16/09/2024
Biorhythm ခေါ် ဇီ၀သံသရာစနစ်အကြောင်း
=======================================
ဗေဒင်ပညာရပ်ပေါင်းစုံကို အလွယ်တကူတွက်ချက်ဟောပြောနိုင်စေဖို့ ဗေဒင်စွယ်စုံ ဆိုတဲ့ Online Program လေးကို ရေးသားချဲ့ထွင်လာခဲ့တာဟာ
အခုဆိုရင် တော်တော်လေးကို ခရီးပေါက်လာပါပြီ။ ဒါပေမယ့် ဗေဒင်စွယ်စုံလို့ နာမည်ပေးထားပြီး မပါဝင်သေးတဲ့ ဗေဒင်ပညာရပ်တွေကလည်း အများကြီးရှိထားတော့ ...
တဖြေးဖြေးခြင်းတော့ လုပ်နေရတာပေါ့။ Program တစ်ခု အောင်မြင်ဖို့ဆိုတာဟာ အချိန်တော်တော်လေးပေးရပါတယ်။ ထင်သလောက်မလွယ်လှပါဘူး။
Error ပေါင်းများစွာကို ကြုံတွေ့ရင်းမှ ဖြေးဖြေးခြင်းဖြေရှင်းယူရတာမျိုးပါ။ တချို့ Error တွေဆိုရင် လနဲ့ချီပြီး စဉ်းစားရတာမျိုးတွေတောင်ရှိပါတယ်။
ခုလက်ရှိထိတော့ ...
ဗေဒင်ဝါသနာရှင်တွေရော၊ ပညာရှင်တွေပါ သုံးလို့ရမယ့် အပိုင်းထဲမှာ ...
✅ နာမည်ကောင်းမကောင်းကြည့်နိုင်တဲ့စနစ်
✅ ကလေးတွေကို သေသေချာချာတွက်ချက်ပြီး နာမည်ပေးနိုင်တဲ့စနစ်
✅ နာမည်ကို ဆန်းကျမ်း အင်္ဂါ ၁၀ ပါးနဲ့အညီ ကြည့်ရှုနိုင်မယ့်စနစ်
✅ ဂဏန်းဗေဒင်ပညာနဲ့ နာမည်ကောင်းမကောင်းကြည့်နိုင်မယ့်စနစ်
✅ နေ့စဉ် ဗေဒင်အကြံပေးဟောစာတမ်း
✅ လူနှစ်ရဲ့ အချစ်ကံပေါင်းဖက်အားကြည့်တဲ့ စနစ်
✅ မင်္ဂလာအခါပေး ဗေဒင်ပြက္ခဒိန် ( အပြည့်စုံဆုံးစနစ် )
✅ မာယာပြက္ခဒိန်ဟောပြောချက်
✅ ဆန်းပညာအရ တစ်နှစ်စာဟောကိန်း
သက်ဆိုင်ရာ ဗေဒင်ပညာရှင်တွေသာ သုံးလို့ရမယ့် အပိုင်းထဲမှာတော့ ...
✅ နက္ခတ်ပညာ
✅ တဲရော့ပညာ
✅ တဲရော့ပြက္ခဒိန်
✅ အင်္ဂဝိဇ္ဇာ
✅ ဆန်းကျမ်း
✅ ဂဏန်းဗေဒင်
✅ ငှက်ငါးကောင်ဗေဒင်ပညာ
✅ ဂြိုဟ်သွားပြက္ခဒိန် ( V1, V2 )
✅ Bazi ပြက္ခဒိန်
✅ ဘိုင်အိုရစ်သမ်
စတဲ့ ပညာရပ်တွေအားလုံးကို ထည့်သွင်းပေးထားပြီးဖြစ်ပါတယ်။ သုံးချင်တဲ့ မိတ်ဆွေတွေကတော့ သက်ဆိုင်ရာ Plan ကို သေသေချာချာဖတ်ပြီးမှ ဝယ်ပါ။ အခု ရေးထားသမျှအားလုံးကို
အကုန်သုံးရမှာမဟုတ်လို့ပါ။ သက်*ဆိုင်*ရာ Plan အလိုက်သာ သုံးရမှာဖြစ်ပါတယ်။ Master Plan တွေကတော့ Full Version အဖြစ် သုံးစွဲခွင့်ရမှာဖြစ်ပါတယ်။ လစဉ်ကြေးပေးသုံးရတဲ့ Plan တွေဖြစ်လို့။
လများများ ( သို့ ) နှစ်နဲ့ချည်ပြီး သုံးစွဲချင်တဲ့ သူတွေကို သင့်တော်တဲ့ စျေးနှုန်းတွေနဲ့ ထပ်မံလျော့ချပေးသွားမှာဖြစ်ပါတယ်။ တစ်လခြင်းဝယ်သုံးသူတွေကတော့ ပြထားတဲ့ စျေးနှုန်းအရ ဝယ်သုံးရမှာဖြစ်ပါတယ်။
၆ လနဲ့ အထက် သုံးချင်သူတွေကတော့ ကျနော်နဲ့ တိုက်ရိုက်ဆက်သွယ်ပြီး စျေးနှုန်းညှိနှိုင်းနိုင်ပါတယ်။ မဟုတ်ပဲ ... အခမဲ့သုံးဖို့ အကောင့်လျှောက်ထားသူတွေကိုတော့ လက်မခံတဲ့အတွက် အကောင့်မှန်သမျှ Delete လုပ်မှာဖြစ်ပါတယ်။
ခုပြောချင်တာက Biorhythm လို့ခေါ်တဲ့ ဘိုင်အိုရစ်သမ် ( ဆရာဒဂုန်ကတော့ ဇီ၀သံသရာစနစ်လို့ ချစ်စရာကောင်းတဲ့နာမည်လေးပေးထားတာတွေ့ရပါတယ်။ ) အကြောင်းလေးဖြစ်ပါတယ်။ ဒီအကြောင်းကို ကျနော် အရင်က မကြားဖူးပါဘူး။ ဆရာဒဂုန်ရေးတဲ့ စာအုပ်ဖတ်မိမှ ဒီပညာကလည်း နည်းနည်းတော့ ထူးဆန်းပါလားဆိုပြီး စိတ်ဝင်စားလို့ အဆင့်ဆင့် လေ့လာခဲ့လိုက်တာ အခုတော့
Program ရေးသားဖြစ်ပါပြီ။ အရင်ကလည်း ရေးတော့ ရေးဖူးပါတယ်။ ဒါပေမယ့် ကုဒ်ပညာမကျွမ်းကျင်မှုကြောင့် ဂဏန်းတန်ဖိုးလေးတွေကို တစ်ရက်ခြင်းစီဘယ်လိုရအောင် တွက်မလဲဆိုတာလောက်ပဲ လုပ်ပေးနိုင်ခဲ့တာပါ။
ခုတော့ နည်းပညာတွေပါ နည်းနည်း သဘောပေါက်လာတော့ အောက်က ပြထားတဲ့ပုံလို လှတပတလေးတွေပါ လုပ်လို့ရမှန်းသိလာပါတယ်။ ဒီပညာအကြောင်း မိတ်ဆွေတို့လည်း ကြားဖူးမှာပါ။ ဒါပေမယ့် ကျနော့်လောက်တော့
စွဲစွဲလမ်းလမ်းနဲ့ မလေ့လာဖြစ်လောက်ဖူးလို့ ကျနော်ပြောရဲပါတယ်။ ဘာကြောင့်လဲဆိုတော့ ဘိုင်အိုရစ်သမ်ပညာက သိပ်ပြီး ထူးခြားတဲ့ဟောကွက်မျိုးတွေမှ မပါတာပဲ ... ဒါပေမယ့် ကျနော်ကတော့ အဟောပိုင်းထက် ကျနော်ရဲ့ ဇီ၀ဖြစ်စဉ်တွေက
ဒီပညာအရ ဘယ်လိုတွေများ ပြောင်းလဲနေတာလဲ။ တကယ်ရော ဟုတ်ရဲ့လားဆိုတာမျိုးကို နေ့စဉ်အချိန်ပေးပြီးကို လေ့လာခဲ့တာဗျ။ ဒီတော့ ကျနော်သိထားတာတွေထဲက တချို့ကို ဒီမှာ ခပ်လွယ်လွယ်သိရအောင် ဗဟုသုတပြောပြပေးပါမယ်။
ဒီပညာမှာ ခုတော့ နည်းလမ်းတွေတိုးချဲ့ပြီး သုံးစွဲနေကြတာတွေ့ရပါတယ်။
ပထမ ဇီ၀သံသရာစနစ်
ဒုတိယ ဇီ၀သံသရာစနစ်
တတိယ ဇီ၀သံသရာစနစ်
စသဖြင့်ပေါ့ ...
ကျနော်ခုလုပ်ပေးထားတာက ပထမဇီ၀သံသရာစနစ်လို့ခေါ်တဲ့ မူလစနစ်ဖြစ်ပါတယ်။ အကျယ်တော့ မရှင်းပြတော့ဘူးနော်။ မြန်မာလိုသိချင်ရင် ဆရာဒဂုန်ရေးတဲ့ ဇီ၀သံသရာစနစ်ဆိုတဲ့ ဗေဒင်စာအုပ်ဝယ်ဖတ်ပါ။
ကြော်ငြာခရလို့ ကြော်ငြာပေးတာမဟုတ်ဘူးနော်။ ကျနော်လည်း ဒါပဲ စတင်ဖတ်ဖူးတာမို့လို့ ကျေးဇူးကို အထူးသိတဲ့အနေနဲ့ လမ်းညွှန်ပြပေးတာပါ။ အင်္ဂလိပ်စာနည်းနည်းပါးပါးရရင်တော့ အင်တာနက်မှာ မွှေနှောက်လေ့လာပါ။
အင်တာနက်ရော၊ စာအုပ်ထဲမှာပါ မပါသေးတဲ့ လျှို့ဝှက်ချက်တွေကို သိချင်တာမျိုးဆိုရင်တော့ ကျနော့်ရဲ့ သင်တန်းတစ်ခုဖြစ်တဲ့ ဇီ၀သံသရာသင်တန်းဆိုတာ သီးသန့်ဖွင့်ထားပါတယ်။ အဲဒီမှာ သင်တန်းတက်ပါ။ အားလုံးပြောပြပေးပါမယ်။
ခုတော့ စကားတွေ တခြားမရောက်စေဖို့ ဇီ၀သံသရာဇယားလေးနဲ့ ပြန်လည် မိတ်ဆက်ပေးပါမယ်။
ဇယားကို သေချာကြည့်ပါ။ ကြည့်ဆိုပေမယ့် ပုံဖြစ်နေလို့ တချို့ မြင်ရမယ့်အရာတွေတော့ မမြင်နိုင်ပါဘူး။ အဲဒါကတော့ ဗေဒင်စွယ်စုံထဲမှာပဲ လေ့လာပါ။ ခုတော့ မြင်နေရတဲ့ အပိုင်းလေးကိုပဲ ရှင်းပြပါမယ်။
ဒီနေ့ 31.8.2024 မှာ ကျနော်ရဲ့ ရုပ်အခြေအနေက -63 ဖြစ်နေပါတယ်။ ပုံထဲမှာတော့ အဲဒါကို မမြင်ရပါဘူး။ Program ထဲမှာ Mouse နဲ့ ထောက်ကြည့်ရင် မြင်နိုင်ပါတယ်။
ပုံထဲမှာတော့ အနီရောင်မျဉ်းလေးနဲ့ ပြထားပါတယ်။ အဲဒါကျနော့်ဇာတာနဲ့တွက်ထားတဲ့ ကျနော့်ရဲ့ ကိုယ်ပိုင်ရုပ်ဇီ၀လိုင်းဖြစ်ပါတယ်။ ကျနော့်ရဲ့ ရုပ်ပိုင်းဆိုင်ရာ သိပ်ပြီး အဆင်မပြေနိုင်တဲ့ သဘောပေါ့ဗျာ။
ခုလောလောဆယ်တော့ ကျနော်စာရိုက်နိုင်ပါသေးတယ်။ ဒါပေမယ့် ခါးနည်းနည်းနာနေပြီး ချောင်းတွေလည်း အရမ်းအေးလို့ထင်ပါတယ်ဆိုးနေပါတယ်။ ဒီတော့ ရုပ်ပိုင်းသတိထားရမယ်ပေါ့ဗျာ။ ဟုတ်လာပါပြီ။
ဒါနဲ့ ကျော်ကြည့်လိုက်တော့ အနီရောင်လိုင်းလေး အောက်ဆုံးရောက်မယ့်နေ့ဟာ 3.9.2024 နေ့ဗျ။ ဒါဆို အဲဒီလိုနေ့တော့ ကားမောင်းတာတွေဘာတွေ သတိထားရမယ်ပေါ့ဗျာ။ အခန့် မသင့်တတ်ဘူးလို့ ဆိုတာပါ။
ဒါပေမယ့် အဲဒီလို အနိမ့်ပိုင်းရောက်တိုင်း အဆိုးတွေဖြစ်မယ်လို့တော့ မပြောလိုပါဘူး။ ရုပ်စွမ်းအားကျနေတယ်။ အားမရှိသလိုဖြစ်နေမယ်။ နည်းနည်းလုပ်တာနဲ့ အမောမခံနိုင်လောက်အောင်ဖြစ်လာမယ် ဆိုတဲ့ ဇီ၀ဖြစ်စဉ်
တစ်ခုရဲ့ သဘာ၀ကို သိစေချင်တာပါ။
ပြီးတော့ ကျနော့်ရဲ့ စိတ်အခြေအနေကို ပြပေးတဲ့ ဒီနေ့အတွက် သုညဖြစ်နေပါတယ်။ လွယ်လွယ်ပြောရရင်တော့ ပုံမှန်ပဲပေါ့။ ပျော်လည်းမပျော်၊ ဝမ်းလည်းမနည်းတဲ့ သဘောမျိုးပါ။
အပြာရောင်လိုင်းလေးကတော့ ကျနော့်ရဲ့ ဉာဏ်ပညာလိုင်းဖြစ်ပါတယ်။ ဒီနေ့အတွက် 99% တောင်မှ အားရှိတယ်ဗျ။ ဒါက ဘာပြောသလဲဆိုတော့ ကျနော့်ဉာဏ်တွေ ကောင်းနေတယ်ပေါ့။ အဲဒီလိုတော့ ပြောလို့မရသေးပါဘူး။
ဉာဏ်အဆင့်တိုးတက်လာတတ်တယ်လို့ ဆိုရမလား။ ပိုပြီး တွေးခေါ်စဉ်းစားနိုင်လာတယ်လို့ဆိုရမလားဆိုတဲ့ နေ့မျိုးပေါ့။ ဒီလိုနေ့မှာ Program ရဲ့ ဖြေရှင်းမရတဲ့ Error တွေကို ဖြေရှင်းတာတွေ၊ ခက်တဲ့ သင်္ချာကို အဖြေရှာတာတွေက ကျနော့်အတွက် အရမ်းကောင်းတယ်ဗျ။
အဲဒီ ဉာဏ်လိုင်းလေး ကျနေရင် ကျနော် ဗေဒင်ဟောဖို့ပါ ရှောင်လေ့ရှိတယ်။ မဖြစ်လို့ ဟောရပါတယ်ဆိုရင်တော့ အဲဒီနေ့ အာရုံမရတဲ့ နေ့ပဲ ... ခု ပုံအရ ... 15.9.2024 နေ့ဟာ ဉာဏ်ရည်နိမ့်သွားနိုင်တဲ့နေ့ပဲလို့ ကျနော်ကြိုသိလိုက်ပြီ။
အဲလိုနေ့မျိုးမှာတော့ ကျနော်ဘယ်လောက်တွေးတွေး အတွေးပေါက်ဖို့ မလွယ်တော့သလို၊ ဗေဒင်ဟောရတာလည်း ဟိုရောက်ဒီရောက်ဖြစ်ကုန်တတ်တယ်။ ဒါက ဗေဒင်ပညာရယ်လို့တော့ ပြောလို့မရသေးပါဘူး။
လူတွေရဲ့ ဇီ၀ဖြစ်စဉ်သဘောလို့တောင် ဆိုရမလားပဲ ... ဆရာဒဂုန်လည်း စာအုပ်ထဲမှာ တော်တော်ရှင်းပြထားပါတယ်ဗျာ။ စိတ်ဝင်စားရင် မြန်မြန်သာ ဝယ်ဖတ်ထားစမ်းပါ။ အကျိုးမယုတ်လောက်ပါဘူး။ တွက်တာ ချက်တာကလည်း
တွက်တတ်ရင် မခက်ပေမယ့် ပျင်းလို့ မတွက်ချင်ဘူးဆိုရင်တော့ အင်တာနက်ပေါ်မှာလည်း တွက်ချက်နိုင်တဲ့ နေရာတွေ အများကြီးဗျ။ ပိုက်ဆံပေးစရာတောင်မလိုပါဘူး။ အခမဲ့ တွက်လို့ရပါတယ်။ ဒါပေမယ့် ကျနော့်ဆီမှာတော့ အခမဲ့ မရဘူးဗျ။
ဘာလို့ မရရသလဲဆိုရင် ကျနော်က သူများနဲ့ မတူအောင်၊ အမြဲတမ်း ဆန်းသစ်တတ်တဲ့ အကျင့်ရှိတာကြောင့် ... တွက်ချက်မှုအပိုင်းတွေမှာ ကျနော်က ကျနော့်ရဲ့ ကိုယ်ပိုင်နည်းတွေကိုပါ ထည့်သုံးထားပါတယ်။
ဟာ ... ဟုတ်လို့လားဗျာ။ သူလည်း ဒီနည်းလမ်းနဲ့ပဲ တွက်တာနေမှာပါ။ သင်္ချာတွက်တာပဲ ဘာများ ဆန်းလို့လဲ ... ဘာညာတွေတော့ မပြောပါနဲ့မိတ်ဆွေ။ သင်္ချာပညာမှာ မိတ်ဆွေတို့ မသိသေးတဲ့ လှည့်ကွက်တွေ ရှိနေပါသေးတယ်။
တချို့ကိန်းတွေက ဒသမ လေးနေရာလောက်နဲ့ တွက်ရင် လုံလောက်ပေမယ့် တချို့နေရာတွေက အဲဒါတွေထက်ကို ပိုပြီး တိကျဖို့လိုပါတယ်။ Program ကုဒ်တော်တော်များများဟာ PI တန်ဖိုးကို 15-20 လောက်အထိကိုပဲ ဒသမနေရာယူထားပါတယ်။
အဲဒါက သင်္ချာပညာအတွက် လုံလောက်ပါတယ်။ တကယ်လို့ မလုံလောက်ဘူးဆိုရင်ရော ကျနော်တို့ ဘာဆက်လုပ်နိုင်မလဲ။ Custom Code တွေ ရေးပြီး သုံးရတော့မှာပေါ့ဗျာ။ ဒါက နားလည်လွယ်အောင် ပမာပြောတာပါ။ ဥပမာတွေနဲ့ ရှင်းပြနေရင် မလိုအပ်ပဲ အချိန်ဖြုန်းသလိုဖြစ်နေပါလိမ့်မယ်။
ဒါကြောင့် ... အင်တာနက်ပေါ်မှာ ဘာတွေ ဘယ်လောက်ရှိရှိ၊ ကျနော်ကတော့ ကျနော်သုံးဖို့အတွက်ဆိုရင် ကိုယ့်ဘာသာ စိတ်တိုင်းကျ တည်ဆောက်ပြီးမှ အသုံးပြုလေ့ရှိပါတယ်ဆိုတာ သိစေချင်တာပါ။
#သုတဆန်း
