25/09/2025
မိမိရဲ့ ကလေးကို ဆယ်ကျော်သက်အရွယ်ကတည်းက နိုင်ငံခြားမှာ ကျောင်းသွားတက်ခိုင်းစေချင်တဲ့ မိဘများအတွက် 🇲🇲🎓🦾
လူငယ်တွေလည်း ဒီ အချက် ၁၀ ချက်ကို သေချာ ပြင်ဆင်ပါ။ ပြည်ပမှာ ကျောင်း/တက္ကသိုလ်သွားတက်ဖို့ မိဘထောက်ပံ့မှုနဲ့ပဲ သွားသွား၊ scholarship နဲ့ပဲ သွားသွား ဒီ ၁၀ ချက်ကို ကြိုပြင်ပါ။
✅ Good Health and Sports
ကျန်းမာရေးကို ကောင်းအောင်ဂရုစိုက်ပါ။ ချုချာနေရင် ပြည်ပမှာ အဆင်မပြေပါဘူး။ ကစားခုန်စား သေချာလုပ်ပါ။ ကိုယ့်ရဲ့ physical strength ရော၊ social circle ကျယ်လာဖို့ရော sports က အရေးကြီးပါတယ်။ sports ကနေ သင်ယူနိုင်တဲ့ life skills တွေ အများကြီးရှိပါတယ်။ တွေ့သမျှ အားကစား လိုက်လုပ်စရာမလိုပါဘူး။ တကယ် ဝါသနာပါတဲ့ အားကစားကို ထူးချွန်အောင်လုပ်ပါ။ ကျောင်းဝင်ခွင့်နဲ့ scholarship ရဖို့ အထိ ကိုယ့်ရဲ့ student profile ကို အကူအညီအများကြီး ဖြစ်စေပါတယ်။
✅ Common Sense and Learning Spirit
သိမြင်လွယ်ဖို့ အကင်းပါးဖို့ ဘက်မျှအောင်တွေးတတ်ဖို့ လိုတယ်။ ဆက်စပ်တွေးခေါ်နိုင်စွမ်း
ရှိအောင် ၊ နေရာ အသစ် လူအသစ် ပတ်ဝန်းကျင်အသစ်မှာ ကိုယ်နဲ့ မရင်းနှီး မကျွမ်းဝင်တဲ့ အရာတွေ တွေ့လာကြုံလာရင်လည်း စိုးရိမ်မနေဘဲ သက်တောင့်သက်သာ ပျော်ပျော်ရွှင်ရွှင် သင်ယူလိုစိတ်ရှိအောင် ရေခံမြေခံ အသစ်မှာ flexible and adaptable ဖြစ်အောင် ပျိုးထောင်ပေးထားသင့်ပါတယ်။
✅ Respect and Gratitude
လူငယ်တွေ အနေနဲ့ လေးစားမှုရှိဖို့၊ မရိုင်းပျ မမောက်မာဖို့ သင်ထားဖို့ လိုပါတယ်။ ကိုယ့် အပေါ် ကျေးဇူးရှိရင် သေချာ ကျေးဇူးတင်တတ်ဖို့ လည်း သင်ကြားပေးထားသင့်ပါတယ်။ မသင့်တော်တဲ့ ယဉ်ကျေးမှုတွေ ကိုယ့်ကလေးပေါ် လွှမ်းမိုးမခံပါနဲ့။ ပြောရဲ ဆိုရဲ ရှိတာ၊ မကြောက်တတ်တာနဲ့ အချင်းချင်း သော်လည်းကောင်း လူကြီးသူမနဲ့ ပြောဆိူဆက်ဆံရာမှာလည်းကောင်း မောက်မာရိုင်းပျတာ တခြားစီ ဖြစ်ပါတယ်။ ကိုယ်အမူအရာ နှုတ်အမူအရာ သိမ်မွေ့ယဉ်ကျေးပြီး ကျေးဇူးတရားသိတတ်သူ တွေ ဖြစ်အောင် ငယ်စဉ်ကတည်းက သင်ပေးထားသင့်ပါတယ်။
✅ Emotional and Anger Management
စိတ်ခံစားလွယ်တာ နဲ့ ဒေါသဖြစ်လွယ်တာ၊ စိတ်မထိန်းနိုင်ဘဲ ရုတ်တရက် တုံ့ပြန်တတ်တာမျိူးတွေ မဖြစ်အောင်လည်း train ထားသင့်ပါတယ်။ ပြည်ပမှာ လူပေါင်းစုံနဲ့ သွားတွေ့ဆုံ ပေါင်းသင်းရမယ့် ကျောင်းပတ်ဝန်းကျင်တစ်ခုမှာ ဒီ အချက်က အရေးကြီးတဲ့ တစ်ချက်ဖြစ်ပါတယ်။
✅ Resilience
လွယ်လွယ်လက်မလျှော့ဘဲ ဖြစ်ပေါ်လာတဲ့ အခြေအနေမှာ အကောင်းဆုံးကို ဇွဲရှိရှိ တစိုက်မတ်မတ်ဆောင်ရွက် တတ်တဲ့ ကြံ့ကြံ့ခံတဲ့ စိတ်နေစိတ်ထားမျိုးရှိအောင်လည်း train ထားပါ။
ငယ်ငယ်ကတည်းက သူ့အရွယ်နဲ့ တန်တဲ့ challenge တွေ သူ့ဘာသာ ဖြတ်သန်းတတ်အောင် သင်ယူတတ်အောင် train ထားပါ။ တစ်ခါတစ်လေ နာကျင်ပါစေ၊ ပြိုလဲပါစေ၊ လွှတ်ပေးထားပါ။ အရမ်းကြီး ဖူးဖူးမမှုတ်ထားပါနဲ့၊ သူ့ဘာသာ လဲနေရာကနေ ပြန်ထတတ်အောင် သင်ယူသွားပါလိမ့်မယ်။
✅ Academic and Digital Skills
စာတော်ဖို့ အရေးကြီးပါတယ်။ ဘာသာရပ်တွေကို နည်းလမ်းအမှားတွေ သုံးပြီး မလေ့လာမိအောင် ထိန်းကျောင်းပါ။ ဘာသာရပ်တွေမှာ ပျမ်းမျှ အမှတ်တွေ ညီနေအောင် ကောင်းနေအောင် ဂရုစိုက်ခိုင်းပါ။ အမှတ်ကောင်းရင် တက္ကသိုလ်ကောင်းကောင်း scholarship ကောင်းကောင်းရဖို့ တပန်းသာပါတယ်။
လက်ရှိ ခေတ်ပေါ် digital tools, gadgets and platforms တွေနဲ့လည်း အကျွမ်းတဝင်ရှိဖို့ လိုပါတယ် ။ ဒါက ကိူယ့်ရဲ့ကျောင်းသားဘဝမှာ student life အတွက်သာမက social life အတွက်ပါ အသုံးဝင်ပါတယ်။
✅ Social Skills (Networking)
အပေါင်းအသင်း ကောင်းကောင်း ရွေးပေါင်းတတ်အောင် ၊ ကိုယ်ကလည်း အပြန်အလှန် ခင်မင်လေးစားမှု အကူအညီပေးမှုနဲ့ တကယ့် physical world မှာ best friends တွေ ရအောင် ပျိုးထောင်ပေးပါ။
ကောင်းတဲ့ အမူအကျင့်တွေ စိတ်နေစိတ်ထားတွေ ကူးစက်ဖလှယ်နိုင်မယ့် ဝန်းကျင်တွေကို ပို့ပေးပါ။
သူစိမ်းတွေနဲ့ ပြောဆိုဆက်ဆံတတ်အောင်၊ လူကြီးသူမ ဆရာဆရာမ တွေကို လေးလေးစားစား ဆက်ဆံတတ်အောင် ၊ အယုတ်အလတ်အမြတ်မရွေး မခွဲခြားအောင် သင်ထားပါ။
✅ Survival Skills
ထမင်းဟင်းချက် ပန်းကန်ဆေး အဝတ်လျှော်မီးပူတိုက် အခန်းရှင်း အမှိုက်ပစ် စျေးဝယ် စသဖြင့်သော မိမိတစ်ဦးတည်းနေရင် လုပ်တတ်နေရမယ့် အိမ်မှုကိစ္စများ သင်ထားပါ။ နိုင်ငံခြားမှာ ဘယ်သူမှ ထိုကိစ္စများကို ကိုယ့်အတွက် လာလုပ်မပေးပါ။
✅ Leadership and Team Skills
ဒါကတော့ hard skill and soft skill ဘယ်လိုဖြစ်ဖြစ် ခေါ်လို့ရတဲ့ skill တစ်ခုဖြစ်ပါတယ်။
ကျောင်းဝင်ခွင့်နဲ့ scholarship ရဖို့ အဆုံးအဖြတ်ပေးတာလည်း ဒီ skill တွေဖြစ်ပါတယ်။ လက်တွေ့ ကျောင်းသွားတက်စဉ်မှာလည်း ကျောင်းကိစ္စများတွင်သာမက အားကစားပိုင်း လူမှုဆက်ဆံရေးပိုင်း နဲ့ အခြား extracurricular activities တွေ ဆောင်ရွက်နိုင်စေဖို့လည်း အထူးအရေးကြီးတဲ့ skills တွေ ဖြစ်ပါတယ်။
✅ Time & Logistic Management
နောက်ထပ်အရေးအကြီးဆုံး အနုစိတ်အရည်အချင်းတစ်ခုကတော့ အချိန်ကို သေချာစီမံပြီး အရေးကြီးတာကို သေချာ ဦးစားပေးဆောင်ရွက်တတ်တဲ့ အရည်အချင်းပိုင်းဖြစ်ပါတယ်။ ဒါ့အပြင် ကိုယ့်ရဲ့ အရေးကြီး ဆောင်ရွက်စရာ ကိစ္စတစ်ခု ရှိလာပြီဆိုရင် လိုအပ်တဲ့ ဆောင်ရွက်စရာ ဝယ်ခြမ်းစရာ ကြိုတင်စီစဉ်စရာ ကိစ္စတွေကို သေချာ တွက်ချက်ပြင်ဆင်တတ်တဲ့ အရည်အချင်းလိုပါတယ်။ ဒါဟာ နိုင်ငံခြားမှာ တစ်ယောက်တည်းဖြစ်စေ အများနဲ့ ဖြစ်စေ ခရီးသွားလာခြင်း၊ ပွဲလမ်းသဘင်များ စီစဉ်ခြင်း အစရှိသဖြင့် ကိစ္စရပ်တွေ အောင်မြင်စွာ ပါဝင်ကူညီနိုင်ဖို့ အထူး အရေးကြီးပါတယ်။
နိဂုံးချုပ် အကြံပေးချင်တာကတော့ မိဘတွေ ကိုယ့်သားသမီးကို သေချာပြင်ဆင်ပေးပါ။ မလောပါနဲ့။ false hope တွေမှာ မမျောပါနဲ့။
နိုင်ငံခြားမှာ ကိုယ့်ကလေးက တစ်ယောက်တည်းရပ်တည်နေထိုင်ရမှာ ဖြစ်ပါတယ်။
၁၃-၁၄ နှစ်ကစလို့ နိုင်ငံခြားပို့ချင်ပြီဆို အခု ပြောတဲ့ အချက်တွေမှာ ကိုယ့်သားသမီးက maturity level ဘယ်လောက်ရှိပြီလဲဆိုတာ အရင်တွေးပါ။
ကျွန်တော်တို့ အခု ရေးချင်ရာ လျှောက်ရေးပြီး အကြံပြုထားတာ မဟုတ်ပါ။
ဒါတွေကို သတိမမူ မပြင်ဆင်ဘဲ လောကြီးပြီး mis- and dis info တွေ false hope တွေ ယုံမိရင်တော့ လူငယ်တွေ အပေါ် မလိုလားအပ်တဲ့ နောက်ဆက်တွဲတွေ ရှိလာပါလိမ့်မယ်။
မြန်မာလူငယ်တွေ အားလုံး ဘေးကင်းပြီး ထက်မြက်ထူးချွန်ကြပါစေ။
Crd
