Сэтгэл зүйч А.Нандинжаргал

18/05/2026

“Сайн охин уурладаггүй”, “Чи аль хэдийн том болсон, тэвч”, “Чи илүү сайн сурах ёстой”, “Бусад хүмүүс юу гэж хэлэх бол?” гэх мэт үгс нь бага наснаас эхлэн “бусдад хайрлагдаж, хүлээн зөвшөөрөгдөхийн тулд дуулгавартай, эелдэг, бусдын хүлээлтэд нийцэх ёстой” гэсэн дотоод итгэл үнэмшлийг аажмаар төлөвшүүлдэг.
Ингэснээр “би яг хэн бэ?” болон “бусдад хүлээн зөвшөөрөгдөхийн тулд би ямар байх ёстой вэ?” гэсэн хоёр ойлголтын хооронд зөрчил үүсч, энэ нь невротик зөрчилдөөний суурь болдог.

Алдарт сэтгэл засалч Карен Хорни неврозыг түгшүүрийг бууруулах зорилготой хамгаалах стратегиуд гэж тодорхойлсон байдаг. Жишээлбэл, хүүхэд насанд буруу зүйл хийхэд загнуулах эсвэл үл хайхрагдах үед хүүхэд хүүхэд эцэг эхээсээ холбоо тасрах вий, орхигдох вий гэсэн айдас мэдэрч эхэлдэг. Үүний улмаас энэ айдас, түгшүүрийг даван туулахын тулд “бусдад нийцэх, таалагдах” эсвэл “өөрийн хүсэл, хэрэгцээг дарах” зэрэг аргуудыг бий болгодог.

Хүүхэд насанд эдгээр стратеги нь орчиндоо дасан зохицоход тусалдаг ч насанд хүрсэн хойноо өөртэйгөө харилцах холбоо сулрах, өөрийн хэрэгцээ үл анзаарах, дотоод хоосрол мэдрэгдэх, түгшүүр нэмэгдэх зэрэг хүндрэлд хүргэж болзошгүй байдаг.

🔻 Доорх хэсэгт невротик зөрчил хэрхэн үүсдэг, ямар хэлбэрээр илэрдэг талаар авч үзье 🌱

14/05/2026

💭Зарим үед бидний тархи хэзээ зогсохоо мэдэхгүй нэг л зүйлийн талаар дахин дахин бодсоор байдаг. Үүнийг сэтгэл судлалд руминаци гэж нэрлэдэг. Энэ нь сэтгэл түгшээсэн эсвэл таагүй бодолд гацаж, түүнийг олон удаа эргэцүүлэн бодсоор байх үзэгдэл юм. Ийм үед тухайн асуудлыг шийдэхийн оронд эсрэгээрээ нэг л бодол тойрон эргэлдэж, сэтгэл улам түгшиж эхэлдэг. Яагаад ийм байдал үүсдэг, хэрхэн илэрдэг, мөн түүнээс гарах арга замуудын талаар хүргэж байна 🌱
Сэтгэл зүйн зөвлөгөөний цаг авах бол фб пэйжийн чатаар холбогдон цагаа урьдчилан авах боломжтой 🧡


#сэтгэлзүйнэрүүлмэнд

11/05/2026

Хүнд хэцүү, төвөгтэй сэтгэл хөдлөл мэдрэмжүүд нь бидний чухал хэрэгцээнүүд хоорондоо зөрчилдөж байгааг илтгэдэг дохио юм. Иймд сэтгэл хөдлөлөө яагаад ойлгож, анзаарч мэдрэх нь чухал талаар хүргэж байна 🧡

Сэтгэл хөдлөл бүрийн цаана ямар учир шалтгаан, хэрэгцээнүүд байгааг ойлгож ухамсарлахад сэтгэл зүйчийн тусламж, дэмжлэг болон чиглүүлэг маш чухал үүрэгтэй байдаг 🌱

#СэтгэлХөдлөл #сэтгэлсудлал #сэтгэлзүй #сэтгэлзүйнэрүүлмэнд

11/05/2026

СЭТГЭЛ ЗҮЙЧИЙН ГУНИГ
Миний мэргэжил одоохондоо монголд сонин байна, содон ч байна. Хол ойроос танил, найзууд, хамаатнууд, ажил хэргийн холбоотой хүмүүс утас цохиж өөртөө эсвэл хэн нэгэнд зөвлөгөө өгөхийг, ямар нэгэн шийдвэрт нь туслахыг хүсдэг. Харин миний хариулт дэндүү “гунигтай” тэр нь “Би тусалж чадахгүй” гэдэг үг юм.
Сэтгэл судлалаар оюутан болоход “яагаад энэ мэргэжлийг сонгосон бэ? “ гэж асуухад “бусдад, өөртөө хайртай хүмүүстээ туслах гэж “ хариулдаг. Гэтэл төгсөж гараад практик дээр өөртөө болон дотно хүмүүстээ туслах гэдэг бол бидний толгойдоо бодчихсон “домог” гэдгийг ойлгодог.
Ямар ч ажил хийж байгаа хүн мэргэжлээ, албан тушаалаа ашиглаад ойр дотныхондоо тус хүргэж болдог. Гэтэл сэтгэл зүйч байхын гуниг нь ойр дотно байх тусам зөвлөгөө өгөх, туслах боломжгүй байдаг. Яагаад гэж үү? Яагаад гэхээр та сэтгэл зүйч гэдэг мэргэжилтнийг биш охин хүү ах эгч дүү хамтрагч үйлчлүүлэгч гэдэг дүрээр нь тэр хүнтэй анх учирсан тул таньд сэтгэл зүйн зөвлөгөө өгөх мэргэжилтний байр суурь “хүч чадлаа” алдсан байдаг. Энэ нь сэтгэл зүйч ухаантай цэцэн мэргэн “дүрд тоглодог” гэсэн үг биш. Харин аль хэдийн хувийн харилцаа аль алинд нь ямар нэгэн хандлага тогтчихдог гэсэн үг юм.
Мөн таныг үйлчлүүлэгчээ гэж харах боломж тэр хүнд үлдээгүй учир сэтгэл зүйчийн байр сууринд байж зөвлөгөө өгч үр дүн гарахгүй. Эсэргээрээ энэ тохиолдолд энэ нь аль алинд нь хохиролтой: ийм зөвлөгөө нь үр дүнгүй байдаг тул сэтгэл зүйч өөртөө итгэх итгэлээ алдаж, гэмтэж болзошгүй тул цаашдаа мэргэжлээсээ халширах байдалд их ордог. Харин “зөвлөгөө авсан үйлчлүүлэгч” үр дүнгүй байдалд мөн л урам нь хугарч асуудал улам хүндэрч магадгүй болдог.
“Загасчны морь усгүй гэж чи сэтгэл зүйч байж … “ гэдэг үгийг хаширтлаа сонсдог энэ мэргэжлийг эзэмшсэн хүмүүс.
Тийм ээ тусламж хэрэгтэйг харсаар байгаад л хажуу хавийхандаа тусалж чадахгүй байх гунигтай…

4 жилийн өмнөх бичвэрээ тэр чигээр нь нийтэллээ.

…

10/05/2026

Та сэтгэл зүйн үйлчилгээ авч үзсэн үү?
Сэтгэл зүйн зөвлөгөө, засал үнэндээ ийм байдаг.

Ихэнх хүмүүс сэтгэл зүйн зөвлөгөөнд ирэхдээ сэтгэл судлаач тэдэнд "шууд зааварчилгаа өгөх, заах, удирдах" гэсэн хүлээлттэй үйлчилгээ хүсдэг.

Сэтгэл зүйн зөвлөгөө бол та чиглүүлэгчтэйгээр өөрийн дотоод ертөнцөөр аялж, аялалын турш баяртай, гунигтай олон мэдрэмжийг мэдэрч эцэст нь цаашид ганцаар туулах зөв арга замыг олсноор сэтгэл зүйчийн чиглүүлэх ажил дуусдаг.

Сэтгэл зүйн зөвлөгөө бол урт хугацаандаа таны амьдралын чанарт бодит эерэг нөлөөг үзүүлж байдаг.

Тиймээс сэтгэл зүйн тулгамдсан асуудал (түгшүүр, гутрал, уур уцаар, уй гашуу, сэтгэлийн шарх, төөрөгдөл тодорхойгүй байдал, салалтын дараах асуудал, осол гэмтлийн дараах асуудал, донтох асуудал, дарамт, хүнд өвчнийг даван туулагч, бусад сэтгэл зүйн хэрэгцээнүүд) танд байгаа бол сэтгэлээ хэнд ч хамаагүй уудлах биш, ганц шил архи уугаад уйлах биш мэргэжлийн хүний аюулгүй, сэтгэл зүйн хувьд хамгаалагдсан орчинд энэ бүхнээ даван туулах нь хамгийн сайн эмчилгээ юм шүү.

Сэтгэл зүйч бол таны сэтгэлд эмчилгээ хийж буй эмч лугаа сэтгэлийг тань засдаг засалч, таны дотоод ертөнцийг чиглүүлдэг таны сэтгэлийн хөтөч байдаг.

Хүн бүрт бүх сэтгэл судлаач нар таалагдах албагүй, бас сэтгэл судлаачдын зөвлөгөө өгч буй хэв маяг эхний уулзалтаараа л таны сэтгэлийг хөдөлгөж, уйлуулах ч юмуу таны гайхшруулах үүрэгтэй биш байдаг шүү.

Баярлалаа,
Б.Эдү 2026.05.08

09/05/2026

Сэтгэл засалч Моше Ратсон: "Эдгэрэл гэдэг нь айдас шаналалуудаасаа өөрийгөө чөлөөлж, илүү сэтгэл хангалуун амьдрахыг өөртөө зөвшөөрөх явц юм".

Сэтгэл зүйн хувьд эдгэрч, өсөн хөгжиж буйг илтгэх 10 шинж:

1️⃣Хүчтэй бухимдахгүйгээр сэтгэл хөдлөлөө илэрхийлж эхэлнэ. Сэтгэл хөдлөлүүд урьд нь хүчтэй гэнэтийн хариу үйлдлийг хийхэд хүргэдэг байсан бол харин одоо тэдгээрийг хүлээн зөвшөөрснөөр илүү хянах боломжтой болно.

2️⃣Өөртөө илүү уян хатан, зөөлөн хандах байдал илэрнэ. Эдгэрэл нь өөртөө хандах хатуу ширүүн шүүмжлэлийг уян зөөлөн байдал руу хувиргадаг.

3️⃣Хил хязгаарыг бий болгож, тогтооно. Зохисгүй, зүй бус, тэнцвэргүй харилцаанаас болж та шаналдаг байсан бол энэ нь өөрчлөгдөнө. Та өөрийн болон бусдын хариуцлагын хувь хэсгийн хил заагийг тов тодорхой ялгахад суралцана.

4️⃣Тухгүй байдлыг мэдэрсэн тухтай байж чадна. Эдгэрэл нь өөрийн айдастайгаа нүүр тулахыг шаарддаг. Та цаашид энэ бүхнээ аюул занал байдлаар хүлээж авахаа болино.

5️⃣Өөрийн үнэ цэнт байдлаа батлан харуулах гэж хэт хичээх шаардлагагүй болно. Дотоод үнэ цэнийн мэдрэмж нэмэгдсэнээр бусдын үнэлэмжээс шууд шалтгаалах байдал, өөрийгөө "хүчирхэг" болгон харагдуулах гэсэн цуцашгүй оролдлогууд ч эрс буурна.

6️⃣Хариу үйлдэл чинь хүчтэй цочмог бус харин илүү хүлээцтэй ухаалаг болно. Зөрчилдөөнийг хурцатгах өдөөгч хүчин зүйлсүүд суларч, давтамж нь багасаж, удирдан хянах, үр дүнтэй шийдэлд төвлөрөх боломжтой болно.

7️⃣Өөрийгөө болон бусдыг уучилж сурна. Өөрийгөө буруутгах буруутгал, өөрийн төгс бус байдлын мэдрэмж, бусдад гомдсон гомдлуудаасаа өөрийгөө чөлөөлөхөд та суралцах болно.

8️⃣Баяр хөөр, талархлыг илүү мэдэрч эхэлнэ. Шаналалын сүүдэрт баяр хөөр дарагдан хүч нь сулардаг. Харин сэтгэл зүйн хувьд өсөн хөгжих тусам өдөр тутмын жижигхэн үйлдлүүдээс ч хүртэл гүн гүнзгий сэтгэл ханамжийг авч эхэлдэг.

9️⃣Сорилтуудыг өсөн хөгжих боломж гэж харна. Та саад бартаа, бүтэлгүйтлийг биш, харин гагцхүү өсөн хөгжих боломжуудыг л харна. Дотоод хөгжил нь хэцүү зүйл ч гэсэн даван гарснаар эцэстээ ухаалаг мэргэн байдал, уян хатан хүчирхэг байдлыг авчирдаг гэдгийг танд ухааруулна.

🔟Эрүүл саруул, сайн сайхан байдалд цаг хугацаа, хичээл зүтгэлээ зориулна. Та сэтгэл зүйн хувьд өсөн хөгжих тусам улам илүү эрүүл зохистой хувь хүн, хань ижил, эцэг эх, найз, нийгмийн идэвхтэй гишүүн болж, бусад хүмүүс ч гэсэн таниас урам зориг аван суралцаж байгааг анзаарах болно.

#ХУВЬ #хүнтэй #Хосууд #Нөхөр #Эхнэр #Сэтгэлзүйн #ЭрүүлМэнд #ӨсөлтХөгжил #Эдгэрэл #илааршил #сэтгэлхөдлөлийн #өсөлт #Хөгжил #төлөвшил #өөрчлөлт #сайжрал #өдөртутам #Амьдрал #баярхөөр #сэтгэлханамж #ТАЛАРХАЛ #урамзориг #ХҮСЭЛ #Мөрөөдөл

06/05/2026

Харилцаанд бид ихэвчлэн нэг ижил хэв загварыг давтах хандлагатай байдаг. Жишээ нь хэн нэгэнтэй ойртож дотносох үед хаягдаж, орхигдох вий гэж түгших, эсвэл хайрын баталгааг үргэлж хайх эсвэл ойр дотно байдал мэдрэх үед зайлсхийх гэ мэт.
Сэтгэл зүйн зөвлөгөөнд хамрагдсанаар өөрийн ээнэгшлээ таниж мэдэн, давтагддаг сценари/хэв загвараа алхам алхамаар өөрчлөх боломжтой юм. Сэтгэл зүйчтэй ажиллах нь өөрийгөө үнэлэх үнэлэмжийг бэхжүүлэх, хувийн хил хязгаарыг тогтоох, хаягдах орхигдох айдсыг даван туулах, мөн бие даасан, эрүүл харилцааг бий болгоход туслах боломжтой юм 🌱
#ээнэгшил

04/05/2026

Сэтгэл зүйн талаас тууштай байдал нь хүн зорилгоо орхилгүй, саад бэрхшээл тулгарсан ч тогтвортой үргэлжлүүлэн хичээх чадвар юм.
Өөрөөр хэлбэл, түр зуурын сэтгэл хөдлөлд авталгүй, зорилгодоо үнэнч байхыг хэлнэ.

04/05/2026

Яагаад найзын зөвлөгөө зөв мэт боловч бодит байдал дээр үр дүн багатай байдаг вэ?

👯Найзууд бол бидэнд санаа тавьж, ойлгож хүлээн авч мөн туслахад хэзээд бэлэн байдаг хүмүүс билээ. Гэвч бидэнд өгч буй зөвлөгөө нь зөв мэт санагдах ч түүнийг амьдрал дээр хэрэгжүүлэх болон бодит өөрчлөлт хийхийн хооронд маш их ялгаа байдаг.

Хүн өөрт тулгараад буй асуудал бэрхшээлийнхээ цаад учир шалтгааныг ойлгож, даван гарах арга замуудыг олохын тулд зөвхөн өөрт тохирох аргыг бий болгох нь чухал байдаг. Иймээс өөрийгөө илүү сайн ойлгох, асуудлын мөн чанарын танихад сэтгэл зүйчтэй уулзаж ярилцах хамгийн тохиромжтой аргуудын нэг юм. Хэрвээ та сэтгэл зүйн зөвлөгөөний цаг авахыг хүсвэл фб пэйжийн чатаар холбогдон цаг авах боломжтой 🌱

02/05/2026

https://youtube.com/watch?v=NyIne4rOuEw&si=0dgr-4zK_QwS1Kc7

Тархины халаас подкаст 99 | Сэтгэл зүйч үү? Найз уу?

27/04/2026

Заримдаа бид аз жаргал, баяр баясалаас илүүтэйгээр өвдөлт, сэтгэлийн шаналал авчирдаг харилцаанд үлдэх шийдвэрийг гаргадаг. Тэгвэл яагаад энэ харилцаанд үлддэг вэ, үүний цаад учир шалгаан юу вэ гэдэг талаар хүргэж байна. 🌱

#сэтгэлзасал #сэтгэлсудлал #сэтгэлзүйнэрүүлмэнд