Poppy

20/05/2025

Бүсгүй хүнийг дотроос нь хамгийн үзэсгэлэнтэй болгодог нандин эрхтнүүд бол өндгөвч, умай, үтрээ юм.
Нандин эрхтнүүд эрүүл байвал дотроосоо гэрэлтэж, эмэгтэй даавар гэж нэрлэдэг эстроген, прогестерон дааврын ялгаралт хэвийн ялгарч, илүү эмэгтэйлэг байх шинж чанарыг бүрдүүлэн, арьс чийглэг, сэвх толбогүй, сэтгэл санаа тогтвортой, сарын тэмдэг тогтвортой болгохоос гадна хүссэн цагтаа хөөрхөн үртэй болох ч амархан болно.
🧐Үтрээ эрүүл байж, умайн хүзүү , умай, өндгөвч эрүүл байх үндэс болдог .
Эмэгтэйчүүдийн үрэвсэлт өвчин хэзээ ч дангаараа тохиолддоггүй. Ихэвчлэн хосолсон байдаг. Өөрөөр хэлбэл үтрээний үрэвсэл, умайн хүзүүний үрэвсэлтэй хавсрах, эсвэл умай, умайн хүзүүний үрэвсэл , өндгөвч, умайн гуурсан хоолойн үрэвсэл хавсрах байдлаар ихэвчлэн тохиолддог.
Учир халдвар эхлээд үтрээ-умайн хүзүү- умай-гуурсан хоолой-өндгөвч гээд өгсөж, үрэвсүүлэн явагддагтай шууд холбоотой.
Эмэгтэйчүүдийн үрэвслийн үед дараах ЗОВУУР ИЛЭРНЭ.
⏳Хэвлийн доод хэсгээр, ууц нуруугаар чилж өвдөх
⏳ Биений юм өвдөлт ихтэй ирэх эсвэл алдагдах
⏳ Биений юм ирэх үед цус өтгөрсөн, нөжирсөн байдалтай байх
⏳ Үтрээнээс янз бүрийн өнгөтэй, үнэр ихтэй зүйл гарах
⏳Үтрээ, бэлэг эрхтэн орчим загатнах, улайх
⏳ Бэлгийн харилцааны үед өвдөлт илрэх
ЭМЧИЛГЭЭ:
Үтрээ, умайн, умайн хүзүү, өндгөвч гээд олон эрхтний үрэвсэлт өвчин байгаа учир тохирох эмчилгээг эмэгтэйчүүдийн эмчид үзүүлж, зөв эмчилгээг 7-14 хоног хийлгээрэй.

Эмчид үзүүлэх завгүй бол та манайд хандан онлайн зөвлөгөө аваарай

10/01/2025

Умайн хүзүүний улайлтын талаар танд асуух зүйл байвал чатаар бичээрэй.

10/01/2025

Сарын тэмдгийн аягыг хэрэглэхдээ юуг анхаарах хэрэгтэй вэ?
Аливаа бэртэл гэмтлээс өөрийгөө хамгаалахын тулд аягыг дотор хийх болон гаргаж авах үед огцом хөдөлгөөн хийлгүйгээр маш болгоомжтой хандах хэрэгтэй. Аягыг зааврын дагуу нугалж үтрээнд байрлуулсны дараа нугалаа нь дэлгэгдэж аяга тогтох болно. Харин гаргаж авахдаа аяган дээр бага зэрэг дарж үтрээнд "наалдсан" хэсгийг суллаж зөөлөн гаргаж авна.
Хэрэглэсний дараа заавал цэвэрлэж, ариутгаж занших хэрэгтэй. Өдрийн турш эмэгтэйчүүдийн зориулалтын саван ашиглан хэрэглэж болно. Харин сарын тэмдэг дууссан бол хлоргексидины уусмалаар ариутгаад хураана.
Хэрэв үтрээн дотор байрлуулсны дараа эхний хэдэн минутад бага зэрэг таагүй мэдрэмж арилахгүй бол өөр хэмжээтэй аяга хэрэглэж үзэх нь зүйтэй.
Тухайн бүтээгдэхүүний сав баглаа болон заавар дээр заагаагүй л бол сарын тэмдгийн аягыг бэлгийн харьцаанд орж байх үед хэрэглэхэд тохиромжгүй.

09/01/2025

Өндгөвчний уйлайнхай
Өндгөвчний уйланхай гэдэг нь өндгөвчин дотор эсвэл гадна талд нь байрласан шингэн зүйлээр дүүрсэн уутанцар хэлбэрийн зүйл юм. Энэ нь өндгөвчний үйл ажиллагааны хямралаас ихэвчлэн үүсдэг. Дараах төрлийн уйланхай байдаг.

1. Өндгөвчний үйл ажиллагаатай холбоотой сарын тэмдгийн явцад үүсдэг уйланхай байх ба энэ уйланхай нь фолликулын болон шар биеийн гэсэн 2 төрөл байдаг. Ихэвчлэн фоликулын уйланхай тохиолдоно. Фоликулын уйланхай нь 2- 2.5 см хэмжээтэй зарим үед үүнээс ч том хэмжээтэй байж болох ба өөрөө аяндаа шимэгдэн алга болдог байна.

2. Дермойд уйланхай

Дермойд уйланхай нь ихэвчлэн залуу эмэгтэйчүүдэд тохиолддог, шинж тэмдэг бараг илэрдэггүй жирэмсний эрт хугацаанд цөөнгүй тохиолддог. Энэ нь үр хөврөлийн эдээс гаралтай уйланхай бөгөөд дотроо үс, шүд, яс, мөгөөрсний эд болон тослог агууламжтай байдаг. Энэ уйланхай нь 15- 16 см хүртэл томорч болдог.

3. Эндометройд уйланхай

Энэ уйланхай нь умайн салстын эдээс гаралтай. Онцлог шинж нь эмэгтэйчүүдэд биений юм өвдөлттэй ирэх, биений юмны хэмжээ ихсэх шинж илэрнэ. Уйланхайны доторхи агууламж нь өтгөн шокаладан бор өнгөтэй шингэн байдаг.

Шалтгаан :

Сар болгон эмэгтэйн нэг өндгөвчинд уйланхай үүсч сарын тэмдгийн дунд үе болоход уйланхай хагарч өндгөн эс боловсорч гардаг. Өндгөвчний энэ үйл ажиллагаа алдагдалтай үед уйланхай хагарахгүй хадгалагдан үлддэг байна.

Шинж тэмдэг : Ихэвчлэн дараах шинж тэмдэгүүд илэрнэ.

§ Биений юм өвдөлттэй ирэх

§ Хэвлийн доод хэсгээр өвдөх

§ Биений юмны мөчлөг алдагдах (их хэмжээтэй ирэх, ирэхгүй байх г.м)

§ Хэрэв уйланхай мушгирах, дотроо хагарвал хэвлийгээр хүчтэй өвдөх, дотор муухай оргих

§ Зарим эмэгтэйчүүдэд шинж тэмдэг илрэхгүй байж болно.



Оношилгоо:

1. Өвчтөнд илрэх зовиурыг асууна. Биений юм өвдөлттэй ирэх, хэвлийн доод хэсгээр өвдөх, биений юмны мөчлөг алдагдах, биений юм ирэхгүй байх гэсэн зовиур илэрнэ. Зарим эмэгтэйчүүдэд зовиур илрэхгүй байж болно.

2. Эмэгтэйчүүдийн дотуур үзлэг

3. Хэт авиан оношилгоо /эхо/ Нэг болон 2 талын өндгөвчинд уйланхай байж болно. Хэвлийгээр болон үтрээний эхо хийнэ. Зарим эмэгтэйчүүдэд эход харуулахад санамсаргүй байдлаар өндгөвчний уйланхай оношлогддог.

4. Эход хараад өндгөвчний уйланхай хавдрын сэжигтэй, цаашид нарийн онош тодруулах шаардлагатай гэж үзвэл компьютер болон MRI шинжилгээ хийдэг.

5. Мөн өндгөвчний уйланхайны үед Са-125 шинжилгээг эмч зөвлөвөл өгөх хэрэгтэй. Өндгөвчний уйланхай нь цөөн тохиолдолд өндгөвчний хавдарт шилжиж болох учраас өндгөвчний хавдрын маркерийн шинжилгээг өгөх нь чухал юм. Энэ үзүүлэлт нь хэвийн үедээ 0-35 U/ml байдаг. Энэ үзүүлэлт нь дан ганц өндгөвчний хавдрын үед ихэсдэггүй, дараах өвчний үед бас ихсэж болдог.

Үүнд: 1.Эндометройд өндгөвчний уйланхай

2.Аденомиоз

3.Умай дайврын хурц үрэвсэл

4.Биений юм ирж байгаа үед ихэсдэг

Энэ үзүүлэлт их гарвал заавал эмчид хандах хэрэгтэй.

Эмчилгээ:

1. Эмчийн зөвлөгөөний дагуу ажиглаж болно. Зарим тохиолдолд ямар ч эмчилгээ хийгээгүй байхад өндгөвчний уйланхай аяндаа өөрөө шимэгддэг.

2. Дааврын эмээр эмчилж болно. Эмчийн заавраар дааврын эмийг ууна.

3. Мэс засал эмчилгээ хийх. Хэвлийгээр нээлттэй болон дурангийн мэс засал хийнэ.

Дараах тохиолдолд мэс заслын эмчилгээ хийнэ.

1. Эмийн эмчилгээнд үр дүнгүй

2. Өндгөвчний уйланхай удаан хугацаанд байсан

3. Хэмжээ том

4. Өндгөвчний уйланхай хагарч цус алдсан

5. Өндгөвчний уйланхай мушгирах

6. Өндгөвчний хавдар болох

13/11/2024

Умай буюу сав нь хүүхэд тээх, биений юм ирүүлэх үүрэгтэй эрхтэн.
Урт 7-8см Өргөн 4-5 см зузаан 2-3см 40-50гр жинтэй.
Умай зузаан булчинлаг хөндийтэй хос бус эрхтэн.
Хүүхэд төрүүлэхгүй удаан явах, дааврын бэлдмэл байнга хэрэглэх, стресс ихтэй, ажлын ачаалалтай байх, янз бүрийн нэмэлт витамин эрдэс уух, үтрээний үрэвслээр байнга өвдөх зэрэг шалтгаан нөлөөлөх хүчин зүйлсээс болоод өвддөг.

12/11/2024

Эмэгтэйчүүдийн эмчид үзүүлээд ч дутуухан эмчилгээ хийлгэж, дундуурхан сэтгэл ханамжтай байна уу? 😢
Поппи эмч нь танд хэрэгтэй чадварлаг, таны яриаг дуустал сонсож чадах эмчийг танд олж өгч болно шүү.
Коммент хэсэгт 1 гэж бичээд үлдээгээрэй. 👩

11/09/2024

Санамсаргүй бэлгийн хавьталд орвол яах вэ?
1. Боломжтой бол эмнэлэг явж, шинжилгээ өгч эмчид үзүүлээрэй.
2. Заг хүйтэн өвчнийг тестээр шалгаарай. (Хамгийн элбэг тохиолддог Бэлгийн Замын Халдварт өвчин бол ЗАГ ХҮЙТЭН)

Заг хүйтэн өвчнийг өөрөө амархан оношлох боломжтой тест авахыг хүсвэл 99025768 дугаараар холбогдоорой.

Үнэ: 40000₮

Бүсгүй бүрийн дотны зөвлөгч найз
Эрүүл энхийн төлөө

09/05/2024

Санамсаргүй бэлгийн хавьталд орвол яах вэ?
1. Боломжтой бол эмнэлэг явж, шинжилгээ өгч эмчид үзүүлээрэй.
2. Жирэмсэн болсон эсэхээ тестээр шалгаарай
3. Бэлгэвч хэрэглэсэн бол маш сайн байна. Өөрийгөө олон зүйлсээс хамгаалж чадсан гэсэн үг
4. Хэн нэгэнтэй хуваалцмаар санагдвал поппи эмч лүүгээ бичээрэй.
5. Үтрээнээс эвгүй үнэртэй зүйл гарвал заавал эмчид хандаарай.

Зүгээрдээ . Хааяа нэг иймэрхүү зүйл тохиолддог л юм. Хамгийн гол нь өөрийгөө хамгаалах бэлгэвчээ л хэрэглэдэг байвал болно доо. Зүрхний анд ПОППИ эмчээс нь

09/05/2024

ҮТРЭЭНЭЭС МУУХАЙ ҮНЭР ГАРАХ ҮЕД
1. МӨӨГӨНЦӨР
2. ХЛАМИД
3. ЗАГ ХҮЙТЭН
4. ТРИХИОМОНАЗ
5. НЯНГИЙН ҮРЭВСЭЛ
байх боломжтой. Аль өвчин бэ? гэдгийг ялган оношилж эмчилгээг хийнэ.

14/04/2024

СЭТГЭЛ ГЭХ САЛХИ ШИГ ТОГТВОРГҮЙ ЗҮЙЛ
САЛХИЙГ БҮҮ ДАГА
1. БЯСАЛГАЛ ӨГЛӨӨ 5 МИНУТ ХИЙ
2. ГУНИГЛАВАЛ ТА ШУУД БОСООД ДАСГАЛ ХИЙ
3. ЮУ Ч БОЛСОН ХИЙХ ЁСТОЙ ЗҮЙЛЭЭ ХИЙ
4. НАЙЗТАЙГАА КОФЕ УУ АРХИ БИШ...
5. УУЛАНД АЛХ

26/02/2024

1. Биений тогтвортой ирж байна уу?
2.Бэлгийн харьцааны үед өвдөж байна уу?
3. ХЭВЛИЙН доод хэсгээр өвддөг үү?
4.Үтрээнээс ялгадас гарч байна уу?
5.Ууц нуруугаар чилж өвдөж байна уу?
Энэ 5 асуултаас 2 -оос дээш тийм гэж хариулсан бол та эмэгтэйчүүдийн эмчид үзүүлэх цаг болжээ.