https://www.facebook.com/412051278660225/

Thi Say Chin, Yangon (2026)

10/12/2025

ကမ္ဘာတလွှားမှာ အမျိုးသမီး ၃ ဦးမှာ ၁ ဦးက သူတို့ရဲ့ သက်တမ်းတလျှောက် ရုပ်ပိုင်းဆိုင်ရာနဲ့ လိင်ပိုင်းဆိုင်ရာ အကြမ်းဖက်မှုတွေကို ကြုံတွေ့ရနိုင်ပါတယ်။ လူတိုင်း လူတိုင်းဟာ သူတို့ရဲ့ နေ့စဉ်ဘဝမှာ မတူညီတဲ့ ပုံစံတွေနဲ့ လူတစ်ဦးရဲ့ အခြေခံရပိုင်ခွင့်ဖြစ်တဲ့ အခွင့်အရေးတွေကို ချိုးဖောက်ခံနေရပါတယ်။

လူတိုင်းအတွက် စိတ်ချလုံခြုံတဲ့ လူမှုအသိုက်အဝန်းတစ်ရပ်ကို ဖန်တီးဖို့ဆိုရင် လူတစ်ယောက်ချင်းစီတိုင်းရဲ့ အခွင့်အရေးတွေကို လေးစားဖို့ လိုပါမယ်။

အကြမ်းဖက်မှုကင်းဝေးခြင်းက အခြေခံကျတဲ့ လူ့အခွင့်အရေးဖြစ်တာကြောင့် မြန်မာနိုင်ငံတလွှားက အမျိုးသမီးတွေ မိန်းမငယ်လေးတွေနဲ့ LGBTIQ+တို့အတွက် စိုးထိတ်မှုတွေ၊ ရှက်ရွံ့မှုတွေနဲ့ အကြမ်းဖက်မှုတွေ ကင်းစင်ပြီး လုံခြုံစိတ်ချရတဲ့ ပတ်ဝန်းကျင်တစ်ရပ်ကို အတူဖန်တီးကြည့်ကြစို့လား။

#သိစေချင်

09/12/2025

🎁 Incentive Winner Announcement 🎁

Thi Say Chin (သိစေချင်) Page မှာ ပြုလုပ်ခဲ့တဲ့ ကျားမ အခြေပြု အကြမ်းဖက်မှု ဆန့်ကျင်ရေး လှုပ်ရှားမှု ရက်သတ္တပတ် (16 Days of Activism) အထိမ်းအမှတ်အဖြစ်ပြုလုပ်ခဲ့တဲ့ ဉာဏ်စမ်းမေးခွန်း အစီအစဉ်မှာ ပါဝင်ဖြေဆိုခဲ့ကြသူတွေကို Random Picker နဲ့ ရွေးချယ်ခဲ့ရာမှာ ကံထူးသူ ၁၀၀ ဦးရဲ့ အမည်စာရင်း ထွက်ပေါ်လာခဲ့ပြီဖြစ်ပါတယ်။ ယခုအစီအစဉ်မှာ ပါဝင်ပေးခဲ့ကြသူ တစ်ဦးတစ်ယောက်စီတိုင်းကို အထူးပဲ ကျေးဇူးတင်ရှိပါတယ်။ ဖုန်းဘေလ် ကံထူးခဲ့သူများရဲ့ အမည်တွေကို အောက်မှာ ဖော်ပြပေးထားပါတယ်။ ဆုရရှိသူများအနေနဲ့ Page Messenger ကို တစ်ပတ်အတွင်း လာရောက်ဆက်သွယ်နိုင်ကြောင်း အသိပေးလိုပါတယ်။

🎁 ဖုန်းဘေလ်ကံထူးသူလေးများအနေနဲ့ မင်မင်တို့ကို ဒီပို့စ်လေးကိုတွေ့တဲ့အချိန်ကနေ တစ်ပတ်အတွင်း (၁၆.၁၂.၂၀၂၅) ရက်နေ့ကို နောက်ဆုံးထားပြီး လာရောက်ဆက်သွယ်ပေးကြပါနော်။ 🎁

#သိစေချင်

07/12/2025

ခုဖော်ပြပေးထားတဲ့အချက်တွေက အွန်လိုင်းကနေ အနိုင်ကျင့်တဲ့ အပြုအမူလေးတွေဖြစ်ပါတယ်။ သင် ဘယ်နှစ်ချက်လောက်နဲ့ ကြုံတွေ့ခဲ့ရဖူးပါသလဲ။ Comment မှာ ဘယ်နှစ်မှတ်ရလဲ ၊ ဘယ်အရာကို အများဆုံး ကြုံနေရသလဲဆိုတာကို ဖြေပေးခဲ့ကြပါဦး။

#သိစေချင်

05/12/2025

ကိုယ့်ရဲ့ Profile ကို သုံးပြီး မတရားအသုံးပြုတာတွေ၊ သိက္ခာချပြောဆိုမှုလိုမျိုး အခြေအနေတွေ တွေ့ကြုံဖူးကြလား။ ဒါမျိုးအဖြစ်အပျက်တွေကို ထိရောက်စွာ တားဆီးဖို့ ကြိုးစားဖူးလား။ ဒီလို အွန်လိုင်းအနိုင်ကျင့်မှုတွေကို တားဆီးဖို့ ဘာလို့ ခက်ခဲနေတာလဲ! ဆိုတာကို အားလုံးသိရှိစေဖို့ ‘သိစေချင်’ မင်မင်တို့က မျှဝေပေးလိုက်ပါတယ်။

ကျားမအခြေပြု အွန်လိုင်းအနိုင်ကျင့်မှုကို တားဆီးရာမှာ အခက်အခဲတွေ့စေနိုင်တဲ့ အကြောင်းအရင်းတွေကတော့ အများကြီးရှိနေပါတယ်။

နည်းပညာကဏ္ဍ စည်းမျဉ်းများ အားနည်းခြင်းနဲ့ ဒစ်ဂျစ်တယ် အခြေပြု အနိုင်ကျင့်မှုတွေကို ဥပဒေအရ အသိအမှတ်ပြုပေးတာမျိုး မရှိတာ
နည်းပညာ ပလက်ဖောင်းတွေ၊ လူမှုကွန်ရက်စာမျက်နှာတွေအနေနဲ့ တာဝန်ယူမှုတာဝန်ခံမှု မရှိတာ
အမျိုးသမီးဖြစ်တည်မှုအပေါ် နှိမ်ချတဲ့ လူမှုဖြန့်ကွန်ယက်တွေပေါ်က အပြုအမူတွေကို ဖြစ်နေကျ အခြေအနေတစ်ခုလို ရှုမြင်လက်ခံထားတာ
ဉာဏ်ရည်တု AI နည်းပညာတွေကို အသုံးချပြီး ပုံစံအသစ်များ ဖန်တီးကာ၊ ဒစ်ဂျစ်တယ် အနိုင်ကျင့်မှုများကို ပိုမိုအားကောင်းစေတာ
ကျားမတန်းတူညီမျှရှိရေးအပေါ် ဆန့်ကျင်မှုတွေ ကြီးထွားလာတာ
ကျူးလွန်သူများက မည်သူမည်ဝါဆိုတာကို မသိနိုင်တာနဲ့ နယ်စပ်ဖြတ်ကျော် အလွဲသုံးစားမှုတွေရှိနေတာ
ရှင်သန်ကျန်ရစ်သူများအတွက် ပံ့ပိုးကူညီမှုစနစ်များ အကန့်အသတ်ရှိနေတာတွေကြောင့် အွန်လိုင်းအနိုင်ကျင့်မှုတွေကို လူမှုပတ်ဝန်းကျင်ကနေ ဖယ်ရှားနိုင်ဖို့ ခက်ခဲနေရတာပါ။

ဒါကြောင့် လူမှုကွန်ရက်တွေပေါ်မှာ သတင်းစကားတစ်ခုခုကို မြင်တွေ့တိုင်းမှာဖြစ်ဖြစ် လူပုဂ္ဂိုလ် တစ်ဦးဦးကိုဖြစ်စေ၊ အမျိုးသမီးဖြစ်တည်မှု ဒါမှမဟုတ် LGBTIQ+ ဖြစ်နေလို့ဆိုပြီး တိုက်ခိုက်ပြောဆိုမှုတွေကို ပြန်လည်ဖြန့်ဝေတာမျိုး မလုပ်ဘဲ အမျိုးသမီးနဲ့ LGBTIQ+ တွေအတွက် ဖယ်ကျဉ်ခံရတာ၊ မျက်ကွယ်ပြု ခံရတာတွေမရှိတဲ့ အွန်လိုင်းအနိုင်ကျင်ခံရမှု ကင်းတဲ့ လူမှုအသိုက်အဝန်းတစ်ခုကို ကိုယ်တိုင်ကနေ စတင်ကြည့်ရအောင်လား……..

#သိစေချင်

03/12/2025

ယနေ့ ဒီဇင်ဘာလ (၃) ရက်နေ့ဟာဆိုရင် အပြည်ပြည်ဆိုင်ရာ မသန်စွမ်းသူများနေ့ဖြစ်ပါတယ်။

တကယ်ကတော့ မသန်စွမ်းမှုဆိုတာက အတားအဆီးနဲ့ ချို့ယွင်းမှု ပေါင်းစပ်ထားခြင်းပါပဲ။

မသန်စွမ်းသူတွေအတွက် လူမှုပတ်ဝန်းကျင်ထဲက အတားအဆီးတွေကို ဖယ်ရှားပေးခြင်းဖြင့် ခွဲခြားမှုကင်းပြီး ကိစ္စတိုင်းမှာ အတူပါဝင်ခွင့်ရတဲ့ ပတ်ဝန်းကျင်တစ်ခုကို ဖန်တီးပေးရင်း ပိုမိုအဓိပ္ပါယ်ပြည့်ဝတဲ့ လူ့အသိုက်အဝန်းတစ်ရပ်ကို ကိုယ်တိုင်ကစလို့ ပြောင်းလဲကြည့်ကြပါစို့နော် …

#သိစေချင်

03/12/2025

မသန်စွမ်း အမျိုးသမီးငယ်တွေရဲ့ ၄၀% ကနေ ၆၈% ခန့် ဟာ သူတို့ရဲ့ အသက် ၁၈ နှစ်မပြည့်ခင်မှာတင် လိင်ပိုင်းဆိုင်ရာ အကြမ်းဖက်မှုနဲ့ ရင်ဆိုင်ကြုံတွေ့နေကြရပါတယ်တဲ့။ မြန်မာနိုင်ငံမှာဆိုရင်လည်း မသန်စွမ်း အမျိုးသမီးတွေနဲ့ မိန်းမငယ်လေးတွေက ကျားမအခြေပြု အကြမ်းဖက်မှုတွေကို ပိုမိုပြီး ခံစားနေရသလို အကူအညီရယူဖို့ရာမှာလည်း အတားအဆီးများစွာနဲ့ ရင်ဆိုင်နေရပါတယ်။

ရှက်ရွံ့မှုတွေ၊ ဖယ်ကျဉ်ခံရမှုတွေနဲ့ အလေးဂရုပြုမှုတွေကို မရရှိခြင်းကလည်း မသန်စွမ်း အမျိုးသမီးတွေကို လူမှုအသိုင်းအဝိုင်းရဲ့ ကူညီစောင့်ရှောက်မှုတွေ မရရှိတာမျိုး ဖြစ်စေပါတယ်။ ကျားမအခြေပြု အကြမ်းဖက်မှု ကာကွယ်ရေးနဲ့ တုံ့ပြန်မှုတွေကို လူတိုင်း လက်လှမ်းမီမီ ရရှိနိုင်စေဖို့ လုပ်ဆောင်ဖို့ လိုပါမယ်။

ဒါကြောင့် ယနေ့ (ဒီဇင်ဘာ ၃ ရက်နေ့) မှာကျရောက်တဲ့ ကမ္ဘာ့မသန်စွမ်းသူများနေ့ကို ဂုဏ်ပြုတဲ့ အနေနဲ့ မသန်စွမ်းသူများအတွက် အဆင်ပြေလုံခြုံတဲ့ အသိုက်အဝန်းလေးတစ်ရပ်ကို မိမိကပြီး ဖန်တီးရင်း ဖေးမကူညီကြဖို့ တိုက်တွန်းလိုက်ပါရစေ။

#သိစေချင် 'lDayOfPersonsWithDisabilities

03/12/2025

အမျိုးသမီးတွေဟာ အွန်လိုင်းမှာ မသင့်လျော်တဲ့ အပြုအမူတွေကို အများဆုံးပြုမူခံနေရသူတွေ ဖြစ်ပါတယ်။

သင့်လျော်မှုမရှိစွာနဲ့ AI အသုံးပြု ဖန်တီးထားတဲ့ ဓာတ်ပုံ၊ ဗီဒီယို များကြောင့် အမျိုးသမီးများအပေါ် သက်ရောက်မှုတွေရှိလာနိုင်ပါတယ်။ ဆန္ဒမပါဘဲ AI ကို သုံးပြီး ပြင်ထားတဲ့ ပုံတွေ၊ ဗီဒီယိုတွေမှာ ဖော်ပြခံရသူတွေရဲ့ ၉၅% က အမျိုးသမီးတွေ ဖြစ်ကြပြီး အွန်လိုင်းကနေ အနိုင်ကျင့်မှုတွေရဲ့ ၅၈% ကို အမျိုးသမီးတွေက ရင်ဆိုင်နေရပါတယ်တဲ့လေ။ ဒါကြောင့် အမျိုးသမီးများအတွက် လုံခြုံစိတ်အေးရတဲ့ အွန်လိုင်း Space လေးတွေကို အတူတူ ကြိုးစားဖန်တီးကြစို့လေနော်…

အွန်လိုင်းလုံခြုံရေးပညာပေးခြင်းက နေ့စဉ်ဘဝရဲ့ လုံခြုံစိတ်ချရမှုကိုပါ တိုးတက်စေပါလိမ့်မယ်။

#သိစေချင်

01/12/2025

ဒီနေ့ကတော့ World AIDS Day ဖြစ်ပါတယ်။ ကမ္ဘာပေါ်မှာရှိတဲ့ HIV ရောဂါပိုးကူးစက်ခံထားရသူ ၄၀.၈ သန်းရဲ့ ၅၃% ဟာ အမျိုးသမီးတွေနဲ့ မိန်းမငယ်လေးတွေဖြစ်ကြပါတယ်။ HIV ရောဂါပိုး ကူးစက်ခံရသူတွေထဲမှာ အမျိုးသမီး အရေအတွက် များနေရတာက အမျိုးသမီးတွေဟာ အမျိုးသားတွေနဲ့ တန်းတူ ကျန်းမာရေးကာကွယ်စောင့်ရှောက်မှုကို မရတာကြောင့် လို့ဆိုပါတယ်။

ဒါ့အပြင် ကျားမအခြေပြုအကြမ်းဖက်မှုနဲ့ HIV ရောဂါပိုး ကူးစက်ခံရမှုအကြားမှာ ကြီးကြီးမားမား နွယ်ဆက်မှုတွေရှိနေပါတယ်။ မြန်မာနိုင်ငံမှာဆိုရင်လည်း အကြောင်းအရင်းအမျိုးမျိုးကြောင့် အမျိုးသမီးတွေ၊ မိန်းကလေးတွေ၊ LGBTIQ+တွေ နဲ့ လိင်လုပ်သားတွေကို ကျန်းမာရေးစစ်ဆေး စောင့်ရှောက်မှုတွေ ပေးနိုင်ဖို့ရာမှာ ခက်ခဲမှုတွေ ဖြစ်စေပါတယ်။

အကြမ်းဖက်မှုတွေကို အဆုံးသတ်နိုင်ခြင်းက အားလုံးအတွက် ကျန်းမာရေးစောင့်ရှောက်မှုများ ကို လွယ်လင့်တကူ ရရှိစေမှာပဲဖြစ်တာမို့ ကျားမအခြေပြု အကြမ်းဖက်မှုဆန့်ကျင်ရေးကို တတ်နိုင်တဲ့ဖက်ကနေ ဆန့်ကျင်ရင်း ကိုယ့်ရဲ့အသိုက်အဝန်းလေးကို HIV ရောဂါပိုး ကူးစက်ခံနိုင်ရခြေကနေ ကာကွယ်ဖို့ တတ်နိုင်တဲ့ဖက်ကနေ ပါဝင်ကြပါဦးစို့နော်။

#သိစေချင်

29/11/2025

ကျား၊ မ အခြေပြု အွန်လိုင်းအကြမ်းဖက်မှုတွေက ကိုယ်ထိလက်ရောက် ကျူးလွန်တာမျိုး မဟုတ်ပေမယ့် လူတစ်ယောက်ရဲ့ အခွင့်အရေးနဲ့ စိတ်ပိုင်းဆိုင်ရာဘေးကင်းလုံခြုံမှုတွေကို ထိခိုက်စေနိုင်တယ်ဆိုတာကို သိပါသလား …… အွန်လိုင်း အကြမ်းဖက်မှုက မြန်မာအပါအဝင် ကမ္ဘာတစ်လွှားမှာရှိတဲ့ အမျိုးသမီးတွေနဲ့ လိင်စိတ်ခံယူချက် ကွဲပြားသူတွေကို စိတ်ပိုင်းဆိုင်ရာ ထိခိုက်မှုတွေ ခံစားရစေတဲ့ အဓိက အကြောင်းအရင်းတွေထဲမှာပါပါတယ်။

အွန်လိုင်းအကြမ်းဖက်မှုတွေရဲ့ ပစ်မှတ်ထားခံရတဲ့သူတွေဟာ စိတ်ပိုင်းဆိုင်ရာ ထိခိုက်မှုတွေကို အချိန်ကာလကြာမြင့်စွာ ခံစားကြရပြီး အကျိုးဆက်အနေနဲ့ စိတ်ဓာတ်ကျတာ၊ စိုးရိမ်စိတ်များစေတာ၊ အထီးကျန်စေတာ၊ ကိုယ့်ကိုယ်ကိုယ်ထိခိုက်အောင် ပြုလုပ်တာတွေကို ဖြစ်စေနိုင်ပါတယ်။

ဒါကြောင့် ကျားမ အခြေပြု အကြမ်းဖက်မှုကင်းပြီး လူတိုင်း (ကျား၊ မ၊ LGBTIQ+) လုံခြုံဘေးကင်းတဲ့ နေ့စဉ်ဘဝကို ပိုင်ဆိုင်နိုင်စေဖို့ အမျိုးသားများကလည်း လေးစားမှု၊ တာဝန်ယူမှု၊ တန်းတူညီမျှသဘောထား မှုတွေကို အလေ့အထတစ်ရပ်လို ကျင့်သုံးပြသရင်း ဒီနေ့ (ဒီဇင်ဘာ ၂၉ ရက်နေ့) မှာ ကျရောက်တဲ့ အပြည်ပြည်ဆိုင်ရာ အမျိုးသမီးအခွင့်အရေး တက်ကြွလှုပ်ရှားသူများကို ဂုဏ်ပြုတဲ့ နေ့လေးကို တတ်နိုင်တဲ့ဘက်က ပါဝင်အားဖြည့်ပေးကြပါဦးနော်။

#သိစေချင်

28/11/2025

💜 နိုဝင်ဘာ ၁၇ – လမစေ့မွေးကလေးများနေ့ 🌙 💜

ဒီနေ့ကို အမှတ်ရပြီး လမစေ့ကလေးတိုင်းအနာဂတ်တောက်ပဖို့ စောစီးထိရောက်စွာ ပြုစုစောင့်ရှောက်နိုင်အောင် အားလုံးအတူတကွ လက်တွဲကူညီကြပါစို့။

မိသားစုဝင်၊ သူငယ်ချင်း၊ မိတ်ဆွေ၊ ဆရာဝန်တွေ၊ သူနာပြုတွေ၊ ရပ်ရွာ လူမှုအသိုင်းအဝိုင်းအားလုံးရဲ့ ကူညီဖေးမမှုက
လမစေ့ကလေးတိုင်းအတွက် အလင်းတန်းလေးပါပဲ။

# လမစေ့မွေးကလေးငယ်များ အနာဂတ်တောက်ပရေး စောစီးထိရောက်စွာ စောင့်ရှောက်ပေး
#လမစေ့မွေး ကလေးငယ်များနေ့

#သိစေချင်

27/11/2025

လမစေ့ကလေးများကို ဘယ်လိုမှန်ကန်စွာ ပြုစုသင့်လဲ? 👶💜

လမစေ့ဘဲ ကလေးမွေးလာတဲ့အခါ ဘာတွေသတိထားဖို့, ဘယ်လိုပြုစုပေးရဖို့ လိုအပ်သလဲ?
✨ အခြေခံကလေးပြုစုစောင့်ရှောက်မှု ဆိုတာဘာလဲ?
✨ ဘယ်လိုအခြေအနေတွေမှာ လုပ်ဆောင်သင့်လဲ?
✨ သားပိုက်ကောင်မိခင်ပြုစုစောင့်ရှောက်မှု (KMC) ဆိုတာဘာသလဲ?
✨ ဘယ်သူတွေ၊ ဘယ်အချိန်မှာ ပြုလုပ်ပေးသင့်သလဲ?

“လမစေ့ကလေးများနေ့” အထိမ်းအမှတ်
တင်ဆက်ခဲ့တဲ့ ဒီပညာပေးဇာတ်လမ်းလေးကနေ အသေးစိတ် လေ့လာကြည့်ပါဦးနေ်… 💜👶
# လမစေ့မွေးကလေးငယ်များ အနာဂတ်တောက်ပရေး စောစီးထိရောက်စွာ စောင့်ရှောက်ပေး
#လမစေ့မွေး ကလေးငယ်များနေ့

#သိစေချင်

27/11/2025

👩‍🦰 အွန်လိုင်း ခြိမ်းခြောက်အကြမ်းဖက်မှုတွေကို အများဆုံးရင်ဆိုင်ကြုံတွေ့ရသူတွေက အမျိုးသမီးတွေပါ။ ဆန္ဒမပါဘဲ AI ကို သုံးပြီး ပြင်ထားတဲ့ ညစ်ညမ်းပုံတွေမှာ ဖော်ပြခံရသူတွေရဲ့ ၉၅% က အမျိုးသမီးတွေ ဖြစ်ကြပြီး အွန်လိုင်းကနေ နှောင့်ယှက်အကြမ်းဖက်မှုတွေကို ၅၈% သောအမျိုးသမီးတွေ 🆘 ရင်ဆိုင်နေရပါတယ်တဲ့လေ။ ဒါကြောင့် အမျိုးသမီးများအတွက် လုံခြုံစိတ်အေးရတဲ့ အွန်လိုင်း Space လေးတွေကို အတူတူ ကြိုးစားဖန်တီးကြစို့လေနော်…

အမျိုးသမီးလေးတိုင်းအတွက် လုံခြုံစိတ်ချရတဲ့ အွန်လိုင်း Space ကို ဖန်တီးပေးတာက အွန်လိုင်းအကြမ်းဖက်မှု (Digital Abuse) ကို တားဆီးပေးရာရောက်သလို အမျိုးသမီးလေးတွေကို အွန်လိုင်းအကြမ်းဖက်ခံရမှုတွေကရော ကိုယ်ထိလက်ရောက် အကြမ်းဖက်မှုတွေ 🛑 ကနေပါ ထိထိရောက်ရောက် ကာကွယ်ပေးနိုင်မယ့် ကျားမ အခြေပြု အကြမ်းဖက်မှုဆန့်ကျင်ရေး 💪 ရဲ့ မတူတဲ့ ပုံစံတစ်ခုပါပဲ။

အွန်လိုင်းအကြမ်းဖက်မှုတွေကို အဆုံးသတ်ပေးခြင်း ✋🚫 ဟာ အမျိုးသမီးတွေနဲ့ ဆယ်ကျော်သက် ညီမငယ်လေးတွေကို အွန်လိုင်းမှာမဆို နေ့စဉ်ဘဝမှာမဆို စိတ်ချရတဲ့ အသိုက်အဝန်း 🏡💖 တစ်ရပ်ကို ဖန်တီးပေးနိုင်စေမှာပါရှင့်။

#သိစေချင်

Thi Say Chin

10/12/2025

09/12/2025

07/12/2025

05/12/2025

03/12/2025

03/12/2025

03/12/2025

01/12/2025

29/11/2025

28/11/2025

27/11/2025

27/11/2025

Address

Website

Alerts

Shortcuts

Share

Category