07/07/2025
မင်္ဂလာပါရှင့်🥰
ဒီနေ့မှာတော့ Leptospirosis လို့ခေါ်တဲ့ ဘတ်တီးရီးယားကြောင့်ဖြစ်တဲ့ရောဂါပိုးတစ်မျိုးအကြောင်းကို စာဖတ်သူတို့အား ကျန်းမာရေးဗဟုသုတအနေနဲ့ မျှဝေပေးချင်ပါတယ်ရှင်။
Leptospirosis (ကြွက်သေးပိုးရောဂါ) သည် Leptospira ဟုခေါ်သော spiral-shaped bacteria ကြောင့်ဖြစ်ပြီး အန္တရာယ်ရှိသောရောဂါတစ်ခုဖြစ်ပါတယ်။
Leptospirosis ကိုဖြစ်စေသော ဘတ်တီးရီးယား Leptospira interrogans များသည် ကြွက်၊ ခွေး၊ ဝက် တို့၏ ဆီးနှင့်အတူ မြေတွင်၊ ရေတွင်နေထိုင်နိုင်ပါတယ်။
ထို့ကြောင့် ၎င်းသည် တိရစ္ဆာန်များမှတဆင့် လူကိုကူးစက်သော zoonotic disease ဖြစ်လာပြီး၊ မြန်မာနိုင်ငံအပါအဝင် အာရှဒေသများတွင် မိုးရာသီ၌ ဖြစ်ပွားမှုအများဆုံးရောဂါဖြစ်ပါတယ်။
ကူးစက်နိုင်သောနည်းလမ်းများ
ရောဂါရှိသောတိရစ္ဆာန်များ၏ အညစ်အကြေးပါဝင်သောရေ၊ မြေဆီနှင့် ထိတွေ့ခြင်း
ရောဂါပိုးများနှင့် ထိတွေ့ထားသောအစားအစာများကိုစားသုံးမိခြင်း
ကွဲရှနေသောအရေပြား(cut, scratch)များ၊ နှာခေါင်း၊ မျက်စိမှတဆင့်လည်းဝင်ရောက်နိုင်ပါတယ်။
မိုးများရေကြီးသောနေရာများတွင်လည်း တိရစ္ဆာန်များ၏ စွန့်ပစ်အညစ်အကြေးများမှတဆင့် လူအများသို့ကူးစက်စေနိုင်ပါတယ်။
ရောဂါလက္ခဏာများ
ရောဂါပိုးစတင်ဝင်ရောက်ပြီးနောက် ၅ရက်မှ၁၄ရက်အတွင်း ပုံမှန်အားဖြင့် လက္ခဏာစတင်ပြတတ်ပါသည်။ အချို့သောလူများတွင် ၂ရက်မှ ရက်ပေါင်း၃၀အတွင်းပြတတ်ပါတယ်။
ပထမအဆင့်
အဖျားတက်ခြင်း(၃၈-၄၀ ဒီဂရီစင်တီဂရိတ် )
ရင်ဘတ်အောင့်ခြင်း၊ ကြွက်သားများကိုက်ခဲခြင်း
မျက်လုံးအနီရောင်ဖြစ်ခြင်း၊ ချောင်းဆိုးသွေးပါခြင်း
ခေါင်းကိုက်ခြင်း၊ တုပ်ကွေးကဲ့သို့ချမ်းတုန်ခြင်း
ဒုတိယအဆင့်
မူးမောခြင်း၊ အင်အားလျော့ခြင်း
ကျောက်ကပ်ထိခိုက်ပျက်စီးမှူကြောင့် ဆီးနည်းလာခြင်း
အသားအရေအဝါရောင်ဖြစ်ခြင်း
ဦးနှောက်အမှေးပါးရောင်ခြင်း
ထို့နောက်ဆက်လက်၍ Weil's disease ဟုခေါ်သော ရောဂါအခြေအနေကြောင့် အသည်း၊ ကျောက်ကပ်၊ သွေးကြောများပျက်စီးကာ အသက်ရှုကြပ်ခြင်း၊ ဆဲလ်များပျက်စီးခြင်းဖြင့်သေဆုံးနိုင်ပါတယ်။
ရောဂါရှာဖွေစမ်းသပ်နည်းများ
Blood Test: CBC, Liver/Kidney function test (အသည်းနှင့် ကျောက်ကပ်လုပ်ငန်းအခြေအနေများအားစစ်ဆေးခြင်း)
Serology Test:ELISA,MAT(Microscopic Agglutination Test)
PCR Test: ဘတ်တီးရီးယား၏ DNAရှာဖွေခြင်း
ကုသနည်းများ
Antibiotics(အချိန်မှီသောက်သုံးရန်လိုအပ်ပါသည်)
Doxycycline
Penicillin
Ceftriaxone (ရောဂါပြင်းထန်လက္ခဏာများတွင်)
ကာကွယ်နည်းများ
ကျေးလက်ဒေသ၊ ရေကြီးဒေသများတွင်
တိရစ္ဆာန်များ၏ ဆီး၊ အညစ်အကြေးများနှင့်မထိတွေ့ရန်
ရေဝပ်သောနေရာများသို့သွားလျှင် ဖိနပ်၊ အကာများဖြင့် ကာကွယ်ရန်
သန့်ရှင်းသောရေသုံးစွဲရန်
အိမ်မွေးတိရစ္ဆာန်များကို
ကာကွယ်ဆေးထိုးပေးခြင်း(ကာကွယ်ဆေးများသည်ရာနှုန်းပြည့်မကာကွယ်နိုင်ပါ)
သတိပြုရန်
Leptospirosisရောဂါလက္ခဏာများသည် သွေးလွန်တုပ်ကွေး၊ ငှက်ဖျား၊ တိုက်ဖွိုက်ရောဂါများနှင့်ဆင်တူနေတတ်ပါတယ်။ ထို့ကြောင့် ရောဂါလက္ခဏာများစတင်တွေ့ရှိသည်နှင့် နီးစပ်ရာဆေးရုံ ဆေးခန်းများတွင်ရောဂါရှာဖွေစမ်းသပ်ပြီး တတ်ကျွမ်းသောပညာရှင်ဆရာဝန်များနှင့်ကုသသင့်ပါတယ်ရှင့်။ စောစီးစွာမကုသပါက ကိုယ်တွင်းကလီစာများကို ဆိုးရွားစွာထိခိုက်ပျက်စီးစေနိုင်သောကြောင့် မပေါ့ဆကြရန် အကြံပေးတိုက်တွန်းလိုပါတယ်။
ဒါကြောင့် လူကြီးမင်းတို့အတွက် လိုအပ်နေသောဆေးဝါးများနှင့် Medical supplement များကို Prime Medicine မှာ 100% authentic စစ်စစ် မှန်ကန်သောစျေးများဖြင့်လည်း တိုက်ရိုက်မှာယူနိုင်ပါတယ်ရှင်။ Order confirm ဖြစ်ပါက မှာယူထားသောပစ္စည်းများအား ငွေချေပြီးဆယ်ရက်အတွင်းအရောက်ပို့ပေးပါတယ်ရှင်။ မရောက်ရှိပါက ချေထားသောငွေအပြည့်ပြန်လွှဲပေးပါတယ်ရှင်။ ငွေလွှဲထားသောဖုန်းနံပါတ်ကိုလဲ ဆက်သွယ်စုံစမ်းမေးမြန်းနိုင်ပါတယ်ရှင်။ မှာယူလိုပါက ရုံးချိန် (9:00) မှ (5:00) အတွင်း Page Messenger မှ ဖြစ်စေ အောက်ဖော်ပြပါဖုန်းနံပါတ်မှဖြစ်စေ မှာယူနိုင်ပါတယ်ရှင်။
👉09 752 444 487
👉09 442 885 885
ကျန်းမာရေးဆိုင်ရာ ဗဟုသုတများကိုလဲ ဆက်လက်၍ရေးသားမျှဝေပေးမည် ဖြစ်သောကြောင့် Prime Medicine page ကို Like and follow လေးလုပ်ပေးထားကြပါဦးရှင်။
စာဖတ်သူအားလုံးအန္တရာယ်ကင်းဝေးပြီး ကျန်းမာပျော်ရွှင်သောဘဝကိုပိုင်ဆိုင်နိုင်ကြပါစေရှင်။
