25/11/2025
БУЛУУНЫ ЯС ЧАНАХ АРГА
❄️Ханиад томуу ихтэй өвлийн улиралд булууны ясны шөлийг хүүхдийнхээ шөл, бантанд хийж өгч дархлааг нь дэмжээрэй.
Булууны ясны шөлийг 6 сартайгаас нь бага багаар өгч эхэлж болно.Яс шүдний ургалт, өсөлт хөгжил, хоолны дуршил, дархлаа гээд олон талын ач тустай.
✅Хүүхдийн шөлтэй хоолонд тал нь ус тал нь булууны шөл байхаар хийнэ.
😊Долоо хоногт 3-4 удаа шөлтэй хоолондоо хийж өгвөл сайн.
Хүүхэд гэлтгүй бид өөрсдийнхөө шөлтэй хоолондоо хийж хэвшвэл сайн шүү дээ. Олон талын ач тустай гэдгийг хүн бүхэн мэдэх биз ээ.
#ЧАНАХ АРГА:
*Булууны ясыг жижиглэж хуваана
*Маш сайн ясаа цэвэрлэж махгүй болгоно
*Хүйтэн усаар угаана
*Ширүүн гал дээр 10 минут буцалгана
*Усаа асгаад ясаа хөргөж ясанд үлдсэн бүлх, мах зэргийг маш сайн цэвэрлэнэ.
*Цэвэрлэсэн ясаа зөөлөн галаар 6-с дээш цаг буцалгана
*Хүүхдэд өгөх бол 6 цаг буцалгана.
*Шөлөө хөргөөд ясаа шүүж авна. Ясаа хөлдөөгөөд дараа нь дахин дахин чанах боломжтой.
*Хөрсөн шөлөө хэвэнд хийж хөлдөөгөөд хэрэглэнээ. Шөлний доор ясны жижиг үүрмэг үлддэг тул үлдсэн үүрмэг хэсгийг хаяах хэрэгтэй.
🥄Шөлөн дээр тунарсан тосыг хамаж аваад дараа нь хуурга, цуйван, хуушуур хийхдээ ашиглах, хүүхдийн гар хөл тослох зэрэгт ашиглаж болдог.
