19/12/2025
👨⚕️Манай эмнэлэгийн Дурангийн эмч Отгондэмбэрэлийн Болор эмч нь ОХУ-ын Нижний Новгород хотод 2025 оны 12 дугаар сарын 03-наас 5-ны өдрүүдэд зохион байгуулагдсан “Хоол боловсруулах замын эрт үеийн хавдар, хавдрын урьдал өвчний дурангийн оношлогоо, эмчилгээ, салст хуулах хагалгаа (ESD)” сэдэвт онол-практикийн олон улсын хуралд эксперт эмчийн хувиар албан ёсоор уригдан оролцож, сургалтын онол, практик хэсгийг удирдан явууллаа.
Энэхүү хурал, сургалтанд ОХУ-ын 20 орчим хотоос 40 гаруй дурангийн эмч, мэргэжилтэнгүүд оролцсон бөгөөд О.Болор эмч маань эксперт эмчийн хувьд: ОХУ-ын эмч нарт эрт үеийн хавдрын дурангийн оношлогоо, салст хуулах хагалгааны (ESD) заалт, техник, тактик, үр дүн, хүндрэлээс сэргийлэх болон удирдах аргачлалын талаар илтгэл тавьж, амьд гахайн дээр гардан дадлага сургалтыг удирдан, салст хуулах хагалгааны арга зүйг зааж, мөн түүнчлэн сургалтын хүрээнд дурангийн аргаар өрцний эвэрхийн хагалгаа болон бүдүүн гэдэсний салст хуулах хагалгааг хоёр бодит өвчтөнд өөрийн биеэр амжилттай хийж, туршлага, ур чадвараа олон улсын түвшинд хуваалцаж, хоол боловсруулах замын хавдрыг эрт үед нь илрүүлэх, мэс заслын бус дурангийн аргаар эмчлэх дэвшилтэт технологийг түгээн дэлгэрүүлэх, эмч нарын практик ур чадвар, клиник сэтгэлгээг сайжруулах чухал ач холбогдолтой арга хэмжээ боллоо гэж зохион байгуулагч тал дүгнэн дахин ийм төрлийн арга хэмжээнд урьсан байна.
О.Болор эмч тандаа халуун баяр хүргэж цаашдын ажил үйлсэд нь өндөр амжилт хүсье 👏👏👏
Анд медикал центр эмнэлэгийн хамт олноос нь 💕💕💕
