Дуудлагын хүүхдийн эмч, сувилагч

15/03/2024

Одоогоор дуудлагын үйлчилгээ эхлэх болоогүй тул та бүхэн эмнэлгээр үйлчлүүлээрэй. Дуудлагын үйлчилгээ эхлэх үед албан ёсоор мэдээлэл оруулах болно.

25/07/2023

08/06/2023

ХАРШИЛ Ч ЮМ ШИГ, ХАНИАД Ч ЮМ ШИГ …🤔

Та болон таны хүүхдүүд ханиалгасаар л байна уу?
Шөнө унтаж чадахгүй бөгшүүлж ханиалгадаг хэрнээ өдөр нь зүгээр ч юм шиг.

Сүүлийн жилүүдэд ХҮҮХЭД ТОМ Хүн гэлтгүй уушгины архаг бөглөршилт өвчнүүд ихсэж байгаа байдал ихээхэн ажиглагдах болсон. Яг үнэндээ харшил ч биш халдвар ч биш таны уушгинд явагдсан архаг бөглөршилт өөрчлөлт юм.

Ямар ч эм хэрэглэсэн намдахгүй байх тохиолдол хүн бүрт ихэссэн. Агаарын бохидол, халдварт өвчнүүд, орчны бохирдол, амьдралын хэв маяг биднийг үнэхээр эрүүл мэндээр аажим аажмаар хохироосоор байгаагийн нэг илрэл.

14 хоногоос дээш удаан хугацаагаар ханиалгаж байгаа бол мэргэжлийн эмчид эрт хандаж халдвар, харшил аль нь болох, ямар эмчилгээг яаж эхлүүлэх, хэзээ эхлэх, яаж хэрэглэх, ямар дэглэм баримтлах талаар нарийн мэдээлэлтэй болох хэрэгтэй. Тэгж байж та дараа нь зөв цагт, зөв эмчилгээг хийж чадна.

Өөрсдөө дур мэдэн ханиадны сиропуудыг ээлж дарааллан сольж уудаг байдал өвчнийг улам бүр удаан явцтай болгож өөрчилж байна.
Эмийн санчид ч гэсэн харсан ч хараагүй мэдсэн ч мэдээгүй мэт эмнүүдээ зардаг байдлаа өөрчлөн үзүүлж зөвлөгөө авахыг зөвлөдөг болмоор.

#цэртэйханиалга #дусалсудастариа #хүүхдийнханиалга #харшил #уушгины #бөглөршилтөвчин #астма #хүүхдийнэмнэлэг #хүүхдийнхаршил #удаанханиалгах #өдрийнэмчилгээ #уянзүү #ХүүхдийнЭмч #ХүүхдийнСувилагч

02/05/2023

ХҮҮХДЭД ХОРДЛОГЫН ШИНЖ ХЭРХЭН ИЛРЭХ ВЭ?
Хүүхдэд янз бүрийн байдлаар ХОРДЛОГЫН шинжүүд илэрдэг. Олон хоног халуурах, янз бүрийн халдварт өвчнөөр өвчлөх, ямар нэгэн зүйлд хордох, бид үрэвслийн ямар нэгэн голомт байх, шөнө унтаж байхдаа үл мэдэг олон хоног халуурах, хангалттай хоол ундгүй байлгах зэрэг шалтгаанаас болдог боловч Хүмүүс ихэвчлэн анзаарахгүй байлгасаар байгаад хордлогын байдлыг нь гүнзгийрүүлчихдэг. Тэгвэл хэрхэн эрт мэдэх вэ?
1. Хүүхэд тань хоолонд дургуй болж эхэлдэг. Хэвийн иддэг хоолоо идэхгүй дургуйцэх уцаарлах байдал гаргана.
2. Царай цайвар цонхигор болж, уруулын өнгө УЛААН тод өнгөтэй болсон байна. Хэлний өнгө ч мөн адил өөрчлөгдөж, хуурайшсан, өнгөртэй болсон ажиглагдана.
3. Хөдөлгөөний идэвх багасна. Хэвийн үед үсэрч харайж ядрахаа мэдэхгүй тоглодог хүүхэд аль болох хэвтэх гэнэ, унтах гэнэ. Тэврүүлэх гэж уйлагнана, юу хүсээд байгаа нь мэдэгдэхгүй уйлагнаж зовуурилна.
4. Шээсний гарц багассан байдал ажиглагдана. Хүүхдийн арьс хуурайшиж хатаж эхэлдэг. Мөн уйлах үед нулимс гарахгүй байх хүртэл шинж илэрч болно.
5. Хүүхэд унтаарах, унтаад сэрэхгүй байх
6. Хэт цочиромтгой байдал ажиглагдах, уйлах, орилох, сэтгэл санаа өөрчлөгдөх гэх мэт
7. Биеийн арьсан дээр харшил мэт янз бүрийн тууралтууд гарах гэх мэт.
ДЭЭРХ шинжүүдээс хүүхдүүддээ сайн ажиглалт хийгээрэй, олон шинжүүд ажиглагдаж байвал эмнэлэгт яаралтай хандаж шалтгааныг нь тодруулах хэрэгтэй шүү...🙏

#дусалтариаэмчилгээ
#хүүхдийнядаргаа

23/04/2023

ХҮҮХЭД ЯАГААД БӨӨЛЖДӨГ ВЭ?
Бөөлжилт бол ХҮҮХДЭД илэрдэг маш аюултай шинж тэмдэгүүдийн нэг. Тэгвэл яагаад бөөлждөг юм бол? Юунаас болоод бөөлждөг юм бол гэдгийг товчхон тайлбарлая.
БӨӨЛЖИХ Маш олон шалтгаанууд байдаг.
- Үл мэдэг халууралтаас болж бөөлжинө. Хүүхдүүд 37 градустай халууралт мэдэгдэхгүй яваад байдаг. Эцэг эхчүүд анзаардаггүй. Хүүхэд ч өөрөө тоохгүй явсаар, халууралтаар биеийн шингэнээ аажим аажмаар алдсаар, эцэстээ хоолонд дургуй болж, шээсний гарц багасч бөөлжиж эхэлдэг. Тэхээр бөөлжлөө гээд бөөлжилтийн эм бариж гүйхээсээ өмнө эхлээд хүүхдийнхээ халууныг үзээрэй! Үүнийг ихэвчлэн халдвар хордлогын шалтгаанаас болсон гэж үздэг.
- Цэр ихтэй ханиалга, бөгшүүлсэн угсраа хуурай ханиалгын үед бөөлжүүлдэг. Цэр ихтэй үед гуурсан хоолойн бөглөршиж ханиалгасны улмаас огих рефлекс өдөөгдөж ханиалгаж байгаад огиулж бөөлждөг. Тэхээр бөөлжилтийн эм барьж гүйхээсээ өмнө шингэн зүйл уулгах, утлага хийх, ханиалгыг нь намдаах арга хэмжээ эхлээд авна гэсэн үг.
- Хоол боловсруулахын хямралын шалтгаант бөөлжилтүүд элбэг тохиолдоно. Хурц өөх тос ихтэй хоол, хэт их нүүрс ус агуулсан хоол хүнс, удаан шингэцтэй хоол хүнс их хэмжээгээр идэх, халуун тостой хоолны араас хүйтэн зүйл уух гэх мэт...
- Халдварын шалтгаант бөөлжилтүүд: Вирус, Бактерийн шалтгаантай халдварын үед шинж тэмдэг хурц эхлэнэ, гэнэт халуурах, бөөлжилт гэнэт эхэлж олон удаа бөөлжих, хордлогын шинж гүнзгий илэрч хүүхдийн биеийн байдал хурдан муудаж эхлэнэ. Энэ тохиолдолд яаралтай эмнэлэгт хандах хэрэгтэй.
- Нарны хордлогын үед мөн адил бөөлжилт ихэсдэг. Нарны хэт ягаан туяанд хүүхэд тань хордсон гэсэн үг. Мэдрэл хордлогод орж толгой өвдөж, бөөлжилтийн төвийг цочироосноор бөөлжиж эхэлдэг байх нь. Энэ үед хросол амаар бага багаар сайн уулгахаас гадна хэвтрийн дэглэм баримтлана. Бөөлжилт их бол эмнэлэгт хандана гэдгийг анхаараарай.
ТИЙМ Учраас бөөлжилт бүрт бөөлжилтийн эм өгдөггүй, бөөлжилт бүрт хросол уулгаад байдаггүй байх нь ээ...

#дусалтариаэмчилгээ

#бөөлжилт

02/04/2023

ХҮҮХДИЙН ЭМЧИЙН Үзлэг, зөвлөгөөг ТА ЦАХИМААР авах боломжтой боллоо.
Та гэрээсээ гарах боломжгүй, эсвэл алслагдсан газар байгаа бол бидэнтэй цахимаар холбогдож зөвлөгөө авах боломжтой.
Та манай IC Clinic Хүүхдийн эмнэлэг page хуудаст чат бичиж онлайн үзлэгийн цагаа баталгаажуулсны дараа бид танд зааварчилгаа өгөх болно.
Хаяг: Нарны хороолол 27-р байр IC Clinic Хүүхдийн эмнэлэг
Холбоо барих: 7222-8899
Цахимаар ажиллах цагийн хуваарь:
Ажлын өдрүүдэд 09:00 - 24:00
Амралтын өдрүүдэд: 10:00 - 24:00

03/03/2023

ГЭНЭТ ХАНИАЛГАЖ ЦЭЭЖЭЭР ТАНЬ ХӨНДҮҮРЛЭЖ БАЙНА УУ?
Дөнгөж ханиалгаж эхлээд 2-3 хоноод л цээж тань хөндүүр оргиж, цээжин дээр тань ямар нэгэн юмаар дараад байгаа мэт мэдрэмж төрж байна уу? Томуугийн халдварын үед ихэвчлэн хурдан явцтай ийм зовуури илрэх нь элбэг байдаг.
Архаг бронхит, харшил астматай хүмүүст илүү хүнд явцтай явагдах эрсдэлтэй тул эмчид үзүүлж эрт арга хэмжээ авах хэрэгтэй.

#дусалтариаэмчилгээ
#өдрийнэмчилгэээмтариа
#хүүхдийндархлаа

03/03/2023

ГЭНЭТ ЯМАР НЭГ ЗҮЙЛЭЭС ХАРШИЛВАЛ ЯАХ ВЭ?
Харшлын гэнэт илрэх шинж тэмдэг нь гэнэт эхэлдэг онцлогтой байдаг. Ихэвчлэн арьс салст загатнах, улайх, хамар битүүрэх нусгайрах, нулимс гоожих, хоолой сэрвэгнэж ханиалгах, амьсгалахад төвөгтэй болох, цээжин дээр дарж байгаа мэт мэдрэмж төрж бачуурах зэрэг гэнэтийн шинж тэмдгээр илэрдэг.
Ойрхон эмч, эмнэлэг байхгүй тохиолдолд юуг анхаарах вэ?
- Харшилсан байж болох зүйлсээс хурдан холдох.
- Хоол хүнсний зүйлс хэрэглэсэн бол нэмж идэхгүй байх, хэрэглэхгүй байх, бөөлжих боломжтой бол ус ууж бөөлжих
- Арьсанд ямар нэгэн зүйл хүрэлцсэн, түрхсэн бол усаар хурдан угаах
- Ургамлын харшилтай бол нойтон амны хаалт алчуур хэрэглэх
- Ямар нэгэн амьтанд хатгуулсан бол хазуулсан хэсгийг усаар угааж хазсан хэсгийн цусыг тэр хэсэгт шахаж хорыг галагшлуулах
- Хурц үнэртэй, тоосжилттой, ямар нэгэн зүйл үнэрлэсэн бол хурдан байгаа газраа өөрчилж холдох
- Зовуури ихтэй байгаа бол гарын дор харшлын ямар нэгэн эм уухаар байгаа бол хэлэн доороо тавьж уусгаж ууна, хамраараа амьсгалж аль болох тайван байх
- Амьсгалахад төвөгтэй байвал аль болох тайван байж утлаганы аппараттай бол давсны уусмалаар утлага хийнэ.
- Яаралтай эмнэлэгтэй холбогдож зөвлөгөө авч яаралтай тусламж дуудаж эмнэлгийн тусламж авах хэрэгтэй.😎

#дусалтариаэмчилгээ

#Хүүхдийнхоол
#Харшил

03/03/2023

ХҮҮХДИЙН нарийн мэргэжлийн ЭМЧ нарын үзлэг зөвлөгөө, өдрийн эмчилгээг та нэг дороос авах боломжтой.
Хаяг: Нарны хороолол 27-р байр IC Clinic Хүүхдийн эмнэлэг
Холбоо барих: 7222-8899
Цагийн хуваарь: Ажлын өдрүүдэд 09:00 - 21:00
Амралтын өдрүүдэд: 10:00 - 21:00