20/04/2025
Замын хөдөлгөөнд зам тавьж өгөөгүйгээс болж маргалдсан хэргээс болоод 13 жилийн дараа шоронгоос суллагдсан нэгэн: 2008 онд зам тавьж өгөөгүйгээс үүдэлтэй маргаан болж, нөгөө хүн нарийн мод барьж ойртон ирсэн бол, би төмөр барьж машинаасаа буугаад, бухимдсандаа тэр хүний толгой руу цохисон. Үүний улмаас нөгөө хүн 8 цагийн дараа нас баржээ. Тэр үед хэрүүл өдөхгүйгээр зүгээр замаа хөөсөн бол, 2 сарын дараа хэн нэг нь надаас: Чи хоёр сарын өмнө зам дээр ийм маргаан хийж байсан уу гэж асуусан бол би бүр санах ч үгүй байх байсан.
Огтхон ч ой тойнд орохгүй нэг жижигхэн зүйлээс болоод 13 жилийг 4 хананы дунд тарчилж амьдралаа үрсэн. Тэр өдөр, тэр явдлаас 2-хон цагийн өмнө цэцэрлэгт хүргэж өгсөн хүү маань өнөөдөр их сургуульд сурч байна. Харин би түүний хамгийн гоё насанд, хамгийн их хамт байх хэрэгтэй байсан үед нэгхэн мөчийн уур хилэнгээс болоод төмөр хаалганы цаана амьдралынхаа он жилүүдийг алдсан. Мөнгө ч үгүй байсан болохоор эхнэр хүүхдээ ядууралд хүргэсэн. Одоо ч эдийн засгийн хүнд байдалд байна, ажил ч олдохгүй байна. Тиймээс эрх чөлөөг тань булааж мэдэх ямар ч зүйлээс хол байгаарай.
Хэрвээ муу зүйлтэй тулгарсан бол хуулийн замаар шийдэхийг хичээгээрэй. Энэ богинохон амьдралыг шоронгийн цонхны цаана үрж болохгүй. Хэрэв хэн нэгэн алдаа хийж байвал хийж л байг, таны зодоон энэ нийгмийн соёлыг өөрчлөхгүй. Замын хөдөлгөөнд өдөр бүр хүн зодож болох ч магадгүй та өөрөө ч хохирч болно.
Зам дээр хэнтэй ч битгий муудалцаж маргаарай. Энэ нь зодолдох уу, айх уу гэдэг асуудал биш, харин эцсийн дүн нь амьдралд хохирол учруулах магадлалтай. Гэртээ харих, үр хүүхэд, эцэг эх, эхнэрээ тэвэрч үнсэх эрх чөлөө, амьд байхын жаргал нь зам дээрх “миний зөв байсан” гэх мэдрэмжээс хамаагүй илүү үнэ цэнэтэй. Инээмсэглээрэй, тэгвэл амьдрал ч танд инээмсэглэнэ.
