31/03/2025
“ТЭГШ БОЛОМЖ” ЭРДЭМ ШИНЖИЛГЭЭНИЙ ХУРАЛЫН ЗОЧИН ИЛТГЭГЧ
JCI Централ салбар байгууллага, Монголын Архитекторуудын Эвлэл (МАЭ) хамтран “Тэгш боломж: Монгол дахь хүртээмжтэй дизайны хөгжил” сэдэвт эрдэм шинжилгээний хурал зохион байгуулах гэж байна. Уг эрдэм шинжилгээний хурлын үндсэн зочин илтгэгчийг та бүхэнд танилцуулж байна.
BIG-ийн тухай
BIG (Bjarke Ingels Group) нь Копенхаген, Нью-Йорк, Лондон, Барселона, Шэньжэнь хотуудад салбартай, архитектур, дизайны олон чиглэлийн мэргэжилтнүүдээс бүрдсэн олон улсын байгууллага юм. Тус компани нь Европ, Хойд Америк, Ази, Ойрх Дорнодын олон улсад томоохон төслүүд дээр ажиллаж байна.
BIG-ийн архитектур нь өнөө цагийн амьдрал хэрхэн хувьсан өөрчлөгдөж байгааг нарийвчлан судалсны үндсэн дээр бий болдог. Өнөөдрийн нийгэмд олон соёлын солилцоо, дэлхийн эдийн засгийн урсгал, харилцаа холбооны технологийн хөгжил зэрэг хүчин зүйлс хот байгуулалт, архитектурын шинэ хэв маягийг шаарддаг.
BIG нь барилгын салбарт шинэ арга барил нэвтрүүлж, уламжлалт хэв маягаас ангид, ирээдүйг чиглэсэн бодит шийдлүүдийг эрэлхийлдэг. Манай уран бүтээлүүд орон сууц, амралт, ажиллах орчин, авто зогсоол, худалдааны орон зай зэрэг элементүүдийг ухаалгаар хослуулан шинэ орон зай, хэрэглээний боломжуудыг бий болгодог.
Кай-Уве Бергманн
Кай-Уве Бергманн нь BIG-ийн түнш бөгөөд дэлхий даяарх төслүүдэд архитектурын өндөр мэдлэг, туршлагаа оруулж буй манлайлагч юм. Тэрээр компанийн бизнес хөгжлийн чиглэлийг хариуцаж, BIG-ийг 40 гаруй оронд төсөл хэрэгжүүлэхэд удирдан чиглүүлж байна.
Түүнчлэн, Кай-Уве BIG-ийн хот төлөвлөлтийн төслүүдийг ахалж, ландшафтын дизайны ажлуудыг дэмждэг. АНУ-ын 15 муж болон Канад улсад мэргэшсэн архитекторын эрхтэй. Түүний оролцсон томоохон төслүүдийн нэг нь Манхэттэний эргийн 16 км нутгийг үерийн аюулаас хамгаалах BIG U төсөл юм. Энэ санаачилга нь Супер хар салхи Сэндигийн дараах сэргээн босголтын "Rebuild by Design" уралдаанд анх танилцуулагдаж, 2026 он гэхэд бүрэн дуусах төлөвтэй байна.
Мөн Кай-Уве "Brooklyn Bridge-ийн шинэчлэл," "Brooklyn Queens Park," "Smithsonian Master Plan," "Pittsburgh Master Plan," "Miami Beach Square" зэрэг төслүүдэд оролцсон. Архитектурын салбар дахь туршлагаа хуваалцах үүднээс тэрээр Жоржиа Технологийн Их Сургууль, Пенсильванийн Их Сургууль, Испанийн IE Их Сургууль, Виржиниагийн Их Сургууль зэрэг нэр хүндтэй сургуулиудад багшилж байсан.
Тэрээр Van Alen Institute-ийн удирдах зөвлөлд ажиллаж байсан бөгөөд олон улсын архитектурын уралдааны шүүгчээр оролцож, BIG-ийн бүтээлүүдийн талаар дэлхий даяар илтгэл тавьдаг.
Илтгэгчдийн бүтээлийг:
Хураангуй (300 үг) болон био-г 2025 оны 4-р сарын 11-ний дотор дараах бүртгэлийн маягтаар (https://forms.gle/Bt1UzSzmfQUfbq5AA) илгээнэ үү.
Сонгогдсон бүтээлийг илтгэгчдэд 4-р сарын 18-ны дотор мэдэгдэнэ.
Зөвхөн бүртгүүлсэн хүмүүс хурлыг сонсох боломжтой бөгөөд энэ (https://forms.gle/Q6VL3RvkxLc9v9Lq9) бүртгүүлж байраа баталгаажуулаарай.
Ерөнхий зохион байгуулагч:
JCI Централ салбар байгууллага,
Монголын Архитекторуудын эвлэл
Хэзээ: 2025 оны 4-р сарын 18-нд
Хаана: Монголын Архитекторуудын эвлэлийн байр, 3 давхар, Хурлын заал
Холбоо барих:
equalopportunities.uma@gmail.com
+976 9111 1466.
Facebook
https://www.facebook.com/mae.uma
https://www.facebook.com/JCICentral
Вэб сайт
https:// https:/uma-official.github.io//jcimongolia.mn/homepage)
