What are the opening hours?

Monday 08:00 - 18:00 Tuesday 08:00 - 20:00 Wednesday 08:00 - 18:00 Thursday 08:00 - 20:00 Friday 08:00 - 18:00 Saturday 08:00 - 20:00 Sunday 08:00 - 18:00

https://www.facebook.com/467078857392347/

Shwe Min Medical Laboratory & Clinic, Yangon (2025)

29/10/2025

ရွှေမင်းအဆင့်မြင့်ရောဂါရှာဖွေရေးဓာတ်ခွဲခန်းနှင့် အထူးကုဆေးခန်း (သင်္ဃန်းကျွန်းမြို့နယ်) တွင် အောက်ပါရာထူးအတွက် ဝန်ထမ်းခေါ်ယူနေပါသည် 📣

Medical Officer (1 Post)

✅ ဆမလက်မှတ်ရရှိပြီး Medical Officer အတွေ့အကြုံ (၂) နှစ်ရှိသူဖြစ်ရပါမည်။
✅ ပေါင်းသင်းဆက်ဆံရေးကောင်းမွန်ပြီး အများနှင့်ပူးပေါင်းလုပ်ဆောင်တတ်ရပါမည်။
✅ မိမိအသင်းအဖွဲ့၏ Skill ကိုမြှင့်တင်နိုင်သူဖြစ်ရပါမည်။
✅ Home Visit သွားနိုင်ရပါမည်။
✅ အတွေ့အကြုံပေါ်မူတည်၍ လစာညှိနှိုင်းပေးပါမည်။

✔️ Home visit fees and other referral fees
✔️ ရွေမင်းဆေးခန်းများတွင်ဆေးကုသခြင်း 30 % Discount ခံစားခွင့်
✔️ Duty Hour - 210 hr/month (1 - 2 day off per week)
✔️ Probation Period - 3 months

လျှောက်ထားလိုသူများသည် လိုအပ်သောစာရွက်စာတမ်းများဖြင့် - အမှတ် (၁၂/က)၊ မယ်ဇီကုန်းလမ်း (သံလမ်း)၊ (၇)ရပ်ကွက်၊ လှိုင်မြို့နယ်၊ ရန်ကုန်မြို့သို့ လူကိုယ်တိုင်သော်လည်းကောင်း၊ CV Form များကို Viber ဖုန်းနံပါတ် 095401061 သို့ ပေးပို့၍ လျှောက်ထားနိုင်ပါသည်။

27/10/2025

📢 ရွှေမင်းအဆင့်မြင့်ရောဂါရှာဖွေရေးဓာတ်ခွဲခန်းနှင့် အထူးကုဆေးခန်းများတွင် အောက်ပါရာထူးအတွက် ဝန်ထမ်းအသစ်များ ခေါ်ယူနေပါသည်

🩺 𝐍𝐮𝐫𝐬𝐞 𝐀𝐢𝐝 - 𝟐 𝐏𝐨𝐬𝐭𝐬 (သင်္ဃန်းကျွန်းမြို့နယ်)

▫️ Nurse Aid Certificate ကိုင်ဆောင်ထားသူဖြစ်ရပါမည်။
▫️ သွေးဖောက်ကျွမ်းကျင်သူဖြစ်ပြီး ဓာတ်ခွဲခန်းသဘောတရားများကို နားလည်သူဖြစ်ရပါမည်။
▫️ လုပ်ငန်းအတွေ့အကြုံ အနည်းဆုံး (၂) နှစ်ရှိရပါမည်။
▫️ပေါင်းသင်းဆက်ဆံရေးကောင်းမွန်ပြီး အများနှင့်ပူးပေါင်းလုပ်ဆောင်တတ်သူဖြစ်ရပါမည်။
▫️ Home Service သွားနိုင်သူဖြစ်ရပါမည်။
▫️ အသက် (၂၅) နှစ်ဝန်းကျင်ရှိသူ ဖြစ်ရပါမည်။

📍 အခြားခံစားခွင့်များနှင့်အတူ ကျွမ်းကျင်မှုပေါ်မူတည်၍ လစာညှိနှိုင်းပေးပါမည်။

🗂️ 𝐎𝐟𝐟𝐢𝐜𝐞 𝐒𝐭𝐚𝐟𝐟 - 𝟐 𝐏𝐨𝐬𝐭𝐬 (လှိုင်မြို့နယ်)

▫️ ဘွဲ့တစ်ခုခုရရှိထားပြီး Computer ကျွမ်းကျင်စွာသုံးတတ်သူဖြစ်ရပါမည်။ (Office Apps, E-mail)
▫️ အသက် ၂၀ မှ ၂၇ နှစ်အတွင်း ရှိသူဖြစ်ရမည် ။
▫️ လုပ်ငန်းအတွေ့အကြုံရှိပြီး စာရင်းအင်းများ သေချာစနစ်တကျ လုပ်ကိုင်နိုင်သူဖြစ်ရပါမည်။
▫️ ရုပ်ရည်ချောမောပြေပြစ်ပြီး Office အတွေ့အကြုံရှိရပါမည် ။
▫️ ပေါင်းသင်းဆက်ဆံရေးကောင်းမွန်ပြီး အများနှင့်ပူးပေါင်းလုပ်ဆောင်တတ်ရပါမည်။

🚲 𝐋𝐚𝐛 𝐑𝐮𝐧𝐧𝐞𝐫 - 𝟐 𝐏𝐨𝐬𝐭𝐬

▫️ အသက် ၁၉ နှစ် မှ ၂၅ နှစ်။
▫️ စက်ဘီးစီးတတ်ရမည်။ ကျန်းမာရေးကောင်းမွန်ရပါမည်။
▫️ လစာညှိနှိုင်း + အချိန်ပိုကြေး + ရက်မှန်ကြေး + ၃ လပြည့်လျှင် လစာတိုးပေးခြင်းနှင့် အခြားခံစားခွင့်များ ရရှိပါမည်။

📍 အထူးအခွင့်အရေးအနေဖြင့် နယ်မှလာရောက်လုပ်ကိုင်လိုသူများအတွက် နေစရာစီစဉ်ပေးပါမည်။

💢 လျောက်ထားလိုသူများသည် လိုအပ်သည့် စာရွက်စားတမ်းများဖြင့် -

📌 အမှတ် (၁၂/က)၊ မယ်ဇီကုန်းလမ်း (သံလမ်း)၊ (၇)ရပ်ကွက်၊ လှိုင်မြို့နယ်၊ ရန်ကုန်မြို့သို့ လူကိုယ်တိုင်သော်လည်းကောင်း၊ CV Form များကို Viber ဖုန်းနံပါတ် 095401061 သို့ ပေးပို့၍သော်လည်းကောင်း လျှောက်ထားနိုင်ပါသည်။

23/10/2025

ရင်သားကင်ဆာဟာ အခုနောက်ပိုင်း ဖွံ့ဖြိုးပြီးနိုင်ငံတွေမှာ အဖြစ်များတဲ့ ရောဂါတစ်ခု ဖြစ်လာပါတယ်။ အမျိုးသမီးတွေမှာ အဓိကအဖြစ်များတယ်ဆိုပေမဲ့ အမျိုးသားတွေမှာလည်း ဖြစ်နိုင်ချေရှိတယ်လို့ ဆိုပါတယ် ‼️

နှစ်စဉ် 𝐎𝐜𝐭𝐨𝐛𝐞𝐫 လကိုတော့ 𝐖𝐨𝐫𝐥𝐝 𝐁𝐫𝐞𝐚𝐬𝐭 𝐂𝐚𝐧𝐜𝐞𝐫 𝐀𝐰𝐚𝐫𝐞𝐧𝐞𝐬𝐬 𝐌𝐨𝐧𝐭𝐡 လို့ သတ်မှတ်ထားပြီး ရင်သားကင်ဆာ အသိပညာပေး လှုပ်ရှားမှုများကို လုပ်‌ဆောင်ကြပါတယ်။ ဒါကြောင့် ရွှေမင်းကလည်း ဒီနေ့မှာ ရင်သားကင်ဆာအကြောင်း အကျဉ်းချုပ်ပြီး ပြောပြပေးသွားမှာ ဖြစ်ပါတယ်။

👉 ရင်သားကင်ဆာဆိုတာကတော့ ရင်သားမှာရှိတဲ့ ဆဲလ်တွေ ပုံမှန်မဟုတ်ဘဲ ထိန်းချုပ်မရအောင် ပွားများကြီးထွားလာပြီး အကျိတ် (Tumor) အဖြစ် စုစည်းလာခြင်းကို ခေါ်တာဖြစ်ပါတယ်။ ရင်သားကင်ဆာဖြစ်ပွားရတဲ့ အကြောင်းရင်းတွေကို အတိအကျ ပြောလို့မရပေမဲ့ ဖြစ်လေ့ဖြစ်ထရှိတဲ့ အခြေအနေတွေကတော့ အောက်ပါအတိုင်းဖြစ်ပါတယ်။

𝐀𝐠𝐞: အသက် (၅၅) နှစ်နဲ့အထက် အမျိုးသမီးတွေမှာ အဖြစ်များလေ့ရှိပါတယ်။
Gender: အမျိုးသားတွေထက် အမျိုးသမီးတွေမှာ ပိုမိုဖြစ်ပွားပါတယ်။
𝐅𝐚𝐦𝐢𝐥𝐲 𝐇𝐢𝐬𝐭𝐨𝐫𝐲: မိသားစုဝင်ထဲက (မိဘ၊ မောင်နှမ၊ သားသမီး) တစ်ဦးဦးမှာ ရင်သားကင်ဆာ ဖြစ်ဖူးရင်လည်း ဖြစ်လေ့ရှိပါတယ်။

📍 ရောဂါလက္ခဏာများ

🔺 ရင်ဘတ်နာကျင်ခြင်း
🔺 ရင်သားမှာ မနာကျင်တဲ့ အကြိတ်တွေ စမ်းမိခြင်း
🔺 Ni***es ကနေ နို့ရည်မဟုတ်တဲ့ သွေး သို့မဟုတ် တခြားအရည်တွေထွက်ခြင်း
🔺 Ni***es အနေအထားပြောင်းသွားခြင်း
🔺 ရင်သား ယားယံနီရဲရောင်ရမ်းခြင်း

ရင်သားကင်ဆာဟာ ကုသလို့ရတဲ့ ရောဂါဖြစ်ပါတယ်။ ကုသနည်း‌တွေ အများကြီးထဲကမှ ခွဲစိတ်ကုသခြင်း၊ ဓာတ်ရောင်ခြည်နဲ့ ကုသခြင်း၊ ကင်ဆာဆေးသွင်း ကုသခြင်း ကင်ဆာဆဲလ်တွေ ကြီးထွားမလာအောင် ထိန်းချုပ်နိုင်တဲ့ ဟော်မုန်းကုသနည်း၊ ကင်ဆာဆဲလ်တွေကို ဖျက်စီးပစ်တဲ့ ပစ်မှတ်ထားကုသခြင်းတို့နဲ့ ထိထိရောက်ရောက် ကုသနိုင်ပါတယ်။ အဓိကကတော့ ကင်ဆာရောဂါတွေရဲ့ ထုံးစံအတိုင်း စောစောသိပြီး စောစောကုသနိုင်လေ ကောင်းလေဖြစ်ပါတယ်။

ဒါကြောင့် ကိုယ့်ရဲ့ရင်သားမှာ ပုံမှန်မဟုတ်တဲ့ လက္ခဏာနဲ့ ပြောင်းလဲမှုတစ်ခုခုကို သတိပြုမိတယ်ဆိုရင် နီးစပ်ရာဆေးရုံ၊ ဆေးခန်းတွေမှာ ဆရာဝန်နဲ့ အမြန်ဆုံး ပြသဆွေးနွေး စစ်ဆေးသင့်တယ်ဆိုတဲ့အကြောင်း 𝐒𝐡𝐰𝐞 𝐌𝐢𝐧 𝐌𝐞𝐝𝐢𝐜𝐚𝐥 𝐋𝐚𝐛𝐨𝐫𝐚𝐭𝐨𝐫𝐲 & 𝐂𝐥𝐢𝐧𝐢𝐜 က Awareness ပေးရင်း မျှဝေလိုက်ပါတယ် 💢

References :
1.https://sowshea.org/event/breast-cancer-day/ #:~:text=Every%20October%2019th%2C%20the%20International,and%20men%20around%20the%20world.
2.https://www.who.int/news-room/fact-sheets/detail/breast-cancer #:~:text=Breast%20cancer%20is%20a%20disease,producing%20lobules%20of%20the%20breast.

19/10/2025

ဒီနေ့မှာတော့ ခုခေတ်မှာအဖြစ်များနေတဲ့ စိတ်ကျရောဂါ (Depression) အကြောင်းနဲ့ ဘာကြောင့် ဒီစိတ်ကျရောဂါက လူငယ်တွေကြားမှာ အဖြစ်များနေလဲ၊ ဒီရောဂါရဲ့လက္ခဏာတွေက ဘာတွေလဲဆိုတာကို ပြောပြသွားမှာဖြစ်တာကြောင့် အားလုံးပဲဗဟုသုတအနေနဲ့သိရှိနိုင်ဖို့ အဆုံးထိဖတ်ပေးကြပါဦးနော် ⬇️⬇️

စိတ်ကျရောဂါ (Depression) ဆိုတာဘာလဲ⁉️

➡️ စိတ်ဓာတ်ကျခြင်းဆိုတာက သာမာန်ဝမ်းနည်းနေရုံခံစားချက်ထက် ပိုပါတယ်။ စိတ်ဓာတ်ကျတယ်ဆိုတာက လူတစ်ယောက်ရဲ့ခံစားပုံ၊ တွေးခေါ်ပုံနဲ့ ကမ္ဘာကြီးနဲ့ဆက်ဆံပုံတွေကို ပြောင်းလဲသွားစေနိုင်တဲ့ စိတ်အခြေအနေတစ်ရပ် ဖြစ်ပါတယ်။ ဒီအခြေအနေမှာ ခွန်အားတွေ ကုန်ခမ်းပင်ပန်းနေတတ်ပြီး စိတ်အားထက်သန်မှုကိုလည်း လျော့နည်းစေပါတယ်။ သာမန် လုပ်ငန်းဆောင်တာ အသေးလေးတွေကအစ လုပ်ရကိုင်ရခက်ခဲစေပါတယ်။ စိတ်ပိုင်းဆိုင်ရာ၊ ရုပ်ပိုင်းဆိုင်ရာနဲ့ လူမှုရေးဆိုင်ရာ အကြောင်းကိစ္စတွေ ပါဝင်နေတဲ့ ရှုပ်ထွေးတဲ့အခြေအနေတစ်ရပ်ဖြစ်ပါတယ်။ ဦးနှောက်ဓာတုဗေဒနဲ့ ဟော်မုန်းတွေ၊ စိတ်ဖိစီးမှုတွေနဲ့ စိတ်ဒဏ်ရာတွေ ဒါမှမဟုတ် ရေရှည်ဒုက္ခနဲ့ ပြဿနာတွေ ဒီအရာတွေအားလုံးက စိတ်ကျရောဂါ (Depression) ဖြစ်စေတဲ့ အကြောင်းအရင်းတွေထဲမှာ အခန်းကဏ္ဍတစ်ခုကနေ ပါဝင်နေပါတယ်။

ဘာကြောင့် စိတ်ကျရောဂါဖြစ်တာလဲ⁉️

➡️ စိတ်ကျရောဂါ (Depression) ဖြစ်ပေါ်လာရခြင်းကိုပြောရရင် အကြောင်းအရင်း တစ်ခုတည်းကြောင့်ဖြစ်လာတာမျိုး မဟုတ်ပါဘူး။ ဇီဝဗေဒဆိုင်ရာ၊ စိတ်ခံစားမှုဆိုင်ရာနဲ့ ဘဝနေထိုင်မှုဆိုင်ရာ အချက်တွေ ရောနှောပြီးတော့ အချိန်ကြာလာတာနဲ့အမျှ တဖြည်းဖြည်း စုပုံဖြစ်ပေါ်လာတာမျိုးပါ။ ဒီနေရာမှာ စိတ်ကျရောဂါဖြစ်လာရတဲ့အကြောင်းအရင်းတွေကိုဖော်ပြရရင်

(၁) ဦးနှောက်နှင့် ခန္ဓာကိုယ် (The Brain and Body)
(၂) စိတ်ခံစားမှုနှင့် စိတ်ပိုင်းဆိုင်ရာ အကြောင်းရင်းများ (Emotional and Psychological Factors)
(၃) ဘဝနေထိုင်မှု အခြေအနေများ (Life Circumstances)
(၄) မျိုးရိုးဗီဇနှင့် မိသားစုနောက်ခံ (Genetics and Family History)
(၅) နေထိုင်မှုပုံစံနှင့် ပတ်ဝန်းကျင် (Lifestyle and Environment)
(၆) လူ့သဘာဝ (The Human Side)
စတဲ့အချက်တွေပေါ်မှာ အခြေခံပြီးဖြစ်ပေါ်လာတာဖြစ်ပါတယ်။

ဘာကြောင့် လူငယ်တွေကြားမှာ စိတ်ကျရောဂါ (Depression) ကအဖြစ်များတာလဲ⁉️

➡️ ဆယ်ကျော်သက်နဲ့ လူငယ်တွေကြားမှာ စိတ်ကျရောဂါ (Depression) က အဖြစ်များပါတယ်။ ဘာကြောင့်လဲဆိုတော့ ဒီအရွယ်အပိုင်းအခြားမှာ စိတ်ခံစားမှုပြင်းထန်တဲ့အပြင် ဇီဝဗေဒအရလည်း မတည်ငြိမ်သေးသလို လူမှုရေးအရလည်း ဖိအားတွေများတဲ့ အချိန်ဖြစ်တဲ့အပြင် အရွယ်ရောက်ပြီးတဲ့သူတွေ နောက်ပိုင်းမှာတည်ဆောက်တဲ့ ဘဝနဲ့အခက်အခဲတွေကို ရင်ဆိုင်ဖြေရှင်းနိုင်တဲ့ နည်းလမ်းတွေ ဒါမှမဟုတ် အားပေးထောက်ကူမှုစနစ်တွေ သူတို့မှာ မရှိသေးတာ၊ မကြုံရသေးတာကြောင့် ဖြစ်ပါတယ်။

စိတ်ကျရောဂါရဲ့ လက္ခဏာတွေက ဘာတွေလဲ⁉️

➡️ စိတ်ဓာတ်ကျခြင်းရဲ့ အဖြစ်များတဲ့ လက္ခဏာတွေကတော့
‼️ ဆက်တိုက်ဝမ်းနည်းနေခြင်း (သို့) ဟာတာတာခံစားနေရခြင်း
‼️ ပုံမှန်လုပ်နေကျကိစ္စတွေမှာတောင် စိတ်ဝင်စားမှု (သို့) ပျော်ရွှင်မှု လုံးဝမရှိတော့ခြင်း
‼️ ပင်ပန်းနွမ်းနယ်ခြင်း (သို့) ခွန်အားမရှိခြင်း
‼️ အိပ်စက်မှု ပြဿနာများ: အလွန်အကျွံ အိပ်ခြင်း သို့မဟုတ် အိပ်မရခြင်း
‼️ အစာစားချင်စိတ် (သို့) ကိုယ်အလေးချိန် ပြောင်းလဲခြင်း
‼️ အာရုံစူးစိုက်မှုခက်ခဲခြင်း (သို့) ဆုံးဖြတ်ချက်ချဖို့ခက်ခဲခြင်း
‼️ လူများနှင့် တက်ကြွစွာလုပ်ဆောင်ရသောလှုပ်ရှားမှုများမှ ဆုတ်ခွာရှောင်ဖယ်နေထိုင်ခြင်း
‼️ အကြောင်းရင်း ခိုင်လုံစွာ မသိရသော ရုပ်ပိုင်းဆိုင်ရာ နာကျင်ကိုက်ခဲမှုများဖြစ်ပေါ်ခြင်း
‼️ သေဆုံးခြင်း (သို့) ကိုယ့်ကိုယ်ကို သတ်သေလိုသော အတွေးများဖြစ်ပေါ်ခြင်း စတဲ့လက္ခဏာတွေ ဖြစ်ပါတယ်။

စိတ်ကျရောဂါနဲ့ပတ်သက်ပြီး ပြောပြခဲ့ပြီးပြီဆိုတော့ ဒီရောဂါဟာ ပေါ့ဆစရာကိစ္စ မဟုတ်ဘူးဆိုတာသိပြီးလောက်ကြပြီပေါ့နော်။ ဒီတော့ မိမိပတ်ဝန်းကျင်ကတစ်ယောက်ယောက် ဒါမှမဟုတ် မိမိကိုယ်တိုင်က စိတ်ကျရောဂါခံစားနေရတယ်/ ခံစားနေရတယ်လို့သံသယရှိတယ်ဆိုရင်တော့ ယုံကြည်ရတဲ့သူတွေ၊ ဒေသတွင်း စိတ်ကျန်းမာရေး အကူအညီပေးရေးဌာနတွေနဲ့ စိတ်ကျန်းမာရေးဆရာဝန်များထံသို့ ချက်ချင်းဆက်သွယ်ပြီး အကူအညီတောင်းခံသင့်ပါကြောင်းကို 𝐒𝐡𝐰𝐞 𝐌𝐢𝐧 𝐌𝐞𝐝𝐢𝐜𝐚𝐥 𝐋𝐚𝐛𝐨𝐫𝐚𝐭𝐨𝐫𝐲 & 𝐂𝐥𝐢𝐧𝐢𝐜 က အကြံပြု မျှဝေလိုက်ပါတယ်🎗️🎗️

References :
1.https://www.psychiatry.org/patients-families/depression/what-is-depression

2.https://www.mayoclinic.org/diseases-conditions/depression/symptoms-causes/syc-20356007

15/10/2025

အိပ်ရေးဝဝလည်း အိပ်တယ်၊ အာဟာရလည်း ပြည့်ဝအောင်စားတယ်။ ဒါပေမဲ့ အချိန်တိုင်းလိုလို ပင်ပန်းနွမ်းနယ်ပြီး နေထိုင်ရတာ လေးလံသလို ဖြစ်နေတယ် 🤔

အဲဒါ ဘာကြောင့်လဲဆိုတာ အောက်ကအချက်လေးတွေကို ကြည့်လိုက်ရအောင်နော် ❓

1️⃣ အိပ်ချိန်မမှန်ခြင်း

အိပ်ရေးဝဝအိပ်တယ်ဆိုပေမဲ့ အိပ်ချိန်မမှန်တာကလည်း ပင်ပန်းနွမ်းနယ်စေတဲ့ အဓိက အကြောင်းအရင်းတွေထဲက တစ်ခုပါ။ ခန္ဓာကိုယ်မှာ အိပ်ချိန်နဲ့နိုးထချိန်စက်ဝန်းကို မှတ်သားထားပြီး ထိန်းချုပ်ပေးတဲ့ ဇီဝနာရီဆိုတာ ရှိပါတယ်။ နေ့တိုင်း မတူညီတဲ့အချိန်တွေမှာ အိပ်တာ၊ နိုးထတာတွေ လုပ်တဲ့အခါ ဇီဝနာရီဟာ Timing လွဲသွားပါတယ်။ ဒါကြောင့် ခန္ဓာကိုယ်က ဘယ်အချိန်က နားချိန်၊ ဘယ်အချိန်က စွမ်းအင်ကို အသုံးချရမယ့်အချိန်ဆိုတာကိုပါ လွဲပြီး ပင်ပန်းနွမ်းနယ် လေးလံထိုင်းမှိုင်းမှု ကို ခံစားရပါတယ်။

2️⃣ စိတ်ပိုင်းဆိုင်ရာ စိုးရိမ်ဖိစီးမှုများ

စိတ်ဖိစီးခြင်း၊ စိုးရိမ်ပူပန်လွန်ခြင်း၊ စိတ်ဓာတ်ကျခြင်း (Depression) တွေကြောင့် ခန္ဓာကိုယ်နဲ့ စိတ်ပိုင်းဆိုင်ရာ စွမ်းအင်တွေ မလိုအပ်ဘဲ အသုံးချမှု တစ်နည်းအားဖြင့် စွမ်းအင်ယိုစိမ့်မှုဖြစ်ပေါ်ပြီး ပင်ပန်းနွမ်းနယ်မှုကို ခံစားရစေပါတယ်။

3️⃣ အာဟာရဓာတ်ချို့တဲ့မှုနှင့် ရေဓာတ်ချို့တဲ့မှု

အာဟာရပြည့်ဝအောင် စားတယ်ဆိုပေမဲ့ ခန္ဓာကိုယ်အတွက် စွမ်းအင်ထုတ်လုပ်ဖို့ မရှိမဖြစ်လိုအပ်တဲ့ အာဟာရဓာတ်တွေ (Iron ၊ Vitamin B12 ၊ Vitamin D) မပါဝင်ခြင်းနဲ့ ရေဓာတ်လုံလောက်စွာ မရရှိခြင်း (ရေသောက်နည်းခြင်း) တို့ကြောင့် ဇီဝကမ္မဖြစ်စဉ်တွေလည်ပတ်ဖို့ စွမ်းအင်ထုတ်လုပ်မှု နှေးကွေးပြီး အားအင်ပြည့်ဝမှုမရှိ ဖြစ်နေတတ်ပါတယ်။ ဒါကြောင့် ပင်ပန်းနွမ်းနယ်မှုနဲ့ လေးလံထိုင်းမှိုင်းမှုကို ခံစားရပါတယ်။

4️⃣ နာတာရှည်ရောဂါများ ခံစားနေရခြင်း

နာတာရှည် ရောဂါတွေဖြစ်တဲ့ သိုင်းရွိုက်ဂလင်းချို့ယွင်းမှု၊ ဆီးချိုရောဂါနဲ့ နာတာရှည် ပင်ပန်းနွမ်းနယ်မှုရောဂါတို့ကြောင့် ခန္ဓာကိုယ်က ပုံမှန်မဟုတ်တဲ့ စွမ်းအင်တွေ ထုတ်ယူသုံးစွဲနေရတာကြောင့်လည်း အားအင်ကုန်ခမ်းပြီး ပင်ပန်းနွမ်းနယ်မှုကို ခံစားနေရတတ်ပါတယ်။

ဒါ့အပြင် ကျန်းမာရေးနဲ့ညီညွတ်တဲ့ နေထိုင်မှုပုံစံတွေကို ပြောင်းလဲနေထိုင်ပေမဲ့လည်း ပင်ပန်းနွမ်းနယ်ခြင်းကို နှစ်ပတ်ကျော်‌အောင် ဆက်လက်ခံစားနေရရင်၊ တဖြည်းဖြည်း ကိုယ်အလေးချိန်ပါ ကျလာရင်၊ အသက်ရှူမဝခြင်းနဲ့ ရင်ဘတ်အောင့်ခြင်းတွေကိုပါ ခံစားလာရရင်တော့ ဆရာဝန်နဲ့ပြသပြီး ကျန်းမာရေးစစ်ဆေးမှုခံယူသင့်ကြောင်း 𝐒𝐡𝐰𝐞 𝐌𝐢𝐧 𝐌𝐞𝐝𝐢𝐜𝐚𝐥 𝐋𝐚𝐛𝐨𝐫𝐚𝐭𝐨𝐫𝐲 & 𝐂𝐥𝐢𝐧𝐢𝐜 က အကြံပြု မျှဝေလိုက်ပါတယ်။

References :
1.https://www.healthline.com/nutrition/10-reasons-you-are-tired -causes

2.https://www.henryford.com/blog/2025/07/10-unexpected-reasons-fatigue

11/10/2025

⚠️ ဆီးချို သွေးချို (Diabetes) ဟာ သွေးတွင်းသကြားဓာတ်ကို စွမ်းအင်အဖြစ်ပြောင်းပေးတဲ့ အင်ဆူလင်ဟော်မုန်းချို့တဲ့ခြင်းနဲ့ မျိုးရိုးလိုက်ခြင်းတို့ကြောင့် အဓိက ဖြစ်ပွားလေ့ရှိပြီး စနစ်တကျ မထိန်းချုပ်နိုင်တဲ့အခါ ခန္ဓာကိုယ်ရဲ့ အစိတ်အပိုင်းအသီးသီးကို ဆိုးဆိုးရွားရွားထိခိုက်စေတဲ့ အောက်ပါ နောက်ဆက်တွဲ ပြဿနာတွေ ဖြစ်ပေါ်လာနိုင်ပါတယ်။

🔺 နှလုံးရောဂါ - သွေးတွင်းသကြားဓာတ်မြင့်မားလွန်းတဲ့အခါ သွေးကြောအတွင်းနံရံ‌တွေကို ပျက်စီးစေပါတယ်။ အဲဒီနောက် သွေးထဲက အဆီနဲ့ တခြားပစ္စည်းတွေ သွေးကြောထဲမှာ စုပုံလာပြီး သွေးစီးဆင်းမှုကို လျော့နည်းလာစေပါတယ်။ အဲဒါကို နှလုံးသွေးကြောကျဉ်းခြင်းလို့ခေါ်ပြီး နှလုံးရောဂါကိုဖြစ်စေတဲ့ အဓိကလက်သည်လို့ ပြောလို့ရပါတယ်။

🔺 လေဖြတ်ခြင်း - နှလုံးသွေးကြောကျဉ်းလာခြင်းကြောင့် ဦးနှောက်ဆီပို့လွှတ်တဲ့ သွေးကြောတွေကိုလည်း ကျဉ်းစေပြီး တဖြည်းဖြည်းနဲ့ သွေးစီးဆင်းမှုကို ပြတ်တောက်စေပါတယ်။ ဦးနှောက်ဆီ သွေးစီးဆင်းမှု ရပ်တန့်သွားတဲ့အခါ ဦးနှောက်ဆဲလ်တွေဆီကို အောက်ဆီဂျင်နဲ့ အာဟာရဓာတ်တွေ မရောက်တော့ဘဲ ဆဲလ်တွေသေဆုံးပြီး လေဖြတ်ခြင်းကို ဖြစ်စေပါတယ်။

🔺 သွေးတိုးရောဂါ - ဆီးချို သွေးချိုသမားတွေရဲ့ သုံးပုံနှစ်ပုံဟာ သွေးတိုးကိုပါ ဆက်တိုက်ခံစားရလေ့ ရှိပါတယ်။ နှလုံးသွေးကြောကျဉ်းလာခြင်းကြောင့် နှလုံးက သွေးကို လိုအပ်တဲ့နေရာရောက်အောင်ပို့ဖို့ ပိုပြီး အားစိုက်ညှစ်လာရပါတယ်။ အဲဒီလို အားစိုက်ရလေ၊ သွေးကြောတွင်းဖိအား (သွေးပေါင်ချိန်)က မြင့်တက်လာလေဖြစ်ပြီး သွေးတိုးရောဂါဖြစ်လာပါတယ်။

🔺 မျက်လုံးနှင့် အာရုံကြောပြဿနာများ - ဆီးချို သွေးချိုကြောင့် မျက်လုံးရဲ့ မြင်လွှာမှာရှိတဲ့ သွေးကြောငယ်တွေ ပျက်စီးနိုင်ပါတယ်။ ဒါကြောင့် တဖြည်းဖြည်းနဲ့ မျက်စိမှုန်ခြင်းကနေ မျက်လုံးကွယ်တဲ့အထိ ဖြစ်နိုင်ပါတယ်။ ဒါ့အပြင် သွေးတွင်း သကြားဓာတ်မြင့်မားမှုကြောင့် အာရုံကြောတွေကို ပျက်စီးစေပါတယ်။ အဲဒီအခါ အာရုံကြောပြဿနာတွေဖြစ်တဲ့ ခြေလက်‌ထုံကျဉ်ခြင်း၊ နာကျင်ပူလောင်ခြင်း၊ ခံစားမှုလျော့နည်းခြင်းတို့ ဖြစ်လာပြီး ပြင်းထန်လာရင်တော့ အစာခြေစနစ်၊ ဆီးအိမ်နဲ့ လိင်ပိုင်းဆိုင်ရာ လုပ်ဆောင်ချက်တွေကိုပါ ထိခိုက်စေနိုင်ပါတယ်။

🔺 ကိုယ်လက်အင်္ဂါများ ဆုံးရှုံးရခြင်း - သွေးတွင်း သကြားဓာတ်မြင့်မားမှုကြောင့် ဒဏ်ရာနဲ့ အနာများဖြစ်လာတဲ့အခါ မပျောက်လွယ်တော့ပါဘူး။ အဲဒီနောက် ဒဏ်ရာနဲ့ အနာတွေမှာ ပိုးဝင်တဲ့အခါ ကိုယ်လက်အင်္ဂါတွေကို ဆုံးရှုံးရတဲ့အထိ ဖြစ်သွားနိုင်ပါတယ်။

📌 ဒါကြောင့် ဆီးချို သွေးချိုဟာ နာတာရှည်ရောဂါတစ်ခုဖြစ်ပြီး မထိန်းချုပ်နိုင်ရင် နောက်ဆက်တွဲဆိုးကျိုးတွေကို ဆက်တိုက်ခံစားလာရစေပါတယ်။ ဒီအတွက် ဆီးချို သွေးချိုကို ထိန်းချုပ်ကာကွယ်နိုင်ဖို့ ကျန်းမာရေးနဲ့ ညီညွတ်တဲ့ စားသောက်နေထိုင်မှုပုံစံတွေကို ဂရုတစိုက်ကျင့်သုံးဖို့လိုပါကြောင်း 𝐒𝐡𝐰𝐞 𝐌𝐢𝐧 𝐌𝐞𝐝𝐢𝐜𝐚𝐥 𝐋𝐚𝐛𝐨𝐫𝐚𝐭𝐨𝐫𝐲 & 𝐂𝐥𝐢𝐧𝐢𝐜 က အကြံပြု မျှဝေလိုက်ပါတယ်။

References :
1.https://www.diabetes.org.uk/about-diabetes/looking-after-diabetes/complications

2.https://www.mayoclinic.org/diseases-conditions/diabetes/symptoms-causes/syc-20371444

06/10/2025

၁၃၈၇ ခု၊ သီတင်းကျွတ်လပြည့် (အဘိဓမ္မာအခါတော်နေ့) မှာ မြန်မာနိုင်ငံသားများအားလုံး ဘေးအန္တရာယ် ကင်းရှင်းပြီး နှလုံးစိတ်ဝမ်း ချမ်းမြေ့ကြပါစေလို့ 𝐒𝐡𝐰𝐞 𝐌𝐢𝐧 𝐌𝐞𝐝𝐢𝐜𝐚𝐥 𝐋𝐚𝐛𝐨𝐫𝐚𝐭𝐨𝐫𝐲 & 𝐂𝐥𝐢𝐧𝐢𝐜 မှ ဆုမွန်ကောင်းတောင်းလိုက်ရပါတယ် 🥰🙏

#သီတင်းကျွတ်လပြည့်နေ့

01/10/2025

🥰 အထွေထွေရောဂါကုဆရာဝန်နှင့် အခမဲ့တိုင်ပင်ပြသနိုင်မယ့် အခွင့်အရေးအတွက် အခုပဲ စာရင်းပေးသွင်းနိုင်ပါပြီ။

🤩 ရွှေမင်း အဆင့်မြင့်ရောဂါရှာဖွေရေးဓာတ်ခွဲခန်းနှင့် အထူးကုဆေးခန်း (သင်္ဃန်းကျွန်း) တွင် လူထုအခြေပြုကျန်းမာရေးစောင့်ရှောက်ပေးရန်အတွက် လစဉ်လတိုင်း ပထမအပတ်၏ စနေနေ့တိုင်း အထွေထွေရောဂါကုဆရာဝန်ဖြင့် အခမဲ့တိုင်ပင်ဆွေးနွေးပြသနိုင်မည်ဖြစ်ပါကြောင်း သတင်းကောင်းပါအပ်ပါတယ်။

(လူဦးရေကန့်သတ်ထားပါသဖြင့် ကြိုတင်စာရင်းပေးသွင်းရန် မေတ္တာရပ်ခံအပ်ပါသည်)

📌 အောက်တိုဘာအတွက် အခမဲ့ကုသပေးမည့်ရက်

(၄.၁၀.၂၀၂၅ )၊ မနက် (၈) နာရီဲမှ နေ့လယ် (၁၂) နာရီအထိ။

☎️ ကြိုတင်စာရင်းပေးသွင်းရန် -

အမှတ် (၄၅၄၊ ၄၅၅)၊ သံသုမာလမ်း(စံပြ ၅ လမ်းထိပ်)၊ စံပြရပ်ကွက်၊ သင်္ဃန်းကျွန်းမြို့နယ်

ဖုန်း - ၀၉ ၂၅၅၅၅ ၂၁၂၆၊ ၀၉ ၇၄၀၉၉၄၄၆၀

01/10/2025

ငါးကြီးဆီ ပုံမှန်မှီဝဲခြင်းမှ ရရှိနိုင်သော အကျိုးကျေးဇူးများကို Shwe Min Medical Laboratory & Clinic မှ မျှဝေပေးလိုက်ရပါတယ် 🥰

29/09/2025

ယနေ့ (၂၉.၉.၂၀၂၅) ဟာ 𝐖𝐨𝐫𝐥𝐝 𝐇𝐞𝐚𝐫𝐭 𝐃𝐚𝐲 ဖြစ်ပါတယ် 🫀

ဒီနှစ်အတွက် World Heart Day theme ကတော့ "𝐃𝐨𝐧'𝐭 𝐦𝐢𝐬𝐬 𝐚 𝐛𝐞𝐚𝐭" တဲ့ "စည်းချက်မလွတ်စေနဲ့" ဆိုတဲ့အဓိပ္ပါယ်ပေါ့နော် ☺️

ဒီဆောင်ပုဒ်လေးက:

👉🏻 နှလုံးကျန်းမာရေးကို ဦးစားပေးဖို့၊

👉🏻 နှလုံးသွေးကြောဆိုင်ရာ ရောဂါလက္ခဏာများအတွက် နိုးနိုးကြားကြားနေဖို့၊

👉🏻 နှလုံးကျန်းမာရေးကွာဟမှုကိုလျှော့ချဖို့နဲ့

👉🏻 ပုဂ္ဂိုလ်ရေးဆိုင်ရာရွေးချယ်မှုနဲ့လှုံ့ဆော်မှုတွေကတစ်ဆင့် အသက်များကိုကယ်တင်ဖို့အတွက်ရည်ရွယ်ထားတာဖြစ်ပါတယ် 🩺

နှလုံးကျန်းမာရေးအတွက် စားပေးသင့်တဲ့အစားအစာတွေကတော့

အရောင်တွေပါတဲ့ အသီးအနှံနဲ့ အသီးအရွက်တွေ 🥬

အစေ့အဆံများ 🌾

ပရိုတင်းဓာတ်ပါတဲ့ ငါးနဲ့ ပဲတွေ 🐟🫘

အခွံမာသီးများ 🥜

သံလွင်ဆီလိုဆီမျိုးကရတဲ့ ကျန်းမာစေတဲ့အဆီများ 🫒 ဖြစ်ပါတယ်

အခုပြောပြခဲ့တဲ့အစားအစာတွေကတော့ အမျှင်ဓာတ်၊ ဗီတာမင်ဓာတ်၊ သတ္တုဓာတ်နဲ့ antioxidants တွေကြွယ်ဝစွာပါဝင်တဲ့အတွက် ကိုလက်စထရောလျှော့ချပေးတယ်၊ ရောင်ရမ်းခြင်းကိုသက်သာစေပြီးတော့ နှလုံးနဲ့ပတ်သက်တဲ့လုပ်ဆောင်ချက်တွေကို အကူအညီပေးပါတယ် 🥰

ဂရုစိုက်ပြီးစားသင့်တဲ့အစားအစာတွေကတော့

🥓🧈 အဆီများတဲ့အသားတွေနဲ့ အဆီဓာတ်ပြည့်ဝတဲ့နို့ထွက်ပစ္စည်းတွေမှာတွေ့ရတဲ့ ပြည့်ဝဆီတွေ

🧂 ဆားစားသုံးမှုကတစ်ဆင့် သွေးပေါင်ချိန်ကိုထိခိုက်စေနိုင်တဲ့ Sodium တွေ

🍭 အချိုကဲတဲ့အချိုရည်နဲ့ သကြားလုံးတွေကနေတွေ့ရတတ်တဲ့ အချိုဓာတ်တွေနဲ့

🍞 အစေ့အဆံတွေထက်အာဟာရပါဝင်မှုနည်းတဲ့ ပေါင်မုန့်ဖြူနဲ့ ပြုပြင်ထားတဲ့အစေ့အဆံများ ဖြစ်ပါတယ်

ကဲ ဒါဆိုရင်တော့ ဒီစာလေးကိုဖတ်ပြီးတဲ့နောက်မှာ လိုအပ်တဲ့ဆေးစစ်ချက်တွေကိုလည်းအချိန်မီလုပ်ကြပြီး✅ အစားအသောက်လည်းဆင်ခြင်ကြရင်း😋 နှလုံးကျန်းမာရေးအတွက်အထူးဂရုပြုနိုင်ကြပါစေလို့🫀 𝐒𝐡𝐰𝐞 𝐌𝐢𝐧 ကဆန္ဒပြုရင်း ဒီနေ့ကျရောက်တဲ့ 𝐖𝐨𝐫𝐥𝐝 𝐇𝐞𝐚𝐫𝐭 𝐃𝐚𝐲 ကိုဂုဏ်ပြုလိုက်ပါတယ် 🙏🏻

27/09/2025

📌 ရွှေမင်းအဆင့်မြင့်ရောဂါရှာဖွေရေးဓာတ်ခွဲခန်းနှင့် အထူးကုဆေးခန်း (စမ်းချောင်း) နှင့် (လှိုင်) တွင် အောက်ပါရာထူးများအတွက် ဝန်ထမ်းခေါ်ယူနေပါသည်

💻 𝐂𝐥𝐢𝐧𝐢𝐜 𝐑𝐞𝐜𝐞𝐩𝐭𝐢𝐨𝐧𝐢𝐬𝐭𝐬 - 𝟐 𝐏𝐨𝐬𝐭𝐬 (လှိုင်၊ စမ်းချောင်း)

▫️ ဘွဲ့တစ်ခုခုရရှိပြီး computer ကျွမ်းကျင်စွာသုံးတတ်ရမည်။ (Office Apps, E-mail)
▫️ Receptionist အတွေ့အကြုံ အနည်းဆုံး (၂) နှစ်ရှိရမည်။
▫️ အသက် ၂၀ - ၂၇ အတွင်းဖြစ်ရမည်။
▫️ လုပ်ငန်းအတွေ့အကြုံရှိပြီး နေ့စဉ်စာရင်းများ သေချာစနစ်တကျ လုပ်ကိုင်နိုင်သူဖြစ်ရမည်။
▫️ ရုပ်ရည်ချောမောပြေပြစ်ပြီး ဖုန်းကောင်းမွန်စွာဖြေကြားနိုင်သူဖြစ်ရမည်။
▫️ ပေါင်းသင်းဆက်ဆံရေးကောင်းမွန်ပြီး အများနှင့်ပူးပေါင်းလုပ်ဆောင်တတ်ရမည်။

လစာညှိနှိုင်း + အချိန်ပိုကြေး + ရက်မှန်ကြေး + ၃ လပြည့်လျှင် လစာတိုးပေးခြင်းနှင့် အခြားခံစားခွင့်များ ရရှိပါမည်။

🩺 𝐍𝐮𝐫𝐬𝐞 𝐀𝐢𝐝 - 𝟑 𝐏𝐨𝐬𝐭𝐬 (လှိုင်၊ စမ်းချောင်း)

▫️ Nurse Aid Certificate ကိုင်ဆောင်ထားသူဖြစ်ရပါမည်။
▫️ သွေးဖောက်ကျွမ်းကျင်သူဖြစ်ပြီး ဓာတ်ခွဲခန်းသဘောတရားများကို နားလည်သူဖြစ်ရပါမည်။
▫️ လုပ်ငန်းအတွေ့အကြုံ အနည်းဆုံး (၂) နှစ်ရှိရပါမည်။
▫️ပေါင်းသင်းဆက်ဆံရေးကောင်းမွန်ပြီး အများနှင့်ပူးပေါင်းလုပ်ဆောင်တတ်သူဖြစ်ရပါမည်။
▫️ Home Service သွားနိုင်သူဖြစ်ရပါမည်။
▫️ အသက် (၂၅) နှစ်ဝန်းကျင်ရှိသူ ဖြစ်ရပါမည်။

အခြားခံစားခွင့်များနှင့်အတူ ကျွမ်းကျင်မှုပေါ်မူတည်၍ လစာညှိနှိုင်းပေးပါမည်။

🗂️ 𝐎𝐟𝐟𝐢𝐜𝐞 𝐒𝐭𝐚𝐟𝐟 - 𝟐 𝐏𝐨𝐬𝐭𝐬 (လှိုင်၊ စမ်းချောင်း)

▫️ ဘွဲ့တစ်ခုခုရရှိထားပြီး Computer ကျွမ်းကျင်စွာသုံးတတ်သူဖြစ်ရပါမည်။ (Office Apps, E- mail)
▫️ အသက် ၂၀ မှ ၂၇ နှစ်အတွင်း ရှိသူဖြစ်ရမည် ။
▫️ လုပ်ငန်းအတွေ့အကြုံရှိပြီး စာရင်းအင်းများသေချာစနစ်တကျ လုပ်ကိုင်နိုင်သူဖြစ်ရပါမည်။
▫️ ရုပ်ရည်ချောမောပြေပြစ်ပြီး Office အတွေ့အကြုံရှိရပါမည် ။
▫️ ပေါင်းသင်းဆက်ဆံရေးကောင်းမွန်ပြီး အများနှင့်ပူးပေါင်းလုပ်ဆောင်တတ်ရပါမည်။

🚗 𝐃𝐫𝐢𝐯𝐞𝐫 - 𝟏 𝐏𝐨𝐬𝐭 (လှိုင်)

▫️ ယာဉ်မောင်းလိုင်စင် အနည်းဆုံး (၂) နှစ်အထက် ကိုင်ဆောင်ထားသူဖြစ်ရမည်။
▫️ ရန်ကုန်မြို့တွင်း ကျွမ်းကျင်စွာ မောင်းနှင်နိုင်ရမည်။
▫️ Auto, Manual (2) မျိုးစလုံး မောင်းနိုင်ရမည်။
▫️ အလုပ်ချိန်အတွင်း အသောက်အစားကင်းရှင်းရမည်။
▫️ ရိုးသားကြိုးစားပြီး အကျင့်စာရိတ္တကောင်းမွန်ရမည်။

လျှောက်ထားလိုသူများသည် လိုအပ်သောစာရွက်စာတမ်းများဖြင့် -

🏢 အမှတ် (၁၂/က)၊ မယ်ဇီကုန်းလမ်း (သံလမ်း)၊ (၇)ရပ်ကွက်၊ လှိုင်မြို့နယ်၊ ရန်ကုန်မြို့သို့ လူကိုယ်တိုင်သော်လည်းကောင်း

📱 CV Form များကို Viber ဖုန်းနံပါတ် 09 5401061 သို့ ပေးပို့၍သော်လည်းကောင်း လျှောက်ထားနိုင်ပါသည်။

25/09/2025

🍛 ကျန်းမာတဲ့နေ့စဥ်ဘဝကို အစဥ်တစိုက်ထိန်းသိမ်းနိုင်ဖို့ဆိုတာဟာ တစ်နေ့တာအစားအသောက်ကို စနစ်တကျ စားသောက်ဖို့က အလွန်အရေးကြီးပါတယ်

အချိန်မမှန်ဘဲ စားမိသောက်မိတာတွေဟာ ကိုယ်အလေးချိန်ကိုထိခိုက်စေတာကနေစလို့ ကိုယ်ခံစွမ်းအားကျဆင်းတာတွေအပြင် စိတ်ဖိစီးမှုတွေများလာတဲ့အထိ ဖြစ်လာနိုင်ပါတယ် 😥

ဒါဆိုတစ်နေ့တာအတွက် စနစ်တကျစားသောက်မှုပုံစံကဘယ်လိုလဲ ❓❓❓

🍳 မနက်စာ (၆ နာရီ - ၈ နာရီ)

မနက်စာကိုတော့ တစ်ရက်တာရဲ့အစမှာ မဖြစ်မနေစားသင့်ပါတယ်။ စားသင့်တဲ့အရာတွေအနေနဲ့ကတော့ ဥအမျိုးမျိုး၊ နို့၊ အသီးအရွက်၊ ပရိုတိန်းဓာတ်ကြွယ်ဝတဲ့အစားအစာတွေနဲ့ ပဲအမျိုးမျိုးတို့ကိုပါ စားသုံးသင့်ပါတယ်။

🥗 နေ့လယ်စာ (၁၂ နာရီ - ၁ နာရီ)

နေ့လယ်စာအတွက်ကိုတော့ အသားနှင့်ငါးအမျိုးမျိုးအပြင် အသီးအရွက်အချို့ကိုပါ သင့်တင့်မျှတအောင်စားသုံးပါမှ ကျန်ရှိတဲ့နေ့တစ်ပိုင်းကို အားအင်အပြည့်နဲ့ဖြတ်သန်းနိုင်မှာပါ။

🍪 အဆာပြေ (၃ နာရီ - ၄ နာရီ)

နေ့လယ်စာစားပြီးအချိန်တစ်ခုကြာလို့ ဗိုက်ထဲဆာသလိုလိုရှိရင်တော့ ပေါ့ပေါ့ပါးပါးမုန့်လေးတွေစားပြီး ဗိုက်ဖြည့်နိုင်ပါတယ်။

🍝 ညစာ (၆ နာရီ - ၇ နာရီ)

ညစာဟာလည်း မနက်စာလိုပဲ အရေးကြီးပါတယ်။ ညအိပ်ရာဝင်ခါနီးမှ ညစာစားတာဟာ ကောင်းတဲ့အလေ့အကျင့်မဟုတ်သလို နောက်တစ်နေ့အိပ်ရာနိုးလာတဲ့အခါမှာ အားအင်ကုန်ခမ်းပြီးနွမ်းနယ်နေတာမျိုးတွေပါဖြစ်လာနိုင်ပါတယ်။
ညစာအတွက်ကိုလည်း စွပ်ပြုတ်လိုမျိုး အသီးအရွက်လိုမျိုး ပေါ့ပေါ့ပါးပါးလေးတွေကိုသာ စားသုံးသင့်ပါတယ်။

မနက်စာ ညစာတွေလိုပဲ နောက်ထပ်အရေးကြီးတဲ့အရာကတော့ တစ်နေ့တာမှာ ရေသောက်မနည်းစေဖို့ပါပဲ 🥤

- တစ်ရက်တာမှာ အနည်းဆုံး ရေ (၈) ခွက်ကနေ (၁၀) ခွက်သောက်သင့်ပါတယ်

- အချိုရည်တွေသောက်သုံးတာကိုလည်း တတ်နိုင်သလောက်လျှော့သင့်ပါတယ်

ဒါကြောင့်မို့ တစ်နေ့တာမှာ စနစ်ကျတဲ့အစားအသောက်ပုံစံကို စားသောက်ပြီး ကျန်းမာတဲ့လူနေမှုဘဝကိုပိုင်ဆိုင်နိုင်ကြစေဖို့ Shwe Min Medical Laboratory & Clinic က ဆန္ဒပြုရင်း အကြံပြုမျှဝေပေးလိုက်ပါတယ် 🫶

References

https://nutritionsource.hsph.harvard.edu/healthy-eating-plate/

https://www.who.int/news-room/fact-sheets/detail/healthy-diet

Shwe Min Medical Laboratory & Clinic

29/10/2025

27/10/2025

23/10/2025

19/10/2025

15/10/2025

11/10/2025

06/10/2025

01/10/2025

01/10/2025

29/09/2025

27/09/2025

25/09/2025

Address

Opening Hours

Telephone

Website

Alerts

Contact The Practice

Shortcuts

Share

Category

Monday	08:00 - 18:00
Tuesday	08:00 - 20:00
Wednesday	08:00 - 18:00
Thursday	08:00 - 20:00
Friday	08:00 - 18:00
Saturday	08:00 - 20:00
Sunday	08:00 - 18:00