https://www.facebook.com/117195248142902/

EmchOtgoo.yoga, Ulaanbaatar (2025)

09/11/2023

Бага насны хүүхдэд баяраар чихэр шоколад өгдөг үе өнгөрсөн шүдэ

Ямар ч хүйсний 5 хүртэлх настай хүүхдэд өгөхөд тохиромжтой бэлэгний санааг хүргэж байна.

1. Ном - хэзээд хуучрахгүй, топ бэлэгний нэг. Хүүхдийн нас бага байх тусам ном хатуу, зузаан хуудастай, зураглал, үг цөөтэй байх хэрэгтэй

2. Модон тоглоомууд эдэлгээ удаан, хүүхдийг нээлттэй сэтгэх, олон янзаар тоглоход тусалдаг. Модон блокуудыг Монтессори тоглоом, хэрэглэгдэхүүн гэдэг дэлгүүрээс авч байсан, UNEG toys д бас байдаг, AVDAR TOYS ч мөн адил.

3. Бяцхан амьтдын тоглоом усанд хамт орно, модон блок, машинуудтай сайн зохицоно.

4. Эвлүүлдэг тоглоом (puzzle) Mideer Mongolia-ийн тоглоомууд чанартай, хатуу, савалгаа супер байдаг.

5. Усны сав хэзээд илүүддэггүй, ус уулгахын ач тусыг Tenuuka's mom маш сайн тайлбарладаг, үзээрэй. Усны сав шинэчлэгдэхэд хүүхдийн ус уух хүсэл нэмэгддэг шүү (батлагдсан)

6. Модон нум сум UNEG toys

Овор ихтэй тоглоомууд:

1. Balance beam
2. Balance board toys
3. Gym AVDAR CO

Өөр бэлэгийн санаа байгаа бол comment хэсэгт бичиг бусдадаа түгээцгээе🙌🏼

07/11/2023

Таны хүүхэд баяраар олон найз нөхөд, ах эгчтэйгээ уулзаад өдөржин тоглосны дараа унтахын өмнө нилээд уйлж хэцүүхэн оройг өнгөрүүлж байсан л биздээ.

Бяцхануудыг энэ үед айсан гэж үздэг.

Энэ нь таны хүүхдийн тархи асар их мэдээллийг хүлээж авсаны дараа боловсруулахад хүндрэл учирж байна гэсэн үг.

Яаж тайвшруулах вэ?

1. Булчинг ачааллуулах
2. Биед даралт үзүүлэх (хөнжлөөр ороон чанга тэврэх)
3. Сунгалт хийлгэх (5-6 нас хүртэл сунгах шаардлаггүй)

Үүний талаарх бичлэг (рийл) тун удахгүй орох болно 😉

18/10/2023

✨4 настай хүүхдийн бие физиологийн хөгжил

✨Их биеийн хөгжил-
* 40-60см хол үсэрч чадна,
* нэг хөл дээрээ 10с дээш секунд зогсоно, нэг хөл дээрээ үсрэлт хийнэ,
* 2 дугуйт унаж чадна,
* шатаар дээш үсэрч гарч чадна,
* савлуур дээр бие даан өөрийгөө савлаж тоглоно

✨Жижиг булчингийн хөгжил-
* буддаг номны зураас дотор цэвэрхэн будна,
* гутал үдэж сурна,
* товч, шүр хэлхэнэ, хайчаар дүрсийг цэвэрхэн хайчилна

06/10/2023

✨Хэзээ үсэрч эхэлдэг вэ? Булчингууд бэлэн болсон үедээ үсрэлтийг хийж эхэлдэг. Энэ нь ойролцоогоор 2 настайд.

✨Үсрэх үед хамгийн их оролцдог булчингууд бол шилбэний эрээн булчин, тавхайн булчингууд, гуя, өгзөг, нуруу, хэвлийн булчингууд. Тиймээс ч хүүхдийн биеийн хөгжлийг үнэлэх нэг арга нь үсрэх чадвар байдаг.

✨Үсрэх чадвар ойролцоогоор:
* 18-21 сар- Өлмий дээр алхана, суулт хийж булчингуудыг бэлтгэж, зөөлөн гадаргуу дээр үсрэхэд бэлтгэнэ, ихэвчлэн 1 хөл давамгайлж урд тавигдана
* 21-24 сар- 2 хөлөө газраас хөндийрүүлж чадна, 20см зайд үсэрнэ
* 24-30 сар- Бага өндөрөөс доош үсэрнэ, буухдаа гараа урдаа авч тэнцвэрийг олно, нэг үсрэхдээ зогсож чадахгүй олон дахин үсэрнэ
* 30-36 сар- Эд юмс дээгүүр харайна, газардахдаа тэнцвэрээ сайн олно
* 3-4 нас- 45-60 см урт зайд үсэрнэ, 50см өндөрөөс үсэрч бууна
* 4 нас- намхан шат дээш үсэрч гарна
* 5 ба түүнээс дээш нас- дээс үсэрнэ, үсрээд 180градус эргэлдэж газардана.

✨Хэрэв таны хүүхэд:
- 2,5-3 настайд үсэрч чадахгүй бол, үсрэх гэж оролдоод чадахгүй бол
- 3-4 настайд шат доош үсэрч буухаас айж байвал, үсрэх оролдлого хийхдээ үргэлж унадаг бол
- Зөвхөн 1 хөл давамгайлж үсэрч байвал
та хүүхэдтэйгээ хамтдаа дасгал хийж, тоглож хөл, нуруу, хэвлийн булчингуудыг хөгжүүлэх шаардлагтай.

✨Гэрийн нөхцөлд хийх дасгалууд:
- Өлмий дээр алхах, өсгий дээр алхах
- Өлмий дээр зогсож буух
- Мэлхийн үсрэлт хийх (эхлээд суганаас барьж дэмжлэг болох, аажмаар ташаанаас барьж дэмжих, гарнаас барьж дэмжих, эцэст нь бие даалган хийлгэх)
- Намхан сандалаас үсэрч бууж сургах ( дэмжлэгтэй)

✨Аль хэдийн үсэрч сурсан хүүхэдтэй хамт тоглох тоглоомын санааг рийлээр хүргэх болно.

03/10/2023

3 настай хүүхдүүд бие даасан байдал руу шилжиж бүгдийг өөрөө хийхийг хүсэж эхлэнэ. Өөрийн хүслээр болоогүй зүйлсд гуниглаж, уурлана. Энэ үед бие даасан байдлыг дэмжиж өөрөөр нь хувцасыг нь өмсүүлж, тайлуулж, эвхүүлж, гэрийн хөнгөн ажил хийлгэж болно (ширээ арчих, шал арчих, тоос арчих гэх мэт).

Биеийн хөгжлийн хувьд булчингуудаа хангалттай удирддаг болсон учир унаж бүдрэлгүй хурдан гүйдэг, үсэрдэг, авирдаг, нүдээ аниатай алхдаг болсон. Гурван дугуйт, скутер унаж чадна. Бөмбөгийг төрөл бүрээр ашиглаж чаддаг болсон учир эцэг эхчүүд хамтдаа тоглох тоглоом илүү төрөлжисөн байгаа.

Дан ганц их биеийн хөгжилөөс гадна гарын жижиг булчингуудыг хөгжүүлэх тоглоомоор хамтдаа тоглоорой. Зураг будах, блокоор байшин босгох, том шүр хэлхэх гэх мэт.

02/10/2023

✨Босоо тэнхлэгт шилжих буюу хөлд орох процесс шууд явагддаггүй. Хүний биеийн булчин шөрмөс бага багаар удирдагдаж, идэвхижиж хөл дээр зогсох хүртэл хэд хэдэн үе шатыг давдаг.

✨Хүүхэд хөлд орох үндсэн үе шатууд:

1. Толгой даах
2. Эргэх
3. Мөлхөх
4. Бие даан суух
5. Дэмжлэгтэй зогсох
6. Бие даан алхах

✨Эдгээр үе шатуудыг алгасах, огт гүйцэлдүүлэхгүй байх тохиолдолд хүүхдийн цаашдын тэнцвэр олох, хэлд орох, анхаарал төвлөрөл, булчингийн жигд хөгжил (зөв алхах гишгэх, тавхайн хавтгайрал, нурууны муруйлт), шийдвэр гаргалт гэх мэтчилэн их биеийн болон тархины хөгжилд асах их нөлөө үзүүлнэ.

✨Ихэвчлэн эцэг эхчүүд анзааралгүй үе шатуудыг гажуудуулдаг. Жишээ нь хүүхдийн өсөж хөгжих орон зайг хязгаарлах (даарчихна, элдэв цахилгаанд хүрчихнэ гэх шалтгаанаар манежнд байлгах, хашлага хийх), хөлд оруулагчид зогсоох, хүчээр дэр эвэн суулгах г.м.

✨Хүүхдээ чөлөөтэй эргэлдэх, мөлхөх, зогсох, алхах, гүйх орчинг бэлдэж, хүүхдийг өөрөөр нь хөгжүүлэхийг уриалж байна.

✨Дараа дараагийн постуудаар тусгайлан мөлхөх, суух, алхах үйлдлийг задлан тайлбарлах болно.

20/09/2023

2 нас бол хүүхдийн хөдөлгөөний үндсэн чадвар буюу алхалттай холбоотой бүх зүйлсийг төгсрүүлэх үе. Тиймээс 2 настангууд гүйх, үсрэх, авирах үнэхээр дуртай.

2 насанд эзэмшсэн байх чадварууд:
- өөртөө бүрэн итгэлтэй алхах, гүйх
- тэнцвэрээ олж сууж босох
- араараа, хажуулдаж алхах
- шатаар бусдын тусламжтай, эсвэл бариулаас барьж 1-1 шатаар өгсөж уруудах
- үсрэх
- ирсэн бөмбөгийг 2 гараараа барьж авах
- бөмбөг шидэх, өшиглөх

Гарын жижиг булчингуудыг ажиллуулахдаа:
- жижиг эд зүйлсийг хайрцганд хийх
- цахилгаан татах
- халбага, сэрээ хэрэглэх
- шоогоор байшин барих

Гарын жижиг булчин, хэл ярианы хөгжил-тэй хэрхэн уялдаж холбогддог талаарх рийл тусдаа орох болно.

Танд таалагдсан бол бусдад түгээж өгнө үү?

19/09/2023

✨Хүүхэд төрсөн цагаас О хэлбэрийн (varus) хөлтэй байдаг ба хөлд орж тэнцвэрээ бүрэн олж сайн алхдаг болсон үеээс, ойролцоогоор 2 настайд хөл тэгширнэ. Үүнээс цааш хүүхдийн хөлний нум дөнгөж хөгжиж эхлэнэ, энэ үеээс хүүхэд дотогш гишгэж хөл Х хэлбэр (valgus) олж, ойролцоогоор 6 настайд хүүхдийн нум бүрэн хөгжиж алхаа гишгээ тэнцвэржиж хүүхдийн хөл өөрийн хэлбэрийг олно.

✨Үсний өнгө, нүдний өнгө, биеийн өндөр аав ээжийнхээ хэн нэгэнийг дуурайдагтай адил ясны бүтэц, хэлбэр мөн удамшдаг.

✨Хэрвээ эцэг эхийн хөл удмын Х эсвэл О хэлбэрийн хазайлттай бол хүүхдийн хөлийг тогтмол шалгуулж тохирсон гутлыг өмсгөж, тохирсон дасгал хөдөлгөөнийг хийж хэвшүүлэх нь зүйтэй.

✨Тиймээс та бүхэн хүүхдийнхээ хөлний нумыг тогтмол анзаарч, алхаа гишгээг ажиглах шаардлагтай.

✨Хэрвээ таны хүүхэд 4 нас хүрсэн хэдий ч
-хөлний ул хавтгай,
-хэт гадагш гишгэлттэй,
-шагай хэт дотогш хазайсан ,
-өвдөгний үе хэт Х хэлбэртэй бол ГССҮТ-д үзүүлэх хэрэгтэй.

✨Зураг дээр 2 нас 8 сартай охин маань зогсож байна. Өвдөгний үе дотогш хазайж Х хэлбэртэй, алхаа гадагш чиглэсэн, хөлний нум бага зэрэг үүссэн. Энэ нь хэвийн. Бид цаашид ажиглаж явах болно, учир нь охин маань 1нас хагастайд О хэлбэртэй, 2 настайд тэгшхэн хөлтэй байсан. Өсөлт хөгжлийн үе шатын дагуу явж байгаа.

✨Танд нийтлэл таалагдсан бол бусдад түгээж өгнө үү.

12/09/2023

✨1 настай хүүхдийн бие физиологийн өсөлт хөгжил

✨Хүүхэд 11-12-13 сартайд хөлд орно. ДЭМБ аас 18 сар хүртэл хүүхдийн хөлд орох хугацаа гэж зааж өгсөн байдаг.

✨Гэхдээ хэрвээ таны хүүхэд 13 сартайд 4 хөллөж мөлхөхгүй байгаа бол 18 сар хүрэхийг хүлээлгүй арга хэмжээ авах нь зүйтэй.

Охин маань 8 сартайд мөрхөж чадахгүй байгаад би санаа зовж хүүхдийн булчингийн хөгжлийн талаар судлаж эхэлсэн билээ. Үүнээс хойш массаж, дасгал хийсний эцэст охин маань 9 сартайдаа 4 хөллөн мөлхөж, өөрөө хэвтээ байдлаас сууж сурсан. хожуу мөлхөж сурсан учраас 14 сартайдаа бие даан алхаж сурсан.

Хэдий хэдхэн сарын зөрүү яригдаж байгаа ч огт хэрэгжүүлэлгүй өөрийг нь алхаж сурахыг хүлээж эсвэл хөлд оруулачид суулгасан бол охин маань өсвөр насандаа нуруун муруйлт үүсэх, насанд хүрсэн үед нурууны суулт, цүлхийлт үүсэх магадлал хэд дахин нэмэгдэх боломжтой юм.

✨Далайд дусал нэмэр гэхчээр балчир үеийн булчингийн хөгжил амьдарлын чанарт асар их нөлөө үзүүлдэг.

✨1 настайд орчин тойрноо таних, судлах үе эхэлдэг.

Насанд хүрсэн хүний тархи- их биеийн уялдаа холбоо “Тархинаас-Гар хурууруу” буюу бид тархинаас мэдээллийг гар луу өгдөг бол нялх балчир хүүхдийн уялдаа холбоо “Гар хуруунаас- Тархи руу” буюу гараар мэдэрсэн мэдээллийг тархи руу дамжуулах процесс явагддаг.

Бие даан хүссэн газраа очиж чаддаг болсон учраас бүх зүйлсийг барьж, хэлээрээ мэдэрч, ямар хэлбэртэй, ямар амттай, ямар үнэртэй, аюултай эсэх гэх мэт барьж буй биетийн талаарх мэдээллийг цуглуулдаг. Тиймээс хүүхдийн биед шууд аюул учруулах зүйлсээс бусад эд хогшлыг цэвэрлэж өөрт нь таньж мэдэх боломжийг олгох хэрэгтэй.

10/09/2023

☀️Хүний хөлөнд 26 ясыг холбодог 33 холбогч үеүүд байдаг ба 100 гаруй булчин, шөрмөстэй.

☀️Тавхайн нум нь пүршний үүрэг гүйцэтгэдэг ба биеийн жинг хуваарилахад тусладаг.

☀️Хүүхдийн ул төрөхдөө л тавхайн нумгуй, өөхөн эдээр бүрэгдсэн хавтгай ултай байдаг ба хавтгай ул нь хүүхдийг зогсоход, алхаж сурахад тэнцвэрээ олоход тусалдаг бөгөөд хүүхэд томрох тусам өөхөн эд шимэгдэж ойролцоогоор 5 наснаас хойш том хүний хөлийн ултай адилхан нумтай болно.

☀️Дангаараа хавтгай улны эмгэг эсвэл ямар нэгэн өвчний шинж тэмдэг болдог хавтгай ул нь маш ховор тохиолддог .
Удамшил, гэмтэл гэх мэт олон шалтгаанаас болж үүсдэг.

☀️Энэхүү эмгэгийн оношлогоо эмчилгээг сүүлийн үед podiatrist хэмээх хөлний эмгэгийн эмч шийддэг болсон.

☀️Хавтгай ултай хүүхэд дасгал хөдөлгөөн, зөв улавчны тусламжтай бие өсөхийн хэрээр эрүүл тавхайтай болох боломжтой юм.
☀️Хавтгай улнаас сэргийлэхийн тулд хүүхдийг аль болох хөдөлгөөнтэй байлгаж гүйх, харайх, тоглох орчинг бүрдүүлж, хүүхдийн гуталыг нумтай нумгүйгээр сонгох биш, алхахад хир эвтэйхэн байна, гуталын ул хир уян хатан нугаларч байна гэдгээр сонголт хийх хэрэгтэй.

☀️Нум үүсгэх хөгжүүлэх дасгалыг дараагийн постоороо хүргэх болноо.

EmchOtgoo.yoga

09/11/2023

07/11/2023

18/10/2023

06/10/2023

03/10/2023

02/10/2023

20/09/2023

19/09/2023

12/09/2023

10/09/2023

Address

Telephone

Website

Alerts

Contact The Practice

Shortcuts

Share

Category