18/01/2026
ခွေးလေးတွေကြောင်လေးတွေမှာ ကာကွယ်ဆေးထိုးဖို့ ဘာကြောင့်အရေးကြီးတာလဲ⁉️
1. အသက်အန္တရာယ်ရှိသောရောဂါများမှ ကာကွယ်ပေးခြင်း
ပထမဆုံးအချက်အနေနဲ့ အသက်အန္တရာယ်ကိုခြိမ်းခြောက်စေနိုင်တဲ့ ပြင်းထန်သော ဗိုင်းရပ်စ် ရောဂါများ (Viral infection) လွယ်လွယ်ကူကူမဖြစ်ပွါးစေရန်အတွက်ဖြစ်ပါတယ်။ Viral infection အများစုသည် ကုသဖို့ဆေးမရှိ ခန္ဓာကိုယ်၏ ကိုယ်ခံအားစနစ် (Immune system) ပေါ် မူတည်တဲ့အတွက် ကာကွယ်ဆေးထိုးရခြင်းဖြစ်ပါတယ်။
ခွေးလေးတွေအတွက်ဆိုလျှင် ရောဂါခြောက်မျိုးစပ်ကာကွယ်ဆေး (6in1 Vaccine) ဒါမှမဟုတ် ရောဂါငါးမျိုးစပ်ကာကွယ်ဆေး (5in1 Vaccine) , ခွေးကူးပြန်ရောဂါကာကွယ်ဆေး (ARV Vaccine) အစရှိသဖြင့် နှစ်စဥ်ပုံမှန်ထိုးနှံပေးရပါမယ်။
ကြောင်လေးတွေအတွက်ဆိုလျှင် ရောဂါသုံးမျိုးစပ်ကာကွယ်ဆေး (3in1 Vaccine) ဒါမှမဟုတ် ရောဂါလေးမျိုးစပ်ကာကွယ်ဆေး (4in1 Vaccine), ခွေးရူးပြန်ရောဂါကာကွယ်ဆေး (ARV vaccine) အစရှိသဖြင့်ပုံမှန်ထိုးနှံပေးရပါမယ်။
2. လူသို့ကူးစက်စေနိုင်သော ရောဂါများအား ကာကွယ်ပေးခြင်း (Zoonotic diseases)
အထူးသဖြင့် ခွေးရူးပြန်ရောဂါနှင့် Leptospirosis ရောဂါတို့သည် လူကိုကူးစက်တတ်သောရောဂါများဖြစ်သည့်အတွက် တိလေးတွေကိုကာကွယ်ဆေးထိုးထားမှသာ မိသားစုဝင်တွေအတွက် ဘေးကင်းစေပါမယ်။
3. ကုသစရိတ်သက်သာခြင်း
ရောဂါဖြစ်မှဆေးရုံတင်ကုသစရိတ်သည် ကာကွယ်ဆေးထိုးသည့် ကုန်ကျစရိတ်ထက်များစွာကုန်ကျပါတယ်။ ကြိုတင်ကာကွယ်ခြင်းကဘစိတ်ချရသလို ပိုမိုငွေကြေးကုန်ကျလဲ သက်သာစေပါတယ်။
4. စည်းကမ်းသတ်မှတ်ချက်များ
မိမိတို့တိလေးတွေကို နိုင်ငံရပ်ခြားခေါ်သွားရင်လဲ ကာကွယ်ဆေးထိုးထားကြောင်းလက်မှတ် (Vaccine certificate) ရှိမှသာ ခေါ်သွားလို့ရပါတယ်။ တချို့သောနေရာများ (Pet clinic , Pet hotel) တွေမှာ ကာကွယ်ဆေးထိုးထားမှ လက်ခံတာတွေရှိပါတယ်။
📌အိမ်မှာပဲမွေးပြီး အပြင်မလွှတ်တဲ့ တိကလေးများကိုလဲ ကာကွယ်ဆေးထိုးပေးဖို့လိုအပ်ပါတယ်။ ဘာကြောင့်လဲဆိုရင် အပြင်ကပြန်လာတဲ့ ပိုင်ရှင်ရဲ့ ဖိနပ် အဝတ်အစားအသုံးအဆောင်ပစ္စည်း ထိတွေ့မှု စသည်တို့မှလဲ ရောဂါကူးစက်နိုင်ပါတယ်။
မိမိတို့ရဲ့ မိသားစုဝင်တိလေးတွေကို အမှန်တကယ်
ချစ်ခင်မြတ်နိုးပါက ကာကွယ်ဆေးမဖြစ်မနေထိုးထားကြဖို့တိုက်တွန်းချင်ပါတယ်။
