05/04/2026
🌼 ХАНШ НЭЭХ ӨДӨР ХЭЛЭХ ЕРӨӨЛ, ТАЛАРХАЛ
Ханш нээх энэ гэгээн өдөр хэлсэн үг, бодсон бодол, хийсэн үйл бүхэн онцгой хүчтэй нөлөөтэй гэж үздэг. Тиймээс сэтгэлээ төвлөрүүлж, чин үнэнээсээ дараах урт ерөөл, талархлыг айлдаж болно:
🙏 ЕРӨӨЛ
“Тэнгэр газар ариусан тунгалагшиж,
Тэртээх заяа минь гэрэлтэн нээгдэж,
Ханш нээх энэ гэгээн өдрийн
Хайр, гэрэл, буян хишиг
Миний амьдралд арвин дэлгэрэх болтугай.
Хийморь сүлд минь мандан бадарч,
Хүсэл зорилго минь замдаа саадгүй хүрч,
Сэтгэл санаа минь амар амгалан,
Саруул ухаан минь үргэлж гэгээн байх болтугай.
Өвчин зовлон холуур тойрч,
Өглөг буян минь арвижин дэлгэрч,
Өдөр бүхэн минь утга төгөлдөр,
Өнгө гэрэл дүүрэн байх болтугай.
Алдаа бүхнээ ухааран орхиж,
Ариун сэтгэлээ улам бататгаж,
Атаа хорсол, уур хилэнгээс ангижирч,
Амар тайван, зөв замаар алхах болтугай.”
🌿 ГЭР БҮЛД ЗОРИУЛСАН ЕРӨӨЛ
“Аав ээж, ахан дүүс минь
Амар амгалан, аз жаргалтай оршиж,
Айл гэр минь элбэг хангалуун,
Инээд баяраар бялхаж байх болтугай.
Өвөг дээдсийн буян заяа
Өрх гэрийг минь ивээж,
Үр хүүхэд, ураг төрлийн холбоо
Үүрд бат бэх орших болтугай.
Хол ойрын бүх хүн
Хорвоогийн жаргалыг эдэлж,
Хайр энэрэл дүүрэн амьдрах болтугай.”
✨ ӨӨРТӨӨ ХАНДАЖ ХЭЛЭХ ЕРӨӨЛ
“Би өөрийгөө хүндэтгэж,
Би өөрийгөө хайрлаж,
Сэтгэлдээ гэрэл асааж,
Амьдралдаа зөв замыг сонгох болтугай.
Хүсэл мөрөөдөл минь бодит болж,
Хийж буй бүх үйлс минь бүтэмжтэй байж,
Өдөр бүр ухаарал, өсөлт авчирч,
Өөрийн хамгийн сайн хувилбартаа хүрэх болтугай.”
🙏 ТАЛАРХЛЫН ҮГ
“Энэ хорвоод амьдарч буйдаа талархъя.
Надад өгөгдсөн амьдрал, боломж бүхэнд
Чин сэтгэлээсээ баярлалаа.
Намайг хүрээлсэн хүмүүс,
Надад ирсэн сайн муу бүх үйл явдал
Намайг өсгөж, ухааруулж ирсэнд талархъя.
Өнгөрснийг уучилж,
Өнөөдрийг хүндэтгэж,
Ирээдүйг итгэл дүүрэн угтах болтугай.
Сайн бүхнийг хүлээн авч,
Сайн бүхнийг түгээж,
Сэтгэл дүүрэн, ухаан саруул
Амьдрах болтугай.”
🕯️ ДЭЭЖ ӨРГӨХ ҮЕД ХЭЛЭХ ЕРӨӨЛ
“Дээд тэнгэр минь ивээж,
Дэлхий ээж минь тэтгэж,
Хийморь сүлд минь бадарч,
Хүн зон минь амар амгалан орших болтугай.
Энэ өргөсөн дээж минь
Буян хишиг болон арвижиж,
Эрүүл энх, аз жаргал
Энэхэн амьдралд минь дэлгэрэх болтугай.”
🌿
“Ханш нээх энэ ариун өдөр
Хайр, гэрэл, итгэл, ухаарлыг
Хүн бүрийн зүрхэнд асааж,
Хорвоо дэлхий амар амгалан,
Хүмүүн бүхэн жаргалтай орших болтугай.”
