဖုံး စေနိုင်ခြင်း တို့ဖြစ်ပါတယ်။

ကဲ ဒီတော့ ပုံမှန်ရက်ချိန်းအတိုင်း စစ်ဆေးစရာရှိတာစစ်ဆေးပြီး

ဆေးပြောင်းဖို့လိုအပ်ပါကလည်း ဆေးပေးတဲ့ ဆရာ ဆရာမများကို ယုံယုံကြည်ကြည်နဲ့ ဆေးကုသမှုခံယူဖို့ တိုက်တွန်းပါရစေရှင့်

💊 မမမြင့်မာဆီမှာ WHO လမ်းညွှန်ချက်နဲ့ ကိုက်ညီတဲ့ ART၊ PEP နဲ့ PrEP ကာကွယ်ရေးနဲ့ ကုသရေး တို့အတွက် လိုအပ်တဲ့ အကူအညီများကို စုံစမ်းမေးမြန်းနိုင်ပါတယ်နော်။

Disclaimer : These medicines photo are educational purposes only.

ေး

14/12/2025

🙌🏻 ဘာပဲဝယ်ဝယ် မန္တလေးမှာ ၅၀၀၀ ကျပ် လျှော့စျေး

မန္တလေး ရွေမြို့သူ မြို့သားတွေ အတွက်

Test Kit အမျိူးအစား အားလုံး နဲ့ အေRT ဆေးများအားလုံး Promotion ၅၀၀၀ ကျပ် လျှော့စျေး ရယူနိုင်ပါပြီ

မန္တလေးမြို့က “အောင်” ဆေးခန်းမှာ

ပရိုမိုးရှင်းလေးကတော့ ဒီဇင်ဘာဘာ ၂၂ ရက်နေ့ အထိပဲ ရနိုင်မှာဖြစ်လို့ အမြန်ဆုံး ဝယ်ဖို့လိုမယ်နော်။

Test Kit တွေဆိုရင်တော့

✅ 4th Gen HIV Antigen Antibody Test Kit
✅ HIV Blood Antibody Test Kit
✅ အသည်းရောင်အသားဝါ B ပိုး နှင့် C ပိုး Test Kit
✅ ကာလသားပိုး ဆစ်ဖလစ် Test Kit များ

လိုအပ်တဲ့ အေRT ဆေး-ဝါး များ ကိုလည်း သင့်တင့်သော စျေးနှုန်း ၊ အာမခံချက် အပြည့်အဝဖြင့် ဝယ်ယူနိုင်ပြီ ဖြစ်ကြောင်း သတင်းကောင်းပါးလိုက်ပါတယ်

ဆေးခန်းလိပ်စာ နဲ့ ဖုန်း ကတော့

🏨၁၆လမ်း ၊ ၈၈ လမ်းထောင့် ၊ အောင်မြေသာစံမြိုနယ်၊မန္တလေး

☎️ 09 777 124 895 ၊ 09 4100 7072

ရရှိနိုင်မယ့် အေRT ဆေး အမျိူးအစား ၊ စျေးနှုန်းကို သိချင်ရင်တော့ Page Message မှာ အားမနာတမ်း မေးလို့ရပါပြီရှင့်

14/12/2025

🔥 အသည်းကို အမြန်ဖျက်ဆီးနေတဲ့ အစားအစာ (၇) မျိုးနဲ့ ART ဆေးဝါး သတိပေးချက်!

အသည်းကျန်းမာဖို့က ဘဝမှာ အရေးကြီးဆုံးပါပဲ။ ဒါကြောင့် မမမြင့်မာ တို့ အသည်းကို ပင်ပန်းစေတဲ့ အဓိကအရာတွေကို သတိထား ရှောင်ကြဉ်ကြရအောင်နော်

🛑 အသည်းကို ဝန်ပိစေတဲ့ အဓိကအရာ ၇ မျိုး
* 🥤 အချိုရည်များ (ပြောင်းဖူးသကြားရည်က အဆီဖုံးစေတယ်)
* 🍟 ဆီကြော်အစားအစာ (ထရန်စဖက်တ်က ရောင်ရမ်းစေတယ်)
* 🥓 ပြုပြင်ထားတဲ့အသား (ဓာတုပစ္စည်းနှင့် ဆားဓာတ်များ)
* 🍪 အဆင်သင့်စား မုန့်များ (သကြားနဲ့ ပြုပြင်ဆီများ)
* 🍰 အချိုကဲတဲ့ ကိတ်မုန့် (သွေးတွင်းသကြားမြင့်တက်စေတယ်)
* 🥃 အရက် (အသည်းခြောက်စေတဲ့ အဓိက အဆိပ်)
* 🧂 အငန်ကဲတဲ့ အစားအစာ (ဆားဓာတ် များလွန်းခြင်း)

💊 အသည်းကို ဝန်ပိုစေသော ART ဆေးဝါးများ (အသိပေးချက်)
ART ဆေးဝါးတွေထဲက အချို့ (ဥပမာ- Efavirenz၊ Atazanavir၊ Nevirapine စတဲ့ ဆေးများ) ဟာ အသည်းကို ဝန်ပိစေနိုင်ပါတယ်။

📢 အရေးကြီးဆုံး မှာချင်တာကတော့ ဆေးသောက်နေရသူတိုင်း ဆရာဝန်နဲ့ ပုံမှန်ပြပါ။ အသည်းလုပ်ဆောင်ချက်ကို စစ်ဆေးပါ။ ဆေးကို ကိုယ့်သဘောနဲ့ကိုယ် လုံးဝမပြောင်းလဲပါနဲ့နော်။

✅ အသည်းအတွက် အကောင်းဆုံး စားစရာ
* 🥦 အစိမ်းရောင် ဟင်းသီးဟင်းရွက်၊
* 🥑 ထောပတ်သီး၊ အခွံမာသီး၊
* 🍊 ဗီတာမင် စီ ပါတဲ့ သစ်သီးတွေ စားပေးပါ။

ကျန်းမာပျော်ရွှင်စေမယ့် ဒီအချက်တွေကို Like & Share လုပ်ပြီး တခြားသူတွေကိုလည်း သတိပေးလိုက်ပါဦးလို့ မမမြင့်မာ ပြောချင်ပါတယ်ရှင်!

#အသည်းကျန်းမာရေး ေး #ကျန်းမာရေး

10/12/2025

✨ HIV ပိုး ကုသရေး သတင်းကောင်း! HIV ကို ဆေးမသောက်ဘဲ ထိန်းချုပ်နိုင်သူ တတိယမြောက် Spain Patient အကြောင်း✨

HIV ပိုးပျောက်ကင်းတယ်လို့အဓိပ္ပာယ်ဖွင့်ဆိုရာမှာ

✅ အရှင်းလုံးဝပျောက်ကင်းတာရယ်

✅ ဆေးမသောက်ပဲ ပိုးကို လုံးဝထိန်းချုပ်ပြီး ပိုးကောင်ရေလည်း မတက် သူများကိုလည်း မကူးတဲ့ Functional Cure တစ်စိတ်တစ်ပိုင်းပျောက်တာရယ်ဆိုပြီး ရှိပါတယ်။

👉 Elite Controller များတွင် ထင်ရှားတဲ့သူတွေကတော့

✅ ယခုအချိန်တိုင်အောင် 29 နှစ်အထိ ဆေးကုသမှု့ခံယူရန်မလိုပဲ HIV ပိုးအား ထိန်းချုပ်ထားနိုင် Loreen လို့ခေါ်တဲ့ အမျိူးသမီး တစ်ဦး ရယ်

✅ ၂၂နှစ်ကျော် ယခုအချိန်အထိ ဆေးသောက်စရာမလို Esperanza Patient ရယ်ဆိုပြီး ရှိကြပြီး

ယခု တတိယမြောက်ဖြစ်စဉ်ကတော့

🔬 ဆေးမလိုဘဲ HIV ကို ၂၂ နှစ်ကြာ ထိန်းချုပ်ထားနိုင်တဲ့ ဖြစ်ရပ်သစ် ကို မျှဝေချင်ပါတယ်

စပိန်နိုင်ငံက အသက် ၄၈ နှစ်အရွယ် အမျိုးသမီးတစ်ဦးဟာ HIV ဆေးဝါး (ART) လုံးဝမသောက်ဘဲ သူ့ခန္ဓာကိုယ်ထဲက ဗိုင်းရပ်စ်ပမာဏကို ၂၂ နှစ်ကြာအောင် စစ်လို့မတွေ့နိုင်တဲ့ (Undetectable) အခြေအနေမှာ ထိန်းချုပ်ထားနိုင်ခဲ့တယ်လို့ သိပ္ပံဂျာနယ်ကြီးတစ်ခုဖြစ်တဲ့ The Lancet HIV ကနေ အစီရင်ခံတင်ပြလိုက်ပါတယ်။

💎 Elite Controller ဆိုတာ ဘယ်သူလဲ?
ဒီလိုမျိုး ကိုယ်ခံအားစနစ်နဲ့ HIV ကို သဘာဝအတိုင်း ထိန်းချုပ်ထားနိုင်သူတွေကို သုတေသီတွေက 'Elite Controller' (အထူးထိန်းချုပ်သူ) လို့ သတ်မှတ်ခေါ်ဝေါ်ပါတယ်။
• သတ်မှတ်ချက်: ဆေးမသောက်ဘဲ ဗိုင်းရပ်စ်ပမာဏကို ၁၂ လကြာ စစ်လို့မတွေ့နိုင်တဲ့အဆင့်မှာ ရှိနေရမယ်။
• ဒီအမျိုးသမီး: သူကတော့ ၂၂ နှစ်တောင် ဆေးမသောက်ဘဲ ဗိုင်းရပ်စ်ကို ထိန်းချုပ်ထားနိုင်ခဲ့ပြီး၊ CD4 ဆဲလ်အရေအတွက်ကလည်း ပုံမှန်အတိုင်း မြင့်မားနေခဲ့ပါတယ်။

🧡 Functional Cure (တစ်စိတ်တစ်ပိုင်းပျောက်ကင်းခြင်း) ဆိုတာ ဘာလဲ?

သုတေသီတွေက ဒီအမျိုးသမီးဟာ 'Functional Cure' (တစ်စိတ်တစ်ပိုင်း ပျောက်ကင်းသူ) အဆင့်ကို ရောက်ရှိနေပြီလို့ ပြောပါတယ်။ ဒါက ဘာကိုဆိုလိုလဲဆိုတော့...

📢 ဗိုင်းရပ်စ်ဟာ သူ့ခန္ဓာကိုယ်ထဲမှာ ရှိနေသေးပေမဲ့၊ ဗိုင်းရပ်စ်ပမာဏကို စစ်ဆေးလို့မတွေ့နိုင်တဲ့အဆင့်အထိ၊ ဆေးဝါးမလိုအပ်ဘဲ ခန္ဓာကိုယ်ရဲ့ ကိုယ်ခံအားစနစ်ကနေ ကိုယ့်ဘာသာ ထိန်းချုပ်ထားနိုင်တာကို ဆိုလိုတာပါ။

သူ့ခန္ဓာကိုယ်ထဲမှာ တွေ့ရတဲ့ HIV ဗီဇပစ္စည်း (Genetic Material) တွေကလည်း ပျက်စီးနေပြီး ပွားနိုင်စွမ်းမရှိတော့ဘူးလို့ တွေ့ရှိရပါတယ်။

💡 ဘာကြောင့် ဒီလို ဖြစ်နိုင်တာလဲ?
ဒီလိုမျိုး သဘာဝအတိုင်း ရောဂါကို ထိန်းချုပ်နိုင်တာဟာ အင်မတန် ရှားပါးတဲ့ ဖြစ်ရပ်တစ်ခုပါ။ ဘာကြောင့်ဖြစ်တယ်ဆိုတာကိုတော့ သုတေသီတွေက ဆက်လက်လေ့လာဆဲပါပဲ။

ဒီလိုမျိုး ရှားပါးတဲ့ ဖြစ်ရပ်တွေကို လေ့လာခြင်းအားဖြင့် HIV ရဲ့ သဘာဝတုံ့ပြန်မှု အမျိုးမျိုးကို သိရှိနိုင်ပြီး အနာဂတ်မှာ ပိုမိုထိရောက်တဲ့ ကုသနည်းတွေ၊ ပျောက်ကင်းအောင် ကုသနိုင်တဲ့ နည်းလမ်းတွေကို ရှာဖွေနိုင်မှာ ဖြစ်ပါတယ်။

📌 ယခု အကြောင်းအရာတွင် ဆေးဘက်
ဆိုင်ရာအချက်အလက်များ Source မူရင်း သတင်းများ ပါဝင်သဖြင့် ပြန်လည်ကူးယူပြီး မိမိစာမျက်နှာတွင် တင်ခြင်းမပြုရန် မေတ္တာရပ်ခံအပ်ပါသည်။

📌 မျှဝေလိုပါက မမမြင့်မာ၏ မူရင်း Post ကိုသာ Share လုပ်ပါရန် မေတ္တာရပ်ခံအပ်ပါသည်။

📌 မူရင်းသတင်း Link အား Comment တွင်ကြည့်ပါ

💊 မမမြင့်မာဆီမှာ WHO လမ်းညွှန်ချက်နဲ့ ကိုက်ညီတဲ့ ART၊ PEP နဲ့ PrEP ကာကွယ်ရေးနဲ့ ကုသရေး တို့အတွက် လိုအပ်တဲ့ အကူအညီများကို စုံစမ်းမေးမြန်းနိုင်ပါတယ်နော်

ုသမှု ုတေသန #ကျန်းမာရေးသတင်း

06/12/2025

Congratulations to phone bill winner 🥳

🩸ကမ္ဘာ့ AIDS နေ့အထိန်းအမှတ် မေးခွန်း အဖြေတွေကနေ

Phone Bill ဆုလက်ဆောင်ရရှိသူများထွက်ပေါ်လာပါပြီ 💸

ဆုလက်ဆောင်ရရှိသူများအား ဖုန်းဘေလ် ဖြည့်သွင်းပြီးဖြစ်ပါတယ်

နောက်ထပ် ကံထူးနိုင်မယ့်အခွင့်အရေးတွေ ရှိသေးတာကြောင့် 🙌🏻

မမမြင့်မာတို့ Page ကို Follow ထားဖို့မမေ့နဲ့နော် 👇🏻

ေး

Health Myanmar By HIV Education Myanmar

04/01/2026

02/01/2026

01/01/2026

31/12/2025

30/12/2025

25/12/2025

18/12/2025

15/12/2025

14/12/2025

14/12/2025

10/12/2025

06/12/2025

Address

Website

Alerts

Contact The Practice

Shortcuts

Share

Category