23/02/2025
УЛААН БУРХАН ӨВЧНИЙ ТАЛААРХ ТҮГЭЭМЭЛ АСУУЛТЫН ХАРИУЛТ
1. Улаан бурхан хэр халдвартай өвчин бэ? Вакцин найдвартай хамгаалах уу, ямар нэг гаж нөлөөтэй юу?
Улаан бурханы вакцин хийлгээгүй тохиолдолд хавьталд орсон 100 хүний 90 нь өвчлөх болно. Харин вакцины 1 тунг тариулсан 100 хүний 7 нь өвчилдөг бол 2 тунгаа бүрэн тариулсан бол ердөө 3 нь л өвчлөх болно. Вакцин тариулсан бол хөнгөн өвчлөх тул хүндрэхгүй. Улаан бурханы вакцин нь насан туршийн дархлаа тогтоодог.
Аль ч вакцин тэр дотроо улаан бурханы вакцин аутизм үүсэх шалтгаан болдоггүйг шинжлэх ухаан нотлосон.
Улаан бурхан, гахайн хавдар, улаануудын вакцины (УГУ) дараа тарьсан хэсэгт улайж хавдаж хөндүүрлэх (30%), халуурах (27%), бага зэргийн тууралт гарах (6%) шинжүүд илэрч болно.
2. Улаан бурхан өвчний үүсгэгч вирусийг яаж устгах вэ?
Вирус нь гадаргуу дээр 2 цаг амьд байх чадвартай. Ахуйн хэрэглээний халдваргүйжүүлэгч бодисууд нь улаан бурханы вирусыг түргэн хугацаанд амархан устгадаг. Иймд ойрын хугацаанд, ялангуяа цагаан сарын өдрүүдээр жишээлбэл Английн Деттол брэндийн ахуйн халдваргүйжүүлэгчээр хүүхдийнхээ тоглоом, хаалганы хонх, бариул, сандал ширээ, шалаа ариутгах нь вирусыг найдвартай устгах болно.
3. УГУ вакцин тариулах нас нь болоогүй хүүхдүүд яаж хамгаалагддаг вэ? Эцэг эхчүүд юу хийх хэрэгтэй ю?
Эх жирэмслэхээсээ өмнө улаан бурхнаар өвчилж байснаас эсвэл вакцин хийлгэснээс тогтсон өвөрмөц дархлаа нь (IgG) урагт дамждаг боловч хүүхдийг 6 сар хүрэхэд аажмаар буурч өвчлөхөөс бүрэн сэргийлж чадахгүйд хүрдэг. Гэхдээ эхийн сүүгээр хүүхдэд IgA гэх дархлааны уураг буюу эсрэг бие очдог ба энэ нь хүүхдийн ам, хамрын хөндий, хоол боловсруулах замын салстын гадаргуу дахь гадны вирус, нянтай холбогдон эд эс рүү нэвтрэхээс сэргийлж байдаг юм. Иймд хөхөөр хооллох нь зөвхөн улаан бурхан бус амьсгалын замын вирусын халдварууд, суулгалт өвчнөөс сэргийлэхэд ихээхэн ач холбогдолтой. Хүүхэдтэйгээ олон нийтийн газраар явахгүй байх нь 9 сар хүрээгүй хүүхдээ хамгаалах үндсэн арга юм.
4. Хэрвээ гэр бүлийн маань хэн нэг нь улаан бурханаар өвчилсөн байж болзошгүй байвал хаана хандаж юу хийх вэ?
Та болон таны гэр бүлийн хэн нэгэн улаан бурханаар өвчилсөн байж болзошгүй тохиолдолд гэртээ тусгаарлагдан өрхийн эмчээ эсвэл дуудлагын үйлчилгээ дуудах мөн ХӨСҮТ-ийн 89016199 дугаарт холбогдон зөвлөгөө аваарай. Зинт клиникийн дуудлагын утас 85050949. Хэрвээ эмнэлгийн байгууллагаар үйлчлүүлэх зайлшгүй хэрэгтэй гэж үзвэл заавал урьдчилан утсаар мэдэгдэх шаардлагатай.
А аминдэм нь улаан бурханаас сэргийлэхгүй ч түүний хүндрэл, нас баралтаас сэргийлдэг тул цаг алдалгүй уулгаж эхлэхийг Дэлхийн Эрүүл Мэндийн Байгууллага зөвлөдөг. Улаанбаатарт бий болсон нөхцөл байдлыг тооцон 0-9 сартай хүүхдэдээ АНУ-ын Три-Вайт (А, С, Д аминдэм агуулсан) бэлдмэлийг уулгаж болно.
Зинт клиникийн хүүхдийн эмч Т. Амартүвшин
